Innholdsfortegnelse for 25 May 2018 i Vrouekeur

My eie verjaardag is nie vir my ’n okkasie nie. Dis nie asof ek die oggend wakker word en ’n jaar ouer voel nie. Die ouerwordproses gebeur in elk geval langsaam – dit bekruip jou mos skelm en as jy op ’n dag in die spieël kyk met jou leesbril op, skrik jy vir die vreemde vrou wat vir jou kyk, want sy het plooie. As ’n mens vir die 58ste keer aan jou geboortedag herinner word in die jaar 2018, is die tyd van verjaardagkaartjies lankal verby. Sosiale media maak dit moontlik vir vele mense om ’n wens van geluk aan jou te stuur. Só lui een van die mooi boodskappe op my Facebook Messenger: “Voordat die vloed van verjaardagwense jou tref, wil ek net gou hier inloer en…

DIE KRAG VAN RISSIES ’n Man wat in ’n rissie-eet-kompetisie die wêreld se sterkste rissie geëet het, is met ’n hewige hoofpyn in die hospitaal opgeneem. Die man het een Carolina Reaper-rissie geëet. Hierdie hoofpyn, wat as thunderclap-hoofpyne bekendstaan word veroorsaak deur die skielike vernouing van die are wat bloed na die brein vervoer. Blindes kan weer sien Britse dokters kon die sig van twee mense wat weens ouderdomsverwante makulêre degenerasie blind geword het, gedeeltelik herstel danksy stamselterapie. Die stamselle van ’n menslike embrio is in ’n spesifieke tipe oogsel omskep. Die stukkie wat in die laboratorium gekweek is, is toe in een van die oë van die pasiënte ingeplant, waarna hul sig verbeter het. ‘Dwelm’ vir depressie Ketamien, wat as ’n narkosemiddel geregistreer is, maar ook bekend is as…

Toe my arme karretjie in vlamme uitslaan voor ek nog uit die vallei is, was dit klaar te laat. Ek het my laat vaswoel in die spinsels van ’n draaijakkals. Ek moes met die eerste oogopslag geweet het watse karakter voor my staan. En eintlik hét ek geweet. Sy blink agteroorgekamde hare wat agter sterte maak. Sy skunnige rondloerdery in die kamer soos ’n jakkals in ’n skaapkraal. Die pvc-blink skoene, die oordrewe gespe aan sy belt, die laag oopgeknoopte hemp met die breë kraag. Die maergatlyfie in die klere soos dié van ’n uitgehongerde kat. Die probleem is, ek was self iets van ’n uitgehongerde. Ná die vertrek van my eerste huurder in die huisie wat ek nie kon bekostig nie, moes ek dringend adverteer vir iemand anders wat…

Snoesig Draai jou hierdie winter in ’n luukse sybokhaaren-wol kombers in die mooiste kleure toe. Was dit met die hand in louwarm water en laat plat droog word. Ongeveer R3 605. Beskikbaar in ses ontwerpe. www.linen-drawer.co.za Bring ’n slaai! Hierdie oulike slaaibak is ideaal vir wanneer jy gaan piekniek hou of die een is wat die slaai na die braai moet bring. Die deksel pas dig op die bak en die slaailepels druk op die deksel vas. Dus maklik om te vervoer en niks val uit nie. R169, www.yuppiechef.com Vars wasgoed Personal Touch Concentrate bied 21 wasse per 750 ml-bottel. Nie net spaar jy geld nie, maar die formule help ook om klere versorg te laat lyk. Beskikbaar in vier vars geure – Wild Orchid, Cotton Pure, Floral Breeze en…

Die Johannesburg Filharmoniese Orkes, in die omgang bekend as die Johannesburg Philharmonic of die JPO, het sy seisoen vir die tweede kwartaal, of te wel die winterseisoen, aangekondig. Op vaste voet nadat die Stad Johannesburg besluit het om die JPO vir drie jaar te steun met R10 miljoen per jaar, het die orkes ’n stewige eerste seisoen vanjaar agter die rug en begin nou sy tweede seisoen van vier weke op 30 Mei. Dié seisoen duur tot 21 Junie. Vier besoekende dirigente tree op: Daniel Boico, Brandon Phillips, Conrad van Alphen en Cathrine Winnes. Die vier soliste is Charl du Plessis (klavier), Alexander Buzlov (tjello), Nikita Boriso-Glebsky (viool) en Spencer Myer (klavier). Die program vir 30 en 31 Mei begin met Dmitri Sjostakowitsj se Feesouverture, op. 96, gevolg deur George…

Die Afrikaanse musiekmark ontplof – veral met nuwelinge! Verlede jaar het 25 nuwelinge vir die Ghoematoekennings opgelewer – en dit is slegs die CD’s wat ingeskryf is. Oppinoot sal nog daarna luister en tot ’n gevolgrekking kom. Vandeesweek luister ons egter na twee van vanjaar se nuwelinge: Wynand Breedt en Dirk Lazenby. Hul meriete lê veral daarin dat ’n nuwe produksieshuis – Traxtudio/Red Revolution, onder leiding van Riaan Steyn – hul albums verwerk en vervaardig. Dit verseker klaar ’n vars klank. En dan skram hulle boonop van voorspelbare treffersparadetendensies weg. In die plek daarvan kry die luisteraar musiek wat ernstiger as die middelmootgeteem is waarmee ons nou al tot vervelens toe verneuk word. Luister net ... WYNAND BREEDT SE GEE MY EEN WENS Die sanger, musikant en liedjieskrywer Wynand Breedt…

WAT HET JY NODIG? 3 (4) balle (50 g) in Kartopu Baby Natural Prints in kleur H1806 Een paar elk 3 mm- en 3,25 mm-naalde Steekhouers GROOTTE 3–6 (6–12) maande SPANNING 20 ste en 27 rye = 10 cm oor ks met 3,25 mm-naalde AFKORTINGS aw – aweregs r – regs R(V)K – regte(verkeerde) kant tes – tesame vmeer – vermeerder vmin – verminder AANWYSINGS AGTERPANT Met 3 mm-naalde stel 58(64) ste op en werk 7 rye in 2x2-rif. 8ste ry: rif en vmin eweredig tot 52(58) ste. Met 3,25 mm-naalde gaan voort in ks tot werk 13(17) cm lank is, eindig met VK-ry. Mousgatvorming Werk 5 rye en vmin 1 st aan weersk van elke ry tot 42(48) ste. Gaan voort sonder om te vorm…

Ons het die pas afgelope naweke ’n kamp met ons gemeente se jongmense gehad. Ons kinders is so besig met skool- en sportaktiwiteite dat dit voorwaar spesiaal was om hulle op ’n kerkkamp weg te voer. Dit was ’n voorreg om so ’n bietjie in hul geestelike lewens te kon inloer en hulle opnuut te help fokus op wat werklik belangrik is, sodat hulle weer die eise van die lewe kan aandurf. Ons het veral ons fokus op identiteit laat val. As jy in die spieël kyk – wie is jy? Is dit ’n vraag waarmee net tieners worstel? Ek dink tot ons oud en grys is, probeer ons almal dit nog uitpluis: Wie is ek? Kom daar vinnig name by jou op wat mense al vir jou gegee het…

GROOT GESKENK Ons huistaal is Engels, maar ek koop gereeld een Afrikaanse tydskrif om my geboortetaal, Afrikaans, te geniet en te lees. Die prys van die Afrikaanse glanstydskrifte het oor die jare so gestyg en daar is meer advertensies as leesstof in, bekla ek my lot by my sus in Gauteng. “Man, ek koop net een tydskrif en kry alles en nog meer daarin. Probeer dit – dis Vrouekeur,” vertel sy. Ek het nog nooit van die tydskrif gehoor nie en laai toe met my volgende inkopietog een in. Nie alleen is dit bekostigbaar nie, maar ek was verstom oor die inhoud. Vrouekeur is myns insiens een van die beste tydskrifte op ons rakke. Daar is nie te veel advertensies nie en baie leesstof wat opbouend en leersaam is wat…

Kuns was van kleins af een van Will Ferreira se passies. Hy onthou hoe sy gesin dikwels tydens sy laerskoolloopbaan getrek het en hy van skool tot skool moes skuif. In standerd twee in Laerskool Rand-burg het sy wetenskap- en kunsonderwyser, Coetzee Roux, Will se kunstalent raakgesien. Die onderwyser was pro-aktief betrokke by die bevordering van kuns in die gemeenskap en het jaarlikse kunsuitstallings gehou waar bekende kunstenaars se werk uitgestal is. Die skoolkinders se kuns is ook daar uitgestal en die kunstenaars het besluit wie die meeste talent het. Will het gewen en hy onthou die kunsklasse by Gert Pietersen wat deel van sy prys was. “Ek het steeds van sy skilderye in my huis en onthou hom baie goed,” vertel Will. Will se aanlegtoetse het gewys dat hy…

Blaas dit groter SKOENE TE STYF? DRA DIK KOUSE IN DIE SKOENE EN BLAAS DIT OP WARM MET DIE HAARDROËR. Vlekvrye staal Sit ’n bietjie olyfolie op ’n lappie en vryf liggies oor oppervlaktes waar daar watervlekke of vingermerke op is. Poets dan liggies met ’n skoon lap om die olie te verwyder. BESKADIGDE GORDYNE Vou gordyne wat te veel son gekry het op voor jy dit liggies in water met ’n koppie sout of twee was. GOOI DIE SOUT As ’n bakpan oorkook in die oond, gooi ’n bietjie sout op die merke en as die oond eers afgekoel het, vryf dit skoon. HET JY GEWEET? ’N PUIMSTEEN IS NIE NET VIR VOETE NIE! GEBRUIK DIT OM WOLLETJIES VAN TRUIE AF TE HAAL. SÊ KAAS Hou kaas vars deur…

WENKE • Die vleis en groente moet baie goed verkleur wees. Dis waar al die geure lê. • Maak seker al die bestanddele is die hele tyd onder water. • Aftreksel moet nooit kook nie, maar stadig prut. • Hoe meer jy die skuim afskep, hoe helderder sal die aftreksel wees. • Hoe langer die aftreksel kook, hoe beter. BASIESE BRUINAFTREKSEL ongeveer 1 liter 500 g beesvleis en bene 1 ui, gekap 1 wortel, gekap 1 selderystingel, gekap 2 pietersielietakkies 1 lourierblaar 2 tiemietakkies 3 peperkorrels 1,5 l koue kraanwater 1 Verhit olie in groot kastrol en braai vleis en bene tot bruin. Skep uit en hou eenkant. 2 Gooi ui, wortels en seldery in kastrol en verbruin. 3 Skep vleis en kruie by groentemengsel. 4 Gooi water by mengsel.…

As jou lyf nie meer weet hoe gemaak met die stres en kommer wat jy saamdra nie, is niksdoen net die regte medisyne, vind ons twee – wat gewoonlik net wil gaan ontdek – toe uit. Met die kamerdeur se oopswaaislag by die Arniston Spa Hotel, sien ons ons is letterlik net ’n grasperk en klein pad weg van die kliprotse waarteen die Indiese oseaan potblou uitspoel. Al ons planne van avonture soek, wyk net daar. Ons gaan sit op ons stoep. Twee seuntjies ry saam-saam op ’n te klein fiets. By hul hakke hap twee honde, een nog so klein en onvas op sy voete dat hy die meeste van die tyd oor sy eie lomp pootjies val. Ons het die beste sitplek in hierdie natuurteater: die see is…

Die pa-en-seun-span van Clive en Anton Walker lewer met Rhino Revolution. Searching for new Solutions , ’n belangrike bydrae tot die stryd teen die uitwissing van renosters. Dit is ’n pragtige boek, met kleurfoto’s wat aan foto’s in die National Geographic herinner en ’n keurige uitleg wat ’n mens byna laat lus voel om die boek op die koffietafel uit te stal. Maar dit is ook ’n wetenskaplike boek, met grafieke en tabelle en gegewens wat spruit uit die jongste navorsing oor renosters en oor die stryd teen renosterstropery. Moontlike oplossings vir die probleem word ook aan die hand gedoen. Ons is almal bewus van renosterstropery en hoor kort-kort in die nuus van nog renosters wat in die een of ander wildtuin doodgemaak is. Een van die redes…

ROLPRENTE SOLO: A STAR WARS STORY Met Emilia Clarke, Woody Harrelson en Thandie Newton Regisseur Ron Howard WETENSKAPFIKSIE Mense het gedink Peter Quill van Guardians of the Galaxy was die verwaandste ou in die ruimte wat jy gehaat het om van te hou. Toe kom Taron Egerton in die Kingsman-rolprente en maak fliekgangers rasend met sy moedswilligheid. Maar die koning van die stout seuns bly maar Han Solo wat ons in die eersteStar Wars Episode IV: A New Hope in die vorm van die aantreklike Harrison Ford ontmoet het. Maar sterf Han Solo nie in die onlangse The Force Awakens-episode nie? (Luke Skywalker het in die The Last Jedi-episode gesterf.) Wees nie bevrees nie! In hierdie voorganger is Han nog springlewendig en ontmoet die lopende woltapyt Chewbacca! Alden Ehrenreich speel…

Chereé en Wynand Strydom is so te sê altyd bymekaar: in die motor op pad na vertonings in elke uithoek van die land; op die verhoog tydens optredes en tuis op Langebaan, besig om ’n liedjie te skryf, of op die strand saam met hul dogtertjies. Vanjaar pak dié gewilde sangpaar egter vir ’n slag soloprojekte aan nadat albei platekontrakte by Universal Music losgeslaan het: hý om ’n Koos du Plessishuldeblyk op te neem en sý vir ’n album wat beloof om ’n “ontmoeting tussen Shania Twain en Taylor Swift” te wees. Die twee was jare lank onafhanklike kunstenaars, maar Chereé sê hulle is opgewonde daaroor om weer met ’n platemaatskappy saam te werk. “As Mamma van twee kinders het dit op ’n punt gekom waar ek net nie meer…

Vroue van die Bybel 2 (Lux Verbi) is ’n splinternuwe boek uit die pen van die gewilde radiopersoonlikheid Esté Geldenhuys. Sy skryf weer oor vroue van die Bybel vir vroue van vandag en blaas nuwe lewe in ou bekende stories en delf ook dieper in stories van minder bekende vroue. Besoek www.nb.co.za  vir meer inligting. Die boek is by toonaangewende boekwinkels beskikbaar LOUSIA LOTTER VAN GEORGE HET VIR ONS HIERDIE WENKE GESTUUR: • Gebruik eierwit uit die dop vir seer- of snyplekke. Dit seël onmiddellik, veral as dit bloei. • Jy kan eierwit ook as ’n masker op jou vel gebruik. Spoel af met skoon water en voel dit verskil. • Breek eierdoppe in potgrond op, dis baie goed vir plante.…

SONNEBLOMSAADBROOD 1 brood 375 ml (1½ k) melk 30 ml (2 e) heuning 180 ml (¾ k) hawermout 1 pakkie kitsgis 45 ml (3 e) botter, gesmelt 2,5 ml (½ t) sout 780 ml (430 g) bruinbroodmeel 60 ml (35 g) sonneblomsaad 1 eier ekstra hawermout, sonneblomsaad en sesamesaad vir sprinkel Voorverhit oond tot 180 °C en smeer broodpan van 10 cm x 20 cm met botter. 1 Verhit melk, heuning en hawermout tot louwarm en meng gis daarby. Laat staan vir 10 minute tot skuimerig. 2 Gooi melkmengsel, botter en sout by meel en meng tot deeg vorm. Knie vir sowat 10 minute tot elasties. Gooi sonneblomsaad by en werk deur. Bedek met plastiek en laat rys tot dubbelvolume. 3 Druk deeg effe plat en rol op om deegwors…

Die jaar 1932 was só betekenisvol in die lewe van Pablo Picasso dat twee museums uitstallings byeengebring het met die fokus op werk uit dié jaar. Verlede jaar het die Musée National Picasso in Parys, in samewerking met die Tate Modern in Londen, die uitstalling Picasso 1932 aangebied, en tans is Picasso 1932 – Love, Fame, Tragedy in die Tate Modern te sien. Dié uitstalling is deur ’n samewerkingsooreenkoms tussen dié museum en EY (Ernst & Young) moontlik gemaak. Dit was ’n belangrike jaar vir Picasso as mens én as kunstenaar. “Die werk wat mens skep, word ’n manier van dagboekhou,” het hy die band tussen lewe en skeppende werk verduidelik. Die belangrikste werk wat van 1932 dateer en wat in albei…

‘SLIM’ KINDERPRODUKTE Fitbit se Ace-armband is vir jongmense van agt jaar en ouer bedoel en kan help om ’n gesonder leefstyl aan te leer. Dit meet die getal treë wat kinders neem, terwyl dit ook slaappatrone kan monitor. Ouers kan sekere doelwitte stel oor hoe lank kinders elke dag aktief moet wees en al die inligting is deur die Fitbit-toep beskikbaar. Met PS4’s en Xbox One’s wat baie kinders se tyd domineer, is die Ace teen R1 500 dalk nie ’n slegte opsie nie. Die Alcatel Move Time-slimhorlosie is meer sekuriteitsgefokus. Dit word met ’n simkaart gelaai, wat verseker dat ouers gedurende die dag met hul kinders kan kommunikeer, asook presies kan monitor waar die kinders hulle bevind. Druk ’n knoppie op die horlosie en die kind kan ook ’n…

D it is iets wat hy lanklaas gevoel het. Iets soets en warms, en dit maak nie eens vet nie. Dis net heelpad alpad goed. Hy, wat Cobus Cronjé, advertensiemaatskappybaas is, erken dit en vier dit. Net een ding neuk. Nie almal is saam met hom bly nie. Hy moet die blonde vrou hier voor hom oortuig dat dit nie Orkaan Cobus is nie. Dis nie ’n tropiese storm wat iewers op die see opgebou het en nou alles in sy pad vernietig nie. Dis eerder ’n bries. En dit kan hul huweliksbootjie ook help. Hulle bevind hulle al so lank in die waters van saaigeit. Cobus probeer weer. “Wens jy my nie ’n bietjie geluk toe nie, Alia? Ek werk so hard.” Dis ’n retoriese vraag. Natuurlik wens sy…

Met mooi plante en ’n vensterbak is ’n minituin onder jou vensterbank, op jou balkon, of in enige ander klein ruimte ’n werklikheid wat nie baie tyd of sweet gaan kos nie. Komaan, plant saam! Jy gaan op ’n Saterdagoggend meer as genoeg tyd hê om aan te skaf wat jy nodig het, die plantwerk te doen, en trots jou vensterbak vir jou eie en ander se plesier uit te stal. Jy sal daarna betyds op jou rusbank vir ’n rugbytoets kan neerplof! VENSTERBAKNOSTALGIE Die konsep van en die woord “vensterbak” mag ’n vreemde begrip wees, maar met ’n vrugbare verbeelding ontketen dit tog beelde van aardse en blomgevulde houers op die kothuisvensterbanke van ou tannies op die platteland. Nog ’n romantiese beeld is die Romeo en Juliet-tipe balkon met…

SEUN HET PORNOGRAFIEVERSLAWING Ons seun het ’n ernstige probleem met pornografie. Hy het as gevolg daarvan al voorheen sy werk verloor. Ons is so skaam om met ander hieroor te praat. Hy het gelukkig ’n ander werk gekry, maar ons is bevrees dat hy dieselfde pad stap. Hy weier om ’n sielkundige te sien. Wat kan ons doen om hom te help? – Anoniem Pornografieverslawing het meer te make met ander aspekte – die verslawing is ’n simptoom en nie die oorsaak nie. ’n Bedrewe terapeut sal kan bepaal wat die ware oorsprong van die gedragsprobleem is. Daar is ander sielkundige aspekte wat dikwels met pornografieverslawing verband hou, wat soms obsessief-kompulsiewe trekke asook depressie en selfs aandagafleibare of hiperaktiewe en verskeie ander gedragsaspekte kan insluit. Die aard en voorkeur van…