Innholdsfortegnelse for 18 May 2018 i Vrouekeur

Aanhalings waarmee ek saamstem, wat vir my iets beteken, wat presies raakvat hoe ek voel, of my hardop laat lag, bêre ek in ’n lêer op my rekenaar. Hier is ’n paar daarvan vir mense wat ook van aanhalings hou. Moenie verlei word om te dink dat dit wat nie ’n wins maak nie, nie van waarde is nie – Arthur Miller Kinders leer die meeste as hulle van hul onderwyser hou en dink hul onderwyser hou ook van hulle – Gordon Neufeld Moenie jou kinders leer om net te lees nie. Leer hulle om dit wat hulle lees, te bevraagteken. Leer hulle om als te bevraagteken – George Carlin Bekommernis vat nie môre se probleme weg nie. Dit vat vandag se vrede weg – Anoniem Wanneer mense jou ontmoet,…

Marion Holm is die afgelope 30 jaar ’n gerekende aktrise en het verskeie, uiteenlopende rolle in haar jare by Kruik en Sukovs vertolk. Sy het al in meer as 60 teaterproduksies opgetree, was Dot in Vlug na Egipte en Terug na Egipte, het meer as 20 produksies geregisseer en meer as tien tekste die lig laat sien. Vir haar rol as Dot het sy ’n ATKV Mediaveertjie vir beste aktrise in ’n TV-reeks gewen en ’n Fiësta-benoeming vir dieselfde rol gekry. Sedert 2004 doen sy eenvrou-vertonings, wat haar as een van die land se beste Afrikaanse storievertellers gevestig het. Haar vertonings is lank voor die speelvak op feeste en klein teaters uitverkoop en jy kan nie help om die lagtrane af te vee met haar nabootsings van Nataniël, haar middelsuster,…

In Frankryk word Moedersdag ook in Mei gevier, maar nie op dieselfde dag as in Suid-Afrika of Amerika of eintlik enige ander land nie. Moenie vra waarom nie. Ek woon al lank genoeg tussen die Franse om te dink dis net omdat hulle daarvan hou om anders te wees. Hoe ook al, Meimaand bly vir my die maand van ma’s. En omdat alles wat ek voel altyd weerklank vind in alles wat ek lees, dwaal my gedagtes vandeesmaand weer onwillekeurig na gedigte en stories en boeke oor ma’s. Ek onthou Antjie Krog se bekende ode wat ek as skaam hoërskoolmeisie by ’n kunswedstryd moes voordra: “Ma, ek skryf vir jou ’n gedig sonder fênsie leestekens ...” Dit het my so ontroer dat ek skoon vergeet het om skaam te wees.…

Jy het net 18 jaar om jou kind op al die uitdagings, ontnugterings en vreugdes in die volwasse wêreld voor te berei. Dit is moeilik vir enige ouer om hul kinders in die wêreld te sien uitgaan, veral as jy onseker is oor of hulle oor die vaardighede beskik om dit te hanteer, sê kliniese sielkundige Johannes Schickerling van Stellenbosch en van die radioprogram Wie is ek? op RSG. Hier is sy en dr Dinelle Faul, kliniese sielkundige van Vereeniging, se lys van die 20 belangrikste vaardighede waarmee jy jou kind moet toerus. 1 Geldkennis Geld is die spil waarom die lewe draai, dus is dit van kardinale belang dat jou kinders weet hoe om hul geld te bestuur as hulle die huis verlaat, sê Johannes. “Kinders moet die waarde…

PESTO-HOENDER 2 porsies 2 hoenderborsies sout en peper30 ml (2 e) basiliekruidpesto30 ml (2 e) rooi pesto125 ml (½ k) mozzarella, in skyfies gesny Stel oond op 180 °C. 1 Maak snytjies bo-op hoenderborsie, omtrent 1 cm uitmekaar. 2 Geur met sout en peper. 3 Verdeel basiliekruidpesto, rooi pesto en mozzarella beurtelings in snytjies. 4 Sit op bakplaat en bak vir 20 minute of tot hoender gaar is. MAALVLEISPASTEI 2 porsies 1 ui, gekap5 ml (1 t) fyn knoffel5 ml (1 t) rooivleisspeserye300 g maalvleis15 ml (1 e) gemengde kruie30 ml (2 e) broodkrummels1 eier100 g (½ pak) jong spinasie60 g (¼ pakkie) sampioene, gekap2 velle witkaas200 g (½ rol) skilferkorsdeeg Stel oond op 180 °C. 1 Meng uie, knoffel, speserye, maalvleis, kruie, broodkrummels en eier saam tot stywe mengsel…

Vroue van die Bybel 2 (Lux Verbi) is ’n splinternuwe boek uit die pen van die gewilde radiopersoonlikheid Esté Geldenhuys. Sy skryf weer oor vroue van die Bybel vir vroue van vandag en blaas nuwe lewe in ou bekende stories en delf ook dieper in stories van minder bekende vroue. Besoek www.nb.co.za  vir meer inligting. Die boek is by toonaangewende boekwinkels beskikbaar LINDA VOS VAN PRETORIA SE WENKE: • Breek ’n eier versigtig in ’n tregter om die eier te skei. • Plaas ’n malvalekker onderin ’n roomyshorinkie om ’n gemors te voorkom – ’n skeppie grondboontjiebotter werk ook. • Sprinkel ’n knippie sout in ’n kartonnetjie melk of room om dit langer vars te hou. • Strooi ’n bietjie suiker op jou tong as jy met warm…

ROLPRENTE DEADPOOL 2 Met Ryan Reynolds en Morena Baccarin Regisseur David Leitch AKSIEDRAMA Enigiets met die woord “dood” in die titel sit baie lesers sommer dadelik af. Wel, as jy die eerste rolprent in die reeks met die spiertier Ryan Reynolds gesien het, sou dit nie saak gemaak het watter woord “pool” voorafgegaan het nie, vele lesers sou gaan kyk het net om hom weer te sien. Natuurlik, wanneer ’n aksieheld se avonture gewild raak, kom daar ’n vervolg so seker as wat die son môre weer sal opkom. En Reynolds, in sy vreemde monderings, het die uitdaging weer aanvaar om die aantreklike Wade, wat ook as die wreker Deadpool bekendstaan, te laat herleef. Wees net gewaarsku dat daar dikwels erge geweld en moeilike tonele is waarvan jou wederhelf dalk…

VOOR Hierdie spieël het lank in ’n badkamer gehang, maar moes plek maak vir ’n ander een. Ek het lank gewik en geweeg watter styl ek die spieël wou maak en het op ’n ryk en dramatiese barokstyl besluit. Die kleure van Granny B’s Old Fashioned Paint wat ek gebruik het, is die volgende: Oraloor: Ek het Black Betty oor die oorspronklike swart geverf en toe met Granny B se Armour geseël voor ek met die stensilverf begin het. Stensilverf: Die hoeke van die spieël het ek eers met Red Heart Love gestensilverf en toe met Bronze Liquid bo-oor baie liggies gedroogborsel. Vir die ander fyner stensilverf het ek net Bronze Liquid gebruik. Ek het doelbewus die fyner stensilverf plek-plek dowwer gedoen en laat vervaag. Afronding: Die kante het ’n…

MOEILIKHEIDSGRAAD: BENODIGDHEDE Blue Label Picasso DK (100 g): 1 bal in kleur 181 of gemengde kleur van jou keuse 3 mm-hekelpen Naald met groot oog GROOTTE Pas gemiddelde grootte hande AFKORTINGS EN STEEKVERDUIDELIKINGS beg = begin, dies = dieselfde, dr = draai, dsl = dubbelslagsteek, gp = groep, gs = glipsteek, h/af = heg af, herh = herhaal, hlb = halflangbeen, kb = kortbeen, ks = kettingsteek, lb = langbeen, rdte = rondte, sp = spasie, st = steek, tr = trossie, vlg = volgende TROSSIE 1 Slaan die draad oor die pen en steek dit in die volgende steek. 2 Moenie die steek voltooi nie, sodat daar twee lusse op die pen is. 3 Hekel die volgende steek/steke (soos deur patroon aangedui) op dieselfde wyse. 4 Slaan die draad…

LASTIGE ROLLETJIES Een ná die ander tydskrifte het foto’s en eetplanne waar mens sommer 12 of selfs 20 kg in ’n paar weke kan verloor. Opgewonde lees ek elkeen. Ek het immers ook ’n hele paar kilogramme wat ek wil afskud, en nou is ek met ’n paar artikels gewapen. Ek merk dat elke eetplan min of meer dieselfde rigting vat – sny op suiker en stysel en eet baie groen groente, slaai en proteïne. Vir ’n hele ses weke leef ek so ná aan ’n bokdieet as wat ’n mens kan kom. Toe klim ek met groot opwinding op die skaal vir die massiewe gewigsverlies wat my mos toekom, want ek het die eetplan getrou gevolg. Teleurstelling! ’n Skamele twee kilogram in ses weke! Dis toe wat ek besef…

“Ek is steeds verstom oor die oorweldigende openbare reaksie wat my bedanking as RSG-omroeper en SABC2-nuusleser uitgelok het. Eers tóé het die werklikheid my getref: dat ek twee van die mees gesogte sitplekke in die land prysgegee het, ja, maar ook dat my werk mense diep getref het. “Ek word steeds omring deur liefde en omgee; deur vreemdelinge wat my landwyd op straat voorkeer om te hoor hoe dit nou met my gaan. Die eerste twaalf maande ná my bedanking was die donkerste tyd in my lewe. Dit het gevoel asof ek self die mat onder my uitgeruk het. Asof ek my eie stem stilgemaak het. Dit was asof ek van vooraf moes uitpluis hoekom ek nou eintlik op hierdie aarde geplaas is. Maar die lig kom altyd ná die…

Mei is internasionale MS-maand Multipele sklerose (MS), ook bekend as veelvuldige sklerose, is ’n komplekse siekte wat met die ontsteking van senuvesels in die brein en rugmurg verband hou. Daar vind verharding van die brein, rugmurg en senuwees weens die inflammasie plaas. Dit kom voor wanneer spesifieke witbloedselle, wat normaalweg die liggaam teen infeksie beskerm, abnormaal ontwikkel en die senustelsel aanval sodat die vloei van inligting binne die brein en tussen die brein en die liggaam onderbreek word. Dit kom hoofsaaklik by mense tussen 20 en 50 jaar voor en selde in adolessensie of ná 50 jaar. Volens drr Jan van Elfen en Don du Toit kom dit in ’n gematigde klimaat voor en selde naby die ewenaar. Dit is skaars onder bruin mense en Asiërs en kom glad nie…

Ons was daar! Die Vrouekeur-span was onlangs by ’n nuwe restaurant in Craighall Park (’n klipgooi weg van ons kantore). The Royale op Jan Smutslaan is deur Dylan Rode en sy tweelingneefs, Marcel en Marc Cronje, begin en bied heerlike kos in Kubaanse styl. Die plek kook en dus is bespreking noodsaaklik. Bespreek by 060 575 2471 MARKDAG Die Market at the Palms word elke Saterdag by die Palms-lewenstylsentrum in Woodstock, Kaapstad, gehou. Die uitstallers wissel weekliks en bied als van kunsvlyt tot interessante kos. Aangesien daar onderdakparkering is en die mark onderdak gehou word, is dit die perfekte uitstappie op ’n wintersdag. Die mark word van 09:00 tot 14:30 gehou. Besoek www.palms.co.za Mieliedoolhof Die gewilde Maize Maze in Honeydew, Johannesburg, is weer oop met 3 km van…

RAAK AKTIEF Verruil die gewone rose of pajamas hierdie jaar vir ’n gimsak vir Moedersdag. Aktiewe ma’s sal mal wees daaroor en kan dié wat minder aktief is, net inspireer om tog wel daardie gimkontrak uit te neem. Vanaf R450 www.netflorist.co.za DINK UIT DIE BOKS Met hierdie mooi bokse kan jy baie doen. Gebruik dit as stoorplek vir skoonheidsprodukte, medisyne, papiere of wat ook al. Of sit iemand se verjaardaggeskenk daarin. Daar is verskillende groottes en die mooiste motiewe beskikbaar. Vanaf R19,99, Mr Price Home SMAAKSENSASIE Knorr Salad Dressings het ’n nuweling tot hul reeds indrukwekkende slaaisousreeks gevoeg. Die Balsamic & Pineapple-slaaisous het ’n vars, tropiese geur van pynappel en is perfek gebalanseer met die soet, vars en effense pikante geur van balsemieke asyn. Perfek vir oor ’n hoenderslaai, en…

KLAPPERYS 24 blokkies 900 ml (350 g) klapper1 325 ml (700 g) versiersuiker1,25 ml (¼ t) kremetart1,25 ml (¼ t) sout5 ml (1 t) vanieljegeursel1 blik (385 g) kondensmelk koekkleursel 1 Wit laag Meng 175 g van klapper en 350 g van versiersuiker. 2 Voeg helfte van kremetart, sout en vanieljegeursel by. 3 Gooi halwe blikkie kondensmelk by en meng goed. 4 Skep mengsel in pan van 20 cm x 20 cm. Druk stewig vas om wit laag te vorm. Laat dit stol terwyl jy boonste laag meng. 5 Gekleurde laag Meng res van klapper, versiersuiker, kremetart, sout, vanieljegeursel en kondensmelk. Kleur mengsel met koekkleursel en skep bo-op wit laag. Druk stewig vas. Sny in netjiese blokke voor dit heeltemal hard is. 6 Laat stol en haal uit pan. WENK…

Die universiteitstad het 98 000 inwoners en jy kan maklik jou motor iewers parkeer en die oulike klipstraatjies te voet verken. Daar is ’n gesegde in Estland: “Daar is nie slegte weer nie, daar is net slegte klere,” en jy kom gou agter dat die winter eintlik die lekkerste tyd is om te reis, mits jy warm klere en handskoene het. Die strate is stiller en die restaurante het plek. As jy in die hoogwinter deur die Estlandse landskap ry, kry jou gou ’n idee van waar die hele idee van wit en swart van die gewilde moderne dekor vandaan kom. Die spierwit sneeu wat die pikswart paadjies omsoom soos ou handgemaakte kant; die grys lug en o, die stilte wat die sneeu meebring, wat so gou in jou jas…

Anselm Kiefer is deel van ’n geslag Duitse kunstenaars wat die skande en skuld van die Joodse menseslagting ervaar het sonder dat hulle die Tweede Wêreldoorlog self beleef het. Kiefer is in 1945, die jaar waarin die oorlog tot ’n einde gekom het, gebore. Dit was die swye oor die oorlog in Duitse skole en die afwesigheid van gesprekke oor die trauma wat die oorlog tot gevolg gehad het wat volgens Kiefer ’n vonk vir sy kreatiwiteit was. Hy was 24 en pas klaar met kunsklasse by die skilder Peter Dreher in Karlsruhe toe hy in 1960 sy loopbaan as kunstenaar met ’n onthutsende reeks foto’s onder die titel Besetzungen (Besettings) begin het. Dié reeks bestaan uit selfportrette van Kiefer, geklee in sy pa se uniform en met die kenmerkende…

SEKSUELE VERHOUDING MET ’N ANDER MAN Ek het ’n vaste vriend en ons is al byna drie jaar in ’n verhouding. ’n Vriend van ’n vriendin het my ’n paar maande gelede genader en ons het ’n seksuele verhouding begin met die verstandhouding van “no strings attached”. Hoewel ek en my vriend wel intiem verkeer, kom ons beter as vriende oor die weg. Die ander ou is net ’n seksmaat. Ek weet wat ek doen, is verkeerd. Hoe kom ek daaruit sonder om my geheim te verklap? – Anoniem Jy is verward tussen wat as seks en intimiteit beskou word. Jou verhouding met jou vaste vriend blyk meer van ’n gesonde en langblywende verhouding te wees. Die seksuele verhouding met die ander man kan nie net groot skade aan jouself…

Dit is moeilik om te glo daar is ’n bestemming wat Gerrie Pretorius nog nie besoek het nie. Hy het immers al die wêreld deurkruis vir sy reisprogram, Leef jou reis én op die toere wat hy aanbied. Tog is daar steeds die avontuur van onbekende plekke soos die woude van die Amasone en Antarktika wat hom roep om telkens weer op ’n vliegtuig (of boot of trein) te klim. Die nuwe seisoen van Leef jou reis het weer in April op kykNET begin en die sanger en TV-persoonlikheid staan steeds verstom oor die reeks se sukses. “Ek het gedink één seisoen gaan wonderlik wees, nou trek ons al by die sesde een,” sê Gerrie, soos altyd innemend met sy bekende bry. Gerrie glo reis verander lewens en dat selfs…

GETOETS & BEPROEF Met The Laser Beautique se Electrolysis-behandeling kan jy ’n hele paar verskillende velkwale behandel. Raak ontslae van daardie wit baardhaartjies (gewone laser kan slegs donker haartjies teiken) en verwyder gebarste aartjies, rooi sonkolletjies, klein groeisels en ook velvlekke. Vanaf R300 vir 15 minute.thelaserbeautique.co.za JOU WINTERVELREDDER Probeer hierdie gesigbehandeling maandeliks! WEES SLIM MET JOU BEGROTING Besoek ’n Sisley-toonbank in Edgars vir ’n deeglike velanalise met ’n slim masjientjie wat jou vel se elastisiteit, vogvlakke, pigmentasie, plooie, poriegrootte en olierigheid kan bepaal. So bepaal jy ook jou vel se behoeftes en watter produkte noodsaaklik is! MARY COHR PARIS Vernuwe jou vel met Mary Cohr se Dermo Peel with Dermabrasion. Hierdie gesig-afskilferbehandeling is ideaal vir ’n wintervel en neem slegs 45 minute. Die vel voel en lyk onmiddellik helder en…

Maak dit oop Die Parrot Sommelier Corkscrew is ietwat aan die duur kant, maar dis só mooi dat jy dalk kan oorweeg om dit aan te skaf. Selfs die hardnekkigste kurkproppe word maklik hiermee uitgetrek én dit kan bierbottels ook oopmaak, R1 199. www.yuppiechef.com HET JY DÍT OOR PINOTAGE GEWEET? • Dis ’n trotse Suid-Afrikaanse wyn wat ’n kruising tussen pinot noir en cinsaut (hermitage) is. • Dit smaak uitstekend saam met disse wat aards, gerook of vol speserye is. • Pinotage smaak op sy beste wanneer dit bietjie verouder het. Wees geduldig en laat dit ’n paar jaar verouder. • Kase wat heerlik saam met pinotage smaak, is gouda, cheddar en gruyère. Kom proe saam! Op Saterdag 26 Mei vind die jaarlikse Shiraz & Charcuterie-fees op Anthonij Rupert Wyne-landgoed…

Tamatiesousvlek MAAK DIE VLEK NAT, VRYF WASGOEDPOEIER DAARIN, EN SIT DIT DAN IN DIE SON. Met ’n sak Bruinpapiersakkies is ’n nuttige ding om in die huis te hê: • Skeur dit oop, frommel dit op en maak spieëls of vensters daarmee skoon. • Sit vrugte in hierdie sakkies om dit gouer ryp te kry. • Sny dit oop en laat kinders hul kuns daarop doen. • Jy kan tuisgemaakte springmielies daarin spring. • Sny dit oop en trek geskenke daarmee oor. Met melk WEEK TAAI VLEIS VIR ’N HALFUUR IN MELK. Vee die vuil af “MAGIC ERASERS” IS AL LANK GEWILD IN AMERIKA EN EK SIEN ’N MENS KRY DIT NOU OOK IN SUID-AFRIKA. HIER IS ’N PAAR WENKE DAARMEE. • Verwyder kryt- en penmerke van die muur af.…

Om die een of ander rede is Afrikaanse musikante dikwels huiwerig om saam aan produksies te werk en om kruisbestuiwing en vernuwing te ontgin. Daarom was dit vanjaar by die pas afgelope KKNK op Oudtshoorn opmerklik hoe geslaagd produksies was wat juis op samewerking en vernuwing gefokus het. Tussen daardie puik aanbiedinge was Laurinda Hofmeyr se Afrika, my verlange, Laurika Rauch en Loki Rothman se Blou (waarin Laurika ’n nuwe aanslag, stem en energie kry), Amanda Strydom en pianis Coenraad Rall se Stadig oor die klippers, Coenie de Villiers en kitaar-maestro Mauritz Lotz se Shhhhhhhhhh en Karin Hougaard en pianis Jaconell Mouton se Grepe het dié tydlose kunstenaars almal laat vernuwe. En Anna Davel, Gloria Bosman en die pianis John Fresk het met hul huldeblyk aan die jazz-ikoon Ella Fitzgerald…

Antonín Dvo ř ák mag wêreldwyd as die beroemdste Tsjeggiese komponis bekend staan, maar as jy die Tsjegge daaroor sou vra, mag hulle dalk die naam van Bed ř ich Smetana noem – juis omdat sy musiek die hart en siel van dié land so roerend vasgevang het, en omdat sy musiek dié land se musiektradisie so in ere hou. In ’n tyd toe musiek as voertuig vir nasionale strewe (eintlik onverdunde nasionalisme) gedien het, was Smetana Tsjeggies-sprekendes se held. Toe hy eindelik erkenning gekry het. Dié vurige nasionalis het eers op 40 Tsjeggies finaal onder die knie gekry en veel later gehore en kritici aan sy kant gekry. Smetana (1824–1884) se pa was ’n knap musikant wat sy seun van kleins af klavierles gegee het. Maar die gesin het…

Die Duitse skrywer Jenny Erpenbeck se roman Gehen, Ging , Gegangen is in Engels vertaal as Go, Went, Gone , en reeds met die English Pen Award en die Independent Foreign Fiction Prize bekroon. Die New Yorker se gerespekteerde resensent, James Wood, het oor hierdie roman geskryf: “When Erpenbeck wins the Nobel Prize, it will be for Go Went Gone”. Dit is sommer baie hoog opgee oor ’n roman en benewens ’n vriendin se aanbeveling om die roman te lees, het hierdie opmerking van Wood veroorsaak dat ek die boek bestel het. Sommer met die begin lees aan die eerste paar bladsye, het ek al daardie gevoel gekry dat dit inderdaad ’n belangrike roman is, een van die romans wat…

Het jy al ooit gewonder wat jy sou wou hê jou woorde moes wees voor jy jou laaste asem uitblaas? Daar is iets omtrent mense se laaste woorde voor hulle sterf wat ons verbeelding aangryp en wat maak dat ons spesiale betekenis daaraan heg. Ons wil graag weet wat iemand gesê het voor hy of sy dood is. Baie bekende mense se laaste woorde is vir ons opgeteken, soos dié van Isaac Newton, Da Vinci, Marie Antoinette, Steve Jobs en baie meer. Jy kan maar gaan google. Dis nogal insiggewend as mens die verskillende mense se laaste woorde lees. Deur dit wat hulle sê, kom mens agter wat uiteindelik vir hulle die belangrikste was. Ons het die wonderlike voorreg om te mag weet wat Jesus se sterwenswoorde was. Ons kry…