Innholdsfortegnelse for 20 April 2018 i Vrouekeur

Nelson Mandela het gesê: “Moenie my aan my suksesse meet nie, meet my aan die aantal kere wat ek geval en opgestaan het.” In hierdie week se uitgawe skryf Anne Marais oor die “mag van mislukking”. Om te misluk of te faal, is ’n ervaring wat ’n mens kan maak of breek. Te dikwels laat ’n mens toe dat sogenaamde mislukkings jou breek. Hoekom? Omdat ons vernederd en skaam voel omdat sogenaamde sukses in ons samelewing so hoog aangeslaan word. Maar net soos mislukking relatief is, is sukses relatief. Ons almal moes in ’n stadium leer loop. Ons het nie die vermoë om soos diere direk ná geboorte op te staan en te loop nie. Dis ’n proses. En ons almal het in die proses van leer loop, telkemale geval.…

Hulle sê jy vergeet nooit jou eerste liefde nie, maak nie saak hoeveel keer jy weer verlief raak nie. Ek het nog altyd vermoed dis ook waar vir jou eerste boekliefde. Daardie boek(e) wat jou op ’n vroeë ouderdom betower en vir die res van jou lewe in ’n hartstogtelike leser kan verander. Toe ek onlangs op my amptelike Facebook-groep (https://www.facebook.com/groups/78346169084/) vir ander lesers vra wat die eerste boek(e) is wat hulle liefgekry het, het die reaksie my voete onder my uitgeslaan. Dit was die meeste antwoorde wat ek nog op enige vraag gekry het en die passie en nostalgie en vreugde in soveel van die opmerkings was vir my ’n openbaring. Hoe lekker om agter te kom dat my jeugliefdes deur soveel ander lesers gedeel word! As dit ’n…

As jy heeltyds kuns wil maak, moet jy in gedagte hou dat jy ’n werker soos enige ander mens is en vir jouself moet sorg,” sê Johan Myburg, kunsskrywer en digter. “’n Mens moet wegkom van die gedagte dat kunstenaars hulpbehoewend is. Hulle moet vir hulself voorsiening kan maak. Die romantiese model van die sukkelende kunstenaar en die weldoener wat hom onderhou, bestaan soveel meer in mense se koppe as in die werklikheid. As jou kuns jou nie aan die gang kan hou nie, moet jy alternatiewe bronne van inkomste vind.” Teresa Lizamore, galery-eienaar en bestuurder van die Lizamore & Associates-span, sê dat jong kunstenaars dit wel soms uitdagend kan vind om die bedryf aan te durf. “Dit is belangrik dat jong kunstenaars kunsuitstallings en ander geleenthede bywoon en met…

‘Ons liefde en passie vir ons omgewing, diere en personeel is die dryf veer vir ons om positief te bly’ Toe ek wou bel vir ons afspraak, sien ek op hul webwerf dat erge brande hul landlyn in Stilbaai se omgewing beskadig het. Ons moet maar oor die selfoon gesels en ’n afspraak maak. Mens besef net weer die weerloosheid van mense op die afgeleë platteland, maar dis ook daarin wat die aantrekkingskrag lê: Dit voel of jy in die middel van nêrens is, maar eintlik is jy naby aan baie plekke. Liesel wag by die lae onderdeurtjie in die ou geboutjie op Kasselshoop, haar glimlag is gul, haar handdruk ferm en haar verwelkoming opreg. Sy het die tafel gereed met een van hul gewilde wyn-en-kaas-proeë. Al 11 kase word…

SPEK-EN-KAAS-AARTAPPELSLAAI 4 porsies 2 50 g (1 pakkie) repiespek, in stukkies gesny 1 kg klein aartappels, in helfte gesny 125 ml (½ k) mayonnaise 125 ml (½ k) suurroom 250 ml (1 k) cheddarkaas, gerasper 60 ml (¼ k) agurkies, fyngekap sout en peper 1 Braai spek tot bros en goudbruin en dreineer op papierhanddoek. 2 Kook aartappels tot sag, dreineer, sny in helfte deur en hou eenkant. 3 Meng mayonnaise en suurroom saam en roer aartappels daardeur. 4 Gooi res van bestanddele en spek by en roer liggies tot net gemeng. WENK Jy kan ook korrelmosterd en songedroogde tamaties bygooi KNOFFEL-EN-KRUIE-RIBOOG 4 porsies 2 knoffelhuisies, fyngekap 15 ml (1 e) vars pietersielie, gekap 15 ml (1 e) vars roosmaryn, gekap 15 ml (1 e) vars tiemie, gekap 800 g…

Ons ry vroegmiddag die laaste stukkie grondpad tussen Bredasdorp en die reservaat se hek. Ons kry ons Cape Nature-toegangspermit van R40 elk en met die vriendelike wuif van die hekwag, begin die avontuur in alle erns. Die De Hoop Collection se geboue by die De Hoop-natuurreservaat wat onder tussen die vlei en die see wag, lyk kompleet soos ’n 17de eeuse plaas met witgekalkte geboue en grasdakke. By die ontvangs in die Opstal – in dieselfde historiese gebou as die restaurant – hou drie reusebome wag. Ek ken nie die bome nie, maar vermoed dit staan al eeue lank hier. ’n Bordjie onder een boom kondig ewe parmantig aan: “Meeting tree” en as jy ’n rukkie vertoef, sien jy hoe die spreeus, swaeltjies en oewerswaels tussen die takke in en…

ROLPRENTE RED SPARROW Met Jennifer Lawrence en Joel Edgerton Regisseur Francis Lawrence DRAMA Dominika is ’n ballerina, maar dans is die laaste ding waaraan sy in hierdie spioenasiedrama dink. Sy kry opdrag by die Russiese regering om haar liggaam as wapen te gebruik en ’n CIA-agent te ondersoek. Maar hul ontmoeting verander nie net haar lewe radikaal nie, maar ook die verhouding tussen Rusland en Amerika! Daarom vermoed mens dat daar dalk ’n bietjie gevaarlike politiek betrokke is wat kommentaar in hierdie drama lewer. Maar met die uitstekende (en vir die manne baie sexy) Jennifer Lawrence in die hoofrol, sal dit dalk ook ’n aangename reis na die onbekende wees wat die manlike oog sal streel. ’n Mens is nie seker waarvoor jy jou inlaat nie, want dit is ’n…

1920’s-boks VERF Strawberry Cupcake PAPIER Velle geskenkpapier in ’n boek ( limited edition ) van The Atelier, 44 Stanley, Johannesburg Fotoboks VERF Dove Grey en Bronze bo-oor RAAMPIE Timber City (gedroogborsel met Bronze en Silver) PAPIER PNA FOTO Afdruk van die ikoniese foto van Ninalee Graig wat in die 1950’s deur Ruth Orkin in Italië geneem is (lees meer op www.vrouekeur.co.za ) Blomboksies VERF Sweet Sylvia PAPIER Geskenkpapier wat ek gehad het Lappeboks VERF Mengsel (gelyke hoeveelhede van Teacup Green, Mushroom, Overcast en Hurricane) PAPIER PNA Fnuikboekboks VERF General Lee met Dove Grey bo-oor. Die kante (blaaie) Grain Sack en bo-oor met Daisy en Chocolate Cake gedroogborsel. Binnekant ook Grain Sack PAPIER Omslag van ’n boek in my boekrak en binne-in ’n Freda Kahloafdruk (aanlyn)…

Lodewyk kyk rugby toe iemand aan die voordeur hamer. Hy gaan maak die deur oop. ’n Tengerige vrou met bloedrooi krulhare, groen oë en sexy bene staan voor hom. Dis Julia. “Tipies man: Ek gee jou ’n paar uur se genot en wat doen jy? Jy verwek ’n nageslag!” Sy swaai iets voor hom. “Dis blou!” Dis ’n swangerskapstoets, besef hy. “Blou? Is dit ’n seuntjie?” “Die toets is positief!” “Hoekom is dit net mý skuld?” “Ek het pas my verlowing met Andries verbreek. Ek was weerloos en hartseer en kwaad en jy het dit uitgebuit.” “Die seks was jou voorstel! Ek het gesê jy is miskien oorhaastig ...” “Ek het troos nodig gehad, toe staan jý voor my met jou spiertjies en blonde krulhaartjies en spanjoeloë. Wat kon ek…

MOEILIKHEIDSGRAAD: *** BENODIGDHEDE Elle Cotton On-vierdraad (100 g-balle): 5 balle Thunder Grey 3 mm-hekelpen Naald met groot oog GROOTTE 69 cm lank en ongeveer 90 cm in omtrek AFKORTINGS EN STEEKVERDUIDELIKINGS  beg = begin, dies = dieselfde, dr = draai, gp = groep, gs = glipsteek, h/af = heg af, herh = herhaal,hlb = halflangbeen, kb = kortbeen, ks = kettingsteek, lb = langbeen, ls = lus, rdte = rondte, sp = spasie, st = steek, tr = trossie, vlg = volgende Trossie 1. Slaan die draad oor die pen en steek dit in die volgende steek. 2. Moenie die steek voltooi nie, sodat daar twee lusse op die pen is. 3. Hekel die volgende steek/steke (aantal langbene volgens die patroon) op dieselfde wyse. 4. Slaan die draad oor die…

NAGMERRIES SKEP ANGS EN VREES Ek kry die vreeslikste nagmerries. Wanneer ek wakker word, tap die sweet my af en is ek beangs. My seun is 19 maande gelede in ’n grusame motorfietsongeluk oorlede. Ek het die toneel gesien en hoewel dit in my brein vassteek, hou my drome nie met daardie onbeskryflike dag verband nie. Hoe maak ek sin uit hierdie nagtelike ontsteltenis? – Nagmerrie Ongeag die verskeidenheid van droomanalises wat daar is, is nagmerries waarskynlik eerder die brein se manier om sin uit emosioneel onverwerkte aspekte te probeer maak. Jou seun se dood kan met die drome verband hou, hoewel die beelde wat jou brein gebruik, deur middel van ander visuele beelde manifesteer ten einde emosioneel onverwerkte emosies te probeer verwerk. Tydens die slaapfase is daar ’n stadium…

HIER OF DAAR? Ek is al jare ’n intekenaar op Vrouekeur. Dit is ’n puik gesinstydskrif. Ek en my man wedywer Maandagmiddae ná werk wie eerste sal lees. Ons kleindogter van vier jaar oud geniet Diere onder die son en waar sy nog nie kan meedoen nie, moet Oumie help. Ons ander kinders woon al 12 jaar in Perth en ’n onlangse artikel oor die pragtige stad het mooi herinneringe opgeroep. Dit is skoon en die parke is ’n lushof waar mense met hul honde gaan stap en kinders op swaaie baljaar. Naweke is Kingspark ’n miernes van mense wat onder die statige ou bloekoms piekniek hou. Die Aussies is ook nie so stywelip soos baie van ons dink nie en “Hi, mate” is ’n vrolike groet van menige verbyganger.…

As een van Pasella se veldaanbieders het Sean-Marco Vorster die afgelope drie jaar die land behoorlik deurkruis, maar hy is ook ’n akteur en ’n advertensieregisseur. Laasgenoemde neem eintlik die meeste van sy tyd in beslag, vertel hy waar ons in ’n koffiewinkel in Kaapstad gesels. Die hoofrede vir ons ontmoeting is egter sy eerste hoofrol in ’n rolprent. Sean-Marco vertolk die rol van Frans in die rolprent Susters. Susters is ’n rolprent oor drie aangenome susters wat komplekse verhoudings met mekaar het. Hul rolle word deur Diaan Lawrenson (’n stywe-rug-beroepsvrou), Quanita Adams (’n ma wat in haar vrye tyd boeke skryf) en die sangeres Leah (’n wetenskaplike wat uiters katvoet vir die liefde is) vertolk. “My karakter was hul oorlede ma se verpleër en ek het haar op haar…

DIE 15DE SUIDOOSTERFEES Die Suidoosterfees vind van 26 April tot 1 Mei by die Kunstekaap-teater in Kaapstad plaas. Die tema vanjaar is “Fantastiese 15” en daar sal allerlei topproduksies te siene wees. Een daarvan is Tannie Evita praat kaktus. Dit is ook die naam van haar “staatsrede” wat sy al jare by Evita se Perron aanbied, maar uiteraard is elke staatsrede anders. Vind meer uit oor dié en ander produksies by www.suidoosterfees.co.za PIZZA & WYN Pizza en wyn is mos die ideale kombinasie vir ’n gesellige kuier saam met vriende en familie. ’n Pizza-en-wyn-fees word op 21 en 22 April by die Vergenoegdwynlandgoed op Stellenbosch aangebied. Daar sal ook prettige aktiwiteite vir die kinders wees. Kaartjies kos R180 per volwassene en R60 per kind. Daar is ook BBP-kaartjies…

KYK HOE MOOI Probeer sommer die hele reeks van Pesto Princess, wat met dieselfde resep, maar met splinternuwe dekseltjies spog. Die verskillende kleure maak dit makliker om jou gunsteling-Pesto Princess op die rak te eien. Kies uit agt pestosouse – van Thai Pesto met vars koljander & rissie tot basiliekruid & suurlemoenpesto wat 100% vegan is. Alles is kleur- en preserveermiddelvry. In die yskasafdeling by sekere Spar, Checkers, Pick n Pay en ander winkels beskikbaar. www.pesto.co.za ONTSPAN ’n Lekker lang, warm bad vir wanneer die spiere styf en seer is, is nie te versmaai nie. Voeg daarby Lavendula Bath Soak (R99) en jy behoort daarna soos ’n nuwe mens te voel. Beskikbaar by Volpes-winkels. www.volpes.co.za SONDER SKULDGEVOEL Met Dr Soldan’s se Em-eukal- suikervrye lekkers kan jy nou soetigheid geniet sonder…

SWARTWOUDPLAATKOEK 6 pakkies 375 ml (360 g) botter 125 ml (60 g) kakao 375 ml (1½ k) kookwater 750 ml (315 g) koekmeel 560 ml (475 g) suiker 2,5 ml (½ t) sout 7,5 ml (1½ t) koeksoda 5 ml (1 t) bakpoeier 180 ml (¾ k) karringmelk 3 groot eiers 10 ml (2 t) vanieljegeursel 2 blikke (450 g) ingelegde swartkersies 125 ml (½ k) suiker 60 ml (¼ k) kersielikeur (opsioneel) 500 ml (2 k) room sjokolade (Flake) vars kersies Voorverhit oond tot 180 °C en berei oondpan van 27 cm x 37 cm voor deur dit met kleefwerende sproei te bespuit en met meel te sprinkel. 1 Smelt botter en meng kakao by. Wanneer botter gesmelt is, meng kookwater by en laat mengsel vir paar minute kook.…

Probeer ’n mens ’n portret van Gordon Froud saamstel, die man wat onbaatsugtig sulke diep spore in die kunswêreld in Suid-Afrika én ook buite die land trap, is die aspekte wat ter sprake kom dié van galery-eienaar, kurator, inisieerder en ondersteuner van talle kunsprojekte, kunsversamelaar, mentor, kunsdosent en kunstenaar. Die afgelope 30 jaar of wat was dit min of meer die orde waarin hy sy talente aangebied het. Maar gaandeweg het dié orde begin skuif en vanjaar tree die kunstenaar besonder sterk op die voorgrond – sy omvangryke uitstalling met meer as 100 nuwe werke, Harmonia: Sacred Geometry, The Pattern of Existence, het pas in die Standard Bank-galery in Johannesburg begin. Dié uitstalling is verreweg die “ernstigste” versameling werk wat Froud nóg gemaak het en die kleinste werk in dié…

Die titel van Rian van Heerden se outobiografie, Sestien dinge wat ek nié moes sê nie (Tafelberg), is tiperend van hierdie omstrede radio-omroeper en TV-aanbieder. Hy is kortkort in die moeilikheid, en omstredenheid volg hom waar hy ook al gaan. Eintlik is die titel ’n bietjie misleidend, want hoewel Rian telkens dinge kwytgeraak het wat hom in die moeilikheid laat beland het, is dit ook in die meeste gevalle duidelik dat hy nie regtig spyt is oor wat hy gesê het nie. Eerder wil dit voorkom asof hy deurgaans die grense van wat gesê durf word, doelbewus oorskry. Hy het reeds uit die staanspoor, in sy dae as omroeper en later stasiebestuurder by Tuks FM, die grense van dit waaroor gepraat durf word, uitgedaag. Vir ’n Afrikaanse gehoor…

Doen dit nou. Hierdie drie woorde kan jou lewe vir altyd verander. Doen dit nou! Indien nie nou nie, wanneer? Hoeveel keer was die woorde “van uitstel kom afstel ” , nie op jou lewe van toepassing nie? As ons vir die regte tyd of die regte geleentheid wag, gaan ons moontlik van die grootste geleenthede in ons lewe misloop. As jy vir die perfekte omstandighede wag voor jy met iets gaan begin, gaan jy nooit begin nie. Moenie toelaat dat oomblikke by jou verbyglip en dit “eendag” word nie. Eendag sal ek dit of eendag sal ek dat. Wat is fout met nou? Dit gaan dalk ’n risiko vereis, dit sal dalk met onkoste en tyd gepaardgaan, waarvan jy nie baie het nie, maar as dit iets is wat…

Drie jaar lank het hulle gesukkel om met ’n gesin te begin. Toe kry hulle binne twee jaar twee aanneembabas wat boonop bloedsussies is. Dit is niks anders as ’n Godgegewe wonderwerk nie, vertel Sandra (31) en Dino (33) Arraiol van Hartbeespoort. Toe die paartjie ses jaar gelede getroud is, wou hulle dadelik met ’n gesin begin. Hulle wou nie wag nie, want kinders is hul lewe. “Ons kom albei uit groot Portugese families en is nog altyd deur kinders omring,” vertel die paartjie, wat albei opvoedkundiges is. Dino is die skoolhoof by ’n privaat skool en Sandra is ’n graad R-onnie by dieselfde skool. Toe Sandra ná ’n jaar nog nie swanger was nie, het sy ’n ginekoloog besoek. ’n Lang en uitmergelende pad het op hulle gewag. Hulle…

PRUTPOTWENK Raak ontslae van die wit lagie in ’n prutpot deur koeksoda en skottelgoedwasmiddel te meng en dit op te vryf. Los dit ’n bietjie aan en was dit daarna. APRIL-WENBOEK Woelige weeksdae wat fyn tussen werk, skool, sport en huiswerk verdeel word, beteken nie dat aandete uit gebakte boontjies op roosterbrood hoef te bestaan nie. 50 prutpotgeregte wys vir jou hoe om met behulp van jou prutpot en minimale voorbereiding heerlike bredies, sop, sappige braaistukke en selfs poeding kan gaarmaak. 50 prutpotgeregte gee ook wenke oor hoe om jou prutpot optimaal te gebruik en te versorg. Die boek is by toonaangewende boekwinkels en by www.lapa.co.za beskikbaar WAYNE SAAYMAN SÊ KAAS IS ’N OU WENK VIR MUISVANG, MAAR GRONDBOONTJIES WERK BAIE BETER. “ONS BREEK GRONDBOONTJIES IN DIE…

Die klankbaan van David Kramer se multimedia-wêreldmusiekproduksie Afrique mon désir/ Afrika my verlange is ’n musikale meesterstuk, aangebied deur die Cape Town Music Academy (CMTA). Dié grensverskuiwende pragproduksie van 90 minute het gehore onlangs by die US Woordfees en by die KKNK betower. Dié gedagtevlug van Nico MacLachlan, die uitvoerende hoof van die CTMA, spog met die uitsonderlike talent van Laurinda Hofmeyr (wat die meevoerende toonsettings behartig het) en ’n wêreldklas-ensemble bestaande uit Wes-Afrikaanse musikante en sangers. Die deurdagte narratief ondersoek temas van verplasing en verlange en die gepaardgaande innerlike konflik, terwyl die bewoners van Afrika oor die vooruitsigte van verlossing, genesing en omhelsing gil én fluister. Hulle ontdek en onthul ’n skatkis van Afrika-poësie uit Franssprekende lande soos Madagaskar, die Ivoorkus, Kameroen, Mauritanië en Tsjaad…

Die tiende Johannesburg se Internasionale Mozart-fees (JIMF) is in Januarie in die Goudstad aangebied – ’n fees wat jaarliks op 27 Januarie, die geboortedag van Wolfgang Amadeus Mozart, begin en vir langer as ’n week ’n verskeidenheid musiekkonserte aanbied. Met die titel Papageno/Papagena is die fees vanjaar weer met Florian Uhlig as artistieke direkteur en Richard Cock as uitvoerende direkteur aangebied. Vanjaar was daar, anders as vorige jare, twee feeskomponiste wie se werk op die fees uitgevoer is. Dié eer het Lungiswa Plaatjies en Matthijs van Dijk te beurt geval. Lungiswa Plaatjies was een van die komponiste wat verlede jaar onder lei-ding van Neo Muyanga, toe die JIMF se feeskomponis, aan ’n opleidingsprogram deelgeneem het met die oog daarop om Westerse kunsmusiek en dié van Afrika vermeng en verwerk te…