Innholdsfortegnelse for 13 April 2018 i Vrouekeur

Die wonder van taal is dat ons kan kommunikeer, maar geen taal het ’n onbeperkte woordeskat nie. Wat beteken ons praat met die woorde wat ons het. Die Afrikaanse begrip vir “disability” is “gestrem”. Albei woorde is vir my problematies. Maar dis hoe taal werk. ’n Woord gee ’n hele wêreld en die konnotasies aan daardie wêreld weer. In hierdie week se uitgawe is daar twee artikels van mense wat as “gestrem” gekategoriseer word. Tracy Todd is in ’n motorongeluk verlam en Christa Swanepoel skryf oor mense met outisme. As jy verlam is of outisme het, is jou wêreld vir ander ’n gestremde wêreld. Vir sogenaamde “ongestremdes” is dit dikwels moeilik om verby die “gestremdheid” te kyk en die mens raak te sien. Sandra L Westendorf-Coelho, skrywer van die boek,…

“Ek dink nie daar is werklik iets soos die mitiese ‘ewigdurende jeug’ nie. Ek glo egter wel dat ’n mens met die regte ingesteldheid tot in die hoë ouderdom steeds jonk van gees kan bly,” meen die uitsaai-ikoon Riaan Cruywagen. Dié veteraanuitsaaier is al 53 jaar lank ’n Suid-Afrikaanse instelling – as ‘t ware volksbesit. ’n Amperse kultusfiguur. Ons Larry King. Ons Chuck Norris. Ons Haas Das. Radioluisteraars en TV-kykers ken hom sedert 1965 – as die vergestalting van professionaliteit nadat hy sy BA-graad in tale met ’n SAUK-beurs aan die Universiteit Stellenbosch verwerf het. Eers tien jaar by radio en toe 43 jaar by TV, waarvan 37 jaar by SAUK-TV, met am-per 8 000 TV-nuusbulletins agter sy blad. En het hy in daardie tyd waarhede geleer! “Geen mens is…

PANTOFFELS – die nuwe dagskoen? Aanglipsandale of -skoene wat soos pantoffels lyk is nou hoogmode. Loop nou bedags super gemaklik rond en voel steeds tuis! TEKSTUUR, DIE NUUTSTE GIER! Wees op die uitkyk na hope kant, blommeborduurwerk, blinker- en metaaldetail of fluweelsagte materiale! SUPERSJIEK! Hierdie oulike brilrame van Snob Milano kom met ’n ‘sonbrilmasker’ wat maklik oor die hele raam skuif en met ’n magneet in plek bly. WAAR KOOP EK DIT? Cotton On www.cottonon.co.za 011 268 3700 Foschini, Luella www.foschini.co.za 021 938 1911 (Hoofkantoor) Jekyll & Hide www.jekyllandhide.co.za 021 447 6830 Jet www.jetonline.co.za 0860 113 639 Queenspark www.queenspark.com 021 460 9400 customercare@queenspark.com Snob Milano www.snobmilanosa.co.za011 440 7611…

DIS PAASBOLLETJIETYD! Een keer elke jaar kry jy die kans om paasbolletjies te verorber. Hierdie jaar het Albany D’Light van die tradisionele tot sjokoladebolletjies – iets vir elkeen se smaak. Geniet dit saam met ’n koppie tee, vir ontbyt, as middagete in jou kosblik of pak dit in vir ’n piekniek. Ongeveer R19,99 vir ’n pakkie van ses en tot en met die eerste week van Mei beskikbaar. GESONDE GAARMAAKMETODE Gesondheidsbewustes hou van stoom as ’n gaarmaakmetode. Met Joseph Joseph se stel van drie klein individuele stoommandjies kan jy verskillende disse terselfdertyd gaarmaak. Dit het silikoonhandvatsels en ’n handvatsel om aan die pot te haak. Die mandjies is BPA-vry en kan in die skottelgoedwasser gewas word. Die mandjies pas in mekaar, wat plek spaar wanneer dit gebêre word, R449. www.yuppiechef.com…

ROLPRENTE WINCHESTER 4/10 Met Helen Mirren en Sarah Snook Regisseur Michael en Peter Spierig RILLER Is dit moontlik? hoor ek jou geskok vra. Het Helen Mirren ’n swak rolprent gemaak ná al die meesterstukke wat sy ons die afgelope paar jaar gegee het? Wel, selfs die grotes kan val! En dame Mirren moes dalk die rol geweier het. Dit is gegrond op die ware verhaal van die eksentrieke Sarah Winchester wat ’n fortuin geërf het en in ’n huis gaan woon waar dit spook. Dit staan bekend as die mees geteisterde huis in Brittanje. Die enigste manier om die spoke te besweer, is om aan te hou met bou, daarom moet daar permanent aan die huis verbreek word om die geeste te kalmeer. Maar die bouery maak nie sin nie.…

Waar die lang kronkelpaadjie teen ’n koppie buite Botrivier na die huis van die Oosthuyse-gesin uitswenk, word jou asem behoorlik weggeslaan. ’n Luukse “boomhuis” uit klip en hout met reusevensters wat oor die vallei uitkyk wag jou in. Hier bly Karen en Rudi, albei lodgeeienaars, met hul kinders, Ruan (6) en Karmi (3). Die Oosthuyses besit en bestuur KolKol Mountain Lodge buite Botrivier. Die dekorstyl is minimalisties, eenvoudig en modern, maar tog aards, want die Oosthuyses glo minder is meer. Slim kleuraksente en unieke meubelstukke verleen individualiteit aan hul woonhuis. Hulle woon sedert einde 2014 in die huis en Karen vertel hulle het in Junie 2013 die bome geplant en die grond gelyk gemaak en in 2014 gebou. Die plaas is familiegrond wat in 1995 bekom is. BOUWERK Rudi is…

Ek ken ’n vrou wat van kleins af grootoog na die wêreld gestaar en vroeg reeds besluit het om die lewe in al sy fasette te geniet. Die dogtertjie met die rooi hare en blou ogies was nie juis ’n kandidaat vir Mej Tinkerbell nie, maar tog oulik en innemend op haar unieke manier. Haar beste eienskap was egter haar lewenslus en sin vir avontuur. Op skool was sy goed in tale, treurig in wiskunde, nie te sleg in sport nie en baie lief vir lees. Haar eerste liefdes was die sanger David Cassidy en die tennisspeler Björn Borg. Sy wou ’n lugwaardin, geoloog of aktrise word. Ek ken ’n vrou wat nie as jong meisie gedroom het van haar troudag nie, maar van die onbekende lande wat sy wou…

VERMY OM VERJAARDAG TE VIER Ek het nog altyd na my verjaardag as ’n groot jaarlikse gebeurtenis uitgesien. Hierdie jaar wil ek nie verjaar nie en het geen behoefte aan die sosiale gekuier van vriende en familie nie. Is hierdie gevoel normaal en sal dit in die toekoms altyd só voel? – Ongemak Dalk wil jy mense vermy wat ’n ophef van jou maak, ten spyte daarvan dat jy tevore plesier daaruit geput het. Selfondersoek is nodig aangesien jou gedrag ’n moontlike aanduiding van ’n lae gemoed is. Sosiale isolasie is kenmerkend, veral as mens situasies waar jy die fokuspunt is, begin vermy. Kontak gerus ’n terapeut wat kan help om te identifiseer of jou gemoed dalk, om redes wat onbekend aan jou is, besig is om te verswak. VASGEVANG…

Het jy al besluit wat vir jou regtig belangrik en waardevol in die lewe is? Wel, jy kan maar net kyk waaraan jy die meeste tyd en/of geld bestee en dit sal vir jou ’n goeie aanduiding wees. Die derde sleutel wat ek dié week aan jou wil oorhandig, is: Besluit wat jy regtig wil hê en wat in die lewe vir jou belangrik is. Die Here het aan elkeen van ons ’n fantastiese geskenk gegee: die geskenk om vir onsself te kan kies. Ons het die vryheid om tussen goed en sleg en tussen reg en verkeerd te kan kies. Ons het die vryheid om te kan kies wat ons in die lewe wil hê. Jy moet besluit wat belangrik is en wat nie belangrik is nie. Jou waardes…

SELFDE PATROON, ANDER MATERIAAL EN NET SO MOOI! Baie dankie vir al die mooi patrone wat julle plaas. Ek het al talle van hulle gemaak. Die patroon van die mat in 12 Januarie 2018 se uitgawe het ek ook gehekel, maar met ander materiaal as wat julle voorgeskryf het. Ek het plastiekinkopiesakke gebruik. Ek het dit in repe opgesny en daarmee gehekel. Ek dink toe daaraan dat dit ’n goeie manier van herwinning is. Dit lyk mooi en kan maklik as ’n matjie by die deur of waar ook al gebruik word. Nogmaals baie dankie vir al die mooi patrone. Sarie Locherenberg, Witbank NOG ’N VOORBLADOPSIE Wenbriefwenners wen ’n geskenkpak van LAPA Uitgewers WEN Jana is net drie jaar oud toe haar ma spoorloos verdwyn. Snags roep die wind haar…

Carla is ’n ma met ’n outistiese kind. Sy vertel: “Hope was 12 dae oud toe sy in veilige hawe by ons geplaas is. Ons doel was om haar aan te neem en toe sy vier was, is die aannemingsproses afgehandel. Hope is nou sewe jaar oud en ’n pragtige kind. ”Ek en my lewensmaat, Zuleka, is albei oudverpleegkundiges en toe Hope net so oor ’n jaar oud was, het ons opgelet dat sy skielik tjoepstil geraak het. Die enkele woorde wat sy toe reeds gebruik het en die gewone kleutergebrabbel het net opgehou. Sy het ook net op haar eie gespeel en het ons glad nie betrek by dit waarmee sy besig was nie. Ek het van outisme geweet en was dadelik bekommerd. “Die pediater kon niks fout vind…

KERRIEMAALVLEIS-EN-BLOMKOOLRYS 4 porsies 1 ui, gekap 5 ml (1 t) fyn knoffel 2,5 ml (½ t) fyn vars gemmer 10 ml (2 t) kerriepoeier 500 g maalvleis 400 g (1 blik) gekapte tamaties 300 g (1 pak) gerasperde blomkool 1 Braai ui in bietjie olie tot sag. Roer knoffel en speserye by en braai tot geure loskom. 2 Sit maalvleis by en braai tot bruin. Geur met sout en peper. 3 Gooi tamaties by en kook tot sous verdik. 4 Braai blomkool in bietjie botter en sit saam met maalvleis voor. SPINASIE-EN-SAMPIOEN-QUICHE 4 porsies 125 ml sampioene 2,5 ml (½ t) fyn knoffel 300 g jong spinasie 100 g klein tamaties 5 eiers 30 ml (2 e) room 250 ml (1 k) sterk kaas sout en peper Stel oond op…

Wanneer ’n Europese reis beplan word, is Hamburg dalk (nog) nie so hoog op die lys van bestemmings soos Berlyn en München nie. Tog is Duitsland se tweede grootste stad vanjaar met goeie rede op die reiswebwerf Lonely Planet se lys van moet-sien-stede. Die “Venesië van die Noorde” is ’n stad van kontraste met ’n ryk geskiedenis, argitektoniese skoonheid, lewendige kultuurlewe en ’n berugte rooiligdistrik. Hamburg is sedert die Middeleeue ’n belangrike Europese handelsentrum vanweë die hawe se ideale ligging aan die Elberivier. Die maritieme invloed kan regdeur die stad gesien word – van die argitektuur tot die spyskaarte. Hoewel Hamburg vandag een van die welvarendste stede in Duitsland is, het die stad vroeër jare baie teëspoed gehad. In 1842 het die “groot brand” byna ’n…

In 1508 het die 65-jarige pous Julius II besluit sy persoonlike kwartiere in die Vatikaan kort ’n bietjie aandag en bowendien was sy voorganger, pous Alexander VI, se woonplek reg onder hom heelwat deftiger. In 1492, die jaar waarin kardinaal Rodrigo Borgia die troon van die heilige Petrus as pous Alexander VI bestyg het, het Alexander die skilder Pinturicchio in diens geneem om sy kwartiere te versier. Vir die pous was koste nie ’n kwessie nie en Pinturicchio het met sy fresko’s sy werkgewer gevly. Met helder kleure, reliëfwerk en ruim gebruik van bladgoud het Pinturicchio sy naam verewig en die pous se glans en heerlikheid (dit was tog Alexander se oogmerk) laat skitter. Verstaanbaar dus dat Julius voor die einde van sy lewe (wat eers in 1520 sou wees)…

APRIL-WENBOEK Woelige weeksdae wat fyn tussen werk, skool, sport en huiswerk verdeel word, beteken nie dat aandete uit gebakte boontjies op roosterbrood hoef te bestaan nie. 50 prutpotgeregte wys vir jou hoe om met behulp van jou prutpot en minimale voorbereiding heerlike bredies, sop, sappige braaistukke en selfs poeding kan gaarmaak. 50 prutpotgeregte gee ook wenke oor hoe om jou prutpot optimaal te gebruik en te versorg. Die boek is by toonaangewende boekwinkels en by www.lapa.co.za  beskikbaar SUSAN SMITH VAN MONTANAPARK IS VANDEESWEEK ONS WENNER: • Maak bra’s vas voordat jy dit in die wasmasjien sit om te was. Dit keer dat die hakies aan ander wasgoed haak. • Spuit oondbaksakkies met kleefwerende kooksproei voordat jy die vleis, ensovoorts, daarin sit om te bak. HEMP GEKREUKEL? Gooi dit…

’N FEES VAN KOS EN WYN Loer op 21 April in by die gewilde Botrivier Barrels & Beards-fees by die Wildekrans-wynlandgoed. Verskeie landgoedere vorm deel van hierdie Overbergse fees. Vanjaar sal gaste kan smul aan die kos van die vallei met tafels wat onder plaaslike produkte en spesialiteite kreun. Kaartjies kos R450 per persoon. Koop kaartjies deur www.quicket.co.za DIE SUID-OOS-GESKENKEMARK Vanjaar se Suid-Oos-geskenkemark vind van 24 April tot 5 Mei in Witbank plaas. Die mark by die Nederduitsch Hervormde Kerk Suid-Oos sal weer met kuns, dekor en eetgoed spog. Die mark sal slegs op Sondag 29 April gesluit wees. Kyk na ‘Geskenkemark’ op Facebook en bel 082 512 9849 vir navrae SOLID GOLD BY DIE BARNYARD Die vertoning Solid Gold is nog tot 22 April by die Barnyard-teater…

Na raming verloor ongeveer sewe miljoen Suid-Afrikaanse tienermeisies elke maand waardevolle skooldae omdat hulle nie geld vir sanitêre doekies het nie. Claudia Konicke van Somerset-Wes het besluit om haar deel te doen om te help om hierdie getalle drasties te laat afneem. Sy het op ’n artikel afgekom wat hierdie dilemma uitlig en dié statistiek het haar geskok. Baie meisies kan eenvoudig nie die ongemak en verleentheid by die skool verduur nie. Maar selfs wanneer hulle tuis bly, gebruik hulle ou klere, stukke lap en selfs blare of sokkies wat met sand gevul is tydens hul maandstonde en só steek allerhande gesondheidsprobleme kop uit. Die meeste mense sou dalk vir ’n ruk besorg gewees het as hulle hiervan sou hoor en by kettingwinkels vir fondsinsamelingsprojekte vir sanitêre doekies bygedra het,…

PIESANGTERT 1 tert 1 ℓ (4 k) melk 1,25 ml (¼ t) sout 90 ml (6 e) suiker 125 ml (½ k) vlapoeier 2 blikke gekookte kondensmelk 2 pakke tennisbeskuitjies 8 piesangs, in skyfies gesny 1 suurlemoen se sap 250 ml (1 k) room 1 x Flake-sjokolade 1 Bring melk, sout, suiker en vlapoeier tot kookpunt. 2 Voeg gekookte kondensmelk by en kook tot dik. Haal van stoof af en laat vlamengsel afkoel. 3 Pak twee lae soos volg in tertbak van 28 cm x 20 cm: laag tennisbeskuitjies, laag vlamengsel en laag piesangs, sprinkel die piesangs met suurlemoensap. Herhaal vir tweede laag. 4 Klop room styf en spuit bo-op, krummel sjokolade bo-oor. 5 Plaas tert in yskas en laat stol. 6 Sit koud voor.…

Christoph Kotze se talent is sinoniem met trefferliedjies, meestal vir ander kunstenaars: onder andere Theuns Jordaan, Karlien van Jaarsveld, Bok van Blerk, Laurika Rauch en Dewald Wasserfall. Sy komposisies het al talle toekennings verwerf; onder meer die Ghoema-toekenning vir liedjie van die jaar vir sy liedjie Superhero vir EDEN. Christoph is egter ’n sanger en musikant in eie reg en het onder sy geboortenaam stewige albums uitgereik en die standaard van Afrikaanse musiek verskuif en verruim. Fliekgangers het hom gehoor en gesien in die rolprent Somerson, waarin hy sy temalied-komposisie vertolk het. Hy het hom verlede jaar hervestig as Appel en as residensiële skrywer by InhoudHuisMusiek aangesluit. Hy stel musiekliefhebbers op die album Lei my na die water aan sy nuwerwetse styl bekend. Appel se musiekstyl versnit volwasse kontemporêre folkpop…

Noem jy die naam Vangelis en die klankbaan van Chariots of Fire , die fliektreffer van 1981, kom onmiddellik by jou op. Dit was met dié klankbaan waarmee Vangelis die Oscar vir die beste oorspronklike rolprentkomposisie verower het. Dit was met sy eiesoortige klank – wat ’n mens met moeite kan klassifiseer – waarmee hy as ’t ware aan instrumentale musiek van die 1970’s en veral die 1980’s gestalte gegee het. Beskrywings soos “sintetiseerder-musiek”, “new age”, “progressiewe rock”, “simfoniese rock”, “ruimtemusiek” en “elektroniese musiek” is aan sy werk gegee. Nietemin dra nie een van dié begrippe die volledige lading van Vangelis se musiek nie. In dieselfde asem moet ’n mens toegee dat hy moontlik by tye in wat al as “autopilot arranging” beskryf is, verval het. Die…

In 1986 het Ronel Johl ’n boek geskryf met die titel Kritiek in krisis. Hiermee het sy aangedui dat die teksgerigte literatuurkritiek wat die vorige twee dekades die oorheersende vorm van Afrikaanse literatuurkritiek was, in ’n krisis beland het. In die vorige aflewering in hierdie reeks oor literatuurkritiek is aangetoon dat ’n fokus op “estetiese kriteria”, en die metodes van “stiplees” of “close reading” van tekste sedert die laat 1950’s en veral die 1960’s ’n sentrale plek in die Afrikaanse literatuurkritiek ingeneem het. Van Wyk Louw het ’n groot rol daarin gespeel dat afgereken is met die ouer impressionistiese kritiek of kritiek wat op die outeur, “die mens agter die boek”, gerig was. Hy en talle ander kritici het hulle vir ’n meer verantwoordbare kritiek beywer. Die sogenaamde “stilistiek”, ’n…

WAT HET JY NODIG? 3 (4; 5; 5; 6; 6) balle ELLE PURE GOLD DK (100 g) in Jeans 3,25 mm- en 4 mm-naalde 5(5; 5; 6; 6; 6) knope GROOTTES 61–66(71–76; 81–86; 91–97; 102–107; 112–117) cm AFKORTINGS aw – aweregs gl1 – glip 1 steek regsgewys, r – regs r2tes – regs 2 steke tesame tgso – trek glipsteek oor WENKE Brei die lyfgedeelte so lank of kort soos jy dit verkies – vir ‘n kort baadjie of maksijas. Die sakke is opsioneel. AANWYSINGS AGTERPANT Met 3,25 mm-naalde stel 78(90; 102; 114; 126; 134) ste op en werk 10 rye in 2x2-rif. Met 4 mm-naalde r en vmin 1(1; 1; 3; 3; 1) ste eweredig oor ry. 77(89; 101; 111; 123; 133) ste. Vlg ry: aw. Gaan voort in…