Innholdsfortegnelse for 16 March 2018 i Vrouekeur

As kinders het ek en my drie broers die tye wat ons nie in die skool was nie, buite gespeel. Ons het geswem, tennis gespeel en ons met fantasiespel besig gehou. Ons het fiets en kaskar gery. ’n Sandput het ons ure se pret verskaf. Uiteraard was daar 50 jaar gelede nie vandag se tegnologie nie. As jy wou speel, moes jy kreatief wees en goeters maak en bou. En toentertyd kon kinders wêreldwyd nog alleen op hul fietse ry of stap om by maats te gaan speel. Vandag is daar net te veel bose mense wat kinders ontvoer en doodmaak. Dis jammer, want om sonder skoene buite te speel en met boublokkies, Meccano en pophuise binnenshuis te speel of boeke te lees as dit te erg reën, is iets…

Daar ís boeke wat ’n mens se lewe kan verander. Dis nie noodwendig ’n Damaskuservaring nie, dis dikwels meer soos ’n klippie wat in ’n stil dam gegooi word, en jare later sien jy steeds die kringe op die water. So lees ek onlangs ’n rubriek waarin die sosiologie-professor Andries Bezuidenhout skryf dat Simone de Beauvoir se boek The Second Sex in die jare tagtig in Pretoria se universiteitsbiblioteek in ’n verbode afdeling gerangskik is, saam met boeke van Marx, Lenin, Mao en soortgelyke volksgevare. Jy moes amptelike vergunning vra as jy vir navorsingsdoeleindes deur dié boeke wou blaai. The Second Sex kon jy op ’n rak vind wat aan “Vrouesiektes” afgestaan is. Dit het my laat lag, natuurlik, dat feminisme deur ons volksvaders as ’n siekte beskou is –…

MAALVLEIS-EN-SAMPIOEN-KOPPIES 2 porsies bietjie olie 1 ui, gekap 2,5 ml (½ t) fyn knoffel 300 g maalvleis 125 g (½ pakkie) sampioene, gekap 250 ml (1 k) room 50 g (1 pakkie) sampioensoppoeier 6 snye witbrood, korsies afgesny 125 ml (½ k) mozzarellakaas, gerasper Verhit oond tot 180 °C. 1 Verhit olie en braai ui tot sag. Gooi knoffel by en braai tot geure loskom. 2 Voeg maalvleis by en braai tot goudbruin. 3 Voeg sampioene by en braai tot sag. 4 Voeg room en soppoeier by en bring tot kookpunt. 5 Spuit groot muffinpan met kossproei en druk brood daarin vas. 6 Laat brood vir agt minute bak of tot net bruin en bros. 7 Skep mengsel in en sprinkel kaas oor. 8 Bak vir 15 minute tot kaas…

Die Stellenbosse filosoof Johan Degenaar het jare gelede politiek as the interplay of pressures beskryf. Elegant soos dié man met denke en taal omgegaan het, het hy met dié omskrywing die benoude definisies van politiek verruim en ’n mens ruimte gebied om nie bloot op die pressures te fokus nie, maar ook op die interplay ; op die spel tussen A en B, op die spel tussen die pole van binêre opposisies. Hoe jy uiting gee aan die druk aan of van weerskante, dit is die spel. Dit is politiek in sy wydste betekenis. Dit is hierdie soepel betekenis van politiek wat landkuns nog altyd nagestreef het: Dikwels uit die oog,…

MOEILIKHEIDSGRAAD: * BENODIGDHEDE M oYa 100% katoendraad DK (50 g-balle): 2 balle elk Marigold, Kiwi, Grapefruit en Fern 3 mm-hekelpen 1 m bypassende katoenmateriaal vir voering A anstrykmateriaal (Vilene) of dun watteersel Algemene naaldwerkbenodigdhede GROOTTE 37 cm x 37 cm AFKORTINGS EN STEEKVERDUIDELIKINGS  beg = begin, dies = dieselfde, dsl = dubbelslagsteek, gs = glipsteek, h/af = heg af, herh = herhaal,hlb = hlaflangbeen, kb = kortbeen, ks = kettingsteek, lb = langbeen, rdte = rondte, sp = spasie, vlg = volgende Dubbelslagsteek: 1 Slaan die draad twee maal oor die pen. 2 Steek die pen in die volgende steek. 3 Slaan die draad oor die pen en trek die pen deur die eerste lus sodat daar vier lusse op die pen is. 4 Slaan die draad oor die pen…

DIT BLÝ So word ek ook onlangs een van die werklose statistieke weens ’n gehoorprobleem. Dit verg fyn beplanning en kostes sny waar ’n mens kan. Toe ek by Vrouekeur op my kostelysie kom, besluit ek dit is die een plesier wat ek myself nie gaan ontsê nie. ’n Dierbare dokter het vir my gesê ’n mens benodig voedsel vir die liggaam en siel. Ek sny liewers ’n ander onnodige luukse, maar Vrouekeur sal op my kooplysie bly. Marianne Buys, Alberton Ons dink ook Vrouekeur is nie 'n "wil-hê" nie, maar 'n "moet-hê". Sterkte! – Red NOG ’N VOORBLADOPSIE Wenbriefwenners wen ’n geskenkpak van LAPA Uitgewers WEN Die Pharos Afrikaansgids bied eenvoudige riglyne vir spelling en skryfwyses volgens die 2017-uitgawe van die Afrikaanse woordelys en spelreëls. Dit dek die belangrike…

Waar sy ook al optree, trek sy aandag met haar ryk, genuanseerde stem. Haar veelsydigheid blyk uit klassieke en ligter musiek, operas en musiekspele. Al is Vera-Marie Meyer (39) in aanvraag, kies sy haar optredes versigtig. Want aan roem het sy geen erg nie. “Ek het dit nie nodig nie,” verklaar sy sagkens. “Daar’s belangriker dinge.” Haar pa en man is albei by die varsproduktemark betrokke, maar sy erken sy het nooit geleer kosmaak nie. “Ná ons troue het ek vir my man ’n stuk biefstuk in water gekook,” vertel sy laggend. “Sedertdien het ek darem geleer om lekker kos te maak.” Christo Willemse is haar skoolliefde. Hulle het twee kinders, Crystal (11) en Christopher (6). Vera-Marie is die jongste van vier kinders, gebore in Springs, waar sy vandag steeds…

DECOREX DURBAN Decorex Durban word van 21 tot 25 Maart by die Durbanuitstalsentrum gehou. Besoekers kan benewens al die stalletjies, interessante uitstallings verwag soos een oor badkamerneigings, “slim” huise, “she sheds” en dies meer. Kaartjiepryse wissel. Besoek www.decorex.co.za  vir meer inligting ’N INDIESE FEES Besoek Montecasino in Fourways, Johannesburg van 16 tot 25 Maart vir die Festival of India. Dit beloof ’n extravaganza van die Indiese lewenstyl, mode, kultuur, kos en huisware. Dis ’n ideale uitstappie vir die hele gesin. Toegang kos R20 per persoon. Besoek https://www.tsogosun.com KUNSUITSTALLING Fumani Walter Maluleke se jongste kunswerke kan tot 23 Maart by die Springskunsgalery in die biblioteekgebou in Springs besigtig word. Sy kunswerke is bekend vir hul lig, kleur en uitdrukking. Vind meer uit by 011 999 8726 SPESIAAL…

VIR DIE KINDERS Sorg sonder enige moeite vir ontbyt, middag- en aandetes tot versnaperinge vir die kleinspan. Woolworths het reeds al die werk vir jou gedoen. Kies uit heilsame gereed-omte-eet-maaltye in vrolike verpakkings. KEER DIE STAMP Keer dat kinders teen tafelhoeke stamp met hierdie oulike dierehoekbeskermers wat teen hoeke vasklamp, R59,99. Pylones SKOONGESKROP Maak jou braairooster met dié nuttige borseltjie skoon, R145. Weylandts VIER DIE PASE Tydens Paasfees kan jy weer aan ’n Paashasie van LINDT smul. Daar is ’n verskeidenheid produkte te kies en te keur, maar die hasie met die klokkie om die nek bly die gewildste, ongeveer R54,95. *Pryse onderhewig aan verandering…

KOFFIEKOLWYNTJIES 18 kolwyntjies 125 ml (½ k) kookwater 10 ml (2 t) koffiepoeier 125 ml (½ k) melk 5 ml (1 t) vanieljegeursel 360 ml (190 g) koekmeel 60 ml (30 g) kakao 5 ml (1 t) bakpoeier 2,5 ml (½ t) koeksoda 1,25 ml (¼ t) sout 120 ml (115 g) botter 120 ml (100 g) suiker 120 ml (100 g) bruinsuiker 1 groot eier VERSIERSEL 250 ml (225 g) sagte botter 540 ml (285 g) versiersuiker 7,5 ml (1½ t) vanieljegeursel 7,5 ml (1½ t) koffiepoeier Verhit oond tot 180 °C en voer kolwyntjiepanne met papiertjies uit. 1 Meng kookwater en koffiepoeier tot opgelos en voeg melk en vanieljegeursel by. 2 Sif meel, kakao, bakpoeier, koeksoda en sout saam. 3 Klop botter en suiker tot lig en donsig.…

Die gehalte van gospelmusiek – in Afrikaans, Engels en van die ander amptelike tale in Suid-Afrika – is meestal van die hoogste gehalte. Vandeesweek luister Oppinoot na twee sulke albums wat van vakmanskap getuig: genregetroue, oorspronklike nuutskeppinge, luisterryke, kontemporêre verwerkings en puik vertolkings. MANNE WAT GLO Vier van die land se vaardigste en gewildste gospelkunstenaars – Jan de Wet, Leon Ferreira, Willie Joubert en Rudi Muller – jubel, juig, eer en loof in kwartet op hul album Manne wat glo 3 (Vonkmusiek). Dié kragtige geestesreis bestaan uit 15 snitte, hoofsaaklik nuutskeppinge deur van die sangers self. Tussen die gewilde nuwe werke is die snitte Konings van konings, Vrede op aarde en Onbeskryflik groot. Die tekste is Bybelgetrou en word in alledaagse verstaantaal gemoderniseer om hernieude betekenis aan die boodskap te…

Vir sy derde konsertaanbieding vir die jaar het die Johannesburgse Musiekvereniging die dienste van die Stellenbosse tjellis Peter Martens bekom. In sy konsert op 25 Maart is die pianis Bryan Wallick saam met Martens op die verhoog van die Linder-ouditorium in Parktown. Martens se spel word gekenmerk deur virtuositeit, ferm beheer en die sonore klank wat hy uit sy tjello haal. Daarby is dit die fokus waarmee hy ’n program benader wat immer opval. Dink maar aan die Bach-tjellosuites wat hy in 2013 in die Endler-saal in Stellenbosch vir Two Pianists opgeneem het. Sy interpretasie van dié “simfonieë vir solo-tjello”, soos die Sowjet-tjellis Mstislaw Rostropowitsj daarna verwys het, getuig van begrip en intense voorbereiding. Dié stel suites, gekomponeer tussen 1717 en 1723, is waarskynlik die belangrikste werk wat daar vir…

Marlene van Niekerk verras telkens haar lesers. Die roman waarmee sy bekendheid verwerf het, Triomf , het baie lesers geskok en ontstel. Agaat , wat hierop gevolg het, het nie weer in ’n werkersklas-stadsmilieu afgespeel nie, maar op ’n plaas in die Overberg; sonder vloekwoorde en onder ’n bevoorregte sosiale klas (nie noodwendig minder ontstellend nie). Memorandum het weer ’n ander rigting ingeslaan, met die “memorandums” van ’n stadsverfraaier na aanleiding van sy hospitaalbesoek. Skilderye deur Adriaan van Zyl vorm ’n integrale deel van die roman en daarom lyk en voel die roman weer heeltemal anders as die voorgangers. Van Niekerk se kortverhale in Die sneeuslaper verras almal wat weer ’n roman verwag, want die verhale slaan ’n nuwe rigting…

Dis goed om te beplan. In Spreuke 17:24 staan daar: ’n Verstandige mens hou hom besig met wysheid, maar ’n dwaas se gedagte dwaal doelloos rond. ’n Verstandige mens werk met ’n plan en het ’n doel, terwyl ’n onverstandige mens sommer holderstebolder in ’n ding in hard-loop. Daar is ’n gesegde wat sê: Those who fail to plan, plan to fail. Ek wil graag oor die volgende paar weke ’n paar sleutels met jou deel van hoe om die beste gebruik te maak van die geleenthede wat jy kry. Sleutels word gebruik om óf iets aan die gang te kry, soos ’n motor, óf om iets oop te sluit. Dit is my gebed dat die vier sleutels jou sal help om jou aan die gang te kry…

Cindy Nell was nog altyd een van my gunsteling-Mej SAwenners. Sy straal ’n aura van ou Hollywoodse romanse uit, het die tydlose skoonheid van ’n Scarlett O’Hara en vandag, 15 jaar ná haar kroning, is sy steeds pragtig. Cindy erken self dat sy ’n sterk verbintenis met vervloë dae het. “Ek voel so half stuck in the fifties, ek sukkel om in hierdie moderne wêreld aan te pas,” sê sy laggend. “Ek sal maklik elke dag met handskoene en bloedrooi lippe rondloop.” Aan romanse is daar ook geen tekort in haar lewe nie, vertel Cindy, wat ten tyde van ons onderhoud haar Amerikaanse visum moet laat hernieu. “My man het my gevra wat ek op Valentynsdag wil doen en ek het gesê ek wil New York toe gaan. “Ons gaan…

WAAR KOOP EK DIT? Cotton On www.cottonon.co.za 011 268 3700 Execuspecs www.execuspecs.co.za0860 109 289 Jet www.jetonline.co.za 0860 113 639 Jo Borkett www.joborkett.co.za011 462 0604 (Hoofkantoor) Mr Price www.mrp.com 0800 212 535 Specsavers www.specsavers.co.za info@specsavers.co.za…

ABRIE SE PINOTAGE Daar is geen twyfel daaroor nie, Kanonkop se hoofwynmaker Abrie Beeslaar ken sy pinotage. Hy is einde verlede jaar vir die derde keer as Internasionale Wynmaker van die Jaar aangewys en is veral bekend vir sy voortreflike pinotage. Hy vertel ons meer van hierdie besonderse kultivar. “Pinotage is ’n kultivar wat hoe langer hoe meer in jou smaak val. As jy nie kans sien om ’n pad daarmee te stap en baie moeite daarin te sit nie, gaan jy ’n swak wyn maak. Pinotage is die enigste kommersiële Suid-Afrikaanse kultivar. Dit is in 1925 deur prof Abraham Perold tussen pinot noir en cinsaut gekruis. Pinotage het unieke eienskappe ten opsigte van blare, groei, geurprofiel en struktuur. Die pinotage wat ons maak, word eers herken as ’n goeie…

MAART-WENBOEK Katrien se Geskenke uit die kombuis bevat beproefde en vertroude resepte vir smullekker geskenke uit jou kombuis – vir koeke, poffertjies, terte, snoephappies en vulsels met verskeie variasies, tesame met etlike laekoolhidraat-, hoëvetresepte vir dié wat spesiale diëte volg (Banting, keto, paleo, glutenvry, suikervry). Baasbakker Katrien van Zyl fokus hoofsaaklik op maklike, flatervrye resepte wat vinnig gemaak kan word sonder ’n gesoek na vreemde bestanddele. Die moeiliker tegnieke word stapsgewys met duidelike foto’s geïllustreer, wat dit doenbaar maak vir enigiemand wat aanwysings kan volg. Katrien deel ook idees vir die verpakking van die lekkernye en verduidelik hoe jy houers kan herwin en versier om by enige geleentheid te pas. Kry die boek by www.metzpress.co.za  of toonaangewende boekwinkels CAROLINE WESSELS HET WENKE GESTUUR HOE OM WATER TE…

ROLPRENTE TOMB RAIDER Met Alicia Vikander en Walton Goggins Regisseur Roar Uthaug AVONTUURDRAMA Met Wonder Woman wat een van 2017 se grootste geldmakers was en met die Hollywoodse vroue wat oor seksuele teistering en ongebalanseerde salarisse in opstand gekom het, gaan 2018 die jaar van die vrou wees. Een van die soort flieks wat op vrouemoed gegrond is, is ’n nuwe weergawe van die Angelina Jolie-treffer oor Lara Croft van destyds. Alicia Vikander van The Danish Girl speel nou die hoofrol. Lara Croft se pa het verdwyn toe sy ’n tiener was. Op 21 besluit sy om sy dood te probeer oplos. Sy is sat daarvoor om as ’n doodgewone afleweraar op haar fietsie deur Londen se strate te jaag. Haar pa is laas in ’n geheime tombe gesien, en…

Hierdie kas kom uit ’n vorige lewe en die laaste laag verf het lankal sy doel gedien. Ek wou die verlede toeverf en nuut maak met ’n voorkoms wat my gelukkig maak. Oor Europa is ek gaande en in my kop het ek ’n Franse linnekas met skakerings van grysgroen en laventel gesien. Moenie dink hierdie is ’n naweekprojek nie! Om die eindresultaat te kry, verg geduld, tyd en moeite, maar die eindproduk is vir my mooi. GRANNY B’S OLD FASHIONED PAINT SE KLEURE GEBRUIK: Daisy (een laag oor die hele kas) Mushroom (twee lae oral) Hurricane (bo-op, basis, kante en raampies op die panele) Overcast (op die buitenste raam, panele en die binnekant van die deure) Teacup Green (stensilwerk, deurknoppe, panele en hartjies) Die binnekantse rakke, die basis en…

Wanneer die Gautrein by die lughawestasie stilhou en die deure amper geruisloos oop-sjoep , wag Emma oudergewoonte dat die ander passasiers eers uitklim voordat sy haar goed begin bymekaarmaak. Die paartjie wat tydens die kort treinrit van Rosebank af oorkant haar gesit het, is duidelik verlief. Hulle hang aan mekaar soos rankplante aan ’n slap draadheining. Sy wonder waarheen hulle op pad is, en of dit dalk ’n wittebrood is. Die man dra nie ’n ring nie, en die meisie het soveel blinkgoed aan haar vingers dat dit moeilik is om te sien of daar iewers ’n troupand versteek is. Wanneer die twee opstaan om hul tasse te kry, lag hulle saggies vir ’n private grappie. Emma vat selfbewus aan haar hare om seker te maak daar…

MAN SONDER OPHOU OP WHATSAPP Ek is moedeloos met my man en sy selfoon. Ons is albei in ons sestigerjare en woon op ’n plaas. Vandat my man WhatsApp ontdek het, is hy sonder ophou op sy foon. Hy ignoreer my en hy kan nie vinnig genoeg na sy foon gryp om die boodskappe te lees nie. Ek is al so gefrustreerd dat ek nie eens my WhatsAppboodskappe lees nie en wanneer ek daarop antwoord, is dit oordeelkundig. Ek het al hieroor probeer praat, maar dan beledig hy my. – WhatsApp-hater Die afhanklikheid van sosiale media is ’n probleem wat vele mense affekteer. Dis vir sommiges die maklikste kommunikasie met die buitewêreld, hoewel dit nie ’n verskoning is nie. Die samelewing, veral die jonger generasie, verleer om sinvolle persoonlike kommunikasie…