Innholdsfortegnelse for 2 February 2018 i Vrouekeur

Die artikel, “Moet vroue nog hul bra’s verbrand?” het my aan die dink gesit vir hierdie week se skrywe. ’n Paar 100 woorde is te min om regtig indringend oor dié onderwerp te skryf, maar om oor die begrip ”feminisme” te praat, is vandag nog net so belangrik soos in die brabranddae. Ek gaan nie my bra’s verbrand nie. Op 57 wil ek nie uit vrye wil in die openbaar sonder een verskyn nie. Maar as jy my nou briesend wil maak, dan moet jy vir my sê ’n vrou moet onderdanig aan haar man (by implikasie alle mans) wees. Ek is aan niemand onderdanig nie, en niemand is aan my onderdanig nie. Punt. Waarskynlik het ek hierdie siening te danke aan my ma (en my pa), maar die feit…

“Net so vervullend soos wat dit kan wees om ’n kind te hê,” sê Erika Nell, ’n kliniese sielkundige, “net so destruktief kan die besluit wees om ’n kind te hê, veral as dit nie vooraf deeglik oorweeg word nie. ’n Ouer voel soms vasgevang en benoud, asof hul kind, met wie sy of hy sukkel om ’n verhouding te bou, hom of haar gyselaar hou. In so ’n geval kan verwyte iemand se liefde vir sy of haar lewensmaat kelder. “Ouerskap is ’n individuele behoefte wat elke persoon vir haar- of homself moet uitmaak,” sê Erika. “Terselfdertyd is dit ’n besluit wat twee mense saam moet neem. ’n Kind of kinders het ’n geweldige impak op jou lewe en verhouding – dit verg jou volle toewyding. “As twee mense…

TUILEDEEG 14 bakkies 180 ml (150 g) suiker 3 groot eierwitte 1 20 ml (115 g) botter, gesmelt en afgekoel 115 ml (60 g) koekmeel 5 ml (1 t) vanieljegeursel 15 ml (1 e) kakao 1 Klits suiker en eierwitte tot goed gemeng. 2 Gooi gesmelte botter by en meng. 3 Gooi meel en vanieljegeursel by en meng. Laat beslag vir vier uur in yskas rus. 4 Voorverhit oond tot 180 °C en voer bakplaat met kleefwerende bakvel (sil pad) uit. 5 Skep 80 ml van beslag uit en meng met kakao. Skep in spuitsak. 6 Skep lepel vol beslag op vel en sprei met lepel in sirkelvorm. Spuit patrone met bruin beslag op. Bak net twee sirkels op ’n slag. 7 Bak vir 9 tot 10 minute, totdat koekie…

CHRIS SE KEUSE Net buite Stellenbosch op die Bottelarypad is die landgoed van die Morkel-gesin wat die grond al vir vier geslagte besit en veral vir hul baanbrekerwerk met pinotage in die 1950’s bekend is. Hul Bellevue Sauvignon Blanc 2017 staan as “somer in ’n glas” bekend. Slegs in uitstekende oesjare word dié wyn gebotteleer – die laaste oesjaar was 2012. Druiwe is afkomstig van slegs een wingerd wat tans amper 20 jaar oud is en toepaslik die “Dodo” genoem word. ’n Helder, ligte strooikleur vang ’n mens se oog en word gevolg deur ’n boeket intense geure van ryk, ryp tropiese vrugte – pynappel, grenadella en lietsjie. Vrugtegeure dra oor na ’n lewendige, vars smaak wat met ’n talmende nasmaak van groen appels eindig. Heerlik in die hitte van…

Laat ek nou maar eerlik wees: Wilbur Smith het my geleer van die blommetjies en bytjies. En julle behoort te weet, dit was ’n besonderse kleurryke les! Soos miljoene mans wêreldwyd was my pa ’n gróót Wilbur Smith-aanhanger en het hy elke enkele boek pligsgetrou aangeskaf. Ek het dus ’n yslike versameling gehad om van te kies ... tot my ma op ’n dag in my kamerdeur geskok in haar spore vassteek. “Wat lees jy?” vra sy geskok. “Wilbur Smith?” sê ek onskuldig en wys vir haar die voorblad. “Dié een is River God, en dis uitstekend! Het Ma dit al gelees?” Sy draai sonder ’n verdere woord om en gaan lees my pa die leviete voor. Ek word onmiddellik verbied om enige verdere Wilbur Smiths te lees, tot ek…

Chicago se Cloud Gate , die tamaai, blink beeldhouwerk van Anish Kapoor, wat byna onmiddellik tot The Bean (of Jelly Bean ) gedoop is, is dié stad se gewildste toeriste-aantreklikheid. Dit is waarskynlik dié beste plek in dié stad om foto’s, of selfies, te neem. Daar is selfs mense wat meen dié spieëlblink beeldhouwerk is die gewildste kontemporêre kunswerk in die VSA. Condé Nast Traveler het in 2005, toe konstruksiewerk nog aan die gang was, Cloud Gate as een van die sewe nuwe argitektoniese wonders van die wêreld aangewys. Onlangs het Kapoor (63), die Indies gebore Britse beeldhouer, dié beeld die eerste keer sedert dit in 2006 op Chicago se Millennium Park voltooi is, besoek. “Dit is emosioneel en vreemd…

BLYWENDE HERINNERINGE Ek is so gretig om elke Sondag Vrouekeur te gaan koop. Dis my Sondagmiddagtydverdryf in die stilte van my sitkamer. Ek sien op bladsy vyf van 13 Oktober 2017 dat ’n mens Uit die Beek kan wen. Toe kom die herinneringe terug. Ek was 11 jaar oud toe my pa op 52 skielik aan ’n hartaanval oorlede is. As laatlamdogter ná drie baie ouer broers was ek natuurlik my pa se oogappel. Ek onthou Uit die Beek saam met die Bybel op sy bedkassie en hoe my pa altyd sy dagstukkies gelees het. Ek was so verbaas om die boek weer te sien en in die stilligheid gehoop ek wen dit. En jou wrintiewaar, toe ek vandag my strokie in die posbus kry, was dit wat ek gewen…

Sam Rogers is ’n bekroonde ondersoekende joernalis, wat onder meer al twee keer die CNN Afrikajoernalis van die Jaartoekenning gewen het. Sy was vir etlike jare die uitvoerende vervaardiger van e.tv se misdaadondersoekeenheid. Tussen hulle twee het sy en Jacques nie net die CNN-toekenning vier keer verower nie, maar van die grootste onregte op die Afrika-kontinent met hul ondersoekende joernalistiek oopgevlek. Sam het ook vir TV-netwerke in onder meer in Hongkong en Japan gewerk. In 2010 het hulle besluit dis tyd vir ’n verandering: totsiens aan hul lewe in Johannesburg en lekker ruim Kaapstadwoonstel met sy see-uitsigte en hallo aan die gasvryheidsbedryf. Hulle het ’n horingoue huis op Riebeek-Kasteel in die Swartland gekoop en dié huis wat van 1837 dateer as restaurant, kroeg en gastehuis, genaamd Red Tin Roof, ingerig.…

BILTONG-EN-NEUT-SLAAI 4 porsies 100 g kasjoeneute 100 g pekanneute bietjie olie 2,5 ml (½ t) paprika 2,5 ml (½ t) rooivleissout knypie rooirissievlokkies 1 pak jong slaaiblare 200 g (1 pak) klein tamaties 2 nektariens, in wiggies gesny 1 avokado, in stukke gesny 100 g (1 rolletjie) sagte bokmelkkaas 200 g gekerfde biltong SOUS 125 ml (½) mayonnaise 15 ml (1 e) suiker 10 ml (2 t) kerriepoeier ciabatta 1 Meng neute met olie en speserye. 2 Sit op bakplaat en rooster liggies vir 15 minute. Laat heeltemal afkoel. 3 Pak slaaiblare en res van slaaibestanddele op bord uit. 4 Sous Meng alles. 5 Sprinkel neute op slaai en gooi sous oor. Bedien met ciabatta. BLINDEVINKE 4 porsies 1 ui, fyngerasper ½ rooi soetrissie, baie fyn gesny 15 ml (1…

Dis darem maar lekker om by die lughawe deur iemand met ’n breë glimlag en ’n bord met jou naam op verwelkom te word – ongeag hoe ver van die huis jy gereis het. Coco Hiangoro van Africa 4x4 Rentals het daardie welkome glimlag op Hosea Kutako Internasionale Lughawe in Windhoek. Ons 4x4-avontuur begin ’n paar minute later by dié huurmaatskappy, waar daar rye voertuie staan – sommige met dakrakke en tente en ander wat nog gelaai word vir die reis wat voorlê. Dis ons eerste maal met ’n 4x4 en ook met só ’n groot voertuig, maar Joshua Tjikuto se glimlag is gerusstellend. Voor ons hom met vrae kan bombardeer, begin sy inleiding en gee hy ons al die antwoorde. Daar is twee spaarbande, hou die bande die meeste…

FEBRUARIE-WENBOEK Palette: 33 selfdoenpaletitems bied projekte waar die palet in goedkoop, praktiese en ekovriendelike meubels, dekor, speelgoed, tuinprodukte en geskenke omskep word. Die boek is propvol kleurfoto’s met maklike stap-vir-stap-foto’s. Die moeilikheidsgraad van die produkte wissel. Die boek is by toonaangewende boekwinkels of by www.lapa.co.za  beskikbaar ELLA MüLLER VAN DURBANVILLE, KAAPSTAD, IS ONS WENNER • Spuit Domestos op grys water – dit vat die slegte reuk weg wat geneig is om te ontwikkel as die water ’n dag of wat staan. • As jy nie ’n gryswaterstelsel by jou huis het nie, sit ’n opvangbak onder die uitlaatpyp van jou wasmasjien. Hierdie water kan vir toilette gebruik word. • Om bossies op plaveisel dood te maak, meng 1 k witasyn, 2 t Engelse sout en 1 t skottelgoedseep…

Sedert die liedjieskrywer-sanger David Kramer die tydlose treffers Royal Hotel, Stoksielalleen, Meisie sonner sokkies en Skipskop geskep het, het hy hom oor vier dekades heen as ’n ware kunstenaar onderskei. Die afgelope tien jaar het hy hom op sy teaterwerk toegespits en in dié tyd die verwerkings van die blyspele Blood Brothers (2013), Orpheus in Africa (2015) en Kanala (2016) behartig. Nou bied hy sy aanhangers ’n splinternuwe album: Wakkerslaap (Blik-produksies). Die titel, met sy twee teenstrydighede, dui op die Kaapse spreekwoord wat beteken jy moet bewus wees van wat om jou aangaan. Die titelsnit, soos met Die verlosser, is weer ’n verwerking van die ou Bybelstorie van Abraham en Isak, waarin geloof en kultuur ontmoet en ’n verrassende wending neem. Al 12 liriese snitte is musikale sketse wat David…

Ben Kruger en Je-ani Swiegelaar is twee gunstelinge onder Binnelanders-kykers en dié twee akteurs het groot respek vir mekaar. “Dit is baie gemaklik om saam met Ben te werk. Ons het ’n goeie verstandhouding op stel,” gesels Je-ani. “Ben hou ons jongklomp op ons tone. Ons noem hom die ‘hoofseun’, omdat hy altyd wil hê ons moet ons woorde vooraf deurgaan. Maar dis goed, want dan voel ’n mens voor ’n moeilike toneel veilig en voorbereid. “Hy is nie iemand wat suinig is om sy kennis te deel nie en ek leer daagliks by hom.” Ben sê dis ’n vreugde om saam met Jeani te werk. “Sy is baie professioneel en ’n indrukwekkende jong aktrise. “Ek dink omdat ek meer ervare is, vra sy my soms…

Lidi de Waal is aan baie bekend vir haar groot kleurryke skilderye van veral vroue, dikwels saam met katte, en vir haar vryeverswoorde wat sy feitlik daagliks kwistig, saam met foto’s van haar skilderye, op Face-book deel. Dis soms moeilik om te besluit wat is treffender: die kunswerke of die verse wat dit vergesel, want albei praat met haar aanhangers. Jy hoef net die kommentaar op enige van haar plasings te lees om te besef watter impak haar werk op mense het. Een Facebook-gebruiker skryf: “Elke keer dink ek dit is nou die beste/mooiste beskrywing en dan verbeter jy op die vorige post! Dankie dat jy my lewe aanraak en beter maak met jou pragtige woorde en mooiste skilderye en beelde.” Haar skilderye is baie gewild, maar sy het nie…

KOS VIR JOU VEL Pamperlang jouself én die hele gesin met Ingram’s se nie-vetterige en vinnig absorberende rome. Die lyfrome vir vroue/gesin/mans bevog en herstel jou vel. Jy sal beslis een vind wat nét reg vir jou is. www.ingrams.co.za LAAT VLIEË OP VLUG SLAAN Laat jou huis lekker ruik én hou terselfdertyd vlieënde insekte weg met SOiL se Citronella Organic Essential Oil. Die suurlemoengeur is skoon en vars. Drup net ’n paar druppels in ’n keramiekbrandertjie, steek ’n teekersie daaronder aan en geniet die heerlike aroma, R40 vir 10 ml. www.soil.co.za RUSTIGE NAG Pure Beginnings se Soothing Baby Massage and Bath Oil bevat ’n mengsel van bevogtigende en kalmerende olies om jou baba se sensitiewe vel te vertroetel en te beskerm. Die produk is 92% organies en bevat geen chemikalieë…

• Onkonjima Lodge het verskeie verblyfopsies: van ’n luukse kamp tot selfsorgeenhede. Besoek hul webwerf by www.onkonjima.com en bespreek by jou reisagent. • As jy op pad is Etosha toe, draai gerus by Onkonjima in vir hul AfriCat-projek, wat vanjaar sy 25ste verjaardag vier. Hulle verskaf opleiding en opvoedingsprogramme by skole en plaasboere om die roofdiere, waaronder luiperds, jagluiperds en leeus, te beskerm. • Kontak Madri Bowmont, Afrikareisspesialis by Odyssey World, by madribowmont@gmail.com vir dieselfde lekker Namibiese vakansie. • Ons het die land met ons gehuurde 4x4 ontdek, wat grondpad soos niks kafdraf. Bespreek by Africa 4x4 Rentals by +264 61 244 266, bookings@namibia4x4rentals.com of besoek http://namibia4x4rentals.com…

ROLPRENTE 2017 CLOVERFIELD MOVIE Met Elizabeth Debicki en Chris O’Dowd Regisseur Julius Onah WETENSKAPSFIKSIEDRAMA Wat ’n verbeeldinglose titel, veral as vorige rolprente wat op Cloverfield afgespeel het, hiermee vergelyk word. Maar, verseker die vervaardigers ons, die titel mag verander teen die tyd dat die rolprent uitgereik word. In hierdie weergawe breek die katoeter wat ’n masjien laat werk op ’n ruimtereis en die bemanning bevind hulle alleen in die ruimte. Hulle moet om oorlewing veg. Selfs lesers wat selde in ’n bioskoop kom, sal gaap wanneer hulle die storie hoor. Alien het dit soveel beter gedoen, maar, nou ja, “hier gaat ons al weer!”, soos Oupa sou sê wanneer sy Fordjie woema kry teen die afdraande af. Kon Hollywood niks beters uitgedink het nie? Elizabeth Debicki is al wat ’n…

Die interpretasies wat ons van literêre werke maak en die waarde-oordele wat ons daaroor uitspreek, hang altyd af van ons eie (dikwels onbewuste) opvattings van wat letterkunde is of behoort te wees. Oor wat sulke opvattings kan wees en hoe dit ons interpretasies bepaal, het ek reeds in twee vorige aflewerings geskryf (3 November 2017 – https://www.vrouekeur.co.za/nuus-vermaak/lliterere-kritiek  en 1 Desember 2017 – https://www.vrouekeur.co.za/nuus-vermaak/ken-jou-storie-literere-kritiek-deel-2). Omdat literatuurbeskouings oor tyd heen verander en omdat letterkunde nie los van die wêreldgebeure ontstaan en gelees word nie, verskuif die maniere waarop letterkunde beoordeel word ook oor die tyd heen. Wat die Afrikaanse literatuurkritiek betref, kan daar op grond van baie growwe veralgemenings ten minste vier groot verskuiwings onderskei word. Hierdie week kyk ek na die eerste “fase” wat ek die fase van “nasionalistiese…

Alma Kennedy en Nico van Niekerk is deur Kalkbaai met sy karaktervolle Europese atmosfeer en Eduardiaanse erfenis huise, geplaveide straatjies, die stasie en legendariese Brass Bell, Olympia Café en interessante winkels bekoor. Toe ’n plaaslike eiendomsagent laat weet die “groen huis” is in die mark, het hulle dadelik ’n aanbod gemaak. Alma en Nico woon in Birdhaven, Johannesburg, maar besoek hierdie kusdorpie al sedert 2004. Albei werk in die mynboubedryf – Nico was ’n geoloog en is steeds by mynboubeleggings betrokke, terwyl Alma ’n regsadaviseur by ’n internasionale mynboumaatskappy is. GESKIEDENIS Die titelakte van die (nou) blou huis teen die bult verklap dat die eiendom sedert 1826 aan dieselfde familie behoort het. Die Erfenisraad moes tot veranderings aan die struktuur toestem, wat die eerste fase van die projek tot kosmetiese…

D it het met die pos gekom. Dis ’n doodnormale Dinsdag. Niks opwindends gebeur op Dinsdae nie. Dalk op ’n Woensdag. Moontlik op Vrydae en Saterdae. Nooit op Dinsdae nie. Daarvoor het die onse Vader Maandae gemaak. “Is jy van plan om te gaan?” vis Salome. “Ek besluit nog.” Ons is al langer as 20 jaar bure. Goeie vriende. Daarom staan ek by die ogiesdraad wat ons erwe skei – ons bymekaarkomplek. En ek onthou buurvrou moet nog my strykyster terugbesorg. Sy leen deesdae meer by ons as ons by hulle. Sy vra: “Vanoggend, sê jy?” “Toe ek die pos uithaal,” knik ek. “Dit was in ’n goue koevert. Mooi, met my naam op. ’n Seer oog tussen al die rekeninge.” “Dit gebeur nie elke dag nie, Tannie,” sê Tinka,…

VRIENDIN SE OORBESKERMING ’N BEKOMMERNIS Ek is bekommerd oor ’n vriendin wat oorbeskermend teenoor haar hoërskoolkinders is. My seun en haar een seun (16) kuier soms saam en die kind is totaal naïef en word in ’n glaskas gesit. Hy mag byvoorbeeld nie eens vir ’n dag saam met my seun en man gaan visvang nie uit vrees dat iets met hom gaan gebeur. Hoewel dit my nie aangaan nie, voel ek dis my plig om iets aan haar te noem. Sal dit die regte ding wees om te doen? – Vriendin Jy weet dalk glad nie wat die redes vir haar oorbeskerming is nie. My voorstel is dat jy haar nader en vra of sy gaan omgee dat jy direk oor ’n sensitiewe onderwerp met haar praat. As sy…

In Jeremia 17:7–8 staan daar: “Dit gaan goed met die mens wat sy vertroue in die Here stel, die mens vir wie die Here ’n veilige vesting is ...” ’n TV-program wat voor die Paralimpiese Spele uitgesaai is, het gewys hoe blinde skiërs afgerig word om teen die hange van die sneeubedekte berge af te ski – hoe ongelooflik dit ook al mag klink. Elke blinde skiër het ’n skiër wat kan sien by hom/haar. Op die gelykte word hulle geleer om links en regs te draai. Nadat hulle dit bemeester het, word hulle na die hange geneem om van bo af te ski. Die skiërs wat kan sien, ski langs die blinde skiërs terwyl hulle uitroep: “Links/regs.” Omdat hulle na die bevele luister wat vir hulle uitgeskreeu word, is…