Innholdsfortegnelse for 26 January 2018 i Vrouekeur

Die reuk van leerskoene in ’n skoenboks vat my onmiddellik terug na my skooldae en gee my ’n gevoel van ’n nuwe blaadjie omslaan, orde en beheer. Teen die einde van elke Desembervakansie het ek ’n paar keer per dag my nuwe skoolskoene vir die jaar uit die boks gehaal en dié reuk was tekenend van ’n nuwe jaar en ’n nuwe begin. Tydsaam en met presisie het ek my kleurpotlode skerp gemaak en gesorg dat my pennesakkie (ek was toe al mal oor sakkies) gepak en gereed is. Ek kon nie wag om my klasrooster op die eerste dag te kry (daai dae is dit nog afgerol) om dit netjies uit te sny, in my dagboek te plak en ’n raam om te trek nie. Stadig maar seker het…

Derick van der Walt se Lien se lankstaanskoene, wat met sy eie studiewerkgids, luisterboek en ’n fliek wat deur Saartjie Botha verwerk is, spog, is sekerlik Derick se bekendste boek, maar sy tweede roman vir volwassenes, Tussen vriende, is ’n verfrissende nuwe stem vir volwasse skrywers. Drie getroude paartjies in hul vyftigerjare is al baie jare lank vriende. Hulle is op die oog af almal gelukkig en suksesvol, maar tog het elkeen sy eie dinge wat krap en ’n mens kan so maklik daarmee identifiseer in hierdie tydperk in hul (en jou eie) lewe. Die rugkant sê: “’n Storie vir almal wat al ooit oor hul vriende gewonder het, mense nes ek en jy, almal met hul eie geheime.” Die karakters het…

Dinge was moeilik, maar soos die dorp geleidelik opgebou is, het Laingsburgers se gees ook bietjie vir bietjie verbeter. Só dat Laingsburg vandag weer trots en dapper vorentoe beur, die huidige droogte ten spyt Francis van Wyk van Laingsburg beskryf haarself as die Vloedmuseum se “hoofvrywilliger”. Belangstellendes wat al dié museum besoek het, onthou haar as die vloeiende bron van kennis oor dié 1981-vloed wat álles in hierdie Karoodorpie verander het. Baie inwoners onthou haar as “tannie Bib” nadat sy jare lank die dorpsbibliotekaresse was. Vir oudleerders van Hoërskool Laingsburg is Francis bekend as die vrou van die vorige skoolhoof, Carel van Wyk. Francis (79) sê: “Ek kan nog nie ophou werk nie, ek soek nog my afskakel-knoppie. I want to die with my boots on. “Alles het met die…

“Wanneer jy mense goed wil leer ken, bestee jy gehaltetyd saam met hulle,” sê Lana Kleingeld-Coetzee, ’n opvoedkundige sielkundige wat in Weltevredenpark en Randparkrif praktiseer. “Daarom is dit so belangrik om ook gehaltetyd alleen deur te bring om werklik jouself te leer ken. Tog is ons so geneig om alleentyd te vermy,” sê sy. Lana beveel aan dat ’n mens gemaklik daarmee raak om tyd alleen met jou gedagtes deur te bring, dit te bedink en te verwerk. “As ons tyd vir onsself maak, moet ons dikwels dinge konfronteer wat ons eerder wil vermy, soos ons swak punte, mislukkings, teleurstellings, vrese en bekommernisse. Maar om hierdie dinge te erken en te aanvaar, is deel daarvan om onsself te aanvaar sodat groei kan plaasvind. “Aangesien die lewe so besig is, is…

Dis dinge soos dié wat haar gemaak het wie sy vandag is. Sy kan nie toekyk en niks doen as mense swaarkry nie. Sy wil veral kinders die vernedering spaar wat soms met armoede gepaardgaan Tronel Meintjies is die stigter van Hermanus Staan Saam, een van die organisasies op Hermanus wat na mense in nood uitreik. Hulle voorsien onder meer twee gekookte maaltye per week aan mense, meestal pensionarisse. Dan lewer hulle ook weekliks ’n pakkie vars groente by elkeen van hierdie huishoudings af, sowel as ’n maandelikse produktepakkie, wat uit basiese noodsaaklikhede soos seep, tandepasta, sjampoe, deodorant, waspoeier, opwasmiddel, en ’n verskeidenheid van niebederfbare voedselprodukte bestaan. Dikwels styg die getal mense op hul lys met gesinne wat tydelik gehelp word terwyl hulle ná ’n afdanking of ander finansiële terugslag…

OP REIS Kry die perfekte stel tasse vir jou volgende reis. The American Aviator 3 Piece Luggage Set bestaan uit ’n groot tas met ’n liggewig- aluminium handvatsel, ’n kleiner tas met ’n verstelbare skouerband wat as handbagasie gebruik kan word, en ’n praktiese toiletsakkie, R845, beskikbaar in rooi en swart. Bestel by www.takealot.co.za  of www.bagsdirect.co.za SLAAP SONDER ALLERGIEË Stofmyte in jou matras kan allergieë veroorsaak. Met Purotex® is stofmyte iets van die verlede. Dis ’n materiaalbehandeling eksklusief tot Dynamic Bedding in SA wat tegnologie, gegrond op 100% natuurlike probiotika, gebruik om allergieë te beveg. Soos jou lyf teen die matras of kussing beweeg, bars mikrokapsules oop en vermeerder. Die probiotika absorbeer vogtigheid en maak só skoonskip van allergieë. Dié behandeling is beskikbaar vir drie van The Bed…

VOLGRAANPLAATKOEKIES 12 plaatkoekies 3 groot eiers 375 ml (1½ k) melk 330 ml (180 g) bruinbroodmeel 160 ml (85 g) koekmeel 7,5 ml (1½ t) bakpoeier 1,25 ml (¼ t) sout 15 ml (1 e) bruinsuiker 1 Verhit swaarboompan met bietjie olie oor matige hitte. 2 Klits eiers en melk saam. 3 Gooi meel, bakpoeier, sout en bruinsuiker by en meng goed. 4 Skep lepelsvol in pan en wag tot borreltjies vorm. Draai om en braai anderkant ook tot goudbruin. 5 Laat afkoel. 6 Stoor in toeritssakkies in vrieskas. Ontdooi oornag in yskas en verhit vinnig in mikrogolf. WENK Resep kan verdubbel word vir genoeg voorraad…

Eers 30 jaar later het ek haar op die voorblad van ’n boek herken. Sy was Dulle Griet! In 1991 werk ek by die uitgewery wat Riana Scheepers se verhaalbundel met daardie naam uitgegee het: Dulle Griet. Griet is ’n mitiese Vlaamse figuur van wie Pieter Bruegel in 1562 ’n skildery gemaak het waaruit die figuur van Griet op die voorblad gebruik is. Jy sien dadelik hier is ’n vrou met wie jy nie moet skoorsoek nie. Sy staan op die voorvoet en sy staan voor die Mond van die Hel, een hand met haar swaard in aanvalsposisie, en haar buit oor die ander arm. ’n Lang, seningrige vrou, haar gesig die ene lyne en verbetenheid. En sy kom nie net ’n bietjie mal voor nie. Net so, maar sonder…

Biggie Best www.biggiebestwebshop.co.za Coricraft www.coricraft.co.za Mr Price Home www.mrphome.com Weylandts www.weylandts.co.za…

JAK DE PRIESTER SE KITAAR EN KLAVIER Die sanger-liedjieskrywer, TV-aanbieder, skrywer en digter Jak de Priester vermaak gehore nou al 15 jaar lank met sy repertoire van passievolle hartsmusiek en vrolike ritme-deuntjies. Sedert sy debuutalbum in 2003, nadat hy die ATKV-Crescendo met Sally Williams Nougat gewen het, het Jak nege albums, ’n kinderalbum en -DVD, ’n boek (Brood), ’n digbundel, verskeie verhoogproduksies en temamusiek vir TV-programme en rolprente op sy kerfstok. Hieruit het treffers soos Groen Mamba, Roer jou voete, Fynlyn, Die liefde los ’n spoor en Ek reis na gister gespruit. Op die nuwe album, Die liefde los ’n spoor, hang jou mond bekoorlik oop wanneer jy na die snit Bo-Blink Boogie Woogie luister: ’n stem-en-vingermarathon tussen hom en die pianis Charl du Plessis. Skitterend! Jak se poëtiese kreatiwiteit…

KOLLEGA BLAMEER ‘DEMONE’ Ek het ’n baie gelowige kollega. Hoewel ek self gelowig is, kom ek agter dat hy geneig is om alles wat veroorsaak dat ek probleme in my persoonlike lewe het, aan demone toe te skryf. My man is ’n oormatige alkoholgebruiker en hy is van mening dat my man sy demone ook myne maak. Indien dinge nie gaan soos ek beplan nie, sal my kollega sê dit is omdat dit nie God se wil is nie. Ek het ’n goeie verhouding met my kollega, maar weet nie hoe om hierdie situasie te hanteer nie, want alles is beslis nie as gevolg van demone nie. Hoe hanteer ek hom? – Anoniem Praat met jou kollega en noem dat jy as medegelowige nie glo dat demone in alle aspekte…

NIE BONKIG NIE, MAAR BOEIEND Vandag koop ek vir die eerste keer die Vrouekeur by die hospitaal se winkeltjie. Wat ’n heerlike verrassing. Ek blaai deur die tydskrif en maak in my agterkop ’n opname van wat ek eerste wil lees. Met gretige vingers blaai ek elke bladsy om en word aangenaam verras. Ek lees van my sepiekarakters, die artikel oor kermende kinders en die resepte. Ek is sommer lus om vanaand al vir manlief met Franse flair te verras. Ek het van die skrywer Helene de Kock geweet, maar nou weet ek meer! Só kan ek aanhou. Die tydskrif is nie bonkig nie, maar het die interessantste inhoud (boeiend is die woord) en genoeg om my besig te hou. Ek leer beslis soos wat ek deur die tydskrif blaai.…

‘As ek iets wil doen, pak ek dit met albei hande aan en ek sal aanhou probeer tot ek dit regkry’ “Ek wens ons kan al die haat en misdaad en al die verkeerde dinge wat in die land aangaan, vergeet. Ek wens ons kan ons mense se opofferinge om korrupsie te bekamp en al die mooi waardes wat ons deel, vanjaar saamneem, saamstaan en mekaar ondersteun en ophou om mekaar so seer te maak en eerder mekaar se kulture omhels. “Om jonk te wees in Suid-Afrika is veral ’n uitdaging, want jy moet jou eie vindingrykheid gebruik om iets te bereik. Korrupsie en ekonomiese uitdagings is ongelukkig deel van ons lewe. Ons moet leer om in die vloei van die stelsel die regte besluite te neem en bó ander…

MENG EN PAS verskeie skakerings van pienk, rooi en pers vir ’n egte 80’s-voorkoms! Hierdie oulike grimeringsakkies is plaaslik handgemaak van herwonne materiaal WAAR KOOP EK DIT? Foschini www.foschini.co.za 021 938 1911 (Hoofkantoor) Mr Price www.mrp.com 0800 212 535 Queenspark www.queenspark.com 021 460 9400 customercare@queenspark.com * Alle pryse is die voorgestelde verkoopprys *Pryse korrek teen druktyd…

OMELET MET GEROOKTE HOENDER, AVOKADO EN KAAS 4 porsies 160 g gerookte hoender, gevlok 2 50 ml (1 k) mozzarellakaas, gerasper 60 ml mayonnaise knypie suurlemoenpeper knypie sout 4–6 pikantrissies, opgekap paar druppels van pikantrissiesous 2 avokado’s, in skyfies gesny handvol vars basiliekruidblare vir bo-op 1 Meng hoender met 125 ml van kaas en mayonnaise. 2 Roer geurmiddels by. 3 Skep hoendermengsel in omelet. Sprinkel nog kaas bo-oor en rooster onder oondelement. 4 Bedien met avokado, brood en basiliekruidblare. GEROLDE OMELET 4 porsies 40 ml (8 t) botter 12 eiers 1 Skakel pan aan en smelt 10 ml botter vir elke omelet daarin. 2 Skakel pan weer af wanneer botter gesmelt is. 3 Klits drie eiers per porsie goed saam. 4 Gooi in verkoelde pan en skakel hitte weer aan…

30-DAE-MUFFINMENGSEL Genoeg vir 24 4 eiers 250 ml (1 k) sonneblomolie 320 g bruinsuiker 1 l (4 k) melk 10 ml (2 t) vanieljegeursel 300 g volgraanmeel 460 g koekmeel 200 g semels 5 ml (1 t) sout 20 ml (4 t) koeksoda 4 middelslag-GLAD Zip Sealtoebroodjiesakkies Voorverhit die oond tot 180 °C. Spuit ’n muffinpan met kleefwerende baksproei. 1 Klits eiers, sonneblomolie, bruinsuiker, melk en vanieljegeursel saam. 2 Meng die volgraanmeel, koekmeel, semels, sout en koeksoda saam in ’n groot mengbak. 3 Voeg die nat bestanddele by die droë bestanddele. Meng goed. 4 Verdeel die beslag in 4 middelslag-GLAD Zip Seal-toebroodjiesakkies en hou in die yskas. 5 Haal elke week een sakkie uit. Knip die onderste hoekie van die sakkie oop en spuit die beslag in ’n muffinpan wat…

Hoewel Wenning vroeg in die 20ste eeu nie veel geld verdien het met die soort onderwerpe wat hy geskilder het nie, het selfs armoede hom nie sover kon kry om te voldoen aan die grille van ’n mark waarvoor hy nie veel respek gehad het nie. Ondanks aanmoedigings om in ’n meer populêre styl te skilder, het hy volstaan deur te skilder wat hy wou en deurgaans sy artistieke integriteit te behou. Pieter Wenning, gebore in Den Haag in Nederland in 1873, het op 32-jarige ouderdom met sy gesin (hy is met ’n weduwee met twee kinders getroud) in Suid-Afrika aangekom. As werknemer van HAUM de Bussy & Jacques Dusseau, destyds die grootste uitgewery in Nederland, is hy as boekhouer in Pretoria aangestel. Toe dié onderneming in 1910 uitbrei om…

Kort ná haar 70ste verjaardag in 1985 skryf die digter Elisabeth Eybers in ’n brief aan Elize Botha die volgende: “Jou gelukwense met my sewentigste verjaardag steek hartverwarmend af by dié van Karel Schoeman wat uit één onheilspellende sinnetjie bestaan: ‘Moed en sterkte met die lang vernedering van die ouderdom.’” Schoeman het self verlede jaar sy lewe op die ouderdom van 77 beëindig ten einde aan die “lang vernedering van die ouderdom” te ontkom. Hy het breedvoerig hieroor in Slot van die dag, sy boek oor oudword wat postuum verskyn het, geskryf (’n resensie daarvan het in Vrouekeur van 28 Augustus 2017 verskyn: https://www.vrouekeur.co.za/nuus-vermaak/karelschoeman). Teenoor hierdie “onheilspellende” beskouing van die ouderdom as vernedering, staan Elsa Joubert se jongste boek, Spertyd. Sy het Spertyd in 2017, die jaar waarin sy 95…

ROLPRENTE MOLLY’S GAME Met Jessica Chastain en Idris Elba Regisseur Aaron Sorkin WARE LEWENSDRAMA 2017 was die jaar waarin dramas wat op die waarheid gegrond was, die meeste en interessantste rolprente opgelewer het. 2018 sit die tradisie voort met hierdie ware verhaal deur Hollywood se bobaasdraaiboekskrywer Aaron Sorkin oor ’n rateltaai meisie, Molly Bloom, gespeel deur die gerespekteerde Jessica Chastain, wat een van Amerika se bekendste Olimpiese skiërs was. Hierna het sy ’n Poker-groep gestig wat onwettig geld gemaak het en uit van Hollywood en die wêreld se bekendste persoonlikhede bestaan het. Kort nadat sy deur die FBI gearresteer word, sluit sy by hulle aan, want sy weet mos nou hoe skurke se koppe werk en sy help die gereg op haar unieke manier om reg en geregtigheid te laat…

Maria se hekklokkie lui seweuur op ’n ysige Dinsdagoggend in Juniemaand. Sy ignoreer dit. Dit is ’n tipiese ongeskikte dorpsgewoonte om so, sonder vooraf kennisgewing, by ’n ander mens se blyplek op te daag. Ná 30 jaar op die plaas moes sy ’n jaar tevore, ná Johannes se hart hom aangeval het, na die naaste dorp trek. Vriendinne het sy nie, net ’n paar kerkkennisse wat weet om minstens ’n SMS te stuur voor hulle by haar aanmeld. Dis in elk geval onwaarskynlik dat dit Elizabeth met haar artritis, Sofie met haar asmabors of selfs daai ou laventelhaan van ’n Petrus sal wees. Haar meenthuisie is teen die straat gebou en elke tweede hawelose kom bedel kos, klere of taxigeld. Sy gee wanneer sy het of wanneer sy daarna voel…

TV-kykers kan groot opwinding verwag wanneer die werklikheidsrevuereekse REVUE! en REVUE PLUS vandeesweek op kykNET NOU hervat. Altesaam 23 laerskole en 11 hoërskole sê mekaar vanjaar die stryd aan. Frans Swart van Lefra-produksies, die skepper en regisseur van REVUE, sê die standaard van revues in die land is baie hoog. “Skole staan regtig baie geld, tyd en energie af om van hul revues die beste produk te maak. Ek is eerlik as ek sê dat sekere van hierdie revues so professioneel aangebied word dat dit inderwaarheid miniblyspele is. ’n Skool sal ’n jaar hard aan hul produksie werk en dan word dit vir ’n week opgevoer en daarna is dit die einde van die produksie. Dit was altyd vir my baie hart-seer,…

Daar was ’n man wie se grootste begeerte was om siele vir die Here te wen. Hy was nie ver geleerd nie, maar sy passie vir die Here het alles oortref. Die Here het ’n briljante advokaat in sy weg gelê. Gehoorsaam aan die Here het hy met die advokaat oor Jesus gaan praat. Skaars het hy begin of die advokaat het sy regskennis en briljante verstand gebruik om die man stil te maak. Die man het uiteindelik verskoning gevra dat hy die advokaat se tyd gemors het. Met trane in sy oë het hy vir die advokaat gesê: “Ek wil net hê jy moet weet, ek het hierheen gekom omdat ek jou liefhet.” Heeltemal ontmoedig is die man huis toe en het vir sy vrou gesê: “Ek wil asseblief…

JANUARIE-WENBOEKE Ons Januarie-wenners wen twee liefdesverhale van LAPA Uitgewers, Alma Carstens se Verbode liefde en Salomé Schutte se Gister is lankal verby. In Gister is lankal verby loop Lia ’n seun by die strand raak en ontmoet sy mooi, maar moeilike pa, Viljé. Sy weet sy moet wegbly van hulle, maar die oulike seun steel haar hart - ’n talent wat hy blykbaar met sy pa deel. In Verbode liefde ontmoet Zoey die enigmatiese dokter Jano Marnitz terwyl sy met vakansie in Parys is. Hy ontwikkel ’n obsessie om haar gesig, wat in ’n motorongeluk geskend is, te herstel. Het hy dalk gevoelens vir haar of is dit slegs sy doktersinstinkte wat inskop? Die boeke is by toonaangewende boekwinkels en by www.lapa.co.za  beskikbaar WILLEM VAN HEERDEN HET VIR…

UP THE CREEK-FEES Die Jägermeister Up the Creek-fees word van 25 tot 28 Januarie op die oewer van die Breederivier, Swellendam, gehou. Mango Groove en Fokofpolisiekar gaan daar wees sowel as groepe soos Spoegwolf, Jerry & The Bandits en vele meer. ’n Nuwe toevoeging is Nikki Jackman en haar Soul Circus. Hulle sal toertjies en werkswinkels aanbied. Kaartjiepryse van R1 030 (besprekingsfooi uitgesluit) sluit kampeerplek in. Koop kaartjies hier: http://nue.so/9u4umy PIEKNIEK BY GRANDE PROVENCE Die Grande Provence-landgoed op Franschhoek bied dié seisoen weer hul gewilde somerpieknieks aan. Die mandjie word deur die uitvoerende sjef voorberei en spog met verskeie lekkertes. Die piekniekmandjie is beskikbaar teen R325 (vir een) of R580 (vir ’n paartjie). Bespreek by 021 876 8600 of restaurant@grandeprovence.co.za DELHEIM VIER OESFEES Vanjaar se Delheim-oesfees…

In ’n oogwink het ek ’n nuwe liefde vir die dorp en ’n behoefte om tyd daar deur te bring, ontwikkel ... My eerste besoek aan Onrus was meer as 20 jaar gelede. Ek het in ’n artikel oor die dorpie gelees van die bekende skrywer Jan Rabie en sy vrou, die ewe bekende kunstenaar, Marjorie Wallace, wat daar woon en wat op soel somersaande buite op hul voorstoep slaap. En van ’n piepklein Griekse kerkie wat soos ’n groot pizza-oond lyk, met slegs genoeg ruimte binne vir ’n handjievol aanbidders, wat twee vroue laat bou het. Onrus het idillies geklink en die foto’s het dit bevestig: Die natuurskoon was asemrowend, die omgewing was grootliks ongerep en met melkhoutbome oortrek, ’n ware kunstenaarsparadys, ’n stil vakansiedorpie sonder pretensie, dig teen…

“Ek kon my ore nie glo nie … Dit was musiek wat ek nog nooit voorheen gehoor het of kon versin nie,” het die Britse skrywer Bruce Chatwin oor die musiek van Kevin Volans gesê. “Dit het op niks of niemand teruggeval nie. Dit was net daar. Dit was vry en lewend ... dit is die opperste toewydingsmusiek. Vir my is Kevin een van die vindingrykste komponiste sedert Stravinsky.” In 1987, die jaar voor Chatwin se dood, het Volans aan hom geskryf en toestemming gevra om Song Lines, wat toe pas verskyn het, as die basis vir ’n opera te gebruik. Song Lines is Chatwin se optekening van die Australiese inboorlingegemeenskap se persoonlike verhale. Dié verhale het Chatwin gelees as metafoor vir die mens se behoefte om te reis (Wanderlust).…

VREEMDE VLIEëNDE KARRE DALK GOU HIER ’n Mens het nog nie eens met die gedagte van selfbesturende karre vertroud geraak nie en daar word reeds gepraat van dié wat kan vlieg. Ek moet bieg, toe ek die eerste keer van Uber se planne hoor om in 2020 ’n vloot van vlieënde taxi’s te begin toets, het ek gedog dis ’n baie vroeë Aprilgrap. Maar klaarblyklik werk Uber saam met die Amerikaanse ruimteagentskap Nasa om hierdie projek aan die gang te kry. En hulle is nie die enigstes met planne vir vlieënde motors nie, want Volvo se Chinese moedermaatskappy het ook pas ’n Amerikaanse onderneming oorgekoop wat vlieënde motors kommersieel wil beskikbaar maak. Airbus is ook besig met toetse op hul Vahana-projek wat daarop gemik is om pendelaars bo-op hoë geboue…

MOEILIKHEIDSGRAAD: ** BENODIGDHEDE MoYa Asili DK (50 g-balle): 2 balle elk Oak en Sycamore en 1 bal elk Redwood en Boabab 3 mm-hekelpen GROOTTE Pas mediumgrootte: borsmaat = 97 cm; lengte = 70 cm AFKORTINGS EN STEEKVERDUIDELIKINGS beg = begin, dies = dieselfde, dr = draai, dsl = dubbelslagsteek, gp = groep, gs = glipsteek, h/af = heg af, herh = herhaal, kb = kortbeen, ks = kettingsteek, lb = langbeen, ls = lus, rdte = rondte, RK = regte kant, sp = spasie, st = steek, tes = tesame, tr = trossie, vlg = volgende Dubbelslagsteek: 1. Slaan die draad twee maal oor die pen. 2. Steek die pen in die volgende steek. 3. Slaan die draad oor die pen en trek die pen deur die eerste lus sodat…