Innholdsfortegnelse for 5-12 January 2018 i Vrouekeur

Eldaleen My naam is bo-aan my lysie in 2018! Wat beteken: Ek wil gespaar kry, gesonder eet, weer joga doen, my verfprojekte uitbrei, en moed bymekaarskraap om ’n storie te skryf. En ek gaan baie meer “nee” sê. Christa Om te leer skilder, ’n zipline by Oribi Gorge te doen, dalk weer ’n skryfskool bywoon. Zerilda Ek sal graag ’n fotografiekursus wil doen en meer sosiaal wil wees. Anlie Ek het verlede jaar probeer om Tswana te leer, maar het by so ’n bietjie minder as die basiese geëindig! Ek sal dit graag wil hervat en net elke dag een woord of frase aanleer. Margot Ek wil graag my groentetuin uitbrei en ook plastiek uit my lewe sny. Zerelda Ek het verlede jaar ontdek hoe lekker dit is om iets…

Om ’n gesprek met Lynelle te hê, is soos om aan ’n skattejag deel te neem. Jy dink dalk jy’s op die regte spoor, maar kort-kort lei sy jou af in ’n nuwe paadjie waar onverwagte ontdekkings op jou wag. En elke keer is jy van meet af aan beïndruk met hierdie dinamiese jong vrou. Lynelle, wat geen vaste adres het nie, maar die laaste jaar of wat haar lewe vanuit Johannesburg bedryf, is vir ’n kort kuier in die Kaap waar sy een van vier soliste by die galakonsert van die jaarlikse barokfees is. “Ek kom graag Kaap toe vir werk en kuier,” sê die 29-jarige Paarl-boorling, “maar ek wil nooit weer hier woon as ek ’n keuse het nie. Sedert ek myself professioneel na Johannesburg verplaas het, het…

Kinders besef nie aldag dat om ’n fout te maak en om oneerlik te wees, twee verskillende dinge is nie. Oneerlikheid is ’n doelbewuste keuse terwyl almal foute maak. Dis deel van grootword en dit definieer nie die kind nie. En hoewel ’n fout ook sekere gevolge het, is dit gewoonlik nie die einde van die wêreld nie, solank kinders uit hul foute leer en nie herhaaldelik dieselfde fout maak nie. Die verskil tussen iemand wat verantwoordelikheid vir ’n fout aanvaar, en iemand wat die fout ontken, is eerlikheid. Die kind wat sy fout ontken, is nou nie meer bloot iemand wat iets verkeerd gedoen het nie, hy word nou as oneerlik geklassifiseer. Eerlikheid en integriteit gaan hand aan hand. En al is integriteit nie noodwendig ’n karaktereienskap waaraan ons…

BLOUBESSIEMUFFINS 12 muffins 2 piesangs, medium ryp 2 groot eiers 5 ml (1 t) vanieljegeursel 500 ml (217 g) hawermout 250 ml (220 g) bruinsuiker 5 ml (1 t) bakpoeier 250 ml (1 k) vars bloubessies Voorverhit oond tot 220 °C en voer kolwyntjiepan met kolwyntjiepapiertjies uit. 1 Maak piesang fyn en meng dit met eiers en vanieljegeursel. 2 Gooi hawermout, bruinsuiker en bakpoeier by en meng goed. 3 Gooi bloubessies by en meng versigtig deur. 4 Skep beslag in kolwyntjiepan. 5 Bak vir 15 tot 17 minute tot goudbruin en gaar.…

Ons almal wil graag sterk, gesond en fiks wees om met die eise van ons moderne lewe te kan byhou. Hier is ’n paar wenke wat jy kan volg. VOLG ’N GEBALANSEERDE DIEET Lila Bruk, ’n geregistreerde dieetkundige, beveel ’n kombinasie van proteïen, koolhidrate, vrugte en/of groente en ’n bietjie vet by elke ete aan. “Proteïen is noodsaaklik vir spierherstel en -groei, sowel as hormoonfunksie. Voldoende proteïeninname is ook noodsaaklik vir ’n gesonde immuunstelsel. “Proteïene kom in diereprodukte soos vleis, eiers, vis, hoender en kaas voor en in sekere groenteprodukte soos peulgewasse (bone, lensies en soja). “Koolhidrate of stysels voorsien glukose, wat die primêre energiebron vir die brein en spiere is. As jy koolhidrate te veel beperk, sal jou brein nie doeltreffend funksioneer nie en jy sal sukkel om te…

Party dae is ek só verlief op die uitgewersbedryf dat ek lus raak om met ’n boekrak te trou en saam klein bladsytjies groot te maak. Dis wraggies al wat ek wil doen tot dit eendag tyd is om na die groot Biblioteek in die Lug te verhuis. Boeke lees. Boeke bekendstel. Boeke versamel, verkoop, uitstal, vertaal, uitgee en dalk eendag selfs skryf. My hele menswees is van hoek tot kant boekbedonnerd. Maar dit was altyd so nie. Eendag, lank lank gelede wou ek ’n dokter word. Ja, lag maar lekker, julle was ook eenmaal 16 jaar oud. Dit het moontlik begin met ’n biologiejuffrou wat vreeslik gegril het, en my kortkort oor die interkom laat roep het om gou namens haar iets te dissekteer. Beesharte, skaapniere en so. Ek…

Daar is talle splinternuwe CD’s kort voor die 2017-feestyd uitgereik. Daar is nuwes van onder andere David Kramer, Steve Hofmeyr, Jak de Priester, Saarkie, Lianie May, Jay en die opwindende nuwelinge Caroline Grace, Fatman (albei van The Voice-faam ) en Zandré. Ons luister binnekort daarna. Maar vandeesweek hark ons ’n klompie saamgestelde albums nader om ons in die regte stemming vir 2018 te kry. Dit is deur Coleske Artists uitgereik. VROLIKE VREUGDE Die tweede aflewering in die Weiveld Tunes-reeks is ’n dubbelalbum met 40 gewilde snitte – onder meer die splinternuwe Weiveld toe deur Juan Boucher. Dansvloerknakkers soos Spring van die dak af (Armand Hofmeyr), Da vat hy (Lianie May & Jay), Gooi suiker op my en spoel my af (Dirk van der Westhuizen), Stukkie van jou…

Daar is geen tuinfoute nie – slegs eksperimente– Janet Kilburn-Phillips GEE NOU KOS Volgens Life is a Garden vra grasperke nou ’n stadig vrystellende stikstof om hul mooi, groen kleur te behou. Jong saailinge en binnenshuise plante kan elke twee weke met ’n vloeibare messtof gevoed word. Asaleas en kamelias kort nou ’n suurmesstof om hulle te help om botsels in die winter te vorm. NUUT OP DIE RAK Petunia “Babydoll” dis die Petunia “Night Sky” se kleinsus! Die “Babydoll” is hoofsaaklik pienk met wit spatsels en die Night Sky is hoofsaaklik pers met wit spatsels. Dis ideaal vir houers en hangmandjies. Pluk dooie blomme af om nuwes aan te moedig. NUWEJAARSVOORNEMENS VIR TUINIERS Is jy lus om vanjaar ’n nuwe blaadjie in die tuin oor te slaan? Hier is…

Dié huis op Somerset-Wes is die tuiste van Juan en Margeaux Jooste en hul babadogtertjie, Mila Cara. Juan is die kliënte-verhoudingsbestuurder van ’n maatskappy in die boubedryf en Margeaux is ’n voormalige prokureur en deel van die bestuurspan van ’n winkelsentrum in die noordelike voorstede van Kaapstad. Die huis het ’n oopplan-kombuis-en-woonvertrek met drie en suite-slaapkamers en ’n klein studeerkamer. Een van die kamers is in ’n babakamer omskep. Die Joostes beskryf hul huis as kleurryk en kontemporêr met ’n sterk Skandinawiese invloed. Hulle het die erf in 2011 gekoop en die huis laat bou. Margeaux vertel: “Ons het verkies om ’n huis te laat bou eerder as om ’n bestaande een te koop sodat ons die huis vol-gens ons smaak en behoeftes kon ontwerp en toebehore en afrondings volgens…

MOEILIKHEIDSGRAAD: ** BENODIGDHEDE MoYa 100% Katoen Bulky Plush (80 g-balle): 3 balle elk Sisipho, Orie en Penelope en 2 balle elk Celine en Natasha 10 mm-hekelpen Naald met groot oog GROOTTE 100 cm in deursnee AFKORTINGS & STEEKVERDUIDELIKINGS beg = begin, dies = dieselfde, dsl = dubbelslagsteek, gs = glipsteek, h/af = heg af, herh = herhaal,hlb = halflangbeen, kb = kortbeen, ks = kettingsteek, lb = langbeen, ls = lus, rdte = rondte, sp = spasies, st = steek, tes = tesame, vlg = volgende Dubbelslagsteez 1 Slaan die draad twee maal oor die pen. 2 Steek die pen in die volgende steek. 3 Slaan die draad oor die pen en trek die pen deur die eerste lus sodat daar vier lusse op die pen is. 4 Slaan die…

VREUGDE VIR DIE NUWE JAAR Om te verjaar, bly jou hele lewe lank iets besonders. Die opgewondenheid van die kinderjare en jeugtyd verander geleidelik en nuwe belewenisse vul jou volwasse lewe. Stadig maar seker word ons van afnemende vermoëns bewus. Die vreugde van om onthou te word en liefdesgeskenke, groot of klein, word al hoe meer waardeer, want daar het al so baie stemme langs die pad stil geword. En dan skryf jou kind vir jou vir ’n hele jaar se Vrouekeur in en dit wanneer Mamma 86 word! Heerlike weeklikse vreugde om met verwagting na die posbus te gaan, gaan my voorreg wees. NOG ’N VOORBLADOPSIE Wenbriefwenners wen ’n geskenkpak van LAPA Uitgewers ter waarde van R495 WEN Entrepreneur en selfgemaakte miljoenêr Marnus Broodryk se boek, 90 Rules for…

DíS MOS OLYFOLIE! Baleia se ekstrasuiwer koudgeparste olyfolie 2017 het ’n prominente tamatie- en artisjoksmaak met vars suurlemoengeur en ’n sagte, botterige nasmaak wat met ’n swartpeperondertoon afgerond word. ’n Aangename vrankheid herinner aan die hoë antioksidant-inhoud, eie aan goeie olyfolie. Ongeveer R88 per 375 ml-bottel by die Baleia Wines & Olive Oil-proelokaal op Riversdale, La Bella Deli & Restaurant, of aanlyn by http://www.baleiawines.com/ KLAARGEGEURDE SKYFIES McCain se beperkte uitgaweSpicy Wedges is krakerig aan die buitekant en sag aan die binnekant – net soos ’n perfekte skyfie moet wees! Dit word van gehalte-aartappels gemaak en met paprika en kruiespeserye gegeur wat jou smaakkliere sal prikkel. Druk dit vir 18 minute in die oond of diepbraai dit in minder as ses minute. Ongeveer R29,99. www.facebook.com/McCainSA GESONDHEID OP SY BESTE Pesto Princess…

Wat ook al op jou wag nadat jy die tydelike met die ewige verwissel het, kan ek nie met sekerheid sê nie. Wat ek wel glo, is dat daar ’n goeie kans is dat jy met jou aankoms in die onbekende waarskynlik ’n vorm sal moet invul. Tydens jou aardse lewe kan jy feitlik niks doen sonder die een of ander vorm van dokumentasie nie, ek kan nie sien hoekom dit in die hiernamaals anders sal wees nie. Vrae soos: Waar het jy die eerste keer van ons gehoor? Gee drie redes hoekom jy ’n kamer met ’n en suite-badkamer verdien? Beskou jy jouself as ’n goeie mens en hoekom dink jy so? is ’n gegewe. Afgewissel met ’n paar strikvrae, want die aanvraag oorskry waarskynlik die aanbod. En om…

ROLPRENTE THE NUT JOB 2: NUTTY BY NATURE 4/10 Met die stemme van Katherine Heigl en Maya Rudolph Regisseur Carl Bunker ANIMASIE Dalk het die kleinspan jubelend wawiele gemaak toe hulle uit die oorspronklike The Nut Job (2014) gekom het. Dat ’n akker nou so ver van die boom kon val. Maar die vervolg is nie op dieselfde standaard nie. Vir ma’s wat uit skone frustrasie met die verveelde kleinspan nie hul elmboë van hul kniekoppe kan onderskei nie – julle kan die spannetjie by ’n teater gaan aflaai waar hierdie rolprent vertoon word. Maar moenie jouself daaraan onderwerp nie. Die vriende van Oakton City, wat uit eekhorings, muise, molle en ander vreemde gediertes bestaan, se wonings word deur die bose mnr Feng (met die stem van Jackie Chan!) bedreig…

Gebruik enigiets, maar benoem dit net. Al daardie SMS’e wat julle almal so gedurig aan ’t stuur is, gee dit menings weer? Of is dit net die ou voosgebruikte, verminkte woorde? Oor en oor Gedurende die feestyd kom baie families byeen. Dan val dit op dat die verskillende generasies dikwels die feesdae op uiteenlopende maniere ervaar. Elsa Joubert skryf op 95-jarige ouderdom in haar onlangse boek, Spertyd, hieroor: “Ná elke samekoms van die drie geslagte voel dit vir my of woorde hul betekenis of funksie aan die verloor is.” Dit is egter nie sommer ’n bejaarde mens se gekla oor die jong generasie se gebrek aan goeie maniere of respek nie. Joubert verduidelik presies wat sy bedoel wanneer sy sê dat woorde “hul betekenis of funksie” verloor: “Omdat die jong…

Op die vertoonkas het ’n kosbare vaas gestaan. Die seuntjie in die huis is gewaarsku om nooit aan die vaas te raak nie. Dit was ’n familieerfstuk waaroor almal heilig was. Toe hy groot genoeg was om by die vaas by te kom, het sy nuuskierigheid die oorhand gekry. Hy het die vaas afgetrek en sy hand daarin gedruk, net om met die uittrekslag te ontdek dat sy hand vassit. Sy ouers het paniekerig probeer om seep en kookolie aan die kind se hand te smeer, sonder enige sukses – die hand was vas. Hulle het die dokter gebel om te hoor of hy kon help, maar selfs met sy delikate instrumente kon hy niks uitrig nie. “Ons sal die vaas moet breek,” het die ma ontsteld gesê. Die klein…

Ek wil nie vir mý skryf nie, maar vir die mense wat na my musiek luister en ’n verbintenis daarmee vorm Sommige mense wonder hul lewe lank wat die punt van hul bestaan is. ’n Handjievol gelukkiges, soos die sanger Elvis Blue, oftewel Jan Hoogendyk, weet egter van jongs af wat hom laat “tiek” en leef dié passie vreesloos uit. “Ek is regtig lief vir musiek,” sê Elvis en sy blou oë praat saam. “Ek skat almal is vir iets gemaak en dat daardie iets jou met ’n ding binne-in jou laat connect wat jou laat lewendig voel.” Sedert hy in 2010 as Idols-wenner gekroon is, was daar nog geen einde aan Elvis nie. Die een ná die ander musiektoekenning het ingerol. Sy jongste Afrikaanse album, Die brug, is verlede…

Sandra is raadop met haar 11-jarige dogter. Sy sê: “My dogter weier om te erken as sy ’n fout gemaak het. As ek haar aanspreek oor iets wat sy verkeerd gedoen het, is haar eerste reaksie altyd: ‘Dit was nie ek nie!’ “Soms betrap ek haar waar sy nog besig is om iets aan te vang, maar as ek iets sê, praat sy my dood en ontken op die plek dat sy dit gedoen het. Sy kyk my in die oë en jok daaroor. En as ek dit by haar probeer tuisbring dat ek dit so pas self sien gebeur het, loop dit op ’n stryery uit. Nog een van haar strategieë is om die blaam op ander te plaas. “In plaas daarvan dat sy erken as sy verkeerd was…

JANUARIE-WENBOEKE Ons Januarie-wenners wen twee liefdesverhale van LAPA Uitgewers, Alma Carstens se Verbode liefde en Salomé Schutte se Gister is lankal verby. In Verbode liefde ontmoet Zoey die enigmatiese dokter Jano Marnitz terwyl sy met vakansie in Parys is. Hy ontwikkel ’n obsessie om haar gesig, wat in ’n motorongeluk geskend is, te herstel. Het hy dalk gevoelens vir haar of is dit slegs sy doktersinstinkte wat inskop? In Gister is lankal verby tel Lia ’n seun by die strand op en ontmoet sy mooi, maar moeilike pa, Viljé. Sy weet sy moet wegbly van hulle, maar die oulike seun steel haar hart - ’n talent wat hy blykbaar met sy pa deel. Die boeke is by toonaangewende boekwinkels en by www.lapa.co.za  beskikbaar Neville Smith sê vloerlyste (skirtings)…

GARING-VARKVLEIS-EN-KOOLSLAAI-BURGER 4 porsies 1 kg varknek sonder been 10 ml (2 t) fyn komyn 10 ml (2 t) fyn koljander 5 ml (1 t) fyn paprika 1 ui, gekap 5 ml (1 t) knoffel 750 ml beesaftreksel KOOLSLAAI 1 klein groen koolkop, gekerf 1 klein rooi koolkop, gekerf 60 ml (¼ k) bosbessies 125 ml (½ k) ongegeurde jogurt sout en peper 8 volgraan-burgerrolletjies 1 Smeer varknek met speserye en laat marineer vir 20 minute. 2 Verhit bietjie olie en braai ui en knoffel tot sag. 3 Sny vark in kleiner stukke en gooi by uiemengsel. 4 Gooi aftreksel by en laat stadig stowe tot vleis baie sag is. 5 Haal vleis uit kastrol en trek met twee vurke los om dunner garings te maak. 6 Gooi vleis weer terug…

Sylvia sê die algemeenste geldfout wat vroue maak, is dat hulle ander mense se behoeftes voor hul eie stel. “Hulle is ook geneig om huishoudelike uitgawes te betaal terwyl hul mans vir die huisverband, motors en polisse betaal. Sy het dus nie veel om te wys vir die geld wat sy in die verhouding belê nie. Vroue behoort ’n bietjie selfsugtig te wees en hulself eerste te stel. Hulle moet leer om geld op hulself uit te gee. Die dae dat vroue op iemand anders gewag het om na hulle om te sien of om vir hulle te sê om na hulself om te sien, is verby. Ons moet beheer neem. Bemagtiging word nie op ’n skinkbord gegee nie – dit word genéém.” Sylvia sê daar is druk van die…

Ja, baie mense doen dit elke jaar – ons maak voornemens, beraam planne, stel doelwitte ... Maar wanneer ons die einde van die jaar ons lewe in oënskou neem, besef ons met skok en teleurstelling ons het gefaal. Om die een of ander rede kon ons nie by alles uitkom nie. En dit is waarom daar nóg ’n nuwe jaar is! Ons kan weer probeer, ons kan inhaal en opvang, of berus by wat was en nuut begin, vasbeslote om ’n verskil te maak. Drie vermaakkunstenaars sê hier ’n mens moet jouself nie stenig as die jaar nie verloop het soos jy gehoop het nie. Probeer nóg ’n keer! Hulle is dit eens doelgerigte beplanning en tydbestuur is vir ’n balans tussen werk en pret nodig. “Ek probeer nog my…

Die rit uit die Strand wil-wil net te lank word met padwerke tussen Elgin en Villiersdorp toe iemand in die motor grap en sê ons moes Greyton toe gegaan het en sommer oor die berg gery het. Ek sien net so min kans om oor ’n berg te probeer ry as om met die Boesmanskloof-roete oor die berg te stap! Maar gou omring die wingerde ons aan weerskante van die pad en oral op klein lappies grond staan perde, beeste en skape en wei of rus in die koelte en ons vergeet van die rit agter ons. Voor ons weet, is ons oor die bruggie oor die Breërivier van Robertson se kant af, deur die bloekomlaning tot waar die oulike wit pilare met die dorp se 1862-stigtersjaartal op, jou verwelkom.…

Al kom daar niks van ons Nuwejaarsvoornemens nie, bly die gedagte van ’n nuwe blaadjie omslaan tog in die agterkop draal. Dié tyd van die jaar is daar nog die moontlikheid om van ’n paar nare gewoontes af te sien ... Drie handelinge wat elkeen die moontlikheid het om ons te verslaaf, is rook, drink en eet. En juis omdat dit so behaaglik is, vervaag matigheid mettertyd en voor jy jou oë uitvee, is jy gaar, suf en vet. Die kunstenaars Damien Hirst, Edgar Degas en Pieter Bruegel die Ouere bied drie perspektiewe. Wat ons daarmee doen, is seker ons saak ... Die Britse kunstenaar Damien Hirst (1965) jaag mense gewoonlik in twee kampe: Óf jy is dol oor sy werk óf dit gaan by jou verby. In 1995 het…

BEKOMMERD OOR SELFDOODDGEDAGTES My suster is verlede jaar aan kanker oorlede en ek voel dat ek dit nou aanvaar het. ’n Goeie vriendin het twee weke gelede selfdood gepleeg en ek sukkel om haar dood te verwerk. Dit is byna of ek my suster se dood en die verlies aan haar meer betreur as my vriendin se dood. Ek kry selfs gedagtes om self dood te wil wees. Hoe stop ek hierdie gevoelens? – Bedroef Dis moontlik dat jy nooit behoorlik met die afsterwe van jou suster gewerk het nie en dat jou vriendin se dood ou wonde oopvlek. Dit gebeur dikwels dat ’n onlangse trauma, veral ontydige dood, onafgehandelde aspekte na die oppervlak kan bring en die rouproses met onlangse trauma verwar word. ’n Terapeut kan help om die…