Innholdsfortegnelse for 01-dic-17 i Vrouekeur

Teen die einde van die jaar is dit maklik om moeg en uitgeput te voel en is stiltetyd saam met God en met die regte bron in jou hand broodnodig. Die meeste vroue is so besig met werk en hulle gesin as versorger, vertrooster, bemoediger, skeidsregter, rasieleier en vertroueling dat hul soms hul lewensvreugde verloor. Marietjie Joubert wys lesers egter op die één ding wat jy elke dag nodig het om ware vrede en lewensvreugde te ervaar. Tyd by Jesus se voete. In die boek Met ’n lied in die hart sê sy dat as jy by sy voete sit, sal Hy jou siel verkwik en las verlig. Hy sal jou nuwe hoop en inspirasie gee en jy sal nuwe energie kry om elke dag met ’n lied in jou…

Vir die eerste keer in ’n baie lang tyd het Bennie Fourie ’n week afgevat. Wel soort van, want terwyl hy by ’n koffiewinkel in Durbanville vir my sit en wag, skryf hy so lank aan die draaiboek van ’n TV-reeks. Bennie was medeskrywer en regisseur van die gewilde Hotel-reeks, waarvan die eerste een met ’n Safta-toekenning vir beste teks bekroon is. Hy was ook medeskrywer van Sterlopers 2 en het die afgelope drie jaar in ses rolprente gespeel. Vroeër vanjaar was hy op kykNET te sien in Phil 101 as ’n sosiaal ongemaklike professor en hy het die draaiboek geskryf vir die fliek Vuil wasgoed, waarin hy ook die hoofrol vertolk. Hy is ook medevervaardiger van dié prent wat rondom Desember uitgereik word. “Ja, ek werk verskriklik hard, maar…

“Dit gaan oor die wiel van ’n suksesvolle lewe,” se Hennie. “Jy kan nie aan een speek voorkeur gee ten koste van die ander speke nie.” As jy byvoorbeeld sukses in jou beroep behaal ten koste van jou huwelik omdat jy so baie tyd en aandag aan jou werk gee, moet jy ’n ander beroep oorweeg, al is dit teen ’n kleiner salaris. “Een van die groot probleme van die moderne samelewing is dat ons lewenstandaard te hoog is. Ons lewe draai om geld en besittings. Ons koop amper blindelings dinge waarsonder ons kan klaarkom. Baie van my kliënte het ontslae geraak van alles en in die boendoes gaan woon, waar hulle met min geld ’n eenvoudige, maar gehaltelewe geniet. Vir sulke mense beteken sukses nie dat hulle baie geld…

BANDJIES VIR ALBEI Wys hoeveel jy vir jou kat of hond omgee met ’n FriendshipCollar. Daar is ’n bandjie vir jou troeteldier en ’n armband vir jou wat presies dieselfde lyk. Hondebandjies in groottes vanaf XXXS tot XXL. Die katbandjies is net in een grootte beskikbaar, met ’n veiligheidsgespe sou jou kat iewers vassit. Die armband vir eienaars het ’n verstelbare bandjie om groottes aan te pas. Dit word van kunsleer gemaak en is gemaklik. Stelle vanaf R599. Besoek www.friendshipcollar.com om aanlyn te bestel. LEKKER REUK Weg is slegte reuke in die badkamer met Poo-Pourri-toiletsproei. Dit bevat 100% natuurlike en eko-vriendelike bestanddele en vang reuke vas deur ’n versperringslagie op die water te vorm. Dit stop reuke nog voor dit begin. Beskikbaar in Original Citrus en Lavender Vanilla teen ongeveer…

CHRIS SE KEUSE Die Reyneke-wynlandgoed is in die Polkadraaiheuwels buite Stellenbosch geleë. Oor die afgelope jare het hul wingerde onder organiese en biodinamiese wingerdbou na 80 ha verdubbel. Johan Reyneke se passie om die beste wyn van hul unieke terroir te maak, en terselfdertyd die omgewing te bewaar, sien jy in hul slagspreuk: Kwaliteit met integriteit. Dit is nie net beter vir die landgoed nie, maar maak ook die wyn beter. Die Britse wynmeester Tim Atkin het in sy wynverslag van Suid-Afrika vir 2017 Reyneke as een van die land se 20 topwynprodusente aangewys. Hy het ook 94 punte aan die Reyneke Syrah 2015 toegeken. Dié wyn word met minimale inmenging deur die wynmaker gemaak. Die druiwe word organies en biodinamies verbou – met geen insek- of onkruiddoder nie. Dit…

My ouers se huweliksherdenking val toevallig op my verjaardag: 9 Julie. Ek is weliswaar die jongste van drie dogters, maar toe ek klein was, het dié gedeelde feesdag glad nie vir my sin gemaak nie. Was my ma dan hoogswanger in haar trourok, en het sy vóór of ná die onthaal hospitaal toe gejaag? Sy lyk dan nie swanger op die troufoto’s nie? Of het sy my eers gehad, en toe met ’n pasgebore baba op die heup haar beloftes gaan opsê? Dit het my jare gekwel, tot ek oplaas groot genoeg was om te snap daar was al sewe jaar se huwelikswater onder die brug voor moi haar opwagting gemaak het. Hierdie jaar het hulle sowaar hul 40ste huweliksherdenking gevier en maar-dis-myverjaardag- ook-ekke het met liefde tweede viool gespeel.…

Die golf, dié een wat vir ewig gestol, voortdurend skuim stuif met die berg Foedji in die verte, is een van die bekendste prente in die kunsgeskiedenis. Veral die Westerse kunsgeskiedenis. Nie net omdat afdrukke daarvan in heelparty kunsmuseums hang nie, maar omdat dié prent Westerse kuns so ingrypend beïnvloed het. Dit is moeilik om te dink waar die Impressionisme sou gewees het as dit nie was vir Katsushika Hokusai se Kanagawa Oki Nami Ura (vertaal as Die groot golf duskant Kanagawa, soms genoem Groot golf of net Die golf) nie. Dié houtdruk is een van ’n reeks van 36 drukke wat Hokusai (1760–1849), ’n tydgenoot van Francisco de Goya, van die berg Foedji gemaak het. Hoewel dié berg in Japan as ’n gewyde plek gereken word en afdrukke (ukiyo-e)…

MOEILIKHEIDSGRAAD: ⋆⋆ BENODIGDHEDE M oYa 100%-katoen DK (50 g-balle): 14 balle Amazon (lot 113) 3,5 mm-hekelpen Naald met groot oog GROOTTE Lengte = 53 cm; breedte = 130 cm. AFKORTINGS beg = begin, dies = dieselfde, dr = draai, gs = glipsteek, h/af = heg af, herh = herhaal, hlb = halflangbeen, kb = kortbeen, ks = kettingsteek, lb = langbeen, rdte = rondte, RK = regte kant, sp = spasie, st(e) = steek(steke), tr = trossie, vlg = volgende Trossie: 1 Slaan die draad oor die pen en steek dit in die volgende steek. 2 Moenie die steek voltooi nie sodat daar twee lusse op die pen is. 3 Hekel die volgende twee steke op dieselfde manier sodat daar vier lusse op die pen is. 4 Slaan die draad…

Deur XWord Vir alle navrae navrae@xword.co.za of 082 346 3431 Besoek www.xword.co.za WEN R1 000! Voltooi die blokraai en gebruik die omkringde letters om die versteekte woord of naam te ontsyfer. Leidraad: Ontsyfer die letters in die sirkels om ’n woord te kry vir ’n blomkleed SMS jou antwoord, voorletters, van en dorp/stad voor of op 20 Desember 2017 na 48410. SMS’e kos R1,50 en is net vir mense in SA. Geld sal vir foutiewe SMS’e gehef word en gratis SMS’e geld nie.…

BRIEF van die WEEK NUWE BEGIN Toe ons verlede jaar aftree en van Bloemfontein na Stilbaai verhuis, het ek nie geweet hoe ons sonder ons vriende van 40 jaar gaan klaarkom nie. Hulle is mos tweede familie! Maar groot was die verrassing toe ons besef hoe aangenaam en vriendelik die mense op dié kusdorpie is. Ons het intussen ook goeie bande met mense van ons ouderdom gesmee en weet nou dis nooit te laat om oor te begin nie. ’n Mens kan nooit jou ou vriende vervang nie, maar dis tog ook heerlik om nou ongekompliseerde verhoudings te hê waar ’n mens praat oor gesondheid, kospryse, die natuur, visvang en konfyt inlê. Dis nou dié dinge wat jou tyd in beslag neem. Hilda Rudd, Stilbaai NOG ’N VOORBLADOPSIE Prestige Almal…

Sy was ’n skrander, aantreklike vrou. Ma van een seun en twee dogters, ouma van vyf kleinkinders. Sy het ’n suksesvolle loopbaan in die hotelbedryf gehad. Sy was ’n uiters trotse en onafhanklike vrou wat jy deur ’n ring kon trek. Ek het Patty Richards in Julie 2002 ontmoet. Ons was nooit getroud nie, maar was saam tot en met haar dood in 2016. Sy was ’n wonderlik lewensmaat, vol lewe, geesdrif, liefde en omgee. Aan die einde van 2011 het sy besluit om die hotelbedryf vir ’n ligter werk met beter werksure te verlaat. Die noodlot het egter ander planne gehad. Teen die helfte van 2013 het sy snaaks begin optree: vreemde gesiguitdrukkings, stadiger bewegings en sy het ook stadiger gepraat. Patty moes ophou werk en is met depressie…

NÁ INFLAMMATORIESE HIPERPIGMENTASIE Akneevelle is gewoonlik rooi en geswel as gevolg van die inflammasie. Dit is ’n tipe “velbesering” wat bruin vlekke kan agterlaat wanneer die puisie uiteindelik gesond word. BEHANDELING Relatief maklik. PIGMENTASIE AS GEVOLG VAN SONSKADE Herhaalde, onbeskermde sonblootstelling wat melanienproduksie stimuleer en vlekke vorm. Die skade wat ons in ons jeug opdoen, is gewoonlik eers sigbaar wanneer ons ouer is. BEHANDELING Moeiliker, maar moontlik met ’n reeks professionele gesigbehandelings en tuisprodukte. Voorkom dit met daaglikse sonskermgebruik. HORMONALE PIGMENTASIE (MELASMA) Melasma het verskeie interne en eksterne oorsake, insluitende hormone, lekkende-dermsindroom of onbeheerde inflammasie. Dit is ongelukkig soos ’n siekte wat lewenslank die regte behandeling en onderhoud verg, anders kom dit net weer terug. BEHANDELING Moeilik. Raadpleeg ’n dokter, want jy sal bloedtoetse moet laat doen om die skuldige…

Wanneer ’n mens die woord “cannabisolie” by ’n soekenjin intik, verskyn hordes webwerwe wat dit verkoop. Riaan* is ’n verskaffer en vervaardiger van cannabis-olie. “Ek het self familielede wat deur kanker geraak was en ’n paar van hulle het cannabis-olie met positiewe resultate gebruik. Baie verskaffers is eerlik, maar daar is beslis mense wat vinnig probeer geld maak en siek mense uitbuit deur die geld te vat en nie die produkte aan hulle stuur nie of produkte van minderwaardige gehalte stuur.” Die webwerf South African Cannabis News and Culture (https://btl.co.za) waarsku kopers teen swartmarkhandelaars. Die onus van verantwoordelikheid rus op die gebruiker. Doen soveel navorsing as wat jy kan. Daar is gewetenlose swendelaars wat die olie verkoop. Sommige van hulle gee selfs voor om mediese praktisyns te wees. Sosiale-media-bladsye en…

So ’n paar jaar gelede sit ek op die Gautrein langs ’n jongman met ’n Oppikoppi-T-hemp aan. Synde self ’n musiekliefhebber begin ek met hom gesels en kort voor lank raak ons passievol oor die onderwerp. Toe laat hy die T-bom val. Hy gebruik die gewraakte T-woord. Tannie. Hy noem my “Tannie”. Dit voel of ek in ’n laaghangende tak vasloop. My kop ruk agteroor en ek sien sterretjies. Ek is egter moedig, steier voort en vertel hoe ek vroeër die jaar in Engeland agt uur lank in die reën in ’n tou by ’n Bruce Springsteen-konsert staan en wag het en later nog vyf uur in die put (die golden circle) gesing en dans het. Wie’s nou jou tannie? “Dit klink amazing, Tannie,” sê die jongeling entoesiasties en trap…

WENK Ek hou van ’n bietjie meer brandrissie. Gooi gerus van jou gunstelingbrandrissiesous by. GRONDBOONTJIE-HOENDER-ENGROENTE- ROERBRAAI 4 porsies 10 ml (2 t) sesamolie 1 ui, in ringetjies gesny 5 ml (1 t) fyn knoffel 5 ml (1 t) fyn gemmer 4 hoenderborsies, in repies gesny 1 klein rooikool, fyngekerf 1 rooi soetrissie, in dun repies gesny 150 g (1 pakkie) mange tout-ertjies 300 g (1 pak) pampoennoedels (van Woolies) 250 g (1 pakkie) spinasie-enblomkool- noedels (van Woolies) 60 g (1 pakkie) grondboontjies, skille af, effe gerooster SOUS 125 ml (½ k) grondboontjiebotter 30 ml (2 e) soetrissiesous 30 ml (2 e) sojasous 15 ml (1 e) sesamolie 5 ml (1 t) suurlemoensap 5 ml (1 t) fyn gemmer 1 Braai uie, knoffel en gemmer in sesamolie tot sag. Skep uit…

DESEMBER-WENBOEK 50 hoendergeregte bevat 50 veelsydige hoenderresepte wat maaltydinspirasie gedurende moeilike ekonomiese omstandighede bied. Oondgerooster, oor die kole, as deel van bredies, sop of pasteie – hoender is maklik om voor te berei en ’n ekonomiese keuse vir elke gesin. Die resepte bestaan uit treffers soos: blatjanghoender, Oroshoender, hoenderbobotie, romerige hoenderstroganoff, hoender-en-lensie-sop, pynappelhoender, hoender-en-broccoli, hoendersamoesas en ’n appelkoos-enhoender- potjie. Die boek is by toonaangewende winkels en by www.lapa.co.za beskikbaar SUZETTE VAN DER BERG VAN BLOEMFONTEIN GEE DIÉ WENKE: ▸ Smeer olie aan jou stoompot se rek. Dit help dat jy minder gereeld die rek hoef te vervang. ▸ As jy twee- of driestukbadkamerstelletjies koop, hou die hanger waarmee dit verkoop word. Dit pas in jou wasgoedpennetjiesak en met min moeite gee jy die sak ook ’n nuwe raklewe. ▸ Gooi…

Die Liedjieboer is ’n ware kunstenaar: ’n musikant, liedjieskrywer én sanger – die voorloper van Afrikaanse rockmusiek destyds. In ’n loopbaan wat oor 40 jaar strek, het Anton Goosen en sy Bushrock Band rock- en protesmusiek in Afrikaans laat weergalm, allemens- en folkmusiek geskep en alle grense afgebreek, uitdagende bakens gestel en horisonne laat wink. Met sy briljante albums – onder meer Winde van verandering (saam met die Kommissie van Ondersoek) Danzer, Vis in die water en Om te Breyten – het die woordsmid Afrikaanse musiek verruim en wye erkenning ingeboesem. Anton is met verskeie toekennings vir sy lewenslange bydrae tot Suid-Afrikaanse musiek vereer. Oppinoot luister met opgewonde oorgawe ... ANTON GOOSEN BIED PADKOS Die omslag van Anton Goosen se nuwe CD, Padkos (sy eerste sedert sy Groen blomme-projek 11 jaar gelede)…

In September het Kiri Te Kanawa, die Nieu-Seelandse sopraan met ’n loopbaan wat oor vyf dekades strek, die einde van haar openbare optredes aangekondig. Aan die BBC het sy gesê dit het haar vyf jaar geneem om by dié punt uit te kom. Te Kanawa (73) het bygevoeg dat haar laaste optrede byna ’n jaar gelede in Ballarat in Australië was. In Oktober verlede jaar het sy, voordat sy op die verhoog gestap het, geweet: “Ek wil nie meer my stem hoor nie.” Sy het bygevoeg: “Ek het so ’n ongelooflike loopbaan gehad. Wanneer jy jong sangers oplei en jy hoor die mooi, vars stemme ... ek wil nie myne naas hulle s’n plaas nie.” Dit was egter Te Kanawa se vertolking van die hoofrol in Vanessa, Samuel Barber se…

“Ek is baie gelukkig dat my hart en liggaam in ’n baie goeie toestand is. My pa, ’n vaskulêre chirurg, is ongelukkig aan ’n hartaanval oorlede toe hy 58 was. Dié projek lê my baie ná aan die hart,” sê Carel Nel (33), wat die rol van die charismatiese hartchirurg prof Christiaan Barnard in Hartstog vertolk. Hartstog is ’n dokumentêre drama wat in opdrag van kykNET deur Deon Opperman geskryf is. Dit is nie professor Chris Barnard se verhaal nie, maar vertel van die menslike faktore en gebeure van die 24 uur voor, tydens en ná die eerste hartoorplanting op 3 Desember 1967 in Suid-Afrika. Daar word ’n parallelle vertelling tussen die Darvalls, die Washkanskys en die mediese drama in die hospitaal geskep. Dit is ’n verhaal van hoop oor…

Woordspel 47 Deur XWord.co.za Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 14 woorde, goed 18 woorde, baie goed 25 woorde of meer, uitstekend OPLOSSING: Plaveisel, lapvleis, pelvis, plavei, valei, veelal, selva, valse, vasel, vaslê, veels, vesel, villa, vleël, vlees, vleis, vlies, vale, vals, veel, veil, vele, vies, vlas, vlei. Woordsoek 19 woorde wat vir verskeie gelowe heilig of godsdienstig is, is in…

Jare gelede het ’n jong man ’n dorp binnegestap. Sy klere was oud en verslete. Die inwoners van die dorp het hom vinnig leer ken, want hy het altyd aangebied om vir hulle werkies te doen. Party was agterdogtig en ander het hom verjaag, maar stadig maar seker het meer en meer mense hom begin vertrou en die gehalte van sy werk was altyd goed. Party mense het hom betaal deur vir hom ’n bietjie kos te gee. Party het vir hom geld gegee, maar daar was ook baie mense wat hom misbruik het. Die jong man het egter nooit gekla nie. Toe breek die koning se verjaardag aan. Almal was in hul beste klere aangetrek, want die koning was op pad na hulle toe. Die jong man was ook…

Kom saam na Indië en beleef dié kleurryke, interessante land in al sy glorie. Jy kan onder meer uitsien na die Taj Mahal, Jaipur en sy fort, ’n riksjarit deur Ou Delhi se mark, die suide van Indië met Kochie en die Backwaters van Kerala. Heerlike kos en fantastiese inkopies wag! WAT KOS DIT? Die landreëlings van die toer kos 2 335* dollar en 520* dollar vir binnelandse vlugte in Indië per persoon wat deel (bereken op ’n minimum van 15 toerlede), met ’n bykomende tarief van 1 085 dollar* vir ’n enkelkamer, plus ’n vliegkaartjie van R3 290* per persoon. INGESLUIT ▪ Retoervliegkaartjies in ekonomiese klas ▪ Binnelandse vlugte in Indië in ekonomiese klas ▪ Verblyf in luukse hotelle ▪ Twee etes per dag, middagete uitgesluit ▪ Luukse busvervoer…

Renate Greeff is slinks, manipulerend en materialisties. Maar sy het ’n diep kant ook én ’n donker verlede wat van haar gemaak het wie sy is en daarom kan die aktrise Christel van den Bergh nie anders as om lief te wees vir die karakter wat sy al sowat ’n jaar en ’n half in die sepie Getroud met rugby vertolk nie. “Renate was aanvanklik baie karikatuuragtig en het alles wat lelik was, gedoen, maar ek het daarteen baklei in my vertolking omdat ek wou hê die gehoor moes van haar hou,” sê Christel, wat maklik lag en haar karakter se teenpool is. “Sy wil eintlik maar net vriende hê, maar ongelukkig is haar aanslag gewoonlik verkeerd, al is haar bedoelings goed.” Christel sê Renate se gedrag het meer sin…

MARK IN DIE PARK Op Saterdag 2 Desember 2017 kry die Johannesburg Botaniese Tuin weer nuwe lewe as die #marketinthepark weer plaasvind. Hier sal jy onder meer vintage-ontwerpersklere, antieke meubels en juweliersware, vars blomme, organiese lyfprodukte, kinderprodukte, gourmetkos, boetiekbier, vonkelwyn en wyn vind. Nie net is al jou Kersinkopies op een plek nie, maar met iets vir almal om te geniet, is dit ’n uitstappie vir die hele gesin. Van die kunstenaars wat gaan optree, is onder andere ’n groep sangers van die UJ-koor – Voices Plus, die Awesome4some band, Nick May Band en Die Rooibos. Die dag sal weer eens met joga afskop. Kaartjies kos R20. Kinders onder 12 kan gratis ingaan. Besoek https://thelindenmarket.com/ KERSINK OPIES Die Outeniqua Kersmark vier vanjaar al sy 21ste jaar. Besoek dit van 5…

Charné Heunis was nog altyd nes haar pa ’n groot diereliefhebber. As kind was sy in die agterplaas saam met haar stiefouma toe haar pa se boerboel aggressief begin raak het. “Ek het gedink dat die hond hardloop om met my te kom speel en die volgende oomblik was my gesig in sy bek en ek het net geskree en gegil. My stiefouma het probeer om die hond van my af weg te hou en toe byt die hond haar arm,” onthou Charné. Haar ma, Luzanne, vertel dat Charné tydens die voorval by haar eksman gekuier het. “Ek was die Saterdagoggend in die huis besig toe haar pa my met die nuus bel dat sy deur die hond gebyt is. Ons het onmiddellik hospitaal toe gejaag en ek het my…

VRUGTEKOEK 1 x 20 cm-koek 3 10 ml (175 g) pekanneute, grof gebreek 100 g groen kersies 100 g rooi kersies 750 g vrugtekoekmengsel 60 ml (¼ k) brandewyn 475 ml (250 g) koekmeel 5 ml (1 t) gemengde speserye 2,5 ml (½ t) neutmuskaat 2,5 ml (½ t) fyn kaneel 2,5 ml (½ t) bakpoeier 260 ml (250 g) botter 295 ml (250 g) suiker 2,5 ml (½ t) melasse 170 ml (90 g) koekmeel 6 eiers 60 ml (¼ k) brandewyn Voorverhit oond tot 180 °C en voer een 20 cm-koekpan met dubbele laag bakpapier op bodem en teen kante uit. 1 Meng neute, kersies, vrugtekoekmengsel en brandewyn. 2 Sif koekmeel, speserye en bakpoeier saam. 3 Room botter, suiker en melasse tot lig en donsig. 4 Gooi koekmeel…

Die Namaqua Weskus-streek met dorpe soos Vredendal, Klawer, Lutzville en Doringbaai, is pas aangewys as gasheer vir een van die wêreld se prominentste avontuurwedlope, die Adventure Racing World Series se Expedition Africa, en ons het besluit om die streek voor die groot opwinding in Mei aanstaande jaar te gaan verken. Die resies behels spanne atlete wat sonder ondersteuningspanne meer as 500 km se ongenaakbare terrein met navigasie- en trekvaardighede moet baasraak. Avontuurtoerisme is een van die Wes-Kaap se snelgroeiendste sektore en ’n fokus vir plaaslike en provinsiale regerings. Die Namaqua Weskus in die Matzikama-gebied is sekerlik een van die Kaap se mees besonderse reisbestemmings – ’n plek van oop skoonheid en diverse kontras. Die streek is ’n paar uur uit Kaapstad en is die tuiste van die wêreldbekende Namakwalandse blomme,…

ROLPRENTE PADDINGTON 2 7/10 Met Sally Hawkins en Brendan Gleeson Regisseur Paul King KINDERAVONTUUR Hier is nou een rolprent waarna die hele gesin kan gaan kyk sonder om oor enigiets anders bekommerd te wees as hoeveel sout om op jou springmielies te gooi. Paddington, ’n pragtige, liefdevolle beer, het in die vorige rolprent by die Brown-gesin ingetrek. Sy beste karaktereienskap is dat hy soveel vreugde en optimisme na mense se lewens bring. In sy opvolgavonture moet hy ’n geskenk vir sy tante se 100ste verjaardag kry. Nie dat dit ’n probleem is wat Einstein sou laat kopkrap nie. Sy grootste struikelblok is hoe hy die geld gaan kry. Hy spoor ’n boek op waarvan die ou dame sal hou, maar dan gebeur iets onverwags. Die rolprent sit weer veilige pret…

Almal, so wil dit lyk, hou van stories oor skelms. Veral vermetele en sjarmante skelms wat daarin slaag om mense te bedrieg, is baie gewild. Boeke, flieks en TV-reekse oor die mafia, oor waaghalsige rooftogte, swendelary en smokkelary bly gewild. Izak du Plessis se boek, Boereverneukers, is op hierdie skynbaar onversadigbare mark vir nuuskierigheid oor skelms en hul stories gerig. Hy trek die net egter nouer en in plaas van die stereotipiese skurke uit Amerikaanse flieks wat met Italiaanse of vreemde Russiese aksente praat of wat ’n Latyns-Amerikaanse voorkoms het, is al sy skurke Afrikaanssprekendes. In Boereverneukers word die stories van 14 Afrikaanssprekende swendelaars vertel (eintlik meer as 14, as ’n mens ook die skurke se vriende, wat dikwels breedvoerig by die stories betrek word, in ag neem). Sommige is…

In ’n lekker groot leefhuis met ’n reusestoep en onthaalgedeelte by die swembad, woon die Van der Westhuyzens: Hannes, ’n dierevoedingskundige, Surita, ’n IT-spesialis en tuisteskepper, JP, ’n BSc Agricstudent, Ryno, ’n MBHcB-student en Johanné, ’n graad 10-leerder. Hulle woon sedert 1991 in die huis en het die eerste fase, wat uit drie slaapkamers, ’n kombuis, leefkamer en twee badkamers bestaan het, gebou. Sedertdien het hulle al verskeie kere gebreek en gebou om by hul behoeftes en die grootte van die gesin aan te pas. Surita beskryf haar huis se styl as gemaklike, stylvolle eenvoud. Sy hou van minder en mooi, maar doeltreffend en prakties. “Die hoogtepunt vir my is om te sien hoe my eie keuses en besittings op ’n mooi manier met kunstige hande bymekaarkom.” Sy hou van…

“Staan op,” gebied ’n stem van iewers in die kamer. Nadine loer oor die duvet se rand. Beth – haar voormalige huishulp en beste vriendin die afgelope 25 jaar – staan hande in die sye voor die venster. Die sonlig skyn helder agter haar en maak haar gesig onleesbaar. Deur die oop venster stroom vars lug en die geur van die lemoenboom in. Maar Nadine weet dat ’n frons tussen Beth se donker oë inbeweeg het. “Nie nou nie, Beth.” Sy draai op haar ander sy en keer haar rug op die helder sonlig. “Ek het nie krag nie.” Nie vandag, gister of die afgelope vier dae nie. “Nadine Hilda James, moenie dink ek sal jou nie aan jou groottone by die bed uitsleep nie!” “Jy sal dit nie waag…

KINDERS MIS PA WAT HULL E MISHANDEL HET Ek (34) gaan tans deur ’n egskeiding. Ek het drie kinders (onderskeidelik 3, 6 en 8) wat die egskeiding nie baie goed hanteer nie. My man het die kinders baie verniel en ek het gedink dat hulle verlig sou wees, maar dit lyk nie of dit die geval is nie. Hulle noem dat hulle na hom verlang en dit maak nie vir my sin nie. Is daar iets wat ek kan doen? – Gebroke Kinders is geneig om onvoorwaardelik te aanvaar, veral as hulle nie ’n ander verwysingsraamwerk het nie. Sy gedrag impliseer nie direk dat hy as mens (uitgesluit sy disfunksionele gedrag) nie vir sy kinders lief is nie. Dit is en bly altyd nodig om te probeer om nie ’n…