Innholdsfortegnelse for 24-nov-17 i Vrouekeur

So twee jaar gelede het Imaculate by ons begin werk. Sedertdien is sy elke Woensdag ’n lig in my lewe – as ek Woensdae van die werk af kom en die resultaat van haar handwerk sien, is ek innig dankbaar én kalm. Die derde Woensdag nadat sy by ons begin werk het, so vertel my geliefde my, vra sy hom wat ek doen daar waar ek op die trappies in die tuin sit en my koffie drink. Stil en op my eie. “She’s meditating,” sê my geliefde. “What is that?” vra Imaculate. En my geliefde gee vir Imaculate ’n 101 in meditasie en verduidelik aan haar hoekom ek dit doen en wat dit vir my doen. Die vierde Woensdag toe sit Imaculate met haar rooibostee en een van die vele…

“Ek is behep met positiwiteit en probeer mense met my uitkyk op die lewe inspireer. Enige krisis kan ’n nuwe uitdaging wees. Ek konsentreer op die oplossing in plaas van die probleem. Ek ondersteun eerder as wat ek kritiseer,” sê Charné Hugo (26), bekend as Rudi Claasse se sangmaat van die gewilde duo Ons Lieflinge. Charné se lewe het op 22 Mei 1991 traumaties begin. Sy is met ’n vernoude aorta gebore en moes op vier maande oud die eerste keer geopereer word. Daarna het sy verskeie hartoperasies ondergaan. Tydens die vierde operasie het komplikasies weens ’n tekort aan suurstof na haar rugmurgweefsels ingetree. Dit het permanente verlamming tot gevolg gehad. “Deur my lewe het ek weens die verskeie operasies wat ek moes ondergaan, baie lewenstoetse trotseer. Ek was soms…

Jou vel benodig sonlig om vitamien D te vervaardig. Tekort aan vitamien D kan veroorsaak dat jy meer sweet en jou vel droog en geïrriteerd word. Vitamien D help vir gesonde beengroei, kalmeer inflammasie van aknee en streel ekseemvelle. Sonblootstelling stimuleer ook melanienproduksie, ’n pigment wat vel teen die son se UV-strale beskerm. Melanien is wat jou sonbruin maak. Mense met ligte velle het minder melanien en dus minder beskerming, daarom brand hulle vinniger rooi. Té veel sonblootstelling beskadig of maak selle in die dieper lae van die vel dood. Dit beïnvloed jou vel se elastisiteit en veroorsaak gevolglik voortydige velveroudering. In sommige gevalle is die skade so erg dat dit velkanker veroorsaak. SLIM SONBESKRMING Gebruik La Roche-Posay se MY UV PATCH, ’n plakker wat verkleur en kan aandui wanneer…

VIR ONS NOVEMBER-WENNERS Dis die tyd van die jaar wat ’n mens weer na dagboeke en ook dagstukkieboeke begin kyk. Lux Verbi het nou ’n splinternuwe Uit die beek vir 2018 op die rak. Dis die oudste Bybeldagboek in Afrikaans en spog nou met ’n nuwe invalshoek. Dis uit die pen van die bekroonde skrywer Barend Vos. Die boek is by toonaangewende winkels beskikbaar. Besoek www.nb.co.za vir meer inligting ANNATJIE KRIEL VAN KIMBERLEY HET VIR ONS ’N PAA R WENWENKE GESTUUR: ▸ As ’n aluminiumpot aangebrand het, gooi dadelik koue water en stukke ui in die pot. As jy dit verhit tot die water kook, sal die aanbrandsel na bo dryf. ▸ Vryf borde of bekers met koffievlekke met ’n klam lap wat in bakpoeier gedoop is. ▸ Plak ’n…

GEMMERKOEKIES 24 koekies 600 ml (315 g) koekmeel 10 ml (2 t) gemmer 2,5 ml (½ t) kaneel 2,5 ml (½ t) fyn neutmuskaat 1,25 ml (¼ t) fyn naeltjies 2,5 ml (½ t) sout 120 ml (115 g) botter 80 ml (66 g) sagte bruinsuiker 1 eier 80 ml (1/3 k) melasse KONINKLIKE VERSIERSEL 1 eierwit 310 ml (165 g) versiersuiker 5 ml water Voorverhit oond tot 180 °C en berei twee bakplate voor. 1 Sif meel, al die kruie en sout saam. 2 Room botter en bruinsuiker tot lig en donsig. 3 Voeg eier en melasse by en klop vir 1 minuut 4 Gooi meelmengsel by en meng totdat deeg ’n bal vorm. 5 Bedek deeg met kleefplastiek en verkil vir een uur in yskas. 6 Rol deeg…

Kluisenaarkrappe is voortdurend aan die soek vir ander en soms beter blyplek. Omdat dié krappe nie doppe het wat verhard nie, skuil hulle in leë slakskulpe – waarvoor dié krappe se lyf aangepas is. Die lang buikgedeelte krul gemaklik in die spiraal van die skulp op. Namate die krap groei, moet ’n groter blyplek gesoek word. Wyfies wat eiers lê, het des te meer ruimte nodig. Dit dan kortliks die biologiese kant van dié rubriek. Metafories gesien is dié krappe dalk nog interessanter. Die vryheid wat hulle het om telkens ’n nuwe woonplek aan te skaf, stel dié skaaldiere in staat om aan hul identiteit te torring. En boonop rakel hulle ook aspekte van emigrasie en vlugtelingstatus op. Alles kwessies wat in die hedendaagse visuele kunste belangrik én gesog is.…

Een van die eerste dinge wat ons doen nadat ons ’n boek gelees het, is om vir ander van die interessante boek te vertel, en hoekom hulle dit ook behoort te lees. Of jy vertel vir ander om nie die boek te lees nie omdat dit so vreeslik vervelig of vol foute is. Hierdie menings is eintlik ’n vorm van “literêre kritiek”, en dit is wat resensente ook maar doen. Soos in ’n vorige rubriek hier geskryf is, lê die verskil daarin dat resensente veronderstel is om nie bloot subjektief aan hul eie smaak en voorkeure uiting te gee nie, maar om eerder die boek sorgvuldig binne ’n wyer konteks te beskryf en te interpreteer en dan enige uitsprake op grond daarvan te maak. Enige interpretasie, ook dié van ’n…

Ek wens ek kan gereeld vir die kind ordentlike toebroodjies maak, dink Mariaan terwyl sy die margarien en grondboontjiebotter op die vier snytjies bruinbrood smeer. Ciabatta, of dalk ’n croissant, en gereeld ’n boksie sap en ten minste een vrug ook in die kosblikkie; nie sommer net ’n flou piesang of ’n appel met ’n kneusplek nie. Sy het juis gesien die groot, donker pruime en geelperskes lê die rakke by die supermark vol. Met ’n sug vou sy die broodjies toe en sny elkeen skuins deur in twee driehoeke, en dan nog ’n keer sodat daar vier kleiner driehoekies is. Sy dink aan die dag toe Daleen langs haar kom staan en verduidelik het dís hoe hulle gesny moet word. “Mamma moenie meer my broodjies so arm sny nie,”…

WAT HET JY NODIG? ELLE PURE GOLD DK (100 g) VIR EEN PLEKMATJIE 1 bal rooi/groen (A) 1 bal wit (B) VIR EEN KERSKOUS Sowat 10 g rooi Klein bietjie wit Klein bietjie stopsel indien verkies 4 mm-naalde AFKORTINGS r – regs aw – aweregs k 4v – glip 2 steke na voor op kabelnaald, r2, dan r2 van kabelnaald kn – kabelnaald BREI-INLIGTING ▪ Brei blokkies in rs en ks soos aangedui op diagram. ▪ Die rs-blokkies se wit vierkantjie is ks en die ks-blokkies se wit vierkantjie is rs. ▪ Las wit en dra agter oor net in rye waar wit gebruik word. ▪ Waar die kleur en wit afwissel, draai die twee breidrade om mekaar om gaatjie in breiwerk te voorkom. ▪ Dra die wit agter die…

VOEL OF ALMAL OM MY STERF Ek (70) woon in ’n tehuis vir bejaardes. Dit voel of almal om my doodgaan en ek die enigste oorlewende is. Ek ervaar ’n gevoel van hopeloosheid en alleenheid. Ek het ’n groot familie wat baie ondersteunend is, maar kan nie help om hartseer te wees oor so baie vriende wat een ná die ander sterf nie. Is dit normaal om so te voel? – Herfsblaar Die gevoelens wat jy ervaar, is nie ongewoon nie. Hoewel dit voorkom of mense ouer word as dekades gelede, is dit ’n realiteit dat ’n mens al meer vriende aan die dood afstaan hoe ouer jy word. Die moontlikheid bestaan dat jy selfs ’n mate van oorlewingskuld ervaar (’n begrip wat gewoonlik binne konteks van trauma gebruik word).…

BRON VAN INLIGTING Nooit in my wildste drome kon ek dink dat al die inligting vir my lewensoriënteringstaak oor kankerbehandeling toe al die tyd in my liewe moedertjie se gunstelingtydskrif beskikbaar is nie! Die Google-soektog het net mooi niks bruikbaars in my taal vir die taak opgelewer nie. Toe ek ten einde raad in trane my lot by my ma bekla, verwys sy my na haar stapel Vrouekeur-tydskrifte. Eers was ek glad nie beïndruk met haar aanbeveling nie, maar daar vind ek toe net waarna ek soek, onder meer Haar pad na geluk in uitgawe 25 Augustus 2017. En ek sien sommer ook ’n toepaslike aanhaling raak wat ek beslis sal probeer onthou: “Moenie wag tot alles perfek is voordat jy besluit om jou lewe te geniet nie.” Ek lees…

Wat gaan deur ’n vrou se gedagtes as sy hoor haar 12-jarige seun het ’n breingewas? “Ek was angsbevange,” sê Sue Brown. In die boek The Twinkling of an Eye skryf Sue hoe die nuus dat haar seun, Craig, breinkanker het, haar en haar gesin se lewe verander het. “Ek was bang die neurochirurg sê dit is nie moontlik om die gewas te verwyder nie en dat hy niks kan doen om Craig te help nie. Ek wou hoor dat daar ’n bietjie hoop was. “Ek het ook ’n perverse verligting ervaar toe ek moes hoor dat daar ’n fisieke verklaring vir my seun se gedragsprobleme van die afgelope jaar was; dat hy nie ’n boelie is of ’n probleemkind sou word nie. “Ek was vol berou omdat ons en…

Dr Renate Rebello se veld is ’n ingewikkelde een en die meeste mense se kennis van DNS is beperk tot dit wat hulle op TV sien. Maar sy is mal oor haar vakgebied en sê dis ’n wonderlike gevoel om haar wetenskap in werking te sien. Sy is betrokke by die DNA Project, ’n geregistreerde organisasie sonder winsbejag, wat die belangrikheid van DNSbewyse om misdade op te los, beklemtoon. Dit poog om misdaadvoorkoming en -oplossing te bewerkstellig deur die doeltreffende aanwending van DNS in polisieondersoeke en verhore. Dit ondersteun ook die Nasionale Forensiese DNS-databasis, wat DNS-profiele van misdaadtoneelgetuienis en mense verteenwoordig, stoor. Die idee is dat gemagtigde persone toegang daartoe het en dit misdaad kan help voorkom en sake kan oplos. “Dink aan jou DNS as ’n resepteboek wat van…

VONKELAAND Grande Provence-landgoed op Franschhoek bied op Vrydag 1 Desember ’n Sparkling Affair-geleentheid op die vooraand van die Franschhoek Cap Classique & Sjampanjefees aan. Die uitvoerende sjef, Guy Bennet, beplan ’n ongelooflike viergangspyskaart. Bespreking is noodsaaklik teen R1 250 per persoon. Dit sluit die viergangete, Cap Classiques en ’n MCC-mengeldrankie in. Bel 021 876 8600 of stuur ’n e-pos aan reservations@grandeprovence.co.za. Kaartjies vir die Cap Classique & Sjampanje-fees is by www.webtickets.co.za beskikbaar PINOCCHIO OP DIE PLANKE Dis weer tyd vir die jaarlikse pantomime by die Joburg Theatre. Janice Honeyman se Pinocchio word tot 30 Desember aangebied. Dit vertel die geliefde verhaal van Gepetto se seun Pinocchio, ’n marionet, wat so graag ’n regte seuntjie wil wees. Tobie Cronjé vertolk die rol van Gepetto en André Schwartz is as die slinkse…

SYSAG VIR JOU SLAAPKAMER Hinterveld se versameling van Atmosphere Throws is die perfekte bykomstigheid vir jou slaapkamer gedurende die warmer maande. Dit word van sybokhaar gemaak en is tot ’n sagte sytekstuur gebrei. Die verskillende skakerings sal by enige agtergrond inpas. Beskikbaar in Dove, Cloud en Silver teen R2 078. www.linendrawer.co.za GESOND EN LEKKER Checkers het hul Oh My Goodness!-reeks vir kinders met allerlei gesonde versnaperinge nog verder uitgebrei. Die bekende sjef Gordon Ramsay en sy dogter Matilda is vir die ontwikkeling van dié reeks verantwoordelik. Kies nou uit produkte soos miniryskoekies, gesondheidstafies, gegeurde melk, koekies en jogurt. Vanaf R6,99. www.checkers.co.za SOUT VIR SMAAK Himalayan Pink Salt is ’n gourmetbestanddeel wat tekstuur en smaak aan enige dis gee. Beskikbaar in Fine Pink Salt, Fine Pine Salt with Garlic en Fine…

APPLE SE NUWE IPHONE LEES JOU GESIG 101 Mike Joubert, katoeter-ghoeroe, vertel ons meer Die iPhone X is onlangs bekend gestel om dié ikoniese foon se tiende bestaansjaar te vier. Naas ’n peperduur prys – $1 000, kom die foon gelaai met die nuutste tegnologie, onder meer wat Apple Face ID noem. Die meeste slimfoon- gebruikers is gewoond daaraan om ’n foon oop te sluit deur ’n kode in te tik, ’n patroon na te volg, of, op die nuwer modelle, hul vingerafdruk te laat lees. iPhone X-eienaars hoef slegs die foon voor hul gesig te hou. Die Face ID-stelsel maak gebruik van ’n infrarooi-kamera en ’n klein projektor wat jou gesig met 30 000 onsigbare kolletjies bestraal. Dit sluit die iPhone X slegs oop indien die gesig dieselfde is…

Daar is min tuiniers wat nie smoorverlief op krismisrose (hydrangea) met hul groot mopkopblomme is nie. Daar is ook min tuiniers wat nie hartseer raak as die ysblou, sagte pienk of wit blomhofies knap ná Kersfees na roesgroen begin verdof en aan die bos droog word nie. Almal soek nóg blomme wat heel somer bly. ’n Nuwe generasie van hydrangea-hibriede bekend as Hydrangea macrophylla “Endless Summer” is beskikbaar. Dis anders as die ou soorte wat net een keer in die lente blom, want hulle blom die hele somer en maak herhalend blomkoppe. Hulle is bladwisselend soos ander hydrangeas met ’n veelstammige groeiwyse en ’n volwasse hoogte van ongeveer 1 m. BESTE KLIMAAT Met goeie versorging en gereelde water sal hydrangeas in enige klimaat, van baie warm tot baie koud, groei. Dis…

Fotoblokraai 46 Vir alle navrae navrae@xword.co.za of 082 346 3431 Besoek www.xword.co.za Voltooi die blokraai en gebruik die omkringde letters om die versteekte woord of naam te ontsyfer. Leidraad: Ontsyfer die letters in die sirkels om ’n woord vir onbuigsaam, koppig of eiesinnig van aard te kry SMS jou antwoord, voorletters, van en dorp/stad voor of op 13 Desember 2017 na 48410. SMS’e kos R1,50 en is net vir mense in SA. Geld sal vir foutiewe SMS’e gehef word en gratis SMS’e geld nie.…

Ds Janine Bevolo-Manders is verbonde aan die Nederduitsch Hervormde Kerk Witfontein in Pretoria-Noord en is al 20+ jaar ’n predikant Het jy as kind dalk ’n bynaam gehad? Die meeste van ons het ’n bynaam of ’n troetelnaam wat die mense naaste aan ons gebruik. Die apostel Johannes het ’n baie ongewone bynaam gehad, en om dinge nog vreemder te maak, was dit ’n bynaam wat hy vir homself gegee het. Johannes verwys altyd na homself as “die dissipel vir wie Jesus lief was”. Dié bynaam word nie in enige ander Bybelboek gebruik nie, behalwe in die evangelie wat deur Johannes self geskryf is. Tussen Johannes 13 en 21 verwys hy ses keer na homself as “die dissipel vir wie Jesus lief was”. Ons moet mooi verstaan dat Johannes in…

Dis ’n mooi lentedag toe ek by die Stolze-gesin in Pretoria kuier. Naomi Stolze verwelkom my met ’n baba op die heup en twee kleuterdogtertjies wat spoggerig uitgevat is. Haar man, Werner Wilfried, is ’n vierdegeslagklavierbouer, een van baie min klavierbouers in Suid-Afrika. Werner het die kuns om klaviere te bou, te stem en te restoureer by sy pa, Wilfried (Kurt) Stolze, geleer. Wilfried Kurt Stolze, self ’n meesterklavierbouer, se oupa was Willy Kurt Hutzelmann. Willy Kurt is in 1889 op Eisenberg gebore en het ’n klavieronderneming daar bedryf. Kurt se dogter, Margret Johanna, het met Franz Gotward Kurt Stolze getrou en ’n seun, Wilfried Kurt Stolze, is uit dié huwelik gebore. Die Hutzelmannn-fabriek was die enigste klavieronderneming wat ná die Tweede Wêreldoorlog in Duitsland staande gebly het. “Van my…

KLAPPERVISVINGERS MET OOSTERSE AVOKADO-DOO PSOUS 4 porsies 8 tongvisfilette, in 2 cm-grootte vingers gesny 125 ml (½ k) koekmeel 2 eiers 30 ml (2 e) melk 180 ml (¾ k) klappervlokkies olie vir braai SOUS 2 avokado’s 30 ml (2 e) srirachasous 5 ml (1 t) sojasous paar druppels vissous paar druppels suurlemoensap sout en peper 1 Rol vis in meel wat met sout en peper gegeur is. 2 Klits eiers en melk saam en rol vis daarin. 3 Rol vis in klappervlokkies. 4 Braai visvingers in olie tot goudbruin en gaar. Hou warm eenkant. 5 Sous Maak avokado’s met vurk fyn. 6 Meng res van sousbestanddele by avokado. 7 Bedien saam met klappervisvingers. TO NGVIS-EN-MURGPAMPOENROLLETJIES 4 porsies 250 g (1 houer) roomkaas 30 ml (2 e) broodkrummels 15 ml…

Mr Price Home www.mrphome.com Poetry www.poetrystores.co.za Weylandts www.weylandts.co.za Woolworths www.woolworths.co.za…

Christiaan J de Swardt luister en kyk na die talent van Ricus Nel, Refentse, Brendan Peyper en Liezel Pieters Die platemaatskappy Sony/Select het ’n opwindende reeks CD’s en gepaardgaande DVD’s van hul gewildste kunstenaars uitgereik – met konsertoptredes deur Refentse, Andriëtte Norman, Ricus Nel, Brendan Peyper, Liezel Pieters, Lieflinge, Arno Carstens en die verrassende nuweling Elandré. Oppinoot beloer en beluister vandeesweek vier van hierdie uitreikings. Vir musiekliefhebbers wat dalk nie die geleentheid het om ’n konsert van hul gunstelinge by te woon nie, is hierdie reeks ’n groot bederf! Dit is bekend as die Sinkplaatsessies. Die plek is die Bosveld en die lokaal lyk soos ’n sinkplaatgarage. Dit verleen ’n amper industriële stemming, minimalisties ingeklee en intiem; ver verwyder van die bekende glansbeligting van ’n verhoog. Die sinkmure, antieke houtmeubels,…

Nou die dag pos Ansie van der Merwe ’n klasfoto op Facebook. Daar voor links sit sy, die oulike dogtertjie met die poniestert. In die agterste ry sit ek. Ons is in standerd een, ons is agt jaar oud en dis 1967. Spoedig kom gesels ander klasmaats saam en dit word ’n blye weersiens en ’n uitruil van stories terwyl ons saam name by gesigte probeer kry. Vyftig jaar is ’n lang tyd. Dit was ’n gesellige affêre, maar met ’n triestige ondertoon. Nie almal op die foto is meer so gesond en vol lewenskrag as toe nie. Die onskuld is wreed ontnugter. Siekte, keiharde werklikheid, swaarkry en verlies het in ons geledere gemaai. En die dood. Minstens drie van die kinders op die foto leef nie meer nie. Theo…

Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 13 woorde, goed 17 woorde, baie goed 23 woorde of meer, uitstekend OPLOSSING: Pekanboom, bekamp, beknop, bekoop, boeman, naboom, baken, bekap, bekom, beman, bepan, bokom, bonek, kaboe, bank, boek, boem, boen, boep, boma, bonk, boom, boon. Koderaai Elke syfer verteenwoordig ‘n letter van die alfabet. Om mee weg te spring, is 3 (drie) letters klaar…