Innholdsfortegnelse for 17-nov-17 i Vrouekeur

My pa het my baie wyse dinge in die lewe geleer. Een daarvan is: Jou geld kan opraak, jou planne moet net nie opraak nie. Hierdie wysheid het ek al etlike kere in my lewe toegepas. Weliswaar nie net as dit letterlik broekskeur gaan nie, maar meer dikwels metafories in situasies waar ek ’n toe deur of ’n klip in my pad teëgekom het. Hans Kriek se storie op bl 12 illustreer presies wat ek van my pa geleer het en bevestig dat ’n mens nie so maklik moet moed opgee nie. Almal ken die gesegde wat John Lennon blykbaar toekom: Life is what happens when you are busy making other plans. Ek moes al dikwels my aanvanklike planne laat vaar en aan Plan B, soms selfs Plan Z dink…

Rosemary Flynn, ’n kliniese sielkundige by die sentrum vir diabetes en endokrinologie in Houghton, Johannesburg, sê in groeiende tieners vier emosies soms hoogty weens hormone – hulle word kwater, meer opgewonde en meer depressief as tevore. “Om boonop met diabetes saam te leef, is moeilik. Die tiener moet emosies hanteer én die diabetes bestuur. Diabetes moenie as die vyand gesien word nie, maar ook nie afgeskeep word nie,” sê Rosemary. Die eerste en belangrikste stap vir ’n jongmens is om die emosies te verstaan en te weet dat daar iets soos diabetiese uitbranding is. Dit is wanneer jy ontnugter of gefrustreerd is oor jou diabetes – jy word moeg om dit te hanteer en jy wil dit net ignoreer. “Hoekom dit gebeur, verskil vir almal. Jy het dalk jare jou…

MELKBOS-FEESMARK Besoek die Melkbos-feesmark van 22 November tot 2 Desember. Dié mark met lieflike geskenke en heerlike kos word van 10:00 tot 20:00 en op Saterdae van 10:00 tot 16:00 by die NG Kerk Melkbosstrand in 11de laan gehou. Kontak 021 553 2753 KOOP VIR KERSFEES ’n Opskietwinkel word op 25 November by Modern Heirloom op die Overgaauw-wynplaas op Stellenbosch gehou. Kooptye van 10:00 tot 18:00. Bel 021 881 3815 vir meer inligting OPSKIETETE Verwag ’n feesmaal deur sjef George Jardine op Sondag 19 November by die Mooiplaas-wynlandgoed in die Bottelary-Heuwels-streek. Die feesmaal se tema is herkoms en hartskos en kaartjies kos R550 per persoon. Dit sluit ’n wynproe en ’n driegangmaaltyd in. Bespreek by www.wineroute.co.za of 021 886 8275 DIE DANVILLE-LIGGIEFEES Die Danville-liggiehuis se liggies brand van 1 Desember…

Suné Scholtz, ’n opvoedkundige sielkundige, is een van min mense wat in die veld van diereondersteunde terapie in Suid- Afrika werk. Haar liefde vir diere en kinders word ideaal in haar werk saam met haar geliefde hondjie en medeterapeut, Morkie, gekombineer. Suné is in Johannesburg gebore en het haar skoolopleiding by Leeuwenhof-akademie voltooi. Haar ouers het ’n onderneming in Johannesburg asook ’n plaas tussen Keimoes en Kakamas. “My ouers pendel tussen Johannesburg en die Noord-Kaap en ek is bevoorreg om my lewe in die stad én platteland te hê. Deur die plaaslewe is ek aan die natuur blootgestel, asook ’n kultuur ryk aan storievertelling wat baie waarde aan diere en die personifikasie van diere heg.” Suné het grootgeword met stories waar menslike eienskappe aan diere toegeken word en glo dié…

TROTS SUID-AFRIKAANSE WHISKY Die internasionaal bekroonde Bain’s Cape Mountain Whisky is in 2009 in Suid-Afrika bekendgestel. Dit is die enigste whisky ter wêreld wat van Suid- Afrikaanse mielies gemaak word. Die bottel het nou ’n nuwe voorkoms wat ’n getroue weerspieëling van die whisky se herkoms is. Hierdie pragtig gebalanseerde vanielje, kakaobotter en ligte speserye uit eikehoutvate lei tot ’n warm en talmende smaak. Bain’s Cape Mountain Whisky kos ongeveer R269 per bottel. BESTE VAN DIE OES Delheim-landgoed, teen die hange van die Simonsberg, het pas die nuutste oesjaar van sy vlagskipwyn bekendgestel. Vandat dit in 1981 bekendgestel is, word die Grand Reserve gemaak met die doel om die beste van die oesjaar te wys. Die vorige jaar was dit suiwer cabernet sauvignon, terwyl die 2014 ’n versnit daarvan met…

GOEIE, GESONDE JOGURT Eet ontbyt in styl met SPAR se dubbelroomjogurt in verskeie geure. Kies uit geure soos Aloe & Peach, Apple & Cinnamon en Mixed Berries. Die Aloe bevorder byvoorbeeld die immuunstelsel, verskaf antioksidante en is ’n bron van kalsium en vitamiene. Beskikbaar teen ongeveer R39,99 vir ’n 1 kg-houer. DISSE MET WOEMA Met Pesto Princess se Sundried Tomato Pesto kan jy vele watertandlekker disse optower. Perfek saam met ’n eiervruggebak. Beskikbaar by winkels soos Pick n Pay, Checkers, Spar en Food Lovers Market. Besoek www.pesto.co.za vir heerlike resepte EINA, KRAMP! As jou spiere kramp – hetsy van oefening of onwillekeurig, is CrampEase Oral Spray net die antwoord. Spuit dit onder jou tong en kry binne 30–60 sekondes verligting. Ongeveer R109,95 vir 30 ml. Beskikbaar by Clicks, Medi-Rite, Dis-…

Op die tweede middag ná werk, vat my skoonsuster my op ’n staptog van hul huis af. Sy ken ’n roete deur die veld wat agter ’n gedeelte van Vishoek in die rigting van Peers se grot deurloop. Ons was nie van plan om die grot te besoek nie, want dis ’n stewige stappie van onder af (dit kan makliker bereik word vanaf Ou Kaapse Weg, vir dié wat nie lus is om hulself te veel te vermoei nie), maar sy wou my die sandduine op pad na die grot toe wys. Die maklikste manier om die sandduine te bereik, is vanaf die Silverglade-sportterrein. Wees op die uitkyk na die Tafelberg Nasionale Park-bordjie wat sê “Peers Hill” en jy sal dadelik sien watter kant toe om te gaan om by…

Die siniese opmerking dat enigeen deesdae eintlik kuns kan maak, het in die middel-1970’s hoog opgevlam toe die Tategalery ’n kunswerk uitgestal het wat hy in 1972 aangekoop het. Die vet was behoorlik in die vuur toe dit bekend word die Tate het toe £2,297 daarvoor betaal – wat destyds nogal ’n taamlike bedrag moes gewees het. Die werk wat die publiek so ontstel het dat hulle onder meer briewe aan koerante gerig het, was die Amerikaanse kunstenaar Carl Andre (1935) se Equivalent VIII, gemaak in 1966, en wat sonder omhaal tot “The Bricks” herdoop is. Die kunswerk bestaan uit 120 bakstene wat in twee lae, ses by tien stene, op die vloer uitgepak word om ’n reghoek te vorm. Dit is een van agt soortgelyke rangskikkings (vandaar die verwysing…

Werner sluk aan sy drankie en kyk oor die kroeg. Sigaarrook hang onheilspellend tussen die lae tafelligte en gedempte gesprekke ding met die raserige agtergrondmusiek mee. Hy kom graag Vrydae ná werk hierheen om te ontspan en weet al uit ondervinding dat dit die ideale plek is om interessante vroue te ontmoet. Hy is ’n geswore bachelor en hy smag na niks meer as net ’n vinnige fling nie. Sy oë steek vas by ’n blonde vrou, diep in gesprek met ’n man wat lyk of hy van Oosterse afkoms is. Hy skat haar in haar vroeë dertigerjare, beeldskoon en haar uitrusting getuig van duur smaak. Sy is definitief sy tipe. Nie te jonk nie, pragtig en soos ’n model gebou. Hy probeer om haar lippe te lees terwyl sy…

MOEILIKHEIDSGRAAD: ** BLOKTEGNIEK BENODIGDHEDE MoYa 100% katoen DK (50 g-balle): 4 balle White, 4 balle elk Grapefruit en Aquamarine, 2 balle elk Kiwi en Blue Suede 3,5 mm-hekelpen Naald vir drade wegwerk GROOTTE Grootte van blok: 15 cm Grootte van kombers: 120 cm x 120 cm AFKORTINGS beg = begin, dr = draai, gs = glipsteek, h/af = heg af, herh = herhaal, kb = kortbeen, ks = kettingsteek, lb = langbeen, st = steek, vlg = volgende PATROON Die kombers bestaan uit 64 blokke wat volgens die diagram gerangskik word. Elke blok word dieselfde gehekel en net geroteer om die patroon te vorm. Hekel die rye volgens die blokdiagram. BLOKTEGNIEK (met erkenning aan www.makeanddocrew.com) Blokvermeerdering (Ry 1-10) Stap 1: hekel 6 ks. Stap 2: 1 lb in 4de ks vanaf…

Vir alle navrae navrae@xword.co.za of 082 346 3431 Besoek www.xword.co.za WEN R1 000! Voltooi die blokraai en gebruik die omkringde letters om die versteekte woord of naam te ontsyfer. Leidraad: Ontsyfer die letters in die sirkels om ’n woord te kry vir die gebruik van leestekens. SMS jou antwoord, voorletters, van en dorp/stad voor of op 6 Desember 2017 na 48410. SMS’e kos R1,50 en is net vir mense in SA. Geld sal vir foutiewe SMS’e gehef word en gratis SMS’e geld nie.…

KOS VIR MY SIEL ’n Wegbreeknaweek kan seker nie vir altyd aanhou nie. Clarens was wonderlik en ek moes op pad terug Bloemfontein toe baie vinnig uit my selfbejammerende bui kom. Op die karsitplek sien ek ’n Vrouekeur lê. ’n Kollega van my het haar ouers se Vrouekeur-tydskrifte in my hand gestop, want ek gaan mos nou deur ’n “resepte bymekaarmaak”-fase. Die resepte het dadelik my aandag getrek, en ek het so vir die kortverhale gelag dat my kêrel gedink het ek is laf. Vandag het ek by die Engen gestop en my heel eerste eie Vrouekeur gekoop. Ek sal beslis nie ’n week se uitgawe mis nie. Dit is ’n tydskrif met sinvolle stories, resepte wat werk en kortverhale wat mens net vir so ’n oomblik wegneem ... daar…

Jurie glo nie dis nodig om die kind se onderwysers en maatjies se ouers te laat weet dat die kind steel nie. “Dit sal jou kind ‘gebrandmerk’ laat voel en dit word dalk ’n selfvervullende profesie. As almal van die kind verwag om te steel, sal die kind dit ook van hom- of haarself verwag. “Dit is ook nie ’n goeie idee om die kind te verbied om by maatjies te speel omdat jy bang is dat iets gesteel gaan word nie nie. Om ’n kind te isoleer, sal die probleem vererger. Dit sal die kind laat voel dat om te steel, deel van haar identiteit is. “Wanneer ’n probleem wat tydens iemand se kleuterjare ontstaan het tot in volwassenheid voortduur, is die oorsaak gewoonlik iets dieperliggends wat tydens die…

Suné bied hoofsaaklik emosionele ondersteuning, hoewel haar praktyk ook akademiese evaluasies en ondersteuning bied. Sy doen vooraf ’n sifting voordat Morkie in spelterapie gebruik word. Dit hang van die kind af watter tegniek gebruik word. “Nie alle kinders hou van honde of laat toe dat die honde aan hulle lek nie. Sommige kinders het negatiewe ervarings met honde gehad en is bang vir hulle, so ek gebruik Morkie nie met alle kinders nie. Soms sal die kinders sê sy is oulik, maar sy moenie aan hulle lek nie en ek moet dit respekteer. “Dan gaan lê Morkie in haar bedjie. Sy aanvaar dit en is doodgelukkig daar. Ek sal haar ook nooit dwing om iets te doen nie. Ek respekteer haar as sy nie van iets hou nie en ek…

VIR ONS NOVEMBER-WENNERS Dis die tyd van die jaar wat ’n mens weer na dagboeke en ook dagstukkieboeke begin kyk. Lux Verbi het nou ’n splinternuwe Uit die beek vir 2018 op die rak. Dis die oudste Bybeldagboek in Afrikaans en spog nou met ’n nuwe invalshoek. Dis uit die pen van die bekroonde skrywer Barend Vos. Die boek is by toonaangewende winkels beskikbaar. Besoek www.nb.co.za vir meer inligting ANNE CAMPBELL Ek was bekommerd oor hoe ek my Pyrexen ander glasbakke weer skoon kan kry. Daar is mos altyd vetmerkies wat ’n lêplek kry wat ’n mens nie so maklik skoon kry nie. Ek het toe op die idee gekom om ’n oondskoonmaakmiddel te gebruik. Spuit eenvoudig die skoonmaker aan en los dit vir ’n paar minute aan. Dis seker…

WENK Die spinasie-enbasiliekruid- mengsel sit ekstra groente in die dis STAMPKORINGSLAAI 2 porsies 250 ml (1 k) stampkoring 500 ml (2 k) groente-aftreksel 1 75 g (½ pak) murgpampoentjienoedels 15 g botter 50 g babaspinasie 5 g vars basiliekruid bietjie olyfolie 2 44 g (1 blik) kekerertjies, gedreineer 5 0 g (½ rol) sagte bokmelkkaas, in ringetjies gesny 5 0 g songedroogde tamaties in olie, in stukkies geskeur 50 g (½ pakkie) olywe 1 Kook stampkoring in aftreksel tot gaar. Geur met sout en peper. 2 Braai noedels in botter tot net sag. Laat afkoel. 3 Verpulp spinasie en basiliekruid met bietjie olyfolie tot ’n sagte pasta. 4 Roer noedels en res van bestanddele by stampkoring. Gooi spinasie-enbasieliekruid- mengsel as sous oor. WENK Pappardelle-pasta het ’n breë lintvorm – probeer…

Die temalied van die rolprent Eintlik nogal baie, wat ook in die buiteland uitgereik is, het op verskeie radiostasies tot bo aan treffersparades gevorder. Dié liedjie is ook intussen in Spaans vertaal, verwerk en opgeneem as Ahora Que Lo Pienso. Die skeppers daarvan is drie talentvolle broers, Reno, Jeff en David-Lee Gericke. Saam is hulle die trio 1925Band. Nie net skryf en vertolk hulle hul eie komposisies nie, hulle behartig ook die orkestrasie: klavier, orrel, klawerbord, cajon, baskitaar en perkussie. Hul debuutalbum, Eintlik nogal baie, deur Storm Rekordz uitgereik, bevat nege oorspronklike nuutskeppinge (hopeloos te min, want ’n mens wil méér hoor!), gekenmerk deur melodieë wat jou bybly en sinvolle lirieke. Die titels verklik reeds ándersheid: met titels soos Servette, Gedig op jou arm, Al te min te veel gevra…

“Daar was baie amper-oomblikke in my lewe,” sê Jak de Priester (41), wat sy splinternuwe album 15 Jaar uitgereik het. “In 1999 en 2000 het ek in Londen gewoon. Ek was mal oor Londen, die teaterlewe, die modes, die naglewe, die kuns en kultuur ... Ek het amper besluit om permanent daar te woon. By die skool waar ek in daardie stadium ’n Duitse onnie was, sou ek kon aansoek doen om semi-permanent klas te gee en sou later ’n Britse paspoort kon kry. Baie Suid- Afrikaners het dit gedoen, maar ek het besluit ek wil eerder terugkom Suid-Afrika toe. Die rede: Afrikaans!” Jak wou Afrikaanse musiek skryf en sing. Toe kom hy terug huis toe. “Ek het amper in Engeland gewoon, maar dan sou ek tien teen een ’n…

Die eerste keer wat Dala haar plante hoor sing het, was kort voor die somersonstilstand. Sy was, soos gewoonlik, besig om hulle met ’n gieter water te gee toe die soet klank haar ore bereik. Aanvanklik het sy gedink ’n muggie het in haar oor ingevlieg, maar die klank was strelender, subtieler as die skel gezoem van ’n benoude gevleuelde insek wat verwoed uit ’n nou oorkanaal probeer ontsnap. Sy het verwonderd gestaan en haar asem opgehou. Die wind het deur die omringende veld geruis, ’n agtergrond vir die melodie wat sy letterlik vanaf haar plante voel vibreer het. Die geluksalige gevoel wat die oomblik omraam het, is skielik weggeruk toe gras ’n paar meter van haar skuilplek af ritsel. Met die opkykslag laat skok alle murg uit haar bene…

Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 11 woorde, goed 15 woorde, baie goed 20 woorde of meer, uitstekend OPLOSSING: Satynglad, lynsaad, naaldys, sangtyd, slagtyd, tandlys, aantyg, landys, sylaan, yslaag, altyd, aslyn, satyn, anys, asyn, lady, nayl, slyt, styg, styl. Koderaai 25 reptiele is in hierdie rooster weggesteek. Hulle kan horisontaal, diagonaal vertikaal, onderstebo of agterstevoor gelees word en val soms oor…

BUURMAN SE AANTYGING Ná ’n bitter uitval met ons bure oor hul honde wat raas, het my buurman met ’n skokkende aantyging gekom dat my man hul dogter, wat net so oud soos ons jongste dogter is, glo betas het. Dit is totaal onwaar en ons weet nie wat om te doen nie. – Geskok Jul buurman het heel waarskynlik ’n probleem met die situasie met die honde en soek nou ’n spreekwoordelike stok om jou man mee te slaan. As julle oortuig is dat daar werklik geen waarheid in sy aantyging steek nie, behoort julle die saak met ’n prokureur wat met hierdie tipe sake werk, te bespreek. So ’n prokureur sal kan sê wat die regte stappe is om te volg. Sulke aantygings kan ernstige gevolge vir jou…

Sy sou omgedraai en van ’n loopbaan in die kollig weggeloop het as dit van haar ’n ander mens sou maak as dié een wat sy is. Sy wou onder geen omstandighede hê haar werk moet groter as sy word nie. Dáárom het sy dit ’n gebedsaak gemaak en vir leiding gevra. Kom ons wees eerlik oor een ding. Daar is maar ’n handjievol Afrikaanse kunstenaars wat sonder ’n air rondloop. Dié blondine is een van die air-loses. Dit is maklik om van Elizma te hou. Juis oor haar voete so vas op die aarde is. Sy sê: “Ek het vir die Here gevra as musiek my sou verander, moet hy dit (hier die loopbaan) nie vir my ’n werklikheid maak nie.” Sy wil altyd onthou van waar sy kom…

Elke keer as ek by ’n boekpraatjie ’n lang ry lesers se boeke moet teken, wens ek dat ek ’n korter naam gehad het. Verstaan my mooi, ek is dankbaar dat mense my boeke koop en dis ’n voorreg om my naam op die titelblad te skryf. Maar as ek nie so ’n uitgerekte naam en van gehad het nie, sou die hele proses mos vinniger verloop het. En dan begin ek oor die moontlikheid van ’n skuilnaam fantaseer. Sê nou ek het reg aan die begin van my skryfloopbaan vir my ’n nom de plume uitgedink? Sê nou ek kon ’n kort en kragtige Jo Nel wees, vyf letters en twee klankgrepe wat lag-lag in enige taal uitgespreek kan word, pleks van die 17 letters en moeilike uitspraak van…

GESONDHEIDSBESKUIT 80 stukkies 1 750 ml (945 g) bruismeel 375 ml (320 g) suiker 1 250 ml (5 k) semelontbytvlokkies 180 ml (¾ k) pampoenpitte 60 ml (¼ k) papawersaad 250 ml (1 k) sonneblomsaad 125 ml (½ k) rosyne 5 ml (1 t) bakpoeier 5 ml (1 t) sout 3 eiers 500 ml (2 k) karringmelk 500 ml (2 k) gesmelte botter Voorverhit oond tot 180 °C en smeer ’n 50 cm x 30 cm-oondpan met gesmelte botter. 1 Meng bruismeel met suiker, semelontbytvlokkies, sade, rosyne, bakpoeier en sou 2 Klits eiers, karringmelk en gesmelte botter. 3 Meng eiermengsel by droë bestanddele totdat deeg vorm. 4 Skep deeg in oondpan en druk gelyk. 5 Bak vir 40 minute of tot goudbruin en gaar. 6 Keer beskuit uit en laat…

Vishoek is ’n kusdorp aan die Valsbaai-kant van die Kaapse Skiereiland. Dit was voorheen ’n onafhanklike munisipaliteit, maar is nou deel van die Stad Kaapstad. Ek en my seuns het vier luilekker dae daar deurgebring. Ons was sonder eie vervoer gestrand, maar pleks daarvan om op ’n trein te klim en die Kaap in te vaar, het ek besluit dat ons dié keer Vishoek self sou leer ken. Wat sou ons binne loopafstand kon doen, buiten om ’n trein te haal? THE BOOKWORM EN VISHOEKSTRAND Dis ’n koue, windverwaaide oggend toe ons die pad vat strand toe. Maar die son skyn, en ek wil foto’s neem, en wie sê ek sal weer die geleentheid kry? Dis immers koud in die Kaap. ’n Groot gedeelte van Vishoek se straatuitleg is soos…

ROLPRENTE MAN WITH THE IRON HEART Met Rosamund Pike, Mia Wasikowska, Jack O’ Connell Regisseur Cédric Jimenez OORLOGDRAMA Dit is byna ondenkbaar om te glo dat daar nog enige storie oor die Tweede Wêreldoorlog vertel kan word, maar soos The Exception bewys het, is daar nog gruwelverhale wat aandag verdien. Elkeen bring hulde aan die menslike wil om te oorleef. Dié keer word twee Tsjegge gestuur om een van die oorlog se mees berugte monsters, die Reich-opperbevelvoerder Reinhard Heydrich, die hoof van die SS, die Gestapo en die argitek van die “finale oplossing”, te vermoor. Natuurlik is dit nie so maklik soos dit klink nie, en daar is onverwagse struikelblokke in die manne se pad. Paranoia, neurose, agterdog, vrees en wanhoop vorm die temas van hierdie dramatiese rolprent wat seker…

Dis dalk omdat ek van orde hou en goeters in my huis netjies en bymekaar wil bêre dat ek gaande is oor ’n boks. Hier’s ’n paar idees wat jou kan inspireer om dié Kersfees self geskenke te maak deur houtkassies met Granny B’s Old Fashioned Paint te verf. Die kassie is eintlik die present, maar as jy lus het, kan jy dit met feetjieliggies, vrugte, kruie, plantjies, kerse, servette of handdoekies vul – enigiets wat nuttig is. ONTHOUKASSIE ’n Kassie wat jy regop as ’n raam of plat kan gebruik. Hier is Black Betty aan die buitekante en Poison Ivy aan die binnekant geverf. Als is eers met Granny B Armour (Matt) geseël voor die twee poskaarte met découpagetegniek vasgesit en geseël is (sien meer by wenke). WENK Die…

Toe ’n vooraanstaande Suid- Afrikaanse politikus onlangs in ’n Sondagkoerant as ’n blesser beskryf is, het baie Afrikaanse mense vir die eerste keer van hierdie begrip gehoor. ’n Blesser is ’n baie ryk (getroude, ouer) man wat ’n jong vrou onderhou en in ruil vir ’n seksuele verhouding met duur geskenke oorlaai. Die jong vroue wat op hierdie manier woonplekke in gesogte buurte bekom, duur motors ry, ontwerpersklere dra en dikwels die blessers na uitspattige partytjies en eksotiese vakansies vergesel, beskou hulself as “geseënd”. Vandaar die benaming blesser vir die magtige, ryk mans wat seëninge oor die mooi meisies laat reën. Die romantitel van Angela Makholwa se vierde roman, The Blessed Girl, sluit by hierdie begrip aan. Die roman word aangebied as die memoires van die beeldskone Bontle Tau, ’n…

Ds Janine Bevolo-Manders is verbonde aan die Nederduitsch Hervormde Kerk Witfontein in Pretoria-Noord en is al 20+ jaar ’n predikant In hierdie lewe gebeur daar soms verskriklike goed met ons. Daar word onreg teenoor ons gepleeg – ekstreme, traumatiese dinge soos molestering, verkragting, verwerping, mishandeling en selfs geliefdes wat vermoor word. Ons word gekaap, besteel, ouers skei en skeur ons families uitmekaar. Ons word onregverdig benadeel by die skool of die werk, soms valslik beskuldig en selfs beskinder, ander kere sleggesê. Hoekom gebeur al die dinge in die lewe? Jy het selfs al seker gevra: “Waarom laat God al die goed toe?” Die feit is, ons leef in ’n gebroke, stukkende en sondige wêreld. Genadiglik het God ingegryp in Jesus Christus om die “stukkendheid” te herstel. Maar terwyl ons nog…