Innholdsfortegnelse for 10-nov-17 i Vrouekeur

Tesame met die artikel in hierdie week se uitgawe oor tienerliefde wat blinder as ’n mol kan wees, moet ek een van die mense wat die skryfkursus op Lesbos meegemaak het, se onlangse Facebook-plasing met nog mense deel. Dit is gewoon briljant en ma’s (en pa’s) kan dit gerus vir hul dogters (en seuns) wys of as hulle nog piepklein is, bêre vir later. Alma Kennedy se ONGEVRAAGDE ADVIES AAN VRIENDINNE SE JONG DOGTERS: Julle met gladde velletjies en rooi wange wat nie makeup nodig het nie en pruil op selfies saam met vriendinne met julle lang hare en kort broekies en strappy tops en wie se toekoms heerlik voor julle uitstrek, vir dié van julle wat ’n boyfriend oorweeg, wees neusoptrekkerig en kieskeurig en maak die somme: GEWONE PUNTE…

Gister is verby deur Juanita Aggenbach is ’n verhaal oor kanker en dwelmverslawing. In haar vorige boeke het sy oor alkoholisme en verbrokkelde huwelike geskryf. Maar is dit regtig temas waaroor mense wil lees? “Lesers verslind spanningsverhale waarin die karakters van begin tot einde in lewensgevaar is, gevange geneem word, mishandel word,” sê Juanita. “Mense is dol oor sepies en dramas wat weerloosheid uitbeeld. Ons wil weet ons is dalk nie so sleg af soos wat ons dink nie. Aan die ander kant help dit om te weet daar is ander mense wat met dieselfde dilemmas as jy worstel. “Ek het ’n paar jaar as berader gewerk en het dikwels gesien hoe mooi, groot huise en duur motors ’n totale klug is. Agter die voordeure skuil daar dikwels matelose hartseer…

WAT OM TE KIES VLOEIBAAR is geskik vir olierige velle omdat dit goed droog word. ROMERIG is geskik vir droë velle, maar vermy dit as jy vergrote porieë het omdat dié tipe formules dit sal beklemtoon. POEIER vir ’n baie ligte dekking of oor jou onderlaag om dit te seël. ROOM-TOT-POEIER is ideaal vir kombinasievelle. VERBLOEMER verdoesel velfoute, vlekke en donker kringe. Gebruik ’n skakering ligter as jou onderlaag. Vloeibare verbloemer is beter vir olierige velle en romerige verbloemers in stafies is vir droër velle. Vermy mat produkte as jy ’n droë vel het, dit sal net die droogheid beklemtoon STAATMAKERS PRIMER ’n Uitstekende produk wat jy ná gesigroom en voor onderlaag oor jou hele gesig kan vryf. Dit maak vel gladder sodat jou onderlaag egalig en eweredig aansmeer. Probeer…

GEBAKTE BRIE MET WORTELSAMBAL 4 porsies bietjie olie 1 ui, gerasper 5 ml (1 t) fyn vars knoffel 5 ml (1 t) fyn vars gemmer 15 ml (1 e) kerriepoeier 5 ml (1 t) fyn komyn 4 groot wortels, fyngerasper 80 ml (⅓ k) bruinsuiker 180 ml (¾ k) witwynasyn 1 00 g (1 pakkie) groen olywe, gehalveer 500 g (1 groot) cambrini 1 Braai uie, knoffel en gemmer in bietjie olie tot sag. 2 Roer speserye saam en braai tot geure loskom. 3 Roer wortels, suiker en asyn by en laat kook tot verdik. Roer olywe by. 4 Stel oond op 180 °C. Sit cambrini (in foelie toegedraai) op bakplaat en bak vir 15 minute. 5 Maak kaas oop en gooi mildelik van sambal bo-oor. Geniet met soutbeskuitjies. CAMEMBERTHAPPIE…

VIR ONS NOVEMBER-WENNERS Dis die tyd van die jaar wat ’n mens weer na dagboeke en ook dagstukkieboeke begin kyk. Lux Verbi het nou ’n splinternuwe Uit die beek vir 2018 op die rak. Dis die oudste Bybeldagboek in Afrikaans en spog nou met ’n nuwe invalshoek. Dis uit die pen van die bekroonde skrywer Barend Vos. Die boek is by toonaangewende winkels beskikbaar. Besoek www.nb.co.za vir meer inligting GERDA STOLS VAN GEORGE DEEL HAAR WENKE. Gebruik oases waarin ’n mens blomme rangskik as volg: ▸ Maak dit met baie warm water weer nat as dit uitgedroog het. ▸ Sny in stukke en week met lampolie of paraffien en maak dan ’n vuur daarmee. ▸ Gebruik ’n gedroogde stukkie as speldekussing of vir spykers. ▸ As dit heeltemal vol gate…

ROLPRENTE ALL SAINTS Met Cara Buono en John Corbett Regisseur Steve Gomer WARE VERHAAL In hierdie droewe dae waarin ’n mens amper nie meer koerante lees nie omdat daar te veel slegte nuus is, kom ’n inspirerende rolprent wat op ’n ware verhaal gegrond is, en wat jou laat besef dat daar nog goedheid in baie mense oor is. ’n Verkoopsman, Michael Spurlock, raak bekeer en word ’n pastoor. Wanneer Burmese vlugtelinge by sy kerk aankom, vind hulle ’n man in ’n krisis. Hy word deur die owerhede gedwing om die kerk af te breek. Hoe Spurlock sy gemeente en die vlugtelinge inspireer en besiel, en hoe al die mense saamspan vir ’n goeie saak, vorm die tema van ’n rolprent wat ’n positiewe en aangrypende boodskap lewer. En baie…

Ek is oortuig ek is nie die enigste mens wat die aand voordat my huiswerker vir werk opdaag, soos ’n besetene deur die huis storm om ’n mate van orde te skep nie. Is dit nie malligheid nie? Jy huur iemand om jou huis skoon te maak, want jy is te lui/besig/onhandig om dit self te doen, maar binne ’n paar uur kry jy meer gedoen as in ’n hele week. Of soos in my geval, twee weke. Rita is ’n wonderwerker. Die arme mens moet 14 dae se opgehoopte stof en wanorde in ’n dag uitsorteer en sy doen dit so vernuftig as wat dokter Chris Barnard ’n verlepte aorta kon regsien. En tussendeur praat sy ’n hond uit ’n bos. Terwyl sy die matte uitskud, vertel sy my…

KUNS EN OPERA Zanne Stapelberg-de Lange en Minette du Toit-Pearce tree op 18 November by die Magdalena-tehuis se Opera-en-kuns-geleentheid by Rhebokskloof in die Paarl op. Jy kan kos, musiek en kuns uit die boonste rakke verwag. Toeskouers sal met arias en duette uit onder meer Carmen, The Tales of Hoffman, Rusalka, The Merry Widow en Faust vergas word. Phillippus Hugo sal die klavierbegeleiding verskaf. ’n Paar kunstenaars se werk kan besigtig word soos Harry Erasmus, Elize Engelbrecht, Susan Ellis, Junior Fungai, Gaynor, Juanita Louw, Francine Nepgen, Tania Olivier, Sandra Pelser, Paul van Rensburg en Nicola Stoffberg. Kaartjies kos R600 per persoon. Kontak Elsa Botha by 071 151 3670 of elsa@magdalena.org.za GESKEN KE VIR KERSFEES Besoek die Kaapse Geskenkemark van 21 November tot 3 Desember in die Seepunt-stadsaal. Daar sal uitstallers…

Deur XWord Vir alle navrae navrae@xword.co.za of 082 346 3431 Besoek www.xword.co.za WEN R1 000! Voltooi die blokraai en gebruik die omkringde letters om die versteekte woord of naam te ontsyfer. Leidraad: Insameling van vrywillige gelde vir ’n kerklike of liefdadigheidsdoel SMS jou antwoord, voorletters, van en dorp/stad voor of op 29 November 2017 na 48410. SMS’e kos R1,50 en is net vir mense in SA. Geld sal vir foutiewe antwoorde gehef word en gratis SMS’e geld nie.…

Deur XWord Vir alle navrae navrae@xword.co.za of 082 346 3431 Besoek www.xword.co.za WEN R1 000! Voltooi die blokraai en gebruik die omkringde letters om die versteekte woord of naam te ontsyfer. Leidraad: Ontsyfer die letters in die sirkels om ’n woord te kry vir ’n tydperk van tien jaar. SMS jou antwoord, voorletters, van en dorp/stad voor of op 6 Desember 2017 na 48410. SMS’e kos R1,50 en is net vir mense in SA. Geld sal vir foutiewe SMS’e gehef word en gratis SMS’e geld nie.…

BRIEF van die WEEK Spook! Ek glo nie aan spoke nie, daarom maak dit hierdie gebeurtenis ekstra snaaks. Ek bestuur ’n gastehuis. Een oggend so halfvyf se koers staan ek op en gaan staan voor my hangkas met albei kasdeure oop. Die volgende oomblik sê iemand my naam en ek vries vir ’n wyle. En ja, hier sê die stem weer Alet met ’n vraag in haar stem. Toe sê die stem: “Dit lyk asof ons vir Alet verloor het.” Ek vlieg om en net daar hoor ek dat dit ’n stem oor die radio is en hulle was met ’n radio-telefoononderhoud besig! Ek kon nie glo dit gebeur en dat die persoon ook Alet is nie. Ek word natuurlik uit my sokkies gespot omdat ek so groot kon skrik…

Henk Lourens is in Pretoria gebore en het daar grootgeword. Hy het sy hoërskoolloopbaan op Brits voltooi. “My pa, my oom en my een neef was ’n polisieman. Dis maar ’n familieding,” vertel Henk, vir wie sy polisieloopbaan nog altyd ’n gegewe was. Ná skool is Henk na die polisiekollege in Pretoria waarna hy by die destydse Eenheid- 19 begin werk het, wat soos deesdae se openbare-orde-polisiëringseenhede was. Nadat hy sy keuring en kursus geslaag het, is hy na die NIU (National Intervention Unit). Hy het sy vrou, Riana, deur gemeenskaplike vriende ontmoet. “Ons het nog A Bug’s Life gaan kyk,” vertel hy met ’n glimlag oor hul eerste afspraak. Reeds vroeg in sy loopbaan het hy ’n skietwond aan sy been opgedoen toe hulle in Thokoza ’n gesteelde voertuig…

GRENADELLAROLKOEK 1 rolkoek 3 eiers, geskei 125 ml (120 g) strooisuiker 2,5 ml (½ t) vanieljegeursel 30 ml (2 e) koue water 180 ml (95 g) koekmeel 10 ml (2 t) bakpoeier VULSEL 250 ml (1 k) room 30 ml (2 e) versiersuiker 1 houer grenadellapulp Voorverhit oond tot 200 °C. 1 Berei ’n rolkoekpan van 25 cm x 33 cm voor deur dit met waspapier uit te voer en met gesmelte botter te smeer. Sprinkel koekmeel oor. 2 Klits eierwitte tot styf en voeg strooisuiker geleidelik by. 3 Klits eiergele en water by eierwitmengsel. 4 Sif koekmeel en bakpoeier en vou by beslag in. 5 Smeer beslag in rolkoekpan en maak gelyk bo-op. 6 Bak vir 12 minute tot goudbruin en gaar. 7 Bestrooi ’n klam vadoek met strooisuiker…

As ’n mens ses uur lank grondpad gery het, is jy nie net deurgesit nie, alles is uitgedroog en stowwerig. Om dan jou verblyf se sleutel by Swakopmund Luxury Suites te kry en jou pas voltooide kamer is ruim, lig en modern, voel dit kompleet asof jy in ’n tydskrif se dekorfotosessie instap. Die gordyne is oopgetrek, die seeluggie kom dans op ons bed en woel die ligte gordyne se hare deurmekaar. Ons stort soos mense wat nie water gewoond is nie en is gou verfris en reg om die dorp vir aandete te gaan verken. Ons stap die paar blokke tot by die Indiese restaurant, Garnish Restaurant, Flavours of India, verder af in die straat. Hier vergryp ons ons aan die heerlike Indiese lekkernye en dis ook die plek…

Vroeër vanjaar het Claudette Schreuders The Bystanders, ’n uitstalling in Johannesburg se Stevenson-galery, aangebied wat iets van ’n oorsig oor haar werk gebied het. Benewens nuwe werk het sy 70 litografieë ingesluit wat ’n mens as ’n rekord van haar beeldhouwerk deur die jare kan sien. Dié litografieë, wat so ver teruggaan as 2003, is deur The Artists’ Press, Mark Atwood se ateljee by Witrivier, gedruk. In die eerste plek ís Schreuders ’n beeldhouer. Dit is met haar figure in jelutong (’n soort hout) en emaljeverf waarmee sy gestalte aan enkelinge, hul plek in die wêreld en les bes intieme binnegesprekke gee. Sy was nog ’n beeldhoustudent toe sy jare gelede kennis gemaak het met die Wes-Afrikaanse colon-figure, wat nie net ’n verwysingspunt geword het nie, maar ook haar werk…

Gebed. Ons almal weet wat dit is en ons almal weet dis iets wat ons móét doen. Soms kom gebed maklik, soms moeilik en soms glad nie. Glo jy dat die Here vandag nog gebede beantwoord? Glo jy dat God steeds siekes gesond kan maak, blindes kan laat sien, lammes kan laat loop en dat Hy die mees geharde harte kan verander? Ek weet nie van jou nie, maar ek wil dit glo. Ja, soms laat my geloof my in die steek, maar ek bid dat die Here my ongeloof tot hulp sal kom. Ek sal graag wil hê my lewe moet iets van die krag van God weerspieël. Soms wanneer ek bid, wonder ek wie’s ek dan nou dat my gebed beantwoord moet word? My gebed is dalk gebrekkig…

Weens ’n misverstand is ek laat vir ons afspraak, maar Tracey is die rustigheid self. Sy beduie na ’n leë beker sjokolademelk en troos laggend dat solank sy haar gunstelingdrankie byderhand het, die wêreld maar om haar kan vergaan. Wanneer ’n bekende persoon as regtig plat op die aarde beskryf word, neem jy dit met ’n knippie sout, want dis nie moeilik om ’n uur lank jou beste voetjie voor te sit nie. Tog is Tracey Lange iemand wat jou werklik met haar ongekunstelde aardsheid oorrompel. Wat jy sien, is presies wat jy kry. En wat jy sien, is ’n pragtige vrou wat sonder ’n titsel grimering soos ’n supermodel lyk. Van haar lang donker hare, sensuele mond met ’n sexy beauty spot op die bolip, tot haar vietse klein…

ALLES BYMEKAAR Samsonite Torus se liggewigskootrekenaarsak kombineer funksionaliteit met ’n stylvolle ontwerp. Daar is kompartemente vir skryfbehoeftes, dokumente, ’n selfoon en tablet. Die sak bied rugondersteuning met drie lae maas vir drakapasiteit. Die sak beskerm jou skootrekenaar teen stampe. Beskikbaar vanaf R1 600 by bagasiewinkels of aanlyn by www.HouseOfSamsonite.co.za GEEN GEMORS Met hierdie innoverende silikoonmat hoef jy nie bekommerd te wees oor jou baba wat sy bakkie kos gaan omgooi nie. Die mat suig aan die tafel vas en pas op die meeste eetstoeltjies. Dit het vyf kompartemente waarin jy verskillende voedselsoorte kan sit. Dis in drie kleure beskikbaar en kan in die skottelgoedwasser én mikrogolf gebruik word. Beskikbaar by Dis-Chem en onafhanklike apteke teen ongeveer R300. www.numerator2000.co.za KERSFEESAANKOPE By LINDT Chocolate Boutique sal jy vir ’n ieder en ’n…

Drie vroue besing die liefde en die lewe uit ’n ánder, eiesoortige hoek. IRENE-LOUIS E VIER DIE LEWE Irene-Louise van Wyk het haar stem en styl met haar album Sjampanje (Universal Music) gevind. Die album is energiek, modern en jeugdig. Ná ernstiger werk soos Meer as woorde en die tergtreffers Vergeet van my en Jy speel ’n game met my (deur Stefan Ludick), bied sy nou ’n album met hoofsaaklik litteknakritmes. Sy het dit met haar debuutalbum reggekry om vir haarself ’n amptelike plek in die Suid-Afrikaanse musiekbedryf te vestig – nie net as sangeres nie, maar ook as verhoogkunstenaar en liedjieskrywer. Sjampanje, die nuwe enkelsnit (wat volg op Mond sê), is een van die tien liedjies deur William Loots, Roux Cloete, Bouwer Bosch en Irene-Louise: ’n opkikkerpoptreffer wat ’n…

In sy bespreking van Stephanus Muller se Nagmusiek in Vrouekeur het Willie Burger na dié boek as “tegelyk ’n lewensverhaal en ’n roman” verwys. “Enersyds is dit ’n biografie van die Suid-Afrikaanse komponis Arnold van Wyk (1916–1983). Andersyds is dit ’n roman oor ’n fiktiewe karakter, Werner Ansbach, ’n musikoloog wat al jare lank worstel om ’n biografie van Arnold van Wyk te skryf.” Die lof van dié boek is wyd besing en dit is ook gepas met literêre pryse bekroon. Maar bowenal is die groot wins van Muller se boek die feit dat hy die lewe en werk van Arnold van Wyk weer ’n bietjie voorop gestel het. Anders as die werk van Suid-Afrikaanse meesters in die veld van die visuele kunste wat darem nog van tyd tot tyd…

Kazuo Ishiguro het hierdie jaar die Nobelprys vir letterkunde ontvang. Dalk was die verligting so groot dat die Nobelprys weer aan ’n gevestigde romanskrywer gegaan het en nie soos verlede jaar aan ’n liedjieskrywer nie, dat daar weinig gekla is oor die toekenning aan Ishiguro. Ishiguro het die prys vir sy oeuvre ontvang, eerder as vir ’n spesifieke roman. Elk van sy agt romans is met die een of ander prys bekroon. The Remains of the Day (1989) is destyds met die Bookerprys bekroon, terwyl When we were Orphans (2002) en Never Let Me Go (2003) ook op die kortlys vir die Bookerprys was. The Remains of the Day en Never Let Me Go word deur die meeste lesers as sy indrukwekkendste romans beskou en albei is ook verfilm. Ishiguro…

VERVEELD NÁ 40 JAAR SE HUWELIK Ek en my man is al byna 40 jaar getroud. Hy is goed vir my, liefdevol en doen alles wat my hart begeer. Die kinders het onlangs almal die huis verlaat. Ek soek na meer opwinding in die lewe en is verveeld met hom. Daar is ’n man by die plek waar ek halfdag werk wat baie geïnteresseerd is in my. Is dit verkeerd om te dink dat ’n verhouding met ’n ander man my lewe gaan opkikker? – Soekend Jy het dalk nie net leënessindroom nie. Dalk is die gesonde harmonie in jou verhouding ’n aspek wat jou na iets meer laat soek, wat nie noodwendig bestaan nie. Die verwysing na jou man is dat hy as verhoudingsmaat stabiel en uitsonderlik is. ’n…

Deur XWord.co.za Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 10 woorde, goed 14 woorde, baie goed 19 woorde of meer, uitstekend OPLOSSING: Rompslomp, rolmops, opmors, omrol, opsom, plomp, promp, sloom, smoor, lomp, loom, molm, moor, mors, pomp, prom, romp, room, soom. Koderaai Elke syfer verteenwoordig ’n letter van die alfabet. Om mee weg te spring, is 3 (drie) letters klaar ingevul. Kyk…