Innholdsfortegnelse for 27-oct-17 i Vrouekeur

Teen dié tyd weet ’n mens dat ouerskap gewis nie meer is wat dit 100 jaar gelede was nie. In die afgelope paar dekades het daar gelukkig groot veranderinge (en verbeteringe) in die tradisionele rolverdeling van Ma en Pa vastrapplek gekry. Deesdae is die nukleêre gesin met ma wat die versorger en pa wat die voorsiener is, gewis nie meer die norm nie. Die konsep van ouerskap het grense oorgesteek. Kinders met twee ma’s of twee pa’s is nie meer ongewoon nie, sogenaamde “stiefouers” is nie meer rillerstories van Aspoestertjies nie en enkelouers is geen vreemde verskynsel nie – hetsy uit keuse of lewensveranderende gebeure. JB Roux kyk hierdie week spesifiek na gevalle wanneer pa’s “ma” en “pa” staan. Ek weet van heelwat pa’s wat sowaar beter versorgers as ma’s…

Dit is ’n groot jaar vir die sangeres Lianie May. Nie net vier sy tien jaar in die Afrikaanse musiekbedryf nie, sy trou ook vanjaar, ná ’n verlowing van sowat tien jaar, met haar geliefde én bestuurder, Barry Lubbe. Dié twee se pad na die kansel word in Lianie se realiteitsreeks, Met my hele hart: Lianie May se sprokiesverhaal vir die DStv-kanaal Via vasgevang. Die reeks het in September op dié kanaal begin. Die versugting wat sy in 2008 in haar debuutalbum, Vergeet my nie, uitgespreek het, het ’n realiteit geword: Lianie se bewonderaars kan haar doodgewoon nie vergeet nie. Trouens, hulle soek net nog meer van haar. Daarom is die kersie op die koek van Lianie se dekade in die bedryf die bekendstelling van haar sesde album, Iemand om…

Toe Heini van Straaten op 32 weke deur middel van ’n noodkeisersnit die wêreld ingehelp is nadat ma Lize preëklampsie ontwikkel het, was die verligting groot dat haar babaseuntjie gesond is. “Ek het elke dag vir die Here dankie gesê dat Hy vir my so ’n gesonde seun gegee het,” vertel Lize. Haar vorige swangerskap het nie so goed verloop nie – die baba is doodgebore. Hul geluk was egter van korte duur, want Heini was ’n skrale jaar en vier maande oud toe sy pa, Adriaan, aan ’n beroerte oorlede is. Lize se lewe het daarna om haar seunskind gedraai en op twee is Heini na ’n dagsorgsentrum toe sodat sy die pot aan die kook kon hou. Sy het bekommerd geraak omdat hy daar nie in die sand…

Soek jy na Suid-Afrikaanse video’s op YouTube, kry jy in ’n oogwink ’n reuse- en interessante verskeidenheid: komediante van alle soorte wat in slim of ietwat ongepoetse video’s hul buigings maak, sangers en ander musikante wat hul talent ten toon stel, fiksheidskenners wat raad gee, jong meisies wat skoonheidsen modewenke deel, kinders wat hul lawwe streke of vreemde eksperimente vasvang, rekenaarverslaafdes met die beste wenke vir rekenaarspeletjies of sommer net gewone tieners wat hul alledaagse ervarings met die wêreld deel. Hoewel dit vir ’n groot aantal YouTubers bloot gaan oor die pret daarvan om hul persoonlike ervarings of talente met die wêreld te deel, is daar vir baie ander ’n groter oogmerk: om ’n naam vir hulself te maak, om ’n groot aantal intekenaars te werf en so ’n loopbaan…

FILETROL MET HAM, SPINASIE EN FETA 4 porsies 600 g filet, medaljonstuk, heel gehou 150 g (1 pak) babaspinasie 4 stukkies ham 2 sirkels feta, gekrummel Voorverhit oond na 180 ?C. 1 Sny stuk filet van bo al in rondte deur 1,5 cm dikte te hou. Jy moet op die ou end ’n plat stuk vleis he. 2 Pak spinasie oor hele oopgesnyde oppervlakte, gevolg deur ham en gekrummelde feta. 3 Rol filet op en steek met tandestokkies vas. Geur met sout en peper. 4 Bak vir 20–30 minute of tot verlangde gaarheid. WENKE As jy nie deur ’n sening kan sien nie, moet jy dit afsny. Verf die vleis, nie die pan nie, met olie. Dit sal minder rook maak. SNY DIT SÓ 1 Sny klein stuk van witsenings…

TYD VIR ’N ‘KUNSMATIGE’ TJOPPIE OP DIE VUUR Kunsmatige vleis is klaarblyklik nie ver van die opskeptafel af nie. ’n Amerikaanse maatskappy, Memphis Meats, het onlangs hoendervleis bekendgestel wat ontwikkel is sonder dat enige hoendertjie sy laaste asem moes uitblaas. En, snaaks genoeg, só sê die kenners, die kunsmatige vleis proe wel soos hoender. Soortgelyke beesvleis is al vervaardig, en die eerste laboratorium- hamburger is reeds in 2013 aan joernaliste voorgelê. Teen ’n koste van $331 000 moes die sjef seker ingedoen gevoel het toe die gevolgtrekking was dat die smaak nie werklik op standaard was nie. Ten spyte hiervan is maatskappye hard aan die werk om kunsmatige vleis te vervaardig wat aan die wêreld se toenemende kosvereistes sal kan voldoen. Om egter in Suid-Afrika aanvaar te word, sal hulle…

Dis feitlik onmoontlik om te bepaal wat die presiese volwasse grootte van ’n tipiese klimplant is omdat die meeste deurmekaar groei en wyd en syd sytakke uitstuur, selfs verder as die grense wat die tuinier vir hulle gestel het. Sommige mense bevraagteken of dit die moeite werd is om klimplante in die tuin te hê as hulle so ongedissiplineerd is en altyd probeer om buite hul perke te ontsnap, wat beteken hulle moet gereeld met skerp gereedskap beteuel word om hulle onder beheer te hou. Die antwoord is ’n klinkende ja! Hulle is nie net waardevol om estetiese redes nie, maar is ook die oplossing vir vele tuinmaakturksvye. VINNIGE SKADU AS JY DIT NODIG HET Dit kan jare duur vir bome om groot genoeg te word om genoeg skadu te…

Vir alle navrae navrae@xword.co.za of 082 346 3431 Besoek www.xword.co.za WEN R1 000! Voltooi die blokraai en gebruik die omkringde letters om die versteekte woord of naam te ontsyfer. Leidraad: Ontsyfer die letters in die sirkels om ’n woord te kry vir die omgevoude deel aan die einde van ’n hempsmou SMS jou antwoord, voorletters, van en dorp/stad voor of op 15 November 2017 na 48410. SMS’e kos R1,50 en is net vir mense in SA. Geld sal vir foutiewe SMS’e gehef word en gratis SMS’e geld nie.…

VIR ONS OKTOBER-WENNERS LAPA Uitgewers het ’n splinternuwe Dagboek sonder grenseop die rak. Dis ’n jaarbeplanner propvol inspirerende projekte. Dié pragtige hardebandpublikasie bevat ’n bladsy vir elke dag van die jaar en word nie aan ’n spesifieke jaar gekoppel nie. Elke dagblad bevat plek vir afsprake, notas, inkopielyste en ’n aanhaling deur een van LAPA se skrywers. Dit pas baie mooi in ’n handsak en sal ’n oulike Kersgeskenk maak. Die boek is by toonaangewende winkels en by www.lapa.co.za beskikbaar SUSANNA LE ROUX VAN RAN DBUR G HET DIÉ WENKE VIR ONS GESTUUR : ■ Gebruik wit tandepasta om ’n strykyster mee skoon te maak. Smeer die tandepasta op, laat staan en vee dan met ’n klam lappie af. ■ As vinielplate erg gekrap is, smeer ’n dun lagie houtgom…

In Suid-Afrika is dit amper vanselfsprekend dat die ma, wanneer ’n egpaar skei, toesig oor die kinders kry. Maar as ’n man kan wys dat dit nie in die kinders se beste belang is dat die ma beheer oor en toegang tot hulle het nie, kan hy aansoek doen om self beheer oor en toegang tot die kinders te kry of dat hulle van die ma weggeneem word. Die vrou se lewenstyl – seksuele losbandigheid, gewelddadigheid, dobbelverslawing of dwelmmisbruik – kan deurslaggewend wees in die hof se besluit, so ook ’n geestesprobleem en of sy hoegenaamd in die kinders belangstel en of sy voldoende huisvesting en skoolopvoeding kan verskaf. Dit sal teen die ma tel indien sy nie die lewenstandaard waaraan die kind of kinders gewoond is, kan handhaaf of…

MARKTYD Dis amper tyd vir die 18de jaarlikse Delmas Kersmark van 31 Oktober tot 3 November. Daar sal elke dag van nege tot sewe mooi produkte vir elke smaak en begroting wees. Dit word by die Hervormde Kerksaal, Sarel Cillierstraat in Delmas gehou. Daar sal ook ’n teetuin met heerlike versnaperings wees. Besoek “Delmas Kersmark” op Facebook of bel Jetske 072 746 8713 Gaan loer in by die Tikva Shabby Sjiek Mark op 27 en 28 Oktober by Rhino’s Restgastehuis net buite Welkom. Dit is die mark se sesde bestaansjaar. Toegang is R10 en laerskoolleerders kan gratis ingaan. Daar sal vermaak vir oud en jonk wees. Loer op “Tikva Shabby Sjiek Market” op Facebook en 083 748 5540 vir meer inligting Die Glenshiel Kersmark kan van 27 tot 29 Oktober…

WENK Gebruik ’n spesiale veerkoekpan VEERKOEK 1 koek 180 ml (95 g) koekmeel 1,25 ml (¼ t) sout 275 ml (260 g) strooisuiker 8 eierwitte (teen kamertemperatuur) 60 ml (¼ k) warm water 5 ml (1 t) vanieljegeursel 5 ml (1 t) kremetart Voorverhit oond tot 175 °C. 1 Sif meel, sout en helfte van strooisuiker saam. 2 Klits eierwitte, water, vanieljegeursel en kremetart vir twee minute en gooi geleidelik res van strooisuiker by. Klits tot voor stywepuntstadium. 3 Sif helfte van meelmengsel by eierwitte en vou versigtig in. Gooi res van meel by en doen dieselfde. 4 Skep beslag in veerkoekpan (ongesmeer) en maak gelyk bo-op. 5 Bak vir 35 minute tot goudbruin en gaar. 6 Dop pan op sy voetjies en laat koek onderstebo staan om heeltemal af…

MAN LEWER GEEN FINANSIËLE BYDRAE Ek (40) is in ’n verhouding en ons het twee kinders. Ons is al 16 jaar saam en hy weier om met my te trou. My probleem is dat hy ’n werk het en goeie geld verdien, maar finansieel niks bydra nie. Ek is raadop en het al oorweeg om die verhouding te beëindig, want dit maak seer om sy kinders alleen te onderhou. Hy het ook geen skaamte hieroor nie en laat my met al die finansiële verantwoordelikhede. – Anoniem Kinders is nie genoegsame rede om in ’n verhouding te bly nie. Voer ’n sinvolle gesprek met hom om jou kommer aan hom oor te dra. As hy nie ontvanklik vir gesprekvoering is nie, kan jy vir hom ’n brief skryf. Moenie dreig om…

Builders Warehouse www.builders.co.za Coricraft www.coricraft.co.zaMr Price Home www.mrphome.com Woolworths www.woolworths.co.zaZara Home www.zarahome.com/za…

Jakkie Louw, Jacques de Coning en Pieter Smith het studente op kampusse en by kuierplekke regoor die land in Afrikaans laat dans, jol en lééf! En nou is die immergroen studentesanger, liedjieskrywer, akteur en skrywer Jakkie Louw terug met nóg ’n woemaalbum: Party in SA (Vonk-Musiek). Daardie reusetreffer, Drie pikkewyne, het oral ’n paartiekreet geword, maar Jakkie het hom ook as ’n ernstige musikant bewys met talle ballades – onder meer Een miljoen woorde, die pragduet van Louis van Rensburg se Voshaarnooi (saam met Kevin Leo) en die intieme album Die standvastige man. Jakkie het om sy liriekskerpte, sy guitige humorsin en sy treffende byblymelodieë as ’n eiesoortige storieverteller bekendheid verwerf. Die snitte op sy nuwe album is gesond stout en met vrypostigheid, sorgelose vreugde en pure pret gesout. Dis…

Martha is moeg. Haar gô is uit, haar wieletjies is pap, dit voel of iemand op haar battery gepiepie het. Dit sal lekker wees om vir ’n dag lank net te kan slaap, maar haar gesin verwag sy moet agter hulle skoonmaak, sy moet regstaan met kos, sy moet daar wees om te red en te help en te keer. Want wat sal hulle sonder haar doen? Dis háár skuld, dit weet sy. Sý het hulle geleer om al hierdie verwagtinge te hê. Sy het haarself onmisbaar gemaak die dag toe sy haar snyerspakkie en hoëhakskoene vir ’n sweetpak en tekkies verruil het. Gewillig, geduldig en gedweë, het sy die gedienstige Martha geword. Ouma Mart was net so gedienstig. Sy het soos ’n slaaf gewerk om almal gelukkig te hou.…

By ons veearts op die buurdorp is dit op ’n Saterdagoggend soms soos ’n klein Verenigde Nasies waar jy flenters van vier tale nodig het vir die mense wat daar werk of daar kom – Griekse, Duitse, Engelse en Nederlandse eilandbewoners. Dit is ook ’n soort gemeenskapsentrum. Dié een met ’n verlepte hond moet asseblief daardie een se kat saam terugneem sodra hy bygekom het. Honde ontmoet daar en hul mense ook en ons ruil nuus en wenke en ’n bietjie skinderstories uit. Angeliki, die Griekse veearts, se eerste vraag oor die foon is nooit hoe dit met my gaan nie, maar hoe dit met Kristoffel, my hond, gaan. Sy is trots op die diere wat onder haar hande deurgaan asof hulle haar eie maaksels is. En Kristoffel is iets…

Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 8 woorde, goed 10 woorde, baie goed 15 woorde of meer, uitstekend OPLOSSING: Kokervrug, verkurk, gevurk, ruvoer, verruk, gevou, vreug, vroeg, verg, voeg, voer, vrek, vrou, vrug, vurk Koderaai Elke syfer verteenwoordig ’n letter van die alfabet. Om mee weg te spring, is 3 (drie) letters klaar ingevul. Kyk nou of jy kan uitwerk wat…

Ds Janine Bevolo-Manders is verbonde aan die Nederduitsch Hervormde Kerk Witfontein in Pretoria-Noord en is al 20+ jaar ’n predikant “Die Here help dié wat hulself help.” Dié stelling is al talle kere geopper. In ’n peiling wat deur die bekende Barna-instituut gedoen is, glo 82% van die mense wat daaraan deelgeneem het, dat die stelling iewers in die Bybel staan. Hulle weet nie presies waar nie, maar dit moet mos daar iewers wees ... Om die waarheid te sê, dié stelling kom nêrens in die Bybel voor nie. Dit is die eerste keer in ’n fabel van Aesop 500 jaar VHJ gebruik. Wanneer ons die stelling maak, is ons bedoelings goed, maar ons teologie minder goed. Ons wil graag ons kinders leer om inisiatief en karakter te openbaar en…

OUNAG SE LEKKERTE In Vrouekeur van 8 September 2017 vang my oog dadelik Mareli se sjokoladetowerkoekresep. Dinsdag kyk ek weer na die resep en Woensdag besluit ek, buig of bars, vandag bak ek daardie koek in my stoof wat uit die jaar 1984 dateer. Die oondliggie is lankal dood en parte kry ’n mens nie meer nie, dus hou ek die flitslig byderhand om kort-kort deur die glas te kan loer hoe die bakproses vorder. Kwart oor ses die aand haal ek die koek uit die oond, wetende dat dit nou vir drie uur moet afkoel. Ek werk toe uit dat die koek kwart oor nege uit die pan gelig kan word. Terwyl ek aandete voorberei, loer ek kort-kort na die koek. Ai, die tyd gaan darem stadig verby as…

UIE VIR JOU HARE Uie is nie net heerlik in disse nie – uiesap is glo ’n wonderlike kuur vir haarverlies. Navorsers het bevind dat hare begin groei het twee weke nadat behandeling begin het deur dit twee keer per dag op die kopvel aan te wend. Ná ses weke het 87% van die deelnemers se hare begin teruggroei. KEER ASMA BY KINDERS ’n Studie wat in die Journal of Allergy and Clinical Immunology gepubliseer is, reken as kinders jonger as drie jaar aan troeteldiere en ander binnenshuise allergene blootgestel word, kan dit voorkom dat hulle asma ontwikkel. As ’n kind egter reeds asma het, sal hierdie allergene die toestand vererger en moet dit liefs vermy word. ENIGE OEFENING IS GOED In ’n internasionale studie wat 130 000 mense in…

Dis by De Warenmarkt op Stellenbosch wat ek vir die eerste keer van die Old Vine Project (OVP) hoor. Dis waar ek na die opgewonde vertellinge van Jaco Engelbrecht en André Morgenthal luister, terwyl ons Reyneke Chenin blanc, Alheit Cartology, Sadie Family Wines Mev Kirsten, Kaapzicht Cinsaut, Kanonkop Pinotage en Daschbosh Hanepoot geniet. Die aardigheid is dat hoewel hul oesjare 2009, 2015 en 2016 is, die wyne almal van wingerde ouer as 35 jaar en selfs so oud as 117 jaar is! Hulle wys vir ons foto’s van wingerdstokke wat soos bome lyk; hul stamme verdraai en dik soos jong seuns se bobene. André vertel dat hulle nie wil hê mense moet dink die projek is net ’n nostalgiese reis na die verlede nie; hulle hoop dat as hulle ons…

HOENDERSOSATIES 6–8 porsies 2 knoffelhuisies, fyngekap 2 cm stukkie gemmer, gesny 1 rooi brandrissie, fyngekap 15 ml (1 e) heuning gerasperde skil en sap van 1 suurlemoen handvol koljander, fyngekap 60 ml (¼ k) olyfolie 500 g hoenderfilette, in blokkies gesny 200 g sagte droë appelkose handvol lourierblare GLAD Large Resealable Freezer Bags sosatiestokkies 1 Meng knoffel, gemmer, brandrissie, heuning, suurlemoenskil en -sap, koljander, olyfolie en hoender in ’n GLAD Large Resealable Freezer Bag. 2 Skud totdat al die bestanddele goed gemeng is. Marineer vir 2 uur in yskas. 3 Ryg hoender om die beurt met appelkose en lourierblare op 6–8 stokkies. 4 Verhit ’n braai- of roosterpan oor matige hitte. Braai hoender aan elke kant tot goudkleurig en gaar.…

PLESIERIGHEID MET PASTA Die geheim van smullekker pasta lê in die sous. Met Peppadew® se reeks pastasouse hoef jy jou nie ure voor die stoof af te sloof nie – gooi net ’n botteltjie klaargekoopte sous oor die pasta en jy het ’n feesmaal. Kies uit geure soos Tomato & Basil, Green Pepper & Garlic en Tomato & Jalapeno Chillies. LAA TMIDDAGVULLER Blue Diamond Almonds is cholesterol- en glutenvry en bevat kalsium en vitamien E. Dis ideaal vir ’n honger kol. Kies uit geure soos Lime & Chilli, Roasted Salted, Salt ’n Vinegaren Smokehouse. Beskikbaar by sekere Aromawinkels, Spar, Food Lovers Market, Wellness Warehouse en Thrupps-winkels. www.bluediamondalmonds.co.za SELFSORG VIR PLANTE Woolworths se nuwe potplantkonsep verseker dat jy jou plante goed kan versorg en terselfdertyd ook verantwoordelike watergebruik toepas. Dié potplante…

Die nalatenskap van die Franse beeldhouer Auguste Rodin is vanjaar wyd en syd gevier. Daar was die groot uitstalling van sy werk in Parys se Grand Palais, ’n spesiale €2-munt met die gelaat van Rodin en Die denker is geslaan, en ’n Rodinposseël is in Frankryk bekendgestel. Auguste Rodin, genoem die Michelangelo van Frankryk, is 100 jaar gelede op 17 November 1917 in die ouderdom van 77 jaar dood. Dat die Franse Rodin so met trots onthou, is te verstane. Maar omdat Rodin die draaipunt was tussen die antieke en moderne beeldhoukuns, is dit ook gepas dat sy werk wêreldwyd in herinnering geroep word. En so kom aspekte van sy werk dan ook op ander plekke en nog tot volgende jaar in fokus. In die VSA het die Cleveland-kunsmuseum in…

(DEEL 1) Wanneer nuwe boeke in boekblaaie soos hierdie bespreek word, verwag lesers meestal ’n evaluering: Is die boek wat bespreek word “goed”? Natuurlik word van die resensent verwag dat hy of sy die evaluering sal regverdig. Die waarde-oordeel word deur ’n versigtige beskrywing en analise van die teks gemotiveer (wat moeilik is in ’n tydskrif of koerant waar die resensent maar 500–800 woorde kan gebruik). ’n Groot deel van elke resensie bestaan dus uit ’n beskrywing van die boek. Die beskrywing kan ’n kort opsomming van die “storie” insluit – uiteraard sonder om al die verrassings en ontknopings te bederf! Verder kan die beskrywing ook insluit hoe die verhaal vertel word en interessante aspekte van die teks kan uitgelig word. Verduidelikings van hoe bepaalde effekte op die leser bereik…

Moeilikheidsgraad: WAT HET JY NODIG? 1 bal elk ELLE PURE GOLD DK (100 g) in wit, rooi en groen Klein bietjie swart breidraad Stopsel 4 mm-naalde 2 ogies of knopies AFKORTINGS aw – aweregs gl1 – glip een steek ks – koussteek (1ste ry: r. 2de ry: aw.) ms – mossteek (1ste ry: (r1, aw1) tot einde. 2de ry: r die aw-ste en aw die r-ste soos dit voorkom.) oorbl – oorblywende r – regs rVa – regs voor en agter in dieselfde steek tgso – trek glipsteek oor GROOTTE Sowat 35 cm BREI-INLIGTING Die kat word van die kop af ondertoe gebrei. Die arms, stert en ore word apart gebrei en agterna aangewerk. WENKE n Brei die mus en serp in enige kleure van jou keuse as jy dit…

Vir alle navrae navrae@xword.co.za of 082 346 3431 Besoek www.xword.co.za WEN R1 000! Voltooi die blokraai en gebruik die omkringde letters om die versteekte woord of naam te ontsyfer. Leidraad:Jakob het hierdie seun van hom nie saam met sy ouer broers Egipte toe gestuur nie SMS jou antwoord, voorletters, van en dorp/stad voor of op 15 November 2017 na 48410. SMS’e kos R1,50 en is net vir mense in SA. Geld sal vir foutiewe antwoorde gehef word en gratis SMS’e geld nie.…