Innholdsfortegnelse for 20-oct-17 i Vrouekeur

Op bl 28 soek JB Roux antwoorde op die vraag: Hoekom het sommige mense selfvertroue (soms te veel) en ander nie? Hy vra voorts: Kan ’n mens jou kind leer om selfvertroue te hê? En is selfvertroue die sleutel tot sukses? Die woorde “selfvertroue” en “sukses” word te dikwels eendimensioneel verstaan. Die HAT verduidelik “selfvertroue” onder meer as: vertroue in eie waarde/bekwaamheid en “sukses” as: vervulling van wat jy wou bereik/regkry. Dis nou net hier waar die probleem vir my lê: Buiten die woord selfvertroue is daar woorde soos selfversekerd, selfbeeld, en dan een wat jy nie in die HAT kry nie, maar wat vir my die teenoorgestelde van minderwaardig is, is die woord selfwaarde. Om selfwaarde te hê, is uiters belangrik. Jy moet van jouself hou, liefhê, in jouself…

STEAK-EN-NIERTJIE-PASTEI 4 porsies 8 skaapniertjies 500 g blokkies beesvleis, sonder bene sout en peper 60 ml (¼ k) koekmeel 30 ml (2 e) olie 1 ui, gekap 500 ml (2 k) beesvleisaftreksel 60 ml (¼ k) suurlemoensap 2 lourierblare 2 naeltjies 5 ml (1 t) fyn koljander 400 g (1 rol) skilferkorsdeeg Stel oond op 200 °C. 1 Sny niertjies horisontaal en verwyder wit membraan. Sny in kleiner stukkies op. 2 Voeg sout en peper by meel en rol vleis daarin. 3 Verhit olie en braai vleis in sarsies tot bruin. Skep uit en hou eenkant. 4 Braai ui tot sag. Gooi vleis terug in kastrol. 5 Gooi aftreksel, suurlemoensap en geurmiddels by en laat kook tot vleis sag is. 6 Skep uit in oondbak en bedek met deeg. Smeer…

ROLPRENTE GEOSTORM Met Gerard Butler en Zazie Beetz Regisseur Dean Devlin WETENSKAPSFIKSIE Sodra jy agterkom dat die klimaatkoördineerder ’n pa is wat lomp foute maak en met wie almal in tye van katastrofes grappe maak, weet jy sommer hoe die rolprent gaan eindig. Reusagtige spesiale effekte waar stede dawerend onder getygolwe inmekaarstort, vriesend koue temperature waar mense binne sekondes vries of hittegolwe wat alles aan die brand laat slaan, vier hoogty! Geweldooglekkergoed wat indrukwekkend in IMAXteaters sal lyk, voorspel reeds: sodra die eerste goor grappie en kwinkslae opduik, wees gerus! Die planeet gaan gered word. Wat gebeur wanneer die satelliete ineenstort wat in die fliek die aarde se weerpatrone en temperatuur beheer? Jy sien rekenaareffekte wat jou asem sal wegslaan en oseane waar tsoenami’s stede platvee terwyl die held grappe…

In ’n stil straat in Kleinmond in die Wes-Kaap woon Rene Malan Beukes en haar ma, Marie Malan. Rene se dogter, Madre Beukes, het grootgeword met dié huis as die gesin se vakansiehuis en sê dit voel soos haar tweede huis. Dis in 1977 deur Madre se oupa gebou. Oor die jare het dit van vakansiehuis, aftreehuis, gastehuis en permanente woonhuis gewissel na gelang van die gesin se behoeftes. Madre is ’n binnenshuise versierder en besit Madre Beukes Interiors. Sy gee hand met dekorvoorstelle en hoe om haar ma en ouma se familie-erfstukke mooi te vertoon. Die huis het ’n pragtige uitsig oor die see en dis juis hierdie element wat Rene laat besluit het om permanent hier te kom woon. Die huis het die afgelope 40 jaar ’n paar…

HOU DIE MAT VAS Gebruik velcro-strokies om matte wat kort-kort skuif, vas te plak. VIR ONS OKTOBER-WENNERS LAPA Uitgewers het ’n splinternuwe Dagboek sonder grense op die rak. Dis ’n jaarbeplanner propvol inspirerende projekte. Dié pragtige hardebandpublikasie bevat ’n bladsy vir elke dag van die jaar en word nie aan ’n spesifieke jaar gekoppel nie. Elke dagblad bevat plek vir afsprake, notas, inkopielyste en ’n aanhaling deur een van LAPA se skrywers. Dit pas baie mooi in ’n handsak en sal ’n oulike Kersgeskenk maak. Die boek is by toonaangewende winkels en by www.lapa.co.za beskikbaar ANNELICIA LA MPRECHT VAN ODENDAA LSRUS HET DIÉ WENKE VIR ONS GESTUUR: ▸ Sny leë tunablikkies aan albei kante oop en bak eiers daarin. ▸ Voeg asyn by eiers as jy dit kook om te…

Deur XWord Vir alle navrae navrae@xword.co.za of 082 346 3431 Besoek www.xword.co.za WEN R1 000! Voltooi die blokraai en gebruik die omkringde letters om die versteekte woord of naam te ontsyfer. Leidraad: Liewer ’n droë stukkie hiervan met vrede daarby as ’n huis vol kos met ’n getwis daarby SMS jou antwoord, voorletters, van en dorp/stad voor of op 8 November 2017 na 48410. SMS’e kos R1,50 en is net vir mense in SA. Geld sal vir foutiewe antwoorde gehef word en gratis SMS’e geld nie.…

BRIEF van die WEEk HALLO NUWE TUIN! Ek wil net baie dankie sê vir die waardevolle artikel “Hallo aloe” in Vrouekeur van 28 Julie 2017. Met die droogte hier in ons geweste het ons gou besef dat daar afgeskaal sal moet word wat ons voortuin betref. Eers het die grasperk plek gemaak vir klippies en ná ’n gewik en geweeg het die aalwyne plek ingeneem waar fyntuin was. Ek moet sê dit was nie sonder trane nie, maar toe die eerste aalwyn blom en die jangroentjies hulle in die nektar verlustig, was dit genoeg kompensasie. Nou staan hulle rooi in die blom tussen al die dankbare Namakwa-magrietjies – ’n lus vir die oog. D Nel, Clanwilliam NOG ’N VOORBLADOPSIE Prestige Wenbriefwenners wen ’n Prestigegeskenkpak van R500. Prestige Houseware het ’n…

‘Dit was opmerklik dat die kinders wat toe reeds met die boeke bekend was, my telkens tot halt geroep en gekorrigeer het as ek sou waag om selfs net een woord verkeerd te lees of te sê. Hulle het dit werklik van begin tot einde uit hul koppe geken!’ Mense soos Martie wat die lewe in al sy kleurryke fasette kan raaksien en die magiese daaruit kan skep, is dun gesaai. Stories maak saam met haar was ’n groot avontuur Martie was van kleins af dol oor lees, nes haar pa, ma, broer en suster. “Toe ek halfpad met graad 1 was (1954), is ons gesin Nederland toe vir omtrent ’n jaar waar my pa verder gaan studeer het. Daar het ek toe Nederlandse en Engelse boeke gelees. Ek was…

CHRIS SE KEUSE Met die hitte van die somer is ’n rooiwyn wat nie te swaar en vol is nie, net reg. Daarvoor kyk ons na die Vriesenhof Grenache 2015. Grenache word wêreldwyd al hoe gewilder, hoewel die meeste wingerde in Spanje – waar dit garnacha genoem word – en die suide van Frankryk voorkom. Grenache hou van ’n warm klimaat wat in baie Nuwewêreldlande soos die VSA, Australië en Suid-Afrika gevind word. Daar word tans amper 40 grenache-wyne in Suid- Afrika geproduseer. Vriesenhof Vineyards aan die voet van die Stellenbosch-berge is die tuiste van ’n uitmuntende reeks wyne. Druiwe vir dié Grenache 2015 is afkomstig van Piekenierskloof naby Citrusdal. Ná dopkontak en vergissing vind appelmelksuurgisting in die vate plaas. Dit versag die wynsuur en maak die wyn meer afgerond.…

KAASSTOKKIES 20 stokkies 1 rol blaardeeg 125 ml (½ k) gerasperde kaas 5 ml (1 t) gerookte paprika 60 ml (¼ k) gesmelte botter sout en peper na smaak Verhit oond tot 200 °C en berei bakplaat voor. 1 Sny deeg in lengte in helfte. 2 Strooi gerasperde kaas oor eerste helfte van blaardeeg en sprinkel gerookte paprika oor kaas. 3 Sit ander helfte van blaardeeg oor kaashelfte om kaas te bedek en druk liggies vas. 4 Sny deeg in 20 ewe groot repe. 5 Draai stokkies reep vir reep en druk punte vas. Pak stokkies op bakplaat. 6 Smeer gesmelte botter oor gedraaide stokkies. 7 Strooi liggies met sout en peper. 8 Bak vir 15–20 minute tot goudbruin en gaar.…

Ons keuse vir verblyf val op Winchester Mansions in Seepunt. As ’n mens in die stad oorbly, moet jy die see kan sien en soos Kapenaars elke oggend op die promenade gaan stap, of hoe? Ons is effens oorgretig met ons Seepuntontdekking en besluit om eers gou middagete te gaan geniet voor ons om 14:00 by die hotel aanmeld. Die oulike klein restaurant 3 Wise Monkeys se Ramen-noedels is een van ons gunstelinge. Die groot vensters wat op die straat uitkyk, laat jou deel voel van die polsende Vrydagmiddag en dele van gesprekke kom by die oop vensters ingewaai. Die noedels en hoender en heerlike sop is vertroostend en vullend. Ons parkeer voor die deur van die hotel in die besige Kusweg en die portier dra ons bagasie en hou…

Johan van Heerden se kunstalent loop wyd. Hy kon as ’t ware enige rigting inslaan en sukses behaal – die verhoog was ’n opsie, ’n sangloopbaan was ’n moontlikheid en as visuele kunstenaar het hy in beeldhou, skilder, grafiese sowel as juweliersontwerp uitgeblink. Maar dit was as beeldhouer wat hy naam gemaak het. Tot dié mate dat daar al na hom as die vader van niefiguratiewe beeldhouwerk in Suid-Afrika verwys is. Toe Van Heerden in 1952 oorsee is om in Parys (waar anders!) te gaan studeer, was dit nog met die oog daarop om sy vaardigheid as skilder te verfyn. Toe Van Heerden op 22 vanaf Bloemfontein in Parys aankom, kon hy homself help met sy basiese Frans in die groot stad waar hy mettertyd talle mede-Suid- Afrikaners teëgekom het:…

Wat doen die moeder van ’n pasgebore kind as ’n engel haar die opdrag gee om haar kind dood te maak? Isabella word presies met hierdie probleem gekonfronteer. In die klein, afgeleë myndorp waar sy en haar man, Gideon, hulle kort ná hul troue vestig, begin sy kort ná die geboorte van haar kind stemme hoor. Sy besef dat dit ’n engel se duidelike en dringende stem is. ’n Tragedie word danksy ’n oplettende huishulp afgeweer, maar die gevolge van die wantroue wat ontstaan – tussen Isabella en Gideon, maar ook by Isabella self, bly vir nog baie jare bepalend vir al die betrokkenes. Mariël le Roux het geen bekendstelling nodig nie. Haar tweede roman, Die naamlose (2010), het die tweede prys in die Sanlam se Groot Romanwedstryd gekry. Haar…

“Mahaaaa! Kom kyk hier op my laptop,” roep hy. Lena se gedagtes stol elke keer as sy die stem hoor. Sy is nog nie gewoond aan die werklikheid nie. Sy besef vaagweg weer dit is nie hý nie, maar haar seun. “Ek kom nou, Flip,” antwoord Lena afgetrokke. “Ma, dink net asseblief aan iets anders as aan die dokumente.” Flip staan nou langs sy ma. “En wat is vir aandete?” vra hy nors. Voor sy kan antwoord, storm hy terug na sy kamer toe. Sy besef uit bittere ervaring dit gaan doelloos wees om sonder konsentrasie met die boedel se dokumente aan te gaan. Die lys van bates en laste is darem klaar. Haar gedagtes skuif sy eers eenkant toe saam met die oorspronklike doodsertifikaat. Die kos moet op die…

Die moeilikheidsgraad van die patrone en tegnieke wat gebruik word, wissel, so die boek is ideaal vir beginners asook vir brei-entoesiaste met meer gevorderde vaardighede. Projekte wissel van skattige babamussies en -truitjies tot truie, serpe en musse vir kinders en mans. Troeteldierliefhebbers sal mal wees oor die hoofstuk met patrone vir hondejassies, ’n drasak, katbedjie en -speelgoed. Die boek bevat ook ’n lys van breiafkortings in Afrikaans en Engels. Die boek is by toonaangewende boekwinkels beskikbaar sowel as by www.lapa.co.za…

Ds Janine Bevolo-Manders is verbonde aan die Nederduitsch Hervormde Kerk Witfontein in Pretoria-Noord en is al 20+ jaar ’n predikant Onnadenkend sê ons as ouers vir ons kinders goed wat nie waar is nie, en soos Pinocchio groei ons neuse sonder dat ons dit besef. Leuen nommer 1: Jy kan enigiets wees wat jy wil. Regtig? Kan jy ’n vis leer vlieg of ’n voël leer swem? Kan ’n akker ’n roosboom word of ’n luiperd sy vlekke verander? (Jer 13:23) Natuurlik nie. Die Here het ons almal uniek gemaak. Ek kan soveel probeer as ek wil, maar daar is sekere goed wat ek net nie sou kon doen nie, want behalwe ’n droom en ’n begeerte verg sekere goed darem ook talent. Daarom moet ons realisties wees. Sou Beethoven…

DOGTER NIE EERLIK OOR HAAR DWELMM ISBRUIK Ons dogter (15) is by dwelms betrokke. Sy sien ’n psigiater en ’n sielkundige wat ons vermoed sy om haar pinkie draai. Die terugvoering wat sy vir ons gee, is dat hulle albei baie tevrede met haar vordering is. Ongelukkig weet ons dat sy steeds dwelms gebruik, maar hulle weet dit waarskynlik nie. Mag ons vir hulle daarvan vertel of nie? – Omgee-ouers Vir ons as sielkundiges is dit nie vreemd om met mense te werk wat nie die ware gebruik van dwelms erken nie. As julle vermoed dat hierdie kundiges nie behoorlik ingelig is nie, kan julle haar versoek om absoluut eerlik met hulle te wees en onderneem om jul bekommernis op skrif aan hierdie professionele mense deur te gee. Wees egter…

Die Van Tonders van Orkney Snork Nie is terug. In die nuwe sitkom Ouboet en Wors, wat tans op kykNET is, het Ouboet (Frank Opperman) en sy Yolanda (Sally Campher) hul tuisdorp verlaat om ’n nuwe lewe aan die buitewyke van Johannesburg te begin. Hul vriende Wors Visagie (Willie Esterhuizen) en sy vrou, Molly (Lizz Meiring), hou dié twee in toom. Frank en Sally vertel van die ervaring om ná soveel jaar weer hul karakters te laat herleef FRANK OPPERMAN Wat was jou reaksie toe jy hoor Willie Esterhuizen beplan om Ouboet en Wors te vervaardig? Ek het nog altyd in my agterkop gehoop ons sal weer iets met dié karakters doen, maar dit was steeds ’n lekker verrassing toe dit gebeur! Waarom dink jy is Willie se reekse altyd…

Soms loop die lewe vreemde draaie met ’n mens. Die lekkerste is wanneer dié draaie op iets moois uitloop. In my geval, ja, hierdie is inderdaad my eie verhaal, het dit 33 jaar geneem voordat ek met my suster, Antoinette Bezuidenhout, herenig is! Net soos met George Meyer en Mienie Buys wat mekaar toevallig ook ná 33 jaar opgespoor het. YOLANDA VERTEL My ma en biologiese pa is geskei toe ek ’n baba was. My biologiese pa het ’n dogter uit sy eerste huwelik wat agt jaar ouer as ek is. Alhoewel ek haar kleintyd soms gesien het, was sy ’n vae herinnering omdat ek nog so klein was. My ma is ’n paar jaar later weer getroud en haar man het my wettiglik aangeneem, dié dat my nooiensvan toe…

NAME IS BITTER BELANGRIK – IN DIE LETTERKUNDE MOONTLIK SELFS MEER AS IN DIE LEWE Wat is in ’n naam? het Shakespeare eeue gelede al gevra. A rose by any other name ... En tog, stel jou voor die befaamde Romeo and Juliet het sê nou maar Ronald and Janet geheet. (Net om darem die eerste letters dieselfde te hou.) Dan sou enige amoreuse jong man deesdae dalk ‘’n regte Ronald’ genoem word. En dit het net nie dieselfde allure as ’n regte Romeo nie, nè? Nee, name is bitter belangrik – in die letterkunde moontlik selfs meer as in die lewe. Dink maar aan al die beroemde buitelandse romans met die hoofkarakter se naam in die titel. Die Russiese Anna Karenina, die Spaanse Don Quixote, die Franse Madame Bovary,…

Mooi stemme én goeie stemme is skaars. MoniQue Steyn het haarself reeds bewys. Ontmoet nou ook die nuweling Devon Jay Scott. Albei se albums is musikale prag en kerwe bó die alledaagse middelmatige verhewe. MONIQUE STEYN SE VOKALE MOSAÏEK ’n Sangeres wat reg laat geskied aan Caravans en, veral, The Prayer (in skitterduet met Ruhan du Toit van Touch of Class) kán en mág sing! En dan vertolk MoniQue Steyn boonop Mynie Grové se tydlose treffer Sweef soos ’n arend (’n treffende snaarverwerking) met sonderlinge waardigheid en musikale respek vir die melodie en liriek. MoniQue is onaanvegbaar een van die knapste sangeresse in die land. Haar album Ek val vir jou het goue status behaal, en as ’n voormalige lid van die popgroep 4Werke het sy haar veelsydigheid in verskeie…

BENODIGDHEDE Potloodrompie in rekstof Vinnis Colours Nikkim 100% katoen DK (50 g)-balle: 1 bal elk in Pink, Blue-Red, Plum, Kingfisher, Lime en Cloud Blue. 3 mm-hekelpen Skerppuntnaald met groot oog AFKORTINGS beg = begin; dies = dieselfde; gp = groep; gs = glipsteek; h/af = heg af; herh = herhaal; hlb = halflangbeen; kb = kortbeen; ks = kettingsteek; lb = langbeen; ls = lus; rdte = rondte; sp = spasie; st = steek; vlg = volgende AANWYSINGS Met Cloud Blue en naald, werk komberssteke al om die soomrand van die romp. WENK: Meet die omtrek van die romp en deel dit in eweredige spasies. Ek het op ongeveer 1 cm-spasies gewerk. Probeer om dit nie groter te maak nie. 1ste rdte: met 3 mm-pen en Cloud Blue, heg aan…

Deur XWord.co.za Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 10 woorde, goed 14 woorde, baie goed 23 woorde of meer, uitstekend OPLOSSING: Karnivoor, korona, vanoor, voorin, ikoon, invra, iroon, kroon, norra, vrank, ikon, ioon, iron, kano, kina, knor, nooi, nova, rani, rank, ronk, vink, vonk. Woordsoek 30 Ou Testamentiese Bybelboeke is hier weggesteek. Hulle kan horisontaal, diagonaal vertikaal, onderstebo of agterstevoor gelees…

Deur XWord Vir alle navrae navrae@xword.co.za of 082 346 3431 Besoek www.xword.co.za WEN R1 000! Voltooi die blokraai en gebruik die omkringde letters om die versteekte woord of naam te ontsyfer. Leidraad: Ontsyfer die letters in die sirkels om ’n woord te kry vir die tydperk voor die praat van die kind SMS jou antwoord, voorletters, van en dorp/stad voor of op 8 November 2017 na 48410. SMS’e kos R1,50 en is net vir mense in SA. Geld sal vir foutiewe SMS’e gehef word en gratis SMS’e geld nie.…

Kom saam na Indië en beleef dié kleurryke, interessante land in al sy glorie. Jy kan onder meer uitsien na die Taj Mahal, Jaipur en sy fort, ’n riksjarit deur Ou Delhi se mark, die suide van Indië met Kochie en die Backwaters van Kerala. Heerlike kos en fantastiese inkopies wag! WAT KOS DIT? Die landreëlings van die toer kos 2 335* dollar en 520* dollar vir binnelandse vlugte in Indië per persoon wat deel (bereken op ’n minimum van 15 toerlede), met ’n bykomende tarief van 1 085 dollar* vir ’n enkelkamer, plus ’n vliegkaartjie van R6 290* per persoon. INGESLUIT ▪ Retoervliegkaartjies in ekonomiese klas ▪ Binnelandse vlugte in Indië in ekonomiese klas ▪ Verblyf in luukse hotelle ▪ Twee etes per dag, middagete uitgesluit ▪ Luukse busvervoer…