Innholdsfortegnelse for 13-oct-17 i Vrouekeur

Hoekom is daar mense wat beter in die lewe cope as ander? Dis ’n vraag waaroor ek onlangs gaan nadink het en ek het tot die slotsom gekom dat die woorde “sterk” en “swak” niks daarmee te make het nie. Dit het met fiks en onfiks te make. As jong kind het ek met verstomming gekyk hoe moeiteloos grootmense se hande en voete die ratte en pedale in ’n kar beheer. Dit het vir my bykans onmoontlik gelyk om dit te kan doen – trouens, ek het my ma en een van haar vriendinne eendag gevra hoe kry hulle dit reg en die antwoord dat jy nie eens meer daaroor dink nie, was vir my onverstaanbaar. Nou verstaan ek dit uiteraard, want ek bestuur reeds 39 jaar en dit is…

Die redes waarom mense besluit om ’n tatoe te kry, is legio. Dit kan wees dat jy ’n keerpunt in jou lewe wil onthou, ’n spesiale verhouding wil vier, of jou betrokkenheid by ’n spesifieke groep of bende wil uitbeeld. Maar getatoeëerdes stem oor een ding saam: anders as ander kuns, is daar iets verslawends daaraan om ’n tatoe te kry. “Ons lag altyd as ’n nuwe kliënt inkom en sê dit is haar eerste en laaste tatoe wat sy wil kry, want ons weet: As jy eers een het, wil jy terugkom vir meer,” sê Nina Wu Rademeyer, eienaar van Zen Inktatoeëerstudio in Boksburg, Johannesburg. Sean Perrins, eienaar van Black Lodgetatoeëerstudio in Northcliff, Johannesburg, sê soos oefening vir sommige mense verslawend is, is tatoes chemies verslawend. Die vloei van…

KNOFFEL-ROOSMARYN-EN-BOTTERBOON-PATEE 4 porsies WENK Jy kan die resep soos kapokaartappels saam met ’n vleisdis of saam met koekies en kaas bedien bietjie olie 1 klein ui, gekap 5 ml (1 t) fyn knoffel 1 takkie roosmaryn 1 takkie tiemie knypie neutmuskaat 4 88 g (2 blikkies) botterbone olyfolie vir bo-op 1 Verhit olie en braai ui tot sag. 2 Voeg knoffel, roosmaryn, tiemie en neutmuskaat by en braai om geure vry te stel. 3 Voeg bone by en roer deur. 4 Maak mengsel met aartappeldrukker of in voedselverwerker fyn. Geur met sout en peper. DRIEBONESLAAI 4 porsies WENK Vir meer kleur blansjeer ’n pakkie vars groenbone, sny dit in stukkies en meng dit by 8 20 g (2 blikkies) botterbone, gedreineer 4 10 g (1 blikkie) rooibone, gedreineer 8 20…

ROLPRENTE THE LAST WORD Met Shirley MacLaine en Amanda Seyfried Regisseur Mark Pellington DRAMA As Shirley MacLaine in ’n rolprent speel, kan jy maar seker wees dat jy daarvan sal hou. Hoewel hierdie drama nog nie aan resensente vertoon is nie, belowe die opsomming dat mej MacLaine weer lekker bitsige kwinkslae gaan kwytraak wat eintlik gaan drup van die suur, terwyl Amanda Seyfried, die stroopsoet aktrise van gelukkige, vrolike flieks soos Letters to Juliet ’n goeie en sterk teenpool vir haar gaan vorm. Hoeveel vonk tussen die twee vroue is, sal net die tyd ons leer. MacLaine speel die rol van ’n stoere sakevrou wat geen onbekwaamheid duld nie. Sy besluit dan om haar eie grafskrif en huldeblyk te skryf, maar ’n jong joernalissie hoor hiervan. Sy stel ondersoek in…

Granny B’s old Fashioned Paint se Sweet Sylvia is vanaf 1 Oktober 2017 beskikbaar en is spesiaal ontwikkel as deel van Kansa se bewusmakingsprogram in Oktober. 5% van die verkope van dié kleur verf word aan Kansa geskenk. Dié laaikas van dennehout was al verskeie kleure en die blou-engeel- kombinasie het ook nou ’n vervaldatum bereik. Ons het besluit om Granny B’s Old Fashioned Paint se splinternuwe kleur, Sweet Sylvia, op die proef te stel. VOORBEREIDING Gebruik spiritus en ’n kombuisopwassponsie se growwe kant om die kassie en laaie skoon te maak sodat die vuil en vetkolle afkom. Vee die kassie daarna goed skoon met ’n nat lap. Haal die handvatsels af, stop die skroefgate met houtvuller en skuur die oppervlak glad wanneer dit droog is (dit word baie gou…

Juffrou Botha het in die laerskool tydens “boekopvoeding” vir ons geleer om nooit bladsyhoeke om te vou nie. As juffrou Botha vandag nog leef, sal sy baie teleurgesteld na my boekrakke kyk, want ek het die gewoonte om bladsyhoeke om te vou en om dele met pen te onderstreep. Hierdie slegte gewoonte help my egter om later weer die plekke te kry waar die skrywer se woordvaardigheid my opgeval het, waar idees my tot nadenke gestem het of waar ek op ’n manier geroer is. Met Dana Snyman se “reisjoernaal”, Op pad, het hierdie vertroude leesgewoontes my egter absoluut niks gehelp nie. Sommer nog net so entjie die boek in kom ek al agter dat ek byna elke bladsyhoek omvou – soms is die boonste hoek na die een kant…

Dis lieflik en het boonop ’n lang blomseisoen. Is daar enige rede waarom rose nie in ’n somertuin moet pronk nie? Daar is seker bitter min tuiniers wat rose kan weerstaan, want hulle is immers die sterre in ’n somertuin en met net ’n tikkie aandag en versorging, sal hulle jou vir maande met kleurryke blomme beloon. Rose moet verkieslik iewers in ’n tuin wees waar hulle minstens ses uur se volle son per dag kan geniet. Te veel skadu sal die aantal blomme verminder en die blare sal sag en ontvanklik vir swamsiektes word. Die bekende rooskweker Ludwig Taschner sê rose is “waterholiste”. “Hoe meer water hulle op wortelvlak kry, hoe meer groei kan jy verwag. Hoewel die grondtoestand en die aanvanklike grondvoorbereiding in elke tuin kan verskil.” Sanderige…

WANKELENDE HUWELIK Ek en my man (in ons sestigerjare) is 14 jaar getroud. Hy glo hy is in die huwelik ingeboelie, hoewel hy my ná tien maande se verlowing gevra het om te trou. Sedert ons huwelik het die liefdevolle man in ’n onaangename mens verander. Hy is beterweterig, sarkasties, afkrakerig en verbaal mishandelend teenoor my, veral voor ander. As gevolg van finansiële redes moes ons na ’n bitter klein plekkie verhuis. Hy verdien ’n karige inkomste en al wil ek graag ook ’n inkomste verdien, is die moontlikhede op ’n klein dorpie sleg. Ons het sonder sukses voorheen ’n berader gesien. Afgesien van my seun (wat die waarheid weet) dink ander ons huwelik is goed. Soms voel dit vir my of hy nie wil werk nie aangesien hy meer…

Deur XWord.co.za Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 10 woorde, goed 14 woorde, baie goed 21 woorde of meer, uitstekend OPLOSSING: Kameelvel, keelvel, melkvee, kameel, veelek, kalme, kamee, kemel, makel, elke, kalm, keel, kela, klam, klee, klem, leek, melk, valk, vlak, vlek. Koderaai Elke syfer verteenwoordig ‘n letter van die alfabet. Om mee weg te spring, is 3 (drie) letters klaar…

BRIEF VAN DIE WEEK GEJAAG VAN DIE LEWE Lanklaas het ek so met iets saamgestem soos met die redakteursbrief van 18 Augustus 2017, "Van Vrydag tot Vrydag". Dit is ’n pynlike waarheid en ek is saam in daardie bootjie, teen my wil. Die strome van die gejaag sleur my mee, soms is ek met jubelende passie bo-op die golf en soms snak ek na asem, daar diep naby die bodem. Vir my raak die gejaag so na die einde van die jaar se kant toe al hoe erger. Die tien dae se verlof aan die begin van die jaar lê lankal vergete. Ons beplan al weer die volgende tien dae wat in ’n oogwink verby sal wees. Ek soek na ’n antwoord op die gejaag, maar ons kyk nou deur…

Lyding het ’n halfeeu gelede as kind reeds ’n onuitwisbare uitwerking op hom gehad toe ’n ou skoolkys se ma aan kanker oorlede is. Hoekom kon die arme vrou nie waardig sterf nie? het hy toe al gewonder. Hy het gevoel dat niemand so behoort te ly nie. Maar prof Willem Landman se uitgesprokenheid en standpunt oor dié omstrede en emosionele aangeleentheid het hom al dikwels in die spervuur laat beland. Onlangs weer was daar ’n paar naelbytoomblikke toe berig is dat daar selfs sprake was dat hy strafregtelik aangekla sou kon word omdat hy vir die bekende skrywer Karel Schoeman raad oor selfdood gegee het. Dit is darem later reggestel en hy is om verskoning gevra. In ’n openhartige onderhoud met Vrouekeur vertel hy hoe hy hierdie moeilike tydperk…

PETIT FOURS 40 klein koekies 175 ml (170 g) botter (210 ml) 200 g strooisuiker 170 ml suurroom 2,5 ml (½ t) amandelgeursel 1,25 ml (¼ t) vanieljegeursel 2 eiers 170 g koekmeel 35 g amandelmeel 2,5 ml (½ t) bakpoeier 2,5 ml (½ t) koeksoda 2,5 ml (½ t) sout 60 ml (¼ k) fyn appelkooskonfyt 150 g marsepein GLANSVERSIERSEL 9 k (945 g) gesifte versiersuiker 125 ml (½ k) vloeibare glukose 180 ml (¾ k) water 5 ml (1 t) amandelgeursel poeierkleursel koninklike versiersel Voorverhit oond tot 180 °C en berei ’n 25 cm-koekpan voor. 1 Room botter en strooisuiker tot lig. Voeg suurroom, geursels en eiers by en klop tot liggeel. 2 Sif koekmeel, amandelmeel, bakpoeier, koeksoda en sout by en meng tot glad. 3 Gooi in…

VIR ONS OKTOBER-WENNERS LAPA Uitgewers het ’n splinternuwe Dagboek sonder grense op die rak. Dis ’n jaarbeplanner propvol inspirerende projekte. Dié pragtige hardebandpublikasie bevat ’n bladsy vir elke dag van die jaar en word nie aan ’n spesifieke jaar gekoppel nie. Elke dagblad bevat plek vir afsprake, notas, inkopielyste en ’n aanhaling deur een van LAPA se skrywers. Dit pas baie mooi in ’n handsak en sal ’n oulike Kersgeskenk maak. Die boek is by toonaangewende winkels en by www.lapa.co.za beskikbaar MAGDA VAN RENSBURG HET VIR ONS DIÉ WENKE GESTUUR: ▸ Om te voorkom dat ’n avokadopeer bruin word nadat dit gesny is, spoel dit onder koue water af. Jy kan ook die ander helfte met pit in met koue water afspoel en dit só in die yskas bêre. ▸…

International Klein Blue (IKB) is ’n diep skakering van blou, ’n kleur met ’n sterk ultramariene-basis en die kleur wat sonder meer verbind word met Yves Klein, die Franse skilder wat in die 1950’s sy stempel afgedruk het. Dit was dié kleur met sy trekke van lapis lazuli wat in Middeleeuse kuns vir die gewaad van die heilige maagd gebruik is. Abstraksie, wat in die jare vyftig in Frankryk hoogty gevier het, het op die veronderstelling berus dat die kunstenaar deur middel van die krag van abstraksie met die kyker kommunikeer. Dit was egter ook die jare waarin kritici aangevoer het die kyker moet soveel harder as die kunstenaar werk om die boodskap wat gekommunikeer word, te snap. Klein (1928–1966) se skilderye in blou was sonder iets om te snap,…

Dood en die gepaardgaande afskeid, hartseer en verdriet is nie maklik nie. Jy moet die aanvanklike skok verwerk, maar uit daardie aanvaarding spruit dikwels selfondersoek en vernuwing. “My pa het vir reg, geregtigheid en deernis gestaan. Sy werksetiek en toewyding was legendaries. Hy het ons as familie tot die einde versorg en ons ’n groot eer aangedoen. Sy liefde vir my ma – hul liefde vir mekaar – is onvergeetlik. Hy het my geleer dat my beste goed genoeg is en dat niks ons ooit van die liefde van God sal kan skei nie. My pa is my kampioen,” sê Anneli van Rooyen (56), oor haar pa, Rit (Retief) van Rooyen, wat vroeër vanjaar op 86 sy stryd teen pankreaskanker verloor het. Sy sê hoewel hy broos was, was die…

Ek dink my suksesvolste verhouding die afgelope paar jaar is met my nutsman. Hy sê nooit vir my ek kla te veel of het onredelike verwagtinge nie. Ons vul mekaar aan en waardeer mekaar Twintig lange jare bewandel sy die aarde, trotseer alleen die aanslae van die lewe terwyl sy hunkerend bly wonder of sy bestem is om vir altyd op haar eie te wees. Nee, dis nie die dramatiese inleiding tot ’n insetsel op Discovery oor Bengaalse tiere of pigmeë in die Amasone nie, dis die eerste sin in my outobiografie getiteld Amper oud en nooit weer getroud. Toemaar, ek grap net, ek het geen planne om enigiemand aan ’n gefrustreerde middeljarige vrou se onsuksesvolle soektog na ’n Hugh Jackman gekloon met Lewis Pugh se avontuurlus en Trevor Noah…

Deur XWord Vir alle navrae navrae@xword.co.za of 082 346 3431 Besoek www.xword.co.za WEN R1 000! Voltooi die blokraai en gebruik die omkringde letters om die versteekte woord of naam te ontsyfer. Leidraad: As julle maar geloof het so groot soos dié pitjie, sal niks vir julle onmoontlik wees nie SMS jou antwoord, voorletters, van en dorp/stad voor of op 1 November 2017 na 48410. SMS’e kos R1,50 en is net vir mense in SA. Geld sal vir foutiewe antwoorde gehef word en gratis SMS’e geld nie.…

Deur XWord Vir alle navrae navrae@xword.co.za of 082 346 3431 Besoek www.xword.co.za WEN R1 000! Voltooi die blokraai en gebruik die omkringde letters om die versteekte woord of naam te ontsyfer. Leidraad: Ontsyfer die letters in die sirkels om ’n woord te kry vir bederf of onbruikbaar maak SMS jou antwoord, voorletters, van en dorp/stad voor of op 1 November 2017 na 48410. SMS’e kos R1,50 en is net vir mense in SA. Geld sal vir foutiewe SMS’e gehef word en gratis SMS’e geld nie.…

Die moeilikheidsgraad van die patrone en tegnieke wat gebruik word, wissel, so die boek is ideaal vir beginners asook vir brei-entoesiaste met meer gevorderde vaardighede. Projekte wissel van skattige babamussies en -truitjies tot truie, serpe en musse vir kinders en mans. Troeteldierliefhebbers sal mal wees oor die hoofstuk met patrone vir hondejassies, ’n drasak, katbedjie en -speelgoed. Die boek bevat ook ’n lys van breiafkortings in Afrikaans en Engels. Die boek is by toonaangewende boekwinkels beskikbaar sowel as by www.lapa.co.za…

Dit het fyn beplanning gekos om Milan vir ’n gesels vas te pen, want haar dagboek bars uit sy nate. Ons het toe darem tydens die Silwerskermfees kans gekry om te gesels waar Milan in verskeie flieks, waaronder die kort-kort-fliek Venster te siene was. Die kort-kort-fliek was ’n nuwe kategorie by die fees. Soos die kortverhaal lank half die stiefsussie van literatuur was, het die kortfliek nie veel aftrek gekry nie, maar dit het verander. Daar is nou talle feeste regoor die wêreld wat slegs daarop fokus. “In Venster speel ek die ma van ’n agtjarige dogtertjie. Dit gaan oor die ervaring van verlies deur die oë van ’n kind,” sê Milan, wat bevestig dat dit beslis tot haar voordeel was dat sy self ’n ma is. “’n Ma verstaan…

RESTAURANTETE BY DIE HUIS Col’Cacchio’s-restaurant is bekend vir onder meer hul heerlike pizzas, pastas en slaaie. Nou kan jy hierdie lekkertes sommer by jou huis geniet. By die V&A Waterfront in Kaapstad se winkel kan jy produkte soos rou pasta, souse, olyfolie en meer aanskaf om self te gaan maak. Of as jy haastig is, is die Grab & Go net vir jou en jy kan van slaaie, wraps en croissants, tot warm en koue drankies kies om sommer dadelik aan weg te lê. www.colcacchio.co.za DIE PERFEKTE MAAT Perfekte pasmaats soos ’n warmbrak met mosterd sal altyd ’n gunsteling bly. Of probeer ’n bietjie mosterd saam met varkworsies en kapokaartappels. Die kombinasies wat saam met mosterd werk, is eindeloos. ALL GOLD-mosterd in ’n uitdrukbottel keer boonop dat jy mors. Beskikbaar…

Min & Lance, Mynie & Jan, Francois & Lucille, Manuel & Janita, Phillip & Ella, Francois & Elizabeth, Randall & Koba, Wynand & Chereé, Jay & Lianie, Kaleidoskoop, Heuning, Twee ... Dit is maar net ’n paar van die sangpare wat Suid-Afrikaanse musiekliefhebbers die afgelope vyf dekades vermaak het. Hier is nog mense wie se stemme harmoniseer ... ONVERGEETLIK Jannie Moolman en Corlea Botha beskik oor van die beste stemme in die land. Hul solowerk is briljant. Saam skep hulle vokale betowering. Hulle het eintlik al 22 jaar terug ontmoet: Jannie het die hoofrol in die opera La Bohème vertolk en Corlea, toe nog net nege jaar oud, was deel van die koor. Sedertdien het Corlea in ’n professionele sangeres met ’n fluweelstem ontwikkel; puik genoeg om langs Jannie se…

Op die stuurwiel tik Francisca haar rooigeverfde vingernaels op die ritme van Taylor Swift se Wildest Dreams, haar lippe mimiek die woorde. Vreemd hoe hierdie lied elke keer soveel herinneringe kan oproep. Nie net omdat sy hoop dat die vreemdeling haar in sy wildste drome sien nie, maar ook as gevolg van die stelling wat die sangeres maak dat niks vir ewig hou nie. Sy blaas haar asem stadig uit en fokus eerder op die pad voor haar. Sy is dankbaar vir haar Jackie O-sonbrille wat die skerp laatmiddag-Karoo-son uit haar oë hou terwyl sy die bakens langs die pad soek. Haar GPS het haar net voor die grondpad in die steek gelaat en sy is oneindig verlig toe sy uiteindelik die plaas se naambordjie sien: Laaste Rus. Siestog, dink…

Ds Janine Bevolo-Manders is verbonde aan die Nederduitsch Hervormde Kerk Witfontein in Pretoria-Noord en is al 20+ jaar ’n predikant Die volgende idees het ek aangepas uit ’n verrykende boek deur dr Chuck Borsellino, outeur van Pinocchio Parenting. Die krediet vir hierdie artikel gaan aan hom vir sy goeie insigte. In Engels sê kinders: “Liar, liar, pants on fire”, wanneer hulle iemand as ’n leuenaar wil uitkryt. Hierdie spreekwoord kan egter aangepas word en op ons as ouers van toepassing gemaak word deur die volgende: “Liar, liar, parents on fire.” Dadelik dink jy dalk: Maar ek jok nie vir my kinders nie! Regtig? Klink dié nie bekend nie? “Jou vissie het saam met sy maatjies in die hemel gaan bly. As jy weer jou gesig so trek, gaan hy vir…