Innholdsfortegnelse for 06-oct-17 i Vrouekeur

Integriteit is ’n eienskap wat ek deesdae al minder rondom my sien – dit wemel van die “ekke” en “solank ek nie uitgevang word nie”. So lees ek op ’n webwerf kenmerke van mense met integriteit raak en omdat integriteit vir my die belangrikste eienskap van menswees is, het ek gaan dink oor wat ek as die kenmerke van integriteit beskou. Mense met integriteit ... 1 ... is eerlik. 2... is nederig, maar nie ruggraatloos nie. 3... het empatie met mense. 4... misbruik nie hul mag of ander mense nie. 5... gee erkenning aan mense. 6... ploeg nie met ’n ander se kalwers nie. 7... weet hulle het nie al die antwoorde nie en daar is nie net een antwoord nie. 8... kan hulself in ander se posisie probeer plaas.…

Daar is hope prettige oomblikke in Vet feetjies vlieg nie, soos waar die arme Lucy in ’n toppie verstrengel raak. “Ek het aan eie lyf en ledemaat ervaring van kledingstukke wat probeer om jou te versmoor! Daarom is die toneeltjie van die toppie redelik lewensgetrou. ’n Aanpaskamer in ’n winkel is ’n martelkamer waar jou vernedering, wanneer jy in ’n worsteling tot die dood toe met ’n stuk lap betrokke raak, uit alle hoeke weerspieël word, sodat dit vir ewig in jou onderbewuste vasgelê word om jou nederig te hou. En daar is altyd toeskouers,” vertel Kristel. Sy sê tussen die pret en liefde deur dra Feetjies ’n boodskap oor, soos dat oorgewig meisies dieselfde behoeftes en drange en begeertes as hul maerder susters het en óók op liefde en…

Marie Theron se loopbaan het in 1964 begin nadat sy haar as kunsonderwyser aan Pretoria se Normaal-kollege bekwaam het. Ek kom uit ’n besonder talentvolle familie – musiek- en kunsgewys.” Sy onthou hoe haar oupa “fyn werkies” geteken het. Nog ander familielede het geskilder. “Daar is deur die geslagte baie kunstiges, onder andere my dogter, Susan Bloemhof, met haar uitstekende portretwerk.” Die woord wat Marie miskien die beste opsom, is rustig. Sy raak nie maklik ontstig nie. Dis juis hierdie rustigheid van haar waarmee sy in die jare negentig kunsklasse in die Kaap aangebied het, wat ekstra betekenis aan haar kursusse gegee het. “Dit was iets waarmee die studente kon huis toe gaan,” sê sy. Hulle het gou geleer dat ’n mens nooit paniekerig raak wanneer jy skilder nie, omdat…

ROOIFLUWEELPANNEKOEK 20 pannekoeke 3 eiers 180 ml olie 30 ml (2 e) witasyn 800 ml water 700 ml (375 g) koekmeel 2,5 ml (½ t) sout 2,5 ml (½ t) koeksoda 15 ml (1 e) bakpoeier 5 ml (1 t) kakao rooi jellie-koekkleursel olie vir bak VULSEL 1 houer (230 g) roomkaas 1 suurlemoen se skil, fyngerasper 500 ml (2 k) room 60 ml (30 g) versiersuiker sjokoladeganache aarbeie 1 Klits eiers, olie, asyn en water saam. 2 Sif meel, sout, koeksoda, bakpoeier en kakao. 3 Voeg meelmengsel geleidelik by vloeistof terwyl jy voortdurend roer. 4 Kleur met koekkleursel tot bloedrooi. 5 Verhit pannekoekpan met olie gesmeer en bak oor matige hitte. 6 Vulsel Room roomkaas en suurlemoenskil. 7 Klits room en versiersuiker styf en klop roomkaas by. 8 Spuit…

Op ons agtersitplek, neffens die verkykers en voëlboeke, lê die Dictionary of Southern African Place Names deur Peter E Raper, Lucie A Möller en L Theodorus du Plessis. Dit is ons getroue reisgenoot en wanneer ons op name afkom wat ons nie ken nie, slaan ons dit na. Toe ons die R355 met die Ceres Karoo op die aanwysing sien, bestyg ons die Gydopas net buite Prince Alfred Hamlet, wat tussen die Skurweberg en Gydoberg lê. Die boek vertel Gydo is afgelei van die Khoi-woord guidaos, wat melkbospoort beteken, oor die melkbos wat daar groei. Skurweberg verwys weer letterlik na die berg se voorkoms. Dit begin direk noord van Ceres en strek tot noordwes van die Koue Bokkeveld. Koue Bokkeveld is, volgens die woordeboek, inderdaad koud en die gras begin…

Oktober is mos, volgens die digter, die mooiste, mooiste maand. Dit is altyd lekker om vriende in dié tyd vir ’n kuieraandjie oor te nooi. Gelukkig is daar nou drie CD’s met ’n verskeidenheid kunstenaars en die jongste treffers in Afrikaans daarop beskikbaar. Reël daardie partytjie. Die musiek is gereed! ALTERNATIEWE KLANK Op Vonk-Musiek se album Herleef beleef word 20 liedjies in die alternatiewe styl byeengebring. Daar is die bekende name in dié genre, soos Jan Blohm, Wouter van de Venter, Abel Kraamsaal, Bacchus Nel, Gert Koevert, Jan Rhaap, Steyn de Wet en Die Tuindwergies. Dié versameling bevat ook werk van onder andere Daniel Eeuwrick, Moses Metro Man, Groot Oom John Tenoor, Minutes of Mercy, Gladdebaard, Kwaggabees, Herman en Duskant Ombliksem. Tussen die bekender name is die duo Twee, Herman…

HANDGEMAAK EN LIEFLIK Die Sanlam Handmade Contemporary Fair word van 13 tot 15 Oktober op die dak van Hyde Park Corner, Johannesburg, gehou. Daar sal innoverende ontwerpe, besonderse produkte en heerlike kos en wyn te sien en te proe wees. R120 per persoon. Vind meer uit by www.sanlamhmc.co.za BIER OP STELLENBOSCH Die Stellenbosch Craft Beer Festival word vanjaar op 14 Oktober gehou. Jy kan boetiekbier, fantastiese musiek en kostrokke verwag. Dit word van 11:00 tot 20:00 by die Jan Maraisnatuurreservaat gehou. Kaartjiepryse wissel. Bespreek by Quicket en soek “StellenboschCraftBeer” op Facebook vir meer inligting OESTER EN SJAMPANJE ’n Oester-en-sjampanje-fees word op 14 en 15 Oktober by Hillcrest Quarry in Durbanville gehou. Daar sal heerlike oesters, sjampanje, musiek en ander lekker kos wees. Kaartjies kos R160 per persoon wat ’n sjampanjeglas…

Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 10 woorde, goed 15 woorde, baie goed 21 woorde of meer, uitstekend OPLOSSING: Jellievis, siviele, leisel, siviel, sjelei, eisel, elsie, selei, veels, vesel, visie, vlees, vleis, vlies, esel, lees, seël, seil, siel, slee, vies. Woordsoek 31 soorte bome en bosse is hier weggesteek. Hulle kan horisontaal, diagonaal vertikaal, onderstebo of agterstevoor gelees word en val…

Ds Janine Bevolo-Manders is verbonde aan die Nederduitsch Hervormde Kerk Witfontein in Pretoria-Noord en is al 20+ jaar ’n predikant In Hosea 7:16 staan daar: “Hulle het so nutteloos geword soos ’n slap boog.” Voel jy soos ’n slap boog? Jy mik vir ’n spesifieke teiken, maar mis telkens die merk. Jy skiet vir plesier, maar uiteindelik soek jy na meer en meer om jou gelukkig te maak. Jy teiken aanvaarding, maar dan tref jy groter en groter onsekerheid. Jy smag daarna om raakgesien en erken te word, maar voel op die einde jaloers en onsigbaar. Die eerste plek waarheen ’n slap boog ’n pyl kan skiet, is in die mynveld van kompetisie. Wanneer ons nie weet wie ons in Christus is nie, begin ons met ander meeding. Maar ons…

VAN GESTRES TOT ONTSPANNE Die laaste tyd voel ek soos ’n styfgetrekte rekkie. En vandag by ons vrouegroepie hoor ek ek is nie alleen nie. Party blameer die toestand op hormone, maar omdat ons net menslik is en weet waar ons krag vandaan kom, voel ons tog soms dat God ons verlaat het. Elkeen gee raad wat hulle doen as hulle blou voel en dis hoekom ek toe besluit het om met my Vrouekeur, ’n pienk melkie en ’n pakkie skyfies langs die see te gaan sit en lees. Dankie vir ’n goeie, bekostigbare tydskrif wat in elke uitgawe een of ander artikel het wat ’n impak op óf jou eie lewe óf iemand wat jy ken s’n het. Marian Nigrini-Vorster, per e-pos Ek hoop jy het sommer dadelik ontspan,…

Hy was nog altyd lief vir sing en het sowat ’n dekade gelede kleiner rolle in The Magic Flute en A Christmas Carol vertolk, maar was nogal verbaas toe hy ’n oproep van die Fugard-teater ontvang wat hom uitgenooi het om ’n oudisie vir die rol van Nick Arnstein in Funny Girl te doen. Arnstein is ’n gladdebekrokjagter en dobbelaar. “Ek het hom nogal ná aan myself vertolk, want ons het ’n paar dinge gemeen – gelukkig nie dobbel nie – maar nes Nick is ek ’n optimis wat nie bang is om kanse te waag in ’n poging om die lewe in al sy fasette te beleef nie. “Maar dit was ’n groot verantwoordelikheid om ’n rol in so ’n ikoniese produksie, wat onlangs ook op Broadway en die…

Die meeste ouers is dit eens dat om kinders te hê vir hulle die grootste gebeurtenis nog was en hul lewe totaal verander het. Daar is egter gevalle waar kinders se gedrag van so ’n aard is dat dit hul ouers se lewe in ’n nagmerrie kan omskep. Wat behels ’n kind wat buite beheer is? Volgens Rene Pfaff, ’n voorligtingsielkundige, is so ’n kind dikwels iemand wat in ’n spesifieke situasie onvanpas optree. “Ouers moet eerstens seker maak dat die situasie waarin die kind hom- of haarself bevind nie onnatuurlike gedrag vereis nie. Dit is byvoorbeeld normaal vir ’n tweejarige om net vir kort rukkies stil te sit en vir tieners om gesag te begin uitdaag. “Dan moet die situasie aangepas word deur byvoorbeeld ’n restaurant met ’n speelplek…

VIR ONS OKTOBER-WENNERS LAPA Uitgewers het ’n splinternuwe Dagboek sonder grense op die rak. Dis ’n jaarbeplanner propvol inspirerende projekte. Dié pragtige hardebandpublikasie bevat ’n bladsy vir elke dag van die jaar en word nie aan ’n spesifieke jaar gekoppel nie. Elke dagblad bevat plek vir afsprake, notas, inkopielyste en ’n aanhaling deur een van LAPA se skrywers. Dit pas baie mooi in ’n handsak en sal ’n oulike Kersgeskenk maak. Die boek is by toonaangewende winkels en by www.lapa.co.za beskikbaar LAETITIA JOUBERT VAN DIE PAARL HET ’N ALTERNATIEWE NUT GEVIND WAT SY GRAAG MET LESERS WIL DEEL. HIERDIE “TOONVERDELER” WERK FANTASTIES VIR NAAIMASJIENSPOELETJIES. “DIT PAS NETJIES HIERIN EN DIE GARE ROL NIE AF NIE!” VIR ’N VISBRAAI. As ’n mens vis braai, kan skywe suurlemoen onder of binne-in die…

VIR KAASLIEFHEBBERS Sit een van Tacoma Foods se Flagshipkase in jou trollie wanneer jy weer winkel toe gaan. Daar is fetakaas, mozzarella, Duitse emmental, Ierse cheddar, Nederlandse gouda en meer. Beskikbaar in blokke, skyfies of gerasper, vanaf ongeveer R25,99 tot R47,99 by sekere Pick n Pay-winkels. www.tacoma.co.za VIR JOU HUIS ÉN VEL SoyLites se Mini Travel Lites-kersies ruik nie net heerlik nie, maar is ook goed vir jou vel. Doop jou vinger in die warm olie wat dit vorm en smeer dié bevogtigende olie vol antioksidante en vitamien E aan jou vel. Elke 15 ml-kersie kan vir sewe uur brand en het ’n dekseltjie wat dit ideaal maak om mee te reis. Kies uit geure soos frangipani en lemongrass. Beskikbaar in ’n sespak met verskillende geure teen ongeveer R175 of…

ROLPRENTE BLADE RUNNER 2049 Met Ryan Gosling en Harrison Ford Regisseur Denis Villeneuve WETENSKAPSFIKSIE Die Blade Runner van 1982 bly een van die mees klassieke wetenskapsfiksierolprente nog. Nou het iemand dit gewaag om ’n vervolg daarop te maak. Net die feit dat die oorspronklike ster, Harrison Ford, ingestem het om weer daarin te speel, is reeds bemoedigend. ’n Blade runner is ’n soort polisieman van die toekoms wat aangestel word om robotte te identifiseer wat mense kan bedreig. Dié slag is daar ’n nuwe Blade Runner, nou in die ontwerpergedaante van Ryan Gosling, wat ’n ou geheim uit die verlede ontdek. Dit is so dramaties dat hy ’n voormalige polisieman (as jy hom so wil noem) moet opspoor om te help. Die vorige rolprent was die voorloper van vandag se…

Op 22 September is die fliek Vaselinetjie in teaters vrygestel. Die fliek is op Anoeschka von Meck se roman uit 2004 gegrond. Vaselinetjie is pas deur Tafelberg heruitgegee. Op die voorblad staan daar dat 100 000 eksemplare reeds verkoop is en dat die roman nou ook ’n rolprent is. Dit is dus duidelik dat hierdie heruitgawe beplan is om nuwe lesers na aanleiding van die fliek te lok. Die roman is destyds bekroon met die Rapport/Jan Rabie-prys, die MER-prys vir jeugliteratuuur asook met ’n M-Net-prys en ’n ATKV-Woordveertjie en is ook reeds suksesvol vir die verhoog verwerk. Die sentrale karakter, Vaselinetjie (eintlik Helena Bosman) word by haar oupa en ouma in die Noord-Kaap groot tot sy tien jaar oud is. Hulle noem haar Vaselinetjie omdat sy voortdurend vir Vaseline vra…

BEKOMMERD OOR SEUN WAT VER IS Ons seun (19) werk in Amerika vir ondervinding en om ekstra geld te maak voordat hy volgende jaar begin studeer. Hy het tot dusver ’n onaangename tyd gehad en hou nie van die werk op die plaas nie. Ons is bekommerd oor sy ongelukkigheid en weet nie of dit beter is om in te gee op sy versoek om vroeër terug te kom nie. Hy het ’n geleentheid om op ’n ander plek te werk waar een van sy vriende werk waar die omstandighede beter is. Wat staan ons te doen? – Bekommerde ma Die bekommernis van ouers oor hul kinders in ander lande is nie ongewoon nie. As hy nie mishandel word nie, sal ek voorstel dat julle hom eerder motiveer om dit…

“Om romantiese fiksie te skryf, is nie so maklik soos baie mense dink nie,” sê die skrywer Kristel Loots, “en komedie is ’n uitdaging op sy eie, maar komedie en tragedie loop hand aan hand. “Freud het na die liefde as malligheid verwys en Sokrates beskryf dit as ’n tipe kranksinnigheid: Natuurlik sal daar komiese situasies ontstaan wanneer twee siele en lywe mekaar so naarstig soek. Terwyl ek skryf, glip humor vanself by die storie in, soos ’n engel wat verdwaal het en wonderbaarlik vastrapplek kry waar dit in die verhaal se guns tel.” Vet feetjies vlieg nie is, soos Kristel se vorige romans, propvol pret, liefde en ’n paar eetlepels slimmigheid: Lucy Lombaard is vet, versot op feetjies en skaamteloos lus om deur ’n man “platgeduik” te word. Haar…

Melt Grobler (5) is ’n besige klein rakker. Die een oomblik vlieg hy op sy sussie Kayleigh (9) se pienk skopfiets by die sitkamer van sy ouerhuis in Les Marais, Pretoria, in, dan is hy weer by die kamer uit op soek na die volgende speelding. Metanoid, ’n Meccano-robot met groot geel oë en ’n paar Kung Fu-bewegings in sy arsenaal, is een van sy gunstelingspeelgoed. Melti het dié robot saam met sy pa, Melt, gebou toe hy vroeër vanjaar vir die hoeveelste keer in sy kort lewe ’n paar weke in ’n hospitaalbed moes deurbring. Want hoewel Melti, soos sy gesin hom noem, op die oog af ’n gesonde seuntjie is, het hy kanker reeds twee keer in sy lewe oorwin. Al is die kanker nou vir die tweede…

’N WYN MET ’N VERLEDE Neil Ellis het in 1990 die eerste Wyn van Oorsprong Elgin, ’n sauvignon blanc, bekendgestel. In 1994 het hy ook die eerste chardonnay van Elgin-oorsprong bekendgestel. Albei hierdie wyne is van die Whitehall-plaas se wingerde gemaak. Vandaar die naam vir die Neil Ellis Whitehall Chardonnay 2015, wat onlangs ’n goue medalje by die International Wine Challenge 2017 verower het. Dié wyn is ’n ligte goudgroen met lemmetjie- en spanspekgeure en ’n boeket van ryp sitrus. Dit is teen sowat R225 per bottel by uitsoekhandelaars te koop. www.neilellis.com CHRIS SE KEUSE 2015 is dié oesjaar vir rooiwyn wat tans in die mark beskikbaar is. Dit word as ’n buitengewoon ryk oes beskou en die wyne wat ek sover geproe het, bevestig dit. Merlot is die rooidruif…

HOENDER-PARMA 4 porsies 4 hoenderfilette sout en peper 125 ml (½ k) meel 1 eier 30 ml (2 e) melk 180 ml (¾ k) broodkrummels 4 stukke ham, soos parmaham 2 50 ml (1 k) wit cheddarkaas, gerasper 1 Sny hoenderborsies horisontaal, maar nie deur nie. Dit moet soos ’n skoenlapper lyk. Kap effe platter met vleishamer. 2 Sprinkel hoender met sout en peper. Rol in meel. Klits eier en melk en rol hoender daarin en dan in broodkrummels. 3 Braai in vlak olie tot gaar. 4 Sit hoender op bakplaat en plaas stukkie ham op elke stuk. 5 Gooi omtrent 60 ml tamatiesous oor ham en sprinkel goed met kaas. 6 Sit onder roosterelement en rooster tot bruin. MEDITERREENSE KORINGSLAAI 4 porsies 500 ml (2 k) rou koring 1L…

As ek kón, het ek kaalvoet werk toe gegaan, want die hemele hoor my, skoeisel is al my hele lewe lank my nemesis. Nou dink julle seker ek het voete soos skuite, of belaglike kleintjies. Ek het nie. Ek is ’n doodgewone nommer 6, of ’n kleinerige nommer 7. Maar normaal of te not, die skoen sit altyd aan die verkeerde voet. Op laerskool het ek kaalvoet saam met my sussies skool toe en terug geloop. Nee toemaar, nie deur die bitter koue ryp van die Koue Bokkeveld nie, maar bloot padlangs om die blok oor die sagte grassies van ons voorstedelike bestaan. Die vreugde van onderhoofdogter word, is onmiddellik gekelder toe ek met opregte skok verneem ek gaan van nou af ewe stigtelik skoolskoene moet dra. Elke dag, én…

Christo Javacheff en Jeanne- Claude Denat is op dieselfde dag gebore, 13 Junie 1935, hy in Gabrovo in Bulgarye, en sy in Casablanca in Marokko. Hulle het in 1958 in Parys ontmoet toe hy opdrag gekry het om ’n portret van haar ma te skilder. Hy was op haar suster verlief. Sy was aan ’n ander man verloof. Maar duidelik was dié twee vir mekaar bedoel en as Christo en Jeanne-Claude het hulle die wêreld se bekendste omgewingskuns- egpaar geword. Om hul kuns te beskryf, is aan die een kant nie moeilik nie. Hulle het begin deur voor die voet alles in óf papier óf lap toe te draai – eers boeke en skoene en later geboue. En toe eilande. Hul omgewingskuns was dikwels omstrede en het deurgaans aandag getrek.…

MOEILIKHEIDSGRAAD: ⋆⋆ BELANGRIK: Die sirkels pof op nadat dit aan mekaar vasgehekel is. Moenie hieroor bekommerd wees nie. Sodra die sjaal gedrapeer word, lê die sirkels mooi. Onthou om elke driehoekie eers te span voor dit aan mekaar vasgewerk word – so ook elke sirkel nadat die driehoekies vasgewerk is. BENODIGDHEDE Nurturing Fibres Eco-Cotton DK (50 g-balle): 2 balle elk Bordeaux en Aqua en 1 bal elk Sunglow, Cornflower, Sunkissed Coral, Sweet Pea, Orchid en Ruby (verkrygbaar by uitgesoekte winkels asook by www.nurturingfibres.com) 3 mm-hekelpen Naald met groot oog GROO TTE Ongeveer 150 cm x 44 cm AFKORT INGS EN STEEKVER-DUIDELIKINGS beg = begin; dies = dieselfde; gs = glipsteek; h/af = heg af; herh = herhaal; kb = kortbeen; ks = kettingsteek; lb = langbeen; rdte = rondte; sp…

Vir alle navrae navrae@xword.co.za of 082 346 3431 Besoek www.xword.co.za WEN R1 000! Voltooi die blokraai en gebruik die omkringde letters om die versteekte woord of naam te ontsyfer. Leidraad: Ontsyfer die letters in die sirkels om ’n woord te kry vir ’n deftige en stadige Spaanse dans SMS jou antwoord, voorletters, van en dorp/stad voor of op 25 Oktober 2017 na 48410. SMS’e kos R1,50 en is net vir mense in SA. Geld sal vir foutiewe SMS’e gehef word en gratis SMS’e geld nie.…

Vir alle navrae navrae@xword.co.za of 082 346 3431 Besoek www.xword.co.za WEN R1 000! Voltooi die blokraai en gebruik die omkringde letters om die versteekte woord of naam te ontsyfer. Leidraad: Sy kop is op die muntstukke waarmee die Fariseërs belasting moet betaal SMS jou antwoord, voorletters, van en dorp/stad voor of op 25 Oktober 2017 na 48410. SMS’e kos R1,50 en is net vir mense in SA. Geld sal vir foutiewe antwoorde gehef word en gratis SMS’e geld nie.…