Innholdsfortegnelse for 29-sep-17 i Vrouekeur

Daar is twee dinge wat mense gemeen het. Ons almal word gebore en ons almal gaan dood. Dis hoe basies dit is. Wat tussen die twee datums gebeur, daar lê ’n oneindige hoeveelheid moontlikhede. Sommige mense se leeftyd gaan in die annale opgeteken word, maar die meeste van ons s’n nie. Ek het gaan google om uit te vind hoeveel mense wêreldwyd per dag gebore word en hoeveel sterf. Die webwerf www.worldometers. info, gee my toe veel meer inligting as net ’n dag s’n – die syfers vermeerder in minder as ’n sekonde reg voor jou oë. Daar is nie net hierdie statistiek te sien nie, maar ek kon met die skryf van hierdie briefie (14 September 2017 om 10:14) die volgende statistiek oor geboortes en sterftes sien (dis bykans…

Mense leef gejaagd. Wanneer hulle wel ’n bietjie vrye tyd het, kan hulle uit tientalle TV-kanale kies of hulle bring ure op die internet deur. Tog is daar gelukkig nog mense wat lees – baie dikwels Afrikaanse boeke. En dikwels te danke aan staatmakerskrywers wat deur die jare ’n getroue aanhang opgebou het. Soos Helene de Kock. “Ek vermoed lees is in sommige mense se gene!” skerts Helene. “Maar ernstig nou, ek dink mense kan tot op ’n punt visueel gestimuleer word, daarna smag hulle na die werklike stimulasie van die verbeelding. Dis waarop fiksie berus: die vermoë om jou in iemand anders se skoene te plaas.” Daar word nie vandag baie romans oor die 1960’s en 1970’s – toe die Koue Oorlog op ’n hoogtepunt was – geskryf nie,…

WENK Verdubbel die bestanddele vir een groot tert KERSIE-JOGURT-TERTJIES 10 tertjies 1 pak vingerbeskuitjies 1 pak kersiejellie 250 ml (1 k) kookwater 250 ml (1 k) kersiejogurt ½ blik kondensmelk 250 ml (1 k) room 1 Pak vingerbeskuitjies in enkellaag om rand van glasies of bodem van tertbak. 2 Maak jellie met kookwater aan en laat tot kamertemperatuur afkoel. Klits jogurt en kondensmelk by. 3 Klits room tot sagtepuntstadium en vou by beslag in. 4 Vul glasies met beslag. Vir groot tert, skep helfte van vulsel oor vingerbeskuitjies en pak nog ’n laag vingerbeskuitjies bo-op met nog ’n laag vulsel 5 Laat stol in yskas en versier met vars kersies.…

WENBOEK VIR AUGUSTUS 50 Boerekosgeregte is ’n samestelling van resepte uit die kombuise van die Vrouelandbouvereniging van die Noord-Kaap. Hier is resepte vir weeksdagetes, spesiale geleenthede en familiesaamtrekke, met immergroen treffers soos ’n korslose souttert, basaarpoeding, gestolde komkommerslaai, kerrievleisvetkoeke, snoektert, karringmelkroosterkoek en groenboontjiebredie. Die boek is by www.lapa.co.za en by toonaangewende boekwinkels beskikbaar SUZETTE VAN DER BERG VAN BLOEMFONTEIN SÊ ’N MENS MOET NOOIT PRINGLES SE PLASTIEKDEKSELS WEGGOOI NIE, WANT JY KAN DIT WEER BENUT. DIT PAS BYVOORBEELD PERFEK OP ROOMHOUERTJIES. KRY DIT UIT Sit ’n stuk knoffel vir 20 sekondes in die mikrogolf. Jy sal die knoffelhuisies dan makliker uitkry. VIR DIE HANDSAK Handsakke kan vinnig vuil raak en dit kan ’n gesukkel wees om van fyn goedjies ontslae te raak. Gebruik ’n lintroller om dit mee skoon te…

Die vroulike stem het nou maar ’n geheimsinnigheid wat ’n mens se stemming kan vorm, verlig en verlei en jou selfs wil laat baklei! Hier is twee sulke sangeresse: Elmé en Sharoney. Albei is deeglik in sang, musiek en teater onderlê. Hulle kán dus sing! ELMÉ BEKOOR ’n Sangeres wat Anneli van Rooyen se tydlose treffer Neem my op vlerke bevredigend kan vertolk, kan sing! En die sangeres en liedjieskrywer Elmé (Jacobs Churr) kán! Nie net herinterpreteer sy dié praglied in gestroopte balladestyl nie, sy bied die teks en musiek in ’n meesleurende óndervertolking aan, wat die lied vooropstel. Elmé se debuutalbum, Rooiwyn & liefde (Vonk-Musiek), bevat 13 snitte; tien daarvan haar eie komposisies. Sy verleen ook sonderlinge bekoring aan Laurika Rauch se Stille waters (Christopher Torr) en veral aan…

Aartappels het duisende jare gelede in die Andesgebergte van Suid-Amerika ontstaan en tot die wêreld se vierde gewildste gewas gegroei. ’n Mens kan jou die lewe nie indink sonder ’n aartappeltjie nie. Dink net aan gebakte aartappels, skyfies saam met jou burger of ’n heerlike aartappelslaai! Baie mense plant dit egter nie omdat dit omtrent 20 weke neem voor dit geoes kan word en baie plek opneem. As jy egter ’n klein tuin het, maar graag met ’n aartappeloes wil spog, moenie bevrees wees nie. Jy kan hierdie outjies in houers plant (selfs in buitebande) en onthou ’n klein bedding met klein aartappeltjies kan baie vinniger as die grotes geoes word. DIS HOE JY DIT DOEN Aartappels hou net mooi niks van koue toestande nie en is sensitief vir ryp.…

WEN R1 000! Vir alle navrae navrae@xword.co.za of 082 346 3431 Besoek www.xword.co.za Voltooi die blokraai en gebruik die omkringde letters om die versteekte woord of naam te ontsyfer. Leidraad:Ontsyfer die letters in die sirkels om ’n woord te kry vir die tak van dierkunde wat ’n studie van visse maak SMS jou antwoord, voorletters, van en dorp/stad voor of op 18 Oktober 2017 na 48410. SMS’e kos R1,50 en is net vir mense in SA. Geld sal vir foutiewe SMS’e gehef word en gratis SMS’e geld nie.…

BRIEF VAN die WEEK VROUEKEUR BRING BLYDSKAP Ek wil net baie dankie sê vir ’n wonderlike, keurige tydskrif. Gedurende Vrouemaand het ek al my minder bevoorregte vriendinne met ’n Vrouekeur bederf. Ek wens julle kon die blydskap op hul gesigte sien toe ek die tydskrifte vir hulle gee. Daarna het ons heerlike tuisgebakte broodjies en sop geëet terwyl artikels in Vrouekeur bespreek is. Ek glo daaraan elke dag is ’n kans, ’n uitdaging om vreugde in iemand se lewe te bring en om die lewe vir ’n ander makliker te maak en daardeur self ook geluk te smaak. Nou is die beste tyd om na ’n ander uit te reik, om almal om jou te aanvaar en alle struwelinge te staak. Antoinette Schoeman, Welkom Dankie dat jy ons boodksap versprei,…

Vaselinetjie, Anoeschka von Meck se bekroonde jeugboek, is op 22 September as fliek uitgereik. Dit is deur Corné en René van Rooyen tot draaiboek verwerk, en Corné was ook regisseur van die fliek. Die paartjie besit Red Letter Day Pictures. Vaselinetjie (Helena) Bosman, wat al sedert die boek se eerste bekendstelling in 2004 in die harte van lesers gekruip het, woon by haar liefdevolle ouma en oupa op ’n piepklein dorpie in die Noord-Kaap. Op tienjarige ouderdom word sy egter na ’n weeshuis in Gauteng gestuur omdat sy wit is en nie haar bruin oupa en ouma se regte kleinkind nie. Dit is 1993, Suid-Afrika staan op die kruin van onherroeplike verandering en soos die land verander, só ook word Vaselinetjie in die vreemde, ongenaakbare en gevaarlike wêreld van die…

LEKKER KOS IN ’N JAPTRAP Geniet ’n heerlike maaltyd met die minimum moeite met Checkers se Ready-to-Cook-disse. Hierdie disse is ontwikkel vir mense met besige lewens. Kies uit disse soos Osso Bucco, Tamatie-en-groenbonebredie en Kaap-Maleise hoenderkerrie. Druk dit net in die oond en geniet dit, van R99,99 tot R199,99. DELIKATE WAS Daar word aanbeveel dat bra’s met die hand gewas word, maar ’n alternatief is om dit in die wasmasjien op die handwassiklus in ’n maassakkie te was. Dit beskerm die bra’s, keer dat dit nie aan ander klere haak nie en ook nie die wasmasjiendrom krap nie, R149. www.yuppiechef.com VINNIG FYN Rasper knoffel of gemmer sommer maklik met die Garlic Grater Cube van vlekvrye staal. Dis skottelgoedwasserbestand, R129,99. Mr Price Home KAM KOEKE UIT Tangle Teezer se Compact Styler…

Meer as twee dekades was oorstaanvlugte op die lughawe in Amsterdam my enigste kontak met dié Nederlandse stad. Om in die donker oor die stad se ontelbare liggies te vlieg, is effe vreesaanjaend, maar ook opwindend. Die vrees is eintlik heel onnodig. As daar nou een plek is waar jy maar kan oorslaan Afrikaans toe en dalk verstaan gaan word, is dit hier Voor ons nog vir trein- of busroetes uit die lughawe begin rondkyk, is ons by die I amsterdam-toerismekantoor in, want ons 72 uur se I amsterdam-kaarte wag daar vir ons. Dis die beste geld wat jy kan spandeer, want dit sluit toegang tot ’n hele gros museums, kanaalvaarte en ander bestemmings en ook gratis stadsvervoer in. Ons moet net treinkaartjies tot by die naaste tremstasie koop voor…

In ’n stil straatjie in Melkbosstrand buite Kaapstad woon die De Klerks: Johann, ’n finansiële adviseur, Tania, wat deeltyds opvoedkundige speelgoed verkoop, en hul tweeling, Juan en Lienke (6). Hulle woon al die afgelope 11 jaar in die huis. Tania sê Johann het ’n eiendom besit voordat hulle getroud is en ná die troue het hulle besluit om die bestaande huis te sloop en die erf beter te benut en saam iets te skep. “Melkbosstrand is ’n heerlike omgewing en ons is baie gelukkig hier.” Tania sê dis moeilik om te besluit watter styl hul huis is, want hulle is mal oor reis en die huis se styl verander met elke reis se nuwe inspirasie. “Ons was onlangs in Provence en ons het ’n idee gekry van hoe ons die…

ROLPRENTE VICTORIA AND ABDUL Met Judi Dench en Michael Gambon Regisseur Stephen Frears WARE LEWENSDRAMA Daar is al talle rolprente oor koningin Victoria gemaak. Nie so baie oor prins Albert nie, maar die TV-reeks Victoria maak geen geheim daarvan dat Victoria hardkoppig was en haar nie laat voorsê het nie. Waarvan min mense weet, is haar vriendskap met die Indiese klerk Abdul Karim, gespeel deur Ali Fazal, en watter invloed dit op haar lewe en op Engeland gehad het. Met Stephen Frears as regisseur kan hierdie drama nie anders as ’n sukses wees nie. Hy het The Queen ook gemaak, wat nuwe insig in koningin Elizabeth II en haar verhouding met lady Diana gegee het, dus weet hy hoe om veelbesproke verhoudings filmies oortuigend uit te beeld. Voeg daarby die…

Pas klein tot medium. Sit veelvoud van 12 ste meer op vir groter groottes MOEILIKHEIDSGRAAD: WAT HET JY NODIG? 2 balle KARTOPU JERSEY 200 g (kleur – H1395) 5 mm-naalde AFKORTINGS aw – aweregs herh – herhaal r – regs r2tes – regs 2 steke tesame AANWYSINGS Maak 2 Stel 69 ste op en werk in 3x3-rif vir sowat 25 cm, eindig met VK-ry. Brei 2 rye regs. Gaan soos volg voort: 1ste ry (VK): r1, *r2tes, maar moenie ste van die naald afglip nie, r in 1ste st, dan in 2de st, (3 ste). Trek nou die 1ste van die 3 ste oor die ander 2, aw2, herh van * tot einde. 2de ry: r. 3de ry: r. 4de ry: r. Herh 1ste tot 4de ry vir ongeveer 40…

Ds Janine Bevolo-Manders is verbonde aan die Nederduitsch Hervormde Kerk Witfontein in Pretoria-Noord en is al 21 jaar ’n predikant Ek weet nie van julle nie, maar ek het die laaste paar jaar baie sterk geword. In die verlede het ek ’n trollie nodig gehad om R500 se kruideniersware by die kar te kry. Deesdae dra ek dit sommer in twee hande! Kom maak saam met my ’n draai in die “hemelse kruidenierswinkel”. Die wonderlike van dié kruidenierswinkel is, ons hoef nie net met die oë te koop nie, ons kan maar vat en inpak. In my geestesoog sien ek ’n hele klomp rye. In die heel eerste ry sien ek liefde. Ek pak daarvan in. Ek weet mos sonder die liefde is ek niks en maak ek net ’n…

Wat is ’n sepie nou sonder ’n nare vent en ’n feeks? Die afgelope paar weke het kykers van kykNET se gewilde sepie Getroud met rugby met Bart en Kristien Smit kennis gemaak, twee splinternuwe antagoniste wat sommer met die intrapslag gewys het dat niemand of niks in hul pad sal staan as hulle bo wil uitkom nie. Bart is die nuwe spanbestuurder van die Stryders en sy vrou is as beeldpoetser aangestel en dit was gou duidelik dat hierdie twee nie sonder handskoene aangepak moet word nie. Die akteurs wat die kykers se bloeddruk behoorlik opjaag, is Pierre Breytenbach as Bart en Marlee van der Merwe as Kristien. PIERRE BREYTENBACH As akteur kan Pierre Breytenbach glad nie kla oor die verskeidenheid rolle wat hy al in sy loopbaan moes…

WENK Jy kan ook jou gunsteling- Franse slaaisous gebruik om die blare mee te geur BEET-EN-BRIE-TERTJIE 4 porsies 400g (1 rol) skilferkorsdeeg 60ml (¼ k) uiemarmelade 125g (1 wig) briekaas 100g (1 pakkie) rou beet, in juliennerepies gesny 100g (1 pakkie) pekanneute, gekap handvol roketblaartjies Stel oond op 200 ?C. 1 Sny deeg in kwarte en smeer eetlepel uiemarmelade bo-op. 2 Sny kaas in skyfies en pak bo-op marmelade. 3 Sprinkel beet eweredig op elke stuk deeg. 4 Bak vir 15 minute of tot deeg gaar en goudbruin is. 5 Sprinkel met neute en roketblare. AARTAPPEL-GRATIN 4 porsies 4 middelslag-aartappels 1 ui, in ringetjies gesny 10 ml (2 t) fyn knoffel 250 ml (1 k) room sout en peper knypie neutmuskaat Stel oond op 180 ?C. 1 Sny aartappels in…

Elke tweede jaar sedert 1995 word die Venesiese Biënnale tydens die noordelike somer in dié Italiaanse waterstad aangebied. Dié biënnale kan gesien word as die bymekaarkomplek van die wêreld se toonaangewendste kontemporêre kunstenaars, kurators en kunsgeesdriftiges. Die Olimpiese Spele vir die kunste, is dit al genoem. Vanjaar se biënnale loop in November ten einde. Veral om en by die opening in Mei is Venesië die ene doenigheid en is kunsskrywers en -kritici oorgehaal om kuns te bespreek, te beoordeel en te vergelyk. Een van die toonaangewende aanlynkunstydskrifte van ons tyd, Artsy, het die pawiljoene (die woord wat vir die nasionale tentoonstellings gebruik word) van vanjaar se deelnemende lande beoordeel en sy lys van 11 top-pawiljoene aangewys. Suid-Afrika se tentoonstelling met die werk van Candice Breitz en Mohau Modisakeng het die…

Die drie vroue Adèle Fouché, Erika Pretorius en Lila Botha van die groep Saarkie is die vergestalting van jeugdige, opgewekte vroulikheid. Hul splinternuwe album, Queen van die Toorbos, word binnekort bekendgestel. “Vroulikheid word gemeet aan hoe ’n vrou ander mense hanteer en onder druk steeds kalm en hoopvol kan bly, hoe sy na haarself en die natuur omsien en dat sy eerder die goed pleks van die sleg in ander raaksien. ’n Vrou moet altyd omgee en liefdevol teenoor ander wees. Sy moet haar eie drome volg en steeds alles vir haar geliefdes gee. ’n Ware vrou is selfstandig, slim, gedrewe en het ’n sin vir humor,” meen dié vroue. “Liefde tussen mense moet gedy, asook liefde vir roomys langs die see en gesprekke om ’n tafel sonder ’n selfoon…

Gewoonlik skryf ek nie oor populêre, selfhelp-sielkundeboeke nie. Ek vertrou nie boeke wat beloof dat die geheim tot lewensgeluk, ewigdurende liefde of sakesukses daarin onthul word nie. Indien dit waar sou wees dat die boeke hierdie geheime bevat, sou daar immers ná die “internasionale topverkopers” wat al oor hierdie onderwerpe verskyn het, nêrens nog ongeluk, gebroke harte en bankrot sakeondernemings gewees het nie. Hierdie boeke kom in vlae. Hulle word goed bemark. Die boeke staan die rakke in lughawens vol en word oral gelees: op die strand, die trein en in die wagkamer. Die skrywer tree op TV op en bespreek die boek op kletsradio. Mense twiet aanhalings daaruit en plak dit teen hul yskaste, maar hulle verander nie regtig nie. Gevolglik is ek ook dadelik skepties toe ’n vriend…

BANG NÁ MOTORKAPINGS Binne ’n bestek van drie maande was ek in twee afsonderlike motorkapings. In albei gevalle is my motor asook persoonlike besittings geroof. Ek is nou te bang om my huis te verlaat en my man moet my oral rondneem. Ek dink ek kon albei kere die kapers aangevat het en is nou spyt dat ek nie het nie. Wat is die beste manier om ’n motorkaping te oorleef? – Angsbevange Dié trauma kan ’n ernstige emosionele impak hê. Jy moet beslis ’n terapeut sien om jou brein te help om die lewensgevaarlike voorvalle waaraan jy blootgestel was, te hanteer. In die meeste gevalle sal jou brein selfs sonder jou bewustelike denke die beste opsie kies om te oorleef. In ’n lewensgevaarlike situasie het die brein drie basiese…

Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 8 woorde, goed 11 woorde, baie goed 15 woorde of meer, uitstekend OPLOSSING: Halfskadu, afskadu, afskud, afsluk, afsku, aldus, fluks, skadu, skuld, aula, flus, huls, skua, skud, sluk. Woordsoek 17 name van die grootste gholfspelers ooit, is hier weggesteek. Hulle kan horisontaal, diagonaal vertikaal, onderstebo of agterstevoor gelees word en val soms oor mekaar. Kyk…