Innholdsfortegnelse for 25-ago-17 i Vrouekeur

Die artikel op bl 24 oor ouerskap is die motivering vir hierdie week se skrywe oor ouer-kindverhoudings. Dis John Wilmot wat in die 17de eeu gesê het: “Voor ek getroud is, het ek ses teorieë gehad oor hoe om kinders groot te maak. Nou het ek ses kinders en geen teorieë nie.” Om kinders groot te maak, is duidelik nie net ’n hedendaagse uitdaging nie. Dit is ’n skrikwekkende gedagte om te dink jy het net een kans. Daar is nie ’n deleteknoppie om te druk om van voor af te begin nie. Als wat jy doen het ’n impak op jou kind se lewe. Nadia Tayob is ’n ma van drie kinders wat oor die uitdagings en vreugdes van kinders grootmaak, blog. Haar woorde: “Deur die oë van jou…

Wanneer sy vroegoggend saam met ou Piet Kreef en Tollie langs die viswaters sit, kan sy kwalik glo dat sy nie oor veel meer gepla is as of daar vandag iets gaan byt nie. Vir die eerste keer in ’n baie lang tyd, sê Lindie Stander, het sy ’n behoorlike greep op haar lewe. “Ek glo die ergste storm-en-drang-jare is verby. Die afgelope twee jaar voel ek meer volwasse en dat dinge nie so maklik sal ontspoor nie,” erken die aktrise wat spesiaal van haar tuiste aan die Weskus stad toe gery het om my vir ’n gesels te ontmoet. Dis ’n eerlike en hartlike gesprek. Plekplek raak dit ernstig, maar nooit mistroostig nie en deurgaans steek haar wonderlike sin vir humor en skerp intellek kop uit. Wat jy sien,…

Christa Heyneke, ’n klasonderwyseres van die graad R-groep en hoof van die Eugene Marais-kleuterskool in Pretoria, werk reeds 18 jaar by dié skool. “Kinders ontwikkel teen hul eie tempo. Waarneming is baie belangrik. Soos wat ek dinge van ’n kind opmerk – hetsy emosioneel, fisiek, sosiaal of opvoedkundig – skryf ek dit neer. “As ek sien dat ’n kind met iets sukkel wat ontwikkeling kan belemmer, lig ek die ouers in. As ’n onderwyser byvoorbeeld sien dat kinders sukkel en dit hul klaswerk beïnvloed, en die onderwyser bring die moontlike probleem onder ’n ouer se aandag, is verdere stappe die ouer se verantwoordelikheid. “Omgee-ouers hoef hulself nie te verwyt as ’n probleem opduik nie. Volg jou instink. As jy voel jou kind is nog nie heeltemal gereed vir formele leer…

SJOKOLADE HAWERMOUTKOEKIES Genoeg vir 50 koekies 100 g botter 200 g suiker 125 ml (½ k) melk 30 g kakaopoeier knypie sout 10 ml (2 t) vanieljegeursel 125 ml (½ k) grondboontjiebotter 875 ml (3½ k) (360 g) hawermout GLAD Baking Paper 1 Meng botter, suiker, melk, kakaopoeier en sout in 'n klein kastrol oor matige hitte. Bring tot kookpunt en prut vir 1 minuut. Verwyder van hitte. 2 Meng bottermengsel, vanieljegeursel, grondboontjiebotter en hawermout saam in groot mengbak. 3 Voer bakplaat met GLAD Baking Paper uit. Skep eetlepelsvol van mengsel op bakplaat. Los eenkant vir 10–15 minute. tot die mengsel gestol het. 4 Bêre koekies in GLAD Zip Seal-sakkies.…

Is daar riglyne om in gedagte te hou as ’n mens kuns wil aankoop? En hoe weet jy wie se werk om te koop? Die eerste ding om in gedagte te hou, is dat dit raaiwerk is om die toekoms te probeer lees. Niemand kan ’n toekomstige kunsmark honderd persent voorspel nie. Soveel belowende kunstenaars, met alle eienskappe van ’n ster van die toekoms, het al verskiet. Miskien is om kuns te koop op die ou einde baie dieselfde as om ’n nuwe motor te koop. Lank voordat jy begin somme maak of jy die motor kan bekostig, weet jy reeds in watter rigting jou kop staan. Jy het alles wat jy kan op die internet oor die betrokke model opgelees en jy weet watter kleur jy wil hê. Jy…

Een Kersvakansie dog ons dis ’n goeie idee vir drie van ons, toenmalig los rafels in ons gesin – onse ma, my ousus en ek – om die Hoë Dae in die prentjiemooi dorp Prins Albert te gaan deurbring. In my strewende jongmansdae, toe ek soveel moontlik tyd daar deurgebring het as ’n kontrapunt tot my stadslewe, was die stukke wat ek oor daardie plek geskryf het, ’n bietjie te bloemryk. Maar dit is tóg so dat die dorpie, saamgebondel aan die voet van die wroegende Swartberge, klein en weerloos lyk, ’n kindergebedjie teen die leviatan. Rondomheen die keiharde skoonheid van die Karoo waarop mense vir hul oorlewing met ’n taaiheid van hul eie moet antwoord. En tog is dit die streek waarheen mense sedert die 19de eeu na die…

BOUWER BOSCH SE EKSPERIMENTELE VERRASSING Die liedjieskrywer, sanger, akteur en TV-aanbieder Bouwer Bosch se jongste onafhanklike album Hopelik is met weerloosheid en bemoediging gestempel. Hy pak gedurig iets nuuts aan; ’n dekade al, onder meer as ’n lid van die Sama-bekroonde rockgroep Straatligkinders. Daarna het die musiekprojek Dans Dans Lisa (saam met Deon Meiring van Glaskas) gevolg. Sy soloalbum, Almal maak voute (doelbewus foutief gespel), het in 2011 en 2013 onder meer Ghoema- en MK-benoemings ingepalm. Intussen het hy welslae as TV- en rolprentakteur en as rolprentvervaardiger behaal. As akteur het sy talent in die rolprent Klein-Karoo, Trouvoete, Dis koue kos skat, Mooirivier en Sy klink soos lente benut. Hy is binnekort in Deon Meyer se aksieriller Jagveld en sy eie rolprent Vuil wasgoed (wat in sy aanvanklike kort vorm…

Basson is hier!” Klara se hande verstil, sy sug en sit die kwas neer. “Wat het hy bestel?” “Filterkoffie met warm melk, water met twee blokkies ys en ’n halwe skyfie suurlemoen,” antwoord Bafana. “Gooi drie blokkies ys en ’n hele skyfie suurlemoen in, soos vir al die ander klante. Ek sal dit self uitneem.” In die badkamer was sy haar hande, probeer die krulle effens regdruk, gee op en sit ’n bietjie lipstif aan. Twee moedswillige oë kyk uit die badkamerspieël terug. “Ek sal hom hier wegkry” neem sy haar voor. Dit is onaanvaarbaar dat een klant altyd Klaradyn se ritme met sy fiemies ontwrig. Sy stap uit en sit die water voor Basson neer. “Goeie môre! Lieflike dag. “Ja.” Sonder om van die selfoon af op te kyk…

WYN IN PRETORIA Die TOPS at SPAR Wine Show sal van 24 tot 26 Augustus by die Menlyn Parkwinkelsentrum in Pretoria gehou word. Besoekers kan na ’n wynteater plus heerlike wyn en kos uitsien. Spesiale BBPpakkette is ook beskikbaar. Die gewone kaartjies kos R120 aanlyn of R140 by die deur, wat ’n proeglas insluit. Loer ook na die BBP-pakkette op www.wineshow.co.za ’N SKOTSE BRAAI IN DIE KAAP Kuier op 27 Augustus saam met Bottelary Hills en die bekroonde sjef George Jardine vir ’n spesiale middagete om die vuur by Kaapzicht-wynlandgoed. Tafels word om ’n gesellige vuur gedek en George sal heerlike geregte optower. Die middagete begin om 12:30 en kaartjies kos R550 per persoon en sluit ’n wynproe, die ete en ’n bottel wyn in om huis toe te neem.…

Ds Janine Bevolo-Manders is verbonde aan die Nederduitsch Hervormde Kerk Witfontein in Pretoria-Noord en is al 20 jaar ’n predikant Wat het van ons vreugde geword? Dit kan dalk soms vir ons voel of ons ons lewensvreugde iewers langs die pad verloor het óf dat dit oornag gesteel is. Dis een ding wat die Here beslis wil hê ons in ons lewens moet ervaar: Vreugde, vreugde en nogmaals vreugde. Sommige mense dink dat om ’n Christen te wees, moet ’n mens ernstig, stroef en styf wees. Niks kan verder van die waarheid wees nie. Watse advertensie sal ons vir die Here wees as ons só sou lyk? God se grootste begeerte vir jou en my is dat daar ’n fontein van vreugde uit ons harte sal vloei. Watter pa en…

LET OP JOU VOETSTAPPE Ek was onlangs op ’n begrafnis van ’n baie goeie vriend – eerbaar, getrou en betroubaar. Sy broer uit die Kaap het die huldeblyk en bedankings gedoen. Hy het baie voorbeelde gegee van hoe sy broer gelewe het en hoe hy vir almal wat sy pad gekruis het en vir wie hy baie omgegee het, gesê het: “Let op jou voetstappe.” Dit het my bygebly en my ook laat dink aan hoe my ouers ons geleer het – loop altyd die regte, eerbare pad sodat jy weer daarop kan terugloop. Hoe waar het hierdie woorde nie al vir my geword as ek soms alles so gadeslaan wat om my gebeur nie. Spreuke 3:5 sê: “Ken Hom in alles wat jy doen, en Hy sal jou die…

Jacques Blignaut gee sy bekende sjarmante glimlag wanneer hy oor Vince Meintjies gesels. Hierdie karakter van die SABC2-sepie 7de Laan is nou al byna 12 jaar lank deel van sy lewe. In dié tyd, sê hy, het Vince al ’n heel interessante reis onderneem. Van die vreeslike Casanova wat aanvanklik sy buiging in die Laan gemaak het, is daar deesdae nie meer vreeslik baie te sien nie. Die dag toe sy pad met Bonita (Hildegardt Whites) gekruis het, het hy smoorverlief geraak en daar was vir hom net een vrou, al was dit beslis nie altyd ’n gelyk pad nie. “Die twee se verhouding is tumultuous om nou die mooi Engelse woord te gebruik.” Hy lag weer breed en dink so ’n bietjie. “Onstuimig, dis die Afrikaans daarvoor. Onstuimig inderdaad.…

SUURLEMOEN-EN-KARAMEL-TERT 1 tert KORS 2 00 g (1 pakkie) klapperkoekies, fyngedruk 60 ml (¼ k) gesmelte botter SUURLEMOENLAAG 160 ml (½ k + 2 e) suiker 1 eier 3 eiergele 60 ml (¼ k) suurlemoensap 60 ml (¼ k) water skil van 1 suurlemoen 30 ml (2 e) botter 125 ml (½ k) room KARAMELLAAG 125 ml (½ k) suiker 80 ml (1/3 k) room 1 vlaresep 30 ml (2 e) gelatien 30 ml (2 e) water 1 Kors Meng koekies en botter en druk in 22 cm-tertpan vas. 2 Suurlemoenlaag Klits suiker, eiers, suurlemoensap, water en skil saam. Sit in dubbelkoker en roer tot verdik. 3 Gooi botter by en roer goed. Hou eenkant. 4 Klits room styf en vou by suurlemoenvulsel in. Giet oor koekielaag en laat staan.…

Karel Schoeman se afsterwe op 1 Mei vanjaar het baie mediaaandag ontvang. Enersyds het die dood van een van Suid-Afrika se merkwaardigste skrywers tot talle lofsange oor sy werk as historikus en as fiksieskrywer gelei. Andersyds het sy selfdood en die nagelate brief waarin hy vir die reg op ’n waardige beëindiging van ’n mens se eie lewe pleit, ook heelwat reaksie ontlok. Slot van die dag was die laaste werk wat hy voltooi het voordat hy sy eie lewe beëindig het. Dit is ’n werk wat onder meer ten doel het om besinning en debat oor oudword en die reg op waardige selfdood aan te moedig. Dit is ’n outobiografiese werk en sluit in dié sin aan by drie ander outobiografiese tekste deur Schoeman. In 1998 het Merksteen verskyn,…

IS KLEUTERSKOOL DIE REGTE DING VIR ONS JONGSTE? Ons het ’n laatlammetjie wat die einde van die jaar drie word. Hy is baie woelig en ek sien self na hom om. Ons het onlangs ’n gesprek met vriende gehad wat meen dat hy in ’n kleuterskool geplaas moet word. Ons dink nie dat dit nodig is nie, want ek het die tyd om self na hom om te sien. Ons is bang vir al die dinge waaraan hy blootgestel kan word en dat dit ’n negatiewe invloed op hom kan hê. Is dit ’n goeie of slegte ding om hom kleuterskool toe te stuur? – Ouerliefde Dit is ’n voorreg om jou kind aan individuele en gehalte-aandag bloot te stel, maar die aanleer van sosiale en interaktiewe vaardighede vir sy…

MOEILIKHEIDSGRAAD WAT HET JY NODIG? 6 balle ELLE KALEIDO Aran (100 g) in Firecracker 4 mm-naalde 4 mm-sirkelnaald 4 mm-hekelnaald AFKORTINGS don – draad om naald r – regs r2tes – regs 2 ste tesame rVa – regs voor en agter in dieselfde steek AANWYSINGS Met 4 mm-naalde stel 1 st op. 1ste ry: regs voor en agter en weer voor in st. 3 ste. Vlg ry (VK): r. Vlg ry (RK): rVa, r tot einde. Vlg ry: r. Herh laaste 2 rye tot werk ongeveer 10 cm lank is, eindig met VK-ry. Gaan soos volg voort: 1ste ry: rVa, r tot laaste 4 ste, don, r2tes, r2. 2de ry: r. 3de ry: rVa, r tot einde. 4de ry: r. Herh laaste 4 rye tot werk sowat 1…

Antoinette Louw het haar eerste hoofrol in ’n internasionale rolprent losgeslaan in Bram Fischer, oor dié enigmatiese kampvegter, vertolk deur Peter Paul Muller. Sy speel Bram se vrou, Molly. Die fliek speel tydens die Rivonia-hofsaak in 1963 af. “Dit gaan oor Bram en Molly en hul lief en leed. En die merkwaardige mense wat hulle was. So baie mense, waaronder Afrikaanssprekendes, weet nie wie hulle was nie. Die fliek fokus op hoop en menslikheid onder baie moeilike en hartverskeurende omstandighede. En ons het die herinnering aan hoop nodig, want ons kan nie daarsonder leef nie.” Sy erken dat sy nog nooit tydens verfilming soveel kameraderie tussen akteurs op stel gevoel het nie. “Ons het geweet hiér gebeur iets baie spesiaals. Die karakters wat ons vertolk het, het wérklik bestaan, het…

Moryn Hanzen van Karos naby Upington is aan baie mense bekend vir haar soms pittige, soms ernstige kortverhale en lekkerlees-tydskrifartikels. Hierdie merkwaardige vrou is egter soveel méér as net ’n vryskutjoernalis en kortverhaalskrywer. Haar eerste liefdesverhaal, Pad na geluk, het onlangs by NB-Uitgewers verskyn. “Ek het gedink niks sal my beter kan laat voel nadat ek kortverhale en artikels by die dosyne gepubliseer het nie. Maar sowaar, ’n vollengte-boek is darem baie spesiaal!” sê sy. Haar sukses het egter nie oornag gekom nie en die lewe het eers ’n paar draaie met haar geloop om haar voor te berei om ’n vollengte-boek te skryf. Sy het in ’n groot huis vol mense op Upington grootgeword. “Ek, my ouers en my broer het al die jare saam met my oupa, ouma,…

’N HART VAN GOUD? NEE, VAN SILKOON Switserse ingenieurs het ’n silkoonhart wat kan klop met ’n 3-D-drukker gedruk. Op die oomblik kan dit net 30 minute aanmekaar klop, maar hulle is positief dat die hart, volledig met die verskillende hartkamers en kleppe, só ontwikkel kan word dat dit in die toekoms oorgeplant sal kan word. VUILIGHEID IS GOED As jy jou huis soos ’n hospitaal steriliseer, kan jy jou kinders benadeel. Kinders wat in so ’n kiemvrye huis grootword, se immuunstelsel sal hipersensitief wees en hulle sal makliker asma en allergieë ontwikkel. Kinders wat aan kieme blootgestel word, se immuunstelsel is sterker. Ontspan dus en laat jou kinders die wêreld ontdek. OE, MY RUG In ’n studie deur die San Diego se gesondheidsorgstelsel waarin 150 militêre veterane met laerugpyn…

WENBOEK VIR AUGUSTUS Van ’n vrou word in vandag se wêreld baie verwag. Hierdie dagstukkieboek is spesiaal saamgestel vir elke vrou wat maar alte goed weet dat die lewe nie altyd so maklik is nie en dat ’n ma ook moeg en radeloos kan voel. In Dagstukkies vir besige vroue, saamgestel deur Christelle Webb-Joubert, bring bekende vroue soos radiopersoonlikheid Benescke Janse van Rensburg; tydskrifredakteur Christine Ferreira; sangeres Helenè Bester en aktrise Bertha le Roux-Wahl boodskappe van hoop vir ma’s. Dagstukkies vir besige vroue wil jou herinner dat jy nie alleen is nie en dat jy nie skaam hoef te voel as die lewe jou oorweldig nie. Die boek is by toonaangewende boekwinkels beskikbaar. Besoek www.nb.co.za vir meer inligting MARIANA GERBER VAN DURBANVILLE HET TWEE WENKE MET ONS GEDEEL: As ek…

SPINASIEROLLADE MET GEROOKTE SALM 1 x 25 cm rollade 2 eiers, geskei 300 g gaar spinasie 1,25 ml (¼ t) neutmuskaat 2,5 ml (½ t) suurlemoensap 1 houer (230 g) roomkaas 30 ml (2 e) suurlemoensap sout en peper na smaak 100 g gerookte salm Verhit oond tot 180 °C en berei ’n bakplaat van 22 cm x 25 cm met waspapier voor. 1 Kap spinasie met eiergele en neutmuskaat in voedselverwerker fyn. 2 Klits eierwit en suurlemoensap tot styf. 3 Vou spinasiepuree by eierwit in en smeer dit op bakplaat. 4 Bak vir 25 minute totdat spinasie donkerder verkleur. 5 Meng roomkaas, suurlemoensap, sout en peper tot smeerbaar. 6 Laat spinasiegebak afkoel en verwyder waspapier versigtig. Sny kante netjies. 7 Smeer roomkaas oor spinasiegebak en pak ’n laag…

WARM SOP VIR DIE WINTER Geniet ’n heerlike, romerige wortelsop van Pesto Princess. Dis vry van suiwel, graan, kleurmiddels en preserveermiddels. Die bestanddele sluit in wortels, uie, aartappels, gemmer, knoffel en geurmiddels. Maak dié reeds heerlike sop sommer nog lekkerder met ’n skeut suurroom en spekstukkies bo-op. R36,99, by sekere Spar-winkels beskikbaar. IETSIE SOETS ALL GOLD is ’n huishoudelike naam en het ’n nuwe reeks konfyte wat jou mond sal laat water. Kies uit framboos, bloubessie of gemengde bessies teen ongeveer R42 elk. Daar is ook ALL GOLD Connoisseurs Lite-konfyt met 37% minder suiker en beskikbaar in aarbei- en appelkoosgeure teen ongeveer R32. www.allgold.co.za MET ’N BYT … Peppadew® sorg met hul Pickled Jalapeno Mild Halves, Hot Slices en Mild Cones dat dié wat van ’n byt in hul kos…

Blom hulle en wanneer? Blomstringe aan lang stele wat ver bokant die blare uitstaan, verskyn in die lente en somer. Baie soorte blom ook in die winter. Die plante blom soms herhaaldelik in verskillende seisoene Om te probeer om kop of stert tussen die botaniese name en “kweekname” van spesies en hibriede van die uiters gewilde en super-modieuse genus Echeveria uit te maak, is amper ’n onbegonne taak – soveel variasies, soveel verskillende troetelname! Wat egter van groter belang is, is ’n vriendelike waarskuwing aan die tuinier wat van dié vetsakplante in die tuin of in ’n potteversameling hou – as jy hulle begin versamel en leer om hulle te vermeerder, is dit klaar met kees! Hoe meer soorte jy in die hande kan kry, hoe meer sal jy wil…

Deur XWord.co.za TEIKEN Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 20 woorde, goed 26 woorde, baie goed 36 woorde of meer, uitstekend OPLOSSING: Naoorlogs, oorlangs, argloos, langoor, oorslag, loogas, oorlas, oorlog, solano, galon, glans, gloor, langs, largo, nogal, orals, osgal, salon, slang, also, glas, glos, lang, lans, logo, long, lons, loog, loon, loor, loos, oral, slag, snol, solo, sool Koderaai Elke syfer verteenwoordig…

Deur XWord Vir alle navrae navrae@xword.co.za of 082 346 3431 Besoek www.xword.co WEN R1 000! Voltooi die blokraai en gebruik die omkringde letters om die versteekte woord of naam te ontsyfer. Leidraad: Ontsyfer die letters in die sirkels om ’n woord te kry vir verheuging SMS jou antwoord, voorletters, van en dorp/stad voor of op 13 September 2017 na 48410. SMS’e kos R1,50 en is net vir mense in SA. Geld sal vir foutiewe SMS’e gehef word en gratis SMS’e geld nie.…