Innholdsfortegnelse for 18-ago-17 i Vrouekeur

Elke jaar sê ek dit. As Augustus aanbreek, is die jaar verby. En ons is reeds halfpad in dié einste maand. Hierdie uitgawe is al nommer 33 vir die jaar. Dis seker omdat ek skool verpes het (al 12 jaar daarvan) dat dit vir my gevoel het asof ’n jaar oneindig lank was, maar dalk was dit net omdat ek ’n kind was en sterflikheid nie deel van my verwysingsraamwerk was nie. As kind en tiener dink jy mos nie sommer aan oud word nie en die dood lê baie ver in die toekoms. Op ’n dag vee jy jou oë uit en daai toekoms is die hede. Dan wil jy hê die jaar moet briek aandraai, want jy weet nou die lewe is kort en elke oomblik is kosbaar.…

Oorlewingsgids vir ’n bedonnerde diva is Sophia Kapp se negende roman. In hierdie een is die hoofkarakter, Simoné, wat op 44 vir die tweede keer uit ’n huwelik stap – bankrot, werkloos en moedeloos. Al wat sy het om van haar net meer as vier dekades op moederaarde te wys, is ’n bedenklike verlede, ’n tienerseun wat skaars met haar praat en die besef van mislukking en ontoereikendheid wat soos ’n meulsteen om haar nek hang. Sy pak haar besittings en saam gaan sy en haar seun terug na die dorp op die Oos- Vrystaatse platteland waar sy grootgeword het. Daar waar haar konserwatiewe ma en konvensionele suster haar gedurig aan haar tekortkominge kan herinner. Maar omdat dit al is wat daar is om te doen, begin sy aan ’n…

Fabry se siekte is ’n ongeneeslike, geneties oorerflike siekte en word deur ’n tekort aan die ensieme alphagalactosidase A (a-Gal A) veroorsaak, wat tot ’n opbou van ’n tipe vet in die liggaam lei wat globotriasylceramide (Gb3 of GL-3) genoem word. Fabry se siekte is een van meer as 40 genetiese versteurings wat bekend is en waarna as lisosomale stoorversteurings verwys word. Lisosome is geïsoleerde dele van selle wat ensieme bevat. In ’n stoorsiekte soos Fabry se siekte, stoor dié ensieme nie vetmolekules behoorlik nie en dit lei tot ’n progressiewe opbou van Gb3. Dit beskadig selle wat tot ’n wye verskeidenheid simptome lei. Die siekte word deur ’n defek op die X-chromosoom veroorsaak. Aangesien X-gekoppelde genetiese mutasies meestal by mans voorkom, word meer mans as vroue deur Fabry se…

Wat is die allerbeste ding wat jy vir jouself kan doen? ’n Gesonde dieet? Oefening? Ophou rook? Hoewel navorsing toon dat bogenoemde maatreëls jou kanse op ’n gesonder, meer gebalanseerde en langer lewe verhoog, is die konsensus deesdae dat niks beter vir jou welsyn is as goeie slaap nie. Die Amerikaanse wysgeer Benjamin Franklin het opgemerk dat daar genoeg slaap in die graf sal wees en pligsgetroue, hardwerkende mense is steeds geneig om slaap as “’n mors van tyd” af te maak; ’n onproduktiewe tyd. Die groot ironie is dat mense wat nie genoeg slaap nie, hul lewens kortknip. Die brein stuur onder die regte toestande ’n sein na die liggaam se hoofstelsels – die hart, longe, verterings- en senustelsels, selfs die spiere – uit dat dit tyd is om…

WENBOEK VIR AUGUSTUS Van ’n vrou word in vandag se wêreld baie verwag. Hierdie dagstukkieboek is spesiaal saamgestel vir elke vrou wat maar alte goed weet dat die lewe nie altyd so maklik is nie en dat ’n ma ook moeg en radeloos kan voel. In Dagstukkies vir besige vroue, saamgestel deur Christelle Webb-Joubert, bring bekende vroue soos radiopersoonlikheid Benescke Janse van Rensburg; tydskrifredakteur Christine Ferreira; sangeres Helenè Bester en aktrise Bertha le Roux-Wahl boodskappe van hoop vir ma’s. Dagstukkies vir besige vroue wil jou herinner dat jy nie alleen is nie en dat jy nie skaam hoef te voel as die lewe jou oorweldig nie. Die boek is by toonaangewende boekwinkels beskikbaar. Besoek www.nb.co.za vir meer inligting JEANETTE THERON VAN L’AGULHAS HET WEER EEN VAN HAAR WENKE MET ONS…

KOMPETISIETYD! Jy kan een van vier LG 2.0 Titan-wasmasjiene ter waarde van R6 999 elk wen! Besoek ons kompetisieblad op www.vrouekeur.co.za om deel te neem. Voorwaardes en bepalings geld. HOU DIE BLINK KANT BO Skoon, blink skoene gaan nooit uit die mode nie! Hou jou leerskoene goed versorg met Plush se Leather Shoe Care Essentials. www.plush.co.za LES JOU DORS Zip Cola is Shoprite, Checkers en Checkers Hyper-winkels se nuutste gegeurde koeldrank. Die reeks bied ook ’n suikervrye opsie (Zip Zero) vir die gesondheidsbewustes en ’n natuurlike versoete opsie met minder kalorieë (Zip Green). Dis in 2 ?-bottels (ongeveer R10,99) of in ’n pak van vier blikkies (R19,99) beskikbaar. SJOKOLADE UIT JOU EIE KOMBUIS Maak jou eie sjokoladehappies in ’n japtrap met Eetrite se silikoon-sjokoladevorm. Dié hittebestande silikoonvorm kan 15 vormpies…

Hulle wil elkeen ’n stukkie van die Afrikaanse musiekson oor hulle voel skyn. Ek verstom my dikwels oor die dinge waaroor sangeresse sing: van boerseuns se spiere tot die nut van wondergom! Nietemin, ons durf die poele, berge en komete saam met dié sangeresse aan. SUZZI SE STUKKIES Suzzi Swanepoel se debuutalbum Stukkies van my (David Gresham Entertainment Group) verras. Haar stemrypheid en eiesoortige, anderse aanslag tref. Met net tien snitte bied sy ’n toonvenster van haar stylveelsydigheid. Bouwer Bosch, Marno van der Merwe, Divan Coetzer van Buren en Zonandi Botes het saam met haar sewe nuwe liedjies geskryf. Met dié musikale ode aan die vrou bevestig Suzzi hoe sterk en dapper vroue is en dat hulle nie hul weerloosheid en magteloosheid hoef weg te steek of te probeer ontken…

Die Metropolitan Opera in New York het onlangs sy program vir die 2017/’18-seisoen aangekondig. Dalk is jy gelukkig genoeg om een of meer van dié produksies te kan bywoon. Maar onthou, daar is ook die moontlikheid om Met-produksies plaaslik in ’n Cinema Nouveau-teater te siene te kry. Dít is gewis een van die Met se voortreflikste projekte: Om jaarliks tien manjifieke produksies met voortreflike rolverdelings in meer as 2 000 fliekteaters in 71 lande te vertoon in sy The Met: Live in HD-reeks. Dié reeks begin vanjaar in Oktober met sir David McVicar se voorstelling van Vincenzo Bellini se Norma. Die Met se openingsaand is op 25 September en in die rolverdeling is Sondra Radvanovsky in die titelrol, Joyce DiDonato as Adalgisa, Joseph Calleja as Pollione en Matthew Rose as…

Lesers van misdaadfiksie hou van reekse. Dit is ’n verskynsel wat al uit die 19de eeu kom. Die eerste Sherlock Holmes-verhaal het in 1887 verskyn. Lesers kon maar net nie genoeg van hom kry nie en talle verhale het gevolg. Agatha Christie se speurders, Hercule Poirot en Miss Jane Marple, het ook in boek ná boek hul terugkeer gemaak. Bennie Griessel, uit Deon Meyer se pen, is seker die gewildste Suid-Afrikaanse speurder wat telkens sy verskyning maak. Speurreekse hou voordele vir die skrywers sowel as die lesers in. Lesers wat van ’n bepaalde speurder hou, kan met sekerheid weer en weer nuwe boeke lees waarin die spesifieke speurder voorkom, want die leser weet al wat om te verwag. Ook vir die skrywer hou dit voordele in, want dit is nie…

Abraham haal die brosjures uit sy aktetas, sit dit op die tafel en wys my die verskillende kursusse wat beskikbaar is. “En nou het die tyd aangebreek,” sê hy. “Destyds het ek my dit voorgeneem as ’n vae belofte, maar nooit gedink dat dit werklikheid sou word nie. En al praat ons nie meer vandag so nie, dis oor ’n ‘oubaas’ dat ek vandag hier sit.” Hy kyk af in sy koppie, roer die suiker om en om. Sy vingers is knokkelrig, op die bokante van sy hande is vlekke. Abraham is nie vandag se kind nie. “Twaalf jaar terug ry ek die middag Oos-Kaap toe, weg van die bouery in die Paarl, weg van die verkeer en al die slegte nuus in die koerante. Die plasie wat ek by…

Moeilikheidsgraad:⋆⋆ BENODIGDHEDE E lle Premier 100% katoen DK (50 gballe): 2 balle elk Denim, Rust, Leaf, Bonsai en 1 bal Hazelnut 3,5 mm-hekelpen 1,2 m bypassende katoenmateriaal 45 cm ritssluiter Binnekussing 1,25 m pom-pon-koord Tolletjiebrei-masjien of 1,1 m dik koord Naald met groot oog GROOTTE 48 cm x 54 cm AFKORTINGS EN STEEKVERDUIDELIKINGS beg = begin; dies = dieselfde; gdr = draai; gp = groep; gs = glipsteek; h/af = heg af; herh = herhaal; kb = kortbeen; ks = kettingsteek; lb = langbeen; ls = lus; rdte = rondte; RK = regte kant; sp = spasie; st = steek; vlg = volgende SPYKERSTEEK 1 Steek die pen in spasie/steek wat deur die patroon aangedui word. 2 Slaan die draad oor die pen en trek die lang lus na die…

Deur XWord WEN R1 000! Vir alle navrae navrae@xword.co.za of 082 346 3431 Besoek www.xword.co.za Voltooi die blokraai en gebruik die omkringde letters om die versteekte woord of naam te ontsyfer. Leidraad: Die hondjies eet van dié brokkies kos wat van die tafel van hul base afval SMS jou antwoord, voorletters, van en dorp/stad voor of op 6 September 2017 na 48410. SMS’e kos R1,50 en is net vir mense in SA. Geld sal vir foutiewe antwoorde gehef word en gratis SMS’e geld nie.…

Deur XWord Vir alle navrae navrae@xword.co.za of 082 346 3431 Besoek www.xword.co.za WEN R1 000! Voltooi die blokraai en gebruik die omkringde letters om die versteekte woord of naam te ontsyfer. Leidraad: ’n Woord vir gaatjies deur papier druk waarlangs dit later afgeskeur kan word SMS jou antwoord, voorletters, van en dorp/stad voor of op 6 September 2017 na 48410. SMS’e kos R1,50 en is net vir mense in SA. Geld sal vir foutiewe antwoorde gehef word en gratis SMS’e geld nie.…

BRIEF van die WEEK GOEIE KOPIE Ek koop nie meer baie tydskrifte nie, maar het onlangs ’n Vrouekeur in my trollie gelaai. Ek was aangenaam verras. ’n Dun tydskrif teenoor baie ander, maar omtrent elke bladsy het ’n artikel wat werklik van hulp vir baie mense kan wees. Ek het ’n hele paar artikels raakgelees wat vir my én my suster van waarde was. Ek gaan beslis sorg dat ek nie ’n volgende uitgawe van Vrouekeur mis nie. Dis voorwaar waarde vir geld, dankie julle! Ann Heath, Birchleigh Nog ’n voorbladopsie Wenbriefwenners wen ’n Prestigegeskenkpak van R500. Kry alle braaibenodigdhede by Prestige – van ’n gehalteplastiekhouer om vleis in te marineer, met handvatsels vir maklike vervoer, tot yspakke wat vleis koel hou. Of ’n stel van 12 vlekvryestaal-biefstukmesse en -vurke,…

CHRIS SE KEUSE Terwyl ons nog ’n laaste paar aande saam met familie en vriende voor die kaggel kan geniet, het ons die perfekte wyn daarvoor nodig. Die Elginvallei Paul Cluver Pinot Noir 2016 is net die ding vir die koel klimaat! Pinot noir beslaan vandag omtrent een persent van ons wingerde. In die vroeë 1980’s het die baanbreker Paul Cluver met pinot noir op die plaas De Rust in Elgin begin wyn maak. Die koel klimaat van die hoogste wingerd op die plaas is ideaal vir die druiwe wat vir dié wyn gebruik word. Ná vergisting vind veroudering vir 11 maande in Franse eikehoutvate plaas. Die keldermeester beskryf die wyn as helder karmosynrooi met delikate aardse aromas gemeng met rooibessiegeure en ’n lang talmende nasmaak. Die Paul Cluver Pinot…

WENK Om kaneelsuiker te maak: meng 125 ml (½ k) suiker en 30 ml (2 e) fyn kaneel MAKLIKE MELKKOS 4 porsies 1 ℓ (4 k) melk 125 ml (½ k) sago 15 ml (1 e) koekmeel 15 ml (1 e) vlapoeier knypie sout 125 ml (½ k) water 1 eier 1 Laat staan sago in melk vir omtrent halfuur. 2 Laat sagomengsel stadig kook en roer af en toe sodat dit nie vasbrand nie. 3 Meng koekmeel, vlapoeier, sout en water saam tot daar niks klonte is nie. Roer dan by sagomengsel en laat verder kook. 4 Klits eier goed en roer by sagomengsel in. 5 Laat kook tot dik en alles gaar proe. 6 Bedien met kaneelsuiker. WENK Gebruik droë, fyn koedoebiltong vir ietsie ekstra BLOMKOOL-EN-BILTONG-SOP 4 porsies…

Daar wei koeie op die veldjie agter haar huis. Die Stellenbosse berge omring jou aan alle kante. Die wintersonnetjie bak oor die stoepmeubels tot op ons voete by die lang kombuistafel. Daar staan ’n resep op ’n staander langs die stoof en blomme pronk in ’n potjie voor die venster. Elsabé maak vir ons filterkoffie. “Ek het vir ons lekker beskuit ook,” gesels sy terwyl sy op ’n erfstuk-stoel staan om ’n mooi bordjie uit haar kombuiskas te haal. Sy vertel hoe lekker sy hier in die sekuriteitslandgoed woon. Oor die nokke van die bure se dakke beduie sy na ’n halfgeboude huis. “My vriendin Cora trek eendag daar in. Ek kan nie wag nie.” Die geborgenheid van haar lewe hier is duidelik toe sy vertel van haar ander buurman…

Dis die wonder van fiksie, dat dit ons kan laat ontsnap. Na ’n ander streek, ’n ander era, selfs ’n ander seisoen. Wanneer die somer ons verswelg, is dit dus ’n uitstekende idee om ’n ‘koue boek’ nader te trek Wintertyd bly maar vir my die beste tyd vir boeke. Om op ’n koue aand – of ’n hele salige naweek – voor ’n knetterende kaggelvuur of ’n gloeiende verwarmer, uitgestrek op ’n rusbank of onder ’n kombers in die kooi, met ’n warm drankie of ’n glas rooiwyn binne die bereik van ’n dwalende hand tussen die blaaie van ’n boek te verdwyn. Terwyl die wind buite huil of die reën op ’n sinkdak raas. Ek raak skoon afgunstig as ek dink dat my vriende doer onder nou hierdie…

JAPANNESE KAAS KOEK 1 x 20 cm-koek 62 ml (60 g) botter 228 g roomkaas 200 ml melk 5 ml (1 t) vanielje 6 eiers, geskei 45 ml (40 g) suiker 115 ml (60 g) koekmeel 30 ml (2 e) mielieblom (Maizena) 1,25 ml (¼ t) kremetart 120 ml (100 g) suiker Verhit oond tot 150 °C en berei 20 cmkoekpan voor deur dit met kleefwerende sproei te bespuit. Voer onderkant en sye van pan met waspapier uit. Bedek buitekant van pan met foelie. 1 Verhit botter, roomkaas en melk en meng tot glad. Gooi vanielje by. 2 Klits eiergele en suiker tot dik en vou roomkaasmengsel in. 3 Sif koekmeel en mielieblom en vou by mengsel in. 4 Klits eierwit en kremetart op medium spoed en voeg suiker stadig…

As jy die lys name van almal wat die eerste skryfkursus op Lesbos gaan bywoon in jou Inboks kry en jy onder meer die naam Karin Brynard raaksien, gryp jy na jou asmapompie. En as jy op die eerste dag jouself aan almal rondom die tafel moet voorstel met jou antwoord op die vraag: Hoekom woon jy die kursus by? begin jy vermoed dit gaan ’n week wees wat jy gaan onthou, maar jy wonder skielik of ’n mens die kursus kan dop. En as die einste bekroonde skrywer se antwoord op dié vraag is: “As ek kyk na dit wat ek al geskryf en gepubliseer het, dink ek dis sommer ’n klomp twak. So nou is ek hier om te kyk of ek beter as twak kan skryf”, dan…

As jy genot put uit die asemrowende pryse wat kuns op veilings haal, is jou pret voorlopig nog veilig. Dié opwaartse kurwe kan (soos dit tans lyk) nog ’n hele ruk duur en ’n mens behoort in die toekoms ook nog meer rekords te sien spat. In Mei is ’n nuwe rekord byvoorbeeld opgestel toe ’n ongetitelde skildery in olieslik en spuitverf op doek van die Amerikaanse kunstenaar Jean-Michel Basquiat vir sowat R1,4 miljard ($110,5 miljoen) op ’n veiling verkoop is. Dit was die eerste kunswerk wat ná 1980 gemaak is wat deur die $100 miljoen-merk gebreek het én dit was die hoogste prys wat nog deur ’n Amerikaner vir ’n kunswerk betaal is – selfs meer as vir ’n werk van Andy Warhol. Met dié jongste veiling het Basquiat…

Daar word gesê dat varings die lug suiwer, en as jy jou met varings omring, dit jou kalm sal maak en ’n gevoel van gesondheid meebring. Varings hou van skerp lig, maar nie van koue nie. Hou die wortels vogtig. Begin sommer vandag nog met ’n varingversameling.…

Die onverwagse langnaweek so in die middel van die maand bring bittersoet opgewondenheid vir my. Bitter, omdat dit in die middel van die maand is en alle reserwes taamlik uitgeput is. Waar is die dae tog toe ’n mens op die 15de van die maand betaal is? Of elke week, sal in my geval selfs nog beter wees. Soet sal die vyf dae van die langnaweek egter nou vir my wees as ek dit wat my te beurt geval het deur ’n pienk lens beskou. By Blinkdink, die advertensiemaatskappy waar ek werk, het ons ’n werkgewer uit die hel. Ons noem haar Evadora – die wreedste heks wat daar ooit was. Haar naam is eintlik Dorian, maar Evadora pas haar beter. “Smit,” kom haar lae, hees stem vanoggend toe sy…

“Jy leer maniere aan. Dit is soos fietsry, jy oefen tot dit ingebou is,” meen Kaleidoskoop se sangeres, Anique Jordaan (29) “Ek ag goeie maniere hoog, maar ’n mens hoef nie heeltyd op eiers te loop nie! As jy té ordentlik is en heeltyd vir alles om verskoning vra, kan dit ook ongemaklik word.” Sy sê sekere dinge is egter ononderhandelbaar, soos respek vir ouer mense, rommelstrooiery en om iemand in die rede te val of dood te praat. En sy meen om borrelgom onder sitplekke of tafels te plak, is absurd! Anique maan ’n mens moet nooit dink jy is beter as iemand anders nie. “Dan vlieg maniere gou. Leef bloot ordentlik, wees bedagsaam en toon respek. Moenie selfsugtig wees nie. Waaraan meet jy ordentlikheid? Respek en bedagsaamheid. Ook…

Woordspel 32 Deur XWord.co.za Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 18 woorde, goed 22 woorde, baie goed 28 woorde of meer, uitstekend OPLOSSING: Veldplant, vallend, padnet, pedant, platlê, valnet, vetpan, dalet, delta, eland, lapel, natel, palet, plant, adel, aden, adep, alte, ante, élan, land, nael, pand, pant, plan, plat, tand, vale. Koderaai 22 eksotiese vrugte is hier weggesteek. Hulle kan horisontaal,…

Hoe werk gebed? As God nie my gebede beantwoord net soos ek vra nie, wat is die nut om te bid? Vir baie voel God soos ’n afwesige pa, omdat Hy nie hul gebede beantwoord nie. Is dit waaroor gebed regtig gaan? Of gaan gebed dalk eerder oor ’n verhouding met God? Dit mag miskien vir jou ’n nuusflits wees, maar die Christelike lewe gaan nie daaroor om alles te kry wat jy wil hê nie. Waar sê die Bybel dat die Christelike lewe maklik sal wees? Jesus self het dit nie eens maklik gehad nie. Hy het gebid: “Vader, neem hierdie beker van My af weg.” Die antwoord was: “Nee.” Dis die lewe, dis moeilik, dis morsig. Tog is ons dié wat sondig en wat dit moeiliker en morsiger…

VERLOOF IN GRAAD 12? Ek (19) is in Graad 12 en is die afgelope twee jaar in ’n verhouding. Hy is besig met sy ambag en het reeds die skool verlaat. Hy het begin skimp dat ons voor die einde van die jaar verloof raak. Ek beplan om volgende jaar universiteit toe te gaan en volgens my punte behoort ek te kan registreer vir die graad wat ek oorweeg. Is dit ’n goeie keuse om verloof te raak terwyl ek nog op skool is en volgende jaar gaan studeer? – Onseker Elke geval moet volgens sy eie meriete beoordeel word. As jy van voorneme is om ná skool studies aan te pak en boonop nie naby hom gaan woon nie, is die kanse op ’n gesonde en suksesvolle langtermynverhouding minder…