Innholdsfortegnelse for 28-jul-17 i Vrouekeur

Kan die regstelsel help om ’n egskeiding billik en vreedsaam te laat verloop? Anelia Dodd, regsgeleerde en medeskrywer van Everyone’s Guide to South African Law, wat ’n omvattende afdeling oor egskeidings bevat, beantwoord ’n paar regsvrae. HOE BELANGRIK IS DIT DAT ALLES WAAROP DAAR TYDENS DIE SKEISAAK OOREENGEKOM WORD, OP SKRIF MOET WEES? KAN DIT KONFLIK HELP VOORKOM? Wanneer partye ooreenkom om te skik, gaan die hof ’n skriftelike skikkingsakte vereis. Dit moet álles bevat waarop ooreengekom is. Wanneer ’n skriftelike dokument of kontrak opgestel word, is dit verbode om getuienis rondom die kontrak aan te bied: As jy ’n ooreenkoms neerskryf, moet jy álles neerskryf. Jy sal nie later toegelaat word om te sê: “Hy het ook dit gesê” of “Sy het ook dat belowe” nie. KAN ’N EGPAAR…

ONTHOU, kontoerkuns vat tyd om te bemeester, so oefen oefen oefen! Kontoer en highlight gaan hand aan hand. Die idee met kontoer is om skaduwee te skep en die natuurlike “holtes” op jou gesig (soos reg onder jou wangbene) te definieer. Highlight bring dit wat jy wil beklemtoon na vore, soos jou voorkop, die punt van jou neus en ken. Dit is die maklikste (en goedkoopste) manier om jou gesig ’n vinnige facelift te gee. Nie alle gesigte word dieselfde grimeer nie. Gaan loer in die spieël en bepaal jou gesigvorm. Volg dan ons wenke om jou beste eienskappe ten volle te beklemtoon! KONTOER EERS & HIGHLIGHT DAARNA! Vryf en meng altyd goed in. ROND WAAR OM TE KONTOER Kontoer langs die kante van jou voorkop om jou gesig te…

Die inwoners van die Kaapse Vlakte word dag vir dag uitgedaag om gewoon hul gang te gaan tussen koeëls, bendegeweld, dwelms en swaarkry weens werkloosheid en moeilike sosiale omstandighede. Iemand wat besluit het om hom nie deur hierdie dinge te laat onderkry nie, is Eric van der Byl, ’n onderwyser by Parkfields Primêr in Hanover Park. Terwyl hy self in die hoërskool was, was hy eendag in ’n woordewisseling met ’n bendelid betrokke en die bende het gedreig om Eric dood te maak. Hy het eerder die skool sonder matriek verlaat en het later met baie moeite sy matriek deur middel van aandklasse voltooi. Op die ouderdom van 39 was Eric ’n fabriekswerker wat gesukkel het om die pot aan die kook te hou. Teen daardie tyd was sy een…

WENBOEK Ons wenners in Julie ontvang die boek Clover Gunsteling Suid-Afrikaanse Kos. Suid-Afrika is ’n wonderlike vermenging van kulture en nêrens is dit duideliker as in die interessante verskeidenheid tradisionele kosgunstelinge nie. Die kombinasie van inheemse kulture en honderde jare se immigrasie beteken dat Suid-Afrika een van die wêreld se mees kleurryke en diverse kostradisies het. In Clover Tradisionele Suid-Afrikaanse gunstelinge is daar iets van die verskeidenheid – soos Bunny Chow, romerige marog, smoorsnoek, soetsuurlewer, vetkoek, wildspastei en botterhoender. Met Clover aan die stuur, val die kollig natuurlik op Cloverprodukte wat op slim maniere inkorporeer word om smullekker resepte te ontwikkel – van ligte etes tot hoofgeregte en ietsie soets. Marlo Carstens het elkeen van die resepte getoets en toeganklik gemaak. ’n Persentasie van die boek se verkope word aan…

SKUIMPIES 30 skuimpies 4 (120 g) eierwitte 240 ml (200 g) suiker 1,25 ml (¼ t) kremetart 45 ml (3 e) kakao Verhit oond tot 150 °C en berei twee bakplate met waspapier voor. 1 Roer eierwitte en suiker in dubbelkoker totdat al die suiker opgelos is. Wees versigtig dat mengsel nie te warm word nie. 2 Voeg kremetart by louwarm mengsel en klits tot stywepuntstadium. 3 Sif klein bietjie van kakao oor mengsel, skep boonste laag met lepel af en plaas op bakplaat. Wanneer kakao min raak, sif weer bietjie kakao en skep af. Hou so aan totdat mengsel op is. 4 Bak vir 1 uur tot gaar. WENK Gebruik die skuimpies as versiering op ’n sjokoladekoek…

Moenie eers daaraan dink om dié rubriek te lees sonder om Yuja Wang te sien (meer as net te hoor) klavier speel nie. Daar bestaan heelwat YouTubeopnames, maar Google dalk eers die video-opname “Paraphrase on Mozart’s ‘Alla Turca’/Yuja Wang” voordat ons verder praat. Die opname waarna ek verwys, is die een van 16 Mei 2015 wat sy ná haar optrede saam met die Berlynse Filharmonie as toegif gespeel het. Dit is ’n parafrase van Mozart se bekende Rondo alla Turca, die laaste beweging van sy Sonate No. 11 in A, K 331. Toe Wang met die eerste note van dié bekende stuk musiek uit die Klassieke era wegtrek, het lede van die gehoor gelag. Was dit omdat dit so ’n oorbekende stuk musiek is? Of was dit omdat daar mense…

Die trompetgeskal waarmee die Heuwels Fantasties se vyfde album, OKAY! (Super Familias), open, is reeds ’n aanduiding dat jy hier weer na ’n goue album, soos hul voriges, luister. DHF is nie net die suksesvolste alternatiewe poprockgroep in die land nie. Pierre Greeff (stigterslid, sanger, liedjieskrywer en kitaarspeler), Hunter Kennedy (stigterslid, liedjieskrywer en baskitaarspeler en ook betrokke by Fokofpolisiekar en aKING), Fred den Hartog (hoofkitaarslaner sedert 2009) en die nuwe toevoeging tot die groep, Sheldon Yoko (tromme) is ook baanbrekers in dié genre. Sedert 2008 palm hulle Ghoemas, Tempo’s en Samas die een na die ander in met hul albums Die Heuwels Fantasties, Wilder as die wildtuin, Alles wat mal is en Ja.Nee. Lekker. Tussen treffers is Klein tambotieboom, Wens jy was hier, Doen net wat ons wil (saam met…

Deesdae bied tuinsentrums nuwe aalwynhibriede met hul spoggerige blomkandelare vol buisblomme in kleurvariasies wat die kieskeurigste kleur-connoisseur tevrede sal stel. Die nederige aalwyn het oplaas sy regmatige plek in ons tuine begin inneem – hulle is hoogmode en nou moet ons net meer van hulle plant! Suid-Afrika beskik oor baie inheemse aalwynspesies wat in die winter- sowel as somerreënstreke groei. Dan is daar ook ’n swetterjoel natuurlike kruisings, seleksies en hibriede. Dié geharde plante is vrygewige goed wat, met behulp van voëls en bye wat nie die nektar in die blomme kan weerstaan nie en dit so vlieg-vlieg bestuif, in die natuur met mekaar kruis om gereeld nuwe vorms te skep. Versamelaars – daar is baie, want as die aalwyngogga jou eers gebyt het, los hy jou nie weer nie!…

Vir alle navrae navrae@xword.co.za of 082 346 3431 Besoek www.xword.co.za WEN R1 000! Voltooi die blokraai en gebruik die omkringde letters om die versteekte woord of naam te ontsyfer. Leidraad: Kaptein van die Italiaanse regiment wat mense gestuur het om Petrus in Joppe te gaan haal SMS jou antwoord, voorletters, van en dorp/stad voor of op 16 Augustus 2017 na 48410. SMS’e kos R1,50 en is net vir mense in SA. Geld sal vir foutiewe antwoorde gehef word en gratis SMS’e geld nie.…

BRIEF van die WEEK LESSE Soms leer ’n mens lewenslesse op plekke waar jy dit die minste verwag, soos in my geval by ’n vulstasie op pad lughawe toe. Ons word deur ’n vriendelike, hulpvaardige petroljoggie gehelp wat sommer my gemoed verkwik. Sommige sal sy werk as gering ag, maar ek kon sien sy werk is sy trots. Daardie dag leer ek toe sommer ’n les of twee: Wees trots op dit wat jy doen, doen jou bes en onthou dat vriendelikheid niks kos nie. Só kan jy mense onbewustelik inspireer en dit vir hulle ’n beter dag maak. Poppie Lotter, per e-pos NOG ’N VOORBLADOPSIE Wenbriefwenners wen ’n Prestigegeskenkpak van R500. Prestige se Staysharp- messe het gehalte-vlekvryestaallemme. Dit pas in ’n gepatenteerde selfslyp-houertjie wat die mes slyp elke keer…

Wanneer hy gevra word wat hy die meeste van Suid-Afrika mis sedert hy op 22 Maart vanjaar na Rwanda teruggekeer het, sonder hy sonder huiwering hierdie departement uit. “Dit is goeie mense wat goed vir my was en my ondersteun het. In die proses het kollegas en vriende my tweede familie geword.” Om die Rwanda van vandag te beskryf, is volgens hom feitlik onmoontlik. “Die land het danksy goeie leierskap uit die as opgestaan. Alles wat gebeur het, voel nou net soos ’n slegte droom as jy sien hoe wonderlik dit in die land gaan. Rwanda beweeg vinnig op alle mediese gebiede en daar is ’n sterk politieke wil om mense te help en lewens te verbeter.” Dit beteken egter nie dat hy hom blind staar teen die struikelblokke nie.…

Oral om jou is mense op pad iewers heen, maar dis asof ’n onsigbare muur jou van hulle skei: Jy is eenkant. Alleen. Verwyderd van ’n wêreld waar dit lyk asof almal iemand het om hul vreugdes en hartseer mee te deel, behalwe jy. Eensaamheid is ’n toestand wat jou diepste menswees raak. En ten spyte van die feit dat ons wêreld danksy sosiale media al hoe kleiner raak, blyk dit dat mense al hoe eensamer voel, vertel kliniese sielkundige Chevon Cawood van Johannesburg. Maar hoe gebeur dit dat mense te midde van ’n wêreld vol mense so verskriklik alleen voel? MEER AS NET ALLEEN ’n Mens moet onderskei tussen soms alleen voel weens sekere situasies en in alle omstandighede om chronies alleen te voel, sê Laura Strydom, voorligtingsielkundige van…

WENKE Gebruik ’n glasbak – ’n metaalbak mag dalk jou mayonnaise verkleur. Gebruik gehaltesonneblomolie. Dit sal vir ’n goeie geur sorg. Vermy olyfolie – dit kan mayonnaise ’n groen kleur gee. As jou mengsel skif, begin met ’n eiergeel in ’n skoon bak. Gooi van die geskifte mengsel teelepel vir teelepel by terwyl jy klits. Dit sal dan ’n nuwe emulsie vorm. Jy kan ook ’n elektriese menger gebruik om dinge makliker te maak. TUISGEMAAKTE MAYONNAISE lewer 2 koppies 4 eiergele 5 ml (1 t) Dijonmosterd 30 ml (2 e) vars suurlemoensap 500 ml (2 k) sonneblomolie sout en peper 1 Klits eiergele, mosterd en helfte van suurlemoensap saam. 2 Gooi olie druppel vir druppel in eiermengsel terwyl jy aanhoudend met klitser klits. 3 Wanneer mengsel begin verdik, gooi dit…

My skoonsuster Katy en swaer Denny woon in die dorpie waar Denny grootgeword het. Ons word in die drieuur- rit uit Londen daarop gewys dat jy dit “Beminster” uitspreek en sy vertel van die lewe in die klein dorpie in Dorset. Soggens vroeg hoor jy die rooiborsies in die tuin kwetter, maar dis die seevoëls se gekrys wat jou herinner hoe naby jy eintlik aan die oseaan is, al is dit verder weg met die klein kronkelpaadjies van die platteland. Ons kuier sewe dae in Dorset en sien en beleef die dorpie en omgewing deur Denny en Katy se oë. Katy is in vervoering oor hoe goed alles werk, hoe misdaadvry dit is en hoe afgesonderd én naby jy tegelykertyd aan groot stede is. Denny lag net vir ons oopmond-aangaap…

Linen Drawer www.linendrawer.co.za Mr Price Home www.mrphome.com Mungo www.mungo.co.za Volpes www.volpes.co.za Woolworths www.woolworths.co.za…

Moeilikheidsgraad: WAT HET JY NODIG? 2 (2; 3; 3) balle elk FAMILY KNIT CHUNKY (50 g) in Brisket (A) en 1 elk in White (B), Turquoise (C) en Antique (D) 4,5 mm- en 5,5 mm-naalde Merkers 4(4; 5) knope SPANNING 1 5 ste en 21 rye = 10 cm oor koussteek met 5,5 mm-naalde GROOTTE Pas 3-6(6-12; 12–18) maande AFKORTINGS aw – aweregs; don – draad oor naald; gl – glip; herh – herhaal; ks – koussteek; r – regs; r2tes – regs twee tesame; VK – verkeerde kant PATROONSTEEK EN KLEURWISSELING 1ste ry: met B, r. 2de ry: met B, r. 3de ry: met C, r1, glip vlg st (B), *r3, gl1, herh van * en r laaste ste wat aan einde van ry oor is. 4de ry: met…

Hoeveel dae is daar nou weer in die jaar? 365 (en ’n kwart, om presies te wees). Raai hoeveel verse is daar in die Bybel waar die Here sê: “Moenie bang wees nie”? 365. Dit wil vir my lyk asof die Here by wyse van die herhaling van die spesifieke boodskap beslis nie wou hê dat ons gedagtes deur vrees oorheers moes word nie. God se bemoediging is veral duidelik in Psalm 23:4: “Selfs al gaan ek deur donker dieptes, sal ek nie bang wees nie, want U is by my. In u hande is ek veilig.” God wil beslis hê ons as sy kinders moet die boodskap kry om nie bang te wees nie. Hoekom sou God dit so dikwels in die Bybel beklemtoon? Ek dink dit is deels…

Die nuus breek op ’n louwarm wintersoggend en versprei blitsig op sosiale media. Pierre sit sonder werk. Sy kontrak by 7de Laan word nie hernu nie. Ná byna 18 jaar moet kykers van dié sepie “Oubaas” finaal groet. Wat nou? Pierre en Sandra was die afgelope tyd ’n paar keer gedwing om tot stilstand te kom en hul lewens in heroënskou te neem. ’n Hartaanval en prostaatkanker, en Sandra se postkonkussie-sindroom twee jaar gelede, was volgens hulle maar lastige systappies. “Systappies” wat hulle elke keer tot stilstand gedwing het, om te rus en hul koers ’n bietjie aan te pas. Oor die nuutste verwikkeling sê Pierre egter: “Ek vermoed hierdie is ’n bietjie meer as ’n lastige systappie.” Hy voeg dan by: “Maar ons is albei baie gelukkig en vol…

Vir EWP. Ons het hom in ’n terras teen die hang begrawe waar hy vir altyd op die mooiste lentedag ’n uitsig oor die vallei sal hê. Olyfbome wat sonlig uitsif oor groen gras met geel madeliefies en die rooi vuur van papawers. Ons het mirre in sy graf gestrooi en onder die silwer klank van ’n silinderbel sy gees aan die absolute natuur gegee. Daar was ’n klip met ’n plat skuinsvlak en dié het ons oor sy graf geskuif sonder om sy naam daarop uit te krap. Hy was anderkant skrif, en meer as taal. Om die eerlike waarheid te sê, ons het skuldig gevoel oor sy dood. Hier waar ons woon, waar die huise teen mekaar staan en die strate net breed genoeg vir mense, perde en…

’N BOEK VAN PAPIER VIR MY, DANKIE ’n Oom het eens vir my genoem dat die internet nooit koerante sal vervang nie, want “jy kan nie ’n braaivleisvuur met die internet aansteek nie”. Hoewel dit maar broekskeur gaan met sekere koerante, is fisieke boekverkope besig om veld terug te wen. In die Verenigde Koninkryk het die uitgewersvereniging syfers uitgereik wat noem dat hulle met ’n gemaklike 8% tot die hoogste vlak sedert 2012 gestyg het. E-boekverkope andersyds het met 3% gedaal. Of hierdie syfers volhoubaar is, sal net tyd kan wys, maar dit dui op ’n interessante feit – digitaal is nie altyd beter nie. Vir my is daar min dinge so lekker as om in ’n tweedehandseboekwinkel ’n titel op te spoor waarvoor ek al lank gesoek het en…

Bykans 500 jaar gelede, op 31 Oktober 1517, het die Duitse kerkhervormer Martin Luther sy 95 stellings teen die kerkdeur van Wittenberg vasgekap. Dié daad word allerweë as die begin van die Hervorming gereken. Dié gebeurtenis word vanjaar wêreldwyd op talle maniere feestelik gedenk. In die VSA het vier kunsmuseums, dié van New York, Atlanta, Minneapolis en Los Angeles, uitstallings aangebied wat lig op die Duitse kuns van die Renaissance en die Hervorming werp. Die uitstallings het reeds in die VSA tot ’n einde gekom, en word gereed gekry vir die spesiale nasionale uitstallings wat vir later vanjaar in Duitsland beplan word. Die Los Angeles-kunsmuseum se uitstalling, Renaissance and Reformation: German Art in the Age of Dürer and Cranach, het gefokus op die veranderinge wat die (kuns)wêreld in die 15de…

Ná ’n boekbekendstelling keer ’n man my voor. Hy wil weet waarom so baie resensies niks meer as vervelige beskrywings van boeke is nie. Hy verlang meer van ’n resensie as ’n beskrywing van die skrywer se slim toertjies, verduidelik hy toe ek versigtig uitvra, hy wil weet wat die boek nou eintlik vir ons in ons wêreld beteken. Natuurlik is daar baie redes daarvoor dat resensies nie altyd is wat hierdie leser daarvan verwag nie. Maar een van die redes het te doen met ’n bepaalde beskouing van letterkunde wat in die 1960’s ontstaan het en wat steeds soms ’n invloed op resensente het. Storievertelling word al vir eeue as deel van literatuurstudie ondersoek – die ou Grieke, Aristoteles en Plato, het al breedvoerig daaroor geskryf, maar veral die…

VREES OM VOOR ANDER TE PRAAT Ek het as kind in Sasolburg grootgeword en as gevolg van die onsuiwer lug het ek van ’n jong ouderdom af longprobleme. My probleem is dat ek ongelooflik skaam is om voor mense te praat, veral in Engels, selfs al is ek ten volle tweetalig. – Bang Asemhalingsprobleme het dikwels ’n impak op die vermoë om gemaklik te kan praat en die onderliggende longprobleme kan bydra tot jou vrees om voor ander te praat. As jy gemaklik met tale is, kan dit wees dat die angs wat jy ervaar, met selfvertroue en kommunikasie verband hou. Jy kan probeer om progressiewe ontspanningsoefeninge asook asemhalingstegnieke te gebruik om jou selfvertroue te verbeter om gemaklik met ander te kommunikeer. Daarna kan jy geleidelik meer voor familie en…

Woordspel 29 Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 6 woorde, goed 8 woorde, baie goed 11 woorde of meer, uitstekend Koderaai Elke syfer verteenwoordig ’n letter van die alfabet. Om mee weg te spring, is 3 (drie) letters klaar ingevul. Kyk nou of jy kan uitwerk wat elke letter in die alfabet se kode is. OPLOSSING: Twaalfuur, futuraal, trawal, twaalf, ultra,…