Innholdsfortegnelse for 21-jul-17 i Vrouekeur

Vrouekeur is jou keuse elke week en in vandag se vinnige tye is innovering iets wat almal se lewe kan verbeter. Nuwe idees; om met die jongste dinge tred te hou. Dis hoekom ons weet jy gaan baie van die nuwe intekenervaring hou. So waaroor gaan dit alles? Dit gaan veral oor gerief, en kom ons wees maar eerlik, dis iets waarvan elkeen hou. Caxton Magazines en Woolworths het hande gevat om dit makliker as ooit te maak om jou Vrouekeur elke week te kry. Hoe? So eenvoudig soos een, twee, drie: Jy hoef slegs aanlyn te registreer vir jou jaarlikse subskripsie, en kry dan elke maand ’n SMS-kode waarmee jy jou tydskrif by jou naaste Woolies kan afhaal. Dis gerieflik en spaar jou tyd, en jy kry boonop al…

’N LEEFTYD IS NIE LANK NIE My dogter se skoonouers woon op Oudtshoorn en verlang maar baie na hul enigste kleindogter (agt maande) wat in Pretoria woon. Onlangs het hulle die pad Gauteng toe aangedurf vir ’n familiebyeenkoms op Krugersdorp, ’n skoolreünie en om die res van die tyd by die kinders te kuier. Op pad vanaf Krugersdorp na Pretoria raak Ouma siek en word in die hospitaal opgeneem. Volgens hospitaalreëls word babas nie toegelaat om Ouma te besoek nie. Sonder om haar kleindogter te sien, sterf sy die volgende oggend. Sy was 59. Genoeg lewensjare wat voorgelê het om haar kleinkinders te sien grootword, maar wat haar nie beskore was nie. Die Maandag lees ek in Vrouekeur van 9 Junie Eldaleen se redakteursbrief. Haar slotwoorde so treffend: “... sterf…

Rob van Vuuren is dalk beter bekend as ’n akteur wat dikwels in komiese rolle te siene is, maar gesels ’n wyle met hom en dit word gou duidelik dat hy ’n man is wat sy kreatiewe talente op velerlei maniere uitleef. Die gesprek spring dan ook sommer weg met ’n kinderboek wat hy en sy vrou, Dani, saam geskryf het “Ons is baie lief vir boeke en lees graag vir ons dogtertjie, Bijou. Sy was beslis die inspirasie vir Florence and Watson and the Sugarbush Mouse. Dis ’n fantasie oor twee dansende heuningratels wat deur middel van ritme en rym die verhaal van ’n dapper klein streepmuis vertel.” Die boek is ook in ’n verhoogstuk omskep en is op CD beskikbaar. Die tweede oplaag van die boek is tans…

Soos die meeste Afrikaanse kinders het ek nie Griekse mites saam met my ma se melk ingekry nie. Maar ek het darem krummels langs die pad opgetel. Ek het geweet van die wrede Zeus op sy bergspits, van Poseidon met sy tuinvurk diep onder die see, van Hades wat baas speel in die doderyk. As tiener het ek nuuskierig geword oor Freud se Oedipus-kompleks, of Achilles se problematiese hakskeen, of die swaard wat so aanmekaar oor die arme Damokles se kop hang. Maar dis eers as volwassene dat ek die ou mites regtig begin léés het – en toe ontdek ek veel meer as waarvoor ek gehoop het. Die Griekse mites is absoluut onweerstaanbare stories. Jy moet weliswaar, soos in ’n Russiese roman, kophou met die moeilike name van al…

WENBOEK Ons wenners in Julie ontvang die boek Clover Gunsteling Suid-Afrikaanse Kos. Suid-Afrika is ’n wonderlike vermenging van kulture en nêrens is dit duideliker as in die interessante verskeidenheid tradisionele kosgunstelinge nie. Die kombinasie van inheemse kulture en honderde jare se immigrasie beteken dat Suid-Afrika een van die wêreld se mees kleurryke en diverse kostradisies het. In Clover Tradisionele Suid-Afrikaanse gunstelinge is daar iets van die verskeidenheid – soos Bunny Chow, romerige marog, smoorsnoek, soetsuurlewer, vetkoek, wildspastei en botterhoender. Met Clover aan die stuur, val die kollig natuurlik op Cloverprodukte wat op slim maniere inkorporeer word om smullekker resepte te ontwikkel – van ligte etes tot hoofgeregte en ietsie soets. Marlo Carstens het elkeen van die resepte getoets en toeganklik gemaak. ’n Persentasie van die boek se verkope word aan…

WENK Die biltong kan met enige vulsel van jou keuse vervang word BILTONGSOUTTERT 1 tert 1 klein ui 1 groot pak skyfies, biltonggeur 150 g biltong, gekerf 125 ml (½ k) kaas, fyngerasper 2 pikantrissies (peppadews), gesnipper 4 groot eiers 180 ml (¾ k) room 180 ml (¾ k) melk 5 ml (1 t) vars pietersielie sout en peper na smaak Verhit oond tot 180°C en smeer ’n 27 cmtertbak met botter. 1 Sny ui in fyn blokkies en braai tot sag. 2 Druk skyfies in pak fyn en bedek bodem van tertbak daarmee. 3 Pak uie bo-op skyfies, gevolg deur laag biltong. 4 Strooi kaas en pikantrissies bo-oor biltong. 5 Klits eiers, room, melk en pietersielie saam en geur met sout en peper. Gooi versigtig oor vulsel. 6 Bak…

Een oggend, kort voor Kersfees in 1989, het New Yorkers ’n onverwagte Kersgeskenk gekry. Neffens die Kersboom van 18 m in die middel van Broad Street voor die New Yorkse aandelebeurs in Manhattan is ’n bronsbeeld van ’n bul, gereed om te storm, oornag opgerig. Die oprigting van die beeld was vir die beeldhouer, die Italiaans gebore Arturo Di Modica, ’n daad van guerrilla-kuns – om oornag en sonder opdrag of toestemming ’n kunswerk in die openbaar op te rig (soos wat Banksy muurskilderye oornag op mure aanbring). Di Modica se oogmerk met dié beeld, wat die naam Charging Bull gekry het, was om optimisme en krag in ’n tyd van teenspoed te verbeeld – 1989 was die tyd toe die finansiële markte in duie gestort het. Hou ’n mens…

Hierdie tuinhandskoene is nie net mooi nie, dit is bedoel om mee te werk! Dis van sterk materiaal gemaak en die dele op die palms is opgestop. Dit kan in die wasmasjien gewas word. Een grootte pas die meeste mense, R459, Yuppiechef Hou tuingereedskap netjies bymekaar in die Keter Winner Wood Look Cabinet, R1 450, Builders Warehouse Winter is die tyd om laventel te plant. Die Lavandula angustifolia is kompak met klein grys-groen blaartjies en lang blomvorms in donkerpers. Die Lavandula stoechas (Franse laventel) is in ’n verskeidenheid van kruisings beskikbaar. Dis ’n bosserige struik met slanke groen blare. Blomme is pers of pienk met twee kleurryke skutblare wat soos haasore lyk. Plant kruie of mooi blommetjies in dié trio-potplanthouers. Mooi vir jou kombuisvensterbank óf iewers in die tuin, R120,…

VRIENDIN SE STRYD NÁ KÊREL SE SELFDOOD Ek en my vriendin is tweedejaarstudente op universiteit en ek is baie bekommerd oor haar. Haar eksverhoudingsmaat het ’n ruk gelede selfdood gepleeg en in sy brief het hy glo my vriendin daarvan beskuldig dat sy die rede daarvoor is. Sy worstel met erge skuldgevoelens. Hulle het nie lank uitgegaan nie aangesien hy haar met ’n ander meisie verneuk het. Hoe kan ek haar help? – Vriendin van Vrystaat Jou vriendin se eks het waarskynlik onafgehandelde sake met homself gehad weens die verneukery. Om vanuit die graf te manipuleer, is een van die mees eerbiedlose dinge om te doen. Dit is belangrik om seker te maak of die brief wel geskryf is soos wat aan haar meegedeel is. Ongelukkig is dit maklik vir…

Woordspel 28 Deur XWord.co.za Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 13 woorde, goed 18 woorde, baie goed 22 woorde of meer, uitstekend OPLOSSING: Tuinparty, tuitpan, uittrap, intrap, uittap, aptyt, intap, party, tapir, tapyt, pair, pant, pari, part, pint, pita, prat, prut, puin, punt, trap, tryp. Woordsoek 22 Suid-Afrkaanse dorpe is in hierdie rooster versteek. Hulle kan horisontaal, diagonaal vertikaal, onderstebo of…

Ds Janine Bevolo-Manders is verbonde aan die Nederduitsch Hervormde Kerk Witfontein in Pretoria-Noord en is al 20 jaar ’n predikant Die afgelope 40 jaar al volg Andrea Mosconi elke dag dieselfde roetine. Elke môre trek die 84-jarige Italianer ’n pak klere met ’n das aan en gaan na die stadsaal in Cremona, Italië, waar hy die vioolmuseum binnegaan. Daar is drie viole wat deur die Armani-familie gebou is, twee deur die Guarneri’s en dan is daar drie viole en een tjello wat deur die meester Antonio Stradivarius aanmekaargesit is. Andrea Mosconi het die opdrag om na die viole om te sien. Hy is die dorp se amptelike musiekkurator. So wat doen hy? Hy speel musiek. Hy sê die beste manier om na hierdie musiekinstrumente om te sien, is om hulle…

Die moeilikheidsgraad van die patrone en tegnieke wat gebruik word, wissel, so die boek is ideaal vir beginners asook vir brei-entoesiaste met meer gevorderde vaardighede. Projekte wissel van skattige babamussies en -truitjies tot truie, serpe en musse vir kinders en mans. Troeteldierliefhebbers sal mal wees oor die hoofstuk met patrone vir hondejassies, ’n drasak, katbedjie en -speelgoed. Die boek bevat ook ’n lys van breiafkortings in Afrikaans en Engels. Die boek is by toonaangewende boekwinkels beskikbaar sowel as by www.lapa.co.za…

Verhoudings is ’n tema waaroor daar voortdurend geskryf word – of dit nou in boeke, tydskrifte of aanlyn is. Alles daarvan is nie ewe goed nie, maar die blote feit dat ons nog nie uitgeskryf of uitgelees is aan die onderwerp nie, is waarskynlik ’n aanduiding van die kompleksiteit van ’n verhouding en die soeke na die “geheim” van ’n lang en gelukkige lewe saam. As verhoudings maklik was, was die statistiek vir die opbreek daarvan nie so hoog nie. Kom ons wees eerlik – daar is geen manier waarop twee mense wat hul lewens deel oor alles gaan saamstem of dieselfde dink of optree nie. Ons het almal ons eie persoonlikhede en ’n geskiedenis wat ons gevorm het en bly vorm. Dis hoekom baie selfhelpboeke en eendimensionele artikels wat…

’n Heruitgawe met ’n nuwe omslag van dié onvergeetlike verhaal van liefde oor die kleurgrens in die 18de eeu, deur André P Brink. Elisabeth Larsson vergesel haar man op ’n ontdekkingsreis na die Kaapse binneland. Wanneer hy sterf, ontferm ’n drosterslaaf hom oor haar. www.nb.co.za 3 lesers kan die boek wen. SMS OOMBLIK gevolg deur jou naam, van en adres voor 26 Julie 2017 na 48410. SMS’e kos R1,50 en is net vir mense in SA. Geld word vir foutiewe sleutelwoorde gehef en gratis SMS’e geld nie. Bepalings en voorwaardes: Deur vir hierdie kompetisie in te skryf, gee jy Caxton-tydskrifte die reg om ander Caxton-tydskrifaanbiedinge aan jou te bied. *Pryse onderhewig aan verandering…

MOOI ÉN PRAKTIES Babe-Eeze se oulike hangertjies wat in die mooiste kleure en style beskikbaar is, lyk nie net mooi om Ma se nek nie, maar is ideaal vir baba om aan te kou terwyl sy hom dra of hy op Ma se skoot sit. Die hangertjie word van silikoon gemaak en is nie giftig nie, vry van BPA, lood en ander gevaarlike bestanddele. Beskikbaar by Dis-Chem, Clicks en sekere apteke teen ongeveer R149 DOOP ’N OUMA Die ikoniese Suid-Afrikaanse OUMAbeskuit het twee nuwe toevoegings tot hul familie: OUMA Premium rusks (ongeveer R47,99) en OUMA Mini Bite Size Rusks (ongeveer R16,99). Kies uit geure soos karringmelk & muesli, karringmelk & semels en karringmelk & anys. Jy sal mal wees oor die tuisgemaakte smaak. Die happiegrootte beskuit is net reg vir…

Die duo’s Kaleidoskoop en Deca het talent en musiek gemee. Oor hul naam sê Anique en Jouba dat ’n kaleidoskoop ’n outydse speelding is wat mooi patrone en kleure maak sodra jy dit op ’n ligbron rig en daardeur kyk. “Ons vind inspirasie deur ons oë op Jesus – óns ligbron – te rig. Só hoop ons om ons positiewe, kleurryke uitkyk op die lewe, liefde en menswees in ons musiek en lirieke te weerspieël.” Dit is ’n broodnodige boodskap van hoop. Oor musiek sê Deca se Douw: “Musiek is mooi wanneer dit emosie delf. Musiek laat jou die wêreld sien. Musiek wat halfhartig en sonder passie uitgevoer word, is nie mooi nie.” Herman meen: “Musiek moet ’n mooi melodie hê. As alles op een noot is, word dit vervelig…

Die Ierse Fidelio Trio het naam gemaak as een van die opwindendste en ondernemendste klaviertrio’s in Europa. Hoewel die naam van dié ensemble iets van ’n klassieke allure oproep, durf dié drietal ook dikwels opdragwerke aan, asook die musiek van hedendaagse komponiste soos Toshio Hosokawa, Charles Wuorinen, Michael Nyman, Gerald Barry, Simon Bainbridge, Judith Weir en die Suid- Afrikaner Alexander Fokkens. In sy uitgebreide reeks CD-opnames het die trio egter musiek uit die vorige twee eeue verreken – soos dié van Camille Saint-Saëns en Maurice Ravel. Vir sy konsert vir die Johannesburgse Musiekvereniging in die Linder in Parktown volgende maand sluit die Fidelio Trio juis “ouer” werk – van Ludwig van Beethoven, Maurice Ravel en Bed?ich Smetana – in. Dié konsert is deel van die trio se toer na Zimbabwe…

In John Miles se pryswennerroman, Op ’n dag ’n hond, besoek die hoofkarakter, ’n onderwyser, ’n boekwinkel. Die eienaar van die boekwinkel stel hom voor aan “die literator TC Malan”. Reeds met die beskrywing van TC Malan as “die literator”, skyn iets van ’n spottende toon deur, veral omdat die sin waarin Malan as literator beskryf word, soos volg lees: “Montalbán vertroetel elke klant en stel die onderwyser voor aan ander boekliefhebbers soos ook aan die literator TC Malan wat sy teenwoordigheid sedertdien met ’n kort knik erken, kennelik is ’n vinnige blik voldoende om van gewone lesers kennis te neem.” Deur die woord “literator” te gebruik, word Malan duidelik onderskei van “gewone lesers”, soos die onderwyser. Die woord “literator” kry in hierdie verband iets van ’n selfingenome en vername konnotasie.…

BENODIGDHEDE E lle Pure Gold DK (100 g-balle): 2 balle elk Sage, Spritz, Parakeet en Vanilla en 1 bal Blossom 3,5 mm hekelpen Naald vir vaswerk GROOTTE Vanaf middel van nek tot voor by punt = 49 cm. AFK ORTINGS EN STEEKVERDUIDELIKINGS beg = begin, dies = dieselfde, dr = draai, dr-ks = draaikettingsteek, gp = groep, gs = glipsteek, h/af = heg af, herh = herhaal, kb = kortbeen, ks = kettingsteek, lb = langbeen, ls = lus, rdte = rondte, sp = spasie, st = steek, tr = trossie, vlg = volgende. TROSSIE 1. Slaan die draad oor die pen en steek dit in die volgende steek. 2. Moenie die steek voltooi nie sodat daar twee lusse op die pen is. 3. Hekel die volgende steek op dieselfde…

Deur XWord Vir alle navrae navrae@xword.co.za of 082 346 3431 Besoek www.xword.co.za WEN R1 000! Voltooi die blokraai en gebruik die omkringde letters om die versteekte woord of naam te ontsyfer. Leidraad: Geheel van die Goddelike raadsbesluite ten opsigte van die verlossing SMS jou antwoord, voorletters, van en dorp/stad voor of op 9 Augustus 2017 na 48410. SMS’e kos R1,50 en is net vir mense in SA. Geld sal vir foutiewe antwoorde gehef word en gratis SMS’e geld nie.…

Deur XWord Vir alle navrae navrae@xword.co.za of 082 346 3431 Besoek www.xword.co.za WEN R1 000! Voltooi die blokraai en gebruik die omkringde letters om die versteekte woord of naam te ontsyfer. Leidraad: ’n Woord vir ’n plek waar ’n mens maklik verdwaal SMS jou antwoord, voorletters, van en dorp/stad voor of op 9 Augustus 2017 na 48410. SMS’e kos R1,50 en is net vir mense in SA. Geld sal vir foutiewe SMS’e gehef word en gratis SMS’e geld nie.…

CHRIS SE KEUSE Ons is terug in Bordeaux met hul klassieke versnitte. Min kelders doen dit so goed as die bekende prentjiemooi boetieklandgoed Constantia Glen wat hierin spesialiseer. Ligging is uiters belangrik wanneer dit by gehalte in wyn kom. Die Constantia Glen Five 2012 is ’n elegante uitbeelding van die wingerde net onder Constantianek teen die hange van Constantiaberg. Die druiwe word stadig in koel en droë omstandighede ryp, wat gekonsentreerde geure verseker. Dié is ’n komplekse versnit wat al vyf rooi Bordeaux-druiwe in ’n kragtige struktuur saamweef. Dit bestaan uit 27% cabernet sauvignon, 27% petit verdot, 21% cabernet franc, 15% merlot en 10% malbec. Veroudering vind vir 18 maande in hoofsaaklik nuwe Franse eikehoutvate plaas. Daarna word dit vir ’n tydperk van nog drie jaar in die bottel verouder…

WENK Avokado’s is propvol gesonde olies – eet dit daagliks om gesond deur die winter te kom VISFRIKKADELLE MET AVOKADOSOUS 2 porsies FRIKKADELLE 3 stokvisfilette, ontvel en ontvries ½ ui, gerasper 3 0 ml (2 e) gedroogde broodkrummels 5 ml (1 t) Marokkaanse speserymengsel 30 ml (2 e) gekapte koljander 1 eier AVOKADOSOUS 2 avokado’s 45 ml (3 e) dubbeldik jogurt 2,5 ml (½ t) fyn knoffel 15 ml (1 e) suurlemoensap skil van ½ suurlemoen 2,5 ml (½ t) fyn komyn bietjie water 1 Stel oond op 180 ?C. 2 Frikkadelle Plaas alle bestanddele vir frikkadelle in voedselverwerker en verpulp tot net fyn. 3 Verdeel mengsel in ses gelyke dele en skep ses bolle op gesmeerde bakplaat uit. 4 Bak frikkadelle vir 20 minute of tot helder sappe uitkom.…

ROLPRENTE THE CIRCLE 5/10 Met Emma Watson, Tom Hanks en Ellar Coltrane Regisseur James Ponsoldt DRAMA Dit voel of iemand ’n rekenaar in jou kop aangeskakel het terwyl jy na hierdie rolprent kyk, want daar gebeur so baie, en die tegnologie raak so oorheersend en gevorderd, dat selfs die arme Emma Watson gedeeltelik verdwyn. ’n Ambisieuse meisie (Watson) kry ’n werk by ’n supertegnologie- maatskappy, The Circle, waar mense se privaatheid opgeskort word en niemand enige geheime mag hê nie. Dan begin mense sterf. Die rolprent is baie swak in die buiteland ontvang en dele daarvan moes oorgeskiet word. Watson en Tom Hanks speel baie goed, maar die storie is te slim en soms verwarrend, terwyl die ontknoping hoegenaamd nie werk nie. Sommige karakters en hul stories ly ook skipbreuk…