Innholdsfortegnelse for 14-jul-17 i Vrouekeur

Dis cool om middeljarig te wees, sê Maretta Bellingan in haar rubriek dié week. Ek stem 100% met haar saam. Hoewel ek telkens skrik as ek in ’n koerantberig lees van iemand wat my ouderdom is (57) en daar na die persoon in die berig as middeljarig verwys word. Hoekom doen hulle dit? Ek voel soos die Amerikaanse finansier wat in sy leeftyd gesê het: “Vir my is ‘oud’ altyd 15 jaar ouer as wat ek is.” Maretta sê tereg: “Ons, die hedendaagse ‘middeljarige vrou’ is ’n merrie van ’n heel ander kleur.” Brigitte Macron is op 64 ’n volle 25 jaar ouer as haar man, die 39-jarige Franse president, Emmanuel Macron. Hoe weet ek dit? Wel, dit is iets wat die media nie sommer so sal laat verbygaan nie.…

As Elana Afrika-Bredenkamp haar sjarme kon bemark, was sy vandag ’n skatryk vrou. Sy is een van daai rare mense wat eenvoudig onbetaamlik aangenaam is en dis nie aangeplak nie. Sy is hartlik, snaaks, slim, skerpsinnig en dan is sy nog deksels mooi ook. Elana, wat skaars drie maande tevore die lewe aan haar tweede dogter geskenk het, val laggend weg met ’n voorval wat hom onlangs in ’n supermark afgespeel het. ’n Vreemdeling het haar pertinent gevra of sy ’n keisersnee gehad het. “Ek was so oorbluf, ek sê toe maar ja en vra vir die vrou hoe sy dit weet. Haar antwoord was omdat ek glo nog vet is.” Elana kraai van die lag en net vir die rekord, sy is allesbehalwe vet, maar erken dis nie lekker…

Kuberaankope maak ’n hele nuwe wêreld vir die verbruiker oop en is boonop net ’n klik weg. Dit beteken egter nie dat verbruikers aan gehalte of diens moet inboet nie. HOE VEILIG IS DIT OM AANLYN TE KOOP EN WAT STAAN JOU TE DOEN AS JY ’N BLOUTJIE GELOOP HET? Donovan Marais dra eerstehands kennis van die aanlyn omgewing as tegniese integrasiebestuurder van Sage Pay, ’n plaaslike transaksie-prosesseringseenheid vir klein- en mediumgrootte-ondernemings wat deel van die Sage-groep wêreldwyd uitmaak. “Aanlyn aankope is veilig, mits jy die regte protokol volg en jou gesonde verstand gebruik,” beklemtoon hy. Donovan beveel die volgende aan: • Koop op bekende webwerwe soos eBay of takealot as jy enigsins kan. As jy wel by ’n onbekende, kleiner handelaar wil koop, maak seker dat die onderneming regtig…

Een van die oudste klokhorlosies waaraan hulle nog gewerk het, was ’n lanternklok uit 1680. Hulle is tans besig met ’n Dutch Hood Wall Clock uit die 18de eeu, ook bekend as ’n Staartklok. “Ons het jare gelede aan ’n koekoekhorlosie van ’n dominee op Struisbaai gewerk,” gesels Louis. “’n Koekoek werk met twee blaasbalkies wat met draadjies oplig en val om die geluid te maak. Dié betrokke dag is die horlosie herstel en opgehang om dit te toets, maar die draadjies van die blaasbalke was per ongeluk omgeruil. In stede van om ‘Koe-Koo’ te maak, het die horlosie luidkeels ‘Ooo- Koek’ van hom laat hoor!” Louis sit al jare lank hand by by Bredasdorp en Napier se majestueuse NG Kerke. Piet Swanepoel was sedert 1953 verantwoordelik vir die kerk…

Watervaltruie & kappies WAAR KOOP EK DIT? Cotton On www.cottonon.co.za 011 268 3700 Donna www.donna. co.za 0860 104 764 Foschini www.foschini.co.za 021 938 1911 (Hoofkantoor) H&M www.hm.com/ za / 011 592 3200 (Sandton-tak) / 021 826 7451 (V&A Waterfronttak) Mr Price www.mrp.com 0800 212 535 Queenspark www.queenspark.com 021 460 9400 customercare@queenspark.com Kleurryk Polonekke & langer lengtes Los & gemaklik Neutrale kleure soos grys, swart en beige bly betroubare stukke wat jy jaar ná jaar kan gebruik…

AARTAPPEL-EN-PREI-SOP 4 porsies 30 ml (2 e) botter 250 ml (1 k) gekapte preie 5 ml (1 t) fyn knoffel 8 00 g aartappels, geskil en in blokke gekap 1,5 ℓ (6 k) hoenderaftreksel 125 ml (½ k) room knypie neutmuskaat sout en peper 1 Smelt botter en braai preie en knoffel daarin tot sag. 2 Gooi aartappels en aftreksel by preiemengsel en kook tot aartappels baie sag is. 3 Gooi mengsel in voedselverwerker en verwerk tot glad. 4 Gooi mengsel terug in kastrol en giet room by. Geur met neut, sout en peper. Laat kook 5 Bedien met broodblokkies of vars brood. WENK Hoe bruiner die uie, hoe meer geur FRANSE UIESOP 4 porsies 4 groot uie, in halfmaanringetjies gekap 125 ml (½ k) botter 5 ml (1 t)…

Die ontploffing wat Pop-kuns (Pop Art) in die 1950’s tot gevolg gehad het, het ook tot Op-kuns (Op Art) aanleiding gegee – met ’n verwantskap groter as net dié van die name van dié twee bewegings. Op-kuns, of optiese kuns, dikwels met ’n kinetiese kinkel, het veral op optiese effekte gefokus wat met behulp van kleur, lyn en beweging voortgebring is. Só gestel klink dit nie na ’n “nuwe” ontwikkeling in die kunsgeskiedenis nie. Dink maar aan die pointillisme van Seurat in die era van die Impressionisme, of die kleurgebruik van die De Stijl, Bauhaus en die kleurteorie van Joseph Albers of aan die spoed en beweging wat die Futuriste probeer verbeeld het. Waarin Op-kuns uitgeblink het, was om die effek van kleur, lyn en vorm sonder enige verwysing na…

Maak nie saak waar jy in die wêreld is nie, terwyl jou ouers leef, voel jy altyd asof ’n onsigbare oog jou volg. Jy maak droog en doen stupid of onverantwoordelike goed, maar daar is steeds ’n grens wat jy nie sommer sal oorsteek nie, want sê nou net Ma of Pa kom iewers daarvan te hore. Ek het my pa meer as tien jaar gelede verloor, maar hy was glad nie ’n streng mens nie. Ma daarenteen, wat drie jaar gelede oorlede is, was ’n kwaai vrou. Sy het nie geskroom om haar enigste kind tereg te wys nie en in oomblikke van frustrasie het ek soms gedink: Wag maar, eendag as jy nie meer hier is nie, gaan ek verskriklike goed aanvang. Moenie vir my vra wat daai…

VRIENDIN SIEN SPOKE My medegelowige vriendin (76) glo dat daar spoke of geeste in haar huis is. Ek het nog nooit so iets gesien nie en weet nie of sy werklik spoke sien nie. Sy gebruik medisyne vir maniese depressie en ek het al gewonder of dit moontlik is of die medisyne die rede is waarom sy hierdie spoke sien. Ons bly albei in ’n oord vir bejaardes wat onlangs eers klaar gebou is. Sy glo vas dat sy gereeld ’n man sien wat sy in detail kan beskryf. Hoe help ek haar? – Bekommerde vriendin Die konsep van spoke en geeste is buite my veld van kundigheid. Jy beskryf ’n psigiatriese toestand bekend as bipolêre steurnis wat voorheen as maniese depressie bekend gestaan het. Stel voor dat sy haar…

“Die mossies wil ook loerievere hê.” Hierdie gesegde is vir my so ’n mooi vertaling van die spreekwoord “Keeping up with the Joneses.” Ons beland so maklik in die strik van: Ons moet die nuutste karre en die grootste huise hê om gelukkig te wees. Keeping up with the Joneses word ’n manier van lewe. Ons kredietkaarte word tot hul volle limiet gebruik. Ons werk heeltyd en het min tyd vir die Here en familie oor. Ons word afhanklik van ons voorspoed in plaas van om van God afhanklik te wees. Selfs in die Bybel is daar talle voorbeelde van mense wat iets wou hê wat hulle nie moes hê nie, wat gemaak het dat hulle oor en oor gesondig het. Dink aan Dawid se owerspel met Batseba en Kain…

BRIEF van die WEEK BESTE WAARDE Beste Vrouekeur, baie dankie vir ’n puik tydskrif. Al is ek ’n man, mis ek nie ’n enkele uitgawe nie. Dit is voorwaar in hierdie moeilike tye nog uitstekende waarde vir geld. Attie Barnard, Groot Brakrivier Attie, dis nou vir ons goeie nuus – dankie vir jou ondersteuning! – Red NOG ’N VOORBLADOPSIE Wenbriefwenners wen ’n Prestigegeskenkpak van R500. Prestige se Staysharp- messe het gehalte-vlekvryestaallemme. Dit pas in ’n gepatenteerde selfslyp-houertjie wat die mes slyp elke keer wanneer dit daaruit verwyder word. Die houertjie het ’n sluitknoppie wat verseker dat die mes stewig daarin geberg word WEN Elke dingetjie wat gebeur, los ’n spoor. ’n Spatsel bloed, ’n haar wat nie op sy plek is nie, ’n weerkaatsing in ’n ou foto, of ’n…

Dit het dikwels in die verlede gebeur dat onskuldige mense al aan die galg geswaai het terwyl skuldiges al skotvry daarvan afgekom het. Dit was voor die ballistiesforensiese wetenskap behoorlik ontwikkel het. Wollie Wolmarans, wat een van die bekendste privaat ballistiese kenners in die land is, word met talle opspraakwekkende sake soos die Oscar Pistorius-saak en die Inge Lotz-saak verbind. Hy is ook weens sy kundigheid in meer as 800 hofsake in Suid-Afrika en in buurlande ingeroep. Ná vier jaar se navorsing is Wollie en Japie Bogaards se boek Koeëlreën: Wapens, bloedspatsels en wonde deur LAPA Uitgewers uitgegee. Dit het al telkens gebeur dat ’n doodskoot die verloop van die geskiedenis verander het. Dink maar net aan politici soos JF Kennedy en Abraham Lincoln en bekendes soos Martin Luther King.…

• Al is dit hoe frustrerend, lees daardie voorwaardes en bepalings sodat jy nie ’n onaangename verrassing kry nie. Kyk ook wat die verkoper se beleid ten opsigte van terugbetalings en terugsendings is. • K yk gereeld – minstens een keer per week – na jou kredietkaart- én ander bankstate, beveel Donovan aan. Onthou, ’n kredietkaartrekening is baie magtig en kan enige plek ter wêreld gebruik word. As jy nie ’n transaksie gemagtig het nie, moet jy jou bank binne 120 dae kontak. Die bank kontak die handelaar en vra bewys dat die kaarthouer die transaksie aangegaan het. As daar nie bewys is nie, word die transaksie omgekeer. • W anneer ’n webwerf produkte teen ’n groot afslag verkoop, swak grammatika en spelling bevat en laegehaltefoto’s van die handelsmerk se…

Jessica sê: Vergifnis is moeilik, veral as die persoon wat jou leed aangedoen het, dit nie verdien nie. Onthou egter dat vergifnis nie beteken dat jy dit wat gebeur het, goedkeur nie. Dit is eerder ’n proses vir jouself, wat jou gaan vrymaak van dit wat soos ’n kanker ’n tuiste in jou liggaam kom skep. Daardie tuiste kan tydelik of permanent wees – dit hang van jou af, want vergifnis bly ’n keuse en nie noodwendig ’n gevoel waarvoor jy moet wag nie. Dit kan ook ’n langtermynproses wees, afhangende van die intensiteit van die emosies betrokke. Die eindresultaat van onvergewensgesindheid is selfvernietiging. Vergifnis beteken ook nie noodwendig dat emosionele pyn gaan verminder nie, maar dit is ’n belangrike stap wat vir emosionele genesing nodig is. Ilé sê: Vergifnis…

WENBOEK Ons wenners in Julie ontvang die boek Clover Gunsteling Suid-Afrikaanse Kos. Suid-Afrika is ’n wonderlike vermenging van kulture en nêrens is dit duideliker as in die interessante verskeidenheid tradisionele kosgunstelinge nie. Die kombinasie van inheemse kulture en honderde jare se immigrasie beteken dat Suid-Afrika een van die wêreld se mees kleurryke en diverse kostradisies het. In Clover Tradisionele Suid-Afrikaanse gunstelinge is daar iets van die verskeidenheid – soos Bunny Chow, romerige marog, smoorsnoek, soetsuurlewer, vetkoek, wildspastei en botterhoender. Met Clover aan die stuur, val die kollig natuurlik op Cloverprodukte wat op slim maniere inkorporeer word om smullekker resepte te ontwikkel – van ligte etes tot hoofgeregte en ietsie soets. Marlo Carstens het elkeen van die resepte getoets en toeganklik gemaak. ’n Persentasie van die boek se verkope word aan…

APPEL-EN-SJOKOLADE-KOEK IN RINGPAN 1 koek 645 ml (360 g) bruismeel 1,25 ml (½ t) sout 1 95 ml (180 g) botter, in blokkies gesny 225 ml (180 g) suiker 3 middelslag-appels, geskil en in blokkies gesny 270 g (375 ml) sjokoladebrokkies 2 groot eiers 135 ml melk 5 ml (1 t) vanielje SOUS 1 blik gekookte kondensmelk 60 ml (¼ k) room Verhit oond tot 180 °C, smeer ringpan met gesmelte botter en strooi met meel. 1 Sif meel en sout saam en vryf botter by mengsel in. 2 Gooi suiker, appelblokkies en sjokoladebrokkies by meelmengsel en meng. 3 Klits eiers, melk en vanielje saam en meng by beslag. 4 Skep beslag in ringpan en bak vir 1 uur tot goudbruin en gaar. 5 Laat vir 10 minute in pan…

Die CD Jy en ek en ek en jy (Chameleon Productions) is Chris Chameleon se eerste oorspronklike Afrikaanse album sedert 2009. Dié lank verwagte werk is volgens hom deur sy persoonlike ervarings met die soeke na en belewing van liefde begeester. Die tekste van die liedere is in die meeste gevalle gedigte wat hy geskryf het terwyl hy smoorverlief was en in dié tyd ’n konsertuitvoering van die klassieke Indiese kunstenaar Shujaat Husain Khan bygewoon het. Volgens sy eie weergawe het hy nie ’n woord van die Hindi-teks begryp nie, maar hy is deur die gees van die musiek meegevoer. Dit is teen dié agtergrond wat 12 buitengewoon geïnspireerde snitte gespruit het – waarin die eenvoud, ontsag, kompleksiteit en deernis van die liefde in woord en klank vergestalting vind. Chameleon, wat al…

Daar heers groot opgewondenheid as ’n nuwe roman deur Etienne van Heerden verskyn. Hy is immers een van ons “groot” Afrikaanse skrywers. Sy bekroonde roman Toorberg het in 1984 die eerste proe van magiese realisme in Afrikaans gebring, toe die een sentrale karakter in die roman, die magistraat, kort ná sy aankoms op die Karoodorpie om StamAbel loop, versigtig om nie op sy skaduwee te trap nie omdat almal weet ’n mens trap nie op ’n dooie se skaduwee nie. Daarmee het Van Heerden sy kenmerkende styl gevestig. Sy kortverhaalbundel, Die liegfabriek, waarvan die titelverhaal later tot Casspirs en Campari’s gelei het, het skielik die afgelope tyd met die Bell Pottinger-storie oor “White Monopoly Capital” weer relevant geword. In die roman het ’n reklamemaatskappy die beeld van die destydse president…

Die Suid-Afrikaanse klimaat kan nogal ekstreem wees en dis belangrik om jou tuin daarteen te beskerm. Een van die eerste linies van verdediging is molm. Molm het soveel voordele dat dit eintlik onverklaarbaar is waarom nie meer tuiniers daarin belê nie. Dit hou die grond koel en verminder windaktiwiteit en dit lei weer tot minder verdamping. Dit beskerm ook nuwe wortels, wat gesonder plante bevorder en wat uiteindelik waterbesparing beteken. As jy donkerkleurige molm soos basstukkies gebruik, verminder dit lig wat gereflekteer word, wat die omliggende temperatuur laat daal en wat vogverlies deur uitwaseming verminder. En dit beteken minder natlei. Molm help ook om onkruid te beheer omdat dit die lig na die grond se oppervlak uitsny, wat saadontkieming inhibeer. Ons almal weet dat erdwurms baie goed vir grond is…

MOEILIKHEIDSGRAAD: ? WAT HET JY NODIG? 1 1(13; 14; 15; 16) balle ELLE FAMILY KNIT CHUNKY in Gumdrops 5,5 mm-sirkelnaald 5,5 mm-naalde 6 mm-naalde 7 mm-naalde Steekhouers SPANNING 1 5 ste x 21 rye = 10 cm oor ks met 5,5 mm-naalde AFKORTINGS r – regs; vmeer – vermeerder rs – reksteek (elke ry regs) GROOTTE Klein, Medium, Groot, X-groot. XX-groot of ongeveer 81–86(91–97; 101–107; 112–117; 122–127) cm AANWYSINGS Begin by linkermou Met 5,5 mm-reguit naalde stel 32(32: 34; 34; 34) ste op. Gaan voort in rs deurgaans vir 12 rye. Mouvorming Slegs 1ste en 2de grootte Vmeer 1 st aan weersk van vlg en elke vlg 6de ry tot 62(62) ste. Vir slegs 3de, 4de en 5de grootte Vmeer 1st aan weersk van vlg en elke vlg 4de ry…

Deur XWord.co.za Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 6 woorde, goed 9 woorde, baie goed 11 woorde of meer, uitstekend OPLOSSING: Swartwoud, dwars, sodat, sodra, dato, dors, ouds, soda, stad, word, woud. Koderaai Elke syfer verteenwoordig ‘n letter van die alfabet. Om mee weg te spring, is 3 (drie) letters klaar ingevul. Kyk nou of jy kan uitwerk wat elke letter…

Armand Aucamp is omtrent ’n werkesel. Van vandeesweek af is hy in die tweede seisoen van Die Boekklub te sien en van 4 Augustus af is hy in die fliek Krotoa, waarin hy Jan van Riebeeck speel. Ons ontmoet voor die fotosessie vir dié week se voorblad. Dis mistig en koud buite. Hy vou sy hande om die emaljeteepot in ’n klein koffiewinkel in Observatory, Kaapstad. Sy swart broek, trui, hemp en skoene die perfekte pantser teen die Kaapse winterweer, maar dat dit ook hier in die stad is waar hy in sy element is, is gewis. Hy onthou die vyf weke wat die span tydens Krotoa se verfilming in “die middel van nêrens” was. Hy het twee naweke ingekom stad toe, om net weer die stadslug in te asem.…

Hugo la Grange was 25 toe hy in 2012 sy eerste fietsryprojek aangepak het om vir ’n skool vir minderbevoorregte kinders in Langa, Kaapstad, geld in te samel. Vir dié projek, Entuthuko Expedition, het Hugo en sy vriend Marios Michaelides meer as 1 000 km teen die wilde kus van Mosambiek op fietsgery om die Entuthukodagsorgsentrum te help. Hugo het destyds op Facebook geskryf dat ons so dikwels die klein goedjies vanselfsprekend aanvaar wat ’n reuseverskil in ander mense se lewens kan maak en daarom hul besluit om die Kersvakansie te gebruik om fiets te ry. Hy vertel: “Marios het saam met my by Murray & Roberts gewerk toe ons van Entuthuko-dagsorg hoor. Ons wou graag hê die toer moenie net vir ons ’n verrykende ervaring wees nie, maar ook…

Skedule 0 Volgens die medisynebeheerraad moet medisyne om S0 te wees, relatief veilig wees om te gebruik sonder dat jy nodig het om ’n dokter te besoek en die simptome vir die gebruik daarvan moet maklik wees om te erken. Aspirien, lae dosisse van parasetamol en vitamiene is gewoonlik S0. Omdat dit relatief veilig is, kan dit in algemene winkels gekoop word en ook geadverteer word. Skedule 1 en 2 Dit kan net oor die toonbank gekoop word, maar jy het nie ’n voorskrif daarvoor nodig nie. Dit is omdat die siektes wat dit behandel (soos verkoue en griep) maklik gediagnoseer kan word en omdat sommige van hierdie medisyne verslawend en gevaarlik kan wees as dit verkeerd gebruik word. Die apteker moet dus steeds beheer daaroor hê en vir jou…

Drie Suid-Afrikaanse broers, Jarred, Ryan en Darren Goldin, stigters van Entomo Farms in Ontario, Noord-Amerika, sê insekboerderye is ’n oplossing vir globale tekorte aan kos, water en natuurlike hulpbronne, wat uiteindelik wêreldwye voedseltekorte sal veroorsaak. Hulle sê tradisionele veeboerderye is ’n reusebedreiging vir die omgewing met ’n groter koolstofvoetspoor as die hele vervoerbedryf saam. In teenstelling hiermee kan insekte op kompos gevoer word en het hulle baie min ruimte nodig. Volgens die Goldin-broers is dit nodig om die manier aan te pas waarop eetbare insekprodukte bemark word. Westerse samelewings het bemarkingsveldtogte nodig wat op opvoeding en die gril-faktor fokus. “Een van die grootste hindernisse is maar nog die feit dat baie mense insekte as grillerig sien en nie daaroor kan kom nie,” sê die broers.…

Jessica sê: Ek sien gereeld paartjies vir verhoudings- of huweliksberading. Ek gebruik altyd die voorbeeld van ’n elektriese menger – jy gebruik ’n menger om bestanddele saam te meng, om sodoende ’n produk van jou keuse te lewer. As jy ’n resep volg en bestanddele gebruik om byvoorbeeld ’n smoothie bestaande uit appel en appelkoos te maak, kan jy mos nie ’n aarbeiskommel verwag nie? Tog is dit presies wat mense in hul verhoudings of huwelike verwag. Met ander woorde, wat jy insit, is wat jy gaan uitkry. Die volgende is ’n paar boustene vir genesing in die huwelik: • Albei moet besluit dat hulle die pad van genesing gaan stap. Dis weer eens ’n keuse, nie noodwendig ’n gevoel nie. • Albei moet op hul algemene rol in die…

’N ANDERSTE WONDERLAND Feast of Flight bied Alistair in Wonderland op 28 en 29 Julie in Nuweland, Kaapstad, aan. Dit word aangebied deur paaldansstudente aan die Pole Project en sal ’n interessante variasie van Alice in Wonderland bied. Die vertoning wil vir mense paaldans as ’n ware kunsvorm wys en aan studente die kans bied om hul vaardighede ten toon te stel. Die vertoning word by die Nassau-sentrum in Nuweland gehou. Kaartjies is by Quicket beskikbaar. Besoek www.thepoleproject.co.za vir meer inligting JY GAAN HOENDERVLEIS KRY Onthou jy daai soort streel wat jou oë laat toeval en jou as kind aan die slaap laat raak het as jou ma saans jou rug gekrap het? Dan is jy een van die mense soos ek wat van terapeutiese aanraking hou om te ontspan…

ROLPRENTE NUL IS NIE NIKS NIE 7/10 Met Jaden van der Merwe, Pieter Louw en Daniah de Villiers Regisseur Morné du Toit JEUGROLPRENT ’n Jaco Jacobs-roman is al tevore verfilm. Dink aan Suurlemoen! Hierdie fliek is gegrond op sy Oor ’n motorfiets, ’n zombiefliek en lang getalle wat deur elf gedeel kan word. Dit gaan eintlik oor kinders wat met die dood in aanraking kom en leer hoe om dit te verwerk. ’n Seun, met die bynaam Hoender, se ma ly aan depressie. Sy beste vriend Drikus, wat aan Hodgkin-siekte ly, is besig om ’n zombiefliek te maak, en daarvoor benodig hulle die dorp se mense. ’n Kind staan eintlik uit die “dood” van geestelike verwaarlosing op en leer om weer die lewe te waardeer. Die rolprent maak van winterkleure…

Met hierdie projek het ons verfghoeroe, Nicolas de Beer, gewys dat met ’n skeut kreatiwiteit, geskenkpapier en ’n laag verf of drie daar altyd ’n plan te maak is met dit wat jy beskikbaar het. Ons het ’n lendelam kassie omskep in ’n fokuspunt wat ’n probleem met pakplek vernuftig oplos. VOOR Nicolas de Beer bied werkswinkels by sy studio, The Bamboo Palace in Johannesburg, aan. Loer op sy Facebook-bladsy, The Bamboo Palace, of bel hom by 071 337 0644 vir meer besonderhede. Hy is ook ’n verskaffer van Granny B’s Old Fashioned Paint-produkte. Die ou verf is afgeskuur, weliswaar met die hulp van ’n spesiale hitteblaser (heatgun) en ’n skuurmasjien om dit makliker te maak. ’n Ou raam het perfek in die voorkant van die kassie gepas en ons…

Hy laat my dink aan ’n seerower. Nou nie dat hy ’n houtbeen het nie, maar nogtans. Dit is seker die oë. Die donker poele wat ’n mens soos ’n magneet aantrek en kan laat versuip. ’n Mens kan nie net daarin verdrink nie. Verdrink is te beskaafd vir hierdie oomblik. Die beskrywende gedagtes wat deur my kop maal terwyl ek hom so staan en dophou, is baie ver onder die belt, maar in tye soos hierdie, én boonop op my ouderdom, bloos ’n mens nie meer oor sulke idees nie. Sy hare is pikswart met so ’n blou skynsel in as hy effens na regs in die lig draai, en daar is net ’n sweempie van grys langs sy slape. Silwerskoon gewas. Jy weet, hy lyk nes die ouens…

Vir alle navrae navrae@xword.co.za of 082 346 3431 Besoek www.xword.co.za WEN R1 000! Voltooi die blokraai en gebruik die omkringde letters om die versteekte woord of naam te ontsyfer. Leidraad: ’n Woord te kry vir elementêre verkeerstaal wat normaalweg niemand se moedertaal is nie SMS jou antwoord, voorletters, van en dorp/stad voor of op 2 Augustus 2017 na 48410. SMS’e kos R1,50 en is net vir mense in SA. Geld sal vir foutiewe antwoorde gehef word en gratis SMS’e geld nie.…