Innholdsfortegnelse for 07-jul-17 i Vrouekeur

Die artikel “Baba vs huwelik” op bl 16, kyk na die nuwe dinamika in ’n verhouding ná die koms van kinders. Die hoeveelheid kere wat ek vir jongmense sonder kinders probeer verduidelik het hoe die koms van kinders ’n verhouding beïnvloed en dat dit sowaar nie kinderspeletjies is nie, kan ek nie tel nie. Negentig persent van hierdie mense het vandag kinders. En al 90% verstaan nou wat ek bedoel het – hulle het nie toe nie. Die verantwoordelikheid wat ouers het om kinders groot te maak, is enorm. Deur al die fases word daar eise aan jou gestel. Waarskynlik is die grootste aanpassing met die geboorte van jou eerste kind, die gebrek aan slaap. My kinders verskil 21 maande van mekaar en vir die eerste vier jaar van hul…

Vorms invul, e-posse stuur, telefoon antwoord, akteurs gelukkig hou en met SARS baklei. Dis waarmee Theresa daagliks besig was as die administratiewe hoof en koördineerder van Cape Heart, ’n gemeenskaps- opvoedkundige teatergroep wat met voorgeskrewe stukke vir matrikulante tussen skole toer. Hier en daar het sy ’n bietjie radioteater ingepas en van tyd tot tyd ’n teaterrol soos in Mooi Maria, Josias en Die vleiroos, gedoen. Tog was toneelspel steeds iets wat Theresa as ’n heerlike tydverdryf beskou het. Op 60 was dit immers ietwat vergesog om te dink dit kan ooit ’n loopbaan word, al was dit ’n passie wat sy jare lank in haar hart gedra het. Sy is die oudste van Bennie en Norah Cloete se vyf kinders en het in Soutrivier in die Kaap grootgeword. “Waar…

WENBOEK Ons wenners in Julie ontvang die boek Clover Gunsteling Suid-Afrikaanse Kos. Suid-Afrika is ’n wonderlike vermenging van kulture en nêrens is dit duideliker as in die interessante verskeidenheid tradisionele kosgunstelinge nie. Die kombinasie van inheemse kulture en honderde jare se immigrasie beteken dat Suid-Afrika een van die wêreld se mees kleurryke en diverse kostradisies het. In Clover Tradisionele Suid-Afrikaanse gunstelinge is daar iets van die verskeidenheid – soos Bunny Chow, romerige marog, smoorsnoek, soetsuurlewer, vetkoek, wildspastei en botterhoender. Met Clover aan die stuur, val die kollig natuurlik op Cloverprodukte wat op slim maniere inkorporeer word om smullekker resepte te ontwikkel – van ligte etes tot hoofgeregte en ietsie soets. Marlo Carstens het elkeen van die resepte getoets en toeganklik gemaak. ’n Persentasie van die boek se verkope word aan…

GESONDE BIER Die Skotse boetiekbierbrouer, Innis & Gunn, glo dat bier vir almal moet wees en nie net vir dié wat alkohol gebruik nie. Daarom die alkoholvrye, gesonde bier, Innis & None, wat ook vitamien C en ginseng bevat wat energievlakke verhoog en die immuunstelsel ’n hupstoot gee. Dis in 330 mlblikkies teen R26 per blikkie by sekere drankwinkels en boetiekbierwinkels beskikbaar. HEELJAAR SNOESIG Op soek na ’n duvet wat jy winter en somer kan gebruik? Dan is Vencasa-duvets die antwoord. Dis as ’n duo beskikbaar – een weeg 125 g en een 250 g per vierkante meter. Die twee kan vir die winter aan mekaar vasgeknip word. Die dunner een werk weer goed op sy eie vir die somer en die dikker een vir herfsmaande. Dis in Super King…

ROLPRENTE SPIDER-MAN: HOMECOMING Met Tom Holland en Robert Downey Jr Regisseur Jon Watts STROKIESAVONTUURVERHAAL Tom Holland het Hollywood met die krag van ’n tsoenami getref in The Impossible waarin hy die rol van een van die oorlewendes van die tsoenami destyds in Asië gespeel het. Kort hierna het hy die rol van die nuwe Spider-man losgeslaan en volgens berigte, en sy onlangse kameeverskyning as Peter Parker in Captain America: Civil War, het die internet kragdadig kennis geneem. Nou word hy weer gesien in die soveelste fliekreïnkarnasie van die seun wat deur ’n psigedeliese radioaktiewe spinnekop gebyt is wat hom superkragte gee om spinnerakke te spin en tussen geboue rond te swaai. Maar die grootste plus-faktor is dat hy ook ’n goeie akteur is. (En aantreklik, verseker sy vele bewonderaars my.)…

Die woorde “’n boek wat my lewe verander het” word te maklik gebruik. Meestal is dit ’n emosionele uitlating wat mense maak wanneer hulle eintlik maar net bedoel dat hulle baie van ’n boek gehou het. Kort ná André P Brink se dood in 2015 het talle mense opgemerk dat een van sy romans ’n baie groot invloed op hulle gehad het. Party het ’n Oomblik in die wind genoem, ander Kennis van die aand, vir sommige was dit Lobola vir die lewe of Houd-den-bek. Vir my was die Brink-roman wat ’n groot invloed op my gehad het ’n Droë wit seisoen. Daarom was ek dadelik opgewonde toe ’n nuwe uitgawe met ’n vars buiteblad op my tafel land. Die roman het oorspronklik in 1979 by Taurus verskyn. Hierdie uitgewery…

BRIEF van die WEEK OU LIEFDE ROES NIE Ek lees in Vrouekeur van 19 Mei van ou liefde wat nie roes nie, en ek glimlag dankbaar. Ons het mekaar ontmoet, vreemdes tussen vreemdes, maar ná vyf jaar het ons paaie om onvoorsiene redes geskei. Elkeen het sy eie paadjie gevolg, en nou ná 17 jaar besef ons ons liefde was ook in die sterre geskryf. Nie een van ons het ooit getrou, of selfs weer ’n vaste verhouding gehad nie. Die paadjie tussen ons wou maar net nie toegroei nie. Mooi herinneringe het dit oopgetrap gehou en mettertyd het die duwweltjies verdwyn en pragtige veldblomme het langs die pad van ons herinnering begin verskyn. Die ekstase van nuut begin, is soos ’n nuwe pad wat voor jou ooprol. Soos die…

CHRIS SE KEUSE Op reis om ongewone kultivars te ontdek, is dit beslis nodig om ’n Italiaanse adeldruif in die kollig te bring. Nebbiolo is van Piedmont in Italië, bekend vir truffels en porcinisampioene, afkomstig. Dié wyn se aardse geure is ’n weerspieëling van die unieke karaktereienskappe van die Steenberg-terroir. Die Constantiakelder was die eerste wat ’n nebbiolo in Suid-Afrika gebotteleer het. Die Steenberg Nebbiolo 2014 het ’n helder granaatkleur, met ’n mengelmoesboeket van roosblaar, fynbos en wilde kruie. Dit het smake van onder meer suurkersies, framboos en hibiskustee, met ferm tanniene en ’n natuurlike vars suurvlak. Alles dra tot ’n merkwaardige verouderingspotensiaal by. Keldermeester JD Pretorius stel voor dat jy die wyn voor aanbieding eers in ’n kraffie skink. Dit laat die wyn toe om asem te haal en…

WENKE Spoel lensies goed af en kyk mooi dat daar nie klein klippies in is nie Jy kan ook die lensies met graan-sopmengsel vervang ? Gooi sout laaste bly, anders gaan jou lensies nie sag word nie LENSIESOP 4 porsies bietjie olie 1 ui, gekap 5 ml (1 t) fyn knoffel 5 ml (1 t) fyn gemmer 3 middelslagwortels, grofgerasper 2 selderystokkies, fyngekap 5 ml (1 t) fyn komyn 5 ml (1 t) fyn koljander 2,5 ml (½ t) paprika knypie rooipeper 1 lourierblaar 500 ml (2 k) bruin lensies, afgespoel 420 g (1 blik) gekapte tamaties 1,5 l (6 k) groente-aftreksel skil van 1 suurlemoen 10 ml (2 t) suurlemoensap 1 Verhit olie en braai ui, knoffel en gemmer tot sag. 2 Gooi wortels, seldery, geurmiddels en lensies by…

Die foon lui vir die hoeveelste maal die dag. “Goeiemiddag! Fantasi Uitgewers, Talita wat praat,” antwoord ek vriendelik. Daar bars ’n stroom snikke in my oor los en my moed sak in my skoene. Dis wéér sy: my eksmeisie, histeries huilend oor die telefoon, al die pad uit Engeland. Ter wille van die arme mens se eer sal ek volstaan met die skuilnaam Aura, want charisma, dié had sy in oorvloed. En oorvloed is presies die regte woord, want die afgelope paar weke word my ore ’n paar maal per dag met yslike telefoondrama en huilende pleidooie verspoel … met trots geborg deur die kosbare ponde wat sy skaars vier maande gelede met groot opwinding in Engeland gaan verdien het. Dit was ’n studenteromanse wat ses jaar aangekarring het –…

Kunshandel, soos dit jare lank bedryf is, het asof oornag ’n verandering ondergaan wat dit met mening in die arena van markte ingepluk het. Die laaste paar jaar is dié brug oorgesteek: van transaksies in galerye tot die ekonomiese model van kunsmarkte, of art fairs, soos dit ook heet. Tien jaar gelede was daar tien internasionale kunsmarkte/kunsskoue. Nou is daar meer as 60 en oënskynlik g’n keer aan die sukses van dié model nie. Dié skoue is deesdae die plek waar galerye én kunstenaars klante deeglik van hul teenwoordigheid bewus maak. Kunsskoue is ’n logiese ontwikkeling in ’n era van globalisering, digitale onmiddellikheid en direkte toegang tot die kunstenaar – en sy of haar ateljee – deur middel van sosiale media. Die koperspubliek wil nie meer die kunswerk deur die…

BENODIGDHEDE M oYa 100% Aran-katoendraad (50 g- balle): 2 balle Gun Metal, 1 bal elk Graphite, Tulip, Salari, Capsicum, Crepe en Sapphire 4,5 mm-hekelpen Naald met groot oog 2 krale met groot gaatjies GROOTTE Ongeveer 30 cm hoog AFKORTINGS beg = begin, dies = dieselfde, gs = glipsteek, h/af = heg af, herh = herhaal, kb = kortbeen, ks = kettingsteek, rdte = rondte, sp = spasies, st = steek, tes = tesame, vlg = volgende. BODEM (Vermeerdering word vanaf rdte 5 afwisselend in rdte gedoen sodat die bodem nie punte vorm nie, maar ’n sirkel) Met Gun Metal en 4,5 mm-pen, hekel 4 ks, gs in 1 ste ks om ring te vorm. 1ste rdte: 1 ks, 6 kb in ring, gs in beg-kb. 2de rdte: 1 ks, 2…

Woordspel 26 Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 19 woorde, goed 22 woorde, baie goed 26 woorde of meer, uitstekend OPLOSSING: Injekteer, inkeer, intrek, kenter, knieër, kretin, rekene, teiken, tekene, tekere, tenrek, erken, etiek, keten, kreet, reken, teken, keer, kern, kier, kiet, knee, knie, reik, tenk, trek. Woordsoek Die tema is handwerk en 31 toepaslike woorde moet opgespoor word. Hulle kan…

Dis nie vir ons ongewoon om ’n wenslys vir Kersfees op te stel of ’n lys van Nuwejaarsvoornemens te maak nie, maar wat van ’n dankbaarheidslys? ’n Klompie huisvrouens het die volgende dinge waarvoor hulle dankbaar is, gelys: Die skottelgoedmasjien, want dit gee jou ’n ontsnapkans uit die kombuis voor jou gesin vir hul laataandpeuselhappies terugkom. ▪ Vir mans wat die klein herstelwerkies rondom die huis takel. ▪ Vir kinders wat hul speelgoed bêre nadat hulle gespeel het. ▪ Vir tieners, want hulle gee aan ouers die geleentheid om ’n tweede taal te leer! Iemand anders het die volgende lysie gemaak: Ek is dankbaar vir: ▪ Die belasting wat ek betaal, want dit beteken ek het ’n werk. ▪ Die klere wat so effens styf sit, want dit beteken ek…

Elma Postma wens sy kon ’n week lank níks anders doen as om haar kaste reg te pak nie. Doodgewone, alledaagse dinge is egter meestal die laaste ding waaraan dié TV-aanbieder en aktrise kan dink. “Verlede jaar was lekker, maar dit was intens, want ek was amper 15 weke op die pad,” sê Elma, wat Mooiloop op SABC en Plaaskombuis op Via aangebied het. Albei programme het haar na klein dorpies en plase oor die hele land laat reis. “Vanjaar wil ek dinge ’n bietjie rustiger vat. Ek wil vir ’n slag nee sê vir dié goed wat ek nie hoef te doen nie. “Ek is in die gelukkige posisie om so ’n bietjie te kan asemhaal, want ek het ’n buddy wat my kan ondersteun,” sê Elma, wat verlede…

Stel jou voor jy breek ’n rib wanneer jy hoes of nies. Of selfs net wanneer jy keel skoonmaak. Vir die 49-jarige Philip Marais van Bloemfontein is dít die harde werklikheid. Hy het die seldsame, progressiewe toestand osteogenesis imperfecta, ’n genetiese afwyking wat deur bros bene gekenmerk word. Op 11 maande het hy die eerste keer ’n been gebreek toe hy op die bed teen sy ma geleun het om op te staan. Daarna het dit so gereeld gebeur dat hy by 200 opgehou tel het. Die langste tyd wat hy aaneenlopend in die hospitaal deurgebring het, was op 11-jarige ouderdom: 344 dae in totaal. En hy het steeds standerd 4 (deesdae graad 6) deurgekom, vertel hy laggend. “Osteogenesis imperfecta of brosbeensiekte is primêr ’n bindweefseltoestand,” verduidelik Philip, tans hoofpersoneelbeampte…

Vlermuise, silwervosse, ’n geelbekneushoringvoël en Afrika-krimpvarkies is maar ’n paar van die pasiënte wat in die liefdevolle sorg van personeel by dié veeartsenypraktyk beland het. Dr Karin Lourens, ’n geregistreerde veearts, se belangstelling in kleinwild is geprikkel toe sy vyf jaar gelede as vrywilliger by die FreeMe-wildrehabilitasiesentrum in Johannesbrug begin werk het. Wat begin het as ’n paar uur elke week, het haar vinnig laat besef waar haar hart (werklik) lê. Die idee om ’n veeartsenypraktyk op die been te bring wat slegs na kleinen mediumgrootte wild omsien, het posgevat en aan die begin van die jaar is die Johannesburg Wildlife Veterinary Hospital, ’n organisasie sonder winsbejag, geopen. Aan Karin se sy is Nicci Wright, ’n onafhanklike wildrehabilitasiespesialis, Ainsley Hay, ’n geregistreerde veeartsenyverpleegster, en Penny Morkel, ’n bekende wildrehabiliteerder. Karin…

VYEKOEKIES 18 koekies 310 ml (165 g) koekmeel 2,5 ml (½ t) bakpoeier 130 ml (125 g) botter 80 ml (65 g) suiker 125 ml (½ k) fyn vyekonfyt 80 ml (⅓ k) heuning 30 ml (2 e) botter 125 ml (½ k) hawermout 125 ml (50 g) pekanneute, gekap 7 (25 g) rooi glanskersies, gehalveer 3 (25 g) heel groenvye, grofgesny Verhit oond tot 180 °C en smeer pan van 20 cm x 20 cm met gesmelte botter. 1 Sif meel en bakpoeier saam. 2 Vryf botter by meelmengsel in. 3 Voeg suiker by en meng tot deeg vorm. 4 Druk deeg plat in pan. 5 Bak vir 20 minute tot goudbruin en gaar. 6 Smeer vyekonfyt oor warm koekiebasis. 7 Smelt heuning en botter. 8 Gooi hawermout, neute,…

Om sorgvry en nuuskierig in die skaduwee van die Domtoring deur die binnestad van Utrecht, Nederland, te wandel, is onoortreflik. Deurspek van horingoue gragte, asemrowende Middeleeuse torings en teenstellende ultramoderne winkels en eetplekke, word die stad binne enkele minute een van jou gunstelingplekke in Holland. Vir die Nederlanders het die stad ook besonderse betekenis aangesien hul koning, Willem-Alexander, op 27 April 1967 daar gebore is. Hy, as die eersteling van die vorige koningin, Beatrix van die Nederlande, en Claus van Amsberg, is op 30 April 2013 as koning ingehuldig. Behalwe vir bogenoemde huisves die pragtige stad volgens navorsers die beste universiteit in die land. Studente van die hele wêreld deur kies die Universiteit van Utrecht as dié plek vir hul naskoolse studies. Daar is ook nog talle ander universiteite en…

Van sangers tot akteurs en TVaanbieders – aan gewildheid ontbreek dit hulle nie. Aan ta lent ook nie. Die talle benoemings en toekennings onderskryf dit. Hier is Karlien van Jaarsveld en Willem Botha se nuutste albums. KARLIEN SING VAN LIEFDE Oor haar nuwe album, Sing van liefde (InhoudHuisMusiek/Universal), sing die bekroonde platinumverkoper Karlien van Jaarsveld van liefde en sê sy wil net in die reën dans, want daar is niks wat meer saak maak nie. Moenie deur die titels van die liedjies mislei word nie. Daarin smeul ’n wroegende konteks. Die puik liedjieskrywers Johan Oberholzer, Christoph Kotze en Johan Vorster het nuut en oorspronklik geskep en Karlien het self ook diep in haar hart en gewete gedelf. Die album bevat drie Engelse snitte: die countrylied Girl Crash, Christina Aguilera se…

Tot en met haar eerste professionele optrede in Suid-Afrika in Maart vanjaar was TV-uitsendings en CD-opnames die enigste ma nier waarop Suid-Afrikaners hier te lande met die stem van Pumeza Matshikiza in aanraking kon kom. In 2011 het sy by die troue van prins Albert II van Monaco en Charlene Wittstock gesing, en in Julie 2014 het sy Freedom Come All Ye tydens die opening van die Statebondspele in Glasgow voor ’n wêreldwye gehoor van ’n miljard TV-kykers gesing. Met haar weergawe van dié lied met sy Suid-Afrikaanse konneksies het sy in die harte van die Skotte gekruip. Vir Decca het sy twee CD’s opgeneem: Voice of Hope in 2014 en Arias verlede jaar met arias van Purcell en Puccini, asook liedere van Fauré, Hahn en Tosti. Haar eerste twee…

Leah is nog in haar kinderskoene toe haar ma om haar ore begin kerm. “My arme kind, jy sal eendag ’n sterk vrou moet wees.” Vir Leah klink dit na harde werk om ’n sterk vrou te wees. Sy’s gewoond daaraan dat haar pa al die swaar goed in die huis rondskuif en die tasse dra wanneer hulle die slag iewers gaan kuier. En sy het geen begeerte om by hom oor te neem nie. “Dit sal nie vir jou suster nodig wees nie, sy sal met alles wegkom met daardie popgesiggie van haar,” waarsku haar ma. Leah is dadelik die duiwel in. “Sê Ma ek is lelik?” “Nee, natuurlik nie. Ek probeer jou net voorberei vir die lewe daarbuite sodat jy nie seerkry nie.” Daardie dag slaan haar ma…

Daar is gedurig ’n gemor in die kunste en vermaakbedryf oor wat gewildheid nou eintlik is en of dit noodwendig met talent te doen het. En waar pas erkenning in? Erkende kunstenaars in die teater gesels prontuit. “Gehalte en gewildheid loop selde hand aan hand. Die teater met die meeste waarde is die teater wat die medium vorentoe beweeg, wat jou uitdaag, wat ongemaklike vrae op ’n vars manier vra. Wanneer daai werk egter ook verkoop – dus gewild is – is dit magic,” meen die teatermaker Nico Scheepers (30), onder meer bekend om sy produksies Rondomskrik, Rooivalk, Amper Vrystaat, Die dag is bros, Hemelruim, Die maan val bewusteloos, Moedertaal en Die fliek. Nico het al toekennings as dramaturg, komponis, choreograaf, ontwerper en regisseur ontvang. “Maar ek weet nie hoe…

KOSSOORTE VIR JOU GEMOEDSTOESTAND ’n Vriendin het my vertel dat daar sekere kossoorte is wat ’n mens se gemoedstoestand kan verbeter of verswak. Is dit waar? Ek ly al jare lank aan depressie en is oorgewig. Ek het selfs al my antidepressante gestaak sonder dat my psigiater daarvan weet. Ek is net nie seker watter kosse die regte keuse is nie. – Moedeloos Dit is waar dat sekere kossoorte wetenskaplik gunstiger is vir ’n mens se gemoedstoestand as ander. Die kossoorte wat vir jou spesifiek gunstiger is, kan verskil van ’n ander s’n en jy behoort ’n dieetkundige daaroor te konsulteer. Dit is kommerwekkend dat jy jou antidepressante gestaak het sonder om dit met jou psigiater te bespreek. Die skielike staak van ’n antidepressant kan moontlike gevare vir jou gemoed…

Besoek www.xword.co.za Voltooi die blokraai en gebruik die omkringde letters om die versteekte woord of naam te ontsyfer. Leidraad: ’n Woord vir gemoedsgesteldheid of temperament SMS jou antwoord, voorletters, van en dorp/stad voor of op 26 Julie 2017 na 48410. SMS’e kos R1,50 en is net vir mense in SA. Geld sal vir foutiewe SMS’e gehef word en gratis SMS’e geld nie. WEN R1 000!…