Innholdsfortegnelse for 30-jun-17 i Vrouekeur

Sjoe, is die eerste woord wat by my opkom met die lees van die artikel “Die laaste uur”. Hoewel ons almal weet dat ons die een of ander tyd die laaste uur van ons lewe ingaan, wil ’n mens nie aldag aan doodgaan dink nie. Ek praat so ’n week gelede met my ma en haar woorde ruk my: “Ek kan nie glo ek is aan die einde van my lewe nie.” My ma gebruik nie lelike woorde nie, maar sy het nou al vrede daarmee gemaak dat ek sterker taal as sy besig. Ek sal liewer nie hier skryf wat my reaksie was nie, maar dit klink soos: “Ag Ma, moet nou nie twak praat nie.” Dis asof ek daarmee die realiteit wil fnuik deur te maak asof sy…

Hy het elke oggend seweuur gaan swem en feitlik elke aand vars gebakte vis geëet, maar dit beteken nie hy was met vakansie nie. André Odendaal het wel ’n maand lank in die pragtige kusdorpie Arniston deurgebring, maar in sy hoedanigheid as regisseur van die tweede reeks van Swartwater en sê hulle het lekker hard gewerk, maar dat dit ’n wonderlike ervaring was. “Arniston het ’n baie spesiale energie. Die mense is absoluut amazing, so behulpsaam en gasvry. Ons het ook heelwat meer van die inwoners deel van die storie gemaak.” Swartwater vertel die verhaal van ’n egpaar wat ’n kind verloor en op ’n klein kusdorpie gaan bly. In die eerste reeks het André die rol van ’n joernalis vertolk, maar was die oorsigtelike regisseur van die tweede reeks…

FRANSE CRULLERS 36 crullers 250 ml (1 k) water 85 g ongesoute botter 10 ml (2 t) suiker 1,25 ml (¼ t) sout 135 g (250 ml) koekmeel 3 groot eiers 1 eierwit 750 ml (3 k) olie vir bak VERSIERSEL 225 g (425 ml) versiersuiker 45 ml (3 e) heuning 60 ml (¼ k) melk 10 ml (2 t) suurlemoensap 1 Kook water, botter, suiker en sout op matige hitte. 2 Roer meel vinnig by. Hou aan roer tot deeg ’n lagie op bodem van pot vorm. 3 Skep deeg in voedselverwerker. Voeg eiers een vir een op medium spoed by en blits tot deeg glad is. Voeg eierwit by en blits weer. 4 Skep deeg in spuitsak met oop sterpunt. 5 Verhit olie op matige hitte en sny…

Die Nuyvallei is halfpad tussen Worcester en Robertson in die Wes-Kaap, maar as jy die bord vir Nuy sien, kan niks jou voorberei op wat om die draai op jou wag nie. Ons ry verby die pragtige Nuy on the hill, Nuykelder se nuwe proelokaal, restaurant en deli. Dis eers vir Sondag bespreek. Nou druk ons deur na Saggy Stone-brouery en restaurant, op die Agtervinkrivier-pad, ’n paar kilometer verder. Aan die linkerkant ry ons by ’n pragtige gewelhuis, getiteld De Nuy, verby en glimlag vir die vrolike kinders op die klimrame by Nuystasie se laerskool. Ek onthou hoe ons ’n paar jaar gelede as deel van die Nuyfees met ’n trekker en sleepwa op hierdie pad gery het. Toe het die baldadige, bont bougainvillea wat die draad langs die pad…

Selfportret met verbinde oor, 1989. So lui die titel van dié werk wat Vincent van Gogh (1853–1890) geskilder het pas nadat hy uit die hospitaal ontslaan is ná die voorval met sy oor. Hy is in sy ateljee, tog dra hy ’n swaar oorjas en ’n warm mus. Hy maak nie oogkontak nie, maar staar verby die kyker. Links van hom is ’n onvoltooide doek op ’n esel, en regs is ’n prent van Sato Torakiyo, Geisjas in ’n landskap, gemaak tussen 1870 en 1880. Verder regs ’n deur- of vensterraam. Tussen 1886 en 1889 het Van Gogh, die man wat in sy leeftyd nie ’n enkele skildery verkoop het nie, meer as 30 selfportrette geskilder. In dieselfde jaar as Selfportret met verbinde oor, het hy nog vier ander selfportrette…

Lied vir Sarah – lesse van my ma, Jonathan Jansen se jongste boek, handel oor sy ma. Daarmee sluit dit in ’n sekere sin aan by werk soos die Iers-Amerikaanse skrywer Frank McCourt se bekroonde Angela’s Ashes. Dit gaan egter nie slegs oor ’n universele moeder se rol in ’n swaarkryomgewing nie, maar spesifiek binne die Suid-Afrikaanse konteks is Jansen se uitgesproke doel om teen die “geykte beeld van die Kaapse Vlakte-ma” te reageer. Met laasgenoemde doel voor oë, staan Lied vir Sarah ook binne die tradisie van Jakes Gerwel se studie oor die stereotipering van “Kleurlinge” in Afrikaanse romans in Literatuur en Apartheid (1983). Jansen reageer teen die media-uitbeeldings van die Kaapse Vlakte-ma as “luidrugtig en vulgêr, permanent geklee in ’n geruite oorjas waar sy met krullers in haar hare…

ALKOHOL EN MEDIKASIE ’N GEVAARLIKE KOMBINASIE My man is ’n drinker, tot so ’n mate dat ek hom as ’n alkoholis beskou. Hy ontken dit natuurlik. Die huisdokter het vir hom antidepressante en slaappille vir erge depressie voorgeskryf. Hy word nie beter nie en raak mismoediger en aggressief teenoor my. Hy praat gereeld van selfdood. Hy weier om ’n sielkundige te sien en ek glo dat hy vir die huisdokter jok oor die hoeveelheid alkohol wat hy werklik neem. Wat kan ek doen? – Moedeloos Medikasie en alkohol is ’n baie gevaarlike kombinasie. Indien jou man vir jou oor sy ware alkoholgebruik jok, sal hy waarskynlik nog meer ontkennend teenoor sy huisdokter wees. Die gebruik van ’n slaapmiddel saam met alkohol kan slaapapnee (ophou asemhaal tydens slaap) veroorsaak wat kan…

DANS IN DIE REëN Ek blaai deur die dubbeluitgawe van Vrouekeur van 21 April. Ek wil eers by die blokkiesraaisels stop, maar hou my in en blaai tot by die laaste binneblad met die volgende woorde op: “Die lewe gaan nie daaroor om vir die storm te wag om verby te gaan nie, maar eerder om te leer hoe om in die reën te dans.” Nou ja, ek weet dit word nie letterlik bedoel nie, maar kan nie help om ons ondervinding met julle te deel nie. Verlede jaar is ek en my man (albei in ons tagtigs) op pad na Noordwes om by ons kinders te gaan kuier. Dis ’n lang pad en ons moes vroeg uit die vere. Tussen Calvinia en Brandvlei begin dit saggies te reën. “Sit…

Die wêreld was aan sy voete toe die atleet Wayde van Niekerk die 400 m-rekord laat spat het. Net so spog ons vandag nog met Suid-Afrika se rekord vir die eerste hartoorplanting in die wêreld. Maar dan is daar die rekords wat ’n mens breed laat glimlag: nie soseer van trots nie, maar omdat dit so vreemd is! Want daar is ’n hele boel lawwe en vreemde goed wat ons land se mense al gedoen het om in die rekordboeke te kom. Ons deel ’n paar interessantes. VLYTIGE VINGERS Suid-Afrikaners was nog altyd ywerige handwerkers en dit wys duidelik in ons wereldrekords. Ons spog met die rekord vir die grootste gehekelde kombers in die wereld. Dit was 17 188 m2 groot en is gemaak deur 10 324 kleiner gehekelde komberse…

SOET OP SY BESTE By Crumbs & Cream kan jy jou eie roomystoebroodjie maak! Kies twee varsgebakte koekies, onder meer soorte soos Oreo, Choc-chip en bruintjies, dan ’n roomys soos Nutella, Snickers of Oreo Monster en rond dit af met smere en ekstras soos mini-mallows en gummy worms. Daar is ook ’n suikervrye roomys vir dié wat die gewig dophou, ’n vegan-koekie met jou keuse van sorbet of selfs ’n banting-vriendelike oplossing vir die suikertande. ’n Roomystoebroodjie kos R38 en die versierings R5 elk. Gaan soek hulle op by Illovo Junction in Johannesburg, www.crumbsandcream.co.za GESONDE VERSNAPERING Vital-gesondheidskosse het heerlike versnaperingopsies bekendgestel wat sal toesien dat jy die nodige voedingstowwe inneem, ongeag hoe besig jou lewenstyl is. Hul stafies, happies en gesonde (sonder olie voorbereide) rysskyfies voldoen aan verskeie vereistes wat…

Luna Paige, Nick Turner en Jamie Jupiter se ontwikkeling van die RSG-opdrag-kunstefeesproduksie, Korreltjie kantel, is onverbeterlik; ’n eiesoortige musikale prestasie! Dié drie sonderlinge, maar onverwagse kunstenaars (musikante, sangers én liedjieskrywers), verenig om musikale poësie te skep en ontgin die liefdesverhouding tussen twee ikoniese woordkunstenaars – die digter Ingrid Jonker en die skrywer André P Brink. Luna, veral bekend om haar folk- enbluesstyl, Nick, ’n rockkunstenaar wat bekendheid as lid van die popgroep Sons of Trout en Mikanic (Afrika-fusie) verwerf het en Jamie, voorheen lid van die glam-rocksensasie The Honeymoon Suites, verruil hul onderskeie gemaksones en ontgin ánder style. Hulle interpreteer Jonker se gedigte verfrissend vars en verweef dit met die liefdesbriewe wat sy en Brink gewissel het. Die begeestering vir dié projek is geput uit die werke Ontvlugting (1956), Rook &…

Die operawêreld het in April ’n klein opskudding beleef toe The New York Times ’n artikel gedra het onder die opskrif: “The Diva Departs: Renée Fleming’s Farewell to Opera.” Die artikel het die indruk geskep dat dié Amerikaanse sopraan se sangloopbaan nou op ’n einde sou wees met haar “laaste optrede” op 13 Mei as die Marschallin in Richard Strauss se Der Rosenkavalier. “Ek het nooit gesê ek verlaat die operaverhoog finaal nie,” het Fleming die saak kort daarna reggestel. “Ek het dit nooit, nooit, nooit vir enigeen gesê nie. Ek dink dit het mense mislei. Hulle vermoed nou ek gaan aftree.” Gerugte dat sy aan aftree dink, doen al ’n geruime tyd die rondte. In 2014 het ’n Australiese musiektydskrif al aangedui dat sy nog drie jaar op die…

WAT HET JY NODIG? 7 balle ELLE CLASSIC WOOL CHUNKY (100 g) in Duck Egg 5,5 mm-sirkelnaalde 5,5 mm-naalde 5,5 mm-hekelnaald 1 of 6 knope AFKORTINGS aw – aweregs; r – regs; rs – reksteek (elke ry regs); R(V)K – regte (verkeerde) kant; vmin – verminder BREI-INLIGTING n Lees die patroon deur voor jy begin. n Waar die breiwerk verdeel word vir armopeninge, gaan die verminderings net oor die middelste gedeelte voort. KNOOPSGAT(E) As jy van bo tot onder knope wil hê, maak knoopsgate oor regtervoorrand 34, 43, 52, 61, 70 en 79 cm van onder af oor 6 randsteke soos volg op RK-ry: r2, heg 2 ste af, r2. Vlg ry: r2, stel 2 ste op, r2. Vir net een knoop bo, maak knoopsgat as werk 79 cm lank…

Ds Janine Bevolo-Manders is verbonde aan die Nederduitsch Hervormde Kerk Witfontein in Pretoria-Noord en is al 20 jaar ’n predikant My kinders hou nogal van die TV-reeks Timeless. In die storie gaan die hoofkarakters terug in tyd en ontmoet allerhande bekende mense uit die verlede. So wil ek ons ook nou vir ’n oomblik in die verlede terugvat en ’n klompie wonderlike vrouefigure ontmoet wat ’n geweldige impak op die wêreld gehad het. Rut, die Moabitiese meisie, was die toonbeeld van lojaliteit. Sy neem haar skoonma, Naomi se geloof aan en is bereid om haar tot die uithoeke van die aarde te volg. Haar toewyding aan Naomi plaas haar in die perfekte posisie om deur die Here gebruik te word. Soveel so dat Jesus uit haar nageslag gebore is. Maria…

Van al die rolle wat Angelique al in haar lewe vertolk het, is die een van mawees beslis die heel lekkerste, al is dit propvol uitdagings en was haar baba se geboorte ’n taamlike nagmerrie. Jacques jr het verlede jaar op 16 November sy opwagting in Japan gemaak, terwyl pa Jacques daar rugby gespeel het. Die medici in Japan is nie baie gretig om vir ’n vrou gedurende die kraamproses pynmedikasie toe te dien nie, vertel Angelique. Nadat sy meer as 17 uur in kraam was en sy aanhoudend gesmeek het vir ’n epiduraal, het die dokter uiteindelik ingestem. Eers ná die sesde probeerslag kon hulle dit regkry, maar dit het nie gewerk nie en die dokter moes behoorlik spook om die baba met ’n suigapparaat te verlos. Vir Angelique…

Sunette* het ’n dilemma wat haar slapelose nagte besorg. Sy het al ses jaar lank ’n huiswerker, Mary*, wat elke weeksdag inkom. Mary is al deel van die gesin en deel in hul lief en leed. Die onderneming waarvoor Sunette werk, het egter hul deure gesluit en Sunette is haar werk kwyt. Sy is tans op soek na nuwe werk, maar het nog niks gekry nie. Sonder haar salaris kan hulle nie meer Mary se dienste bekostig nie. Sunette het ook nagelaat om elke maand die werkloosheidsversekering te betaal. Sy het wel haar huiswerker geregistreer en die eerste vier jaar die bydraes getrou betaal, maar is die laaste twee jaar se bydraes agterstallig. Wat moet sy doen? Jou huiswerker is jou regterhand, help dikwels om kinders groot te maak en…

Sommige mense maak ’n lewe uit die vertel van stories. Nou praat ek nie van boekskrywers of rolprentmakers nie (hoewel hulle natuurlik ook stories vertel). Nee, dié is mense wat voor ’n gehoor staan en ’n storie vertel, amper soos wanneer ’n kind jou vra om ’n “opmaakstorie” te vertel. Een van hulle is Gilly Southwood, ’n professionele storieverteller van Kaapstad. Volgens Gilly is almal van kleins af storievertellers wat hul eie stories weef. “As mense is ons vir stories bedraad en gemaak. Navorsing toon dat baie spesifieke gedeeltes van die brein geraak word as ons stories hoor. Die belangrikheid van stories berus op verskillende aspekte. Dit is ’n leerproses: Jy luister om te leer en om te verstaan. En wanneer ons vertel en wanneer ons luister, begin ons mekaar…

WENBOEKE Die wenboek vir Junie is Theresa de Vries se resepteboek, Deeg (Human & Rousseau). Alle soorte deeg om terte of pasteie te maak, word bespreek – broskors, blaarkors, skilferkors, warmwaterkors, fillo en strudel, ook die gewilde Marokkaanse ouarkadeeg. ’n Besonderse boek wat al die kunsies van deeg fynkam; bestanddele, toerusting, basiese beginsels en puik resepte. Algemene foute wat by deeg kan voorkom en die oorsake word ook gedek. En Theresa gee wonderlike aanwysings hoe om jou deeggebak te versier. Die boek is by toonaangewende boekwinkels beskikbaar. Besoek www.nb.co.za JOANITA CRONJÉ IS ONS WENNER VA NDEE SWEEK: Die beste middel wat ek nog ontdek het om van vismotte ontslae te raak, wat klere vol gate vreet, is pepermentolie. Dit laat boonop jou kaste en klere heerlik ruik. So groet ek…

WENK Guacamole en Chipotlesous word as ’n bykos vir Mexikaanse disse gebruik. GUACAMOLE EN CHIPOTLESOUS GUACAMOLE 2 avokado’s, pitte verwyder en geskil 5 ml (1 t) suurlemoensap ½ rooi ui, baie fyn gekap 1 00 g (½ pakkie) klein tamaties, in agtstes gesny sout en peper knypie rooipepervlokkies 1 Maak avokado’s met vurk fyn. 2 Voeg res van bestanddele by. 3 Bedien dadelik saam met taco’s of tortillas. CHIPOTLESOUS 420 g (1 blik) heel tamaties 1 rooi ui, gekap 1 knoffelhuisie 30 g (1 pakkie) vars koljanderblare 1–2 jalapeno’s, pitte verwyder 30 ml (2 e) lemmetjiesap sout en peper 1 Gooi al die bestanddele in voedselverwerker en verwerk tot baie fyn. 2 Bedien dadelik of bêre in glasbottels in yskas. MEXIKAANSE RYSBAKKIES 4 porsies bietjie olie 1 ui, gekap 5…

Coricraft www.coricraft.co.za Mr Price Home www.mrphome.co.za Weylandts www.weylandts.co.za Woolworths www.woolworths.co.za Yuppiechef www.yuppiechef.com…

Baie mense bly vandag in meenthuise, maar net omdat jy ’n klein tuin het, beteken dit nie jy kan nie ’n mooi tuin met ’n boom of twee hê nie. Suid-Afrika het ’n wonderlike keuse van inheemse bome. Die bome is nie net perfek vir ons klimaattoestande aangepas nie, maar lok ook voëls en ander diertjies. Hier is ses spesies wat jy kan oorweeg: SCHOTIA AFRA – KAROO BOER-BEAN – KAROOBOERBOON Schotia afra is ’n klein, waterwyse boom met ’n kenmerkende knoetserige stam wat teen die einde van die somer met asemrowende pienk tot helderrooi blomme spog. Die trosse blomme verskaf oorvloedige nektar wat allerlei voëls en skoenlappers lok. Nuwe, rooierige blaartjies verskyn teen laatlente en dit verander met verdrag in blink donkergroen blare. Ná die blomtydperk begin groot lemmetjiegroen…

Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 7 woorde, goed 9 woorde, baie goed 13 woorde of meer, uitstekend OPLOSSING: Hoogblod, holoog, oogbol, blond, obool, bolo, dool, hool, logo, long, lood, loog, loon. Woordsoek Die tema is gebak en 22 woorde moet opgespoor word. Hulle kan horisontaal, diagonaal vertikaal, onderstebo of agterstevoor gelees word en val soms oor mekaar. Kyk of jy…