Innholdsfortegnelse for 23-jun-17 i Vrouekeur

My fut is effens uit en om hierdie week oor die mooi en die goeie van die lewe te skryf, is vir my moeilik. Daar is net te veel verskriklike goed wat wêreldwyd gebeur het, gebeur, en glo my, weer gaan gebeur. Wat mense aan mekaar doen, is vir my onbegryplik. Hoe op aarde kry jy dit reg om doelbewus met ’n voertuig tussen voetgangers in te ry en dan uit te spring en diegene wat jy nie doodgery of vermink het nie met messe af te maai? Wat gaan in jou kop aan om ’n bom aan jou lyf vas te maak en jouself en die mense om jou op te blaas? Hoe siek is jy om ’n vliegtuig vol mense af te skiet of in die lug te…

Hy gee al orders vandat hy ’n jong klong is, sê Christo Davids en vertel met ’n breë glimlag hoe hy as kind reeds sy lyf regisseur gehou het wanneer hy en sy skoolmaats Theodore Jantjies (Xander in 7de Laan) en Maurice Page (Kelvin in Isidingo) konsert gehou het. Dié drie laaities wat destyds almal in Hoogstraat in Heidelberg, Wes-Kaap, gewoon het, was maar van jongs af lief vir toneelspeel, vertel hy waar ons voor ’n vertoning in die voorportaal van ’n skool op Stellenbosch vir ’n vinnige gesels ontmoet. Christo behartig die regie van die stuk Martelsang (’n verwerking van die Chileense stuk Death and the Maiden) wat later die middag vir die eerste keer vertoon word, maar hy is so koel soos ’n komkommer en het volle vertroue…

Stel jou voor hoe dit moet voel as jy een oggend wakker word en nie kan beweeg nie. Kort daarna is jy van jou nek af ondertoe verlam. Helouise Rumbles (58) van Port Elizabeth vertel: “Ek het twee jaar gelede my huisdokter oor brongitis gaan sien. My vingers en tone was egter baie seer. Ek is die dag daarna werk toe, maar toe ek die daaropvolgende oggend wakker word, het ek geen beheer oor my arms en bene gehad nie. Ek was spasties en het met die grootste moeite geloop met my arms onder my bors geklem. Daardie middag is ek terug dokter toe en verskeie toetse is op my gedoen. Ek het nie die vaagste benul gehad wat my makeer nie. “Ek behoort nie aan ’n mediese fonds nie…

KA GGELTYD Dis nou die tyd wat ons heerlik voor ’n knetterende vuurtjie kan sit. As jy weer die herd aansteek, gooi ’n paar suurlemoenskille daarin om ’n heerlike geur te versprei. WENBOEKE Die wenboek vir Junie is Theresa de Vries se resepteboek, Deeg (Human & Rousseau). Alle soorte deeg om terte of pasteie te maak, word bespreek – broskors, blaarkors, skilferkors, warmwaterkors, fillo en strudel, ook die gewilde Marokkaanse ouarkadeeg. ’n Besonderse boek wat al die kunsies van deeg fynkam; bestanddele, toerusting, basiese beginsels en puik resepte. Algemene foute wat by deeg kan voorkom en die oorsake word ook gedek. En Theresa gee wonderlike aanwysings hoe om jou deeggebak te versier. Die boek is by toonaangewende boekwinkels beskikbaar. Besoek www.nb.co.za ANNELICIA LAM PRE CHT HET VIR ONS HIERD IE…

WENK Sif mielieblom (Maizena) liggies oor poeding voor jy die eierwitte oorsmeer. SAGOPOEDING 1 poeding 250 ml (1 k) sago 1 ? (4 k) volroommelk 60 ml (. k) suiker 60 ml (. k) botter 1,25 ml (. t) sout 4 groot eiers, geskei 5 ml (1 t) vanieljegeursel 90 ml (6 e) appelkooskonfyt 80 ml (1/3 k) strooisuiker Verhit oond tot 180 °C en berei oondbak voor deur dit met botter te smeer. 1 Laat sago vir ’n uur in koue water week en dreineer. 2 Kook melk, suiker, botter en sout saam. 3 Voeg sago by en kook oor stadige hitte tot deurskynend en sag, roer gereeld. 4 Laat effens afkoel en meng geklitste eiergele en vanieljegeursel by. 5 Skep mengsel in oondbak en bak vir 30 minute.…

DIRK DOEN DIT WEER Dirk van der Westhuizen het bekendheid verwerf met die treffer SuperCool, volgens die ritmetegniek van die wêreldtreffer Gangnamstyle. Dirk se poging het wragtig doodsdreigemente op die sosiale media ontketen! Sy nuwe, derde album, #OnsWilEnOnsKan (Coleske Artists) bevat woeste sweettaphermengsels van sy treffers Siele, Kom dans voor my, Kyk vir my en, natuurlik, Gooi suiker op my – daardie verleidelike liedjie waarop die girls tydens sy vertonings sopies van sy maag aflek. Sy bewonderaars het aan sy wilgerlatlyf en swaaiende heupe gehang. Nou is hy egter redelik frisser as toe. Ná al daai taai sopies vra hy dié keer: Spoel my af. Maar vermoedelik eers wanneer hy in sy ánder snitversoeke geslaag het: Ek gaan jou vang, Ek wil jou hê en Gee my jou hand. Deur…

John en Heidi Stenslunde en hul twee kinders, Dan (11) en Sarah (9), woon die afgelope nege jaar in ’n stil straat in Somerset- Wes. Heidi vertel die huis se klassieke gevoel, ruimte en goeie ligging naby die skole en middedorp het hulle na die eiendom aangetrek. OMSKEPPING VAN ’N RUIMTE Die buite-onthaalkamer is langs die swembad en grasperk geleë, maar Heidi sê hulle het dit aanvanklik as stoorkamer eerder as onthaalplek gebruik. Dié prentjie het verander en hulle het besluit om ’n luukse en gemaklike ruimte te skep waar gaste altyd welkom sal voel. “Ons het Amerikaanse hortjies geïnstalleer om die kamer toe te maak, maar ook te beveilig sonder onooglike diefwering en hekke. Ons het die plafon vervang, ligte geïinstalleer en gemaklike rottangmeubels gekoop en ’n lekker groot…

Sê nou Nora was nie op daardie presiese oomblik dors nie? Sê nou daar was nie die bepaalde aand ’n hewige donderstorm nie? Sê nou ’n bliksemstraal het nie die kombuiskraan getref op die spesifieke oomblik toe sy daaraan geraak het nie? Agterna het vriende, familie, bure en verskeie kundiges almal saamgestem. Geen haar van Nora se hoof sou skade gely het nie en sy sou vir die res van haar lewe waarskynlik dieselfde vrou gebly het wat sy tot op daardie tydstip was. In daardie breukdeel van ’n sekonde het Nora se lewe egter soos handomkeer verander. Voorheen was Nora ’n huisvrou, getroud met Werner en ma van twee tienerseuns. Bedags het sy die huis halfhartig skoongemaak, etes vir haar man en kinders voorberei en die res van die…

▸ Groei oral ▸ Pragtige snyblomme ▸ Vermeerder vinnig ▸ Lief vir water Die oumense het natuurlik ook die gawe van goeie waarneming gehad met die uitdink van bogenoemde gesegde, want die skone Zantedeschia aethiopica, wat in die volksmond as varkoor, aronskelk of sommer net lelie bekend staan, groei natuurlik langs strome en in vleie in klam moerasagtige plekke in donker grond. Die spierwit lelie-agtige blomme is ’n simbool van kuisheid, reinheid en onskuld en was toeka (vandag ook!) die gunstelingblom in bruidsruikers. Die “blom” is nie regtig die blom nie, maar ’n groot blaar of meer wetenskaplik beskou, ’n kelkvormige bloeiskede wat ’n massa baie klein roomkleurige of geel blommetjies wat diggepak op ’n sentrale bloeikolf sit, omring. Diep in die koel kelke sal jy die interessantste insekkies en…

Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 10 woorde, goed 14 woorde, baie goed 18 woorde of meer, uitstekend OPLOSSING: Hamburger, erbarm, amber, armer, begum, gearm, geram, hamer, harem, marge, rumba, arme, gram, maer, mare, merg, meug, murg Koderaai Elke syfer verteenwoordig ’n letter van die alfabet. Om mee weg te spring, is 3 (drie) letters klaar ingevul. Kyk nou of jy…

Die moeilikheidsgraad van die patrone en tegnieke wat gebruik word, wissel, so die boek is ideaal vir beginners asook vir brei-entoesiaste met meer gevorderde vaardighede. Projekte wissel van skattige babamussies en -truitjies tot truie, serpe en musse vir kinders en mans. Troeteldierliefhebbers sal mal wees oor die hoofstuk met patrone vir hondejassies, ’n drasak, katbedjie en -speelgoed. Die boek bevat ook ’n lys van breiafkortings in Afrikaans en Engels. Die boek is by toonaangewende boekwinkels beskikbaar sowel as by www.lapa.co.za…

Brief van die week LEKKER INSPIRASIE Dis die klein dingetjies in die lewe wat ’n mens weer dinge in perspektief laat sien. Ek wil net dankie sê vir die pragtige bladsye in Vrouekeur met motivering, inspirasie of iets wat jou laat dink. Ek begin nou al uitsien na die volgende uitgawe van Vrouekeur! Ek plak hierdie wyse woorde op my kantoormuur en die muur raak al hoe voller. Dit maak van my ’n beter mens en ten spyte van al ons daaglikse probleme is ek dankbaar vir als wat ek het. Hier is ’n paar van my gunstelinge: “Laat jou hoop – nie jou seerkry nie – jou toekoms bepaal.” “Moenie dinge vir ’n spesiale geleentheid hou nie. Elke dag van jou lewe is ’n spesiale geleentheid.” “Jy kan nie…

“Ek is eerstens ’n ma vir my seun en ’n vrou vir my man. Familie kom altyd eerste. Daarna is ek ’n musikant, buurvrou en trotse ouer by Hoërskool Hermanus,” sê die bekroonde musikant Janine Neethling (48). Dié gebore en getoë Kapenaar – in Rondebosch grootgeword en aan Laerskool en Hoërskool Groote Schuur en die Universiteit van Kaapstad geslyp – se talent weerklink in haar indrukwekkende repertoire. Haar integriteit, vernuf en vaardigheid is met talle toekennings vereer: van Saftas, kykNET-Fiëstas en Vita-pryse tot KKNK-Kannas én die KKNK-Kruispuntprys – vir klankbaanmusiek vir TV en rolprent, opdragtoonsettings, blyspelkomposisie, uitvoerende kunstenaar en musikale regie. Haar onlangse opdragwerk was die oorspronklike klankbaan vir Katinka Heyns en Simon Barnard se puik rolprent Die rebellie van Lafras Verwey. Janine is vanjaar met die Safta-toekenning vir die…

▸ Dit is ’n siekte waarin die liggaam se immuunstelsel ’n gedeelte van die periferiese senuweestelsel aanval. ▸ Dit kom gewoonlik enkele dae of weke ná simptome van ’n respiratoriese of ’n virusinfeksie van die spysverteringskanaal voor. Sommige kenners meen dit kan ook die gevolg van operasies of inentings wees. ▸ Die eerste simptome sluit swakheid en ’n prikkelende sensasie in die bene in. ▸ Die hersteltydperk kan van weke tot jare duur. Ongeveer 30% van pasiënte is ná drie jaar steeds swak.…

Liesel sê dié patrone kan met empatie, geduld en liefde verander word. “Teen die tyd wat ons hierdie denkpatrone ontdek, het ons al jare hiermee saamgeleef. Ek het al met mense in hul sewentiger- en tagtigerjare gewerk wat 60 jaar met denkpatrone rondgeloop het wat hulle geglo het waar is. Wonderwerke kan gebeur, maar ek dink dit sou meer akkuraat wees om te sê dat dit ’n proses is wat slegs met baie toewyding en selfaanvaarding kan verander. “’n Mens moet ’n metode of manier kry om die onderbewuste aan te spreek. Slegs sowat 3–5% van wat ons elke dag doen en sê, kom van ons bewuste besluitneming. Die res van die tyd is die onderbewuste aan die stuur van sake. Om ’n mantra oor en oor te sê, selfs…

WENK Bedien dit net so op ’n stokkie vir ’n voorgereg om die vuur of saam met geroosterde groente vir ’n hoofmaal SKOONMAAK VAN GARNAAL WENK Jy kan die aar met water uitspoel. As jy die stert wil aanhou, breek die dop om die stert af. Dit lyk mooi as jy dit opdis KRUIE-EN-BRANDRISS IE-GARNAALSTOKKIES 4 porsies 20 groot garnale 30 ml (2 e) gekapte basiliekruid 30 ml (2 e) gekapte pietersielie 30 ml (2 e) gekapte dille 5 ml (1 t) fyn knoffel 5 ml (1 t) fyn vars gemmer 5 ml (1 t) gedroogde brandrissievlokkies 80 ml (1/3 k) olyfolie sap en skil van 1 suurlemoen sout en peper 1 Breek kop van garnale af en sny rug oop. Haal aar uit. Ryg op sosatiestokkies. Hou doppe en…

Ek is vir twee dae in Istanboel en is op ’n missie. Hier is fabelagtige voëlhuise in die stad wat ek gaan opspoor en afneem. Dit is my eerste oggend en my eerste keer ooit hier. Op jou eie in ’n vreemde stad waar jy by tye oorrompel word deur ’n vreemde taal met geen herkenbare woorde nie, is jou sintuie opgeskerp en neem jy baie in. Dit duur dus nie lank voordat ek my eerste voëlhuisies kry nie. Hulle is hoog teen die ou reservoir op Taksimplein met sy rye rooi Turkse vlae gebou. Maklik genoeg, maar ek is steeds so verlig dat ek hardop met myself praat: “Daar’s dit!” Die voëlhuise, -paleisies en -moskees is een van die redes hoekom ek besluit het om twee dae in Istanboel…

Canaletto and the Art of Venice is ’n uitstalling wat nog tot 12 November in The Queen’s Gallery in Buckingham-paleis in Londen te sien is. Dié versameling in besit van die Britse monargie, het tot stand gekom toe Joseph Smith, destydse Britse konsul in Venesië en Canaletto se belangrikste ondersteuner en handelaar, sy persoonlike versameling van Canaletto’s, asook ander 18de-eeuse skilderye en tekeninge van kunstenaars soos Francesco Zuccarelli, Rosalba Carriera, Pietro Longhi en Giovanni Battista Piazzetta, in 1762 aan George III verkoop het. Deur middel van dié transaksie het die 24-jarige koning George verseker dat die Royal Collection een van die beste versamelings van 18de-eeuse Venesiese kuns ter wêreld bekom het – waaronder die grootste versameling van skilderye, tekeninge en etse deur Giovanni Antonio Canal, beter bekend as Canaletto (1697–1768).…

LAPA Uitgewers se naam is nie oorspronklik afgelei van ’n grasafdak in die agterplaas langs die braaivleisplek nie, maar is eintlik ’n akroniem vir “Lees Afrikaans, Praat Afrikaans”. Hierdie uitgewer het inderdaad ook baie vermag om leesstof in Afrikaans beskikbaar te stel sodat mense in Afrikaans kan lees. Om Afrikaanse lesers te hê, moet kinders van kleins af reeds Afrikaans lees, en in hierdie verband lewer LAPA ’n besonder waardevolle bydrae. Daar was ’n tyd toe baie ouers met reg kon kla dat daar nie baie Afrikaanse leesstof vir hul kinders is nie, maar danksy onder meer LAPA, is daar deesdae regtig baie Afrikaanse boeke waarmee jong lesers aangemoedig kan word om in hul moedertaal te leer lees. Navorsing oor taal het al oor en oor bevestig dat dit noodsaaklik…

Ds Janine Bevolo-Manders is verbonde aan die Nederduitsch Hervormde Kerk Witfontein in Pretoria-Noord en is al 20 jaar ’n predikant Paul W Powell het eenmaal opgemerk: “Trots is so subtiel dat as ons nie oppas nie, ons trots op ons nederigheid sal wees.” Ons word soos die Sondagskooljuffrou wat, nadat sy vir die klas die storie van die fariseër en die tollenaar vertel het, namens die klas bid en sê: “Here, dankie dat ons nie soos die Fariseër is nie.” Spreuke 16:18: “Op hoogmoed volg ondergang.” In ’n sekere dammetjie was daar twee eende en ’n padda wat nie net bure van mekaar was nie, maar ook die beste vriende. In die somermaande het hulle heeldag saam gespeel. Toe dit begin kouer word en die dammetjie begin opdroog, het die…

Mens sou kon dink dit is hoofsaaklik aan hul goeie gene te danke wat die sangeres Rina Hugo en haar dogter Anri van der Linde elk soveel sukses behaal. Aan die een kant is daar hul skoonheid. Anri was immers ’n internasionale model. Selfs in die oefenklere waarmee sy my by haar huis in Johannesburg verwelkom, is sy beeldskoon. Rina, stylvol in swart, is die toonbeeld van elegansie. Keurige grimering en ’n sjiek haarstyl rond die prentjie af waar sy in die eetkamer luister hoe haar kleindogter Annabella (6) klavierspeel. Dan is daar ook hul talent. Haar stem het van Rina volksbesit gemaak, toekennings het deur die jare ingerol en haar albums het een ná die ander goue en platinumstatus bereik. Vir Anri het haar loopbaan as model haar na…

Daar was ’n tyd toe dit heeltemal toelaatbaar was om in ’n passasiersvliegtuig vuur te maak. Nee, regtig. Openlik en sonder wetlike sanksie. Dit was toe mense in Boeings kon rook. Jy kon ’n vierietjie skraap of ’n aansteker knip, jou sigaretkooltjie rooi trek en jou rook blaas waar jy wou. Olympic Air was een van die laastes wat rook aan boord toegelaat het. ’n Sigaarbuis gevul met tabakrook op ’n Olimpiese trajek soos ’n spies tydens die veldatletiek. Die passiewe atlete binne hoesend aan hul stoele vasgegespe. En die rooksonering was ’n grap, ’n leë gebaar. Die rooksone altyd in die voorste deel van die vliegtuig. Nie net moes die nie-rokers – as straf vir hul dissidente houding in ’n wêreld wat net wou rook – in die raserigste…

VERSTERKTE REALITEIT Versterkte realiteit stel die gebruiker in staat om, wanneer hulle deur ’n lens kyk, bykomende inligting wat bo-oor die bestaande inligting geprojekteer is, te sien. Op die oomblik is dié tegnologie, wat opvoedkunde betref, meestal tot slimfoontoepassings beperk. 3D-DRUKKERS Leerders sal in die toekoms 3D-modelle vir verskeie doeleindes kan “druk”, soos om ’n spesifieke voorwerp aan die klas te verduidelik (“show and tell”). Ingenieurstudente kan dié drukkers gebruik om modelle op klein skaal te ontwerp, sodat sulke modelle “vervolmaak” kan word voordat prototipes gebou word. Dié tegnologie stel studente in staat om met hul ontwerpe te eksperimenteer en terselfdertyd geld en tyd te spaar. CLOUD COMPUTING Leerders met internettoegang sal in die toekoms digitale toegang tot al hul tuiswerk en ander handboeke hê. Dit sal leerders in staat…

PRIVATE ASS ISTENTE MAAK HULLE TUIS Almal het nou en dan so ’n bietjie hulp nodig, maar wat van jou eie private virtuele assistent? Verwelkom die Google Home of Amazon Echo in jou huis, knoop so ’n paar geselsies aan en jy sal verbaas wees oor hoe maklik hulle jou verstaan. Albei is geskoold in natuurlike taalverwerking, wat hulle in staat stel om versoeke soos, “Hoe laat is dit?” nie net te verstaan nie, maar ook te beantwoord (in Engels). Die Echo, met Alexa-sagteware aan boord, kan jou met inkopies deur Amazon, die speel van luisterboeke, en soos die Home, met meer algemene take soos jou skedule vir die dag, die jongste nuus en môre se weervoorspelling help. Die Echo-produkte is nog nie wêreldwyd bekendgestel nie, maar Amazon het reeds…

VRUGTEBORRELS Liqui-Fruit het ’n nuwe reeks borrelende vrugtesappe bekendgestel. Die twee nuwe geure is Cranberry Cooler en Blackcurrant Burst. Dis ook in verskeie ander geure beskikbaar. Kry dit in slanke 250 ml-kannetjies of in 1,25 ?-bottels. www.liquifruit.co.za Etenstyd! Maak etenst ye interess ant met hierdie oulike mesen- vurk-st el, R199,95 www.pylones.co.za SPROEI VIR DIE PYN Is jou skouers, kniee, enkels of gewrigte tot inflammasie en pyn geneig? Wintergreen Joint Support Spray bevat ses belangrike bestanddele wat help om gewrigspyn tydelik te verlig en onder beheer te hou. Teen ongeveer R79,99 by Shoprite, Checkers en Medirite beskikbaar EIERS BY DOSYNE Dis altyd ’n gedoente om eiers te skei, maar met hierdie oulike kontrêpsie sal jy nooit weer sukkel nie. Die geel bly in die bakkie terwyl die wit deur gleufies uitloop.…

“Al is ons klein, kan ons groot droom sonder om bang te wees. Ons breine is nog lekker vars en dit help byvoorbeeld om skoolwerk en tekste vinniger te leer en te onthou. Ons word beskerm deur ouers wat vir ons lief is. Ons weet nie eintlik wat stres beteken nie. Tegnologie is glad nie vir ons ’n uitdaging nie en ons word nie so gou moeg nie. En ons kan kaalvoet skooltoe gaan!” sê die 11-jarige Vian Singleton, ’n leerder aan Laerskool Midvaal en as akteur saam met Shaleen Surtie-Richards as die klein Benjamin in Frans Swart se verhoogomwerking van Dalene Matthee se roman Fiela se kind te sien “Ons sukkel wel met ’n tienervel en onnodige druk om te presteer én ons mag nog nie ’n motor bestuur…

LEWE IS NIKS ANDERS AS NET STUDIES NIE Ek het hierdie jaar met veeartseny begin en sukkel om met al die werk by te bly. Ek is heeltyd moeg, sukkel om tydens klas wakker te bly en ervaar dat my lewe uit niks anders as studies bestaan nie. Nag vir nag moet ek werk om net met die studies by te bly. My verhouding met my vriend van skool af is op die rotse aangesien ek altyd moet studeer en hy aan ’n ander universiteit ’n heerlike studentelewe geniet. Die werk is geweldig baie en ek weet nie hoe ek dit die res van die kursus gaan maak nie. – Student Dis moontlik dat jy reeds uitgebrand en oorweldig is. Jy beskryf ook aspekte wat verband kan hou met slaapskuld,…

3 OPSIES BESKIKBAAR: SKRY F AANLYN IN : magsathome.co.za/ Magazing.htm bel: 0860 100 999 e-pos: subs@magsathome. co.za ONT VAN G JOU MAAN DELIKSE TY DSKRI F-KOO PBE WYS VIA SMS aal JOU TYDSKRIF af: GEBRUIK JOU WOOLIES -KAART EN HOU JOU KOO PBEWYS - STAA FKO DE GEREE Het jy nie ’n Woolies-kaart nie? Kry een by jou naaste Woolies-winkel WREWARDS was R900 nou R585 35% Afslag OP JOU 12-MDE -SUBSKRIPISE WORDERLIKE AANBIEDINGS! Jy as intekenaar wat jou tydskrif by ’n Woolworths-winkel afhaal, kan nou ook die spesiale geskenke kry wat slegs in tydskrifte aangebied word wat in Woolworths verkoop word. REËLS EN VOORWAARDES: 1 Hierdie aanbod geld vir nuwe subskripsies en toekomstige hernuwings. 2 Hierdie koopbewys mag saam met enige ander Woolworthskoopbewys gebruik word. 3 Hierdie koopbewys moet saam…

Op 18 Julie vier ons Mandeladag, 'n wêreldwye liefdadigheidsinisiatief. Vrouekeur vat vanjaar hande met LAPA Uitgewers, die ATKV en Bargain Books en vra ons lesers om serpe vir liefdadigheid te brei. HOE KAN JY SAAMBREI? • Brei die onderstaande patroon (vir volwassenes of kinders) uit ons splinternuwe breiboek Vrouekeur 50 breipatrone in ’n kleur van jou keuse. • Lewer die serp voor of op 18 Julie 2017 by jou plaaslike Bargain Books-tak af. Bargain Books sal die serpe voor 31 Julie aan plaaslike liefdadigheidsorganisasies van hul keuse aflewer. • As jy nie ’n deelnemende Bargain Books-tak kan opspoor nie, pos die serp aan LAPA, Posbus 123, Pretoria 0001. • Deel gerus ’n foto van jou en jou serpe met ons op Facebook en Twitter vir ’n kans om iets te…