Innholdsfortegnelse for 16-jun-17 i Vrouekeur

So ’n paar Maandae gelede ry ek oudergewoonte werk toe. By die motorhawe in Melville draai ek af om vinnig iets te ete te kry vir later. Ek sien hom met die uitklim. ’n Man van sowat 35 sit op die randsteen, skuins oorkant die sypaadjie waar daar sewe tieners onder karton en gehawende komberse lê en slaap. Dis vrekkoud. Net vanoggend nog het ek gekla oor die winterkoue. Dit ná ’n goeie nagrus, ’n warm stort en stomende oggendkoffie. My oog vang dié van die man wat sit. Hy beduie skaam, verleë vir kos. Ek knik my kop en wys dat hy moet wag. Ek koop vir hom twee pasteie en ’n halwe liter volroommelk. Buite gee ek dit aan hom saam met ’n R50-noot. Ek sien die stuk…

Maar wat van Afrikaans? Wonder ek terwyl ek onlangs aan ’n heerlike internet-gesprek oor hardoplag-literatuur in die Engelse wêreld deelneem. Versoek toe ewe onskuldig in my eie Facebook-groep*: Asseblief, mense, ek soek daardie skaars Afrikaanse boeke – en meer spesifiek Afrikaanse romans – wat jou so laat proeslag dat jy dit nie in die openbaar durf lees nie. En, mense, word ek toe oorweldig deur die reaksie! ▪og nooit het ek enigiets op Facebook gepos wat soveel kommentaar van soveel uiteenlopende lesers uitgelok het nie. Wat dalk net wys hoe ons lesers in hierdie donker dae van politieke petaljes oral op aarde na humor – in ons eie taal – smag. Jy kan maar sê humor het ons erns geword, of hoe? Die name wat op Facebook geloof is, wissel…

CHRIS SE KEUSE Daar is soveel verskeidenheid as dit by kultivars kom – omtrent 10 000 wêreldwyd om van te kies. Hoewel party wynkultivars nooit so gewild soos ander sal wees nie, en die meeste verbruikers hul gunsteling het, is daar altyd plek om iets anders te probeer. Zinfandel staan bekend as primotivo in Italië en in Kalifornië, die grootste wynstaat in die VSA, en is ’n staatmaker aangesien dit ’n warmer klimaat verkies. Bitter min Zinfandel word in Suid-Afrika geplant, maar druiwe, wat van die noordwestelike hellings van die Groenberg in Wellington afkomstig is, is vir die Grande Provence Zinfandel 2015 gebruik. Die hitte van Wellington bring die ryp vrugtegeure na vore, gebalanseer met sagte tanniene van kunstige wynmaaktegnieke in hul Franschhoekkelder. Ná parsing en dopkontak vind verdere veroudering…

VARKVLEIS MET SKOTSE EIERS 4 porsies 8 eiers 1 kg varkmaalvleis 1 eier 125 ml (½ k) broodkrummels 5 ml (1 t) hoenderspeserye 5 ml (1 t) pietersielie varsgemaalde peper sout 5 ml (1 t) korrelmosterd 1 eier, geklits 30 ml (2 e) melk 60 ml (¼ k) koekmeel 125 ml (½ k) broodkrummels 1 Kook eiers vir ongeveer 6–8 minute. Laat afkoel en dop dit af. 2 Meng maalvleis, eier, broodkrummels, hoenderspeserye, pietersielie, peper, sout en mosterd. 3 Skep groot eetlepel van vulsel en druk effe platter in palm van jou hand. 4 Sit eier in middel van maalvleismengsel en vou heeltemal toe. 5 Klits eier en melk saam. Rol vleis in meel, eiermengsel en dan in krummels. 6 Braai in warm diep olie tot goudbruin en gaar. Dit…

D is vreemd hoe Afrikaanse kunstenaars meestal verkies om oor hulself op hul albums te swyg. Ons popsterre wat in Engels werk, is eerder geneig om hulself bloot te stel en hul diepste geheime, worstelinge en vergrype te deel. Connell Cruise en Ashley Beyers (aka ASH) bied ’n persoonlike blik op hul lewe op hul albums waaruit inspirasie spruit. Boonop getuig hul werk van rou, musikale eerlikheid. Blink en uitdagend … CONNELL CRUISE WOEKER Die Suid-Afrikaanse sanger Connell Cruise (30), wat deesdae in Amerika woon en werk, bewys hy het nie Idols nodig om (internasionale) welslae te behaal nie! Dié gebore Johannesburger het weliswaar in 2010 SA se Idols aangedurf, maar hy het daar nêrens gekom nie! Sy demo-opnames het wel David Gresham bereik en dit was goed genoeg om…

WAT HET JY NODIG? 6(6; 7; 8; 8) balle ELLE KALEIDO DK (100 g-balle) in Opium 4,5 mm-breinaalde Steekhouers GROOTTE 86–92(92–98; 98–102; 102–07; 112–117) cm SPANNING 17 ste en 24 rye = 10 cm oor koussteek met 4,5 mm-naalde AFKORTINGS alt – alternatiewe aw – aweregs beg – begin dna – draad na agter dnv – draad na voor don – draad rondom naald gl1 – glip een steek g1a – glip een steek aweregsgewys herh – herhaal ks – koussteek oorbl – oorblywende pat – patroon r – regs R(V)K – regte(verkeerde) kant R(V)KV – regte(verkeerde) kant voor st(e) – steek(steke) tes – tesame vlg – volgende vmin – verminder vmeer – vermeerder weersk – weerskante PATROONSTEKE Veelvoud van 4 plus 3 1 Rifpat 1ste ry: r1, gl1, *r1,…

Deur XWord Vir alle navrae navrae@xword.co.za of 082 346 3431 Besoek www.xword.co.za WEN R1 000! Voltooi die blokraai en gebruik die omkringde letters om die versteekte woord of naam te ontsyfer. Leidraad: ’n Woord vir ’n sieklike vrees om digby hoë voorwerpe, bv geboue, verby te gaan SMS jou antwoord, voorletters, van en dorp/stad voor of op 5 Julie 2017 na 48410. SMS’e kos R1,50 en is net vir mense in SA. Geld sal vir foutiewe antwoorde gehef word en gratis SMS’e geld nie.…

Brief van die week Tel jou seëninge Saterdag was weer een van ons “Ons maak ’n verskil”-groep se uitreikaksies om komberse by ’n tehuis vir gestremdes af te gee. Die donker gange, die somber atmosfeer, die tekens van agteruitgang, klere wat beslis beter dae geken het en die hopeloosheid het my diep geraak. Vasgevang in liggame wat net so min beteken soos die omstandighede om hulle. Hoe hef ons ons hande omhoog, hoe vra ons vir genade wanneer alles so troosteloos om ons is? Toe een van die inwoners my met trots haar bed en kas wys, tref dit my hierdie persoon se hele lewe is in ’n kas en ’n bed. Dis al haar besittings. Dis al wat sy ken, al wat sy verlang. Geen ander materiële dinge maak…

Ongeveer 66 buitelanders is dood, 100 is aangerand, amper 600 winkels is geplunder en meer as 10 000 mense moes as gevolg van xenofobiese voorvalle tussen Januarie 2015 en Januarie 2017 padgee. Dít is volgens ’n verslag van die African Centre for Migration & Society In Februarie het xenofobiese protesoptogte en geweld in Pretoria en Johannesburg weer opgevlam. Ná verskeie protesoptogte het geweld in Rosettenville, Johannesburg, uitgebreek en na Pretoria versprei. Al was dit kortstondig, het die land asem opgehou uit vrees vir ’n herhaling van die xenofobiese geweld wat in 2008 en 2015 plaasgevind het. As teenvoeter het ’n groep wat hulself die Koalisie teen Xenofobie noem, op 28 Maart vanjaar ’n vreedsame protesoptog in Johannesburg gehou om hul solidariteit met migrante in Suid-Afrika te toon. Tydens die geleentheid…

Emosionele veerkragtigheid is belangrik vir sielkundige oorlewing. Volgens Margarita Tartakovsky, bydraende redakteur van die webwerf psychcentral.com, kan ouers op die volgende maniere bydra om hul kinders se emosionele veerkragtigheid te verhoog: ▪ Moenie aan elke behoefte van jou kinders voldoen nie. As hulle byvoorbeeld bang is vir die donker, moenie hulle toelaat om in jou kamer te slaap nie. Sit eerder ’n nagliggie in hul kamer aan en leer hulle om dit te hanteer. ▪ Moenie alle risiko’s elimineer nie. ▪ Leer hulle hoe om probleme op te los. ▪ Leer hulle om situasie-spesifieke, konkrete vaardighede te ontwikkel. As ’n probleem opduik, vra byvoorbeeld: “Hoe kan ons hierdie situasie hanteer?” ▪ Vermy hoekom-vrae. As hulle byvoorbeeld hul fietse buite vergeet het, vra “Hoe gaan jy dit regstel?” ▪ Moenie altyd…

Ek droom van woude. Betowerende, veraf plekke waar reusebome mekaar verdring; in sprokies die blyplek van feetjies en kabouters; in tropiese gebiede ’n paradys van wilde plante, vrugte, diere en insekte. Nie almal woon naby Knysna se woude of Barberton se golwende bergplantasies nie. Woude bedek net sowat 0,25% van ons land se oppervlakte, die minste op die subkontinent. Vir die meeste stedelinge bly woude ’n hersenskim van ongerepte natuurskoon. Dalk sien jy een op pad na jou vakansiebestemming – ’n belofte van afsondering en stilte ... HULP ME T MINI-WOUDE In Engeland vind ’n mens verskeie voorstedelike woude wat groter as parke is, met wandelpaaie waar jy letterlik van kus tot kus deur stedelike wildernisse kan stap – ’n lafenis vir suwwe stedelinge. Stedelike woude is goed vir die…

WORSHAPPIES Genoeg vir 36 varkies 430 ml (280 g) koekmeel 1,25 ml (. t) rooipeper 5 ml (1 t) bakpoeier 2,5 ml (. t) Aromat (kaasgeur) 1 05 ml (100 g) koue botter, in blokkies gesny 310 ml (200 g) kaas, fyngerasper 30 ml (2 e) parmesaan 180 ml yswater 1 pak (500 g) mini-rooiworsies 1 eier, geklits 2 ℓ olie 1 Sif meel, rooipeper, bakpoeier en Aromat saam. 2 Vryf botter by mengsel in. 3 Voeg kase by krummels en roer yswater geleidelik by. 4 Roer totdat mengsel deegbal vorm. 5 Bedek deeg met kleefplastiek en verkil in yskas vir 30 minute. 6 Gooi olie in groot pot en verhit. 7 Haal worsies uit pak en vryf droog. 8 Verdeel deeg in twee dele en rol op meelbestrooide oppervlakte…

Woordspel 23 Deur XWORD.CO.ZA Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 9 woorde, goed 11 woorde, baie goed 15 woorde of meer, uitstekend OPLOSSING: Haarwrong, ghnorra, angora, ghwano, hangar, ongaar, onwaar, orgaan, ahorn, argon, ghaan, graan, nagwa, wrang, wrong. Woordsoek Drinkgoed, 34 soorte, sterk en nie so sterk nie, moet in hierdie rooster opgespoor word. Hulle kan horisontaal, diagonaal vertikaal, onderstebo of…

VERSKIL OOR KIND SE OPVOEDING Ek en my man verskil dikwels oor ons kind se opvoeding. My man sal met tye iets vir ons seun sê wat nie ooreenstem met wat ek vir ons kind wil hê nie. Dit maak nie net ons seun deurmekaar nie, maar vir my ook. Hoe gemaak? – Bekommerde ouer Die dubbelboodskappe en -standaarde oor wat aanvaarbaar is of nie, wat aan jul seun oorgedra word, is meer verwarrend en nadelig vir hom as vir julle. Jy en jou man moet tot ’n vergelyk kom en ’n ouerplan opstel wat julle sal help om te sorg dat julle mekaar nie in die opvoedingsproses weerspreek nie. As julle nie op ’n opvoedings- of ouerplan (verskeie op die internet beskikbaar) kan ooreenkom nie, behoort julle ’n kindersielkundige…

As lid van die groep Eden het Jay du Plessis vroue se knieë lam gemaak en die duette wat hy saam met Lianie May sing, laat aanhangers swymel. Maar daar is net een vrou en vier klein seuntjies wat dié suksesvolle Afrikaanse popsanger se hart vinniger laat klop en dit is sy vrou, Mia, en hul kroos, die tienjarige Aidan, sewejarige Samuel, driejarige Luka en ses maande oue Jamie. “Ons seuns het uiteenlopende geaardhede, maar die een eienskap wat hulle almal deel, is ’n ontembare lewenslus wat baie geduld en tande-kners verg,” sê Mia. Met so ’n bedrywige kroos en ’n pa en ma met vurke vol hooi, is ’n gewone dag in die lewe van die Du Plessis-huishouding allesbehalwe glansryk, vertel Jay. “Dit is chaos, maar ons weet wat…

Joyce Kotzè is ’n Namibiër in murg en been. Sy het ’n paar jaar gelede, ná baie omswerwinge, die Riebeek-Vallei met sy wingerde en geel canolalande buite Kaapstad ontdek. Dit het haar “skryfbasis” geword, maar soms raak die berge en die groenigheid te veel. Dan trek sy noord, na haar heimat en die Namib-woestyn. En keer dan teensinnig terug Wes-Kaap toe om te skryf. Joyce hou daarvan dat dinge gebéúr. As student het sy aan protesoptogte deelgeneem en soms met donshael in haar hare gaan slaap en selfs ’n keer in die tronk gaan draai. Daarna het sy 12 jaar lank tydens die Grensoorlog in Noord-Namibië as trauma-radiografis gewerk. Sy het ook natuurbewaring studeer. Haar liefde vir geskiedenis en navorsing het daartoe gelei dat sy begin skryf het. The Runaway…

WENBOEKE Die wenboek vir Junie is Theresa de Vries se resepteboek, Deeg (Human & Rousseau). Alle soorte deeg om terte of pasteie te maak, word bespreek – broskors, blaarkors, skilferkors, warmwaterkors, fillo en strudel, ook die gewilde Marokkaanse ouarkadeeg. ’n Besonderse boek wat al die kunsies van deeg fynkam; bestanddele, toerusting, basiese beginsels en puik resepte. Algemene foute wat by deeg kan voorkom en die oorsake word ook gedek. En Theresa gee wonderlike aanwysings hoe om jou deeggebak te versier. Die boek is by toonaangewende boekwinkels beskikbaar. Besoek www.nb.co.za SUZETTE VAN DER BERG VAN BLOEMFONTEIN WEN DIé WEEK DIE BOEK: Meng 2 kg waspoeier met 1 kg growwe sout en 500 g koeksoda. Dit vermeerder jou waspoeier en hou ook die wasmasjien binne skoon. Jy hoef ook nie versagmiddel te…

BOBAAS-BRAAI Bags Direct se Eco 4 Piece Apron BBQ Set is net wat jy vir ’n braai benodig. Dit het al die nodige gereedskap en die houer waarin als gebere word, dien ook sommer as ’n voorskoot, R202. Beskikbaar by aanlynwinkels soos Takealot en Loot GEUR EN KLEUR! Bring ’n bietjie kleur na jou tafel met Eetrite se sout- en pepermeule. Dis in ’n verskeidenheid van kleure beskikbaar en die keramiekmeganisme kan só gestel word dat dit fyn of grof maal, R279,99. Beskikbaar by Adams-winkels of www.eetrite.com HANGPLEK Hang jasse en ander kledingstukke aan hierdie mooi hangrak. Dit is prakties en ook sommer ’n dekorelement! Kies uit verskeie style vanaf R3 500, www.handlesinc. co.za of 021 422 2322 BLOMTUIN IN JOU KLEREKAS Laat jou klere soos ’n blomtuin ruik met…

Terwyl sy in haar ateljee met haar beeldhouwerk besig is, dink sy nie aan skoonheid nie. Dan werk sy, sê Beth Diane Armstrong oor haar skeppingsproses. “Maar die eindproduk moet mooi wees, anders is iets nie reg nie,” sê sy. Armstrong is Standard Bank se Jong Kunstenaar vir visuele kunste vir 2017 en as deel van dié erkenning en hupstoot in haar loopbaan moet sy ’n uitstalling aanbied wat van 29 Junie tot 9 Julie met die Nasionale Kunstefees in Grahamstad saamval. Dié uitstalling sal ná die Grahamstadfees en tot volgende jaar regdeur die land in galerye vertoon word, onder meer die Standard Bank-galery in Johannesburg. Staal en aluminium is die mediums waarmee Armstrong as beeldhouer tot dusver aandag getrek het. Dié medium se kenmerk om te glim, om koud…

Dit is seker gepas dat Toef Jaeger se biografie oor Henk van Woerden ook in Afrikaans vertaal word. Van Woerden het immers ’n deel van sy jong lewe in Suid- Afrika deurgebring en hy het die land later dikwels besoek, terwyl sy reputasie as skrywer gevestig is deur die drie “Suid-Afrikaanse” boeke, Moenie kyk nie (1993), Tikoes (1996) en ’n Mond vol glas (1998). Koning eenoog bied, soos Van Woerden se eie werk, veel stof tot nadenke vir almal van Europese afkoms wat in Afrika woon. Van Woerden was ’n skilder en skrywer en sy skryfwerk is met talle pryse bekroon. Suid-Afrikaanse lesers ken veral ’n Mond vol glas – ’n boek oor Dimitrios Tsafendas, die Griekse immigrant wat in 1966 vir Hendrik Verwoerd vermoor het. Antjie Krog was vir…

Ons hou van ons sport. Ons hou ons sterspelers fyn op die veld of die baan dop, ons sit vasgenael voor die TV om te hoor wat die aanbieders oor die spel sê en ons noem die spelers op die naam asof ons hulle ken. Maar die waarheid is, ons ken hulle eintlik glad nie. Dieselfde is ook waar van enige vermaaklikheidster. Ons wil weet: Watter tipe mens is hulle regtig? Is hulle goed? Ons nuuskierigheid oor God is nie veel anders nie. Ons mag glo dat Hy bestaan, maar ons wil weet watse tipe God Hy regtig is. Is God goed? Is Hy groot genoeg om hierdie wêreld te kan regeer en dan ook klein genoeg om vir my om te gee? As ons na die wêreld om ons…