Innholdsfortegnelse for 26-may-17 i Vrouekeur

Aan die breifront het ons hierdie week groot nuus. En dis nie net nuus vir ervare breiers nie – diegene (soos ek) wat net kan regs en aweregs in reguit rye, kan gerus ook die breipenne vir ’n baie goeie doel nader trek. In die wintermaande is dit veral mense wat op straat is of sukkel om kop bo water te hou wat swaarkry. Daarom het ons besluit om hierdie jaar vir Mandeladag op 18 Julie ’n projek saam met die ATKV, LAPA Uitgewers en Bargain Books van stapel te stuur en serpe vir liefdadigheid te brei. Lesers (en jul vriende en hul vriende) het tot 18 Julie tyd om ’n serp (of meer as een) vir ’n medemens(e) te brei. Die patrone en al die besonderhede verskyn op bl…

Elsa Winckler skryf liedesverhale wat haar lesers vasgenael hou, maar sê sy skryf juis in hierdie genre omdat sy van gelukkige eindes hou. “My ma was ’n ywerige leser en daar was altyd Tryna du Toit-boeke in ons huis. Sy het later ook Mills & Boon-romans gelees. Ek het haar voorbeeld gevolg en het nog altyd liefdesverhale verslind. Ek was besig met ’n honneursgraad in Engels toe ’n bekende uitgewer ’n liefdesverhaalwedstryd bekendstel. ‘Ma lees so baie van dié boeke, hoekom skryf Ma nie jou eie storie nie?’ wou ons kinders weet. Toe skryf ek ’n storie!” Min skrywers kan in ’n ander taal as hul moedertaal skryf – Elsa is een van bitter min Afrikaanse skrywers wat boeke in dié genre in Engels gepubliseer het. “Al die Mills &…

KLIM OP JOU YSTERPERD As jy langer wil leef en jou kanse verminder om kanker of hartsiektes te kry, kan jy gerus jou fiets in die garage afstof en begin ry, reken navorsers. Hulle het oor vyf jaar 250 000 pendelaars ondersoek. Om te stap, was ook beter as om openbare vervoer of jou eie motor te gebruik, maar fietsryers het die meeste gebaat wat hul gesondheid betref. In die studie is bevind om gereeld fiets te ry, sny die risiko van voortydige sterftes met 41%, die voorkoms van kanker met 45% en hartsiektes met 46%. Die fietsryers het ’n gemiddeld van 48 km per week gery, maar hoe verder hulle gery het, hoe groter was die gesondheidsvoordele. RAAR MAAR WAAR Jy sal dalk nie ’n prins kry as jy…

20+ 30+ 40+ WAAR KOOP EK DIT? Donna www.donna.co.za 0860 104 764 Foschini www.foschini.co.za 021 938 1911 (Hoofkantoor) Jet www.jetonline. co.za 0860 113 639 Jo Borkett www.joborkett.co.za 011 462 0604 (Hoofkantoor) Mr Price www.mrp.com 0800 212 535 Queenspark www.queenspark.com 021 460 9400 customercare@queenspark.com 60+ WAT DRA EK DAARONDER? ’n Spanbroek werk altyd goed onder ’n A-lynrok en deesdae is dit hoogmode om ’n polonek onder jou rokke en voorskootrokke te dra. Skaf dié in neutrale kleure aan (soos swart, wit, grys en beige) wat by alles pas.…

LG SE NUWE REEKS LG se G-reeks fone het my nog altyd beïndruk, met die nuwe G6 op dieselfde standaard. Met die eerste oogopslag is daar nie veel wat stilisties uitstaan nie, maar gebruik dit en daar is geen twyfel dat hierdie van die beter fone van die jaar is nie. Opmerklik is ’n langer skerm (18:9 aspek-ratio), wat ook beteken die G6 is een van die kleiner 5.7-slimfone. Net soos sy voorganger het die G6 twee kameras agter met een vir wyehoekfoto’s. Met ’n voorgestelde prys van R12 099 is die LG G6 ook goedkoper as van sy vlagskipkompetisie. JOU HART OP JOU (SLIM) MOU Slimfone en slimhorlosies is hier, maar wat van ’n slimbaadjie? ’n Nuwe denimbaadjie vervaardig deur Levi’s in samewerking met Google, kom met ’n spesiale…

Amanda* se tennisprestasie was wisselvallig en sy het begin huil as sy verloor. Ná ’n gesprek met haar en haar ouers was dit duidelik dat haar gedrag met haar pa se teenwoordigheid verband hou, vertel prof Ankebé Kruger, ’n senior lektor in sportsielkunde by die Skool vir Biokinetika, Rekreasie en Sportwetenskap en ’n voorligtingsielkundige verbonde aan die Instituut vir Sielkunde & Welstand aan die Potchefstroom-kampus van die Noordwes-Universiteit. Amanda wil nie haar pa teleurstel nie, vandaar haar emosionele reaksie wanneer sy verloor. “In antwoord op haar emosionele reaksie word haar pa nog kwater en loop gewoonlik weg. Die boodskap dat sy haar pa teleurgestel het, word dan verder versterk. Dit kan ’n teken wees dat sy druk in plaas van ondersteuning van haar pa ervaar as sy sou verloor,” sê…

PASTéIS DE NATA 24 tertjies 1 pak skilferkorsdeeg 15 ml (1 e) botter, gesmelt 10 eiergele 10 ml (2 t) koekmeel 15 ml (1 e) melk 500 ml (2 k) room 150 ml (135 g) suiker Verhit oond tot 250 °C en smeer kolwyntjiepan met botter. 1 Rol vel skilferkorsdeeg oop en smeer met gesmelte botter. Rol dan deeg in lengte op en verkil in vrieskas om te stol. 2 Haal skilferkorsdeeg uit vrieskas en sny in 1 cm-wiele. Rol wiel plat met koekroller en vorm in kolwyntjiepan. Verkil in vrieskas tot vla reg is. 3 Klits eiergele. 4 Meng meel met melk en voeg by eiergele. 5 Klits room en suiker by mengsel. 6 Verhit mengsel oor matige hitte tot kookpunt en verwyder van stoof. 7 Gooi vla in…

Jong mans wat in die jare vyftig, sestig in die bank gewerk het, kon nie wortel skiet nie. Dit was bekend dat “die bank” jou dikwels van dorp tot dorp verplaas. So het jou loopbaan stukkie vir stukkie gevorder. Jong vrouens, daarenteen, is nie bra as mense met beroepsvooruitsigte beskou nie. Hulle, die “bankmeisies”, trou en trek agter hul mans aan. My pa was een van daardie skaretjie immer verskuiwende, strewende jong mans. Wie weet, dalk was daar ’n ewolusionêre plan mee, om gene deur die land te versprei. En nie alles binne die heilige band van die huwelik nie. Maar so het ons ook as kinders dorpe in die destydse Transvaal en die Vrystaat geken – Ermelo, Warden, Lichtenburg. Vir ons was dit ook ’n ontwrigting, magtig. ’n Mens…

’n Oorverdowende geweerskoot en loeiende sirenes! En jy is wakker! Só begin die gruisstemsanger se splinternuwe album Katrina: dis ’n manneding (Vonk). Hierdie is nie net Wynand se eerste solo-album in vier jaar nie, dit is ook die eerste keer dat hy ’n humoristiese snit opneem: Piet Byleveld. Dié liedjie is ook die enigste nuutgeskrewe snit hierop – uit die pen van ’n talentvolle nuweling-produksieregisseur, Ruan Theron. Hy verleen ook sy stem in duet aan hierdie tong-in-diekies- ode aan dié legendariese speurder. Dit is bestem om ’n gewisse radio- én dansvloertreffer te word. Die opnames is met behulp van die kritiese oor van die sangeres Chereé (Wynand se vrou) by hul ateljee Finetune Studios op Langebaan gedoen. Die resultaat is ’n aangename, luisterryke musiekervaring. Wynand se getroue aanhangers sal suiwer…

Die afgelope paar jaar word die Wakkerstroom-musiekfees (WMF) in die nasomer in dié dorpie op die grens tussen Mpumalanga en KwaZulu-Natal aangebied. Jy ry deur plate Hoëveldse kosmos voordat jy anderkant Volksrust die waterryke groen omgewing van Wakkerstroom kry. Dit is waar Rona Sonnenberg in 2011 ’n musiekfees begin het om die mense van die omgewing aan die wêreld van klassieke musiek en musici wat in hul midde musiek kom maak, bloot te stel. Daarbenewens was haar oogmerk ook om Wakkerstroom en die omgewing aan besoekers bekend te stel. Sonnenberg is vroeg in 2013 dood, maar die saadjies wat sy gesaai het, staan deesdae besonder welig. Die sewende WMF is vanjaar van 17 tot 21 Maart aangebied met ’n program wat die mense van Wakkerstroom, maar ook heelwat besoekers veral…

Ek en my verloofde is al agt jaar saam en het ’n sesjarige seun wat verlede jaar met Asperger-sindroom gediagnoseer is. Ek neem byna al die verantwoordelikhede en oor die finansiële druk kan ek nie eens nuwe bande vir my motor kan bekostig nie. Ek moes al baie skuld maak om te oorleef. Ek is boonop ’n diabeet en gebruik insulien. My verloofde is kort-kort sonder werk en ek kan hom nie net los nie, want my seun het ’n pa-figuur nodig. My lus vir die lewe is weg en ek sien nie hoop vir my situasie nie. Wat kan ek doen? – Moedeloos Dit wil voorkom of jou verloofde nie sy finansiële verantwoordelikhede kan of wil nakom nie. Die uitdagings van ’n kind met spesiale behoeftes kan groot finansiële…

Die tema van my man se preek gister was sagmoedigheid. Toe ons by die huis kom, stuur een van die gemeentelede ’n opname van waaroor hul vierjarige kleinseun sê die preek gegaan het. Dit klink so: Die dominee het gepraat oor “sagte moeilikheid”. Die kleinding het sagmoedigheid as “sagte moeilikheid” gehoor. Miskien het hy tog iets van die waarheid beet. Ons dink dikwels verkeerdelik dat sagmoedigheid beteken iemand is pateties, swak en ander se vloerlap of deurmatjie om op te trap. Dit is glad nie so nie. Leer om sagmoedig te wees en die wêreld is aan jou voete. Die wêreld beheer jou nie, maar jy is in beheer. Sagmoedigheid was vir Jesus baie belangrik, want Hy sluit dit in sy bergrede in: “Geseënd is die sagmoediges, want hulle sal…

BRIEF van die WEEK VRIENDIN DUISEND Jy was sommer net een oggend daar, uit die bloute. Met jou wye wit glimlag het jy in my hart kom nesmaak. Ons het ure gesels asof daar geen kultuurgrense of grootwordverskille was nie. In die moeilikste tyd was dit jy wat my met tee en broodjies na die lewe teruggedokter het. Dis jy wat die mure om my hart help afbreek het. Jy wat my kinders soos jou eie liefgehad het. Dis oor jou wat die trane gerol het toe ons trek gelaai is, dis na jou wat ek baie dae verlang. Jy het my geleer wat ek is, is net genade, en wat ek het, is net geleen. Ek mis jou my Alta-engelvriendin, vandag weet ek vriendskap is weelde. Edu Toit, Franskraal…

“Die lewe gebeur met almal. Soms het ek beheer daaroor en soms het ek nie. Die belangrikste van die klappe van die lewe is nie wát met my gebeur nie, maar wat ek daarmee doen.” Gewigtige woorde, komende van iemand wat as kind gemolesteer is, baie jonk getroud en geskei is en ná haar eerste huwelik ’n slagoffer van afspraakverkragting was. Tydens haar hoërskooljare het Cynthia Linde soms erge depressie ervaar. In graad 9 het sy die eerste keer probeer om haar eie lewe te neem en weer twee jaar daarna. In daardie stadium het hulle op die vierde verdieping van ’n woonstelblok gewoon. “Ek het onthou dat ’n buurman eendag vertel het van ’n vrou wat van die vierde verdieping af gespring en net haar bene gebreek het.” Sy…

Vrouekeur is jou keuse elke week en in vandag se vinnige tye is innovering iets wat almal se lewe kan verbeter. Nuwe idees; om met die jongste dinge tred te hou. Dis hoekom ons weet jy gaan baie van die nuwe intekenervaring hou. So waaroor gaan dit alles? Dit gaan veral oor gerief, en kom ons wees maar eerlik, dis iets waarvan elkeen hou. Caxton Magazines en Woolworths het hande gevat om dit makliker as ooit te maak om jou Vrouekeur elke week te kry. Hoe? So eenvoudig soos een, twee, drie: Jy hoef slegs aanlyn te registreer vir jou jaarlikse subskripsie, en kry dan elke maand ’n SMS-kode waarmee jy jou tydskrif by jou naaste Woolies kan afhaal. Dis gerieflik en spaar jou tyd, en jy kry boonop al…

ERFENISKOS Bottelary Hills se gewilde opskietmiddagetes op die Stellenbosch-wynroete is weer terug Die bekroonde sjef George Jardine sal op die volgende datums sy staal wys: 28 Mei by Hartenberg-wyngoed, 27 Augustus by Kaapzicht-wynlandgoed en 19 November by die Mooiplaaswynlandgoed. Die tema sal op die historiese wortels van die streek en Bottelary Hills se plase fokus. Bottelary Hills is een van die vyf subroetes in die Stellenbosch-wynstreek. Kaartjies kos R550 per persoon en sluit ’n wynproe voor ’n driegangfees in. Bespreking is noodsaaklik. Besoek www.wineroute.co.za of bel 021 886 8275 vir meer inligting ONTHOU Dis hierdie week Nasionale Tekkie Tax Dag. Doen jou ding vir liefdadigheid – koop ’n plakker en trek op Vrydag 26 Mei jou tekkies aan. Die veldtog word hierdie jaar deur 12 nasionale welsynsorganisasies onderskryf. Die plakkers…

Natasha Klue van Bonnievale het groot drome. Sy wil eendag ’n suksesvolle skrywer wees en nog baie plekke besoek. Sy het onlangs die eerste treetjie gegee deur ’n roman te skryf. Dit is vir enige mens ’n merkwaardige prestasie, maar des te meer vir Natasha, omdat sy ’n ontwikkelingsagterstand het. Sy moes ’n lang pad van uitdagings en terapie stap om dié punt te bereik. Haar ma, Francien, is ’n enkelouer en maak Natasha alleen groot vandat sy tien maande oud was. Natasha het as baba ernstige breinbeserings opgedoen en dit het ’n ontwikkelingsagterstand tot gevolg gehad. Sy het boonop slegs een nier wat nie 100% funksioneer nie. Sy kon op driejarige ouderdom nog nie goed loop nie. Sy kon ook nie praat nie omdat haar mond beskadig is en…

WENK Daar is genoeg vulsel vir twee hoenders. Die ekstra vulsel kan ook saam met die hoender as ’n bygereg bedien word. HOENDER GEVUL MET SOUTBESKUITJIES 4 porsies 1 heel hoender 1 ui, gekap 5 ml (1 t) knoffel, gekap bietjie olie 60 ml (¼ k) pietersielie, gekap 1 00 g (½ pakkie) sampioene, fyngekap ½ boks spekgegeurde beskuitjies olie vir bo-op sout en peper 1 Braai uie en knoffel in olie tot sag. 2 Spoel hoender onder koue water af. 3 Gooi pietersielie en sampioene by uie en braai verder tot sag. 4 Druk beskuitjies fyner en meng sampioenmengsel deur. 5 Druk mengsel in hoenderholte. 6 Bind hoender met kombuistou vas. 7 Bak vir 40–60 minute. Vasbind van hoender 1 heel hoender 60 cm kombuistou 1 Maak hoender skoon,…

Om ’n stad as kongresganger te beleef, busritte waar die kommentaar in ses tale herhaal word en almal se kameras (toe nog nie slimfone nie) teen die ruite gedruk vir foto’s, waarvan die helfte van die gebou afgesny is, is nie my idee van ’n stad ervaar nie. Ek het dus hier en daar ’n sessie misgeloop vir my eie ontdekkingsreis. En gedroom van die dag wat ek my man kan bring, saam met hom die paadjies kan nastap, in verwondering na die pragtige groengeverfde koepeldak van Uspenskikatedraal kan staar, die stad van die trappies voor Helsinki-katedraal af kan beskou of die Ateneum-kunsmuseum gaan besoek waar ek die afdruk van The Wounded Angel gekoop het wat nou bo ons bed hang. Die kunswerk is deur die Finse skilder, Hugo Simberg,…

Toe die Ghoema-toekennigs onlangs uitgedeel is, was dit opvallend hoeveel van die albumtitels die wenners se kreatiewe trots én menswees weerspieël. Onder meer My hart in ’n taal (Refentse), My verhaal (Franja du Plessis), Die wêreld binne my (Joshua na die Reën), Die reis (Laurika Rauch), Emoji (Coenie de Villiers en Jaconell Mouton), Die aandblom 13 (Arno Carstens), As jy weet dis liefde (Charlize Berg), Kosmos (Con Grazia) en, in ligter trant, Piekniekliedjies (Die Jaloersbokkies), Cool soos Koos Kombuis (Snotkop) en Bene lam (Early B). Die trio ADAM maak steeds die Evas lam! Hugo Ludik, Reynardt Hugo en Kyle Grant spog met nóg twee toekennings – vir hul album, Hoogtevrees (album én groep). Die liedjie Kom hel of hoogwater (saam met Heuwels Fantasties) som hulle raak op: Hulle stuit vir…

H&M www.hm.com/za/department/HOME Mr Price Home www.mrphome.com Streepsak www.streepsak.co.za Volpes www.volpes.co.za Woolworths www.woolworths.co.za Zara Home www.zarahome.com…

Die voordeel van om jou eie kruie te kweek, is ’n mildelike voorraad kraakvars, geurige blare waarvan jy net genoeg kan pluk wanneer jy dit nodig kry. Dis mos nou stukke beter as duur “winkelblare” waarvan jy amper nooit alles kan opgebruik nie! Hier is vyf verspot maklike kruie om self te kweek vir elke dag se gebruik. Origanum (Origanum vulgare) As jy lief is vir Italiaanse disse soos pasta en pizza, is origanum ’n onontbeerlike kruieplant om self te kweek. Dit groei maklik in volson in die tuin, en is ewe tevrede in potte. Kweekgebooie *Hierdie kruid (waarvan daar ook ’n paar mooi variëteite beskikbaar is) het ’n kompakte, maar spreidende groeiwyse. Dit vaar goed in grond wat baie goed dreineer en moet gereeld natgemaak word. *Koop klein origanumplantjies…

WAT HET JY NODIG? 1 Pienk-en-swart serp 3 balle ELLE BIGGY MEGA CHUNK Y (250 g) in Gothic 12 mm-naalde 2 Blou serp 1 bal CHARIT Y MEGA CHUNK Y PRINT (300 g) in Frostee 12 mm-naalde LENGTE Pienk-en-swart serp: sowat 250 cm Blou: sowat 160 cm AFKORTINGS EN STEEKVERDUIDELIKING r – regs rs – reksteek Reksteek Brei elke ry regs. Dubbele mossteek 1ste ry: (r2, aw2) tot einde. 2de ry: (r2, aw2) tot einde. 3de ry: (aw2, r2) tot einde. 4de ry: (aw2, r2) tot einde. Herh 1ste tot 4de ry. PIENK -EN-SWART SERP Stel 21 ste op en gaan voort in rs tot werk 250 cm lank is, of lengte verlang. Heg af. OM TE VOLTOOI Vou werk in die breedte in die helfte en werk sowat 30…

Vra maar vir enige bruid – om ’n troue te reël, is g’n grap nie. Dit verg maande se beplanning om die perfekte dag te organiseer – van die venue en die dekor tot die blomme, uitnodigings en natuurlik die perfekte rok. n Sepietroue is nie veel anders nie, sê Rudo van Heerden, woordvoerder van die gewilde kykNET-sepie Getroud met rugby. “Dit verg al die harde werk van ’n regte troue, behalwe dat niemand ooit tot trou kom nie,” sê hy. “Die bruid loop ses keer in die paadjie af en die koek word vier keer gesny. Alles net om die perfekte skoot te kry. “Om ’n trou-episode te verfilm, neem ongeveer 12 uur, sodat ons tien minute se gehalte-beeldmateriaal vir kykers kan wys.” In ’n episode waarvoor kykers al…

3 OPSIES BESKIKBAAR: SKRY F AANLYN IN : magsathome.co.za/ Magazing.htm bel: 0860 100 999 e-pos: subs@magsathome. co.za ONTVANG JOU MAAN DELIKSE TYDSKRI F-KOO PBE WYS VIA SMS HAAL JOU TYDSKRIF AF: GEBRUIK JOU WOOLIES -KAART EN HOU JOU KOO PBEWYS - STAAFKODE GEREED Het jy nie ’n Woolies-kaart nie? Kry een by jou naaste Woolies-winkel WOOLWORTHS FINANCIAL SERVICES (PTY) LTD (REG NO 2000/009327/07) IS ’N GEMAGTIGDE FINANSI ëLE DIENSTEVERS KAFFER (FSP15289) EN GEREGISTREERDE KREDIETVERS KAFFER (NCRCP49). WAS R900 NOU R585 35% AFSLAG OP JOU 12-MDE - SUBSKRIPSIE WONDERLIKE AAN BIEDINGS ! Jy as intekenaar wat jou tydskrif by ’n Woolworths-winkel afhaal, kan nou ook die spesiale geskenke kry wat slegs in tydskrifte aangebied word wat in Woolworths verkoop word. REËLS EN VOORWAARDES: 1 Hierdie aanbod geld vir nuwe subskripsies en…

WENBOEKE Mei-wenners wen die boek ’n Tafel vir elke geleentheid deur Fransie Snyman, Katrien van Zyl en Wilsia Metz. Dié boek is propvol praktiese raad en inspirasie wat jou sal help om tafels te skep wat enige feesviering onvergeetlik sal maak. Dit bevat volledige planne met tafelversierings, blomme en alles wat nodig is om tafels vir 25 verskillende geleenthede te dek, asook meer as 50 watertandlekker resepte en aanwysings om tafelelemente te maak. Praktiese inligting oor basiese beplanning, van die samestelling van inspirasieborde en idees vir ongewone onderborde tot die uitsoek van musiek en die volmaakte gasgeskenk, word deur uitgebreide fotobyskrifte aangevul. Die resepte is in ’n afsonderlike afdeling, gevolg deur aanwysings en patrone vir selfdoenprojekte. Die boek is by toonaangewende boekwinkels beskikbaar. Lees meer by www.metzpress.co.za HESTER FORREST VAN…

GESONDE BEGIN Wees gesond met FUTURELIFE® Smart Fibre™2in1-ontbytgraan met lewendige probiotika. Dis perfek vir die hele gesin en verseker ’n gesonde verteringstelsel. Dit bevat 38 voedingstowwe en elke boks bevat tien individuele sakkies van HOWARU® Premium-probiotika wat oor die graanvlokkies gestrooi kan word sonder om die smaak te beïnvloed. Ongeveer R39,95 vir ’n 460 g-boks. DR AAI DIT DROOG Dis gewoonlik ’n gesukkel om wasgoed gedurende die winter droog te kry. Die Spindel gebruik draaikrag eerder as hitte om binne slegs drie minute tot 80% van vog uit klere te kry. Omdat dit nie hitte gebruik nie, sal klere nie krimp nie en selfs jou delikaatste artikels sal nie beskadig word nie. Die produk is kompak en draagbaar en is in groottes van 4,5 kg en 6,5 kg teen vanaf…

Die kunstenaars Jak de Priester en Wynand Strydom benut countryklanke op hul onderskeie nuwe albums en bring hulde aan helde, vroue, kinders en die lewe. JAK DE PRIESTER ONTHOU VREDE EN VRESE Dit is 15 jaar sedert Jak de Priester sy debuut met Sally Williams Nougat gemaak het. Sedertdien het hy agt albums, ’n DVD, ’n kinderalbum en twee boeke uitgereik, verskeie temamusiek vir TV geskryf en gesing en is die aanbieder van die gewilde TV-reeks Reis na gister. Nou vier hy sy loopbaan tot dusver met ’n splinternuwe album, 15 (Coleske Artists). Daar is 17 splinternuwe liedjies uit sy pen, met boonop ’n drietal interessante samewerkings: Soen in die reën (rockgedrewe met Steve Hofmeyr), Vergewe my (operagedrewe met Jannie Moolman) en die algehele Oppinoot-gunsteling: Bo blink Boogie Woogie (met…

Die Venesiese Biënnale het op 13 Mei in dié Italiaanse waterstad begin en die werk van twee kunstenaars, Candice Breitz en Mohau Modisakeng, word vanjaar in die Suid-Afrikaanse paviljoen vertoon. Dié vertoonvenster van hedendaagse kuns – daar is mense wat meen dit is die belangrikste ter wêreld – word sedert 1895 elke tweede jaar (met onderbrekings tydens die twee wêreldoorloë) aangebied. Nadat Suid-Afrika in 1968 amptelike deelname aan die Biënnale ontsê is, het die land in 1993 en 1995 weer deelgeneem. Daarna was daar vir 16 jaar geen amptelike deelname nie tot en met 2011 toe die Suid- Afrikaanse paviljoen weens talle ongerymdhede swaar getrek het. In 2013 het die departement van kuns en kultuur op die nipper die Nasionale Kunstefees aangewys om ’n uitstalling vir Venesië byeen te bring.…

Veral in ons land is aantygings van rassisme volop. As iemand van rassisme beskuldig word, is die antwoord gewoonlik dat mense oorsensitief is, of té polities korrek. Weens die lang geskiedenis van diskriminasie, uitbuiting en vernedering van sekere groepe, hetsy op grond van ras, klas, geloof of liggaamsbou, geslag, eetgewoontes, ouderdom of seksuele voorkeure, is baie mense inderdaad besonder sensitief vir grappies of woorde wat as kwetsend ervaar word. Ander mense het egter nog nooit eens van die kwetsende effek van hul taalgebruik, verwysings of ligsinnige grappies bewus geword nie. Om oor enige van hierdie sensitiewe sake grappies te maak, veral oor ras, is baie riskant, want die kans dat die grap deur iemand as kwetsend, diskriminerend of vernederend ervaar gaan word, is besonder groot. Gevolglik is dit vir kunstenaars…

SEUN WIL NIE NA PRIVAAT SKOOL GAAN NIE My man wil baie graag hê dat ons seun (16) in hierdie stadium van die skooljaar na ’n privaat skool gaan. Ons seun wil eerder na die skool gaan waar sy vriende is. Hoe kan ek die situasie hanteer, want ek en my seun weet nie hoe om sy keuse met sy pa te bespreek nie? – Onseker Ma Met die beperkte inligting weet ek nie of jul seun se vriende ’n goeie of ’n slegte invloed op hom het nie. Indien hulle ’n positiewe effek op hom het, kan ek nie sien waarom hy nie in sy ou skool kan bly nie. Op sy ouderdom is daar reeds ’n kameraadskap met sy ouderdomsgroep gevestig. Hoofstroomonderwys impliseer dikwels dat die kind aan…

Deur XWord.co.za Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 17 woorde, goed 22 woorde, baie goed 30 woorde of meer, uitstekend OPLOSSING: Jeugroman, majeur, ongure, gejou, gerou, gouer, groue, guano, jouer, joune, magou, nouer, ouman, ounag, rumen, geou, geur, goue, grou, gure, jeug, joue, jure, menu, meug, murg, noue, ouer, reun, rune. Koderaai Elke syfer verteenwoordig ‘n letter van die alfabet. Om…