Innholdsfortegnelse for 19-may-17 i Vrouekeur

Daar is ’n nuwe bose fee op die dorp en sy is nie bang om haar hande vuil te maak nie. Op bemarkingsmateriaal vir die nuwe Afrikaanse pantomime Doringrosie – die slapende skone, smeul die sangeres en aktrise Bianca le Grange behoorlik as die karakter Belladonna, wat op Angelina Jolie se Maleficent geskoei is. Anders as haar karakter, is Bianca darem ook nie bang om ’n gemors op te ruim nie en terwyl sy dié onderhoud oor die telefoon doen, was sy sommer die skottelgoed. “Mense dink mos die vermaaklikheidsbedryf is net glansryk, maar huisskoonmaak is harde werk, hoor,” sê sy, haar borrelende energie nie deur die sleurwerk gedemp nie. Bianca praat vinnig, passievol en baie in die tweede week van repetisies vir Doringrosie, wat tot 4 Junie by Emperor’s…

Lank voor ek kinders gekry het, het ek al prenteboeke vir kinders begin bymekaarmaak. Ek het dit vir my eie selfsugtige plesier eerder as vir enige moontlike toekomstige kroos gedoen. Party was boeke wat ek as kind by die plaaslike biblioteek ontdek het, maar nie self kon besit nie. As jong werkende joernalis kon ek eindelik Dr Seuss se prettige skeppings of Ludwig Bemelmans se Madeline-stories met my karige salaris koop. Dis nooit te laat om ’n gelukkige kindertyd te hê nie, nè? Toe ek in my dertigerjare eindelik ma word, kon ek van voor af my kinderdae geniet deur hierdie boeke met my kinders te deel. Ek het steeds twee voosgevatte eksemplare van Madeline, vir die eerste keer in 1939 uitgegee, wat my en my Mia-kind ure lank vermaak…

WENK Gebruik gehaltebaksjokolade as jy dit in ’n blik wil stoor en in die somer wil bedien. Dit smelt nie so maklik. WEENSE VINGERKOEKIES 36 koekies 250 g botter, teen kamertemperatuur 125 ml (½ k) versiersuiker 5 ml (1 t) vanieljegeursel 500 ml (2 k) koekmeel 125 ml (½ k) mielieblom (Maizena) 240 g (3 blokke) donkersjokolade Verhit oond tot 180 °C en voer bakplaat met waspapier uit. 1 Room botter, versiersuiker en geursel tot lig en donsig. 2 Sif meel en mielieblom by en vou met deegskraper in totdat deeg bind. Moenie oorwerk nie. 3 Skep deeg in spuitsak met groot oop sterpunt en spuit 7,5 cmvingers. 4 Plaas bakplaat in vrieskas en verkoel deeg vir 15 minute. 5 Bak vir 15 minute tot goudbruin en laat in pan…

Jy is ’n paar minute van die groot inkopiesentrums, Gautreinstasies en uitstekende restaurante, maar wat my hart hier steel, is die klein straathoekies met koffiewinkels wat op die sypaadjie uitloop, die lewendige gesels van vriende by ’n gourmetburgereetplekkie en die vrolike kwinkslae van kelners by restaurante met wit tafeldoeke en oulike olielampies. Op pad na ons hotel, die Protea Hotel Wanderers in Corlettrylaan, verkyk ek my aan al die bouwerk. Op steierwerk op stowwerige sypaadjies sit-hang mense en wag vir taxi’s. Ons sak dankbaar in die koelte van ons kamer neer en sien ons kamer se appel op ’n oulike rakkie. Ek het iewers gelees dié hotel is wêreldbekend daarvoor dat elke kamer sedert die hotel se opening in 1999 elke dag ’n appel kry. Die restaurant is ook ewe…

Is dit ’n vlag of is dit ’n skildery? Dit was destyds die kommentaar van ’n kunskritikus na aanleiding van die Amerikaanse kunstenaar Jasper Johns se Flag (1954/55). Dis maklik om nou, net meer as 70 jaar later, dié opmerking met ’n sweem van sarkasme te lees. ’n Mens moet wel in gedagte hou dat die 1950’s ander uitdagings gebied het en dat die omstandighede anders was as vandag. Wat ’n mens net weer daarop bedag maak dat jy kuns altyd in konteks moet sien. Toe Jasper Johns (gebore in 1930) dié werk gemaak het, was abstrakte ekspressionisme met vrye kwashale en emosioneel gelade kleurgebruik die neiging – dink maar aan die werk van Jackson Pollock. In die vroeë 1950’s het Johns, toe vroeg in sy 20’s, besluit om hom…

Deur XWord.co.za Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 19 woorde, goed 23 woorde, baie goed 30 woorde of meer, uitstekend OPLOSSING: Dakwaaier, kadawer, kwaaier, karwei, waaier, waarde, dawer, kawie, kwaad, kwaai, kwade, waard, waker, werda, wraak, kawa, kwar, waad, waai, waak, waar, wadi, ware, werd, werk, wied, wiek, wier, wrak, wrik. Woordsoek Die name van 30 wêreldbekende embleme is hier weggesteek.…

DIKMOND VS DANKBAAR Ek staan vanaand met dankbaarheid voor my opwasbak – kan jy glo? Ek besef dat ek vanaand my mond kan opblaas en ’n vloermoer kan gooi. Die vuil koppies en glase kry kleintjies. Ek kan net daar wortel skiet, want ek bring soveel tyd voor die wasbak deur. Dis nimmereindigend. Maar ek het my gesin by my en is bevoorreg om vir hulle te kan kosmaak. Ek roep my tienerseun en -dogter om te kom help, ek het nie meer plek om al die vuil skottelgoed te pak nie. Hulle protesteer maar erg, maar kort voor lank skiet hulle mekaar met die vaddoek se punt op die maermerries en skaterlag. Dikbek? Nee wat ... plesierig! Rene Strydom, per e-pos NOG ’N VOORBLADOPSIE Wenbriefwenners wen ’n Prestigegeskenkpak van…

Jy kan hom deur ’n ring trek. Hy is lank, donker, aantreklik, innemend – in Broadway-taal ’n tipiese “triple threat” – en as verhoogster kan hy alles baasraak. As daar ’n kandidaat is wat James Bond kan beliggaam, is dit die sanger-akteur Jonathan Roxmouth (30). Hierdie dinamiese talent is ons eie superster van musiekspele. Onlangs was hy as die vurige Tony in West Side Story te sien. Jonathan woon in Johannesburg, maar toer landwyd en oorsee en speel gewoonlik rolle wat aandag trek in van die vernaamste musiekspele: Beauty and the Beast (as Gaston), Sunset Boulevard, Sweeney Todd, Joseph and the Technicolor Dreamcoat (Farao). In sy eenmanstuk In Black & White, wissel hy seepglad tussen uiteenlopende karakters, aksente en musikale style. Sy loopbaan in die kalklig het vroeg afgeskop met…

Met die verkoueseisoen wat op ons is, is dit belangrik om feite en mites te onderskei en te leer wat jy kan doen om jou risiko om dit te kry, te verminder. Dr Yolande Louw is ’n algemene praktisyn by Intercare Silver Lakes en is ook ’n lid van die Society of Travel Medicine & Federation of Infectious Diseases van Suid-Afrika. Sy sê baie mense maak staat op tuiskonkoksies of iets wat hulle op Facebook gesien of op ’n blog gelees het eerder as om op medisyne te vertrou wat op feite en bewyse gegrond is. Die eerste stap om te neem en jou en jou gesin griep- en verkouevry te hou, is om die waarheid oor hierdie algemene siekte, wat baie maklik misverstaan word, uit te vind, sê Yolande.…

WENBOEKE Mei-wenners wen die boek ’n Tafel vir elke geleentheid deur Fransie Snyman, Katrien van Zyl en Wilsia Metz. Die boek is propvol praktiese raad en inspirasie wat jou sal help om tafels te skep wat enige feesviering onvergeetlik sal maak. Dit bevat volledige planne vir tafelversierings, blomme en alles wat nodig is om tafels vir 25 verskillende geleenthede te dek, asook meer as 50 watertandlekker resepte en aanwysings om tafelelemente te maak. Praktiese inligting oor basiese beplanning, van die samestelling van inspirasieborde en idees vir ongewone onderborde tot die uitsoek van musiek en die volmaakte gasgeskenk, word deur uitgebreide fotobyskrifte aangevul. Die resepte is in ’n afsonderlike afdeling, gevolg deur aanwysings en patrone vir selfdoenprojekte. Die boek is by toonaangewende boekwinkels beskikbaar. Lees meer by www.metzpress.co.za ANNATJIE KRIEL VAN…

KERFSTEL VIR DIE KOMBUIS Elke kombuis het ’n mesen- vurk-kerfstel nodig. Hierdie stel kom saam met ’n bamboesbord, waarin die mes en vurk ook gestoor kan word, R565, Hirsh’s Fourways en Adams Fourways SLAAP GEMAKLIK Om op ’n verkeerde kussing te slaap, kan jou nek- en rugpyn besorg. Vencasa Micro Gel-kussings word van dun, sintetiese vesels gemaak wat die kussing net so luuks soos ’n verekussing laat voel. Die kussing is lig en soepel, hipo-allergenies en kan in die wasmasjien gewas word. Beskikbaar in sag, medium en ferm vanaf R899 by Vencasa- en Tempur-winkels, www.pharmaline.co.za/vencasa KLEIN ELEMENT, GROOT VERSKIL Gee lewe aan enige kas of laai met Handles Inc se reeks koperdeurknoppe en -handvatsels. Net ’n klein dekorelement kan ’n groot verskil aan die algehele gevoel van ’n vertrek maak.…

Francois van Coke: g’n einde nie! Francois Badenhorst (36) is beter bekend as Francois van Coke, die bekroonde sanger, liedjieskrywer en stigterslid van die Suid-Afrikaanse alternatiewe rockgroepe Fokofpolisiekar (2003) en Van Coke Kartel (2007). Toe verras hy met sy selfgetitelde solo-album in 2015 en die duet, Toe vind ek jou, tussen hom en Karen Zoid, het die musiektoneel behoorlik laat kook en geruk en dié snit is op elke treffersparade voos gespeel en het elke denkbare toekenning ingepalm. Omstredenheid het dié pastorieseun nog altyd in sy loopbaan agtervolg. In die strewe na identiteit, balans en sin in die lewe, is niks egter net donker of lig nie. Daar’s vertwyfeling en daar’s euforie. Minusse en plusse is soms gelyk aan groei en ontwikkeling, besinning en berusting. Kontras is dus juis die…

As ’n mens die naam Arnold Schönberg hoor, is atonaliteit die enigste ding wat ’n mens byval – afgesien van die feit dat sy musiek “moeilik” sou wees. Asof enige kuns eenvoudig kan wees. By geleentheid het Schönberg gehoor dat ’n bepaalde dirigent sy musiek nie speel nie omdat hy dit nie verstaan nie. Waarop Schönberg geantwoord het: “Waarom sonder hy my musiek uit? Hy dirigeer jare lank al klassieke musiek sonder om enigiets daarvan te verstaan.” Die dilemma wat in dié anekdote opgesluit is, is die nadruk op “verstaan”, asof Schönberg se musiek verstandelike musiek sou wees. Ja, hy het indringend nagedink oor musiek en nuwe uitdrukkingsvorme geskep (’n nuwe taal vir musiek), maar sy musiek is nie minder op die gevoel ingestel as dié van byvoorbeeld die Romantiek…

Ella Berthoud en Susan Elderkin neem die idee dat boeke vir ’n mens soms tot steun en inspirasie kan wees in The Novel Cure nog ’n stap verder. Hierin redeneer hulle dat boeke eintlik ’n soort medisyne vir elke situasie kan wees. Romans, so reken hulle, kan ons lewens verander – as jy net die regte boek op die regte tyd lees. Gevolglik noem hulle die boek “’n mediese handboek”. Die boek neem die vorm van ’n alfabetiese lys van kwale en kwinte aan, van abandonment tot zestlessness. Tussenin is daar toestande soos “naarheid”, rassisme, kort wees, pyn, eetversteurings, depressie, verliefdheid of die huwelik, egskeiding, kanker of verveling. Noem maar op. Die skrywers bied vir meer as 400 toestande “boekmedisyne” aan. In plaas van ’n pil se naam op die voorskrif, word…

Die bekende prediker Charles Swindoll het gesê: “Goedhartigheid is iets wat blinde mense kan sien en dowe mense kan hoor.” Wat dink jy? Het die wêreld ’n bietjie meer goedhartigheid nodig? Het jy geweet goedhartigheid is ’n eienskap van God? Daarom behoort dit ook ’n eienskap van ons as God se kinders te wees. Paulus sê: “Behandel mekaar mooi en goed” (Efesiërs 4:21, Die Boodskap). Die woord “goedhartigheid” gaan nie net oor ’n sentiment of ’n gesindheid wat ’n mens moet hê nie, maar dit is iets wat in dade moet oorgaan, om goed te wees en goed te doen teenoor ander. Soos om ’n brief van vergifnis te skryf of ’n oproep van besorgdheid oor iemand se welstand te maak. Goedheid doen, dit tree goed op. Ons sien dit…

WEN R1 000! Vir alle navrae navrae@xword.co.za of 082 346 3431 Besoek www.xword.co.za Voltooi die blokraai en gebruik die omkringde letters om die versteekte woord of naam te ontsyfer. Leidraad: ’n Woord vir ’n stuk beesvleis berei deur ’n gleuf daarin te sny en bv. ’n kaasskyf daarin toe te werk mbv ’n vleisnaald en tou, voordat dit gebraai word SMS jou antwoord, voorletters, van en dorp/ stad voor of op 7 Junie 2017 na 48410. SMS’e kos R1,50 en is net vir mense in SA. Geld sal vir foutiewe antwoorde gehef word en gratis SMS’e geld nie.…

Jak de Priester se loopbaan het in 2003, 15 jaar gelede, afgeskop toe hy die wenner in die ATKV se Crescendo-wedstryd was. Kort daarna is sy eerste CD, Sally Williams Nougat, opgeneem. Daarna het ’n rits CD’s gevolg. Jak is bekend vir sy besonderse lirieke. Hy spog nou met ‘n splinternuwe album 15. Hy het ook bekendheid verwerf as verhoogkunstenaar en TV-aanbieder en het die temaliedjies vir TV-produksies soos Reis na gister geskryf. Deur al dié dinge maak hy tyd vir sy gesin: Jak en Michelle is in 2008 getroud en spog met drie kinders: Jamie (7), Mija (6) en Mika, amper twee. Maar dis nie altyd maklik om ’n bedrywige loopbaan met ’n gesinslewe te kombineer nie. “Ek reis baie vir konserte en TV-programme,” sê Jak, “maar ek sorg…

As tiener besluit Lesley Smailes om ’n jaar lank te gaan toer, eers in Amerika en later in Engeland. Toe sy groet, sê haar ma sy moet net nie trou of by ’n kultus betrokke raak nie. Toe gebeur juis dit: Lesley het nooit in Engeland aangekom nie. Sy het stormagtige jeugjare gehad, met drank- en dwelmmisbruik en ’n pa wat ’n buite-egtelike verhouding gehad en probeer selfdood pleeg het. Sy het ’n aborsie gehad en is na ’n kosskool gestuur, waar sy weens wangedrag geskors is. Tydens haar reis deur Amerika het sy twee kultuslede raakgeloop en begin gesels – en kort daarna self by die kultus aangesluit. Sy het nie geweet dat sy later met een van die twee, Thomas, sou trou en tien jaar lank lid van…

Die grootste faktor vir mense om griep of verkoue te kry, is as hulle kinders van onder 12 jaar in die huis het, verduidelik Mariska van Aswegen, die segspersoon van Pharma Dynamics. Volgens haar is ouers se kans om siek te word twee keer groter as mense sonder klein kinders. Jong kinders is ’n bron vir kieme en as hulle boonop in die kleuterskool of skool is waar daar baie ander kinders is, is hulle aan baie kieme blootgestel en maak dit hulle die perfekte draers en oordraers van siektes. Kinders gee maklik drukkies, en raak aan mekaar en hoes oor mekaar. Hulle kou aan speelgoed en deel só die kieme. Kom hulle by die huis, word hulle deur die ouers vertroetel en gesoen en dra só die kieme oor.…

VERKEN DIE FRANSCHHOEKVALLEI Jy kan van 1 Mei tot 30 September die wynlande van La Petite Ferme ontdek. Die landgoed wat oor die Franschhoekvallei uitkyk, bied ’n verskeidenheid verblyfopsies en wynlandtoere. Daar is twee verskillende opsies om in die Franschhoekvallei rond te kuier, waar jy onder meer Rickety Bridge, Grande Provence, Mont Rochelle en Lynx Wyne of Dieu Donne kan besoek. Tussenin kan jy La Petite Ferme se kampioenwyne en pragtige uitsig geniet. www.lapetiteferme.co.za CHRIS SE KEUSE Op 26 Mei word Internasionale Chardonnaydag gevier. Die chardonnay-druif is van Boergonje in Frankryk afkomstig. Die kwaliteit daarvan in Suid-Afrika het oor die afgelope 30 jaar grootliks verbeter. Groote Post in Darling produseer al jare uitstekende wyne – veral chardonnay. Die Pentz-familie het hul suiwelplaas in ’n wynplaas omskep. As jy chardonnay wil…

TUNABURGER 2 porsies bietjie olie ½ ui, gekap 2 blikkies tuna 60 ml (¼ k) broodkrummels 5 ml (1 t) visspeserye 1 eier 2 hamburgerrolletjies 30 ml (2 e) pienk mayonnaise 1 tamatie, in skyfies gesny handvol vars slaaiblare 1 Verhit olie en braai ui tot sag. 2 Meng ui, tuna, broodkrummels, spesery en eier saam in mengbak. 3 Vorm frikkadelle van tunamengsel en braai oor matige hitte tot bruin. 4 Sny broodrolletjies in helfte en rooster liggies onder element. 5 Smeer albei kante met mayonnaise. Sit bietjie blare aan albei kante van rolletjie. Sit tunafrikkadel en tamatie op een kant. Maak burger toe en bedien dadelik. MURGPAMPOENTJIEPASTA MET TAMATIESOUS Banting-vriendelik 2 porsies 150 g (½ pak) murgpampoentjiespaghetti 30 ml (2 e) botter ½ ui 2,5 ml (½ t) knoffel…

VOOR Nicolas de Beer van The Bamboo Palace het weer eens sy towerkwas geswaai en met die hulp van Granny B’s Old Fashioned Paint ’n wiegstoel wat beter dae geken het, in iets besonders omgetower. Dié stoel het nou ’n plek in ’n hoek gekry en ’n muur met ’n klein venstertjies, wat na niks gelyk het nie, het sommer terselfdertyd ’n fokuspunt geword. WENK Ou rame het spieëls ingekry en met Granny B se kleure, General Lee en Red Heart Love, het ’n dooie muur lewe gekry. Ek het Granny B’s Classic Seal met die tweede laag verf op elke raam gemeng om dit te seël en dieselfde stappe met die sponsie se growwe en sagte kante gevolg en met Cobrapolitoer afgerond. 1 Skuur die stoel met 220-grein-skuurpapier ter…

MOEILIKHEIDSGRAAD: BENODIGDHEDE Nurturing Fibres se ECO-FUSIONbamboes- en-katoen-draad (50 g-balle): 2 balle elk Paris, Sunkissed, Coral en Cornflower, 3 balle elk Violet en Pickled Ginger en 4 balle Bordeaux (besoek www.nurturingfibres.com vir handelaars) 3,25 mm-hekelpen Naald vir vaswerk GROOTTE Lengte = 68 cm Omtrek = 106 cm AFKORTINGS beg = begin, dies = dieselfde, dr = draai, dr-ks = draaikettingsteek, gs = glipsteek, h/af = heg af, herh = herhaal, hlb = halflangbeen, kb = kortbeen, ks = kettingsteek, lb = langbeen, rdte = rondte, RK = regte kant, sp = spasie, st = steek, vkb = vooromkortbeen, vlg = volgende PATROON VOORPANT Blok 1 Met Sunkissed Coral, hekel 19 ks. (Die patroon = veelvoude van 4 + 3 ste) 1ste ry: 1 kb in 2de ks vanaf pen, 1 kb…

WEN R1 000! Vir alle navrae navrae@xword.co.za of 082 346 3431 Besoek www.xword.co.za Voltooi die blokraai en gebruik die omkringde letters om die versteekte woord of naam te ontsyfer. Leidraad: ’n Woord vir ’n baasspelerige mens of ’n vors SMS jou antwoord, voorletters, van en dorp/stad voor of op 7 Junie 2017 na 48410. SMS’e kos R1,50 en is net vir mense in SA. Geld sal vir foutiewe SMS’e gehef word en gratis SMS’e geld nie.…

ONS WEET NIE HOE OM KLEINSEUN TE HANTEER NIE Ons is bekommerd oor ons vierjarige kleinseun se gedrag. Hy vermy en ignoreer ons en maak nie eens oogkontak nie. Ons het nou besluit om hom ook te ignoreer, maar weet nie of dit die regte ding is nie. Hy is geneig om dieselfde teenoor sy ouers en ander mense ook te doen en ons is raadop. Is daar ’n moontlike rede vir sy gedrag? – Bekommerde grootouers Daar is waarskynlik ’n goeie rede waarom jul kleinseun kontak met ander vermy waarvan die oorsake legio kan wees. Dis belangrik om nie die gedrag wat hy openbaar, te weerspieël nie, maar om eerder met hom kontak te behou deur middel van betrokkenheid, selfs al reageer hy nie daarop nie. Vra die ouers…