Innholdsfortegnelse for 5 May 2017 i Vrouekeur

“Ek hoop om in Suid-Afrika te kom aftree, en eerder gouer as later! Maar natuurlik is daar nog vele goed wat ek wil aanpak.” Maar sy wil en sy kan, want die sangeres, liedjieskrywer, aktrise, kortverhaalskrywer, digter en skilder Karin Hougaard het Amerikaanse én Suid-Afrikaanse burgerskap. Karin was verlede maand vir ’n blitsbesoek en ’n eksklusiewe optrede in Suid- Afrika. Sy en haar lewensmaat, ’n professor in organisasiegedrag en leierskap aan ’n Amerikaanse universiteit, woon nou nege en ’n bietjie jaar op ’n lowerryke kleinhoewe in Oak Ridge, Noord-Carolina, Amerika. Maar sy kom amper elke jaar huis toe vir ’n optrede hier en ’n verposing by haar strandplekkie in KwaZulu-Natal. Ná 15 uur in die lug, was die landing op OR Tambo Internasionale Lughawe in Gauteng ’n verligting. “Dis lank,…

WENBOEKE Mei-wenners wen die boek ’n Tafel vir elke geleentheid deur Fransie Snyman, Katrien van Zyl en Wilsia Metz. Dié boek is propvol praktiese raad en inspirasie wat jou sal help om tafels te skep wat enige feesviering onvergeetlik sal maak. Dit bevat volledige planne met tafelversierings, blomme en alles anders wat nodig is om tafels vir 25 verskillende geleenthede te dek, asook meer as 50 watertandlekker resepte en aanwysings om tafelelemente te maak. Praktiese inligting oor basiese beplanning, van die samestelling van inspirasieborde en idees vir ongewone onderborde tot die uitsoek van musiek en die volmaakte gasgeskenk, word deur uitgebreide foto byskrifte aangevul. Die resepte is in ’n afsonderlike afdeling, gevolg deur aanwysings en patrone vir selfdoenprojekte. Die boek is by toonaangewende boekwinkels beskikbaar. Lees meer by www.metzpress.co.za JULIE…

VERLORE ARTIKELS Met HomingPIN kan jy dalk net weer jou verlore tas, sleutels, selfoon, ID-dokument of enige belangrike artikel terugkry. Die bandjies en plakkers het ’n unieke identifikasienommer wat, sodra die nommer aanlyn geaktiveer word, met die eienaar se selfoonnommer en e-pos-adres verbind. Sou iemand jou verlore artikel vind, kan hulle op www.homingpin.com jou kode en hul besonderhede insleutel en jy sal dadelik ’n SMS of e-pos kry met dié persoon se besonderhede wat jy dan kan gebruik om reëlings te tref om die artikel weer in die hande te kry. Geen subskripsiefooi vir die eerste jaar nie en vir die tweede jaar ongeveer R95 vir ’n jaar se subskripsie. Die beginnerpak kos ongeveer R200 en is by sekere Cape Union Mart-winkels en aanlyn by www.takealot.com beskikbaar. SAGTE KLERE VIR…

ROLPRENTE JOHNNY IS NIE DOOD NIE 10/10 Met Rolanda Marais en Ludwig Binge Regisseur Christiaan Olwagen KOMEDIE-DRAMA Met die dood van die bekende sanger en ikoon Johannes Kerkorrel (Ralph Rabie) kom ’n groep studentevriende in 2002 bymekaar en herleef hul onverantwoordelike en sorgelose studentedae toe hulle radikaal deur sangers van die Voëlvrybeweging en Bernoldus Niemand beïnvloed is. Hierdie baanbrekerrolprent bring briljante vernuwing na die Afrikaanse rolprentbedryf wat onlangs onder swak produkte soos Kampterrein gely het. Dit herstel weer ’n mens se geloof in revolusionêre, goeie rolprente wat die Afrikaanse rolprentlandskap ten goede verander, aan die strot beetkry en wakker skud. ’n Waarskuwing: Jy het nog nooit so iets in Afrikaans gesien nie en jou kop moet wyd oop wees en jou denke uiters liberaal om dit te waardeer. ’n Briljante…

Soos elke Donderdagaand is die Dabulamanzi-roeiklub se klubhuis stampvol. Ten spyte van die effense byt in die herfsluggie buitekant, is dit bedompig binne. En lawaaierig. ’n Mens moet jou pad na die kroegtoonbank tussen luidrugtige roeiers deur oop-elmboog. Die adrenalien pomp nog deur almal se are nadat hulle pas vurig teen mekaar meegeding het om tien rondtes om die Emmarentiadam te roei. Nou word dele van die resies luidrugtig oor ’n paar biere herleef. Daar is ’n goedige gespot met iemand wat nie die pas kon volhou nie. Iemand anders word luidkeels gekritiseer omdat hy om een van die boeie ’n botsing veroorsaak het. Vanaand is daar nog meer opwinding in die lug as gewoonlik. Biere is gratis. En dan staan Piers Cruickshanks op om oor sy boek, Confluence, te…

GAAN SNUFFEL BY PANDJIESWINKELS OF SOMMER AANLYN VIR OU STAALKASTE – DIT IS HOOGMODE OP DIE OOMBLIK SITPLEK VIR JOU BRAAIKAMER Omskep die staalkas in ekstra sit- en stoorplek. Dit lyk modern en is ’n goedkoper opsie as ’n ekstra bank. Dit verg net moeite om dit oor te doen. Maak die staalkas goed met ’n sterk huishoudelike skoonmaakmiddel skoon en maak stukkende dele reg. Nou kan jy begin verf. Laat staan tot dit heeltemal droog is. Verf nou met ’n wasproduk soos Annie Sloan Clear Wax. Vryf die was goed in. Dit kan met ’n borseltjie of lappie gedoen word. Dit mag dalk lyk asof die was die verf laat donker word, maar wanneer dit droog is, keer dit na die oorspronklike skakering terug. Sit kussings bo-op waarop gaste…

Vandag moet jy moed vat, Delicia Sneyders, al lê die bang soos ’n klip in jou binneste. Delicia voel hoe die oggendluggie teen haar wange knyp toe sy die bodeur oopmaak. Sy moet die ambulansbus vyfuur op Vredenburg haal en oompie Klaas se rammelkas staan gereed voor haar deur. Sy leun oor die onderdeur en probeer sy aandag trek deur wild met haar arm te waai. ’n Mens wil immers nie die hele buurt met ’n geroep dié tyd van die oggend wakker maak nie, al blaf Koos Kolle se maer hond al sedert vieruur aanhoudend. Sy sien oom Klaas onder in die pad staan. Die rook bol om sy musbedekte kop. “Jy weet die rook maak my naar, oom Klaas. Dis die bestraling. Ek kan dit nie vat om…

SÓ RUIK GELUK ’n Sondag of wat gelede is ek op ’n vlug terug Kaapstad toe en beland langs ’n spraaksame vierjarige reisiger. “Tannie, hoe ruik geluk?” Sy ouma, wat ná twee weke se kuier by familie in Gauteng duidelik doodmoeg is, help die knapie dadelik reg dat geluk ’n gevoel is en nie iets wat ’n mens kan ruik nie. Maar dit het my tog laat dink. Toe ek vyf jaar oud was, was die reuk van ’n nuwe pop vir my geluk. Gras wat vars gesny is, die reuk van reën en ’n stappie langs die strand ná ’n lang dag ruik ook soos geluk. Geluk ruik soos die soutsproei van die branders wat in die lug hang, of dit reën, warm is en of die wind jou…

Stellenbosch se studente is opstandig. Die dorp brand, en Sophia droom van Pompeii en wegloop, weg van elke dag se sleur by BoekWeb en haar man se speurderwerk. Wanneer haar klein Magriet wegraak, moet sy egter spartel om uit die web te kom. Deborah Steinmair skryf in haar resensie op LitNet onder meer: “Ons almal wil graag die soort boek skryf wat die werklikheid laat vervaag; wat vir ’n paar uur die werklikheid vervang, die werklikheid wórd. Ons wil vermaak, maar ons wil ook graag relevant en universeel wees. Min van ons kry dit reg, want die narratief bly dikwels om die eie klein werklikheid tjommel soos ’n lang Facebook-inskrywing. “Naomi Meyer slaag dawerend daarin. Sy span haar web wyd en geslepe, bykans ongesiens, soos dit hoort. As jy dit…

“As ’n wetenskaplike en nuwe ma voer ek gereeld gesprekke oor kinderopvoeding,” sê Olivia Carter, ’n senior navorser en lektor aan die Universiteit van Melbourne. “Die probleem wat ek het met al die raad oor ‘doen wat die beste vir die kind is’, is dit: Dit veronderstel dat ’n mens ’n duidelike idee het oor wat ’n perfekte kind of grootmens is. Is dit ’n topatleet? Is dit ’n swemmer soos Phelps? Of iemand slim genoeg om die Nobelprys te wen? Sal dit nie beter wees om ’n veelsydige kind wat ietsie van alles kan doen, groot te maak nie? Wat van jou kind se geluk? Kom dit nie eerste nie? Sou ’n kind sonder probleme ideaal wees? Maar wat dan van die feit dat moeilike tye vir jou empatiese…

CHRIS SE KEUSE Die internasionale dag vir sauvignon blanc is vanjaar op 6 Mei. Die Neil Ellis Groenekloof Sauvignon Blanc 2016 is ’n uitstekende wyn om dit mee te vier. Neil Ellis was nog altyd ’n baanbreker om die beste liggings vir wingerde vir ’n kultivar uit te soek. Hy is die voorloper wat al in 1986 druiwe van die Darlingdistrik en Groenekloof-afdeling gebruik het. Hy is ook die pionier wat die eerste Groenekloof-sauvignon blanc in 1991 op die mark gebring het. Aanvanklik is dit as opwindend beskryf en nou, dekades later, word dit nog hoog geag. Die druiwe vir die Neil Ellis Groenekloof Sauvignon Blanc 2016 is afkomstig van 35 jaar oue bos-stokke met lae opbrengs, hoog geleë teen hellings, sowat 380 m bo seespieël. Die wingerd is net…

KRAKERIGE KLAPPERHOENDER 4 porsies 8 hoenderstukke 250 ml (1 k) karringmelk sout en peper 2,5 ml (½ t) paprika knypie brandrissie 250 ml (1 k) fyn klapper SOUS 1 blik klappermelk 125 ml (½ k) soetrissiesous Stel oond op 180 ?C. 1 Laat hoenderstukke vir 20 minute in karringmelk lê. 2 Haal uit en geur met sout, peper, paprika en brandrissie. 3 Rol hoender in klapper en pak op bakplaat. 4 Bak vir 30 minute of tot gaar en krakerig. 5 Sous Kook klappermelk en soetrissiesous saam tot verdik. 6 Bedien met basmatirys of gestoomde groente. ROSIE SE STEAKS 4 porsies Hierdie resep is al drie generasies in my familie en beslis my gunsteling! 600 g (8 stukke) kitssteaks (minute steaks) 125 ml (½ k) koekmeel bietjie botter om in…

P-O-P. Dit was die heel eerste woordjie wat die vyfjarige ek self uitgespel het. Toe P-O-S. Toe P-OS- B-U-S. En die res is geskiedenis. Met twee slim ouer sussies en ouers wat aan boeke geglo het, het ek nie eintlik ’n keuse gehad as om met ’n yslike leeslus uit my boekwurmpapie te ontwaak nie. My ma het ons getrou elke week na Florida se piepklein biblioteek gevat en ek kon self op waggelende kleuterbeentjies tussen die rakke dwaal en my eie boekies kies. Destyds het ’n mens nog op die ou manier ’n kartonbiblioteekkaartjie gehad waarmee jy vier boeke kon uitneem. Ek was van meet af aan heeltemal betower deur die biblioteektannies wat die boeke met blitsige handbewegings binne sekondes kon oopvou, die kaartjie uitpluk, stempel en toeklap. Elke…

Vir sy uitstalling op Frieze Art in New York vertoon die Grosvenor- galery in Londen die werk van die Suid-Afrikaanse kunstenaar Dumile Feni, of Dumile, soos hy bekendgestaan het. Dié kunsskou word van 5 tot 7 Mei in Randall’s Island Park aangebied. Dumile is in 1991 in New York dood, kort voordat hy na Suid-Afrika sou terugkeer. Zwelidumile Geelboi Mgxaji Feni- Mslaba (sy werk kom dikwels onder die naam Feni-Mhlaba op veilings) (1942– 1991) het wel die laaste 13 jaar van sy lewe in New York deurgebring, maar dié ballingskap het nie noodwendig roem in die Groot Appel beteken nie. Charles Moore, direkteur van die Grosvenor-galery, benadruk dat Dumile se werk “ondergewaardeer in die VSA” is en dit is een van die redes waarom dié galery besluit het om sy…

Jemima glip deur die heining, trek haar tekkies uit en sug behaaglik toe sy die blaartapyt onder haar kaal voete voel. Vrede spoel deur haar terwyl sy verder stap. Bo haar vorm die takke en blare ’n digte dak wat die woud in skemerte hul. Hoe het sy hierdie stuk paradys nie gemis terwyl sy die afgelope drie maande deeltyds by die Cornell-universiteit in New York klas gegee het nie. “Wat de ...!” Verbysterd steek sy vas en kyk in ongeloof na die touleer wat teen die ruwe stam van ’n groot Johannes-broodboom hang. Fronsend bekyk sy die leer en snak opnuut na haar asem toe sy teen ’n houtvloer hoog tussen die blare en takke vaskyk. Sonder huiwering begin sy klim. Watse pa is so vermetel om hier vir…

MOEILIKHEIDSGRAAD: BENODIGDHEDE O orskiet Vinnis Nikkim 100% katoen DK (50 g-balle) of enige dubbeldraad in kleure van jou keuse 3 mm-hekelpen Naald met groot oog Vir kussing: katoenmateriaal (52 cm x 50 cm) vir agterkant 45 cm-ritssluiter Binnekussing (50 cm x 50 cm) Algemene naaldwerkbenodigdhede WENKE Gebruik grafiekpapier of blokkiespapier om ontwerp op te teken. Kruisiesteekpatrone werk baie goed vir hekelontwerpe. As jy ’n foto wil hekel, kan jy die foto eers in pixels omskakel. Pixel-ontwerpe is groot en word meestal vir komberse gebruik. Deur ’n blokkie te hekel en te meet, kan jy bepaal hoe groot jou eindproduk gaan wees. GROOTTE VAN KUSSING 50 cm x 50 cm AFKORTINGS dies = dieselfde, gs = glipsteek, h/af = heg af, kb = kortbeen, ks = kettingsteek, lb = langbeen, rdte…

Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 15 woorde, goed 19 woorde, baie goed 23 woorde of meer, uitstekend OPLOSSING: Buiteblad, buidel, detail, dubbel, adieu, bedil, bedui, bidet, dalet, debat, delta, luide, tilde, adel, aide, bied, blad, deli, duel, duet, duit, lied, luid. Woordsoek 37 geografiese plekke moet in hierdie rooster opgespoor word. Hulle kan horisontaal, diagonaal vertikaal, onderstebo of agterstevoor gelees…

Besoek www.xword.co.za WEN R1 000! Voltooi die blokraai en gebruik die omkringde letters om die versteekte woord of naam te ontsyfer. Leidraad: ’n Woord vir ’n assistent of helper in biblioteke, museums en laboratoria SMS jou antwoord, voorletters, van en dorp/ stad voor of op 24 Mei 2017 na 48410. SMS’e kos R1,50 en is net vir mense in SA. Geld sal vir foutiewe antwoorde gehef word en gratis SMS’e geld nie.…

Enkele minute gelede het ek vervaard – baie laat – by die koffiewinkel ingebars. My oggend van die voorbladfotosessie vir hierdie artikel het effens anders verloop as wat ek verwag het. Daar val drie welkome reëndruppels in Kaapstad – die verkeer is mal en my Google Maps se blou roetelyn het voor my oë in ’n rooi lyn verander wat eers 18, toe 23 en toe 29 minute rytyd by my rit gevoeg het. Ek het Karin geSMS en gevra dat sy en Deon solank koffie drink – ek kom so gou ek kan. Ek sit my stapeltjie boeke met hul laaste drie pennevrugte neer: Deon se Koors, Karin se Tuisland en Deon se Jagveld en ander draaiboeke. Sy spanningsfliek Jagveld draai tans in fliekteaters. Deon is die skrywer van…

“Toe ek na my dogtertjie se lewelose liggaampie op die plaveisel langs die swembad afkyk, het ek geweet sy is nie meer daar nie. Daar was geen hartklop nie, maar ek het bly hoop dat dinge kan verander en ek het aangehou om haar te probeer red al sou ek heel moontlik al opgegee het as dit nie my kind was nie,” vertel Lucille met ’n knop in haar keel. Dié dag in Januarie het soos enige ander oggend vir die gesin begin. Lucille en Jaco se vierjarige seuntjie, Noa, en hul tweejarige dogtertjie, Annabel, het hul pap klaar geëet en toe voor die TV op die bank gaan sit en na ’n storie gekyk terwyl Lucille nog in die babakamer besig was om hul nege weke oue baba, Leo,…

NEEM DEEL Die Adrienne Hersch-uitdaging word op Sondag 7 Mei by die Randburg-sportsentrum gehou. Jy kan aan die 21 km- of 10 km- of as gesin aan die prettige 5 kmwedloop deelneem. Daar sal ook ’n mark wees met hope te drink en te eet. Skryf in by www.entrytime.com Die Wings for Life World Run word op 7 Mei by SuperSport Park, Pretoria, gehou. Die resies vind gelyktydig by 24 liggings in 23 lande plaas. Al die inskrywingsgeld word vir ruggraatbeseringsnavorsing aangewend. Skryf in by www.wingsforlifeworldrun.com GESKENKEMARK IN WITBANK Die Suid-Oos-geskenkemark word van 2 tot 6 Mei by die Nederduitsch Hervormde Kerk Suid-Oos in Witbank gehou. Daar sal onder meer kuns- en dekorware en heerlike eetgoed wees. Besoek “Geskenkemark” op Facebook of bel 082 512 9849 vir meer inligting MOEDERSDAG…

DUITSE POFPANNEKOEK 1 pannekoek 125 ml (½ k) koekmeel 125 ml (½ k) melk 2 groot eiers 30 ml (2 e) suiker 5 ml (1 t) vanieljegeursel 2,5 ml (½ t) sout 30 ml (2 e) botter versiersuiker esdoringstroop/gouestroop 1 Gooi koekmeel, melk, eiers, suiker, vanieljegeursel en sout in ’n voedselverwerker en blits beslag tot glad. 2 Verkil beslag in yskas vir 25 minute. 3 Plaas gietysterpan in middel van oond. Skakel oond aan en verhit tot 250 °C. Wanneer liggie doodgaan, verwyder pan uit oond. 4 Smelt botter in pan, bedek ook kante met gesmelte botter. 5 Gooi mengsel in pan en wikkel pan om beslag gelyk te maak. 6 Bak vir 15–20 minute tot goudbruin en gepof. 7 Strooi versiersuiker bo-op. Bedien met stroop.…

Ons ry op die grondpad verby Vaalpadskloof, kom ’n wit perd aan die een kant van die draad teë en oorkant die stofpad staan ’n ponie onder ’n boom. Dit lyk asof hulle net lekker gesels het voor ons hul rus kom versteur het! ’n Entjie verder is ’n groepie familiegrafte in ’n netjies omheinde kampie. Op ’n grys heiningpaal van die grensdraad langs die pad sit ’n bleeksingvalk, sy oranje bene styf teen mekaar en sy oranje pote netjies op die klein stukkie hout gebalanseer. Jou eerste kennismaking met die gulheid van die vallei is by Martin en Lucia Dorfling van Commessie, tuiste van Marlu-gasteverblyf. Lucia sê hul doel daar by Marlu is dat gaste kom “saam boer”. Sy vertel dat jy verskeie opsies het as jy daar kom…

Wat het David Robert Jones, Philip David Charles Collins en Peter Gene Hernandez gemeen? Hulle het al drie elk oor die 100 miljoen albums wêreldwyd verkoop – om uiteenlopende redes. Oppinoot luister opgewonde ... DAVID BOWIE SE NALATENSKAP David Robert Jones (8 Januarie 1947 – 10 Januarie 2016), oftewel die Britse akteur en liedjieskrywer David Bowie, se loopbaan het oor 50 jaar gestrek. Sy innoverende kreatiwiteit, veral in die jare sewentig, is deur visuele kunssinnigheid gekenmerk. In sy loopbaan het hy oor die 140 miljoen albums wêreldwyd verkoop, talle toekennings verower en in 1996 ’n ereplek in die Rock and Roll Hall of Fame verdien. Hier is sy versamelalbum Legacy (Warner Music) met 20 snitte. Hierop word van sy gewildste werk sedert 1969 se Space Oddity tot die enkelsnitte, Lazarus…

Besoek www.xword.co.za WEN R1 000! Voltooi die blokraai en gebruik die omkringde letters om die versteekte woord of naam te ontsyfer. Leidraad: ’n Woord vir ’n instrukteur van soldate SMS jou antwoord, voorletters, van en dorp/stad voor of op 24 Mei 2017 na 48410. SMS’e kos R1,50 en is net vir mense in SA. Geld sal vir foutiewe SMS’e gehef word en gratis SMS’e geld nie.…

VERMOEDE VAN MISHANDELING Ek is ’n graad 2-onderwyseres. Ek het basiese opleiding in sielkunde gehad, maar nie voldoende om ’n professionele mening te lewer nie. Ek het onlangs ’n oefening met die kinders gedoen waar hulle tekeninge moes maak. Een van die kinders se tekeninge het my dadelik laat dink dat daar moontlik mishandeling by die huis plaasvind. Die kind se gedrag het die afgelope tyd verander – baie meer ongehoorsaam en dikwels aggressief teenoor my en die ander kinders. Wat staan my te doen as ek net tekeninge en gedragsobservasies het om ’n vermoede van mishandeling te staaf? – Onderwyseres Dit is welbekend dat kinders dikwels hul emosies deur middel van tekeninge projekteer. Net so is kinders geneig om trauma wat hulle ervaar, teenoor ander uit te speel ten…

Wie is ek nou om oor die onderwerp te skryf? Want daar is ’n klompie goed wat maak dat ek dit verloor. Ek beroep my egter op die Here se genade wat besig is met my en my nie so gemaak en so gelaat staan het nie, maar besig is om my elke dag te slyp en te louter. Ek weet: Ek het die krag om myself deur Christus te beheer. Maar hoe werk dit prakties in my lewe? Hoe verkry ek meer selfbeheersing? Wel, die belangrikste is om te besef dat selfbeheer God-beheer is en nie ék-beheer nie. Om jouself te kan beheer, het jy nodig om jou lewe onder God se beheer te stel. Die gedeelte in Galasiërs 5:16–26, wat onder meer die woorde oor die vrugte van…