Innholdsfortegnelse for 28 April 2017 i Vrouekeur

Terwyl jy hierdie briefie lees, is ek op ’n Griekse eiland. Die eiland Lesbos, om presies te wees. Kan jy jou dit voorstel? Op ’n idilliese eiland saam met jou geliefde om ’n lang tafel saam met mense wat hou van skryf. Jip. Ons is deel van die groep mense wat onder die bekwame leiding van Frederik de Jager en Marita van der Vyver meer oor die kuns van skryf leer. Toe ons verlede jaar The Talking Table se skryfkursus geadverteer het, het ek onmiddellik die aand oor ’n glas wyn vir my geliefde voorgestel dat ons dit saam gaan bywoon. Hy was ewe entoesiasties oor die moontlikheid. Maklik was dit nie. Eerstens het ’n mens geld nodig om dit te doen en ek is nie een van die mense…

Die liefde is dikwels ’n stormagtige ding, veral in sepies. Vra maar vir dr Steve Abra-hams (Clint Brink) en sy vervreemde vrou Bronwyn (Kim Cloete). Dié twee se huwelik is al telkemale deur stormwaters. Nadat Steve en Bronwyn onverwags gesoen het en noudat Steve se minnares Annelize Strydom (Cindy Swanepoel) besef het hul verhouding is verby, het dit uiteindelik gelyk asof dié twee se verhouding op kalmer waters gaan vaar. Totdat twee van hul ou vriende, Rob (Jacques Wolmarans) en Joyce (Jana Fischer), opgedaag het om vir Steve te smeek om vir Rob, wat ernstig siek is aan kanker, deur genadedood te help verlos. In dié week se episodes van Binnelanders sterf Rob. Maar wie het die noodlottige dosis morfien toegedien? Kon dit dalk Steve of Bronwyn wees? Dít is…

Van daardie eerste twee weke nadat hy by Fisantekraal buite Durbanville op sy fiets aangeval is, kan Pieter Swart (59) niks onthou nie. Ook nie van die aanval self of die ambulansrit na die plaaslike hospitaal nie. Hierdie tydperk is vir altyd uit sy geheue gewis. Behalwe dat Pieter teen nagenoeg 40 km/h die teerpad getref het nadat ’n voetganger onverwags ’n stok agter sy voorwiel ingedruk het, is hy ook genadeloos met ’n baksteen toegetakel. Die rower het uiteindelik met net sy selfoon weggekom. Pieter se beserings is amper te veel om in te neem: skade aan die frontale lob en breinstam; ’n diep sny tussen die oë en oor die neusbrug, wat met 34 steke geheg moes word; ’n gekraakte oogbank, gekraakte wangbeen en gekraakte neus; sewe gekraakte…

DIS NOU KAAS! Die gewilde Suid-Afrikaanse Kaasfees word van 28 tot 30 April op die Sandringham-plaas (tussen Kaapstad en die Paarl) gehou. Behalwe vir heerlike kaas, sal produkte soos wyn, konfyt, vars vrugte, tee en eksotiese drankies ook geniet kan word. Daar sal musiek, aanbiedinge deur bekende sjefs en pretaktiwiteite vir kinders en tieners wees. Kaartjies is by enige Computicket, Shoprite- of Checkers-winkels beskikbaar teen R160 per persoon per dag. Senior burgers betaal R100 en kinders 13 jaar en jonger kry gratis toegang. Die feestye is 10:00 tot 18:00. Vir meer inligting, bel 021 975 4440, stuur ’n e-pos na admin@agriexpo.co.za  of besoek www.cheesefestival.co.za WYN & KOS Die jaarlikse Elgin Cool Wine and Country Food Festival word die naweek van 29 en 30 April gehou. Die Elgin-vallei is…

GROEI IN KUNSMATIGE INTELLIGENSIE Navorsing op die gebied van kunsmatige intelligensie (K.I.) is nou besig om vrugte af te werp, danksy die eksponensiële groei van tegnologie en ’n hernieude belangstelling in die veld oor die afgelope paar jaar. Hoewel die strewe na K.I. sedert die 1950’s keer op keer opvlam net om weer te kwyn, wil dit voorkom of ons uiteindelik op ’n punt is waar tradisionele tegnologiese beperkinge nie meer ’n probleem is nie. Vooruitgang in onder meer verwerkerskrag, stoorruimte, sowel as masjienleer, het ons op ’n punt gebring waar daar nie net die nodige belangstelling in K.I. is nie, maar ook, nog belangriker, die kapitaal. Van die grootste maatskappye in tegnologie is met hul eie projekte besig, met Google se DeepMind, en IBM se Watson van die grootstes.…

Dit is seker een van die moeilikste dinge van ouerwees: om jou kinders te sien seerkry. Eintlik wil jy hulle in watte toedraai, alles vir hulle gee wat hul hart begeer en seker maak niemand of niks stel hulle teleur nie. Maar deur hulle teen teleurstelling te “beskerm” ontneem jy jou kinders van die beste leergeleenthede, sê kenners. Marinda* se dogter, Janie* (9), neem aan elke sportsoort en kultuuraktiwiteit onder die son deel. Op die oog af lyk dit of Janie ’n goeie sportgees het en reeds weet hoe om tweede en derde plek te aanvaar, maar ma’s wat dié ma en dogter goed ken, vertel ’n ander storie. Sodra dit lyk of Janie nie ’n eerste plek gaan kry nie, tree Marinda vir haar in die bresse en pak…

BEET-EN-WORTEL-KOEK 1 koek 450 ml (1¾ k) koekmeel 12,5 ml (2½ t) bakpoeier 5 ml (1 t) kaneel 1,25 ml (¼ t) sout 250 ml (1 k) sonneblomolie 375 ml (1½ k) strooisuiker 2 50 ml (1 k) rou beet, geskil en gerasper 2 50 ml (1 k) rou wortels, geskil en gerasper 250 ml (1 k) gekapte pekanneute 3 groot eiers, geskei 1,25 ml (¼ t) kremetart ROOMKAASVERSIERSEL 60 ml (4 e) versiersuiker 120 g roomkaas 15 ml (1 e) heuning sap van een suurlemoen Verhit oond tot 180 °C, spuit ’n ringpan, gooi ’n bietjie koekmeel in en skud sodat dit oral vassit. 1 Sif koekmeel, bakpoeier, kaneel en sout saam. 2 Klits sonneblomolie en strooisuiker saam. 3 Voeg beet, wortels, pekanneute en eiergele by oliemengsel en meng…

WENBOEKE April-wenners wen Koelsoem Kamalie en Flori Schrikker se splinternuwe boek Soettand. In Soettand deel hulle poedings en soetgebak wat dekades lank al familiegunstelinge is, soos Ouma Rose se doekpoeding, ’n onderstebo-tert, potpoeding, Maleise koesisters, bobaas-bollas, Yuwin se waatlemoenysies, gemmerpoeding, broodpoeding met ’n verskil, Hertzoggies en die beroemde tweegevrietjies. Die eerlike en onopgesmukte kos uit Koelsoem Kamalie en Flori Schrikker se kombuise in Bonteheuwel, het Suid-Afrikaners geheel en al betower. Die boek is by toonaangewende boekwinkels en by www. lapa.co.za beskikbaar ANNE VORSTER VAN GEORGE WEN VANDEESWEEK • Plaas stukkies seep in jou kaste. Dit hou die goggas weg en die kaste ruik ook lekker. • As ’n skroef moeilik indraai (byvoorbeeld in hout), skuur die skroefdraad oor ’n stukkie droë seep. Dit “smeer” die skroefdraad en dit draai…

Dikwels is onopgesmukte kunstenaarskap en kreatiewe spontaneïteit al wat nodig is om talent te uit te leef! STEFFIE LE ROUX SE WOORDKUNS Steffie le Roux oorrompel met haar onopgesmukte teenwoordigheid, vertolkingsbroosheid, musikale integriteit en kreatiewe skakerings. Sy is deel van ’n uitgelese groepie liedjieskrywer-sangeresse; trots in die geselskap van Anna Davel en Lize Beekman en vertolkers Amanda Strydom en Laurika Rauch. Maar Steffie druk haar eie aanslag, styl en stempel af – gekenmerk deur veerkragtigheid, prettige energie en onblusbare passie. Sy is ’n kunstenaar en vertolker in die ware sin van die woord: opgelei in drama, sang, dans (Latynse en kontemporêre jazz) en musiek (fluit, klavier en tjello). Tussen haar mentors is Chihiro Saito, Gabrielle Pittner en prof Werner Nel. Met ’n diploma in musiek aan die Noordwes-Universiteit was Steffie…

Pretty Yende het die jaar op ’n hoë noot begin – dié van die cavatina Una voce poco fa uit Il Barbiere di Siviglia van Rossini. Dit is dié aria van Rosina wat sy regstreeks op 3 Januarie op die Amerikaanse TV-program The Late Show met Stephen Colbert as aanbieder gesing en die gehoor aan haar voete gehad het. Sy het saam met lede van die Metropolitan Opera-orkes onder leiding van Maurizio Benini opgetree. Colbert het die koloratuursopraan aan die TV-gehoor voorgestel met die omslag van haar nuwe Sony Classical-album, A Journey, waarin arias van Bellini, Rossini en Delibes ingesluit is. Colbert se program het sowat 2,75 miljoen kykers. Voor die program het Yende op sosiale media laat val dat sy opgewonde is om op The…

D it het alles begin met Glen du Toit se onkeerbare lus vir ’n vetdermpie: hardgebak en krakerig soos ’n kaiing. En daarmee saam pap wat hy met sy vingers in ’n bolletjie rol. Hy lê op sy bed dié Sondagmiddag, net wakker geword ná ’n slapie, toe is die lus daar. Dis so oorweldigend dat hy as ’t ware die souterige smaak op sy tong kan proe. En hiermee saam sak die Sondagblues in newels oor hom toe. As hy tog net op die plaas kon wees. Hy verlang nou so na Pa en Ma en die oop veld. Hy lig sy kop van die kussing al op, sug en staan op vir ’n koffietjie. Dit wat hy deur die meenthuisvenster sien, help nie veel om sy bui te…

AANGETROKKE TOT ANDER VROU Ek (34) is getroud, het drie kinders en is heteroseksueel, maar het die afgelope tyd gevoelens vir my lynhoof, wat ’n vrou is, ontwikkel. Sy is ongelooflik dinamies en almal kyk op na haar as ’n uitstekende leier. Ek het nog nooit sulke gevoelens teenoor ’n ander vrou ervaar nie en voel skielik of ek met my seksualiteit gekonfronteer word. Ek probeer heeltyd in haar geselskap en teenwoordigheid wees. Enige verklaring hiervoor? – Anoniem Jou gevoelens teenoor die ander vrou is nie noodwendig ’n aanduiding dat jy nié heteroseksueel is nie. Dit gebeur soms dat mense ander se dinamika bewonder en dit met aangetrokkenheid verwar. Jy verwys na haar dinamika en nie haar fisieke voorkoms waartoe jy aangetrokke is nie. Dit kan eerder wees dat jou…

• BEL RAMSAY MEDIA by 0860 100 123 (plaaslik) of +27 (0)21 530 3384 (internasionaal) KREDIETKAARTBESONDERHEDE en virDEBIETORDEROPSIES • SMS die woorde‘CAXTONVK’ na 40573 (R1,00 per SMS) • STUUR ’N FAKS na 086 670 4101 met jou besonderhede van hernuwing of intekening • SKRYF IN OP ONS WEBWERWE www.vrouekeur.co.za/www.magsathome.co.za • STUUR ’N E-POS na subs@magsathome.co.za • POS ’N TJEK uitgemaak aan RamsayMedia Subs en stuur dit saam met ’n brief en jou besonderhede van hernuwing of intekening na: Vrouekeur-subskripsies, Vrypos CBO209, Posbus 596, Howard Place, 7450 • Doen ’nELEKTRONIESE OORBETALING of betaal met ’n DIREKTE DEPOSITO Rekeningnaam: RamsayMedia Subs Bank: Nedbank Takkode: 12320900 Rekeningnommer: 1232073059 BELANGRIK! Gebruik jouVAN en SUBSKRIPSIENOMMER of jouVAN en SELFOONNOMMER as verwysing met ’n elektroniese betaling of direkte deposito en faks dit met jou betalingsbewys en…

Morné Visser het geen bekendstelling nodig nie. Verlede jaar was hy die pa wat sy stiefdogter seksueel gemolesteer het in die bekroonde prent Dis ek, Anna , ’n rol waarvoor hy met die toekenning as beste akteur by die Silwerskermfees bekroon is. Hy het ook in Die ontwaking gespeel en was een van die hoofkarakters in die omstrede rolprent Skoonheid oor gay seks tussen getroude mans. Op kykNET was hy in die TV-jeugreeks Thomas@ te sien en vroeër jare het hy rolle in die sepies Isidingo en Scandal vertolk. Of dalk onthou jy hom as die pa in die Standard Bank-advertensie wat verlief raak op die Bieber-song Baby, Baby. En as jy ’n goeie geheue het, vir sy rol jare gelede in die sitkom SOS wat op…

“MIV is nou al 11 jaar deel van my lewe,” vertel Susan* (38), ’n ma van twee. “Dit het soos ’n doodsvonnis vir my gevoel toe ek daarvan uitgevind het en ek was lank in ’n donker put. Ek het gedink ek gaan nie meer lank leef nie. Ek het berading en mediese hulp gekry en vandag leef ek ’n bykans normale lewe. Ek werk voltyds, versorg my gesin en geniet my stokperdjies en belangstellings. Daar is uitdagings wat ek moet hanteer, maar die regte mediese behandeling, ’n gesonde dieet en ’n positiewe uitkyk op die lewe het my gehelp om met MIV saam te leef.” MIV/vigs is ’n prominente gesondheidskwessie in Suid-Afrika. MIV diskrimineer nie – dit maak nie saak of jy ryk of arm, beroemd of onbekend en…

Dit het begin met ’n berig in ’n Britse koerant waarin gerekende skrywers gevra is wat die snaaksste boeke is wat hulle nog gelees het. Daardie skaars stories wat jou in die middel van die nag histeries kan laat lag, wat jy liewers nie in die openbaar moet lees nie omdat jou hulpelose geproeslag die soort gedrag is wat omstanders kan laat skrik. Behalwe natuurlik as een van die omstanders die boek in jou hande herken omdat hy dit met dieselfde genot gelees het. Dan sal julle op ’n spesiale manier na mekaar kyk, amper soos oudsoldate wat saam ’n veldslag oorleef het. Dis ’n gedeelde ervaring wat julle van die mense om julle onderskei. En dis dalk net nog ’n rede waarom ek papierboeke verkies. Omdat e-boeke nie herkenbare…

WITSJOKOLADETERTJIES Genoeg vir 5 KORS GLAD Bake & Cooking-papier GLAD Zip Seal-sakkies 200 g sjokoladekoekies 75 g botter, gesmelt MOUSSE 170 g witsjokolade, fyngekap 360 ml room 1 Kors Voer 4 tertpannetjies met GLAD Bake & Cooking-papier uit. 2 Sit die sjokoladekoekies in ’n GLAD Zip Seal-sakkie en kap dit met ’n koekroller fyn. 3 Gooi die koekies in ’n mengbak en voeg die gesmelte botter by. Voer die tertpannetjies met die koekiekrummels uit. 4 Mousse Maak ’n kastrol halfvol water en laat dit liggies oor matige hitte prut. 5 Smelt die witsjokolade en 80 ml room in ’n glasbak wat knus op die kastrol pas. Roer tot glad. Verwyder van hitte en hou eenkant totdat dit kamertemperatuur bereik. 6 Klop die oorblywende room tot stywe punte. Vou die room…

BAIE MEER BANTING Checkers het hul banting-reeks uitgebrei met produkte wat jou mond sal laat water. Kies nou uit produkte soos pizzabasisse wat van eier, sade en kokosneut gemaak is, blomkool-ensoetrissiebrood, sjokoladebruintjies, sjokolademuffins en vele meer. Daar is meer as 30 produkte om van te kies. www.checkers.co.za ’N LEKKER OU SOUSIE … Peppadew®Relish het nog ’n paar nuwe geure tot hul reeks bygevoeg waarvan jy sommer baie sal hou. Daar is Mild Piquanté Pepper, Hot Piquanté Pepper, Jalapeno & Ginger en Hamburger Relish. Beskikbaar by Pick n Pay landwyd en Checkers-winkels in Gauteng, KZN en Vrystaat teen ongeveer R21,99. GEBRUIK   PEPPADEW®RELISH OOK SÓ: As ’n doopsous Op ’n hoendertoebroodjie Saam met tuna In aartappelslaai Gemeng met roerbraaigroente Oor briekaas VIR JOU SELFOON Kry bybehore vir jou slimfoon teen billike…

Met ’n pragtige prinses, ’n aantreklike prins en ’n bose feeks gaan die splinternuwe Afrikaanse pantomime Doringrosie oor onskuld, liefde en boosheid en sorg vir ’n gelukkige einde! Hier gesels die drie hoofspelers oor hul eie sprokies. Hulle deel rose uit en hulle raak ontslae van die dorings wat steek. Die sangeres Charlize Berg (25) speel die beeldskone prinses Doringrosie – saggeaard met goue hare en die stem van ’n engel. “Ek is so ’n bietjie meer uitgesproke en volwasse en ek het vir seker ’n sterker persoonlikheid as sy,” sê Charlize met ’n glimlag. “Maar ek sing ook graag en ek is ook verlief – in die regte lewe op my eie prins ...” Charlize wil graag vir haar man en skoonma rose uitdeel. “Hulle…

“Marli, Marli, waar is jy?” Sy hoor die ongeduld in die stem en omdat sy hom so goed ken, ook die onderdrukte opgewondenheid. Sy sit die tuinvurkie neer en kyk verwonderd na die huis en dan op haar horlosie. Rudolf kom nooit voor laatnag by die huis nie en dit is nou net ’n rapsie oor vyf. “Hier by die akkerboom!” Terwyl hulle aanstap huis toe borrel dit uit. “Ek het vandag ’n wonderlike ingewing gekry. Ons albei verdien ’n blaaskansie en daarom het ek vir ons plek by ’n vakansieplaas bespreek. Dink net, vir ’n salige drie weke kan ons ons kragte in die wonderlike natuur herlaai. Toe, wat dink jy?” Asof dit al ooit saak gemaak het wat sy dink of voel. Nadat sy haar hande afgespoel het,…

D it fassineer my nog altyd hoe die skoonpa in die konflik tussen paartjies en hul skoonouers skotvry daarvan afkom, maar die arme skoonma moet die spit afbyt. My beurt is darem nog redelik ver in die toekoms (hoop ek!), maar ek gaan sekerlik ook ’n kans kry om iemand se skoonma te wees. Ek sê altyd grappenderwys vir my seun: “Kies asseblief net iemand wat van ons sal hou.” Die rede natuurlik: dan sal sy graag by ons wil kuier en nie my seun wegrokkel nie. Dis so jammer dat ’n verhouding wat veronderstel is om verrykend en tot seën vir almal te wees, dikwels in iets aakligs ontaard. So word daar dikwels sarkasties na die skoonma as die heks van Endor verwys of die gesig word getrek as…

VROUEKEUR-VERRASSING Omdat dit in ’n stadium maar finansieel moeilik gegaan het, was ek genoop om elke sent om te draai en het etlike jare by die tydskrifrakke verby geloop. My oog sal die tydskrif vang, ek sal vinnig kyk wat dit kos en dan maar met verlange sonder die tydskrif in die betaalry gaan staan. Nou die dag gaan ek en my kleinkind saam met my man na die karwas en daar verras my man my met ’n Vrouekeur. Wat ’n groot verrassing! Ek het die tydskrif teen my hart gedruk, dit geruik en toe opgewonde by die tafeltjie gaan sit en lees. Ons al drie het die tydskrif terdeë geniet. Vanoggend het ek weer vir my ’n Vrouekeur gekoop en ek kan nie wag om die inhoud te verslind…

Reeds op skool het Marion Erskine onderwysers laat kopkrap oor sy onkonvensionele maniere om opdragte uit te voer. ’n Paragraaf oor besoedeling het ontaard in Mev Heelal wat vir Aarde ’n siektebrief skryf omdat sy te veel rook ingeasem het. Toe hy ’n opstel oor ’n seevakansie moes skryf, het die onderwyseres beslis nie Marion se romantiese verhaal met ’n tragiese einde verwag nie. Hy het boonop dié storie van ’n tweede moontlike slot voorsien. Selfs in wiskunde het hy bewys sy alternatiewe benadering werk. “Ek het tot en met my matriekeksamen met ’n pakkie inkleurkryte eksamen geskryf,” vertel hy. Hy het al die X’e en Y’s met verskillende kleure ingekleur en dit dan opgetel. Sy onderwyseres het later erken dat sy nooit besef het dat alle leerders nie wiskunde…

MOET JY SNAGS GEREELD ’N DRAAI LOOP? As jy kort-kort deur die nag moet opstaan om ’n draai te loop, eet jy dalk te veel sout. Dokters in Japan het 300 vrywilligers gevra om vir drie maande minder sout te eet. Die gevolg was dat hulle gemiddeld net een keer in die nag moes opstaan in plaas van twee of meer keer. Dit het ook tot ’n beter lewensgehalte bygedra. NIE NET GRILLERIG ’n Peptiede wat in ’n spinnekop se gif voorkom, hou dalk die sleutel om breinskade te voorkom wat deur ’n beroerte veroorsaak is, het navorsers in Australië bevind. Dit is weliswaar nog net op rotte getoets, maar hulle is positief oor die moontlikhede vir beroertepasiënte. RUIK JY LONT? Kom jy agter dat jou reuksin agteruitgaan? Dit kan…

BURGERFRIKKADELLE 4 porsies 500 g maalvleis 125 ml (½ k) broodkrummels 1 eier 10 (2 t) gemengde kruie 5 ml (1 t) worcestersous 5 ml (1 t) blatjang sout en peper 1 Meng alles saam. 2 Rol in vier ewe groot balletjies. 3 Druk effe platter en braai tot gaar en bruin. 4 Sny broodrolletjie in helfte en rooster liggies onder element. Smeer met botter. 5 Sit roketblare of ander kruie op rolletjie gevolg deur tamatie, frikkadel, sous en nog blare. AARTAPPELSKYFIES 4 porsies 4 aartappels 30 ml (2 e) kookolie 5 ml (1 t) sout knypie rooipeper 5 ml (1 t) paprika Stel oond op 190 °C. 1 Sny aartappel in lang wiggies. 2 Plaas in mengbak en meng olie, sout, rooipeper en paprika saam. 3 Spuit bakplaat met…

Net ’n paar honderd meter vanaf die Grand Palace se ingang keer ’n vriendelike Thaise man ons voor. Of eintlik vir Paul. Ek het nie my man se verdraagsaamheid vir ekstreme temperature nie en met die kwik in die dertigs en die humiditeit sauna-hoog, het ek in ’n sleepvoetslakkegang agter hom verval. Slegte nuus, hoor ek wanneer ek papsopnat gesweet by hulle aansluit. ’n Vlugtige flits van “tourist police” op die man se naamkaartjie – ja, daar ís toeristepolisie in Thailand – en die man herhaal teenoor my wat hy so pas vir manlief gesê het: Dis Sondag en net Thaise burgers mag tot 14:00 die baie gewilde paleiskompleks hier in Bangkok besoek. Dis darem nie nodig om terug te draai nie. Dis sy werk om ons te vertel van…

Frederik Bester Howard Laubscher is op 3 Februarie 1927 op Tulbagh gebore. Sy kunstalent het reeds op 13-jarige ouderdom as leerling in Pinelands in Kaapstad na vore gekom. Hoewel hy later heelwat sukses gesmaak het, het Laubscher 15 jaar lank as kleurkonsultant en verkoopsman vir Plascon gewerk om sy gesin te onderhou. In 2009 is ’n 1952-stillewe (Stillewe met mandolien, bladmusiek en vrugte) van Erik Laubscher vir R1,2 miljoen op ’n kunsveiling in Kaapstad van die hand gesit – toe die hoogste prys wat nóg in Suid-Afrika vir ’n kunswerk deur ’n lewende Suid-Afrikaanse kunstenaar betaal is. Maar in 1966 was Laubscher ook ’n voorloper – hy was die eerste Suid-Afrikaanse kunstenaar aan wie die Carnegiestudiebeurs toegeken is. Dié beurs het hom in staat gestel om op ’n reis van…

D it gebeur nie sommer aldag dat ’n rolprentdraaiboek in Afrikaans uitgegee word nie, maar die verskyning in druk van vier van Deon Meyer se rolprentdraaiboeke is darem ook nie sonder voorgangers nie. Die enigste ander Afrikaanse skrywer van wie ’n hele paar draaiboeke gepubliseer is, is Chris Barnard. Sy draaiboek van die rolprent oor Eugène Marais, Die wonderwerker, is in 2012 deur Penguin uitgegee. Die rolprent het baie lof ingeoes en die draaiboek was ’n belangrike toevoeging tot die literatuur oor die enigmatiese Eugène Marais. Ook vier ander draaiboeke deur Chris Barnard, onder meer Paljas en Klara Viljee (1998), is gepubliseer. Dit gebeur nie dikwels dat draaiboeke (of verhoogdramas) uitgegee word nie omdat daar nie so ’n groot lesersmark daarvoor bestaan nie. In ons tyd is rolprent so maklik…