Innholdsfortegnelse for 14-21 April 2017 i Vrouekeur

D it is net nou die dag wat ons ’n dikker uitgawe drukkers toe gestuur het – die Kersuitgawe – en hier is ons weer met ’n dikker uitgawe wat vir twee weke op die rakke is – spesiaal vir die Paastyd. Die tyd hardloop onder ons uit en voor ’n mens jou oë uitvee, is dit weer Krismis, maar nou is dit eers Paasfees. Twee van die praktiese wenke in die artikel, “Moeg, moeër, moegste” op bl 30, is om jou reuksintuig in te span en na musiek te luister om jou energie te laai. Hierdie twee wenke het my laat dink aan herinneringe wat reuke en musiek by my oproep. Ek weet nie of dit by almal die geval is nie, maar reuke kan my onmiddellik in tyd…

Ek is nie uitsoekerig nie, ek weet net wat ek wil hê. Baie mense sal dinge oor die hoof sien, maar vir my werk dit nie so nie Chris Chameleon is nie ’n man van min woorde nie. Hy gaan haal ’n storie in Prieska, ry met agterpaaie tot by Kimberley en vat hom doodrustig deur die Karoo alvorens hy op die N1 klim en eers vir ’n koffie en ’n kuier in Drie Susters vashaak. Wanneer hy later erken dat hy selde met ’n doel werk, maak sy verweefde geselstrant meer sin. Hy meen ’n doel ontneem jou die volle genot van die wispelturigheid van die lewe en dit verhinder die moontlikheid van ’n alternatiewe uitkoms. In gewone Afrikaans vermoed ek hy bedoel: Die reis is belangriker as die…

WENBOEKE April-wenners wen Koelsoem Kamalie en Flori Schrikker se splinternuwe boek Soettand. In Soettand deel hulle poedings en soetgebak wat dekades lank al familiegunstelinge is, soos Ouma Rose se doekpoeding, ’n onderstebo-tert, potpoeding, Maleise koesisters, bobaas-bollas, Yuwin se waatlemoenysies, gemmerpoeding, broodpoeding met ’n verskil, Hertzoggies en die beroemde tweegevrietjies. Die eerlike en onopgesmukte kos, uit Koelsoem Kamalie en Flori Schrikker se kombuise in Bonteheuwel, het Suid-Afrikaners geheel en al betower. Die boek is by toonaangewende boekwinkels en by www. lapa.co.za beskikbaar ELIZE SAVAGE VAN KRAAIFONTEIN IS ONS WENNER VANDEESWEEK MEUBELS MET SKRAPE Smeer bruinasyn en olie liggies met jou vinger aan skrape op donker meubels en gebruik witasyn en olie vir ligte meubels. KEER DAT STAALWOL ROES Sit staalwol in ’n plastieksakkie in die vrieskas as jy dit nie…

HOENDERPASTEITJIES 18 pasteie van 8 cm PASTEI 500 g koekmeel 10 ml (2 t) bakpoeier 250 g botter, gevries 1 eiergeel 30 ml (2 e) brandewyn 250 ml (1 k) koue sodawater VULSEL 500 g hoender 500 ml (2 k) water 1 ui, fyngekap 2 repe spek, gesnipper 15 ml (1 e) botter 30 ml (2 e) koekmeel ½ blokkie hoenderaftreksel, gekrummel 2,5 ml (½ t) mosterd 30 ml (2 e) mayonnaise 15 ml (1 e) gekapte pietersielie 1 eier, geklits 1 Pastei Sif meel en bakpoeier. Gooi dun lagie meel in groot mengbak. 2 Verdeel botter in vier stukke. Rasper eerste deel botter op laag meel. Gooi weer lagie meel en rasper volgende stuk botter. Hou aan tot al die meel en botter gebruik is. Botter moet goed tussen…

Soms dink ek ons vroue is op die aarde geplaas om skuldig te voel. Wees nou eerlik met jouself, is daar nie op enige gegewe tyd van die dag, en nag indien jy soos ek ’n swak slaper is, een of meer ding waaroor jy skuldig voel nie? Ek kan aan meer dinge dink waaroor ons skuldig voel as wat daar kalorieë in ’n lemon meringue is. Ons voel skuldig omdat ons ongeduldig met ons kinders is, nie genoeg aandag aan ons geliefdes gee nie, te veel klere koop, te min oefen, te veel TV kyk, nie genoeg doen vir minderbevoorregtes nie, te veel sjokolade eet, te veel skinder, die lys is eindeloos. En dis maar net die oortjies van die seekoei. Ons skuldgevoelens kry vinniger kleintjies as ’n konyn,…

Dis net ná die middaguur wat ons by Beaumont Wines indraai. Ons parkeer en sien ’n bruidsgroep in die tuin. Terwyl die bruid vir die fotograaf poseer, speel klein blommemeisies met kransies in hul hare uitgelate in die tuin, hul krulle wippend in die wind. Strooimeisies probeer vergeefs om hulle stil te hou sodat hulle teen die formele troutyd nog skaflik lyk! Ons gaan sit op die stoep voor die proelokaal en ontmoet vir Lynn Lebona, die proelokaalbestuurder, wat met ons gesels en alles oor die wyne vertel. Beaumont het die streek se oudste wingerde, met chenin en pinotage, wat 42 jaar oud is. Lynn het te vertelle dat die wynmaker Sebastian Beaumont, ’n lid van die Kaapse Wynmakersgilde, algemeen as die streek se chenin-ghoeroe beskou word. Daar is soveel…

Moderne kuns, spesifiek die kuns van die eerste helfte van die 20ste eeu, het in ’n hele paar gedaantes verskyn: dink maar aan die Kubisme, Fauvisme, Ekspressionisme, Futurisme, aan Dada en die Surrealisme. En ná die Tweede Wêreldoorlog die triomfantelike Abstrakte Ekspressionisme in Amerika. Dit was asof jare se kuns ná die oorlog skielik in die VSA ’n nuwe bewussyn en selfvertroue gekry het. Maar dit was ook die begin van die postmoderne era wat aan al wat sekerheid was, begin torring het. Waarhede wat jare lank sonder meer aanvaar is, is met geesdrif bevraagteken. Die tweede helfte van die 20ste eeu was die jare van pluraliteit, die einde van hiërargie en relatiwiteit (party mense sou sê relativisme). Hoe ook al. Dit was Pop (afgelei van populêr) wat, kop in…

Die jong seun was op die punt om matriek klaar te skryf. Dit was die gebruik in dié welgestelde buurt vir ouers om vir hul kinders ’n kar te koop as hulle klaar matriek geskryf het. Die pa en seun het maande lank na die regte kar gesoek en ’n week voor hy met matriek klaar was, het hulle die perfekte kar gekry. Op die vooraand van sy laaste vraestel het sy pa vir hom ’n Bybel gegee in plaas van die kar se sleutels. Die seun was so woedend dat hy die Bybel neergegooi en uitgestorm het. Pa en seun het mekaar nooit weer gesien nie. Sy pa se dood het hom weer huis toe gebring. Terwyl hy deur sy pa se goed gaan, kom hy weer op die…

• BEL RAMSAY MEDIA by 0860 100 123 (plaaslik) of +27 (0)21 530 3384 (internasionaal) KREDIETKAARTBESONDERHEDE en virDEBIETORDEROPSIES • SMS die woorde‘CAXTONVK’ na 40573 (R1,00 per SMS) • STUUR ’N FAKS na 086 670 4101 met jou besonderhede van hernuwing of intekening • SKRYF IN OP ONS WEBWERWE www.vrouekeur.co.za/www.magsathome.co.za • STUUR ’N E-POS na subs@magsathome.co.za • POS ’N TJEK uitgemaak aan RamsayMedia Subs en stuur dit saam met ’n brief en jou besonderhede van hernuwing of intekening na: Vrouekeur-subskripsies, Vrypos CBO209, Posbus 596, Howard Place, 7450 • Doen ’nELEKTRONIESE OORBETALING of betaal met ’n DIREKTE DEPOSITO Rekeningnaam: RamsayMedia Subs Bank: Nedbank Takkode: 12320900 Rekeningnommer: 1232073059 BELANGRIK! Gebruik jouVAN en SUBSKRIPSIENOMMER of jouVAN en SELFOONNOMMER as verwysing met ’n elektroniese betaling of direkte deposito en faks dit met jou betalingsbewys en…

‘Ek is ongelooflik dankbaar vir al die geleenthede wat ek tot dusver gekry het en is trots daarop dat ek dit reggekry het om steeds Emo te bly’ Een van die Kaap se bekendste uitvoerprodukte is ’n kunstenaar genaamd Emo Adams. Hy het op negejarige ouderdom sy eerste treë in die vermaaklikheidswêreld gegee as ’n weeskind in die produksie District 6: The Musical en oor die volgende drie dekades het hy sy stempel met mening in die bedryf afgedruk. Dié sanger, akteur en TV-persoonlikheid het intussen twee nuwe titels gekry, dié van pa en meer onlangs ook dié van vervaardiger. En ja, beaam hy, wel met ’n breë glimlag, sy dagboek lyk wilder as ooit. Met ons geselsie is hy reeds die trotse nuwe pa van seun nommer twee, Ziah…

CHRIS SE KEUSE Die vakansiedae is hier en ons kan nadink oor die verloop van 2017 en wat nog vanjaar vir ons voorlê. Die ideale metgesel is natuurlik ’n klassieke MCC, soos die Rickety Bridge Rosé MCC van die skilderagtige Franschhoekvallei. Aanvanklik was Rickety Bridge deel van die groter La Provence-landgoed wat aan Franse Hugenote toegeken is. Wynmaak op die plaas dateer van die 18de eeu toe die eerste eienares, die weduwee Paulina de Villiers, met wingerdbou begin het. Die super-premium reeks wyne is na haar genoem. Vir dié MCC is alle druiwe van Franschhoek afkomstig – die chardonnay (48%) van die berghellings en die pinot noir (52%) van die oewers van die Franschhoekrivier. Vergisting word gedeeltelik in klein Franse eikehoutvate en in vlekvryestaaltenke gedoen. Veroudering vind vir ses maande…

MA SE PATATS 6–8 porsies 4 patats, in 1 cm-skywe gesny 80 ml ( 1/3 k) botter, gesmelt 5 ml (1 t) fyn kaneel 30 ml (2 e) suiker 1 00 g (1 pakkie) gemmerkoekies, grofgekap 125 ml (½ k) room Stel oond op 180 °C. 1 Pak helfte van patats op bodem van glasoondbak. 2 Meng botter, kaneel en suiker en smeer oor patats. 3 Pak laag koekies bo-op patats. 4 Pak nog ’n laag patats, smeer met botter. 5 Gooi room oor patats. 6 Bak vir 30 minute of tot patats gaar en goudbruin is. BIEFSTUK MET GEDROOGDE PERSKES 6–8 porsies 1,3 kg binneboud (topside-biefstuk) bietjie olie 10 ml (2 t) fyngekapte tiemie 10 ml (2 t) fyngekapte pietersielie 10 ml (2 t) growwe sout 5 ml (1…

Vreemd hoe toeval en die poskantoor dikwels sinoniem met mekaar is. Albei albums waarna ons vandeesweek luister, het “verlore” geraak. En toe dit uiteindelik op Oppinoot se lessenaar beland, was albei CD-kassies gebreek. Gelukkig nie die inhoud nie, want dit vertel juis van genesing, hoop, liefde en geloof. Onbreekbaar ... JOE NIEMAND LOOF VRYHEID Die bekroonde liedjieskrywer-sanger Joe Niemand se jongste album, Vryheid (NoMansLand), is ’n musikale loflied aan vryheid: ’n soeke na die hart van die Afrikaner. “Ek dink ons het ’n deel van ons verloor. Ons ken nie meer die mooi, die goeie, die lieflikheid van ons kultuur nie,” sê hy. “Die identiteit van ons mense is iets waaroor baie in hierdie tyd verward is. Die boodskap van vryheid is om die mooi in ons mense en ons…

WAT HET JY NODIG? Vir pienk deken 6 pakke BLUE LABEL 3XL (400 g) in Dusty Pink Vir beige deken 10 balle CHARITY MEGA CHUNKY (300 g) in Gravel LET WEL: Vir beige deken word twee drade saam gebruik 35 mm-naalde GROOTTE Pienk deken 170 cm x 130 cm Beige deken 200 cm x 150 cm AANWYSINGS Vir pienk deken Stel 40 ste op en werk in ks tot breidraad op is (hou net genoeg oor om mee af te eindig). Heg af. Vir beige deken Met twee drade saam stel 40 ste op en werk in ks tot werk sowat 2 m lank is. Heg af. Bestel Blue Label-breidraad by Vaal Craft teen R110 per pak. Prys sluit aflewering uit. Stuur ’n e-pos na knit@telkomsa.net  of brei@telkomsa.net en…

WEEKLIKSE OPWINDING Ek is ’n “jong” 81-jarige wat nie vir Woensdae kan wag wanneer die Vrouekeur hier by ons op die rak verskyn nie. Of daar fout met my is, weet ek nie, want ek begin altyd die tydskrif van agter af lees. Eers is dit Sofia, wat die lag en humor in my lyf sit, dan volg ds Janine, wat weer krag en inspirasie vir die week gee, en dan kom die blokkiesraaisels aan die beurt. Ek sit die tydskrif nie neer voor al die leidrade gevind en die blokkies ingevul is nie. Daarna kan ek die res van die tydskrif lees – soms met trane in my oë, en dan kan ek net vir ons Hemelse Vader dankie sê vir my gesondheid. Baie dankie aan almal wat so…

DIT IS VIR MY ’N VOORREG OM OP DIE LEWE SE AFDRAAIPAAIE TE REIS “Gaan jy nou wraggies weer uit ’n koek spring?” wil Johan Bakkes se kunstenaarvrou, Nanna, weet elke keer as hy iewers optree. In die boekewêreld waar sommiges lyk asof hulle ’n laaistok ingesluk het, is Johan soos ’n vars bries. Onkonvensioneel. Informeel. Sonder pretensie. Sonder vertoon. Al is hy ’n hooggeleerde professor by die Wes-Kaapse universiteit. Wat jy sien is wat jy kry. ’n Indrukwekkende, lang figuur met die kenmerkende velhoed, los hemde, kleurryke armbande en Simson-lokke. Hy huiwer nie om op ’n Sondagoggend met ’n bottel wyn by die Prins Albertleesfees op die verhoog te klim as hy oor sy jongste boek, Openbaring, gesels nie. Ook so by die Woordfees. “Ek is die mees onbekroonde…

MY MA SÊ ALTYD, WAT DIT OOK AL IS WAT EK WIL DOEN, DÁÁR WAAR MY PASSIE LÊ, DÍS WAT EK MOET DOEN Daar is gewaarsku dat sy blind en doof sou wees en met beenstutte sou moes leer loop. Vandag ry sy perd, is ’n Suid-Afrikaanse atleet en haar stem laat harte smelt. Mark en Franky Lekas staan soms verstom oor hul krulleboltiener en sê sy is eenvoudig larger than life. Luister jy na ’n sangopname van die 13-jarige Dirja, moet jy fyn luister. Is dit sy, of is dit Cher of dalk Christina Aguilera? Nee wraggies, kyk dan maar self na video-opnames op die internet of beter nog, probeer haar in lewende lywe op ’n verhoog te siene kry. Daar word nie verniet gesê sy “sing soos ’n…

As kind het Ric baie tyd in die buitelug deurgebring en alles wat die natuur kan bied met ontsag bewonder. Reeds as jong kind was teken sy groot liefde. Hy onthou as sy ouers in die sitkamer gesit en lees het, het hy gesit en teken. Op skool is Ric herhaaldelik voor stok gekry omdat onderwysers nie wou glo dat die sketse wat hy gemaak het, sy eie werk was nie. In graad 2 moes hy vir huiswerk ’n motor teken vir ’n taak oor vervoermiddels. Omdat hy daardie tyd op ’n Mercury Cougar versot was, het hy dié voertuig noukeurig by die huis gaan teken. Die volgende dag het die onderwyseres hom vorentoe geroep en uitgetrap. Sy wou van die klas weet of hulle saamstem dat dit nie sy…

SOEK JY ’N KAGGEL? Wanders Fires & Stoves is gehalteprodukte wat in Nederland gemaak en is nou in Suid-Afrika beskikbaar. Daar is iets vir elke smaak – van ’n tradisionele tot ’n moderne voorkoms. Die Black Pearl (foto) kos ongeveer R49 995, www.woodstovefireplaces.co.za SLAAP SAG Jy sal alte lekker op Volpes se Vintage-katoenlinne slaap. Dié linne word saam met natuurlike en mensgemaakte stene gewas, wat dit ’n “uitgewaste”, dog sagte gevoel gee. Jy kan dit ophang of tuimeldroog en daar is geen rede om dit te stryk nie. Beskikbaar in wit, room, grys en sagte blougroen (duck egg), vanaf R799, www.volpes.co.za PAASTYD IS OOK SMULTYD Geniet heerlike Paasbolletjie-beskuit wat met die lekkerste uitgesoekte vrugte gegeur is, R59,95, Woolworths BEDERFGESKENK Gee ’n pragtige én lekker bederf vir ’n vriendin met Poetry…

Die slothoofstuk van Hermann Giliomee se outobiografie dra die titel “Om trots én skaam te wees”. In ’n sekere sin sou dit ook ’n gepaste titel vir die outobiografie as geheel kon wees. Sy lewensverhaal bied ’n boeiende blik op die nagenoeg 80 jaar van sy eie lewe, maar ook op ’n veel langer geskiedenis van die land – en spesifiek ook op die Afrikaner wie se geskiedenis een is om op trots te wees, maar waaroor ’n mens tegelyk ook skaam kry. Hermann Giliomee se outobiografie is veel meer as ’n persoonlike geskiedenis, as die storie van sy lewe. Eintlik is sy outobiografie ’n persoonlike blik op die geskiedenis van Suid-Afrika soos wat hy dit eerstehands beleef en ook as historikus nagevors het. Telkens vorm ’n bepaalde historiese gebeurtenis…

Laat op ’n Maandagaand sink Annika Heyns dromend in ’n warm bad weg. ’n Wolk skuim stoot om haar op. Kerse flikker teen die badkamerteëls en die geur van laventel dryf sag op die stoomwolkies bo die bad. Sy teug aan die salige glasie wyn in haar hand. Dit is haar bederf ná ’n harde dag. Iets wat sy vir haarself doen. Skuimbad, kerse en wyn is die laaste ding waaraan haar man, Jaco, sou dink. Daarvoor het hierdie huwelik al te ver paaie geloop. Sy moet darem toegee, Jaco was aan die begin van hul verhouding nog op sy stukke, maar deesdae is ’n aand by die huis met Steers-hamburgers vir hom romanties. Annika rol haar oë. Jaco is meestal goed vir haar, maar soms is hy regtigwaar toe…

MINIMALISTIES MODERN Vir ’n kontemporêre badkamer werk skoon lyne en spierwit saam met ’n dramatiese aksentkleur. Tydlose Metro-teëls is hier gebruik. Kontras gee ’n vars, grafiese effek. Minimalistiese mengkrane komplementeer die voorkoms en met die hand uitgesoekte bykomstighede rond die prentjie af. BADKAMER-ELEMENTE MURE Wit en swart afgeskuinste Metroteëls, beskikbaar van Northern Wholesale Tiles SPIEËLKAS Ingebou WERKOPPERVLAKTE Houtskool-graniet VLOER Teëls van CTM SANITÊRE WARE Alles van Sanitary Centre KRANE Cobra-krane van Sanitary Centre LIGTE Gesonke ligte DEKORBYKOMSTIGHEDE Afgeskuinste klassieke spieël. Soortgelyke spieëls is by @home en MRP Home te kry. ’n Speelse versameling badeendjies is van oral oor die wêreld versamel. Handdoeke met patrone is van MRP Home. INDUSTRIEEL Die tydlose travertynbadkamer het nou ’n meer industriële voorkoms te danke aan die geelkoperkrane, stortkop en ander bykomstighede. Goud en geelkoper…

RAADOP NÁ MA SE DOOD Ek is in graad 9 en moes as gevolg van my ma se dood graad 8 oordoen. My ma is drie jaar gelede aan kanker oorlede en my pa is elke aand gedrink. Ek wil my lewe regruk, maar dit voel of ek op ’n afgrond afstuur. Wat kan ek doen om beter te voel en meer op my skoolwerk te fokus? Ek is bekommerd dat ek hierdie jaar nie gaan maak nie. My ma was my alles. – Raadop Dit kom vir my voor of jou huislike omstandighede en ook die verlies van jou ma ’n groot impak op jou funksionering het. Met die beperkte inligting wat jy verskaf, kan ek aflei dat jou pa se rol onstabiel is en dat jy meer struktuur…