Innholdsfortegnelse for 7 April 2017 i Vrouekeur

Ek is elke week opgewonde oor die uitgawe wat ons drukkers toe stuur. Uiteraard hoop ons dit wat ons vir ons lesers aanbied, maak hulle ewe opgewonde. Hierdie week is dit Shanda Luyt se gesprek met die kunstenares Sandra Pelser en Nicolas de Beer, ons nuwe verfghoeroe, wat ons stap vir stap wys hoe om nuwe lewe in ’n ou meubelstuk te blaas, wat my noop om iets oor kreatiwiteit te sê. Ek het omtrent ’n jaar gelede van Sandra se werk op Facebook raakgesien, onmiddellik daarvan gehou en geweet ons moet hierdie vrou wat vroue verf aan ons lesers voorstel. En Nicolas het ek en my dogter raakgeloop toe ons een Saterdag ’n werkswinkel by sy studio bygewoon het. Dit was soveel pret dat ek besluit het om ander…

Kokkedoortjie volg dieselfde wenresep as sy volwasse voorgangers, maar daar is ’n klein verskil: Die deelnemers is tussen tien en 14 jaar oud. Kokkedoortjie se tien jong deelnemers wat hul kookvaardighede op die proef gaan stel, kom van regoor Suid-Afrika, van Kempton Park tot Daniëlskuil en is: Mikael Morkel (10) van Centurion, Thali Hugo (11) van Wellington, Jarique Eilers (12) van Daniëlskuil, Klaredy van Wyk (11) van Hartbeespoort, Ian Grobler (13) van George, Christian Cloete (11) van Raithby, Dean Barnard (12) van Kempton Park, Christi Myburgh (14) van Bloemfontein, Edwin Theron (12) van Worcester en Mia Grobler (13) van Lynn-wood. kykNET en die vervaardigers, Home-brew Films, het in Augustus verlede jaar oudisies gedoen en die reeks is van Oktober in ’n splinternuwe ateljee by Atlantic Studios in Milnerton,…

’N KENNER GEE RAAD Nicole Sherwin van Eco Diva noem waarna om op die uitkyk te wees in teenverouderingsprodukte. “As jy die natuurlike roete wil volg om plooie te beveg, is dit belangrik om te weet watter natuurlike bestanddele die beste voordele vir jou vel bied. Jou liggaam en selle herken die molekulêre struktuur van natuurlike formules van veroudering en verstaan die sinergistiese werkings daarvan. Dus is daar minder kans vir verwerping van natuurlike bestanddele. Kollageen, elastien, antioksidante (soos vitamien A en E ) is belangrike bestanddele. Wees ook op die uitkyk na produkte met klapperolie, galambotter en kakao botter . Hulle is goeie genesers en bevat teenverouderingseienskappe.” Loer op www.ecodiva. co.za  om meer van hierdie produkreeks te leer. JOU TEENVEROUDERINGSWOORDEBOEK ALFA-HIDROKSISUUR soos glikolsuur en melksuur.…

KLASSIEKE KITAAR Die bekende klassieke kitaarspeler Goran Krivokapi ć sal op 23 April by Foxwood House in Houghton, Johannesburg, optree. Kaartjies kos R135 vir slegs die vertoning om 15:00. Daar sal ook ’n buffetete vanaf 12:30 teen R220 per persoon beskikbaar wees. Besoek www.foxwood.co.za  vir meer inligting PAASFEES BY BOSCHENDAL Boschendal-wynlandgoed in die Franschhoek-vallei bied van 14 tot 16 April heerlike Paasaktiwiteite aan. Daar sal die naweek onder meer ’n Paaseiersoektog, ’n piekniek, ’n driegangmaaltyd en ’n tradisionele Paasfees-buffetete plaasvind. Lees meer by www.boschendal.co.za  en bespreek by reservations@boschendal.co.za of 021 870 4274 KUNS IN DIE KAAP Die openbare kunstefees Infecting the City is vanjaar reeds in sy tiende jaar en sal van 5 tot 8 April in Kaapstad besoek kan word. Die vertonings is gratis sodat almal…

CHRIS SE KEUSE Al die verskillende kultivars laat ’n mens soms verward na die wynrakke staar. Hoewel die meeste kultivars oorspronklik van Frankryk kom, word daar al hoe meer Italiaanse, Spaanse en Portugese kultivars aangeplant. Ons vergeet nou maklik van die druifsoorte wat al jare lank gebruik word en van die aanvanklike staatmakers in die bedryf was. Een van hulle is die rieslingdruif van Duitsland, wat as dié adellike wit kultivar beskou word. Vir baie jare is ’n Franse druif, crouchen blanc, met die egte riesling verwar. Sedert 2012 word die naam “riesling” net vir die Duitse druif gebruik, terwyl die ander as Cape riesling bekend staan. Nederburg is die grootste vervaardiger van riesling in Suid-Afrika. Die druiwe vir hul 2016-riesling is van die Paarl, Stellenbosch en Durbanville afkomstig. Die…

MEXIKAANSE PASTASLAAI 4 porsies 500 g skroefpasta 30 ml (2 e) olie sout bietjie olie 1 ui, gekap 1 rooi soetrissie, in blokkies gesny 5 ml (1 t) fyn knoffel 500 ml (2 k) bevrore mielies 420 g (1 blik) rooibone, gedreineer 250 ml (1 k) suurroom 125 ml (½ k) tamatiesalsa (gebottel) handvol vars koljanderblare 1 Kook pasta in baie water met olie en sout tot net gaar. Dreineer en hou eenkant. 2 Verhit olie en braai ui tot sag. Voeg soetrissie en knoffel by en braai effe. 3 Voeg mielies en rooibone by en braai effe tot mielies ontvries is. Haal van hitte af en hou eenkant tot afgekoel. 4 Meng suurroom en tamatiesalsa. 5 Meng pasta, mieliemengsel en suurroommengsel. Snipper vars koljanderblare by. HASSELBACK-ROOMSPINASIEHOENDER 4 porsies 15…

Vier en ’n half uur. Ek loer vir die duisendste keer na my horlosie en korrel dan son toe. Dis bloedig warm, en nog is het einde niet. My bene brand soos vuur en ek vermoed my kleintoontjie sal geamputeer moet word. 50 km. 60 km. 70 km. En hoekom, vra jy, bevind ek my kniediep in die 94.7-fietswedren op ’n stokou, loodswaar bergfiets? Is ek dan nie dieselfde mens wat as matriekmeisie meer geweeg het as ’n deursnee-rugbyslot nie? Die einste. Is ek nie die boekwurm extraordinaire wat ’n pak koekies so vinnig soos ’n Jane Austen-boek kon verslind nie? So vanwaar, Gehasi? Staan iemand langs jou met ’n geweer teen jou kop? O, nee. Soos met alle groot moeilikheid in die lewe, is die oorsaak van my smarte…

Die gil van Edvard Munch is een van die ikoniese skilderye van die 20ste eeu. Ikonies in die sin van beroemd, ja, maar meer met die betekenis van ’n beeld of beeltenis wat eerder uitbeeld as afbeeld. Vir baie mense het dié skildery die uitbeelding van 20ste-eeuse waansin en ontgogeling geword. Dit is ’n beeld wat wyd bekend is in populêre kultuur en in talle reproduksies voortleef. Die Noorweegse skilder Edvard Munch het vier weergawes van Die gil gemaak – twee in olie en twee in pastel. Die eerste van dié weergawes is in pastel (1893) en in dieselfde jaar het Munch die olie-weergawe gemaak. In 1895 is nog ’n pastelweergawe gemaak en in 1910 een in tempera. Dit was dié tempera-weergawe wat in 2004 uit die Munch-museum…

Vandag is een van daardie dae wat sy geen twyfel het nie. Sy weet sy moet aftree. Eintlik moes sy dit lankal gedoen het. Wat soek ’n vrou van sestig nog in die onderwys? Die salaris is power, die eise hemelhoog en die kinders vrek stout. “Bly stil! Gerhard, hardloop gou en kry vir my die groot krambinder in die kantoor. Melissa en Carin, is jul opstelle klaar? Ordentlik geredigeer? Nie? Nou hou dan op gesels en maak klaar. Bouwer, jy eet al weer! Vee die krummels van jou bank af en bêre daardie trommel!” “Juffrou, wat is ’n trommel?” “Jannes, jy is in graad 11 en jy ken nie die woord trommel nie? Ek glo dit nie! Jy het nie die woordeskat van ’n kombuisvlieg nie. ’n Trommel is…

MOEILIKHEIDSGRAAD: BENODIGDHEDE Oorskiet Vinnis Nikkim 100% katoen DK (50 g-bolle) in kleure van jou keuse 3 mm-hekelpen Naald met groot oog Klein veelkleurige pom-pons en klein bietjie stopsel T akkie-krans met binnedeursnee van ongeveer 28 cm Lint AFKORTINGS EN STEEKVERDUIDELIKINGS  beg = begin, dies = dieselfde, driesl = drieslagsteek, gp = groep, gs = glipsteek, h/af = heg af, herh = herhaal,kb = kortbeen, ks = kettingsteek, lb = langbeen, rdte = rondte, RK = regte kant, sp = spasie, st = steek, tes = tesame, VK = verkeerde kant, vlg = volgende. SPYKERSTEEK: 1 Steek die pen in steek wat deur die patroon aangedui word. 2 Slaan die draad oor die pen en trek die lang lus na die voorkant toe deur. 3 Voltooi die steek soos gewoonlik. Moenie…

Jy gee nogal heelwat van jouself weg met die dinge waarmee jy jou vereenselwig. Die musiek waarna jy luister, die flieks waarna jy kyk, die boeke wat jy lees, die radiostasie waarna jy luister, die dinge wat teen jou yskas opgeplak is en die goed wat in jou kar rondlê, verklap baie omtrent jou. Enig iets waarmee jy jou vereenselwig, sê wie jy is, en so ook jou vriende. ’n Mens kan nogal baie oor ’n persoon aflei deur te kyk met wie hy of sy assosieer. Dit bring ons by Jesus. As jy in die tyd van Jesus moes geleef het, hoe naby sou jy graag aan Hom wou beweeg? Sou jy eerder alles vanaf ’n veilige afstand wou dophou, of sou jy met Jesus te doen wou gehad…

• BEL RAMSAY MEDIA by 0860 100 123 (plaaslik) of +27 (0)21 530 3384 (internasionaal) KREDIETKAARTBESONDERHEDE en vir DEBIETORDEROPSIES • SMS die woorde‘CAXTONVK’ na 40573 (R1,00 per SMS) • STUUR ’N FAKS na 086 670 4101 met jou besonderhede van hernuwing of intekening • SKRYF IN OP ONS WEBWERWE www.vrouekeur.co.za/www.magsathome.co.za • STUUR ’N E-POS na subs@magsathome.co.za • POS ’N TJEK uitgemaak aan RamsayMedia Subs en stuur dit saam met ’n brief en jou besonderhede van hernuwing of intekening na: Vrouekeur-subskripsies, Vrypos CBO209, Posbus 596, Howard Place, 7450 • Doen ’nELEKTRONIESE OORBETALING of betaal met ’n DIREKTE DEPOSITO Rekeningnaam: RamsayMedia Subs Bank: Nedbank Takkode: 12320900 Rekeningnommer: 1232073059 BELANGRIK! Gebruik jouVAN en SUBSKRIPSIENOMMER of jouVAN en SELFOONNOMMER as verwysing met ’n elektroniese betaling of direkte deposito en faks dit met jou betalingsbewys…

“Ek skilder nie krone nie, want ons almal dra ons krone in ons harte. Maar die oë vertel alles. Diep in jou oë, daar lê jou hart-seer. Jou hele lewensverhaal. Kyk diep in jou vriendin se oë en jy sal dit raaksien.” Sandra is ’n emosiemens, ingestel op hoe ander mense voel en dink. “Ek kyk diep na mense,” verduidelik sy haar vroutjieskilderye. “Ek is ’n vrou. Ek verf vroue. Hulle het iets aanskouliks wat my uitnooi om hul innerlike skoonheid vas te vang. Dit is asof ons saam betowerend skep.” Sandra en haar man, Neil, woon op Knysna, waar sy al letterlik honderde olieverfskilderye van vroutjies voltooi het. Maar die lewe het eers met haar ander paaie geloop voor sy haar passie kon uitleef ... VAN KLEINS AF ’N…

As jy ’n loopneus, krapperige keel, kopseer of omgekrapte maag het, kan jy by enige apteek of supermark instap en medisyne van die rak af koop om jouself te dokter. Jy doen dit omdat jy dalk nie tyd het om dokter toe te gaan nie, of jy weet al wat werk vir jou krapperige keel. Daarby is jou seun se knieë elke week nerfaf geval en jy sien nie die nodigheid om elke keer geld aan ’n doktersbesoek af te staan nie. Daar is niks mee fout nie, want die medisyne op die rakke is goedgekeur en gerieflik sonder dat jy ’n voorskrif van ’n dokter nodig het. Dit spaar jou doktersonkoste en gee jou meer beheer oor die versorging van jou en jou gesin se gesondheid. AL GEWILDER In…

Dis hoe jy jouself benadeel as jy jou nie soms eerste stel nie: JY VERWAARLOOS JOUSELF Vloerlappe staan min tyd daaraan af om na hul gesondheid om te sien. Hulle doen soveel moeite om ander mense te versorg dat hulle nie tyd het om aktief te wees, van stres ontslae te raak of gesonde etes voor te berei nie. PASSIEWE AGGRESSIE EN VERWYT People pleasers sal waarskynlik mettertyd verwyte en ’n stille woede teenoor die mense in hul lewens ontwikkel. Hul begeerte om ander mense te help, sal die woede onderdruk, maar onderdrukte woede sit dikwels in passiewe aggressie om. VERMINDERDE VERMOË OM MENSE EN AKTIWITEITE TE GENIET ’n Ma van twee seuns erken dat sy dit nie geniet om haar seuns se sportgeleenthede by te woon nie. Sy voel…

Die Parlement is ’n nuwe vermaaklokaal by die KKNK van 8 tot 15 April en daar bied die sittings inderdaad ontwrigtende vermaak! “Satire is ’n literêre vorm van kuns waar met die onderwerp gespot word deur van humor, ironie en sarkasme gebruik te maak om sodoende veranderde sosio-politiese perspektiewe teweeg te bring,” sê Wolf Britz, die regisseur van Piekniek by Mpande, néé Dingaan. Dié Feesforumproduksie (US Woordfees) sluit vlugtig by die omstrede 1981-pro-teskabaret Piekniek by Dingaan aan wat die Afrikaanse establishment in sy spoeg laat stik en die kunstelandskap ingrypend verander het. Oor wat die gehoor van die nuwe stuk kan verwag of dalk juis nie kan verwag nie, sê Wolf: “Ek het ongelukkig nie outoriteit oor die publiek se verwagtinge nie. Verwagtinge is subjektief en ek dink dit behoort…

ROSYNTJIEBROOD 2 broodjies 875 ml (3½ k) witbroodmeel 45 ml (3 e) strooisuiker 5 ml (1 t) gemengde speserye 5 ml (1 t) kaneel 5 ml (1 t) sout 1 lemoenskil, fyngerasper 1 pakkie kitsgis 80 ml ( 1/3 k) gesmelte botter 250 ml (1 k) louwarm melk 1 groot eier 250 g pakkie vrugtekoekmengsel GLASUURSEL 60 ml (¼ k) melk 60 ml (¼ k) suiker Verhit oond tot 180 °C en smeer twee broodpanne van 10 cm x 25 cm met botter. 1 Meng meel, strooisuiker, gemengde speserye, kaneel, sout, lemoenskil en gis. 2 Meng botter, melk en eier. 3 Voeg eiermengsel by meelmengsel en knie vir 10 minute tot glad en elasties. Bedek met kleefplastiek en laat rys tot dubbelvolume. 4 Voeg vrugtekoekmengsel by en knie in deeg…

Feesgangers kan vanjaar na ’n verskeidenheid van musiekproduksies uitsien. Hier is Oppinoot se keuses: Begin jou feeservaring op 8 April om 14:00 by die Absa Burgersentrum saam met Coenie de Villiers. Hy span kragte saam met Deon Meyer, Jaconell Mouton (klavier), David Klassen (perkussie) en Mauritz Lotz (kitare) vir Karoo Suite – met musiek van Coenie se skitterende album Emoji – én die Karoo Suite, ’n werk wat struktureel op Vivaldi se Vier Seisoene geskoei is. Coenie het die musiek gekomponeer en die internasionaal-erkende skrywer en fotograaf Deon Meyer het met die teks gehelp. Deon se asemrowende fotografie word ’n agtergrondtafereel vir dié multimedia-viering. Karen Zoid en die Gereformeerde Blues Band trek ’n kontemporêre baadjie vir Johannes Kerkorrel en die Gereformeerde Blues Band se ikoniese protesalbum Eet kreef aan. Herleef…

Varings het die stigma van plante in verfblikke op stoepe ontgroei en die meer as 10 000 spesies is deesdae gewild as fokusplante (veral boomvarings) sowel as vullerplante in skaduryke beddings. Boonop is varings nie moeilik om te kweek nie – solank gedeeltelike skadu en volop water deel van die versorging is. Varings is dus ideaal vir die skadukolle onder bome waar min ander plante gedy. Omdat varings vogtige omstandighede verkies (soos in die natuur) aard dié plante goed in die omgewing van waterpoele en visdammetjies. VERSORG JOU VARINGS Só Die ideale aanvulling vir varings is ’n samestelling van drie dele verrotte leem met volop vesel gemeng met een deel elk blaarmolm, ingevoerde veenmos en riviersand. By elke kruiwagvrag van dié mengsel kan jy twee koppies beenmeel of twee koppies…

MOENIE KANSE VERSPEEL Besef ons werklik hoe kort die lewe in der waarheid is en dat ons nie kan sê: “Môre sal ek dit of dat doen” nie? Môre kan dalk nooit aanbreek nie! As jy vreugde wil versprei, moet jy dit nóú doen. Indien jy vir iemand wil dankie sê, is nou die regte tyd. Daar is baie mense wat na jou omgee smag. Soms is net een SMS nodig. Soms kan net daardie een vriendelike oproep ’n groot verskil in iemand se dag maak. Is dit die rose eendag op die graf, of die rose vandag wat die grootste impak het? Ons stel gedurig uit totdat die boodskap kom … daardie persoon is nie meer in die lewe nie. Benut elke geleentheid elke dag. Moet tog nie uitstel…

E en van die belangrikste elemente in enige maatskappy is goeie spanwerk. Elkeen moet op sy of haar sterk punte kan fokus en sonder twis en onenigheid saamwerk om dit ’n sukses te maak. Soveel te meer wanneer familie saam ’n onderneming het of saamwerk. TWEE SUSSIES WAT NIE VIR RISIKO’S SKRIK NIE Christine Buchanan en Louiza Rademan verskil twee jaar en twee dae en hulle was nog altyd baie ná aan mekaar. In 2010 het dié twee sussies kragte saamgesnoer en die omgewingsvriendelike Oh-lief op die been gebring. Oh-lief is die produk gebore uit die susters se liefde vir die natuur en hul behoefte om omgewingsvriendelike produkte te gebruik wat nie skadelik vir die vel of omgewing is nie. Toe Christine swanger was met haar seuntjie, Liam, was sy…

WENBOEKE April-wenners wen Koelsoem Kamalie en Flori Schrikker se splinternuwe boek Soettand. In Soettand deel hulle poedings en soetgebak wat dekades lank al familiegunstelinge is, soos Ouma Rose se doekpoeding, ’n onderstebo-tert, potpoeding, Maleise koesisters, bobaas-bollas, Yuwin se waatlemoenysies, gemmerpoeding, broodpoeding met ’n verskil, Hertzoggies en die beroemde tweegevrietjies. Die eerlike en onopgesmukte kos, uit Koelsoem Kamalie en Flori Schrikker se kombuise in Bonteheuwel, het Suid-Afrikaners geheel en al betower. Die boek is by toonaangewende boekwinkels en by www. lapa.co.za beskikbaar ANNE VORSTER VAN GEORGE IS ONS WENNER VANDEESWEEK: • Plaas stukkies seep in jou kaste. Dit hou die goggas weg en die kaste ruik ook lekker. • As ’n skroef moeilik indraai (byvoorbeeld in hout), skuur die skroefdraad oor ’n stukkie droë seep. Dit “smeer” die skroefdraad en…

MOOI DEURSTOP Sorg dat deure nie toewaai nie met so ’n mooi deurstop wat van herwonne materiaal gemaak is. Vee met ’n klam lap af om skoon te maak. 23 cm x 20 cm x 20 cm, R219, www.yuppiechef.co.za Slaap soos ’n koningin Linen Drawer vervaardig luukse Egiptiese katoen met ’n 400-draadtelling waarop jy soos ’n droom sal slaap. Kies uit verskillende reekse met pryse vanaf R210 vir kussingoortreksels tot R1 359 vir duvetoortreksels.www.linendrawer.co.za LEKKER KOUD Maak perfek ronde 5 cmysblokkies met ’n silikoonvorm. Vul dit net met water, vries en draai los. Hierdie ysblokkies smelt ook stadiger, so drankies bly vir langer koel. Ook in groter vorms beskikbaar. Dit kan in die skottelgoedwasser gewas word. Vanaf R85,60, www.bankskitchenboutique.co.za SMEER EN GENIET Spar voeg nog ’n heerlike geur by hul…

Die verskyning van ’n nuwe Marita van der Vyver-roman is altyd ’n gebeurtenis. Haar talryke aanhangers sien sedert die wegholsukses van Griet skryf ’n sprokie en Die dinge van ’n kind telkens met groot verwagting na haar volgende boek uit. Misverstand stel nie teleur nie. Trouens, vir my verteenwoordig dit ’n vars hoogtepunt in haar oeuvre. Die humor en deernis, saam met die onverbiddelik eerlike blik op die wêreld en veral die ryk insig in menslike bestaan, word met haar bekende sprankel aangebied. Dit is ’n roman oor ouerword, oor die moeite om met jou mislukkings tot ’n vergelyk te kom en om, in die woorde van die sentrale karakter, Willem Prins, ’n mens se eie middelmatigheid te aanvaar. Willem Prins…

VOOR Nicolas de Beer van The Bamboo Palace in Johannesburg staan bekend as die “ furniture whisperer” en hy gaan een keer per maand vir ons stap vir stap wys hoe om met Granny B’s Old Fashioned Paint nuwe lewe aan meubels te gee. Dis makliker as wat jy dink en met dié verfghoeroe se hulp kan selfs diegene wat dink hulle het nie ’n ons kreatiwiteit nie, speel-speel ’n nuwe stokperdjie leer. Besluit vooraf watter kleure jy waar wil verf en watter jy bo-oor mekaar wil verf. Soos wat jy verf en selfvertroue kry, kan jy besluit om jou oorspronklike plan aan te pas. TYDSDUUR Vyf uur se verf (wag oornag voordat jy die seëlaar opsit) 1 Berei die meubelstuk voor deur dit eers oraloor met…

REKENAAR AS SIELKUNDIGE? Ek het onlangs gelees dat tegnologie alle beroepe begin oorneem. Ek sien al lank ’n sielkundige en het gewonder of tegnologie soveel gaan oorneem dat ek dalk eendag met ’n skerm oor my probleme gaan praat. Hoe moontlik is dit in die nabye toekoms? – Bekommerd Daar is reeds kubertegnologie wat as hulpmiddel vir “persoonlike” terapie gebruik word. In ander lande is terapie via Skype of ander platforms redelik algemeen. In die meeste sodanige gevalle word terapie gedoen nadat die terapeut aanvanklike kontak met die persoon gemaak het en dit geografies nie moontlik is vir terapie in lewende lywe nie. In die meeste lande is daar nog wetlike aspekte wat die volledige gebruik van kuberterapie beperk. Sekere vorms van instandhoudingsterapie en terugvoering via e-pos of teksboodskappe vind…