Innholdsfortegnelse for 17 March 2017 i Vrouekeur

Verlede week het ek na dinge verwys wat met ’n mens gebeur wat eintlik nietighede is en wat op ’n skaal van een tot tien blitsvinnig op nommer 10 regis treer. Maar ek het ook duidelik gesê ek praat nie van werklik ingrypende gebeure in die lewe waarmee ’n mens leer saamleef, maar waaroor jy nooit werklik kom nie. Dis met afgryse wat ons vyf en ’n half jaar gelede gelees het hoe Kim Mc-Cusker etlike meters ver onder ’n taxi gesleep is. Kim het nou ’n boek geskryf oor hierdie verskriklike ding wat met haar gebeur het en hoe dit haar lewe en haar geliefdes se lewens handomkeer verander het. Maryke Roberts gesels in hierdie week se uitgawe met haar. Daar is talle gesegdes oor teëspoed. Van hulle mag…

“D it sal ’n wonderwerk wees as mense tussen wat reg en verkeerd is, kan begin onderskei en daarvolgens lewe; as die land reg bestuur word; mense hulself meer respekteer en ophou om hulle met ander te vergelyk; en die osoonlaag weer sterker sal word …” Die Bellville-boorling Leani van Niekerk (néé Ekermans) of Laans, soos haar geliefdes en vriende haar noem en veral bekend as die gewilde en bekroonde sangeres en aktrise Leah, se lewenslied is juis die groep Journey se treffer Don’t stop Believing. Haar debuutalbum, Wonderwerk, wat onlangs goueplaatstatus bereik het, is die stempel op haar drome. Moenie dié blondekop onderskat nie. Sy is nie ’n poppie nie en sy laat nie mense oor haar loop nie. “Ek hou van kaalvoet wees en ek volg nie die…

Volgens dr Paul Palmer, ’n chiropraktisyn en verbonde aan die Health and Nutrition Portfolio for the South African Vegan Society, is ’n goedbeplande vegan-dieet ’n gesonde alternatief solank sekere grondbeginsels in ag geneem word. “Dit is waar dat vegans sukkel wat toegang en gerief tot gesonde maaltydopsies plaaslik betref. Gelukkig is daar vooruitgang en dit is beslis ’n dieet en lewenstyl wat doenbaar is.” Hy sê ’n mens hoor gereeld dat voedingstowwe wat in diereprodukte voorkom noodsaaklik vir gesondheid en normale ontwikkeling is. “Kom ons vergelyk vleisprodukte met plantprodukte. Die plantgegronde dieet sluit gelyke dele tamaties, spinasie, ertjies, aartappels en limabone in en die vleisgegronde dieet bees, vark en kalkoen. Die plantproduk bevat geen cholesterol en basies geen vet nie, die vleisproduk mag meer proteïen bevat, maar die proteïen in…

WENBOEKE Maart-wenners wen twee resepteboeke van LAPA Uitgewers: 50 eenpotgeregte en 50 maalvleisgeregte. 50 eenpotgeregte bevat 50 smaaklike disse wat alles in een kastrol, pan of bak voorberei kan word. Sodoende kan jy lekker en voedsame maaltye voorberei sonder om onnodige tyd in die kombuis deur te bring. Daar is onder meer resepte vir beesvleisbredie met kruiekluitjies, hoenderkerrie, spek-en-boontjiesop, seekospasta en pynappelhoender. 50 maalvleisgeregte bied resepte wat bees-, hoender- en varkmaalvleis vir die hele gesin lekker sal maak. Al die resepte maak gebruik van bestanddele wat reeds in jou koskas is of maklik bekombaar is. Die resepte bestaan uit treffers soos herderspastei, spaghetti bolognese, lasagne en frikkadelle. Hierdie boek sal jou help om gesonde, ekonomiese gesinsmaaltye voor te berei. Die boeke is by www.lapa.co.za  en toonaangewende boekwinkels…

EIESOORTIGE EETGEREI Sit jou beste eetgerei uit met die Laguiole Bone Cutlery Set van Poetry. Dit bestaan uit vier teelepels, vier lepels, vier vurke en vier steakmesse van vlekvrye staal en gepoleerde handvatsels. Die stel is in Frankryk gemaak en kom in ’n pragtige houtboks, R1 999, www.poetrystores.co.za Gesonde dorslesser Tropika Slenda bied nou ’n heerlike dorslesser met minder kalorieë en geen bygevoegde suiker nie. Dit word onder meer deur Weighless en die Diabetes-stigting ondersteun. Kies uit geure soos lemoen met ’n titsel grenadella, pynappel met ’n titsel kiwivrug, lietsjie met ’n titsel suurlemoen en aarbei met ’n titsel bosbessie, www.tropika.co.za BROOD SE BEURT Albany’s Ultima Range spreek van ’n gesonder lewenstyl en fokus daarop om verskillende smake te bevredig. Dié reeks het die goedkeuring van die Hart-enberoerte-stigting van Suid-Afrika.…

Groep Twee (Gert & Sias), Herbie & Spence, Ian & Dix, Tony & Jan, Innes & Franna, Christo & Cobus, Coleske (Arnold & Ewald) ... Almal duo’s wat indruk in die musiekbedryf gemaak het. Deur die jare het die beeld van manlike duo’s – in klank, styl, genre en voorkoms – drasties verander. Hier is drie onlangse toevoegings wat al drie met goeie stemme, musiek en liriek spog. RYMSTOFF SKOP STOF OP Die duo Rymstoff is geskep met Raymond Ray en Christoff de Beer. Hul debuutalbum Alles of meer (Universal) – met die treffer Hartvlinders, wat bo-aan talle radiostasies se trefferparades en met ’n musiekvideo op die kykNET Top 20 woel – bevat 15 splinternuwe, oorspronklike komposisies. Dis ’n lekker popklank en herinner inderdaad aan die klank van ADAM. Ook…

BENODIGDHEDE M oYa 100% katoen DK (50 g-balle): 11 balle London Sky Lot 122 3,5 mm-hekelpen Naald met groot oog 1 knoop met steeltjie (35 mm in deursnee) Merkertjies GROOTTE Omtrek = 90 cm; Lengte = 56 cm AFKORTINGS EN STEEKVERDUIDELIKINGS   beg – begin, dies – dieselfde, driesl – drieslagsteek, gs – glipsteek, h/af – heg af, herh – herhaal, kb – kortbeen, ks – kettingsteek, lb – langbeen, rdte – rondte, RK – regte kant, sp – spasie, st – steek, tes – tesame, vlg – volgende Drieslagsteek: 1. Slaan die draad drie maal oor die pen. 2. Steek die pen in die volgende steek. 3. Slaan die draad oor die pen en trek die pen deur die eerste lus sodat daar vyf lusse op die pen is.…

• BEL RAMSAY MEDIA by 0860 100 123 (plaaslik) of +27 (0)21 530 3384 (internasionaal) KREDIETKAARTBESONDERHEDE en vir DEBIETORDEROPSIES • SMS die woorde‘CAXTONVK’ na 40573 (R1,00 per SMS) • STUUR ’N FAKS na 086 670 4101 met jou besonderhede van hernuwing of intekening • SKRYF IN OP ONS WEBWERWE www.vrouekeur.co.za/www.magsathome.co.za • STUUR ’N E-POS na subs@magsathome.co.za • POS ’N TJEK uitgemaak aan RamsayMedia Subs en stuur dit saam met ’n brief en jou besonderhede van hernuwing of intekening na: Vrouekeur-subskripsies, Vrypos CBO209, Posbus 596, Howard Place, 7450 • Doen ’nELEKTRONIESE OORBETALING of betaal met ’n DIREKTE DEPOSITO Rekeningnaam: RamsayMedia Subs Bank: Nedbank Takkode: 12320900 Rekeningnommer: 1232073059 BELANGRIK! Gebruik jouVAN en SUBSKRIPSIENOMMER of jouVAN en SELFOONNOMMER as verwysing met ’n elektroniese betaling of direkte deposito en faks dit met jou betalingsbewys…

Ek is meer as tevrede om my mense se stories in my eie taal te vertel Ek sal graag meer tyd aan skryf wil afstaan, want dit beteken ek ontwikkel nog ’n vaardigheid om werk mee te skep Dis nie moeilik om die lenige Ludwig Binge, 1,91 m om presies te wees, met sy donker hare en oë in die rol van ’n smeulende Franse aristokraat voor te stel nie. En dis presies waarmee hy besig is ten tyde van ons gesprek. Hy vertolk die manlike hoofrol in die verhoogstuk Quartet, ’n verwerking van die roman Les Liaisons Dangereuses wat in 1782 verbied is. Die stuk, onder regie van Marthinus Basson, vertel die verhaal van twee Franse aristokrate wat die tyd met ’n rollespel verwyl. Die stuk het sterk seksuele…

Volgens dr Adrian Brink, mikrobioloog en medevoorsitter van die Suid-Afrikaanse Antibiotiese Rentmeesterskaps program, moet die publiek eers verstaan dat daar twee soorte “goggas” is wat siekte kan veroorsaak: “Keelseer word meestal deur ’n virus veroorsaak – waarvoor antibiotika nie help nie – en in die verre minderheid deur bakterieë. So ook akute bronchitis en hoes. En 99% van die tyd is dit ’n virus, maar die pasiënt dring op antibiotikum vir “’n slegte hoes” aan. Tuberkulose en rokerskwale is iets anders …” Weerstand teen antibiotikum is vandag een van die grootste globale gesondheidsbedreigings. Dit affekteer alle mense van alle ouderdomme in alle lande. Dit ontstaan natuurlik en deur die misbruik van antibiotikum in mense en diere word die proses versnel. ’n Groeiende aantal infeksies en pandemies – MIV-vigs, longontsteking, tuberkulose…

“Daar is nie ’n tipiese reaksie by ’n vrou wie se man so ’n krisis beleef nie. Baie dinge bepaal die reaksie,” sê Johan. Hy sê die verhaal van hul huwelik voor die krisis gaan ’n rol speel. Soms laat dié krisis krake wat reeds daar was, groter word. Sou sy self in die tyd haar menopouse beleef, kan haar onsekerheid by albei groot spanning veroorsaak. Oor hoe ’n vrou haar man tydens dié krisis kan bystaan, sê Johan: “Kry inligting. Onkunde is ’n groot vyand. Bevestig dat jy saam met hom deur hierdie tyd wil en sal gaan. Fokus op die positiewe. En onthou: Wanneer ’n man sy midlewe binnegaan, sien hy dit eerste in sy vrou.” Johan se raad aan mans wat die midlewekrisis binnegaan, is: “Soek na…

SPORTSKOU Die Cape Argus-sportskou word van 24–26 Maart by Sandringham in die Kaap gehou. Die driedaagse sportskou sal skoue, sportbekendes, klinieke, uitstallers en speletjies bevat. Die hekke sal 09:00 tot 18:00 oop wees. Kaartjies kos R80 per kind (ouer as drie) en R150 per volwassene. Besoek www.sportshow.co.za  en Computicket KUIER BY DINO’S Die DinosAlive-uitstalling word nog tot 17 April by die Forest Hill City-winkelsentrum in Centurion gehou. Hierdie uitstalling is hope pret vir die hele gesin en kinders kan ook daar meer oor verskillende tydsperiodes leer. Die uitstalling sal van 09:00 tot 19:00 van Dinsdae tot Sondae oop wees. Kaartjies kos R120 per volwassene, R85 per kind en dan is daar ’n spesiale prys vir gesinne (twee ouers en twee kinders). Besoek www.dinosalive.co.za  of volg www.facebook.com/DinosAlive…

CHRIS SE KEUSE Steenberg, ’n klassieke landgoed net 20 minute van die Kaapstadse middestad af, is uitstekend geleë in die koel klimaat van Constantiaberg. Dié wynlandgoed is net so ryk aan geskiedenis en sukses soos sy hooggeagte bure. Die Steenberg 1682 Brut Chardonnay is ’n klassieke blanc de blanc gemaak van 100% chardonnay. Dit is in die eeu oue Franse tradisie van ’n tweede bottelvergisting geskep. Veroudering gee dit fyn borreltjies (mousse) wat ’n mens se neus ryk en weelderig kielie. Dié wyn is kraakvars en het volgeroosterde geure met ’n skeut suurlemoenskil. Dit is ’n vol en gebalanseerde MCC met ’n ryk en talmende nasmaak. Die Brut Chardonnay MCC vier die stigtingsdatum van 1682 en is deel van die super-premium reeks wyne wat deur wynmaker JD Pretorius geskep word.…

CAESARSLAAI – SUZANNE SE GUNSTELING 2 porsies SOUS 1 knoffelhuisie, fyngedruk 125 ml (½ k) mayonnaise 2,5 ml (½ t) mosterd 2 ansjovisfilette, fyngedruk 5 ml (1 t) suurlemoensap bietjie melk sout en peper SLAAI 4 snye ciabattabrood bietjie olie 2 eiers 2 hoenderborsies 5 ml (1 t) hoenderspeserye 1 kop romaine (bindslaai)/cos (blaarslaai) 8 0 ml ( 1/3 k) parmesaankaas, grofgerasper 1 Sous Meng bestanddele van sous saam en hou eenkant. 2 Slaai Sny ciabatta in blokkies en braai liggies in bietjie olie, geur met sout en peper. 3 Kook eiers vir tien minute. 4 Sny hoender in 1 cm-repies, geur met speserye en braai tot gaar. 5 Breek blaarslaai en sit hoender, parmesaan, broodblokkies en hardgekookte eierwiggies bo-op. Gooi slaaisous en bedien dadelik. WENK Wanneer jy eiers kook,…

Ou kombuise kan maklik ’n kontemporêre voorkoms gegee word. Kies tydlose ingeboude elemente en bring jou eie karakter met dekorbykomstighede in. VAN KOTHUIS NA VINTAGE INDUSTRIEEL Dié kombuis was voorheen in ’n kothuisstyl met losstaande linnekaste en laaie in plaas van konvensionele ingeboude kaste. In plaas daarvan om die hele kombuis oor te doen, is die houtkaste eenvoudig wit en die tafel swart geverf. Eietydse elemente is ingebring en só het die kombuis van gedaante verwissel. TYDLOOS KONTEMPORÊR Die oopplankombuis is ’n mengsel van kontemporêre, landelike en klassieke invloede. Die kaste wat van die vloer tot die plafon strek, is tipies van die solderstyl waar plek wys benut word. Om die oopplankombuis te help netjies hou, is daar ’n aparte opwasplek agter die kombuis. Die kleurkombinasie van grys, wit en…

Marlene vlug uit haar ateljee en sak moeg op die tuinbankie onder die peperboom neer. ’n Briesie streel deur haar klamgeswete hare en klere. Sy en Sarel het hul 40ste troudag op dieselfde tropiese eiland herdenk waar hulle wittebrood gehou het. Maar sedert hul tuiskoms, is sy bewerig en koorsig. Miskien is sy te oud vir rondkerjakker, of dalk is dit net hormonale skommelinge. Sy sukkel om by te bly en kry skaars ’n verfkwas gelig. Soms voel sy of haar lewe oral uitrafel, want alles het die afgelope tyd op De Poort verander. Sarel is gespanne, fronsend en geslote, want wilddiewe stroop die gebied. Plaasaanvalle en smokkelnetwerke floreer en die plaaswerkers vrees dat De Poort se beurt naby is. Die droogte en veiligheidsrisiko’s vernietig die fantasie van prettige naweke…

E en van die vernaamste maniere waarop ons sin maak van ons wêreld, is deur onsself ten opsigte van die wêreld te oriënteer. Waar pas ons in? Wat is daar nog alles? Waar is al die ander dinge in die wêreld? Hierdie wêreld word vir ons van kleins af geleidelik groter. Aanvanklik is ons wêreld maar so groot soos ons ouerhuis, ons woonbuurt, die onmiddellike omgewing. Geleidelik word dit egter groter en uiteindelik kry ’n mens ’n besef van jou land, die wêreld en selfs ons sonnestelsel en die ganse kosmos. Een van die belangrikste maniere om hierdie oriëntering ten opsigte van jou eie plekkie in die heelal te vind, is deur kaarte. Ek kan onthou hoedat ek van kleins af deur die aardbol gefassineer is, maar ook deur kaarte.…

“Wat julle ook al doen, doen dit van harte soos vir die Here ...” Kol 3:23 Met ander woorde: Doen altyd jou bes; gee jou alles en stap die ekstra myl. Om jou beste te gee, verg natuurlik in-spanning en harde werk. ’n Chinese spreuk sê: “Wees eerste op die veld en laaste op die rusbank.” Selfs ’n muskiet kry nie ’n klap op die rug voor dit nie sy werk gedoen het nie ... In die verhaal van die talente wat Jesus vertel het, word die eerste twee diensknegte geprys vir dit wat hulle met die talente wat hulle gekry het, gedoen het. Maar die derde een het niks met sy talent gedoen nie. Hy was te bang hy misluk. In plaas van om te probeer en te misluk,…

Christa Swanepoel gee 50 splinternuwe hekelpatrone in dié boek, opgedeel in vyf hoofstukke met tien patrone elk. Die moeilikheidsgraad van die patrone en tegnieke wat gebruik word wissel, so die boek is ideaal vir beginners asook hekelentoesiaste met meer gevorderde vaardighede. Projekte wat aangepak word, wissel van skattige babamussies en -skoentjies tot truie vir vroue en selfs ’n minirompie wat ’n tienerhart sal verbly! Die boek is by www.lapa.co.za en ook by toonaangewende boekwinkels beskikbaar…

BRIEF van die WEEK DIE LEWE WERK ANDERS UIT Ek het beplan om nog drie jaar te werk, want ek is te energiek om tuis te bly. God het egter anders besluit. Ek moes ’n jaar gelede weens gesondheidsredes ophou werk. Ná twee operasies en ’n groot kopskuif moes ek leer rustig raak en my kop moes na my lyf leer luister. Einde verlede jaar is ek bo alles met twee soorte kanker gediagnoseer. Die mat was onder my uitgeruk! Ek het die oggend net in die bed bly lê. Ek het ’n Vrouekeur deurgeblaai en die Inspirasie vir die week was: “Waar lê jou fokus … op jou siekte, werk wat jy verloor het, iemand wat jy aan die dood afgestaan het, of op God?” Ds Janine Bevolo-Manders, jy…

Plaaslik is daar groeiende vlakke van MDR- (multidrug-resistant), XDR- (extensively drug-resistant) en PDR- (pan-drug-resistant) organismes wat weens die wydverspreide oor- en misbruik van antibiotika ontstaan het. “Dis moeilik om bestandheid alleen vir sterftes te blameer, want pasiënte ly gewoonlik aan ander bykomende siektes soos hartversaking, brandwonde en kanker,” sê Adrian. “Maar dit ly geen twyfel dat bestandheid die uitkoms verander nie. Pasiënte bly langer in die hospitaal en die koste verhoog. Tans gee dokters baie aandag aan bestandheid in hospitale, maar algemene praktisyns begin nou eers studies beplan om hul gebruik (van antibiotikum) te laat afneem.” “Die perd het inderdaad weggehol, maar dit is nie te laat om die opkoms en verspreiding van MDR- bakteriële infeksie in SA te beperk nie. Om hierdie doel te bereik, moet daar ’n groot…

MENSE SE LEWENS IS SO BESIG DAT HULLE NIE HUL DIEET BALANSEER NIE Toe Coléne Watson van Durban onverwags in haar matriekjaar siek geword het, het dit gevoel of haar lewe en blink toekoms gesteel is. Sy was tot in haar matriekjaar ’n sportiewe, talentvolle, energieke mens en toe is sy skielik net siek. Coléne vertel: “Ek het konstante hoof-en spierpyn gehad. Ek het erge moegheid ervaar en lam gevoel. Naarheid en duiseligheid was deel van my lewe en ek wou net doodgaan.” Hierdie pyne het haar jare lank lamgelê. Sy het haar toekomstige man, Stanley, ontmoet toe hy 17 en sy 19 jaar oud was en hulle is later getroud. “My wonderlike man het elke dag getrou vir my gesorg, maar dit was nie wat ek van ’n huwelik…

EK WIL NIE MY GELIEFDE BOEKE SOMMER OP TREINSITPLEKKE OF KROEGTOONBANKE LOS IN DIE VAE HOOP DAT DIE REGTE LESER DIT SAL VIND NIE Ek moet my tas vir ’n werkvakansie in my geliefde geboorteland pak – en soos elke keer as ek iewers heen reis, gee dit ’n groot gewroeg af. “Werkvakansie” beteken ek gaan eers saam met my gesin langs die see kuier, en wanneer hulle na die koue Europa terugvlieg, bly ek agter om my nuwe roman te bemark. Om ’n bietjie geld te verdien om ons vakansie te bekostig, dis hoe ek dit aan die kinders moet verduidelik, anders kla hulle aanmekaar oor ek langer as hulle mag bly. Soos die meeste vroue wroeg ek ook oor watter klere om in te pak – veral oor…

Min het Magriet Smit geweet watter reuseverskil sy in mense se lewens gaan maak toe sy agt jaar gelede ’n program geskryf het om voorheen benadeelde kinders te help lees. Vandag het dié program, Word4Word Leesterapie, al vir honderde kinders én volwassenes die deur na die geskrewe woord oopgemaak. Vir Magriet en haar span is die land se ongeletterdheidskrisis nie ’n onoorkombare struikelblok nie, maar eerder ’n geleentheid om op voetsoolvlak by mense uit te kom en hulle te bemagtig. Vir jou wat nou hier lees, is dit ’n vanselfsprekende vaardigheid. Jy het dit op skool – of selfs nog vóór skool – aangeleer en nooit weer teruggekyk nie. Op die lughawe kan jy lees waarheen om te stap sodat jy nie jou vlug verpas nie. As jy jou voorskrifmedisyne…

SPINASIEHAPPIES 12 happies 1 rol skilferkorsdeeg 15 ml (1 e) gesmelte botter 3 repe spek halwe houer roomkaas 1 groot eier 15 ml (1 e) olyfolie 2,5 ml (½ t) dille, fyngekap 500 ml (2 k) gekapte spinasie 1 wiel fetakaas, gekrummel sout & peper Verhit oond tot 200 °C en verf kolwyntjiepan met gesmelte botter. 1 Rol skilferkors oop en sny in 12 ewe groot blokke. Druk blokke in kolwyntjiepan. Verkil in yskas. 2 Sny spek in blokkies en braai. 3 Verhit roomkaas in mikrogolf tot sag en meng tot glad. Meng eier, olie en dille by. 4 Meng spek, spinasie, fetakaas, sout en peper en voeg roomkaasmengsel by. Meng goed. 5 Skep vulsel in skilferkorsbakkies, vou vier punte na mekaar toe en druk vas. 6 Verf liggies met…

EK SKOP MY SKOENE ONDER DIE TAFEL UIT EN GRAWE MET MY TONE IN DIE SAND. VERRUKLIK! Die wintersonnetjie het al goed begin bak toe ons deur Riversdal ry en na die Baleia-landgoed langs die N2 afdraai. Ons gaan heel eerste na die restaurant, La Bella Restaurant & Deli, en die atmosfeer van geselsende gesinne, vriendinne wat stories uitruil met hul hande om warm koffie gevou en die lekker musiek op die agtergrond, laat jou sommer van die lang sit vergeet. Ons smul aan Tempranillo- en Pinot Noir-burgers vir ontbyt (!) en geniet sterk koffie en nie lank nie of die lewe keer terug, die stywe bene is iets van die verlede en ons stap oor na die proelokaal, waar die kaggel brand en ’n paar ander wynliefhebbers met Maryke…

In 2001 het die Franse aktrise Audrey Tautou die aandag gesteel in Jean-Pierre Jeunet se fliek wat hier te sien was as Amélie, ’n fliek waarin die verskynsel bekend as die reisende tuindwerg populêr gestalte gekry het. Amélie moedig haar pa aan om uitvoering te gee aan sy drome om te reis deur sy tuindwerg via ’n vriendin die wêreld vol in foto’s te laat poseer. Iets van dié gnome roaming vorm die basis van ’n voortgaande projek waarmee Mathews & Associates, ’n argiteksonderneming in Pretoria, vorendag gekom het as hul bydrae tot Cool Capital 2016, ’n biënnale waarmee kuns, argitektuur en openbare beeldhoukuns in die hoofstad in die kollig gestel word. “Saadjies” is die projek wat Pieter Mathews, hoof van Mathews & Associates en ook die stukrag agter Cool…

BIOLOGIESE PA PROBEER WEER KONTAK MAAK Ná amper 17 jaar het my biologiese pa weer met my (24) en my sussie (22) kontak begin maak. Dit ontstel my ma. My ma het ons twee dogters sonder enige bystand van hom grootgemaak. Hy het ons letterlik weggegooi vir ’n ander vrou. My stiefpa is volgens my ons pa. Verwelkom ek hom terug of beskerm ek my ma deur hom weg te stuur? – Weggegooi Om jou pa lief te hê of te aanvaar, impliseer nie dat jy sy gedrag ook hoef te aanvaar nie. As gevolg van die onafgehandelde sake kan jy hom versoek om sy aandeel eenvoudig te verduidelik. As hy eerlik is, is daar ’n kans dat jy ’n redelike verhouding met hom kan hê. Vertrou jou intuïsie oor…