Innholdsfortegnelse for 10 March 2017 i Vrouekeur

Op ’n skaal van een tot tien registreer slegte goed wat met ons gebeur blitsvinnig op nommer 10. Uiteraard verwys ek nie hier na werklik ingrypende gebeure in die lewe wat eintlik ver bo nommer 10 registreer nie en waarmee ’n mens leer saamleef, maar waaroor jy nooit werklik kom nie. Ek praat van goed wat jou dag kan verwoes, maar eintlik nietighede is. Ek het onlangs die boek, Nujeen, gelees wat deur Nujeen Mustafa, saam met Christina Lamb, geskryf is. Dit handel oor ’n jong meisie wat saam met haar sussie uit Aleppo, Sirië, gevlug het om van die onmenslikheid wat in daardie land aan die gang is, weg te kom. Toestande wat ’n mens jou nie in jou wildste drome kan voorstel nie! ’n Mens sou hoop ons…

Soos woorde wat skelmpies teen ’n boom uitgekrap is, staan dit oor Adam geskryf: avontuurvraat. Dis nou maar eenmaal hoe sy ratte draai. Voeg nou hierby “stout” avontuurvraat. Hy reken hy “was” nie stout op skool nie – hy is steeds (so ’n bietjie) stout. Hy sê: “Ek raak baie maklik verveeld. As ek heeldag dieselfde ding moet doen, sal ek iets oorkom. Ek moet myself uitdaag.” Dit is waarom iets soos aanbieder van ’n motorfietsprogram hom soos ’n goed gebreide velskoen pas. Hy kan elke week ’n ander motorfiets se rubber op die teer laat brand, en dít in die mooiste dele van die land. Hy maak kosbare herinnerings en kry kans om sy kop te laat gaan. Terwyl hy op daai ysterperd se saal sit, is dit nét…

Eers ’n miskraam en toe ’n stilgeboorte het Marilize de Clercq-Boshoff, ’n Kaapstadse stilis, diep geraak, maar sy het steeds op ’n baba bly hoop. Sy vertel sy was net 23 jaar oud toe ’n gebroke verhouding haar lewe geskud het. Sy was teen die grond, maar in hierdie tyd het sy haar geloof ontdek, wat haar lewe ingrypend verander het. “Ek het besluit dat ek nie weer in ’n verhouding met iemand sal gaan voordat ek nie geweet het dat dit die regte man vir my was nie.” Drie jaar het verbygegaan voordat sy haar lang donkerkopman met die blou oë by ’n ou skoolvriend se huis ontmoet het. Sy het dadelik geweet dat hy die een was. Twee jaar ná hul troue het Marilize uitgevind sy is swanger.…

BRUINBOTTER-VRUGTETERT JIES MET BLOUBESSIES 6 tertjies DOPPIES 180 ml (¾ k) botter 80 ml ( 1/3 k) water 30 ml (2 e) olie 30 ml (2 e) suiker 1,25 ml (¼ t) sout 500 ml (2 k) koekmeel VULSEL 60 ml (¼ k) suiker 45 ml (3 e) mielieblom (Maizena) 15 ml (1 e) koekmeel 1,25 ml (¼ t) sout 3 eiergele 375 ml (1½ k) melk 30 ml (2 e) botter 5 ml (1 t) vanieljegeursel 1 houer bloubessies Verhit oond tot 200 °C. 1 Doppies Smelt botter, water, olie, suiker en sout in pot totdat botter aan kant begin verbruin. 2 Verwyder van hitte en roer koekmeel by totdat deeg vorm. 3 Druk deeg in tertpannetjies om kors te vorm en prik met vurk. 4 Bak vir 10…

Wanneer ’n musiekliefhebber ’n CD koop, het jy sekere verwagtings daarvan: Die instrumente moet gestem wees en die stem moet op noot klink: in tune wees, dus. Die gehalte van die produksie – vervaardiging, regie, verwerkings, orkestrasie, meestermeng, kunswerk en verpakking moet minstens aan ’n aanvaarbare standaard voldoen. Stem en liriek is dalk nog onderhandelbaar, want wat vir die een luisteraar goed en mooi is, is vir ander swak en lelik. Alle mooi stemme en lirieke is nie noodwendig “goed” nie en alle goeie stemme en lirieke is ook nie altyd “mooi” nie. Dit bly die persoonlike persepsie van die hoorder. In die strewe na ’n aanvaarbare standaard kan drie dinge gebeur: meestal gemiddeldheid. Faal jy in jou poging, is die resultaat power. Maar as jy…

As jy jouself met ’n ikoniese vroulike rolprentkarakter moes vergelyk, wie sou dit wees? Iemand met wie jy die meeste gemeen het, sekerlik nie in elke opsig nie, maar by wie jy tog iets omtrent jouself in die karakter eien. Aan die manlike kant is daar ’n hele rits om uit te kies. Tarzan, Rhett Butler, James Bond, Crocodile Dundee, Jason Bourne, Rocky Balboa, Indiana Jones, Superman, Batman, die lys is lank. Ek’s bevrees my kop slaan heeltemal toe as ek aan ikoniese vrouekarakters probeer dink. Sharon Stone in Basict Instinct? Charlize Theron in Monster? Glenn Close in Fatal Attraction? Dakota Johnson in Fifty Shades of Grey? As jy met enige van hierdie vroue kan identifiseer, het jy ’n probleem. Daar was dosyne wonderlike, sterk en interessante vroulike karakters in…

Die meester van die Afrikaanse kortverhaal, Abraham H de Vries, verduidelik spottenderwys graag die verskil tussen ’n romanskrywer en ’n kortverhaalskrywer soos volg: “Albei skryf vir so tien bladsye en dan hou die romanskrywer aan met tik.” Die opmerking is natuurlik tong in die kies bedoel, maar soos dikwels met grappies die geval is, word daar tog ook iets waars daarin uitgedruk: Die skryf van kortverhale is ’n besonderse kunsvorm wat intense aandag en uitsonderlike vakmanskap verg. Dit is nie altyd maklik om te definieer wat ’n kortverhaal presies is nie. Die eerste deel van die woord, “kort”, gee te kenne dat ’n kortverhaal van beperkte omvang moet wees, maar soms is kortverhale slegs een bladsy lank, terwyl ander kortverhale sommer 50 bladsye lank is. Gewoonlik fokus ’n kortverhaal op…

MOEILIKHEIDSGRAAD: WENK • As jy serp langer wil hê, sal jy ’n derde bal moet kry. • Brei eers die mus en dan die serp tot die breidraad op is, met ’n bietjie ekstra vir fraiings. WAT HET JY NODIG? 2 balle KARTOPU AK Soft Nr 357 (100 g) vir serp en mus 3,25 mm- en 4 mm-naalde GROOTTE Serp sowat 150 cm x 16 cm PATROONSTEEK 1ste en 2de ry: r1(2) (randsteke), (r2, aw2) tot laaste 4 ste, r2, r1(2) (randsteke). 3de en 4de ry: r1(2) (randsteke), aw2, *regs eers 2de steek op linkerkantste naald, dan 1ste steek, aw2, herh van * tot laaste 2 ste, r1(2) (randsteke). Herh 4 rye. AFKORTINGS  r – regs r2tes – regs 2 steke tesame rs - reksteek weersk – weerskante AANWYSINGS MUS…

• BEL RAMSAY MEDIA by 0860 100 123 (plaaslik) of +27 (0)21 530 3384 (internasionaal) KREDIETKAARTBESONDERHEDE en virDEBIETORDEROPSIES • SMS die woorde‘CAXTONVK’ na 40573 (R1,00 per SMS) • STUUR ’N FAKS na 086 670 4101 met jou besonderhede van hernuwing of intekening • SKRYF IN OP ONS WEBWERWE www.vrouekeur.co.za/www.magsathome.co.za • STUUR ’N E-POS na subs@magsathome.co.za • POS ’N TJEK uitgemaak aan RamsayMedia Subs en stuur dit saam met ’n brief en jou besonderhede van hernuwing of intekening na: Vrouekeur-subskripsies, Vrypos CBO209, Posbus 596, Howard Place, 7450 • Doen ’nELEKTRONIESE OORBETALING of betaal met ’n DIREKTE DEPOSITO Rekeningnaam: RamsayMedia Subs Bank: Nedbank Takkode: 12320900 Rekeningnommer: 1232073059 BELANGRIK! Gebruik jouVAN en SUBSKRIPSIENOMMER of jouVAN en SELFOONNOMMER as verwysing met ’n elektroniese betaling of direkte deposito en faks dit met jou betalingsbewys en…

Twee dae later het ek kalm in die slaapkamer ingeloop en vir hom die skootrekenaar aangegee. Ek het Alkoholiste Anoniem gegoogle en vir hom gesê dat hy hulp moet kry. Hy het nie eens gestry dat hy ’n alkoholis is nie en dit was die begin van ’n nuwe lewe. Hy het sy eerste AA-vergadering bygewoon, maar die volgende paar maande was pynlik. Ons het ons band verloor. Ek het al hoe meer in die spaarkamer geslaap en het enige verskoning gebruik om laat te werk of om net nie by die huis te wees nie. Hy was nugter, maar ek wou nie by hom wees nie. Het ek die dronk man verkies? Nee. Ons het besluit om ná die Kersvakansie uiteen te gaan en ons huis te verkoop. Toe…

SAKPAS Dra jou skootrekenaar oral saam met jou in die K-Way Micro 13 Laptop Sling Bag. Die band kan oor jou skouer of oor jou bors gedra word. Die hoofkompartement is opgestop om jou rekenaar te beskerm en die kleiner kompartemente hou ander artikels veilig. Daar is nog kompartemente aan die voor- en sykante waar goed soos jou selfoon en sleutels veilig geberg kan word. Beskikbaar teen R450 in swart of oranje by Cape Union Mart of aanlyn by www.capeunionmart.co.za FYN PORSELEIN Dek ’n pragtafel met fyn porseleinware met ’n mooi ontwerp en metaal-afronding. Pryse van R81,90 tot R199,50, www.homestuff.co.za of www.eetrite.com BROODNODIG Hou brood vars in ’n gegalvaniseerde emalje-broodblik met die helderste kleure, R329,00, www.mrphome.com WEES ANDERS Verras jou gaste met dié oulike Blue Oil Drizzler wat vir ’n…

In 2012 het ’n skildery van Mark Rothko, Orange, Red, Yellow, net minder as 87 miljoen Amerikaanse dollar op ’n veiling van Christie’s in New York gehaal. In daardie stadium was dit die hoogste prys nog wat op ’n veiling vir ’n na-oorlogse kunswerk betaal is. Dis ’n doek van 236,2 cm × 206,4 cm met drie reghoeke in oranje en geel wat lyk asof dit bokant die rooi van die agtergrond sweef. Die kleure begin met ’n mens goël, want in die kleurvelde het Rothko tinte van groen en blou ingeverf – namate jy daarna staan en staar, kom allerlei kleurverbande na vore. Maar, het Mark Rothko immers gesê, dit is nie die kleurverhoudings in sy werk wat belangrik is nie, maar die uitdrukking van “tragedie, ekstase, ondergang en…

D it het baie belangrik vir tuiniers geword om ’n tuin só te beplan om voëllewe te lok, maar wat van skoenlappers? Baie van ons Suid-Afrikaanse skoenlapperspesies is op die lys van bedreigde spesies omdat hul natuurlike habitat nie meer bestaan nie. Die Brenton Blue is ’n goeie voorbeeld. Dié skoenlappers word net op ’n paar hektaar grond naby Knysna gevind. Daarom kan tuiniers ook hul deel vir bewaring doen. Namate ons skoenlappers se natuurlike habitat vernietig veroorsaak ons dat die spesie in daardie gebied uitsterf. Wat dit boonop vererger, is dat skoenlappers territoriaal is en geneig is om jaar vir jaar dieselfde gebied te besoek. As jy eers ’n stukkie grond geplavei het waar hul gunstelingboom, -gras of -onkruid was, dan is die skoenlappers vir altyd verlore. HOE DOEN…

REGTE PAD TOT ’N GESONDE VERHOUDING? Ek hoor altyd dat as ’n mens ’n gesonde verhouding met ’n vrou wil hê, moet ’n man altyd net jammer sê vir als. Ek voel dis nie gesond nie, maar weet ook nie van ’n beter manier nie. Hoe moet ’n mens ’n gesonde verhouding met jou wederhelf handhaaf? – Onseker Ongelukkig is dit wat ons by ander hoor, selde die beste raad. Om ja en amen op alles te sê, is waarskynlik die slegste vorm van kommunikasie. Dit is eenrigtingkommunikasie waar insette van ’n ander misken word. Verhoudingskommunikasie is ook nie konflik nie, maar om ’n mening te hê en volwasse daaroor te onderhandel. In die proses van onderhandeling kan dit wees dat jou mening nie die mees gewenste is nie en…

Die meeste van ons het seker al aan ons “emmerskoplysie” ( bucket list ) gedink. Joune is dalk nie formeel neergeskryf nie, maar iewers in jou agterkop is daar ’n paar dinge wat jy nog sou wou doen, plekke wat jy sou wou sien of avonture wat jy nog sou wou beleef voor jy jou laaste asem uitblaas. Die doel met só ’n lys is nie om met ’n resies teen tyd te begin nie. Die hele doel met so lys behoort eerder te wees om elke oomblik van jou lewe hier op aarde optimaal te benut. Om so ’n lys te hê, is natuurlik goed, want dit help ons om te droom, om te beplan, om iets te hê om voor te werk en na uit te…

BRIEF van die WEEK HOU VAS AAN JOU DROOM Elke Maandag wanneer ek by die winkelsentrum stop, kom ’n jong seun nader om te hoor of hy my motor kan oppas. Die een Maandag terwyl hy saam met my stap, vertel hy my dat hy vir ’n country-sangkompetisie ingeskryf het en dat hy een van die finaliste is. As hy wen, maak hulle ’n CD van sy liedjies en kry hy die geleentheid om op te tree. Hy vra my naam en adres sodat hy vir my ’n CD kan stuur as hy wen. Vir ’n ruk sien ek die seun glad nie meer by die winkelsentrum nie. Eendag kry ek ’n pakkie in my posbus. Met die oopmaak, sien ek dit is ’n CD met ’n briefie, op die…

Louise onthou nog hoe sy as kind soggens en saans agter haar ouma Meiring se rug gaan inkruip het sodat dié “Oumoeder” vir haar kon stories vertel. Een van die vertellings was hoedat haar ouma en oupa gesien het toe die bloekombome destyds in Kingsway, Aucklandpark, aangeplant word. Daar was ook verhale van ’n tyd voordat Johannesburg nog teerstrate gehad het. Louise het haar verwonder aan die gedagte van haar ouma en oupa se perdekar wat vol klingelende klokkies was sodat die ander perdekarre hulle kon hoor aankom. Sy kon haar ook verluister aan stories oor die Anglo-Boereoorlog waarin haar ouma se broer tydens ’n hinderlaag omgekom het. Haar pa was self ’n goeie storieverteller, onthou sy. Louise meen hul stories het ’n definitiewe invloed op haar gehad. Op skool…

“Wanneer ’n perfeksionis met ’n meer ontspanne persoon getroud is, kan dit tot konflik lei,” sê Christelle oor perfeksionisme in ’n verhouding. “Die perfeksionis wil dalk hê dat die koffietafel op ’n spesifieke manier gepak word, terwyl dit nie vir haar of sy maat belangrik is nie. Perfeksioniste kla dikwels oor hul geliefdes nie sekere goed wil doen nie omdat dit as oorbodig of onbelangrik gesien word. Dis belangrik dat die eggenoot probeer verstaan dat dit tot ongelooflike spanning en ongelukkigheid vir die perfeksionis kan lei. Dit is belangrik om die perfeksionis te probeer akkommodeer. “Maar vir die perfeksionis vra ek: Vir wie is dit belangrik dat die skinkbord op die koffietafel presies reguit staan? As dit vir jóú belangrik is, moet jy dit self regskuif. As ’n egpaar mekaar…

MOUSSAKA 4 porsies 2 eiervrugte sout bietjie olie 1 ui 500 g maalvleis 5 ml (1 t) fyn komyn 5 ml (1 t) fyn koljander knypie rooipeper 420 g (1 blik) gekapte tamaties 10 ml (2 t) tamatiepasta 1 lourierblaar SOUS 500 ml (2 k) warm melk 30 ml (2 e) botter 30 ml (2 e) koekmeel knypie neutmuskaat sout en peper 250 ml (1 k) mozzarellakaas 1 Sny eiervrug in ringetjies van 0,5 cm. Pak op skinkbord uit en sprinkel met sout. Laat staan vir 20 minute, draai om en doen dieselfde aan ander kant. 2 Verhit olie en braai ui tot sag, skep uit en hou eenkant. 3 Braai maalvleis tot bruin, voeg geurmiddels en uie by en braai effens. 4 Gooi tamaties, tamatiepasta en lourierblaar by maalvleis,…

Die slang se bek is oopgesper, sy oë moorddadig, sy slagtande wreed ontbloot soos iets uit Jaws , en hy staar deur ’n winkelvenster deurdringend na ons. Sou jy waag om nader te gaan en die opgekrulde stukkie moorddadigheid in sy gesplete ogies te kyk, blyk dit ’n slang in ’n bottel te wees in ’n winkel in die Japannese dorp (die inwoners noem dit ’n stadjie) Naha in die provinsie Okinawa. “Koop ’n mens die gedierte?” vra ek op Engels aan die Japannese toonbankassistente. Sy kyk my verbaas aan asof ek gevra het of Donald Trump ’n eksotiese maanblom is. “Natuurlik!” beduie sy. “Dan skink jy die drank waarin dit marineer in ’n glas of jy drink dit met ’n strooitjie uit die bottel. Dit is…

“Negatiwiteit is ’n stokperdjie wat vinnig besig is om aanhangers te verloor, want dié mooi van ons land en sy mense is veel groter. Hier lê heeltemal te veel lag en liefde, mooi herinneringe en hoop … Die suurpruime en stywe nekke sal een of ander tyd begin skaam kry,” meen die liedjieskrywer-sangeres Steffie le Roux (33). Sy en Les Javan is vanjaar weer by die KKNK in ’n spogproduksie met liedjies van haar debuutalbum Vertel my en Les se album SprokiesKontrei te sien. Sy sê Suid-Afrika gee haar die geleentheid om haarself nie té ernstig op te neem nie, maar om met ligtheid te lag en lief te hê. Soos sy in een van haar liedjies sing: “Hier mag ek lag, hier mag ek huil en hier mag ek…

WENBOEKE Maart-wenners wen twee resepteboeke van LAPA Uitgewers: 50 eenpotgeregte en 50 maalvleisgeregte. 50 eenpotgeregte bevat 50 smaaklike disse wat alles in een kastrol, pan of bak voorberei kan word. Sodoende kan jy lekker en voedsame maaltye voorberei sonder om onnodige tyd in die kombuis deur te bring. Daar is onder meer resepte vir beesvleisbredie met kruiekluitjies, hoenderkerrie, spek-en-boontjie-sop, seekospasta en pynappelhoender. 50 maalvleisgeregte bied resepte wat bees-, hoender- en varkmaalvleis vir die hele gesin lekker sal maak. Al die resepte maak gebruik van bestanddele wat reeds in jou koskas is of maklik bekombaar is. Die resepte bestaan uit treffers soos herderspastei, spaghetti bolognese, lasagne en frikkadelle. Hierdie boek sal jou help om gesonde, ekonomiese gesinsmaaltye voor te berei. Die boeke is by www.lapa.co.za  en toonaangewende…