Innholdsfortegnelse for 17 February 2017 i Vrouekeur

Dis weer die maand van die liefde en dis dié week Valentynsdag. Ek is nie ’n groot aanhanger van hierdie herdenking nie, maar oor die liefde is ek gaande. In my lewe is daar liefdes aan die blom. My dogter en haar geliefde is druk besig met troureëlings en die opgewondenheid is groot. My seun, in ’n verre land, bel my sowat ’n maand gelede met die nuus dat hy sy geliefde gaan vra om saam met hom sy storie verder te skryf. Mooi is sy woorde aan my toe hy sê: “Sy is so ’n belangrike deel van my menswees, ek wil met ’n ring (al is dit net ’n ding) vir haar en die res van die wêreld sê: Met haar wil ek oud word.” Bykans 13 jaar…

Gys Niemand mag dalk nie die vinnigste speurder in Suid-Afrika wees nie, maar hy is gewild. Springgety is die eerste naelbyter in die Gys Niemand-reeks. www.lapa.co.za 3 lesers kan die boek wen. SMS GYS gevolg deur jou naam, van en adres voor 22 Februarie 2017 na 48410. SMS’e kos R1,50 en is net vir mense in SA. Geld word vir foutiewe sleutelwoorde gehef en gratis SMS’e geld nie. Bepalings en voorwaardes: Deur vir hierdie kompetisie in te skryf, gee jy Caxton-tydskrifte die reg om ander Caxton-tydskrifaanbiedinge aan jou te bied. *Pryse onderhewig aan verandering…

HY WEET NOU HOE DENNIS OOR SY MARGARET DAAR IN ENGELAND GEVOEL HET – ALTYD SO ’N KORTKOP AGTER HAAR MET ’N SOETKYSIE IN DIE HAND TYD HET MY VYAND GEWORD! HIER IN MY 70 STE JAAR VOEL EK DIE DRUK VAN ‘LAAT IN MY LEWE’ Mariël le Roux het laat in haar lewe begin skryf, maar toe sy lostrek, was daar geen keer nie. Haar debuu t roman, Wilhelmina – kampkind op Java , is in 2007 uitgegee en het opslae gemaak. Die roman is in Nederlands vertaal. Die naamlose het in 2010 verskyn en was die naaswenner in die Sanlam-Tafelberg-romanwedstryd. Klara is in 2013 uitgegee. Nou is daar Isabella, die verhaal van ’n jong vrou wat haar studie staak om met die joviale Gideon Malherbe…

Miskien het die liefde in jou lewe iets beet wanneer hy ’n verveelde uitdrukking in sy oë kry as jy noem dat dit binnekort Valentynsdag is. Blomme, supermarksjokolade, blink ballonne en die ewige kaartjies ... Maar Valentynsdag hoef nie voorspelbaar en vol clichés te wees nie. Mans is romantiese en verbeeldingryke wesens – hulle het net ’n bietjie aanmoediging nodig. Hier is splinternuwes idees om Valentynsdag vars en anders te maak. Sorg dat hy hierdie artikel onder oë kry. Onthou net, romanse kom van twee kante af en daar is maniere om van voor af sý hart ook te steel. 1 Ontbyt in die bed? Dis ononderhandelbaar, maar liewer nie hartvormige broodjies en alles wat daarmee saamgaan nie. Italiaanse roomys en twee glasies vonkelwyn is die ideale manier om ’n…

GEVLEGDE BROOD 1 brood 500 ml (2 k) broodmeel1 pakkie gis250 ml (1 k) louwarm water5 ml (1 t) sout15 ml (1 e) olyfolie75 g songedroogde tamaties10 basiliekruidblare2 knoffelhuisies15 ml (1 e) olyfolie varsgemaalde swartpeper na smaak Verhit oond tot 180 °C en berei oondpan voor deur dit met meel te strooi. 1 Meng broodmeel, gis, water, sout en olyfolie en knie vir vyf minute tot soepel en sag. 2 Maak deeg met kleefplastiek toe en laat rys vir uur of tot dubbelvolume. 3 Sny tamaties, basiliekruid en knoffel fyn. 4 Meng tamaties, basiliekruidblare, knoffel en olyfolie. 5 Rol deeg op meelbestrooide oppervlak tot vierkant van 40 cm x 40 cm uit. 6 Smeer kruiemengsel egalig op deeg en maal swartpeper bo-oor. Rol op soos rolkoek. 7 Sny in die…

Ons ry uit Upington uit agter ’n wit bakkie met ses dorpers op. Hul lywe skommel ritmies saam met die voertuig en elke nou en dan druk een se wollerige lyf teen die relings. Ons sien borde om op die uitkyk te wees na uile, bakoorjakkalsies en skilpaaie. Die jazzklanke van Miles Davis speel oor ons iPod. Sowat 50 km buite die dorp wink Paul en Riana Loots van Kalahari Gastehuis en Plaasstal se bord. Buite lê ’n boerboel in die oggendsonnetjie en slaap. Ons koop tuisgemaakte koekies wat Riana gebak het, laat sny lekker skywe biltong en koop Kalahari-badsout, sodat die herinneringe kan aanhou lank nadat ons die rooi sand uit ons skoene geskud het. Die panne se name en hope sout – Norokei, Goera, Rooi, Grootaar en Inkbos…

In die Johannesburg Kunsmuseum (JAG) in Joubertpark het die uitstalling The Evidence of Things not Seen einde verlede jaar geopen. Dié uitstalling is nog tot 31 Maart te sien en is een van die beste uitstallings tans in Johannesburg en gewis ’n veer in JAG se hoed. JAG het lanklaas so elegant en vars daar uitgesien. Die opening van dié uitstalling was ’n luisterryke affêre met heelwat internasionale gaste wat die museum ná die “Black Portraiture[s]”-konferensie in November besoek het. Musha Neluheni, kurator van JAG se kontemporêre versameling, is tans die museum se waarnemende hoofkurator nadat Antoinette Murdoch se hoofkuratorskap einde November tot ’n einde gekom het. Murdoch was in dié pos sedert 2009 toe sy Clive Kellner opgevolg het. Friends of JAG, die vrywillige ondersteuningsgroep wat die museum ondersteun…

JoJo Tanks is ’n huishoudelike naam in Suid-Afrika en die leier in die vervaardiging van plastiekreënwatertenke. Dit weerstaan die ergste weertoestande en het ’n agt-jaar-waarborg. Stoor water, chemikalië of enige ander vloeistof daarin.www.jojotanks.co.za Seldery is heerlik in slaaie, roerbraai, sop of verskeie ander geregte. Die geheim tot heerlike seldery is sagte stingels wat krakerig is. Selderystingels wat hard en dun is, kan die gevolg van te min water, ’n gebrek aan voeding of te veel son wees. Seldery groei die beste in oggendson in vogtige, vrugbare grond. Plant seldery saam met ander eetbare plante wat dieselfde hoeveelheid water, lig en voeding vereis soos kool, boontjies, blaarslaai, spinasie en tamaties. Oes die plant wanneer dit volwasse is deur dit met ’n spitvurk uit te haal.www.lifeisagarden.co.za Vk Builders www.builders.co.za  Life…

AFSKEID ’N TRAUMATIESE STRYD Ek en my vrou is agt jaar getroud en is nog net so verlief op mekaar soos die dag wat ons ontmoet het. Ek is ’n ruk gelede met leukemie gediagnoseer. Die prognose is nie goed nie, ten spyte van die intense en verskeie behandelinge tot dusver. Ons het geen kinders nie en ons lewens is so in mekaar verstrengel dat dit ’n kwelling is om aan haar verlange na my te dink. As gelowige weet ek waarheen ek gaan en dat ons vir ewig weer saam sal wees. Hoe hanteer ek hierdie afsluiting en gereedmaakproses met haar? – Anoniem Daar sal nooit ’n gunstige tyd wees om die dood te bespreek nie. Voer ’n openhartige gesprek met haar waarin jy jou prognose en jou gereedheid…

• BEL RAMSAY MEDIA by 0860 100 123 (plaaslik) of +27 (0)21 530 3384 (internasionaal) KREDIETKAARTBESONDERHEDE en virDEBIETORDEROPSIES • SMS die woorde‘CAXTONVK’ na 40573 (R1,00 per SMS) • STUUR ’N FAKS na 086 670 4101 met jou besonderhede van hernuwing of intekening • SKRYF IN OP ONS WEBWERWE www.vrouekeur.co.za/www.magsathome.co.za • STUUR ’N E-POS na subs@magsathome.co.za • POS ’N TJEK uitgemaak aan RamsayMedia Subs en stuur dit saam met ’n brief en jou besonderhede van hernuwing of intekening na: Vrouekeur-subskripsies, Vrypos CBO209, Posbus 596, Howard Place, 7450 • Doen ’nELEKTRONIESE OORBETALING of betaal met ’n DIREKTE DEPOSITO Rekeningnaam: RamsayMedia Subs Bank: Nedbank Takkode: 12320900 Rekeningnommer: 1232073059 BELANGRIK! Gebruik jouVAN en SUBSKRIPSIENOMMER of jouVAN en SELFOONNOMMER as verwysing met ’n elektroniese betaling of direkte deposito en faks dit met jou betalingsbewys en…

Te midde van al hul sukses, beskou hulle ouerskap as die grootste geskenk én grootste verantwoordelikheid Die huis is ’n geroesemoes van oggenddinge: Heinz maak vir ons koffie. Ons sit in die sitkamer en gesels. Ver onder ons blink Valsbaai se waters uitlokkend. Aletté kom in, neem haar koffie en begin so tussendeur haar ontbyt- smoothie maak. Die Wincklers is al drie jaar in die Kaap en net meer as ’n jaar in hul nuutgerestoureerde huis. Die egpaar het 18 maande lank gebreek, gebou, gedroom en oorwin en erken dat dit ’n moeilike tyd vir hul gesin was. Aletté-Johanni en Heinz het drie seuns, Lian (6), Simeon (4) en Reuben (2). Hulle het gehoop dit gaan ses maande duur, maar soos die meeste bouprojekte, het dit…

Die musikanteVernette (35) en Marius Wessels (38) van Coffee Snobs-faam ken mekaar al tien jaar en is al sewe jaar getroud. Hul bindende vreugde is hul seun, Matthias (15 maande). “Hy is ’n voltydse peuter – hy peuter aan alles! Ons hardloop lekker agter hom aan, jaag hom om die etenstafel, pen hom vas in stoeigrepe om ’n doek geruil te kry en verstom ons elke dag aan nog woordjies wat hy sê! En net een hemelse laggie kan jou hele dag opkikker ...” borrel dié paartjie. Vernette ag die liefde van haar ma, die liefde van haar beste vriend en lewensmaat en die liefde wat ’n mens vir jou kind kan gee hoog. “In ons huwelik is daar net plek vir God en ons twee. Ons probeer mekaar ondersteun…

WENBOEKE Februarie-wenners wen dr Ronell Bezuidenhout se nuwe boek 40 dae tot hoop. Hierdie boek, wat deur Lux Verbi uitgegee word, help die leser om ’n deurdagte pelgrim te wees deur te weet waar jy vandaan kom en waarheen jy op pad is. Dit fokus op ’n metaforiese pelgrimsreis wat by “ashoop” begin en 40 dae later by “hoop” eindig en vrae vra soos: • Hoe laat jy emosionele bagasie agter? • Hoe leef ’n mens met hoop in ’n wêreld wat al minder hoopvol lyk? • Hoe word jy meer vrygewig? • Hoe daag jy ’n verbruikerskultuur uit? • Is dit moontlik om ’n vry, hoopvolle en gelukkige mens te wees? Besoek www.nb.co.za  vir meer inligting DANKIE AAN USHAN LIEBENBERG VAN HOPETOWN VIR HAAR VYF WENKE •…

MAAK DIT MOOI Die Dremel 8200 is ’n koordlose, roterende multi-gereedskapstuk geskik om mee te kerf, te graveer, uit te sny, te poleer en veel meer. Dit laai in slegs ’n uur en daar is 35 oorspronklike Dremel-bykomstighede beskikbaar. Gee byvoorbeeld nuwe lewe aan ’n teracottaplanthouer deur dit te verf. Teken dan met ’n potlood ’n ontwerp op die droë verf en gebruik die Dremel 8200 om jou ontwerp mee te graveer. Ongeveer R1 689 PRONTO! Maak smaaklike pastageregte soos ’n ware Italiaanse mamma met ’n bietjie hulp van Royco® Pasta Base se gekonsentreerde souse. Die ses smullekker Royco® Pasta Base-souse sal jou hope tyd én geld spaar sonder om smaak in te boet. Daar is ses gewilde soorte om van te kies: bolognese, geurige maalvleis, macaroni-enkaas, kaas-lasagne, spek-carbonara en…

4WERKE IS VUURWARM! Elizma Theron, Nicholis Louw, Ray Dylan en die talentvolle nuweling Liezel Pieters (wat MoniQue Strydom vervang, nadat sy elders ’n platekontrak beklink het) is die kwartet 4Werke. Dié kunstenaars se uiteenlopende genres – country, rock en pop – versnit in harmonieuse betowering op die album 4warm. Gewild en bekend is hier ook gelyk aan vokale vernuf en vaardigheid! Daar is heelparty nuutskeppinge, deur onder andere Rudi Claase, Emil Struwig, Niel Schoombee, Roelof Vorster, Don Kelly, Marc Brendon, Pierre Rossouw en Nicholis Louw. Tussen die aangename werk is Jy slaan die wind uit my seile, As is verbrande hout, Wintersliefde, ’n Bietjie meer tyd (wat nie met Sonja Herholdt se treffer verwar moet word nie), Vir ewig lief vir jou en, veral, My kompas. Jy kan vrolik skoffel…

Nadesjda von Meck, die welgestelde Russiese vrou wat veral bekend is vir haar finansiële steun aan Pjotr Iljitsj Tsjaikofski, het ook die lewe van die jong Franse komponis Claude Debussy (1862–1918) beïnvloed. Van 1880 tot 1882 het die jong Debussy tydens haar jaarlikse somerbesoeke aan Europa saam met haar en haar gesin gereis en vir haar kinders musiekles gegee. Hy het ook saam met haar in uitvoerings in private konserte vir haar vriende opgetree. Debussy was in 1880 pas 18. In September 1880 het sy Debussy se Danse bohémienne (Boheemse dans) vir Tsjaikofski aangestuur om kommentaar te lewer. Hy was besonder kortaf in sy terugvoer: “Dit is ’n fraai stuk, maar dit is gans te kort. G’n enkele idee is uitgewerk nie, die vorm is droog en daar is geen…

Die leser durf nie alles tot ’n enkele morele les of selfhelpwenk reduseer oor wat die teks nou eintlik sê nie In ’n onderhoud met die New York Times oor “sy lewe as ’n leser”, het die VSA se vorige president, Barack Obama, vertel dat hy vir sy dogter ’n Kindle gegee het voordat sy universiteit toe is. Hy het ’n klompie van sy gunstelingboeke daarop afgelaai – soos Gabriel García Márquez se One Hundred Years of Solitude. Dat hy juis literêre werke as geskenk vir sy dogter gee, is natuurlik ’n aanduiding daarvan dat hy letterkunde as ’n belangrike vormende invloed op sy dogter beskou. Uit al die onlangse romans wat hy tydens die onderhoud noem, blyk dit ook dat hy nie net vroeër in sy lewe ’n gretige…

In die eerste eeu het daar ’n groot simbaal voor die ingang van die heidense tempels gehang. Wanneer mense gekom het om te aanbid, het hulle die simbaal geslaan om die heidense gode wakker te maak, sodat hulle na hul gebede sou luister. Paulus sê dat al was hy so geseënd dat hy met die grootste welsprekendheid in elke moontlike taal kon praat, maar hy het nie die liefde nie, dan was sy lewe so nutteloos soos die belaglike aksie om ’n simbaal te slaan om gode wakker te maak. Wanneer mense na die samelewing kyk en probeer analiseer wat daarmee verkeerd is, dan kom hulle altyd tot dieselfde gevolgtrekking: “Ons het meer opvoeding nodig.” Ek dink nie opvoeding is die grootste probleem nie. 1 Kor 8:1 “Kennis maak verwaand,…

Christa Swanepoel gee 50 splinternuwe hekelpatrone in dié boek, opgedeel in vyf hoofstukke met tien patrone elk. Die moeilikheidsgraad van die patrone en tegnieke wat gebruik word wissel, so die boek is ideaal vir beginners asook hekelentoesiaste met meer gevorderde vaardighede. Projekte wat aangepak word, wissel van skattige babamussies en -skoentjies tot truie vir vroue en selfs ’n minirompie wat ’n tienerhart sal verbly! Die boek is by www.lapa.co.za en ook by toonaangewende boekwinkels beskikbaar…

Vic McKinney (Vrouekeur 6 Januarie 2017-uitgawe) se verhaal is tegelyk inspirerend en frustrerend. Vic het so baie vermag en ek haal my hoed vir hom af. Afhanklikheid vir elke ding is demoraliserend, veral as dit met pyn gepaardgaan. Vic se suksesse, deernis met ander en hulpverlening maak hom ’n ikoon van menswees. Die feit dat hy besef daar is baie ander wat nie die hulp of finansies het om hul lewe te verbeter nie, sê baie oor sy karakter. Vir my is die frustrasie die groter wordende afhanklikheid van versorging, wat nie moontlik is nie, en die finansiële aspek daarvan. Gelukkig is daar artikels in Vrouekeur wat my nuwe moed gee asook om die simptome te herken en hoe om dit te bowe te kom. Dié artikel bevestig dat veerkragtigheid…

Die idee van die volgende produksie maak alles die moeite werd – die onvoorspelbaarheid daarvan en hoe ek persoonlik daardeur verryk sal word Ons ontmoet in die restaurant by die Baxterteater, toevallig ook die plek waar Brendon Daniels 11 jaar gelede sy loopbaan as vryskutakteur in die stuk Ladies Night afgeskop het waarin hy die rol van ’n nagklub-eienaar gespeel het. “Die stuk is in dieselfde trant as The Full Monty, maar gelukkig kon ek my klere aanhou, want ek dink nie ek word vir my looks of my spiere gecast nie,” sê die 44-jarige Brendon met ’n goeie dosis selfspot. Intussen het daar heelwat water in die see geloop en het hy behoorlik nes geskop in die bedryf, maar het hom snaaks genoeg eers onlangs…

Ek moes myself aanmekaar herinner dat hy nie werklik bestáán nie, want Alain gesels oor hom asof hulle ou pêlle is wat graag saam na dieselfde harde rockmusiek uit die jare sestig luister Ek lewe saam met ’n man wat so mal is oor speurverhale soos oor sterk swart koffie en Frank Zappa se musiek. Sommige van my beste vriende lees speurverhale, Ag, wat praat ek, sommige van my beste vriende skryf speurverhale. Dié dat ek altyd effe skuldig voel wanneer ek bieg dat ek nie die res van die mensdom se rasende geesdrif vir dié genre deel nie. Verstaan my mooi, ek het niks téén ’n lekker polisieroman nie. Ek sal dit met plesier lees as dit toevallig my pad kruis, maar ek sal nou ook nie ’n ompad…

Hillary Clinton is eintlik ’n reptiel, Michael Jackson en Elvis lewe nog en Brad Pitt het gesterf ... Regtig? Of wat van dié een? “As jy nie hierdie WhatsApp of e-pos aanstuur nie, gaan ’n erge ongeluk jou tref.” En kyk mooi as jy gaan fliek, daar kan dalk naalde op die sitplek wees wat met MIV besmet is. Hierdie is maar net ’n paar van die stadslegendes wat in die kuberruim sirkuleer. Mites, fabels, sprokies en vertellings word al duisende jare oorgedra. In werklikheid word daar deur die meeste historici en sielkundiges geglo dat storievertelling een van die dinge is wat ons menswees definieer en bind. Met die koms van sosiale media het dit moontlik geword dat ’n storie binne ’n baie kort tydperk soos ’n veldbrand dwarsoor die…

CHRIS SE KEUSE Vir die afgelope 30 jaar was die fokus van Neil Ellis om gehaltedruiwe van uitsoekwingerde in die Kaap met die hand te oes. Hulle gebruik wingerde met lae opbrengste om sodoende met gekonsentreerde geure in hul unieke wyne te spog. Met die Neil Ellis Whitehall Chardonnay 2015 het hulle weer eens daarin geslaag om ’n unieke wyn te maak. Dit is die eerste bekendstelling van hierdie elegante chardonnay ter nagedagtenis aan die vennootskap met Henry en Di White, eienaars van die plaas Whitehall, saam met wie hulle die eerste “wyn van oorsprong”-chardonnay van Elgin in 1994 bekendgestel het. Elgin is een van die land se koelste gebiede en die druiwe is afkomstig van ’n suidelike wingerd met ideale terroir. Heel trosse word soos in Champagne geoes en…

MEXIKAANSE EIERGEREG 4 porsies 1 ui, gekap5 ml (1 t) knoffel5 ml (1 t) paprika knypie rooipeper5 ml (1 t) fyn komyn5 ml (1 t) fyn koljander500 g maalvleis2 groot aartappels, in blokkies gesny1 blik tamatiesmoor met rooirissie4 eiers 1 Braai ui, knoffel, speserye en maalvleis tot vleis bruin is. 2 Roer aartappels en tamatiesmoor by maalvleismengsel. Kook tot aartappel amper sag is. 3 Stel oond op 180 °C. Skep maalvleismengsel in groot oondbak. 4 Maak vier gaatjies in maalvleismengsel en breek ’n eier in elke gaatjie. 5 Bak vir 20–30 minute of tot eier gaar is volgens jou smaak. WENK Voeg ’n pak babaspinasie by vir ’n alles-ineen-dis CORDON BLEU-MAALVLEISROL – SUZANNE SE GUNSTELING 4 porsies 500 g hoendermaalvleis1 ui, gekap15 ml (1 e) hoenderspeserye5 ml (1 t) gemengde…

Die pennetjiesbord is ’n veelsydige muurbehangsel en kan na hartelus verander word om ’n vertrek altyd vars te hou. Dit is maklik om te maak en benodig min materiaal en gereedskap MATERIAAL BENODIG • 18 mm-dik houtbord, grootte van jou keuse (ons s’n is 60 cm x 120 cm). Jy kan dit self sny, maar die meeste ysterwarewinkels, soos Builders Warehouse, sal dit teen ’n minimale bedrag vir jou sny. • Rakkies gesny van oorskiethout, grootte van jou keuse (ons het 2 rakkies van 12 cm x 30 cm en een van 12 cm x 60 cm) • 1 lang tap-pen (dowel), 16 mm in deursnee. • Verf van jou keuse (ons het Rustoleum se Metallic Finish-sproeiverf in hoëglans-goud en oorskiet wit akrielverf gebruik). GEREEDSKAP BENODIG Koordlose of elektriese boor…

Hulle noem haar Ambrose. Die nuwe posmeester se dogter. Hulle kom van ver. Niemand weet regtig van waar af nie. Nella sê sy het gehoor iewers noord van Namibië af. Dis hel ver van ons af. Ambrose is ’n stil meisiekind. Slim, maar stil. Sy vertoon netjies in die nuwe groen skooluniform, maar haar vlegsels is te styf agtertoe getrek waar dit met ’n lang groen lint saamgebind is. Seker haar ma wat haar hare elke oggend so styf vir haar vasmaak. Die arme kind se bruin oë is amper net so op skrefies getrek soos ’n Chinees s’n. Ek ontferm my altyd oor nuwe kinders, want ek kan my net indink hoe vreemd en alleen dit vir hulle in ’n nuwe skool moet voel. Die eerste dag het dit…

MOEILIKHEIDSGRAAD: BENODIGDHEDE MoYa 100% Organic Cotton Bulky Plush (80 g-balle): 2 balle elk Rebecca, Gina, Dominique, Abby, Amelia, Celine, Tasha en 4 bolle Penelope 8 mm-hekelpen Stomppuntnaald met groot oog GROOTTE Lengte = 155 cm sonder die fraiings. Breedte = 60 cm. . WENK Sny ’n stuk papier of ou laken die grootte van die kombers (155 cm x 60 cm). Steek elke blom wat klaar gehekel is, onderste bo op die papier of laken vas. Dit sal vaswerk later vergemaklik. Los ’n lang genoeg draad aan die einde van elke blom vir vaswerk. AFKORTINGS EN STEEKVERDUIDELIKINGS dies – dieselfde; dr – draai; dsl – dubbelslagsteek; gs – glipsteek; h/af – heg af; herh – herhaal; hlb – halwe langbeen; kb – kortbeen; ks – kettingsteek; lb – langbeen; ls…