Innholdsfortegnelse for 27 January 2017 i Vrouekeur

1 Leef binne jou vermoëns. 2 Hou op om ander mense te blameer. 3 Moenie verskonings maak nie. 4 Erken wanneer jy ’n fout gemaak het. 5 Doen iets goeds vir iemand sonder om iets terug te verwag. 6 Luister meer, praat minder. 7 Pasop vir vooroordeel. 8 Streef daarna om uitmuntend te wees, nie perfek nie. 9 Wees betyds. 10 Wees verdraagsaam. 11 Raak georganiseerd. 12 Wees gaaf met gawe mense. 13 Wees gaaf met mense wat nie so gaaf is nie. 14 Laat toe dat iemand voor jou in die tou indruk. 15 Maak tyd om alleen te wees. 16 Wees gemanierd. 17 Wees nederig. 18 Besef en aanvaar dat die lewe nie regverdig is nie en jou niks skuld nie. 19 Weet wanneer om stil te bly.…

Die lewe kan nie beplan word nie Hoe het ek na my aftreedag uitgesien! Ná 43 jaar in die onderwys verdien ’n mens mos ’n ruskans. Maar nadat ek Eldaleen se redakteursbrief in ’n vorige uitgawe gelees het, het ek besef die mens wik, maar God beskik. Ek is twee maande ná my aftrede met klierkanker gediagnoseer. Ek het gesien hoe ’n lewe in ’n oogwink kan verander. My emosies het wipplank gery en ek het hoeveel keer vir die Here gevra: “Hoekom ek?” Dit is so onregverdig! My huis het vir my ’n veilige hawe geword. Met genade van Bo is ek nou in remissie. So baie van Eldaleen se 40 waarhede is op my lewe van toepassing. Dis soos sy sê: Slegte goed wat met jou gebeur, is…

Ek is bloot die kanaal om die storie te vertel – ’n gehalte-storie. Dit gaan nie oor my nie, dit gaan nie oor my ego’tjie nie “As jy twyfel, sit lipstiek aan!” Dit is die veelsydige kunstenaar en borrelende Lizz Meiring se skertsende lewensfilosofie. Sy lag uitbundig. Dan peins sy: “Dis eintlik eenvoudig. Staan op, daag op, wees voorberei, wees aangenaam, wees professioneel en doen jou werk. Dit is basiese waardes wat van kleins af in my ingedril is en wat ek elke dag probeer uitleef. Wees dankbaar en sien die magiese en die absurde wonder in die middelmatige en alledaagse. Die lewe is kort. Moenie net jouself help om jou drome uit te leef nie, help ook ander verdienstelike mense wat ’n hupstoot nodig het.” Dit doen sy nou…

Jy gaan op Facebook in en kom af op ’n prentjie van ’n kind wat ’n aardskuddende vloermoer gooi. Die opskrif lees: “Stout kinders is die produk van swak ouerskap”. Deur net te kyk na al die kommentaar onderaan, is dit duidelik dat die meeste mense daarmee saamstem, maar is dit regtig so? Louis de Kock, ’n pastorale sielkundige, sê studies toon dat die kind reeds in die baarmoeder op die ouers se liefde of verwerping reageer. Volgens hom kan die ouers se rol in hul kind se lewe nie genoeg benadruk word nie. As kinders probleme ervaar, moet daar ook by die ouer na moontlike oorsake en oplossings gekyk word. Robyn Jonker het ’n traumatiese kinderlewe gehad. Haar ma het haar en haar sibbe mishandel, maar Robyn het die…

SELFBESTURENDE KARRE – DIE PAD VAN DIE TOEKOMS? Terwyl die beloofde vlieënde voertuie nie ons onmiddellike voorland is nie, staan ons voor ’n toekoms waar selfbesturende karre dit wel is – en vroeër as wat ons miskien dink. Omtrent elke groot motorvervaardiger is besig met navorsing hieroor, met digitale rolspelers soos Google en Apple wat ook met hul eie projekte besig is. Maar dis Pretoria se wonderkind Elon Musk wat miskien die eerste volledig selfbesturende motors op die pad gaan hê. Daar is reeds van sy elektriesevoertuiggroep, Tesla, se karre beskikbaar met sagteware wat dit toelaat om onder sekere omstandighede self te bestuur. Hy reken Tesla se eerste volledig selfbesturende motor gaan reeds in 2018 beskikbaar wees, met ander vervaardigers, soos Ford, wat na 2020/’21 mik. Wat gaan die impak…

STRATIS HET DIE SKOONHEID IN HOMSELF GEHAD, EN TOE HY DIE OOG DAARVOOR VIND, HET ’N ANDER MENS, DIE EINTLIKE MAN, NA VORE GEKOM Ons was by Stratis Kouniaris se tweede begrafnis. Dit was gepas, want hy het twee lewens gehad. Die “tweede” begrafnisdiens is hier gebruiklik. Dit kom 40 dae nadat iemand oorlede is. Tot dan is daar by elke maaltyd vir Stratis gedek. Sy pos is onoopgemaak op sy bord geplaas en sy kamer is onaangeraak gelaat. Dit duur 40 dae, sê die mense, voor jy kan seker wees iemand se gees is weg. Dan is daar weer ’n diens in die kerk vir die oorledene, en sy lewe word opgeruim. Die verdriet verhuis na ’n plek veel dieper as die oppervlak waar tekens van hom nie meer…

GEROOSTERDE GROENTESLAAI Genoeg vir 4 BROOD ½ klein ciabattabrood, in stukke gebreek 30 g botter, gesmelt GLAD Bake & Cooking Paper GROENTE 1 rooi soetrissie, in kwarte gesny 1 groen soetrissie, in kwarte gesny 1 geel soetrissie, in kwarte gesny 3 murgpampoentjies, in dik skywe gesny 250 g kersietamaties 1 eiervrug, in kwarte gesny 30 ml (2 e) olyfolie sout en swartpeper SLAAISOUS 5 ml (1 t) heelkorrelmosterd 2,5 ml (½ t) heuning 1 knoffelhuisie, fyngekap 30 ml (2 e) witwynasyn 60 ml (¼ k) olyfolie GLAD Zip Seal-sakkie OPDIENING 100 g slaaiblare soos roket of babaspinasie 1 Verhit die oond tot 200 °C. 2 Brood Meng die ciabattastukke en botter saam in ’n klein mengbak. Sit die brood op ’n bakplaat wat met GLAD Bake & Cooking Paper gevoer…

WANNEER GEVAAR DREIG Beskerm jouself met Bliksem- selfverdedigingspuitstof wat ontwikkel is om aanvallers onmiddellik buite aksie te stel. Dit is veel kragtiger as gewone pepersproei en werk vinniger. Dit veroorsaak tydelike blindheid, ’n kwaai brandsensasie en moeilike asemhaling, wat sowat twee uur duur. R495 vir ’n 150 ml-spuitkan. Bestel by Ernst@skaapwagters.co.za of 027 213 4774 SORG VIR WOEF Montego Pet Nutrition het drie nuwe produkte in die super-premium Karoo-reeks bekendgestel wat ’n gebalanseerde dieet in al die stadiums van jou hond se lewe verseker. Kies uit klein tot medium, groot tot baie honde en senior groot. Dis ryk in voedingstowwe, vol minerale en bevat hoë vlakke van antioksidante wat help om jou hond se immuunstelsel en algehele gesondheid in stand te hou. Beskikbaar in 1,75 kg-, 8…

LUCAS SE LIEDJIES IS TYDLOOS Jannie du Toit en Thean Kotzé interpreteer Lucas Maree se tydlose liedjies in akoestiese styl op die album Kiekies – Lucas se liedjies (JNS Musiek). Met hul gestroopte benadering belig dié ervare verhoogkunstenaars hul gewaardeerde vriend, kollega en legende se uitsonderlike menslikheid en kreatiewe gees verbeeldingryk. Lucas se kunsskatkis – met die treffende omslagkunswerk deur Johann van der Walt – bied ’n opwindende palet van verhale, wysheid en drome. Lucas se oog en oor vir metafore, mense, plekke en emosies word in hoogstaande woordkuns vergestalt. As tipiese folk-kunstenaar uit die jare sestig het hy ’n verskeidenheid genres in sy musiek vervleg en ’n verrassende balans tussen peinsende ballades en ritmiese reggae-klanke gebied. Die liedjies is regstreeks in die ateljee opgeneem. Met slegs kitare en stemme…

Die negende Johannesburg Internasionale Mozart-fees (JIMF) word van 27 Januarie tot 5 Februarie in die Goudstad aangebied. Die leuse vir dié fees is: “ That’s all folk(s)!” Soos die laaste paar jaar die geval was, sit die JIMF sy vennootskap met die roemryke Duitse Hochschule für Musik und Tanz in Keulen vanjaar voort. Dié samewerking het in 2012 begin toe prof Josef Protschka ’n meesterklas vir jong sangers kom aanbied het. Uit die deelnemers aan dié eerste meesterklas het twee soprane, Nombuso Ndlandla en Andiswa Makana, asook die tenoor Siyabonga Maqungo in 2013 met behulp van ’n JIMF-beurs en die finansiële steun van Rand Merchant Bank ’n jaarkursus afgehandel. Dié drie het in die herfs van 2013 in Keulen aangekom en intussen hul meestergraadprogramme afgehandel. Nog twee sangers, Aron…

Sondagaand sê Elize: “Ons ry nou en moenie stry nie.” Ek wou nie vroeër gaan nie, want oor naweke kos als meer. En buitendien hoop ’n mens jy is nie regtig siek nie. Ek lê op ’n kombers op die vloer omdat die bed te warm was. Ek sweet. En wanneer ek ophou sweet, bewe ek van die koue. En wanneer ek ophou bewe, pyn ek. Ons ry. Na die plaaslike hospitaal. Dis die een waaroor my ant Tina, wat haar skouer laat doen het en dit nie kan vergeet nie, sê: “Jy bly nie daar oor nie. As dit moet, laat hulle jou stabiliseer. En dan sorg jy dat hulle jou Kaap toe vat. Want wragtag, dáár gaan mense dóód.” Laat dit tog net gou kom, dink ek toe…

1 Vermy plante wat groot hoeveelhede plaag- en swamdoder nodig het en wat baie instandhouding verg. 2 VERWYDER INDRINGERPLANTE SO GOU AS MOONTLIK UIT JOU TUIN. HIERDIE PLANTE VERG BAIE WATER. 3 Koop gesonde plante. Vermy plante wat tekens van siektes toon soos vergeelde blare of wortels wat aan die onderkant van die houer uitgroei. Maak seker dat die plante nie potgeknel is nie. Potgeknelde plante sal ’n baie lang tyd neem om in jou tuin aan te pas. 4 Kleiner, jonger plante sal meestal ouer plante verbygroei, want hulle pas makliker in hul nuwe posisie en grond aan. Wees maar ’n bietjie geduldig en moenie noodwendig die grootste plante koop wat jy kan bekostig as jy ’n onmiddellike effek soek nie. 5 Val die blare van jou bome af?…

Daar is ’n legende van ’n koning wat besluit het om ’n spesiale dag uit te roep waarop die belangrikste onderdaan in sy ryk vereer sou word. Die eerste persoon wat voorgestel is, was ’n skatryk filantroop. Die koning is meegedeel dat die man baie van sy rykdom aan die armes afgestaan het. Die tweede was ’n gerespekteerde dokter. Die koning is meegedeel dat hy die siekes jare lank pligsgetrou en baie liefdevol versorg het. Die derde persoon was ’n vername regter. Die koning is meegedeel dat sy verdienstelikheid gegrond is op sy besonderse wysheid, die regverdigheid wat hy toepas en die briljante besluite wat hy neem. Die vierde persoon wat voorgestel is, was ’n ou dame. Sy het skaars gelyk soos iemand wat vereer kon word vir haar groot…

LAAT EK HOM TOE OM SY DROOM OP TE GEE? My seun is mal oor rugby en is goed daarmee. Hy het selfs ’n studiebeurs gekry op grond van sy talente. Hy het onlangs gesien hoe ’n speler sy nek gebreek het en wil nou niks meer van rugby weet nie. Ek wil hom nie druk nie en is ook nie seker wat om te doen nie. Wat staan my as ma te doen? – Onseker Die keuse is in hierdie geval uitsluitlik jou seun s’n. Jou eerste reaksie, toe jy hom met sy eie besluit ondersteun het, is wat nodig is. Ongeag wat die oorsaak was dat hy die besluit geneem het om op te hou rugby speel, impliseer nie ’n swakheid van sy kant nie, maar ’n besluit…

Mike Joubert skryf sedert 2003 oor tegnologie en gaan van nou af een keer per maand vir ons ’n rubriek, Tegnologie 101, in gewone “menstaal” skryf, spesiaal vir diegene soos ek vir wie die magdom gadgets op die mark soos goeters van Mars af lyk. As besturende direkteur van die tegnologiewebwerf TechSmart.co.za kom hy gereeld met die jongste slimfone, kameras, gadgets en rekenaars in kontak. Sy werk het hom al na maatskappye in onder meer China, Japan, Duitsland, Brittanje en Spanje geneem. Fotografie is sy passie, hoewel hy onlangs moes erken dat hy heel moontlik ’n filmkameraverslawing het. “Ek dink ons is besig om ’n unieke tydperk van die menslike geskiedenis te betree, spesifiek as ’n mens kyk na die veranderinge wat die internet teweeg bring. Die volgende groot tegnologiese…

Hoe verklaar jy dit? sal jou belangstelling in die wêreld om jou prikkel. Dit is ’n boek wat op sy eie gelees kan word, wat op die koffietafel kan lê en wat saam kan gaan kamp om wonderlike gesprekke om die braaivleisvuur uit te lok. Ongeveer R220, www.penguinbooks.co.za 3 lesers kan die boek wen. SMS VERKLAAR gevolg deur jou naam, van en adres voor 1 Februarie 2017 na 48410. SMS’e kos R1,50 en is net vir mense in SA. Geld word vir foutiewe sleutelwoorde gehef en gratis SMS’e geld nie. Bepalings en voorwaardes: Deur vir hierdie kompetisie in te skryf, gee jy Caxton-tydskrifte die reg om ander Caxton-tydskrifaanbiedinge aan jou te bied *Pryse onderhewig aan verandering…

Wat is geluk? Geluk gaan oor tevredenheid en betekenis in jou lewe, die geneigdheid om positiewe emosies te ervaar, die vermoë om vinnig van negatiewe emosies te herstel, en om te voel jy het ’n doel, sê dr Simon Thomas. Hy is die direkteur van wetenskap van die Greater Good Science Center by die Universiteit van Kalifornië in Amerika. “Geluk gaan nie oor geld of rykdom nie. Dit is nie ’n konstante plesier nie. Dit strek wyer: oor ons vermoë om met ander bande te smee, om betekenisvolle verhoudings te hê en om deel van ’n gemeenskap te wees.” Maar wat sê ander? 1 BOU JOU KERNVERHOUDINGS Die jaar 2016 was die aakligste en seerste van haar lewe, vertel Linda Grobler van Gauteng eerlik. “My ma, Heleen Phyffer, is dood…

WAT BETEKEN SULFAATVRY ? Sulfate laat sjampoes skuim en kan vel-irritasies op sensitiewe kopvelle veroorsaak , maar die lae konsentrasies in sommige sjampoes is nie skadelik vir hare nie. Dit ontneem hare net van natuurlike olies (en pigment in gekleurde hare) – ’n goeie ding vir olierige hare, maar ’n nagmerrie vir droë, gekleurde kapsels. BLOND OF BRUIN? Was, stileer en verhelder jou haarkleur met getinte produkte spesifiek vir jou haarskakering. Dit laat jou haarkleur langer lewendig en helder lyk. VAN LINKS Elke dag se hare was kan kleur laat vervaag. Gebruik eerder ’n droë sjampoe soos GIRLZ ONLY Dry Shampoo for Dark & Deep Brown Hair , R45, Dis-Chem, of label.m se Brunette Dry Shampoo , R254, ’n mat haarsproei wat…

WENKE Gebruik eiers so vars as moontlik. Jy kan ’n klomp eiers posjeer en in koue water laat lê tot jy dit weer nodig het. Dompel dit net weer vir ’n paar sekondes terug in kookwater. Posjeer eiers vir 2–3 minute vir effens sag. Vir ’n harde eier laat 4–5 minute in kookwater lê. Geposjeerde eiers is ’n baie goeie lae-vetopsie vir aandete. Die kos-ikoon Julia Childs be veel aan dat ’n mens die eier eers vir tien sekondes in sy dop kook en daarna in kookwater breek. Sy meen dit sal sy vorm beter hou. Eksperimenteer gerus om die beste manier vir jou te kry! POSJEER ’N EIER 4–8 eiers 2 ℓ (8 k) water 30 ml (2 e) witasyn 5 ml (1 t) sout 1 Breek eier in…

Norcia lê binne die 13de eeuse mure wat in ’n unieke hartjievorm gebou is, sou jy dit uit die lug kon beskou. Maar daar is nie tyd om die argitektuur te veel te bewonder as jy deur een van daardie stadspoorte stap en die reuk van truffels, prosciutto, gedroogde wilde sampioene en varsgebakte brood na jou aangedryf kom nie. Ons het ons motor geparkeer en stap by die Romeinse hek in, af met Corso Sertorio na die hoofplein, Piazza San Benedetto, waar al die historiese geboutjies op die standbeeld van sint Benediktus uitkyk. Die standbeeld is in 1880 deur Giuseppe Prinzi gemaak en ek wonder wat daardie standbeeld al alles oor die eeue gesien het. Die pragtige stadsaal is net soos die stadsmure ook in die 13de eeu gebou, maar…

Terwyl die bekroonde draaiboekskrywer, regisseur en rolprentmaker Koos Roets aan die teks van sy splinternuwe riller-komedie Hoener met die rooi skoene gewerk en die karakters in sy kop begin vorm aanneem het, het hy besef die rolverdeling moet met erns benader word. Die storie ontvou só: Terwyl Bonnie van der Byl, ontvangsdame van die bekende Du Toit De Waal-Teateragentskap laatmiddag lustig voortklets op haar kantoorfoon terwyl ’n storm buite opsteek, strompel haar suksesvolle, maar ongewilde baas, die impresario Du Toit de Waal, met ’n mes in die rug die ontvangslokaal binne. As Bonnie ná haar floute bykom, is die lyk weg en kaptein Hendrik Greyling, die Ysterhaan, word ingeroep – siek met griep! In dié koorsige toestand bevind hy hom op ’n ongewone moordtoneel…

Johann Botha se Groot vyf (1997) is destyds baie positief ontvang. Die roman, bestaande uit vyf afdelings genoem na die “groot vyf” in die Kruger-wildtuin, was nie net “dierestories” nie. Uiteindelik het dit oor die verhouding tussen diere en mense gegaan, maar ook oor die geskiedenis van die land (deur onder meer verwysings na Trichardt se trek) terwyl dit ook ’n toekomsblik op die veranderings in die politieke bestel in Suid-Afrika gebied het. Die kragtige taalgebruik, die boeiende beelde en veral die magiese slot bly my nou nog by. Eers byna twee dekades later verskyn Botha se volgende boek, Koukonap. Die uitgewers het swaargewigte se aanbevelings op die buiteblaaie geplaas: Deon Meyer word voorop aangehaal: “Die lewens van gewone mense in die greep van die geskiedenis.…

MOEILIKHEIDSGRAAD: MATE 130 cm lank x 16 cm breed (voor dit dubbeld gevou word) WAT HET JY NODIG? E LLE PREMIER COTTON DK in tien kleure van jou keuse 4 mm-breinaalde AFKORTINGS  aw – aweregs; gl – glip; r – regs; rs – reksteek WENKE • Brei die serp so lank as wat jy wil – herhaal net kleure van voor af. • Gebruik kleure van jou keuse – vir die patroon is dit bloot A tot J gemerk • Hou draad aan agterkant as jy in RK-ry glip en aan voorkant as jy in VK-ry glip. • Jy werk aan die einde al die los drade aan die binnekant van die buis toe – jy het dus nie nodig om dit in te ryg nie. AANWYSINGS Met 4 mm-naalde…

• BEL RAMSAY MEDIA by 0860 100 123 (plaaslik) of +27 (0)21 530 3384 (internasionaal) KREDIETKAARTBESONDERHEDE en vir DEBIETORDEROPSIES • SMS die woorde ‘CAXTONVK’ na 40573 (R1,00 per SMS) • STUUR ’N FAKS na 086 670 4101 met jou besonderhede van hernuwing of intekening • SKRYF IN OP ONS WEBWERWE www.vrouekeur.co.za/www.magsathome.co.za • STUUR ’N E-POS na subs@magsathome.co.za • POS ’N TJEK uitgemaak aan RamsayMedia Subs en stuur dit saam met ’n brief en jou besonderhede van hernuwing of intekening na: Vrouekeur-subskripsies, Vrypos CBO209, Posbus 596, Howard Place, 7450 • Doen ’n ELEKTRONIESE OORBETALING of betaal met ’n DIREKTE DEPOSITO Rekeningnaam: RamsayMedia Subs Bank: Nedbank Takkode: 12320900 Rekeningnommer: 1232073059 BELANGRIK! Gebruik jouVAN en SUBSKRIPSIENOMMER of jou VAN enSELFOONNOMMER as verwysing met ’n elektroniese betaling of direkte deposito en faks dit met…

‘EK WAS AL ’N KLEIN BIETJIE MOOIER, MAERDER EN FIKSER IN MY LEWE, MAAR EK WAS NOG NOOIT SO GELUKKIG SOOS NOU NIE’ ‘DAAR IS NIKS MEER WAT MY AANJAAG NIE EN EK KYK HEELTEMAL ANDERS NA DIE LEWE’ Ná ’n heerlike lang vakansie op Paternoster was dit tyd om huiswaarts te keer en die nuwe jaar met albei arms aan te gryp. Soos baie ander kunstenaars het Gerhard Steyn ook die stiller Januariemaand gebruik om net rustig saam met sy pragtige vrou, Zelri, en dogtertjie, Zardi, te ontspan voordat hy met nuwe ywer terugkeer en sy musiek met almal deel. Verlede jaar hierdie tyd was klein Zardi ook nog net ’n wonder-like belofte en nou is sy ’n belangrike deel van die gesin en is dit amper tyd om…

MY GROOTSTE DROOM IS OM GEHEEL EN AL ONAFHANKLIK TE WEES. DIT HET EK AL TOT ’N GROOT MATE REGGEKRY ONS ROETINE MAAK DAT MY WÊRELD NIE SO RIGTINGLOOS VOEL NIE Van die ongeluk waarin hy en drie ander dienspligtiges op 13 Oktober 1991 op ’n grondpad buite Thabazimbi betrokke was, kan Johan niks onthou nie. Hy was in die voorste passasiersitplek en is saam met die man wat agter hom gesit het, uit die motor geslinger. Johan het ’n skedelbasisfraktuur opgedoen en die ander man het op slag gesterf. Albei die ander passasiers het oorleef en is vir skok behandel. ’n Puma-helikopter is vanaf Waterklooflugmagbasis gestuur om Johan te gaan haal. Hy is na 1 Militêre Hospitaal in Pretoria geneem. Van al die bekommernis en gebede tydens sy ongeveer…

VIR DIE EERSTE KEER IN SA ... Die musiekgroep The Vamps sal vir die eerste keer in Maart in Suid-Afrika toer. Hulle tree op 18 Maart by Kirstenbosch (Kaapstad) en op 20 Maart by die TicketPro Dome (Johannesburg) op. Besoek www.bigconcerts.co.za  vir meer inligting WEST SIDE STORY West Side Story is tans by die Mandela-teater (Joburg Theatre) te sien. Die musiekopvoering het ’n rolverdeling van 40 kunstenaars en ’n filharmoniese orkes speel die treffers soos Something’s Coming, Maria, I Feel Pretty en Tonight. Die verhaal kyk na die mededinging tussen twee straatbendes en ’n liefde wat blom … Die opvoering is nog tot 5 Maart te sien. Kaartjies kos R190–R470. Bespreek by www.computicket.com MOZART-FEES Die Johannesburgse Internasionale Mozart-fees bied weer vanjaar uitstekende vertonings. • Vrydag…

SJOKOLADEKOLWYNTJIES MET MALVALEKKERVERSIERSEL 20 kolwyntjies KOLWYNTJIES 3 groot eiers 100 ml water 100 ml olie 250 ml (1 k) strooisuiker 10 ml (2 t) vanielje 330 ml (1 1/3 k) koekmeel 12,5 ml (2½ t) bakpoeier 2,5 ml (½ t) sout 50 ml (3 e en 1 t) kakao VERSIERSEL 30 ml (2 e) gelatien 125 ml (½ k) koue water 500 ml (2 k) strooisuiker 125 ml (½ k) kookwater 10 ml (2 t) vanielje 160 g donker baksjokolade Verhit oond tot 180 °C en berei kolwyntjiepan met papiertjies voor 1 Kolwyntjies Skei eiers. 2 Klits eiergele, water en olie, gooi strooisuiker stadig by, klits tot lig en voeg vanielje by. 3 Klits eierwitte tot sagtepuntstadium. 4 Sif koekmeel, bakpoeier, sout en kakao en vou by eiergeelmengsel in. 5…

WENBOEKE Ons wenboeke vir Januarie is drie resepteboeke in LAPA Uitgewers se Lekker & vinnig-reeks. Lekker & vinnig 8: Vrugte bied inspirasie om iets anders met vrugte te doen. Almal sal smul en dis boonop gesond. Lekker & vinnig 8: Lekker Wraps bied 20 heerlike idees om honger mae te vul. Lekker & vinnig 8: Sosaties is ou resepte met ’n moderne kinkel. Dis boonop bekostigbaar en gemaak van produkte wat jy in jou plaaslike super-mark behoort te kry. Die boeke is in toonaangewende boekwinkels en ook by www.lapa.co.za  beskikbaar HANNA PEENZE WEN MET HAAR WENK: MOETIE VIR MUSKIETE Meng 500 ml Dettol met 500 ml Listerine in ’n spuitbottel. Skud dit goed en spuit in ’n vertrek vir muskiete. Ek spuit sommer teen gordyne,…

Einde verlede jaar het Nina Torr ’n uitstalling in Johannesburg se In Toto-galery aangebied – saam met kleurryke beeldhouwerke in geglasuurde keramiek deur Ceramic Matters uit die ateljee van Gerhard Smart en Anthony Harris. Toe Torr werk in 2013 in die einste galery vertoon het, was dit veral oker en diepblou wat oorheers het, werk in gouache op bord agter glas wat baie na “reverse glass”-skilder gelyk het. Nou het sy in The End of Something na swart-wit werk in ink op papier teruggekeer, baie soos die werk wat sy eens onder die skuilnaam Andy Wyeth gemaak het. Torr het in 2010 haar kunsgraad aan die Parsons-ontwerpskool in New York behaal en gee sedert 2012 klas in illustrasiekuns aan die Open Window-instituut in Pretoria. Dit was dié loopbaanskuif wat Torr…