Innholdsfortegnelse for 24 March 2022 i TV Plus Afrikaans

Poena Seisoen 1 kykNET (*144) Maandae 20:00 (begin 4 April) Die karakter Poena (Robbie Wessels) het ons in 2007 met die fliek Poena Is Koning laat kraai van die lag. Maar dit was nie die laaste sien van hierdie eksentrieke karakter nie. In 2020 het Poena na die kassie teruggekeer in die kykNET-fliekkomedie Poena en in Desember 2021 het hy en sy neef Poenie (Kaz McFadden) ons met hul kaskenades in die TV-film Poena En Poenie vermaak. En hier’s goeie nuus vir Poena-aanhangers, wat hulle voortaan Maandagaande kan regskuif vir nóg meer pret met Poena, die komediereeks wat uit 13 episodes bestaan. “Poena se familie is nogal disfunksioneel en ek dink baie kykers sal met hulle kan identifiseer. Hulle is glad nie pretensieus nie en die sout van die aarde,”…

CSI: Vegas Seisoen 1 Donderdae M-Net (101) 20:30 (begin 24 Maart) Die ding met opvolgreekse is hulle hou dikwels nie kers vas vir die oorspronklike reeks nie. Maar CSI (Crime Scene Investigation) is nie ’n gewone program nie. Die uitvoerende vervaardiger, Jerry Bruckheimer, en die skepper van die reeks, Anthony E. Zuiker, het daaroor saamgestem en dís hoe CSI: Vegas gebore is. “Dinge in die laboratoriums het verander. Daar werk ’n nuwe ‘jongspan’ as CSI-agente. Daar is nuwe tegnologie en masjiene wat die agente help om die moordenaars te vang,” sê Anthony. Maar iets voel oud en bekend aan die splinterreeks . . . WAT KAN JY VERWAG? Dinge begin met ’n knal! Speurder Jim Brass (Paul Guilfoyle, wat in meer as 317 episodes van CSI gespeel het) maak ’n…

Die liefde kan soms snaakse draaie loop – en so ook in Arendsvlei. Die program se temalied lui nie verniet “liefde en leed in Arendsvlei” nie! Janice (Crystal-Donna Roberts) en Lionel (Jody Abrahams) se liefdesboot was al deur diep waters, en daarom het Janice nee gesê vir Lionel se huweliksaanbod vroeër in Februarie. “Dit was nie die regte tyd om Janice te vra nie,” sê Crystal-Donna. “Hulle was besig om te baklei en trou was beslis nie die oplossing daarvoor nie. Janice het net gevoel Lionel dink alles is ’n grap en dat hy nie haar punt insien nie.” Lionel was verpletterd toe Janice nee sê en het aan die begin van Maart by Janice se geliefde tannie, Antie Poppie (Vinette Ebrahim), om hulp gaan aanklop. Antie Poppie het sommer…

Dinge tussen dr. Annelize (Cindy Swanepoel) en die paramedikus Danny (Bradley Olivier) is bitter ongemaklik nadat hulle vroeër in Maart mekaar gesoen het. Hulle was in ekstase toe hulle op bewyse afkom dat ’n rioolplaas in die omgewing water opsetlik vergiftig en dit die oorsaak was van die siek mense wat na Binneland gestroom het. Boonop was die siekte hoogs aansteeklik en het Annlieze en Danny platgetrek, wat saam in isolasie geëindig het. “Toe hulle die skootrekenaar vind met die bewyse was albei verheug, die adrenalien het gepomp, en in ’n oomblik van swakheid het hulle mekaar gesoen,” verduidelik Cindy. Hulle het mekaar daarna probeer vermy, maar die verpleegster Gaby (Maude Sandham) let op hoe hulle soms vreemd na mekaar kyk. Gaby sit twee en twee bymekaar – en dit…

Toe JJ (Zak Hendrikz) so ’n week gelede by Pottie’s opgedaag en vir sy ma, Magda (Elzabé Zietsman), reguit gesê het hy is terug om sy gebou terug te kry, het dit moeilikheid gespel. En toe Pottie (Christo Compion) boonop dieselfde dag spoorloos verdwyn, het almal besef daar’s ’n slang in die gras. “JJ het vir sy ma gesê indien sy Pottie wil terughê, moet sy die kontrak onderteken wat die gebou aan hom terugbesorg,” sê Zak. SLINKSE PLANNE JJ het Pottie’s verlede jaar ná sy pa dood geërf, maar die plek onwetend weggeteken, wat Magda en Pottie die regmatige eienaars gemaak het. JJ het toe probeer om Pottie’s in die grond in te bestuur, maar het nou heeltemal ander idees met die kuierkroeg. “Hy besluit om Pottie’s in ’n…

Soms kyk ’n mens TV en jy merk ’n baken op wat jy herken, want dis in jou eie agterplaas of, anders gestel, in jou tuisland. Maar wat gebeur wanneer die plekke in flieks en reekse jou letterlik uit dié wêreld neem? Die stroomplatform Showmax het twee sci-fi-produksies wat hier in Suid-Afrika verfilm is, maar jou na Mars en nóg verder neem . . . SETTLERS Dié 2021-sci-fi-fliek speel af op Mars – daardie planeet wat die Suid-Afrikaans gebore tegno-genie Elon Musk probeer besoek? Maar dit is naby Namibië verfilm, in die verlate, woestynagtige dorp Vioolsdrift in die Noord-Kaap. En dit lyk beslis eg – die grond is rooi, vir sover as wat die oog kan sien, is daar geen plantlewe nie, en dis winderig. Hier is die feite oor…

Homegrown Tastes South Africa Seisoen 1 Woensdae BBC Lifestyle (*174) 20:00 (begin 23 Maart) Kos is baie meer as dit wat op ons borde is. Die proses begin by die boere wat hul oeste en lewende hawe kweek en monitor. Dit word gevolg deur die oesproses, sortering en verpakking – al die tegniese aspekte. Hul produkte word dan reg oor die wêreld en plaaslik aan winkels en restaurante verkoop, met die sjefs en kliënte wat geregte kook wat deur hul kulture en belangstellings geïnspireer word. Dié reis met kookkuns is wat die glanssjef en TV-persoonlikheid Lorna Maseko se splinternuwe kookekspedisiereeks Homegrown Tastes South Africa geïnspireer het. In elke episode met ’n tema sluit ’n glansster by Lorna aan en saam reis hulle reg oor die land en verken die plaaslike…

As daar een Ruiterbosch-inwoner is wat nog nie geluk op die liefdesfront gevind het nie, is dit Bianca (Simone Biscombe). Dié restaurantbestuurder het al lelik seergekry en het selfs in 2019 aan pille verslaaf geraak weens haar verhouding met haar destydse kêrel, Lloyd (Ruben Engel). Ná haar behandeling het sy goed herstel en nou lyk dit of Kupido weer vir haar glimlag wanneer sy ’n konneksie vorm met die nuwe gesig in Ruiterbosch, Dirk (Evan Hengst, Stefan in die dramareeks Recipes For Love And Murder, lees meer op ble. 12-13). Maar kan Bianca Dirk met haar hart vertrou, of steek hy iets duisters weg? WEES VERSIGTIG “Dirk is ’n aantreklike man met baie sjarme wat al die regte geluide maak, en Bianca voel dadelik aangetrokke tot hom. Maar weens haar…

Die hoof van die Binneland-kliniek, dr. Conrad Bester (Hykie Berg), is op die oorlogspad en sy teiken is dr. Martin Prins (Keenan Arrison). Martin het tydens die gyselaarsdrama op die pasiënt Emil (Thommy Swanepoel), wat aan ernstige epilepsie ly, geopereer om te keer dat Emil se pa, Kurt (Jacques Theron), bomme in die kliniek laat ontplof. Kurt wou hê sy seun moet eerder ’n operasie kry wat die aanvalle sou genees en nie die eksperimentele behandeling ondergaan wat dr. Hugo (Cobus Rossouw jr.) voorgestel het nie. Conrad meen Martin was roekeloos al wou Martin net die situasie ontlont. Conrad soek nie ’n waaghalsige dokter nie, en al was die operasie ’n sukses, hou Martin se dade groot gevolge vir hom in. IN DIE STEEK GELAAT Martin se kommentaar aan die…

Dit was ’n rowwe en moeilike reis vir jong Elif (Isabella Damla Güvenilir) en haar ma, Melek (Selin Sezgin), tot dusver. In seisoen 1 van die bekroonde Turkse telenovelle, is die sesjarige Elif gestuur om by haar ma se vriendin te bly omdat Melek siek was en Elif se wrede stiefpa, Veysel (Hasan Balliktas), van plan was om Elif te verkoop om sy dobbelskuld te dek. “Dit is so ’n slegte ding om te doen om jou kind weg te stuur, maar op die ou end het Melek geen keuse gehad nie,” sê Selin. “Sy het die beste gedoen wat sy kon vir haar dogter, die een mens wat sy die liefste in die wêreld het.” Maar dit was die begin van ’n onmoontlike rit vir die gesin. OUERS PROBLEME…

Recipes For Love And Murder, Sondae op M-Net (*101) om 20:00, is ’n plaaslike moordraaisel gegrond op Sally Andrew se gelyknamige 2015-roman. Die goedhartige Skotse immigrant Tannie Maria (Maria Doyle Kennedy) gee raad en resepte in ’n klein Karoodorpie se koerant. Maar wanneer haar nuwe vriendin met ’n man wat haar mishandel het, dood aangetref word, besluit Maria en ’n waaghalsige nuwelingverslaggeefster, Jessie September (Kylie Fisher), om die saak te ondersoek. Die boek het ’n kooksensasie begin, en nou kan kykers verlief raak op Tannie Maria, die Karoo en daai verleidelike kombuisoomblikke. WIE IS WIE? TANNIE MARIA (MARIA DOYLE KENNEDY) Maria Purvis was dadelik in haar element met die titel “Tannie”. Sy lyk verstrooid, maar moenie ’n fout maak nie: Daardie rondflitsende oë neem alles in. Op die oppervlak is…

A Million Little Things Seisoen 4 Vrydae M-Net (*101) 21:30 (begin 25 Maart) Indien daar ’n program is wat die ware betekenis van vriendskap vasvang, is dit die tranetrekker-dramareeks A Million Little Things. In goeie tye vier die vriendekring saam, en hulle ondersteun mekaar in moeilike tye. En met al die struikelblokke en verpletterende slae wat hulle in seisoen 4 gaan trotseer, het die maats mekaaar meer as ooit nodig. Seisoen 4 begin ses maande ná die dramatiese gebeure in die slotepisode van seisoen 3 toe Gary (James Rodriguez) vir Peter (Andrew Leeds) aangeval het, die musiekonderwyser wat Gary se peetdogter, Sophie (Lizzy Greene), seksueel voorberei het terwyl haar ma, Delilah (Stephanie Szostak), met vakansie in Frankryk was en Sophie in Gary se sorg gelaat het. Dit word onthul Peter…

Dis ’n moeilike tyd vir Danni (Vashti Prins): Motorneuronsiekte is by haar pa, Simon (Elton Landrew), gediagnoseer en sy sukkel om om dit te aanvaar. “Danni sê vir haar pa dit is nog early days en dat daar nog baie vir haar pa gedoen kan word,” sê Vashti. “Sy wil navorsing doen oor die bes moontlike hulp vir haar pa, want hulle gaan nie sommer handdoek ingooi nie. Siya (Gantane Kusch), Danni se verloofde, se mediese agtergrond en kennis kan hulle ook baie help.” Maar dinge is nie so eenvoudig nie en wanneer Simon se gesondheid begin agteruitgaan, droog die tyd wat hy met sy dogter het ook op – en dis vir albei moeilik om dit te aanvaar. GEEN MEER TOETSE Danni is vol planne om haar pa te…

In ’n wêreld waarin kinders en tieners soms bang is om al hul probleme met hul ouers te bespreek, is Uys (Daniel Coetzee) en sy pa, Werner (Zak Hendrikz), die teenoorgestelde. Hulle is so na aan mekaar, hulle is soos beste vriende. Terwyl sommige ouers hul kinders in ’n rigting druk omdat hulle eintlik net die beste vir hulle wil hê of wil hê die kinders moenie hul eie foute herhaal nie, los Werner Uys om sy gang te gaan sodat Uys nie bang is om sy vrese oor sy toekoms met sy pa te deel nie. “Uys en sy pa se verhouding is baie goed. Dit is regtig amper soos vriende wat saam kwaad kan aanjaag en mense strepe kan trek. Werner stel werklik belang in Uys se lewe…