Innholdsfortegnelse for 10 March 2022 i TV Plus Afrikaans

Die Groot Niks Seisoen 1 Saterdae kykNET (*144) 18:00 Die akteur Neil Sandilands wat sedert 2007 aan en af in Los Angeles, Amerika, woon en werk, en sy merk al in verskeie internasionale reekse, soos The Flash (Clifford DeVoe), News Of The World (Uncle Wilhelm Leonberger op Netflix) en Sweet Tooth (General Abbot, ook op Netflix), gemaak het, keer terug na Afrika as aanbieder van Die Groot Niks om die ongenaakbare, dorre Namib-woestyn in al sy fasette te leer ken. En op die koop toe ontsluit hy van die geheime en wonders in hierdie ongerepte, vreemde wêreld. Neil het uit Auckland, Nieu-Seeland, waar hy aan die volgende seisoen van Sweet Tooth werk, met tvplus oor hierdie belewenis van ’n leeftyd gesels. Hoekom het jy dadelik ingestem toe die vervaardigers, Hannes…

Projek Dina Seisoen 2 Dinsdae kykNET (*144) 20:00 Daar is baie dinge wat ’n reeks goed maak: die storielyn, die draaiboekskrywer, die regisseur, die beligting, die ligging, die produksiespan . . . Maar wanneer dit by die aksiereeks Projek Dina kom, sê aktrise Kay Smith (Debra in die telenovelle Arendsvlei, lees meer op ble. 30 en 53) is dit die ongelooflike spelers wat die verskillende rolle vertolk wat die reeks uitsonderlik maak. “Die res van die elemente speel ook ’n rol, maar dis die amazing cast en hul karakters wat Projek Dina die X-faktor gee, dink ek. Voeg daarby die sake wat hulle ondersoek en wat die skryfspan met hul creative license opgekikker het, en jy kry ’n reeks wat kykers vasgenael gaan hou. En dis wonderlik om deel daarvan…

Little Big Shots: Forever Young Seisoen 1 Saterdae e.tv (*194) 12:30 (begin 19 Maart) Net omdat mense in hul goue jare is, maak dit hulle nie minder interessant om op realiteits-TV na te kyk nie. En die bejaarde gaste in die splinterreeks Little Big Shots: Forever Young is ’n bewys daarvan. Met die komediant Steve Harvey as aanbieder stel bejaarde gaste met sprankelende persoonlikhede hul talente ten toon voor ’n gehoor, gevolg deur ’n skreeusnaakse gesprek met Steve op die verhoog. Daar is van sangers en kulkunstenaars, tot waaghalse. “Hulle is nie bang om hul drome uit te leef en hul versteekte vaardighede vir die wêreld te wys nie,” sê Steve. Die senior burgers laat ook nie toe dat hul ouderdom hulle inperk nie. “Indien die seniors wat in die…

Die tyd het uiteindelik aangebreek: Siya (Gantane Kusch) gaan sy meisie, Danni (Vashti Prins), vra om te trou! Maar voor dit gebeur, kom kuier Danni se pa, Simon (Elton Landrew, Steve Mortlock in Arendsvlei, lees meer op ble. 30 en 53) vir haar in Ruiterbosch en dis duidelik hy steek iets vir haar weg. En wanneer die geheim op die lappe kom, kan dit dalk net die goeie nuus van die verlowing oorskadu . . . ’N GROOT VERRASSING Danni is in ekstase wanneer haar pa uit die bloute van die Paarl af kom kuier. “Dit is vir haar ’n groot verrassing, want sy bestee nie naastenby soveel tyd met haar pa as wat sy wil nie,” sê Vashti. Simon is baie bly om sy dogter te sien, maar kort…

Almal kan nou ’n sug van verligting slaak, want die oulike kelnerin Lulu (Ansu Visser) luister uiteindelik na haar hart en verklaar haar liefde aan Simon (David Louw). Die twee se liefdespaadjie het die afgelope twee jaar baie kronkels en draaie geloop, maar nou omarm hulle hul rooskleurige toekoms en begrawe al die ou verwyte en strydbyle. “Lulu was moeg om so lank teen haar ware gevoelens vir Simon te stry. Sy is honderd persent daarvan oortuig sy het die regte besluit geneem en dat Simon die man van haar drome is,” sê Ansu. AFGESTELDE TROUE EN DROME ’n Maand terug sou die liewe Lulu met haar eksverloofde, die boer Nico (Pietie Beyers), getrou het. Nico, wat by Heidelberg boer, was uitgeknip vir haar. Maar daar was net een vlieg…

Dis geen geheim hoeveel klein Karmen (Gabriella Linton) van tuinmaak hou nie. Terwyl sy in haar ma, Vanessa (Ingrid Paulus), se tuin plantjies in die grond sit saam met haar oppaster, Nadine (Mmapule Tsholo), ontdek die twee ’n kis wat ’n byenes gaan oopkrap vir ’n paar Hillsiders! “Karmen se eerste instink is haar pa, Xander Meintjies (Theodore Jantjies), het dalk nóg ’n blom vir haar gelos,” sê Ingrid, met verwysing na Xander wat Karmen ’n blom gegee het voor sy dood vroeg in 2020 – en Karmen dink steeds haar pa leef. “Nadine is so lojaal aan Vanessa en die familie dat sy die boks eers vir Vanessa wys voor hulle dit oopmaak,” sê Ingrid. “Al wou hulle die boks oopmaak, was dit bottoe.” WAT’S DAARBINNE? “Ek sal nie…

Voel jy steeds die warm emosies van die maand van liefde? Net omdat Februarie verby is, beteken dit nie jy kan nie deur romkomflieks, dramaflieks wat met liefde eindig en selfs grootword-komediereekse wat om verhoudings draai, vermaak word nie. Hier is ’n voorsmakie van die plaaslike en oulike romanse-programme wat jy op Showmax kan kettingkyk . . . TROUKOORS Liefde is in die lug, en dit beteken een ding: Dis troutyd! In dié Afrikaanse komediereeks met Engelse onderskrifte beleef die welmenende troubeplanner Jessica (Ilse-Lee van Niekerk) en haar besties ’n wipwarit van emosies – en verhoudings – wanneer hulle probeer om elke dag te oorleef sonder om heeltemal op die liefde op te gee. Enigiets wat verkeerd kan loop, loop verkeerd, en daar is alles van troudagsenuwees en blitsafsprake, tot…

Elvis B(l)ou Seisoen 1 Maandae VIA (*147) 18:30 (begin 21 Maart) “In ’n neutedop gaan die program oor twee mense wat niks van bouwerk weet nie, ’n bus gaan herskep en op TV gaan verskyn,” sê die musikant Elvis Blue oor die splinternuwe leefstylreeks Elvis B(l)ou, wat einde Maart op VIA begin. Dis ’n groot taak om in net ses weke te voltooi, maar Elvis en sy vrou, Chireze, is gereed daarvoor. “Wel, soort van,” sê Chireze senuweeagtig. “Die idee het ontstaan tydens die grendeltyd en ons en ons gesin se behoefte om iets nuuts aan te pak. Dus beskou ons die projek as deel van ons bucket list,” voeg Chireze by. En in slegs ses episodes gaan kykers Elvis en Chireze volg op die avontuur en hopelik gaan die…

Narcos: Mexico Seisoen 1 Dinsdae SABC3 (*193) 21:00 (begin 22 Maart) Dwelms is sleg, maar die kartelle en dwelmbase wat die toneel oorheers, is slegter. Narcos: Mexico is die splinterreeks van die biografiese dramareeks Narcos en speel af in die 1980’s toe Mexiko se dwelmverkope gevorder het van miljoene tot miljarde. En dis alles danksy Miguel Ángel Félix Gallardo, gespeel deur Diego Luna. Hoewel dit ’n bekende verhaal is, onthul Diego: “Ons weet niks. Wat ek oor Miguel geleer het – die dinge wat hy gedoen het, die planne wat hy gemaak en hoe hy te werk gegaan het – is skrikwekkend. Hy is van die slegstes wat daar is. Hy sal saam met jou sit en vir jou koffie maak of ’n bier skink, en dan toekyk hoe een…

Better Things Seisoen 3 Vrydae SABC3 (*193) 20:30 (begin 18 Maart) Pleks van moederskap te verheerlik en Sam Fox (Pamela Adlon) uit te beeld as ’n supervrou wat almal rondom haar red, put die outobiografiese komediereeks Better Things – wat op Pamela se lewe gegrond is – humor uit die uitdagings van ’n werkende enkelouer. In seisoen 3 is Sam op die rand van ’n ineenstorting. Sy is gestres oor haar tienerkinders, gaan deur menopouse, haar loopbaan gaan nie in die rigting wat sy verwag het nie en haar bejaarde ma, Phil (Celia Imrie), het demensie. “Om op te som, Sam verkeer onder geweldige druk,” sê Pam. “Better Things is ’n oordrywing van my lewe. Ek probeer Sam nie ’n perfekte persoon maak nie. Dis baie interessanter om haar te…

Dr. Martin Prins (Keenan Arrison) het ambisie. Hy wil ’n verskil in die wêreld maak en hy dink die Binneland-kliniek is die perfekte plek om dit te doen. Die mediese wêreld is aan die gons oor die Super ER – die nuwe ongevalleeenheid wat tans gebou word – en Martin glo met die status wat die eenheid gaan bring, gaan dit sy profiel versterk. Nou moet hy net vir Conrad (Hykie Berg), die HUB van die Binnelandkliniek, aan sy kant kry deur hom te oortuig om hom sy vennoot te maak. Maar voor dit kan gebeur, is daar ander uitdagings wat oor Martin se pad kom: Sy gevoelens vir verpleegster Chanel (Lindsey Cele) – en ’n gyselaarvoorval wat die hele hospitaal tot stilstand bring! ’N LOOPBAAN UITKERF Martin daag ’n…

Die maandelange vete tussen die feeks Amanda (Natasja Jacobs) en haar kollega as publisiteitsbeampte by die Styders, Kristien (Marlee van der Merwe), word nou op die spits gedryf – en as dinge uitwerk, kan Kristien dalk net permanent van haar ontslae wees. Nadat Pine (Gerald Steyn), die redakteur van die mediawebwerf SinBin, in sy kantoor aangeval is, besluit sy kollega Jana (Juanita de Villiers Velts) die skuldige moet opgespoor word en vir sy dade boet. Jana en Pine speel albei speurhond en dit begin lyk asof die net al hoe nouer om Amanda en haar bondgenoot, Matt (Sean Brebnor), gespan word, wat Amanda se doppie kan klink. OMKOOPGELD Gerald vertel Pine was nie baie ontsteld ná sy aanranding nie. “As joernalis is hy al baie gemoker en hy wou nie…

Soos die ander Price-vroue het die middeldogter, Liz (Reandi Grey), nog nie liefdesgeluk gevind nie. Dit maak nie saak hoe hard sy probeer nie, sy kry nooit “die een” nie – dus het sy onlangs besluit om op haar eie ’n enkelouer te word. Maar op pad na die dokter vir haar vrugbaarheidsondersoek het Liz se motor gebreek en haar ridder op die wit perd het opgedaag. “Max Kramer (Steven John Ward) het sy geld gemaak met billike handelspraktyke in Afrika,” sê Steven van sy Legacy-karakter. “Hy pro-beer wêreldwyd uitbrei. Vir hom gaan dit oor betroubaarheid, en hy soek iemand om lief te hê, wat hom ook liefhet.” Maar sy planne sluit nie die getrippel van klein voetjies in waaroor Liz droom nie. MAN MET ’N PLAN Liz is nie…

Ou Toppies Seisoen 1 Dinsdae SABC2 (*192) 19:30 Toe die aktrise Heidi Mollentze (49) die rol van dr. Gloria in die komedie Ou Toppies aangebied is, het sy eers effens gehuiwer om ja te sê. “Ek het nog nie voorheen ’n karakter vertolk wat ouer as ek is nie en gehoop hulle gaan haar ’n bietjie jonger maak. Maar toe dog ek, watwou, ek geniet altyd ’n nuwe uitdaging.” Uiteindelik was Heidi toe dol oor Gloria wat haar hande vol het om ’n paar koppige, lawwe ou omies in ’n aftreeoord in toom te hou. DIE GOM Die gesoute aktrise, wat al met tientalle verhoog-, rolprent- en televisierolle, waaronder Luella in die dramareeks Swartwater naam gemaak het, sê Gloria het ’n sagte hart, maar kan soms ook haar humeur verloor.…

Dogs Behaving (Very) Badly Seisoen 1-3 Weekdae CBS Reality (*132) 18:50 Graeme Hall se leuse is “enige hond, enige ouderdom, enige probleem”. Dis wel nie te sê hy kan jou hond se probleem oplos in die een dag wat julle saam vir sy TV-program Dogs Behaving (Very) Badly deurbring nie. “Dit beteken nie noodwendig ek kan alles regstel op my eie nie. Dit meen ek sien kans vir alles,” verduidelik hy. “Toe ek die eerste keer begin het om honde op te lei, het baie mense gesê: ‘Dié hond is by die honde-opleiding uitgeskop. Hulle het gesê dis onmoontlik om hom op te lei.’ En ek het gesê: ‘Wel, ek sal my bes doen.’ Met TV, sodra jy jou program Dogs Behaving Badly noem, kan jy jou kop op ’n…

Tim (Marco Spaumer) speel met vuur! Die argitek en aandeelhouer in Jacobs Property Development (JPD) verduister tans geld by die maatskappy om die booswig Nazeem (Irvine van der Merwe) gelukkig te hou nadat Tim hom vroeër in Februarie gehuur het om van mnr. Cilliers (nie op die skerm nie) ontslae te raak. Tim wou die grond hê waarop Cilliers se huis gebou is om ’n groot ontwikkelingsprojek te begin. Nazeem het ’n opname van Tim se gekonkel oor die grond en gebruik dit om Tim mee af te pers. Maar die twee se misdadige aktiwiteite gaan vinnig aan die lig kom wanneer niemand anders nie as Nazeem se skoonsus, Mymoena (Jill Levenberg), daarop afkom in JPD se boeke – en natuurlik weet ons vir wie sy dan gaan vertel! ’N…

Louis (Germandt Geldenhuys) en Naomi (Je-ani Swiegelaar) is die afgelope ruk deur diep waters met Delia (Odelle de Wet) wat in Februarie in Pretoria opgedaag, geboorte aan haar en Louis se kind, Amalia (Lily van Niekerk), geskenk het, en tans in die tronk is op aanklag van moord. Aanvanklik wou Delia Amalia saam met haar tronk toe neem, maar Louis het haar oorreed om dit nie te doen nie, en nou bly Amalia by hulle. Louis is in ekstase om sy dogter by hom te hê, maar vir Naomi – wat bitter graag self ’n ma wil wees – is dit ’n groot aanpassing. ’N BITTERSOET OOMBLIK Louis vra Naomi om verlof te neem om hom met Amalia te help, maar Naomi sê nee. “Albei van hulle kan nie verlof…

Daar is niks so kosbaar, onselfsugtig en onvoorwaarlik soos ’n ma se liefde vir haar kind nie. Daardie liefde is veronderstel om enige pyn te kan verdryf, maar nie alle ma’s dra hul kind se beste belange op die hart nie – iets wat die Hoërskool Arendsvleileerder Ruby (Boudine Ballem) met ’n skok agtergekom het toe haar ma, Denise (Chantal Herman), vroeër in Maart gearresteer is op aanklag dat sy Ruby opsetlik siek maak. “Alles het so vinnig gebeur,” sê Boudine. “Ruby sukkel steeds om sin te maak daarvan. Haar ma was haar alles, en nou moet sy die lewe sonder haar aanpak.” Dis nie maklik vir Ruby om die stukkies van haar lewe op te tel nie, maar daar is ’n silwerrandjie wanneer die Hoërskool Arendsvlei se opsigter, Hein…

e.tv Weekdae 16:45 VERLEDE KEER Eli het Hope uitgevra oor haar verhouding met Ted, Will het Diana besoek en verduidelik hoe Leo Sonny afpers, en Hope was paniekbevange toe sy besef Ciara was op die vliegtuig uit Suid-Afrika en niemand het iets van haar gehoor nie. IN DIÉ UITGAWE Die hut is aan die brand gesteek en Ciara se lewe in gevaar gestel, Jordan gee Charlotte terug aan Abigail, en Ben probeer Hope oorreed om hom te help om Ciara te red. Hope bedank Ted vir al sy ondersteuning, Ted se reaksie is om Hope nader te trek vir ’n impulsiewe soen, en Rex se planne vir ’n romantiese Valentynsete loop skeef. Jordan daag by Ciara se hospitaalkamer op en slaan Ben bewusteloos sodat sy hom met ’n dodelike…