Innholdsfortegnelse for 16 Dec 2021 i TV Plus Afrikaans

Vollengte flieks eis gewoonlik sy tol op jou sitvlak nadat jy vir twee uur of langer op een plek gesit het. Jy kan natuurlik stroomflieks onderbreek vir ’n badkamerbreek of om ’n snoephappie te kry . . . maar jy kan ook flieks kyk wat 90 minute lank of korter is. Soos dié flieks van Showmax . . . UNHINGED 86 MINUTE Padwoede kom daagliks voor. Dit kan met enigeen gebeur. Russell Crowe se karakter Top Cooper, alias The Man, is nie die beste mens in die samelewing nie. Om die waarheid te sê hy verteenwoordig alles wat verkeerd is met ons. Dit begin waar hy sy eksvrou en haar nuwe kêrel vermoor en gaan dan vinnig afdraand. Wel, meer afdraand as voorbedagte moord. Tom raak betrokke in ’n…

Hoe meer ons van die gemene DeWet (Dirk Stoltz) sien, hoe meer lyk hy soos ’n turksvy – vol fyn dorinkies aan die buitekant om bedreigings weg te hou, maar sag en soet van binne wanneer die regte mens deur die omhulsel kan dring. Die afgelope maande het dit duidelik geword hy het ’n hart. En Dirk stem saam sy karakter kry meer vlakke – maar sy hoofdoel bly steeds: “Om Hillside en die wêreld tot elke prys in te palm . . . !” sê die akteur laggend. ’N SAGTER KANT Die DeWet wat ons tans sien, is ver verwyderd van die geharde, gevoellose en onwrikbare Don van Hillside wat ons leer ken het. Hy’t selfs ’n paar keer teruggedeins toe dié na aan hom – sy vrou, Bonita…

Daar is duisende vrae wat tans deur Louis Koster (Germandt Geldenhuys) se kop gons wanneer hy uitvind hy is die biologiese pa van Delia (Odelle de Wet) se ongebore baba. Hy het verseker nie die lakendans met haar gedoen nie, hoe kan hy dus die pa wees? “Die laboratorium het ’n fout gemaak,” verduidelik Germandt. “Louis en sy vrou Naomi (Je-ani Swiegelaar) het (in Maart) vir IVF-behandeling gegaan en Louis se spermbuisie is verkeerdelik gebruik tydens Delia se inseminasie (in Augustus), pleks van haar oorlede man, Malan Koster (Paul du Toit) s’n. En onthou, Louis is Malan se oom.” Dit klink onwerklik, maar Germandt sê sulke goed het al in die regte lewe gebeur. “Dis skaars, maar foute word wel gemaak en dis deel van die lewe en menswees.” Intussen…

Vir die buitewêreld is dr. Ramon Shettiar (Terence Bridgett) ’n narkotiseur wat onlangs afgetree het. Hy’s ’n wewenaar met twee kinders en vier kleinkinders. En hy is Gordon (Neil McCarthy) se minnaar uit ’n vorige lewe. “Hy hoop op ’n sekere mate van vergifnis, kameraadskap en genesing voor dit te laat is om daarvoor te vra,” sê Terence. Wat het Ramon na die medestigter van Legacy Investment teruggebring? “Ek meen dis ’n kombinasie van liefde en omstandighede,” sê Terence. “Ek vermoed nie almal gaan verstaan waarom hy sekere lewenskeuses gemaak het nie, maar ek hoop kykers sal ’n begrip van sy vlak van integriteit kry.” En Gordon weet die tyd stap aan namate Ramon se fase 4-kanker vererger. TERUG UIT DIE VERLEDE Toe ons vroeër vanjaar met Neil gesels het,…

Dinge is besig om vinnig te beweeg met Bridgette (Denise Newman) en Donovan (Marvin-Lee Beukes) se verlowing. Die paartjie is gretig om te trou en besluit om dit sommer in die hof te doen, ten spyte van Bridgette se susterskind, Zoe (Lauren Joseph), se teenkanting. “ Mrs J. (Theresa Sedras), Bridgette se ma, haar suster, Lee-Ann (Portia Joel), en Bridgette se swaer, Ty (Maurice Paige), ondersteun wel Bridgette en Donovan se troue, en verras hulle deur saam te gaan hof toe vir die seremonie,” sê Denise. Zoe en haar man, Tim (Marco Spaumer), is geskok wanneer hulle die dag hoor die troue is agter die rug en hulle is nie genooi nie. Maar Zoe en haar tannie se slegte verhouding is nie Bridgette en Donovan se grootste probleem nie. Kort…

Die Hoërskool Arendsvlei se sekretaresse, Elsa Booysen (Roxanne Blaise), het groot drome. Sedert sy vroeër vanjaar haar matrieksertifikaat gekry het, voel sy rusteloos. Elsa het vroeër in Desember op die ingewing van die oomblik aansoek gedoen om aan die Universiteit Van Kent in Engeland sielkunde te studeer, en tot haar verbasing is sy goedgekeur! Boonop word al haar onkoste met ’n beurs gedek! ’N KANS GEWAAG “Elsa het nooit gedroom sy sou die geleentheid kry nie,” sê Roxanne. Elsa begin planne maak om in die verte verder te studeer, maar hou vir nou haar man, Fred (Jeffrey Moss), en haar dogter, Mielies (Kaylene Bergstedt), wat self pas matriek voltooi het, in die duister oor die ontwikkeling. MEER VIR MYSELF Elsa bedank by die skool, tot haar baas Beatrice (Jolene Martin),…

Telemundo Daagliks 21:00 VERLEDE KEER Luis het Aurora en Jimena gevra om te trou, Plutarco en Constanza het gestry, en Lobo het gesukkel om sy onskuld te bewys. IN DIÉ UITGAWE Lobo besluit om Plutarco én Constanza se maatskappy te dagvaar, Aurora en Jimena doen hul bes om Luis na ’n ouervergadering te neem, en Emiliano ondersteun Benito wanneer ’n rassistiese kliënt ’n bohaai opskop. Luis word deur ’n ultimatum gekonfronteer, en Fernando leer Benjamin van respek en diskrimiasie. Mariana vertel Daniel waarom sy gekies het om uit Austin te trek, Constanza hoor ’n gesprek tussen Plutarco en Luis, en Remedios bied aan om Alejandra met ’n saak te help. Aurora sê vir Luis se pelle om op te hou om hom te beskerm en dat Jimena verdien om die…

Seisoen 31 van Top Gear, die wêreld se bekendste program waarin motors bespreek word, het weens die Covid-19-inperking die aanbieders vir die eerste keer in 18 maande buite Brittanje geneem. “En dit was wonderlik. Om te kon uitgaan en reis, nie net vir die program nie, maar in die algemeen, is fantasties,” sê die aanbieder Freddie Flintoff, wat as ’n internasionale krieketspeler gewoond is aan reis. Saam met die motorjoernalis Chris Harris en die akteur-komediant Paddy McGuinness, neem hulle die kykers Donderdagaande om 20:00 op BBC Brit (*120) op ’n jaag-tog – en dié seisoen is groot: Daar is alles van Formule 1-renbane tot die bestuur van die slegste motors denkbaar in ’n vreemde land. Niks is verbode wanneer die ouens deur die vyf episodes van die seisoen kibbel en…

Kerstyd is spesiaal, en iets wat dit net nóg meer besonders maak, is ’n sielvolle Kerskonsert – iets waarna pastoor Siya (Gantane Kusch) smag. Om ’n suksesvolle Kerskonsert aan te bied, kry hy hulp by die formidabele nuwe kerklid, Celeste (Kim Louis, ’n nuweling). Sy is musikaal en talentvol, maar daar is ’n probleem: Celeste is eiewys en pleks van vreugde en hoop vir die gemeenskap en gemeentelede met die Kerskonsert te bring, wil sy dit in iets omskep wat die kollig skerp op haar laat val. ’N MOEILIKE LIEDJIE “Celeste is nuut in Ruiterbosch en sien ’n geleentheid om by die gemeenskap betrokke te raak deur by die kerkkoor aan te sluit,” sê Kim. “Sy is ’n voorvat-vrou met ’n bietjie te veel selfvertroue – haar bedoelings is dalk…

Sedert Schalk Brand (Johan Scholtz) onlangs die leisels as HUB van die Stryders by die agterbakse Bart (Pierre Breytenbach) oorgeneem het, is alle oë op hom. Amanda (Natasja Jacobs) en haar nuwe bondgenoot, Matt (Sean Brebnor), probeer alles in hul vermoë om Schalk in ’n slegte lig te stel, en dit lyk nie of hulle sommer gou gaan tou opgooi nie. Nadat ’n tweede keer vertroulike inligting oor die Stryders se borge uitgelek het, het Matt en Amanda Schalk begin afpers. “Schalk moet nou kies tussen twee vure, en hy word in ’n hoek gedryf,” vertel Johan. WRAAK IS SOET Die uitgeslape Amanda het verlede maand probeer om Kristien (Marlee van der Merwe) uit haar pos as hoofskakelbeampte van die Stryders te lig en het vertroulike inligting oor die Stryders…