Innholdsfortegnelse for 02 Dec 2021 i TV Plus Afrikaans

Is jy gereed vir ’n voorsmakie van die nuwe seisoen? Ons het in die kombuis van Come Dine With Me South Africa gesels met die uitvoerende vervaardiger van die realiteitsprogram, Kee-Leen Irvine, oor wat dalk die mededingendste seisoen tot dusver is. Suid-Afrikaners het inperking en sosiale distansiëring gehad om hul vaardighede te verbeter, hul messe én tonge te slyp, en ons is in die luim vir ’n lekker kuier. Hier is wat Kee-Leen te sê het . . . Hoe is dié seisoen verfilm? Die afgelope twee seisoene van Come Dine With Me South Africa is volgens streng Covidprotokolle geskiet en hoewel ons tydens verfilming van die seisoen na vlak 1 (van die inperking) oorgeskakel het, is daardie protokolle behou. Almal is gereeld getoets en benewens ’n bietjie ekstra sosiale…

Alles Malan Seisoen 2 Dinsdae kykNET (*144) 20:00 Daar’s ’n vonkel in die aktrise Greteli Fincham (20) se oë. Maar dit is nie net die nuwe liefde in haar lewe, die videograaf Juan de Swart (27), wat haar hart deesdae so laat bokspring nie. Greteli en Juan het drie maande gelede die deure van hul ateljee, LAAT, in Stellenbosch, waar hulle albei woon, oopgemaak, en hier kan die paartjie al hul passies – kuns, fotografie en videografie – uitleef. Greteli het ook intussen haar eie klerereeks, Kuns Miss, bekendgestel en in haar besige program ruim sy tyd in vir haar ander twee groot passies: toneelspeel en fotografiese modelwerk. Maar daar’s nog heelparty drome wat sy wil verwesenlik. ENKELMA Die rol van die jong Elani Malan wat in seisoen 1 van…

Op My Eish! Seisoen 2 kykNET April 2022 Die eerste seisoen van kykNET se maatsoekreeks vir bekendes, Op My Eish!, was ’n wegholsukses. Die akteur Neels van Jaarsveld (Ben van Wyk in die dramareeks Fynskrif) het die dapper stap gedoen om homself en sy persoonlike lewe voor die kameras bloot te lê en het 12 pragtige vroue ontmoet met wie hy ’n moontlike toekoms kon bou. Uiteindelik het hy Florinda Hearn, ’n skoonheidsterapeut van Randfontein, gekies en die twee duifies is wraggies nou nog ’n paartjie! En as Neels dit kan doen, meen die akteur Francois Jacobs (bekend vir sy rol as Sampie de Klerk in die fliek Vir Die Voëls), kan hy dalk ook liefde op die kassie vind in seisoen 2 van die reeks. ’N GROOT AVONTURIER “As…

Dis amper soos om ’n plaaslike sepie te kyk: Jy herken die stem, die storie gryp jou aan, en dis alles in Afrikaans. Maar die mense wat jy op die skerm sien, is eksotiese Turkse akteurs en die storie is oorgeklank. Maar oorgeklank of nie, dié telenovelles, soos Bittersoet, Stiletto Vendetta en nou ook Dokter Ali (lees meer op bl. 22), is uiters gewild en lesers vra gereeld om meer oor die stories en die oorklanking te lees. En dis omtrent ’n proses om die sepies in goeie Afrikaans met die perfekte stemakteurs op die kassie te kry! BEGIN BY DIE BEGIN Eers word besluit watter oorsese, en spesifiek Turkse, telenovelles vir die Suid-Afrikaanse gehoor geskik is, vertel Marli Schulze, inhoudspesialis by e.tv. “Wanneer dit aangekoop is, word die files…

Susan (Natasha van der Merwe) en Justin (Eden Classens) speel met vuur. Hulle het ’n affair aangeknoop en dis nie lank voor Susan se vrou, Elana (Esther von Waltsleben), twee en twee bymekaartel en uitvind wat hulle agter haar rug aanvang nie. Dis duidelik Susan en Justin se gewete pla hulle oor wat hulle aan Elana doen, maar hulle kan nie van mekaar af wegbly nie. Wat tussen hulle is, is meer as iets vlietends, en dit voorspel groot hartseer vir Elana. STEEL ’N SOEN “Justin nooi haar na sy kamer en verras haar met ’n piekniek daar,” sê Natasha. Vir Elana sê Susan sy het plek in ’n Crossfit-klas gekry en dis waarheen sy gaan, maar Elana voel aan iets is nie pluis nie. Maar dit raak ál moeiliker…

Bibi (Stephanie Petersen) en Jordan (Theodore Jantjies) se troupartytjie op Vrydag 19 November was ’n vreugdevolle dag, maar die feesvieringe het die aand vir die pompon Ivy (Tené Minderon) op ’n bitter noot geëindig toe sy deur ’n inbreker in haar woonstel verkrag is. Ivy was aanvanklik huiwerig om die voorval by die polisie aan te meld, maar haar kêrel, Ronnie (Donovan Petersen), het haar oorreed om dit wel te doen. Nadat die nuus oor Ivy se traumatiese ondervinding soos ’n veldbrand versprei het, publiseer SinBin ’n artikel oor haar nagmerrie. Maar die skuldige is nog op vrye voet. GEHEIMHOUDING Tené sê Ivy wou om verskeie redes nie die voorval by die polisie aanmeld nie. “Ivy is skaam oor wat met haar gebeur het en was bang vir al die…

Wie Word ’n Miljoenêr? Seisoen 1 Woensdae kykNET (*144) 20:00 Om ’n deelnemer op die vasvraprogram Wie Word ’n Miljoenêr? te wees, beteken nie jy moet die slimste van die slimstes wees nie. Ja, jy moet ’n wye algemene kennis hê, maar soms moet die geluk aan jou kant wees en jy moet reg kan raai wanneer jy nie die antwoord ken nie. “Ons het al gesien hoe die maklikste vraag (vir kykers) ’n deelnemer kan pootjie,” sê Cecil Barry, die uitvoerende vervaardiger van Wie Word ’n Miljoenêr?. “En ander kere kry hulle ’n moeilike vraag weer sommer net so reg wat kykers met ’n oop mond laat. Dis alles baie opwindend en dis een van die dinge wat ek dink die reeks so besonders maak,” voeg Cecil by. “Jy…

Onthou julle nog hoe Hillside in Junie gegons het oor of Lana (Mila Guy) swanger is? Dit was die skandaal van die maand, net sodat dit bekend geword het sy het net ’n paar ekstra kilo’s aangesit om ’n emosionele leemte te vul. Wel, die fluisteringe oor sy nou werklik swanger is gaan die Hillsiders weer aan die skinder kry – en dié keer is dit oor wie die pa van die baba is. SAAMSLAPERY Begin Oktober het Lana binne enkele dae by haar eksman Shawn (Deànré Reiners), asook die man wat na haar hart soek, Rickus (André Lötter), geslaap. Met Shawn was dit net ’n dronk nag van passie, terwyl Rickus by Lana se plek opgedaag het in goue lyfverf en sy ewige liefde verklaar het. Maar die maand…

Dokter Steve (Clint Brink) se lewe het handomkeer verander toe sy verloofde, dr. Elana (Ilne Nienaber), in Julie oorlede is. Hy doen sy bes om nie in sak en as te sit nie en steeds die beste dokter, asook die beste pa vir sy aangenome kinders, Vicky (Roxanne Bornman) en Ruan (Caiden Bouwer), te wees. In Oktober het ons kennis gemaak met die algemene praktisyn Janneke Stuurman (Roeline Daneel) toe sy Steve met van sy vaderlike pligte gehelp het. Janneke is die ma van een van Vicky se skoolmaats, en het gesien Steve het soms hulp nodig. Janneke het duidelik van Steve gehou, maar sy het haar gevoelens verdoesel omdat Steve se dogter uit sy vorige huwelik, Lexi (Kisha Skeï), nie gelukkig was met haar teenwoordigheid nie. Nou werk Janneke…

Lionel Foster (Jody Abrahams) is ’n lekker ou – wel, dis hoe hy homself beskryf. Hy meen hy is die beste PT (liggaamsoefening)-onderwyser by die Hoërskool Arendsvlei. Hy is ’n man wat na sy gesondheid kyk, en om vir oefening by die boksklub aan te sluit is dus ’n logiese stap. Maar dit bring onmin tussen hom en sy lewensmaat, Janice (Crystal-Donna Roberts), omdat haar groot vyand – Ingrid (Rehane Abrahams) – daar werk. Lionel soek nie moeilikheid nie, maar dis wat hy gaan kry, want dis nie lank voor Janice en Ingrid behoorlik met mekaar bots nie . . . ’N UITDAGING Janice kan Ingrid nie verdra nie, want Ingrid het Janice se broer, Steve (Elton Landrew), verlede jaar vermoor en daarmee weggekom. “Janice verbied Lionel om by die…

Wil jy ’n balspeler wees, die toon aangee en goue medaljes om jou nek dra nadat jy jou mededingers op die sportveld verslaan het? Dit verg meer as bloed, sweet en trane om ’n wêreldsportikoon te wees. Formule 1, basketbal, rugby, sokker – noem enige sportsoort en daar is ’n dokkie wat jy kan stroom. Of jy op soek is na wenke om jou spelpeil te verbeter of inspirasie vir jou lewe, kyk gerus dié top-sportstories op Showmax . . . TIGER Tiger Woods se persoonlike lewe het ’n gholfronde geword wat hy liefs wil vergeet. Dié dokkie van twee episodes ondersoek die perfekte gholfspeler en hoe Tiger weg van die 18 putjies allesbehalwe perfek is. Hy kan wel met ’n 7-yster ’n bal uit die ruveld tot binne 2…

Ordinary Joe Seisoen 1 Woensdae M-Net (*101) 21:30 (begin 8 Desember) Dis vir enigeen ’n groot stap om ’n loopbaan en toekoms te kies. Daar is so baie “wat as”-oomblikke, en gewonder hoe jy jou klasgeld gaan bekostig wanneer jy dink jy weet watter loopbaan jy wil volg. Vir Joe Kimbreau (James Wolk) is dit nóg meer duister. Hy het sy studie in musiek voltooi en hy hink op drie gedagtes tydens sy gradeplegtigheid. “Joe is verward. Hy het die vaardighede en opleiding, en nou weet hy nie of hy werklik wil voortgaan op die pad wat hy gekies het nie,” sê James. Soos sommige reekse spring tussen drie eras (die dramareeks This Is Us wissel tussen die 1970’s, 1980’s en die 2010’s), werk die hoofkarakter Joe in Ordinary Joe…

Ram Vir ’n Rus Seisoen 1 Woensdae VIA (*147) 20:00 VIA se maatsoekreeks Ram Vir ’n Rus het vinnig ’n gunsteling geword en kykers het reeds hul gunsteling- Russiese vrou gekies wat elk die beste by die vier Suid-Afrikaanse manne sal pas. Maar al het ons ook ons gunstelinge is dit uiteindelik die manne – of dan die ramme – wat moet besluit met wie hulle in ’n verhouding wil wees en of daar werklik vir hulle ’n toekoms is saam met een van die Russe. Die manne vertel ons meer. GIDEON COETZEE Vertel ons van jou eerste ontmoeting met die agt Russiese vroue en die dilemma met die armbande? Dit was vreemd en onverwags. Ons is gesê ons moet tydens die ontmoeting die aand ’n armband vir ’n dame…

Die statige sakevrou van Ruiterbosch, Bridgette Jacobs (Denise Newman), het nooit gedink sy sou weer ware liefde vind nie. Maar die noodlot het ander planne gehad toe Donovan (Marvin-Lee Beukes) in September haar pad kruis en as eiendomsagent by haar maatskappy Jacobs Property Development (JPD) aangesluit het. Aanvanklik het sy nie ooghare vir die jong man gehad nie, maar namate hulle meer tyd saam deurgebring het, het sy teenoor hom versag en hulle het dolverlief op mekaar geraak. Zoe (Lauren Joseph), Bridgette se susterskind, was van die begin af gekant teen die romantiese verhouding tussen haar tannie en Donovan en sien behoorlik rooi wanneer hulle verloof raak! Haar instink sê vir haar Donovan steek iets weg en hy gebruik Bridgette, en daarom hou sy aan krap. En sy kry uiteindelik…

Die Binneland-kliniek se koffiewinkel, Tonik, is ’n plek na aan die personeel en die kykers se hart, en dinge is net nie meer dieselfde sedert die eienaar, oom Okkie (Ben Kruger, wat in Junie vanjaar oorlede is), nie meer daar is nie. Sy vrou, tannie Ilse (Hannelie Warren), sukkel om die plek alleen te behartig, haar boek klaar te skryf, en vir oom Okkie in die Vrystaat te gaan kuier waar hy ná ’n motorongeluk gaan aftree het. Haar skoonseun, Louis (Germandt Geldenhuys), sukkel ook om ’n ogie oor Tonik te hou, want sy eie besigheid – die kuierplek Doepa – geniet voorrang. TRACY KOM HELP Met Kersfees om die draai sukkel Ilse om ’n bestuurder aan te stel en sy is raadop, maar dan, asof die Kersfeetjies Ilse se…

Dineo Price (Kgomotso Christopher) kom voor as ’n briljante sakevrou, maar met hartsake is sy klaarblyklik nie so slim nie. “Dineo, dié vrou maak my kwaad,” roep Kgomotso uit. “Sy begin nou net aanvaar haar man, die sake-man Sebastian Price (Deon Lotz), is deur haar stiefdogter, Felicity (Mary-anne Barlow), vermoor en ’n ou hartseer is weer aangewakker.” En haar minnaar, Msizi Zulu (Siyabonga Thwala), met wie haar kort affair ernstig geword het, keer boonop nou ná maande terug. “Sy’s verward. Sy’s kwaad vir hom en sy laat hom dit verstaan,” sê Kgomotso. Maar dit beteken nie sy is nie gereed om hul verhouding weer aan te vuur nie . . . met ’n paar voorwaardes. HARTEBREKER Onthou jy toe Dineo en Msizi vroeër vanjaar die eerste keer saamgeslaap het? Hulle…