Innholdsfortegnelse for 18 Nov 2021 i TV Plus Afrikaans

Sterlopers Seisoen 1 Dinsdae SABC2 (*192) 19:30 Die jeugreeks Sterlopers, wat die eerste keer in 2014 op kykNET uitgesaai is, plaas die kollig op jong aspirant-kunstenaars se harde pad na sukses in die vermaakbedryf. Die reeks gee ook ’n kykie in die wêreld van die media wat soms ongenaakbaar is en die wel en wee van die glanssterre oopvlek. Sterlopers was destyds ’n baanbrekerreeks en is nog net so relevant – en dis nou op gratis TV! NUWE GELEENTHEDE Die uitvoerende vervaardiger, Soné Combrink, sê kykNET was baie opgewonde toe sy en die uitvoerende vervaardiger, dramaturg en skrywer Deon Opperman in 2013 die voorlegging van Sterlopers aan die kanaal gedoen het. Hulle het ook voorgestel jong vervaardigers word die kans gegun om tydens die vervaardiging gementor te word. “Dit was…

Net een soen. Dis ál wat nodig was om die vuur tussen Susan (Natasha van der Merwe) en haar ekskêrel Justin (Eden Classens) te stook! En dinge gaan nie daar bly nie – dit gaan nie net ’n fout wees wat onder die mat ingevee gaan word nie, maar dit gaan oorslaan in ’n volwaardige affair! En Susan se vrou, Elana (Esther van Waltsleben), is heeltemal onbewus daarvan dat sy haar eintlik in ’n liefdesdriehoek bevind. Tog voel Elana aan iets is fout, want Susan is allesbehalwe haarself, en Susan se begeerte om ’n gesin saam met Elana te begin, ry voortdurend wipplank. Maar Susan wil nie haar hart teenoor Elana oopmaak nie, wat net al hoe meer druk op hul huwelik plaas. HOE DIT BEGIN Susan sukkel al vir…

Daar is weer drama by die Binneland-kliniek, en Delia (Odelle de Wet) is in die middel van die storm. “Delia is terug van oorsee en sy is vuur en vlam om die nuwe ongevalleeenheid, waaraan sy vlugtig in Augustus begin werk het, te voltooi. Sy het baie inspirasie oorsee gekry by die hospitale wat sy besoek het,” sê Odelle. Wanneer sy in Pretoria opdaag, is haar vriend en die mede-eienaar van ongevalle, dr. Tertius (Reinardt Hugo) die eerste een wat sy bel en van haar planne vertel, maar wanneer Conrad (Hykie Berg), die HUB van die hospitaal, daarvan te hore kom, is hy nie so opgewonde nie. “Delia het geld nodig om die eenheid te laat bou, maar Conrad weier om dit te gee,” verklap Odelle. Tog gaan dit Delia…

Sedert Kristien (Marlee van der Mer-we) drie weke terug haar pos as hoof van die skakelafdeling by die Stryders teruggekry het, slyp Amanda (Natasja Jacobs) – wat ook haar oog op die pos het – haar naels om Kristien uit haar pos te laat onthef. En om haar taak makliker te maak het sy ’n nuwe bondgenoot, Matt (Sean Brebnor), wat haar in haar kwaad sterk en aanmoedig om tot aksie oor te gaan. VERTROUELING EN AANHITSER Matt, wat voorheen die skelm Bart (Pierre Breytenbach) se informant was, is nou Amanda se vertroueling, sê Natasja. “Amanda was bitter nadat sy haar groot liefde, Reitz (Sean van Noordwyk), in Julie aan die dood moes afstaan en sy voel nou nóg meer verontreg omdat haar minnaar, Bart, onlangs agter tralies beland het.…

Of jy lus is vir ’n laataand gruwelfees wat jou laat ril of iets soek wat die hele gesin kan kyk, jy sal dit op Showmax vind. Halloween is verby, maar spoke is vir party mense heeljaar lank ’n vereiste. Maar indien dit nie jou smaak is nie, het ons die beste flieks op Showmax gekies wat die hele gesin kan geniet. Kry jou springmielies gereed, bespreek jou sitplek en skuif reg vir ’n fees! NET VIR DIE DAPPERES MIDSOMMAR Dani ( Florence Pugh) gaan saam met haar kêrel, Christian ( Jack Reynor), ’n navorser, na ’n Skandinawiese fees, maar dis meer bloed, moord, hallusinasies, visoene, demone en nóg meer, as ronddans! HAUNT Die eerste reël van Halloween is: Moenie in spookhuise gaan ronddrentel nie. Nooit nie. Maar dís mos…

Alles Malan Seisoen 2 Dinsdae kykNET (*144) 20:00 en DStv Catch Up (begin 30 November) kykNET se dramareeks Alles Malan is terug vir ’n tweede seisoen nadat kykers drie jaar gelede in seisoen 1 in die Malans se lief en leed en die bestuur van hul vervoeronderneming, Malan Vervoer, gedeel het. Die rolverdeling sluit van Suid-Afrika se bekendste akteurs in en die storielyn het interessante kinkels, wat dit ’n reeks maak wat jy nie durf misloop nie. Die Malan-gesin van die Paarl in die Boland het lekker familiedrama met ’n tikkie komedie. Daar is afguns, geheime en uitbarstings, want as ’n familie by die bestuur van ’n gevestigde onderneming betrokke is, is koppe stamp maar deel van die pakkie. Maar bloed is egter dikker as water en wanneer die nood…

Zoe (Lauren Joseph) kan eenvoudig nie vatplek kry aan haar kollega Donovan (Marvin-Lee Beukes) en die verhouding wat hy met haar tannie Bridgette (Denise Newman) aangeknoop het nie. “Zoe sien hom as ’n fortuinsoeker,” sê Marvin-Lee, en daarom krap Zoe in sy lewe en vind uit hy het ’n tweelingbroer, Greg (ook gespeel deur Marvin-Lee). “Donovan en Greg verskil soos dag en nag,” sê Marvin-Lee. “Terwyl Donovan opgevoed, ambisieus en suksesvol is, is Greg ’n sukkelaar.” En wanneer Greg verskyn, gaan hy by Donovan en Bridgette se lewe inmeng! VREEMDELINGE VIR MEKAAR Wat Zoe nie weet nie, is Donovan ignoreer al geruime tyd sy broer se oproepe, maar stem tog in om Greg in Ruiterbosch te ontmoet. “Die ontmoeting is stram,” sê Marvin-Lee. Die broers se verhouding het oor die…

D it het Langes (Bobby Stuurman) baie gekos om sy ou lewe as bendelid en misdadiger agter hom te sit, maar dit was alles die moeite werd, want tans studeer hy saans om sy matriek te kry, hy het ’n vaste werk en inkomste by die Wendy House-restaurant, en hy het ’n pragtige nooi, Debra (Kay Smith), aan sy sy. Maar die kans is groot dat hy dit alles kan verloor . . . Langes is op soek na sy jonger suster, Eva (Devonicia Swartz, Zoë in die dramareeks 4 Mure), wat hy jare laas gesien het toe hy as jong seun van hul huis af weggeloop het. Noudat Langes ’n nuwe mens is, vreet sy gewete aan hom dat hy met Eva moet regmaak, maar hy sukkel om haar…

Sedert die eerste episode van die telenovelle Legacy in September 2020 uitgesaai is, het Felicity Price omtrent alles gedoen, verduidelik Maryanne Barlow, wat die dapper, parmantige aspirant-HUB van haar familiebesigheid Legacy Investments speel. Sy is meer as net ’n hooffiguur in die bedryf wat genadelose besluite kan neem en miljarde tot hul bankrekening kan bydra. Wanneer sy haar aktetas pak en skootrekenaar vir die dag bêre, ondergaan sy ’n algehele persoonlikheidsverandering, sy word ’n warm, besorgde en liefdevolle ma vir haar tienerseun Charlie (AJ Cullinan). Hoewel seisoen 1 die toon aangegee het, sien ons hoe Felicity in seisoen 2 verander en ontwikkel – sy het haar pa, Sebastian Price (Deon Lotz), in episode 1 vermoor en visioene van hom gekry toe sy van die Legacy Investments-gebou geval en in ’n…

Indien jy ooit ’n filmstel teëgekom het met sy talle vragmotors, spysenieringsleepwaens, kabels en tafels, sal jy weet om ’n advertensie van 30 sekondes te verfilm, is ’n yslike produksie. Nou verbeel jou jy moet dit alles na die Noordpool karwei om op die ys te verfilm. Die man in beheer, die regisseur Andrew Haigh, het ’n groot visie gehad! “Ian McGuire se gelyknamige roman [2016] roep ’n duidelike beeld op van die wrede skoonheid van die Arktiese omgewing, en ek het geweet ek moes probeer om dieselfde realisme in die program te weerspieël. Ondanks die ooglopende uitdagings het verfilming in Arktika na die beste opsie gelyk. Ek wou hê ons moes die wind voel wat byt, die bittere koue. Ek wou die vrees om so ver van die beskawing…

Glam Guru Seisoen 21 Sondae kykNET (*144) 17:30 Hannon Bothma en sy span mooimaakkenners kom al ’n lang pad sedert die oormaakprogram Glam Guru sy debuut in 2008 op kykNET (DStv *144) gemaak het. Hannon sê hy onthou hy het niks geweet van die maak van ’n TV-program nie, en hulle het nie eens ’n draaiboek gehad nie. “Ek was toe net die aanbieder, en ek het verskillende haarkappers en stiliste ingebring wat die oormaaksessies gedoen het. Ek onthou ook ons het gewoonlik soggens byeengekom voor ons begin het en het vinnig bespreek wat ons in die episode sou sê en oor gesels,” sê Hannon. Glam Guru is vandag steeds fluks aan die gang in sy 21ste seisoen, en die tema is om kykers uit hul isolasie-slaapklere te kry weens…

Ivy Peterson (Nazli George) het ’n probleem – sy vergeet goed. Nie groot goed nie, maar klein dingetjies, soos om bestellings by Beleef na te kom, krane tuis toe te draai, en om te onthou waar sy haar sleutels en selfoon gesit het. Niks ernstigs nie – ten minste nie nou nie. Maar haar man, Marvin (Duncan Johnson), en seun Romeo (Clint Aplon) raak bekommerd. Ivy is net nie haarself nie. ONTKENNING Ondanks die tekens baklei Ivy teen die idee dat iets ernstigs met haar verkeerd is. Die gedagte aan Alzheimer se siekte het by haar (en haar geliefdes) opgekom, maar sy is vir eers oortuig dis tydelik. “Sy besef iets is verkeerd, maar ek dink sy is effens in ontkenning, want sy is nie iemand wat só vergeetagtig is…

Tracy (Melinda Viljoen) het hard gewerk om haar lewe om te keer sedert sy twee jaar terug in Binnelanders verskyn het. Sy het haar lewe as ontkleedanser, misdadiger en afperser agter haar gesit, en ’n nuwe hoofstuk begin. Sy het ’n dak oor haar kop gekry en ’n stabiele inkomste as sekretaresse by die Binneland-kliniek, en bo alles het sy ware liefde by haar kêrel, dr. Conrad (Hykie Berg), gevind. Maar nie almal is oortuig sy het verander nie – en dr. Steve (Clint Brink) is een van hulle. En wanneer Steve uitvind Tracy en sy aangenome seun Ruan (Caiden Bouwer) werk saam aan ’n fondsinsamelingsprojek, sien hy rooi! WAT LAAS GEBEUR HET In 2019 was Tracy ’n ander mens. Sy was altyd op soek na ’n geleentheid om geld…