Innholdsfortegnelse for 21 Oct 2021 i TV Plus Afrikaans

Wie Word ’n Miljoenêr? Seisoen 1 Woensdae kykNET (*144) 20:00 (begin 27 Oktober) Met die aankondiging in Julie dat kykNET (*144) die gewilde vasvraprogram Who Wants To Be A Millionaire? in Afrikaans gaan uitsaai, was die groot vraag wie gaan in die aanbiederstoel sit. En wie is beter as die radio- en-TV-persoonlikheid Rian van Heerden (lees meer op ble. 14, 15 en 17) om die nodige gravitas, maar ook lighartige oomblikke, aan die reeks te gee? Rian is nederig oor sy rol. “Ek is vir ’n oudisie genooi en het toe wraggies die joppie gekry,” sê hy. Maar Cecil Barry, die vervaardiger van Wie Word ’n Miljoenêr? sê Rian was altyd in hul agterkop. Nou is Rian en die program uiteindelik hier, en ons kan nie wag om te sien…

Koppieteefontein Seisoen 1 Vrydae kykNET (*144) 17:30 Die sanger-aanbieder Jak de Priester het tydens ses seisoene van die kykNET-reeks Reis Na Gister saam met tientalle bekende plaaslike persoonlikhede na hul grootwordwêrelde gereis waar hulle herinneringe uit hul kinderjare gedeel het. Met sy nuwe gespreksreeks, Koppieteefontein, kuier Jak meesal in sy gaste se huis waar hulle oor ’n koppie tee intieme en diep gesprekke voer. TEE EN FONTEIN Jak vertel die saadjie vir Koppieteefontein is verlede jaar tydens die grendeltyd gesaai. “Ek het kort ná die uitbreek van die Covid-19-pandemie met ’n blog getiteld Koppieteefontein begin waarin ek oor onderwerpe gesels soos wat mense alles tydens die inperking doen en wat my inspireer. Die blog het baie positiewe reaksie uitgelok en ál meer gegroei. Ek het toe begin dink ek wil…

Die Samsodiens se lewe is in chaos gedompel met hul geliefde AB (Cedwyn Joel) wat dringend ’n nieroorplanting nodig het. Nazeem (Irvine van der Mer-we), AB se halfbroer, werk heimlik om vir AB ’n nier op die swartmark te koop omdat AB se uurglas leeg loop, maar dis nie so maklik om ’n geskikte nier te kry nie. Mymoena (Jill Levenberg), AB se vrou, is doodbekommerd oor haar darling, soos sy hom noem. Sy het onlangs uitgevind van Nazeem en die “swart” nier, en hoewel sy aanvanklik daarteen gekant was, smeek sy Nazeem nou om tog maar ’n plan te maak om die nier te kry en sodoende haar darling se lewe te red. Nazeem reik weer uit na suster Graaff (Marion Holm) en die swartmarkorganisasie om ’n nier te…

Die afgelope jaar was rof vir die kelnerin Lulu (Ansu Visser). Haar verloofde, Simon (David Louw), het haar gelos nadat hy en sy eksvrou, Renate (Christel van den Bergh), versoen het. Kort daarna het Lulu uitgevind sy is swanger met Simon se kind, Anja, wat sy nou alleen grootmaak. Maar dit lyk tog asof die wiel nou vir Lulu draai, want haar ekskêrel, Nico (Pietie Beyers), ’n boer van Heidelberg, wil hul verhouding herstel en glo hulle het ’n toekoms saam. TIEN JAAR LATER Lulu was Nico se groot liefde, sê Pietie. “Hulle was op skool gekys en het ook op universiteit uitgegaan. Maar hul verhouding het in die hek geduik toe Nico op hul familieplaas gaan boer het en Lulu haar droom om ’n sjef te wees in Johannesburg wou…

Wie Word ’n Miljoenêr? Seisoen 1 Woensdae kykNET (*144) 20:00 (begin 27 Oktober) Vir derduisende mense is Rian van Heerden (48) die omroeper na wie hulle smiddae op Jacaranda FM luister wanneer hulle huiswaarts keer. Ander sal weer eerste aan hom dink as die TV-aanbieder van programme soos die onlangse Karakter. En die meeste mense sal dit seker eens wees hy kan omstrede, reguit en soms nogal bruusk wees. Die wens was om hom te ontmoet vir koffie sodat ek hom kan ondervra soos hy as TV- en radio-aanbieder byna daagliks doen – daar is tot ’n kort video op YouTube waarin hy raad gee vir mense hoe om onderhoude te voer wat ek bestudeer – maar die opgeleide prokureur met sy wortels in die myndorpie Randfontein, wes van Johannesburg,…

Wat Is Waarheid? Seisoen 1 Donderdae kykNET (*144) 20:00 (begin 21 Oktober) Rian van Heerden is nie net voor die kameras in Wie Word ’n Miljoenêr? (lees meer op bl. 14-15 en 16) nie, maar hy is ook agter die skerms van die nuwe reeks, Wat Is Waarheid? In dié reeks, wat Rian vervaardig, ondersoek hy en sy span samesweringsteorieë wat almal aan die gons gaan hê. “Vir elke onderwerp in die reeks, gaan ons soveel moontlike weergawes van die waarheid ondersoek as wat ons kan,” sê Rian. “Die kyker kry dan die geleentheid om na almal te luister en vir hom- of haarself te besluit wat die waarheid is.” WAT WORD ONDERSOEK? Die samesweringsteorieë wat ondersoek gaan word, sluit in die legendariese Krugermiljoene, Cecil John Rhodes (’n Britse mynmagnaat,…

Martelize Se Stamtafel Seisoen 1 Woensdae VIA (*147) 18:00 Die geliefde RSG-omroeper Martelize Brink is nie net op haar gelukkigste wanneer sy smiddae agter die mikrofoon inskuif en uitsaai nie, maar ook wanneer sy tuis kook. Mense se herkoms en stories het haar nog altyd gefassineer, en nou kry sy die geleentheid om met die aanbieding van haar eerste TV-reeks, Martelize Se Stamtafel, van haar passies te kombineer: Sy nooi bekendes om saam met haar te kook en hulle gesels dan oor die gas se herkoms. “’n Genealoog Aubrey Springveldt doen vooraf navorsing oor elke gas se stamboom en dit dien as inspirasie vir die disse wat ons kook,” vertel Martelize. “Die navorsing oor die gas se wortels sorg telkemale vir ’n groot verrassing,” voeg sy by. VUURDOOP VOOR KAMERAS…

Dit het lank gevat vir die Binneland-kliniek se HUB Conrad (Hykie Berg) en sekretaresse Tracy (Melinda Viljoen) om te besef hulle is lief vir mekaar en wil in ’n verhouding wees. En tans besef Tracy liefde is nie altyd genoeg nie – daar is tog uitdagings wanneer jy jouself aan iemand met Conrad se status verbind. Gerugte loop in die hospitaalgange rond van veranderinge wat kom en dit kan die personeel se sakke raak. En omdat Tracy ’n verbintenis met Conrad het, dink haar verpleegster-vriendinne hulle kan haar gebruik om Conrad van plan te laat verander. DIE VYAND Die verpleegsters gis dat die hospitaal sy wins moet opstoot, en dit beteken iewers gaan besnoei word. Volgens Binneland-stereo – die skindernuus – lyk dit asof verpleegsters se oortydvergoeding geskrap gaan word.…

Liefde ken geen grense nie. Dis wat die sakevrou Bridgette (Denise Newman) glo en basta met die res! Sy het in haar wildste drome nie gedink sy sou ware liefde vind nie, maar sy het – al is die man dan nou jare jonger as sy. “Donovan (Marvin-Lee Beukes), die nuwe eiendomsagent wat vir Bridgette by Jacobs Property Development (JPD) werk, het haar voete onder haar uitgeslaan,” sê Denise. “Dinge het net gebeur. Nie een van hulle het geweet hulle is bestem om meer as net ’n werksverhouding te hê nie.” Die duifies is werklik verlief, maar Bridgette wil vir eers hul romanse ’n geheim hou. Maar dié soort ding bly nooit vir lank in die duister nie, en wanneer hul verhouding op die lappe kom, klap die tonge in…

Dis maklik om te sien waarom Felicity (Mary-Anne Barlow) verlief geraak het op speurder Marco Andino (Nico Panagio, aanbieder van Survivor South Africa). Hy is aantreklik, sjarmant, en effens onafgerond, maar hy weet ook hoe om ’n dame te behandel. “Die ontmoeting met Felicity was onverwags, wat ’n ernstige hindernis vir sy sending is,” verduidelik Nico. “Felicity is gewoond aan mense wat sy nie kan vertrou nie, haar eerste reaksie is dus om sy motiewe te wantrou, maar hy werk gou sy pad oop tot in haar hart.” Gaan romanse in Marco se pad staan om uit te vind wie sy neef Darren (Gustav Gerderner) vermoor het, wat gesien het hoe Dineo Felicity van die gebou afstoot? “Hy gaan dit tot elke prys voortsit,” waarsku Nico. VET OM DIE OË…

Die filmmaker Christopher Nolan is ’n meester van sy kuns. Hy neem akteurs wat oënskynlik onvanpas is en gee hulle die gereedskap en ruimte om ’n karakter te ontwikkel en ’n storie te vertel wat jou boei en betower, jou intrek en vermaak – en hy hou jou die heeltyd op die punt van jou stoel danksy sy vernuf om ’n komplekse storie te vertel. Daar is ’n paar briljante Chris Nolan-flieks wat jy nou op Showmax kan stroom . . . BATMAN BEGINS (2005) Batman-flieks het nog nooit dié karakter se skepping en evolusie gevolg nie, en dis presies wat Chris wou doen toe hy Christian Bale as die gekwelde Bruce Wayne gekies het. Dis die verhaal van ’n jong man wat deur wraak aangevuur word, maar Bruce ontwikkel…

Nêrens, Noord-Kaap Seisoen 1 Dinsdae kykNET (*144) 20:00 “Baie van ons ken ’n ou soos Ronnie,” sê die akteur Albert Pretorius (35), wat die rol van Ronnie in die dramareeks Nêrens, Noord-Kaap vertolk. “Toe ons in 2017 die gelyknamige verhoogdrama, waarop die reeks geskoei is, opgevoer het, het talle van die gehoorlede ná ’n opvoering na my gekom en gesê hulle het ’n oom, nefie of broer soos Ronnie,” sê Albert. “Die groot probleem met Ronnie is nie soseer sy drankverslawing nie, maar sy onvermoë om te kommunikeer. Baie Suid-Afrikaanse mans weet nie hoe om oor hul gevoelens te praat nie en gee op ’n ander manier uiting aan hul emosies. Party mans gaan jag, ander drink weer,” sê hy. Maar die komplekse Ronnie het darem ook ’n sagte kant,…

Net wanneer ons dink ons het al alles gesien in Binnelanders, staan die skryfspan reg met iets nuuts! En dié keer is dit met twee nuwe karakters wat hul buiging in die sepie maak. Die aktrises Monique Rockman (bekend vir haar rol as Joy in Suidooster, lees ble. 26 en 27), en Margit Meyer-Rödenbeck (Dominee Vera Kloppers in seisoen 3 van die dramareeks Die Boekklub) gaan in Oktober die poppe laat dans as onderskeidelik speurder Jenna en die booswig Nadine. Jenna is op die spoor van die paramedikus Danny (Bradley Olivier) se familie, spesifiek sy ma, Vida (Vinette Ebrahim), en haar misdaadsindikaat. Jenna het gehoor Vida is besig om haar misdaadvingers dieper in Pretoria te steek. En sy is reg, want Nadine is gestuur om die sindikaat in Gauteng op…

Toe Vince (Jacques Blignaut) in Maart vanjaar na Kanada vertrek het vir ’n loopbaan as aanbieder van ’n kookprogram, was dit ’n emosionele totsiens. Min mense was meer hartseer as sy vrou, Aggie (Mimi Mahlasela). Aanvanklik het dit gelyk asof alles goed verloop. Maar onlangs het krake in hul huwelik begin verskyn – en Vince is duidelik gereed om aan te beweeg. HOE NOU? “Dit was ’n paar uitdagende maande,” verduidelik Mimi die langafstand verhouding. “Dit het beslis onsekerheid meegebring.” En terwyl Aggie hand en tand geveg het om die huwelik van skaars drie jaar te behou, was dit duidelik Vince was nie meer toegewyd nie toe hy ’n oop huwelik voorstel. “Hy meen hy het liefde en fisieke aandag nodig. Maar dit maak Aggie seer en gebroke.” ’n Onseker…

Die booswig Ingrid van Schalkwyk (Rehane Abrahams), wat onder die dekmantel van ’n vroom kerkganger leef, voel die tyd is ryp om weer haar mag en rykdom uit te bou. En sy sal by enige projek betrokke raak om dit te bewerkstellig, sê Rehane. En dis hoekom sy tans besig is om ’n ondergrondse boksgeveg by Lennie (Dann-Jaques ‘DJ’ Mouton) se boksklub by die kerk te beplan. Maar Ingrid doen dit nie net vir geld en mag nie . . . Sy gebruik die boksklub as ’n front om te wys sy gee om vir die gemeenskap, wat mos pas by haar nuwe, vroom beeld. Lennie het die boksklub begin om kinders uit die moeilikheid te hou en dit pas presies by die front wat Ingrid voorhou om haar dieper…

VERLEDE KEER Koray het vragte geskenke gebring op sy besoek aan baba Iso, Ömer het een van sy beste voorleggings aan ’n nuwe kliënt gedoen, en Defne het al hoe verder van haar familie vervreemd geraak. Die spanning het verhoog toe Defne geëis het om die oorsaak van Ömer se nagmerries te weet, Sinan het uitgevaar teen twee mense wat by sy liefdeslewe inmeng, en Sadri se raad het daartoe gelei dat Ömer en Defne na Rome getrek het. IN DIÉ UITGAWE Defne maak ’n ontstellende ontdekking en sy vermy Ömer weer, al is hulle gelukkig en verlief in Rome, en Sinan maak ’n belofte aan Seda wat dalk op huweliksgeluk kan uitloop. Serdar en Ömer bereik uiteindelik ’n ooreenkoms en hulle verklaar ’n wapenstilstand in hul voortslepende oorlog, en…