Innholdsfortegnelse for 23 Sep 2021 i TV Plus Afrikaans

Hoekom moet jy wag om elke week ’n nuwe episode van jou gunsteling-reeks te kyk wanneer jy eenvoudig volledige seisoene en selfs boksstelle kan kettingkyk? Dit maak nie saak wat jou kyksmaak is nie, daar is baie op Showmax vir almal om te kyk! CHASING THE SUN Sportbiografie. Ses episodes. Een Wêreldbekertrofee. Kyk hoe die Springbokke hul reis verken vanaf die jaar voor die Wêreldbekerrugby in 2019, toe hulle afgeskryf is nadat hulle sleg verloor het, tot hul sege as Wêreldkampioene. Skerp, diep, roerend en nie net vir rugbygeesdriftiges nie. 4 MURE Dié paranormale program is soortgelyk aan die reeks Room 104 en speel af in ’n vervalle motelletjie wat ’n paar geheime versteek. Die sentrale figuur is die nuuskierige huishoudster wat alles doen, van gaste ontvang tot kamerdiens en…

Die Stryders se kaptein, Ryno (Adrian Steyn), was geskok toe sy liefdevolle eggenoot, die prokureur Thinus (Arno Marais), hom op Donderdag 2 September ingelig het hy het ’n uitstekende werksaanbod by ’n top-prokureursfirma in die Kaap gekry – en hy wil na Kaapstad verhuis daarvoor. “Ryno was dadelik in twee geskeur, want hy is baie gelukkig in Johannesburg en net so in sy element om vir ’n sterk rugbyspan soos die Stryders te speel. Hy sien nie kans om alles prys te gee nie, maar aan die anderkant wil hy ook nie vir Thinus verloor nie,” sê Adrian. “En Ryno het getwyfel of ’n langafstand-huwelik kan werk.” KOMPROMIE Thinus se aankondiging oor sy werksaanbod het Ryno heeltemal onkant gevang. “Ryno en Thinus het voorheen ’n paar struwelinge gehad, maar dit…

Die dood van ’n ouer is hartverskeurend, maar dis erger wanneer geheime wat lank verborge gebly het, onthul word en die kind met meer vrae as antwoorde laat. En dís die situasie waarin Legacy se nuweling Robbie (André Lötter, Rickus in 7de Laan – lees meer op ble. 20-21) homself bevind. Kort ná sy pa, Jerry (nie op die skerm nie), wat ’n kroeg besit het, se begrafnis hoor Robbie die waarheid by sy ma, Janet (Kate Normington). “Robbie is buite die eg gebore en Jerry, vir wie Janet lief was, het haar laat belowe om niemand te vertel Robbie was nie sy seun nie,” verduidelik André. “Robbie het net vir Jerry as sy pa geken, en Jerry het sy bes gedoen om Robbie soos sy eie seun groot te…

Die Samsodiens was al deur diep waters: Verlede jaar se Farah-saga  (Lee-Ann van Rooi) wat AB (Cedwyn Joel) verlei en oorreed het om haar as sy tweede vrou te neem, het die familie amper uitmekaar geskeur. En nou kom hulle weer voor ’n nuwe uitdaging te staan wanneer AB se gesondheid verswak . . . ’n Wegbreek word in die wiele gery wanneer AB en sy vrou, Mymoena (Jill Levenberg), die reëlings tref en AB dan skielik sukkel om asem te haal. “Dit vang almal onkant en teen die tyd wat die ambulans by die Samsodienhuis opdaag, het AB ernstig verswak en blou in die gesig geraak. Hy het ook ’n allergiese reaksie gehad op die bloed wat hy gekry het en in anafilaktiese skok gegaan,” verduidelik Cedwyn. Mymoena is…

Arendsvlei het al 520 episodes agter die rug, en seisoen 4 begin op Maandag 27 September. Hier is van die storielyne wat wag in dié seisoen (dis nog onseker hoeveel episodes daar gaan wees en of dit die laaste seisoen is, maar tvplus hou jou op hoogte!) WILLEM In seisoen 4 leer ons Willem Jansen (Reuben Engel) beter ken. Hy is Eugene (Earl Kruger) se ongenaakbare pa wat sy seun dryf om harder te wees en meer selfvertroue te hê. Ons vind meer oor Willem se agtergrond uit – soos sy swak gedrag wat sy vrou weens spanning in ’n kliniek laat beland het. Arme Eugene het dus nie eers ’n ma om hom teen sy pa te beskerm nie. Lennie (Dann-Jacques Mouton), wat die boksklub besit, wil Eugene help,…

New Amsterdam Seisoen 1 Weekdae e.tv (*194) 20:30 (begin Maandag 4 Oktober) “Hoe kan ek help?” Met hierdie eenvoudige vraag begin die nuut aangestelde mediese direkteur dr. Max Goodwin (Ryan Eggold) ’n inspirerende beweging om die New Amsterdam-hospitaal in hierdie mediese dramareeks te hervorm. En hou jou masker vas, want hy stel drastiese veranderinge in. Die reeks – nou vir die eerste keer op gratis TV te sien – staan sy plek vol onder ’n string ander baie gewilde mediese dramas, hoewel dit op dieselfde basiese formule gegrond is. Terwyl ons die daaglikse gevalle in die hospitaal volg, sien ons ook hoe Max die stelsel probeer verander, en ons verken die personeel se persoonlike lewe en kwessies. New Amsterdam begin dalk stadig en ’n bietjie voorspelbaar, maar die onderliggende strominge…

Klop Die Kunstenaar Seisoen 1 Donderdae SABC2 (*192) 19:00 Die legendariese musiekspeletjiesprogram Noot Vir Noot is sonder vrees vir teëspraak volksbesit. Die oud-TV-aanbieder en vervaardiger Johan Stemmet en sy span by Stemburg Produksies het die program oor die jare verfyn en dis vandag steeds gewild met die vermaaklikheidster Emo Adams (aanbieder van die laatnag-geselsreeks Jou Show) wat die leisels in 2019 by Johan oorgeneem het. Nou het Stemburg Produksies nóg ’n program op sy lys: Klop Die Kunstenaar met die komediant Alfred Adriaan as aanbieder. Die reeks is vol pret, plesier en gesinsvriendelike inhoud wat kykers se Donderdagaande opkikker! HOE WERK DIT? Carl Stemmet, die kreatiewe regisseur en Johan se seun, sê hy en sy span is baie trots op die nuwe speletjiesprogram. “Ons het vroeg verlede jaar tydens ’n…

Die akteur Arno Marais (37) wissel graag die karakters wat hy vertolk af, maar gaan “soek” nie noodwendig na ’n spesifieke, tiperende karakter om te speel nie. “Ek doen oudisies en is net dankbaar wanneer ’n rol waarvoor ek ’n oudisie gedoen het, na my kant toe kom,” sê hy op sy beskeie manier. “Ek hou nie daarvan om ge-etiketteer te word nie. Maar ek moet bieg, dis altyd lekker om die baddie te speel, juis omdat die karakter so ver verwyderd van my eie persoonlikheid is. Ek het ook nog nooit die romantiese hoofrol gespeel nie, dalk kry ek nog die geleentheid. En dan sal ek ook graag eendag ’n dapper held wat mense help, wil speel.” INTENSE DRAMA EN SEPIES Kykers het Arno onlangs in die boeiende kykNET-dramareeks…

Die Binneland-kliniek se gunsteling- mediese verteenwoordiger, Elise Kruger, (Lindie Stander) is eersdaags terug, maar pleks van ’n mediese toestel te verkwansel, is sy dié keer op ’n missie om vir dr. Annelize (Cindy Swanepoel) Kupido te speel. Annelize is eensaam en wanneer sy tydens ’n kletssessie by die kuierplek Doepa aan Elise erken dis nie haar keuse om enkellopend te wees nie, word Elise net verder aangevuur om vir Annelize liefde te vind. Elise wil ook Annelize se 40ste verjaardag, wat om die draai is, spesiaal maak. Maar soos ons Elise ken, kan sy meer skade as goed doen. WAT VAN RIAN? In Augustus was dinge nog warm tussen Annelize en Rian (Erik Holm), die HUB van Southern Hope-hospitaal. Maar die vlammetjie het verflou, want Rian het teruggetrek nadat Annelize…

Jacobs Property Development (JPD) groei vinnig en hulle het nóg personeel nodig. Donovan Williams (Marvin-Lee Beukes, kaptein Juan Stuurman in die aksiereeks Die Byl) stel belang in die pos, maar die grootbaas Bridgette Jacobs (Denise Newman) is nie juis ingenome met hom nie en wil aanvanklik niks van hom weet nie. Maar hy maak tog ’n indruk op haar. DIE KORTLYS “Donovan is ’n belowende jong eiendomsagent,” sê Marvin oor sy karakter. “Hy is slim, sjarmant en hardwerkend en het ’n aanhouer-wen-gees.” Dus is hy ontsteld wanneer hy by JPD opdaag en navraag doen by die sekretaresse, Danni (Vashti Prins), en sy vir hom sê hy is nie eers op die kortlys vir ’n onderhoud nie. “Dit maak nie vir Donovan sin nie, maar wat hy nie weet nie, is…

Is jy verslaaf aan DStv se plaaslike telenovelles? Of het jy die eerste episode van een van sy splinternuwe internasionale reekse gekyk en kan nie wag om te sien wat volgende gebeur nie? DStv het voorsorg getref. Jy kan nou nuwe episodes van Legacy (lees meer op bl. 25), Suidooster (lees meer op ble. 28, 29 en 43) en The River ’n dag voor die episode-première kyk. En jy kan vroeë toegang kry tot die volledige boksstelle van splinternuwe internasionale reekse soos Cold Courage seisoen 1 en Hacks seisoen 1 onmiddellik nadat dit uitgesaai is. Kry boonop vroeë toe-gang tot nuwe episodes van Love Island UK seisoen 7 (lees meer op bl. 7) en Evil seisoen 2. Al wat jy hoef te doen, is om Catch Up via die DStv-app…

Maskerballe is gewoonlik dramaties in voorkoms alleen. Die blink maskers en pragtige uitrustings maak daarvan ’n werklik onvergeetlike geleentheid. Die Welmangesin se onlangse maskerbal was nie ’n uitsondering nie, hoewel daar ’n bietjie meer drama was as wat die Hillsiders verwag het toe Esti (Reandi Grey) ’n verrassingsverskyning maak nadat sy maande lank in ’n koma was! VERRASSING! Twee Hillsiders was meer verras as ander om ’n op en wakker Esti te sien – haar eksman, Rickus (André Lötter, lees meer op bl. 25), en veronderstelde ware liefde, Marko (Francois Lensley). Reandi verduidelik die beweegrede vir Esti se besluit om haar merkwaardige herstel by die maskerbal te onthul, en sê dis heel ironies: “Hoewel Esti nie van verrassings hou nie, is dit vir haar lekker om mense te verras. Sy…

Die son skyn nou weer helder vir Ronnie (Donovan Pietersen), die Stryder-rugbyspeler Liam (David Johnson) se neef, wat onlangs uit die tronk vrygelaat is. Ronnie het ’n maand gelede by Liam en sy vrou, Candice (Claudia Jones), ingetrek en Candice het hom gehelp en aangemoedig om werk te soek. “Ronnie was in die wolke toe hy drie weke gelede ’n werk gekry het as opsigter by die stadion waar die Stryders oefen. Hy was eers in opleiding en is nou vasberade om ’n splinternuwe blaadjie om te slaan,” vertel Donovan. Maar Ronnie het skaars sy voete by die stadion gevind, toe hy ’n skok-ontdekking maak: Hy kry kokaïene in Liam se kleedkamerkassie. En nou hang donker wolke oor Liam se kop. ONDER SKOOT Ronnie besluit om die hoofafrigter van die…

Die personeel by die Binnelandkliniek is in rep en roer oor twee pasiënte, Roelf (Ashley Taylor, offisier Deon Prinsloo in seisoen 1 van die dramareeks Spoorloos) en Max (José Domingos, Toni Palguira in die drama-reeks Roer Jou Voete), wat in ongevalle opgeneem word ná ’n hewige bakleiery. “Die verpleegsters gis oor wat met die manne gebeur het,” sê Lindsey Abra-hams wat die rol van verpleegster Chanel vertolk. “Dis nie aldag wat twee pasiënte op dieselfde tyd na ongevalle gebring word nie, veral nie wanneer niemand seker is hoe hulle eintlik beseer is nie.” Roelf is papgeslaan maar wakker, terwyl Max in ’n koma is. ’n Raaisel ontstaan rondom die manne en kort voor lank kom die waarheid uit: Een van hulle is ’n reeksmoordenaar! ’N GEHEUESTAFIE Chantel kry snuf in…

Op pad van Lee-Roy Foster (Roberto Kyle) en Wesley Rossouw (Craig Adriaanse) se troue, ry Lee-Roy se ma, Ronel (Melanie du Bois), ’n man om. Ronel het aangebied om huis toe te bestuur omdat haar man, Thys (Sherman Pharo), moeg was, maar die pad van die wynplaas af waar hulle makietie gehou het, was donker. En die volgende oomblik tref Ronel iemand wat langs die pad stap. Dis ook nie lank nie, of Ronel se skuldgevoel dryf haar om – volgens Thys – ’n ongesonde obsessie met die slagoffer te ontwikkel . . . GESKOK Ronel het vonkelwyn gedrink op die troue en voel natuurlik dadelik skuldig wanneer sy die man tref. “Ek dink baie dinge gaan maar deur ’n mens se kop ná so ’n groot skok,” sê Melanie.…