Innholdsfortegnelse for 29 Jul 2021 i TV Plus Afrikaans

Toe die Emmy-bekroonde animasiereeks Uncle Grandpa (2013-2017) tot ’n einde gekom het, het Cartoon Network die reeks se skepper en bestuurder, Peter Browngardt, vrye keuse gegee in wat hy volgende wil aanpak. Hy het gevra om die klassieke lawwe, maltrap, klugtige komedie van die Looney Tunes-strokiesverhale terug te bring. Dis ’n reeks wat reeds sedert die 1930’s in die rondte is – animasie soos waarna oumagrootjie gekyk het. “Ek was van kleins af dol oor Looney Tunes en wou toe al ’n spotprenttekenaar word. Die klassieke Looney Tunes is my gunsteling-strokiesprente wat ooit gemaak is. Die geleentheid om nuwes te maak was ’n droom wat bewaarheid is. Hulle is wonderlike, universele karakters wat by mense van alle kulture aanklank vind,” sê Peter, wat meer vertel van sy reis met die…

In Treatment Seisoen 4 Vrydae M-Net (*101) 21:30 & 22:00 (begin 6 Augustus) Aangesien pasiënte die terapeut in hul vertroue neem en ook hul diepste gedagtes blootlê, is dit onvermydelik dat ’n intieme band tussen hulle ontstaan. Maar wat gebeur wanneer die terapeut nie grense stel nie, wat daartoe lei dat die perke oorskry word en sy/haar gevoelens op die pasiënt se kwessies projekteer? Soos seisoen 4 van die hernude dramareeks In Treatment (2008-nou) onthul, eindig dit met komplikasies. Die nuwe weergawe van die drama-reeks van 24 episodes vertel van die psigoterapeut Brooke Taylor (Uzo Aduba, Crazy Eyes in die tronkdramareeks Orange Is The New Black, 2013-2019) se nuwe praktyk nadat haar kantoor weens die pandemie gesluit word. Gevolglik gee sy berading aan haar drie pasiënte in haar weelderige huis…

Dit verg baie om ’n hospitaal te bestuur en tot dusver het dr. Conrad Bester (Hykie Berg) goed gevaar. Maar die onlangse dood van sy suster, Elana (Ilne Nienaber), het hom diep geraak, en om als te vererger, soek die hoof van die hospitaal se administrasie-afdeling, Annetjie (Lorraine Burger), sy bloed. Annetjie is oortuig Conrad was nalatig toe hy vroeër in Julie ’n neurostimulator in haar boud ingeplant het wat haar sou help om haar blaas beter te beheer. Sy het tans ontsaglike pyn en omdat dinge nie verbeter nie, voel sy iemand moet boet, en sy meen dis Conrad! Om sy reputasie as gesiene dokter en sakeman te red, gaan Conrad alles in sy vermoë doen om te bewys hy was nie nalatig nie. WAT LAAS GEBEUR HET ’n…

As daar een mens is wat deur dik en dun bankvas agter Siya (Gantane Kusch) staan, is dit sy meisie, Danni (Vashti Prins). Sy was daar toe Siya gesukkel het met drank ná die openbarings oor sy verkragting en sy hofsaak (in Februarie), en sy was daar toe Siya besluit het om ’n pastoor te word (in April) en by die kerk begin werk het. In Julie het Danni selfs met die kerkdans uitgehelp, maar die geleentheid het nie veel geld ingebring nie. Om daarvoor te vergoed, besluit Danni om ’n nuwe projek aan te pak: Om onopgeëiste bokse in skeepvraghouers met die kerk se geld te koop en dit teen ’n wins te verkoop. “Danni dink dis ’n gulde geleentheid om maklik geld vir die te kerk maak,” sê…

Die dansende onderwyseres, Sasha Daniels (Melissa de Vries), word deur die ekshoofseun, Solly (Jaydon Williams), afgepers, maar sy weet nie dis hy nie. Sy het in haar verlede uit desperaatheid naakfoto’s laat neem vir ’n ekstra inkomste en om te help met haar studies, en sy het nooit gedink die gewaagde foto’s sou uitlek nie. Boonop stel die afperser geen eise nie, so sy is nie seker wat hy van haar soek anders as om haar te verneder nie. Sy huil uit desperaatheid op Lionel (Jody Abrahams) se skouer, nadat hy per ongeluk van die foto’s sien. “Lionel gee op sy manier raad en Sasha neem dit ter harte,” sê Melissa. HELE SAK PATATS Melissa sê Sasha is huiwerig om iemand te vertel wat aangaan, maar is verlig dat sy…

Stroom dié fiktiewe musiekflieks op Showmax en ontdek die krag van melodieë en beelde tesame om ’n verhaal te vertel. Of hulle nou droom om ’n musiekster te wees en deel te neem aan ’n realiteitsprogram soos American Idols (2002-nou) of leef in ’n wêreld waar jou gunstelinggroep nooit bestaan het nie, die musiek vertel die storie net so goed soos die karakter. THE HIGH NOTE (2020) Tracee Ellis Ross (Bow in die sitkom Black-ish, 2014-nou, en dogter van die sangikoon Diana Ross, treffer Ain’t No Mountain High Enough, 1970) en Dakota Johnson (Anastasia in die Fifty Shades-fliekdrama-franchise, 2015-2018) vertolk die rol van die musiekkunstenaar Grace Davis en haar persoonlike assistent, Maggie. Grace het jare lank nie nuwe musiek uitgereik nie, maar haar toere is uitverkoop, en Maggie het haar…

Reyka Seisoen 1 Sondae M-Net (*101) 20:00 M-Net se jongste Afrika-misdaaddrama, die reeks Reyka, het kykers op die punt van hul stoel gehad toe die eerste episode onlangs uitgesaai is. Daar was aksie, drama en spanning, maar die een ding wat kykers geboei het, is Reyka (Kim Engelbrecht, Marlize DeVoe van 2017-2018 in die superheldreeks The Flash, 2014-nou) se vreemde verhouding met haar ontvoerder Angus Speelman (Iain Glen, Jorah Mormont in die fantasiereeks Game Of Thrones, 2011-2019). Speelman het Reyka ontvoer toe sy 11 jaar oud was en oor meer as vier jaar het hy haar vertroue gewen, haar gemanipuleer, haar vaderfiguur geword en haar seksueel aangerand tot sy weggehardloop het toe sy 16 was. Hy is later gevange geneem en tronkstraf opgelê. Nou, as ’n volwassene, is Reyka ’n…

Hawaii Five-0 Seisoen 5 weekdae e.tv (*194) 20:30 (begin Woensdag 28 Julie) Die son, strande, mooi mense en ’n wegbreekparadys. Dís die goed waarmee die tropiese eilandgroep Hawaii altyd vereenselwig word, maar in die aksiereeks Hawaii Five-0 (2010-2020) sien ons ook die misdaad en donker kant van die eilandgroep. Die Five-0-span, wat die taak het om misdaad te beveg, het in seisoen 5 ’n heel nuwe stel probleme – beginnende met die twee hoofbeamptes. Bevelvoerder Steve McGarrett (Alex O’Loughlin, Kevin Hiatt in die misdaadreeks The Shield, 2007) en sy slimjan spanmaat en bestie, speurder Danny Williams (Scott Caan, Scott Lavin in die biografiese komediereeks Entourage, 2004-2011), ontvang terapie vir paartjies. “Hulle het onlangs moeilike tye beleef en kan nie ooreenstem nie,” sê Alex. “Hulle moet op dieselfde golflengte wees, want…

Dis swaar om die akteur Ben Kruger steeds in sy rol as Okkie Ferreira in die sepie Binnelanders (2005-nou) te sien nadat hy in Junie aan Covid-19-komplikasies gesterf het. En ons sal hom nog tot einde Augustus op die kassie sien met die huidige storie van Die Trio-sanggroep wat sy swanesang gaan wees. Dis so hartseer, maar ons weet ons sien Okkie (en Ben!) tans op sy beste. Hier is alles wat jy moet weet. ’N GELEENTHEID OM TE SING Oom Wimpie (Paul Lückhoff) is in sy noppies wanneer hy genooi word om by sy ou koormaat Toks (nie op die skerm nie) se 70ste verjaardag te sing. “Oom Wimpie is oortuig hy sing soos ’n engel. Maar dan word Louis (Germandt Geldenhuys) ingeroep om Wimpie met ’n paar sanglesse…

Groot opwinding heers oor die kelnerin Lulu (Ansu Vis-ser) se babadogtertjie wat veronderstel is om in Augustus haar opwagting te maak, en ook Renate (Christel van den Bergh) se babaseuntjie wat in September verwag word. Simon (David Louw) is die pa van albei babas en kan nie wag om die twee kleintjies in sy arms vas te hou nie. Hy en sy eksvrou, Renate, was ’n ruk geskei, en hy en Lulu het daarna ’n verhouding gehad en verloof geraak. Die ooievaar hou egter nie altyd by die skedule wat babas veronderstel is om te volg nie, en die kleingoed verras eers vir Renate op Dinsdag 3 Augustus en vir Lulu die dag daarna. VROEË GEBOORTE Die geboorte vang Renate onkant. Sy is einde Junie Londen toe om navorsing te…

James (Robert Hobbs) is so gemeen en laakbaar as kan kom. “O, hy is ’n baie wrede man. Hy is tot enigiets in staat,” sê Robert. In die paar maande wat hy terug in Suid-Afrika is, het hy ’n web van leuens rondom die Price-familie gespin en die ergste kom nog. Erger as om sy seun, Charlie (AJ Cullinan), in Maart te laat ontvoer? “James is ’n monster! Hy sal sy ma verraai om te kry wat hy wil hê,” sê die akteur. Wat dié meestermanipuleerder die meeste soek, is mag en die Price-miljarde. En hy het ’n direkte skakel: sy vrou, Felicity Price (Mary-anne Barlow). En hy gaan in die volgende twee weke sy komplot in werking stel. BESIGE MAN Robert herinner ons daaraan James doen alles om ’n…

Dr. Terrence (T) Ferguson en dr. Vernard Hodges is beste vriende sedert hulle mekaar in die laat 1990’s aan die Tuskegee-universiteitskollege vir veeartsenykunde in Alabama, VSA, ontmoet het. Vir die afgelope 20 jaar bestuur hulle die Critter Fixer Veterinary Hospital in Bonaire op die platteland in Georgia. Hulle word ontbied om plaasdiere op kleinhoewes te behandel, soos troeteldiere van hamsters tot perde; die plaaslike wilde diere, insluitende uitheemse diersoorte; asook kamele. In hul realiteitsdokkiereeks Critter Fixers: Country Vets, Vrydae op National Geographic Wild (*182) om 18:00, neem hulle ons deur hul praktyk, waar hulle jaarliks 20 000 pasiënte behandel. Dis ’n gesinsvriendelike program wat op vele vlakke werk. Hulle stel stadskinders bekend aan die liefde en sorg wat plaasdiere benodig, asook die werklikheid van ’n werk wat nooit kan slaap…

A Million Little Things Seisoen 3 Vrydae M-Net (*101) 20:30 (begin 30 Julie) Of dit die selfdood van ’n vriend is of ’n huwelik wat deur ontrou geruk word, die openingstema van elke seisoen van die goedvoeldramareeks A Million Little Things (2018-nou) draai om ’n groep vriende wat nader aan mekaar gebring word deur ’n ontmoedigende voorval. Dis ook so in die eerste episode van seisoen 3 wanneer die vriende hulle na die hospitaal haas nadat hulle gehoor het hul vriend Eddie (David Giuntoli, Jacob in die komediereeks Privileged, 2008-2009), wat van alkoholisme herstel, was in ’n tref-en-trap-ongeluk, wat in die slotepisode van seisoen 2 (2020) afgespeel het. Dis skrikwekkend en hulle is paniekerig. Die aksie begin onmiddellik ná die ongeluk, met Eddie se prokureurvrou, Katherine (Grace Park, Liz in…

Moederskap is kompleks vol uitdagings. Wanneer Aggie (Mimi Mahlasela) en Connie (Quinne Brown Huffman) dus op ’n baba afkom wat in ’n vullisblik gelaat is, neem die konsep van moederskap ’n ingewikkelde wending wanneer albei vroue se hunkering na ’n kind oorneem. GROOT ONTDEKKING Op een van hul daaglikse wandelings vind Connie en Aggie ’n bondeltjie vreugde met geen ouer in sig nie. “Hulle is albei geskok en ietwat ontsteld,” sê Mimi. Die vroue het geen keuse as om die babadogtertjie in hul sorg te neem nie. “Hulle besluit aanvanklik om die baba se familie te vind voor hulle die geval by die polisie aanmeld,” onthul Mimi. SLAPELOSE NAGTE Hoewel dit nie die beste plan is nie, is die baba ten minste veilig in hul sorg. Maar om ’n baba…

Oos-Wes is sinoniem met varsgebakte brood, kolwyntjies en natuurlik smaaklike houtoondpizzas. En sedert die restaurant se ontstaan in 2015 was Bianca (Simone Biscombe) deel daarvan: eers as kelnerin en nou as bestuurder. Daar is niemand wat die plek beter ken en verstaan as sy nie. Wanneer die geleentheid dus oor haar pad kom om die mede-eienaar Stefan (Gideon Lombard van 2015-2020 in Suidooster, 2015-nou), wat tans op Prins Albert bly, se aandele te koop, spring sy om die geld bymekaar te kry. Maar Bianca is nie die enigste een wat die aandele in die oog het nie. Kaashifa (Jawaahier Petersen), Oos-Wes se sjef, stel ook belang, en sy gaan nie vir Bianca terugstaan nie. GOUD WERD Die statige sakevrou Bridgette (Denise Newman), Oos-Wes se ander aandeelhouer, weet nie wat om…

Rugby en rock-musiek is dalk onversoenbare wêrelde, maar nie vir die Styders-afrigter Fafa (Altus Theart) nie. Op 40 leef Fafa die ander groot passie in sy lewe – sang en kitaarspel – uit en tokkel ná baie jare weer op sy kitaar. Sy vrou, Maryke (Marijke Coetser), dink eers nie dis ’n blink idee nie, want sy is bang Fafa bestee te veel tyd aan sy nuwe droom en dan boemerang dit. “Maar al kla die bure oor die geraas en is Maryke nie so geesdriftig oor haar man wat nou saans ’n rocker is nie, laat Fafa hom nie van stryk bring nie,” vertel Altus. VAN TOEKA SE DAE Fafa het op hoërskool in ’n rockgroep gesing. “Hy moes destyds tussen rugby en musiek kies, en rugby het gewen,”…

VERLEDE KEER Neriman het vrede probeer bewerkstellig tussen Ömer en sy oupa, maar moes Defne afpers om dit reg te kry, en Sinan is nie toegelaat om sy besluit te onthul nie. Yasemin het ’n geheime bewonderaar gehad, en Sude was gelukkig met haar werk. 28 – 30 JULIE Ismail se hart is gebroke wanneer hy uitvind die skoen wat hy ontwerp, gaan gebruik word vir Yasemin se ete vir ’n huweliksaanbod, en Sinan is nie seker hoe om die jawoord te vra nie. Ömer beplan om Defne te vra om sy vrou te wees, en Ismail gooi Yasemin se skoene in die asblik. ’n Mededinger genaamd Black Mamba is op die dorp, en Yasemin vra Sinan om met haar te trou. 2 – 6 AUGUSTUS Ömer word ’n soort…