Innholdsfortegnelse for 7/16/2020 i TV Plus Afrikaans

Sjoe, die Kwarantyn-storie het omtrent kykers ontstel. Indien jy dit misgeloop het: Een van die deelnemers aan die loerbroer-tipe-reeks, Kwarantyn (lees meer op bl. 17), is uit die reeks geskors nadat sy ’n onaanvaarbare woord gebruik het. kykNET het haar uit die huis verwyder, wat tot gemengde reaksie gelei het. Sommige kykers het kykNET geprys vir sy daadwerklike optrede, terwyl ander gesê het hulle gaan kykNET begin boikot, want dit was nie so erg nie. By tvplus raak ons nie maklik by sulke debatte betrokke nie – ons gee bloot die feite weer en skryf oor heerlike TV-stories (al mis ek soms my tyd by koerante en die skryf van meningstukke). My belangstelling in die program, moet ek erken, het bietjie getaan. Maar nie weens die voorval nie; daar is…

Naam: Genevieve Terblanche Pos: Senior skrywer, grotvrou. Ek kyk nou: RuPaul’s Drag Race All Stars (2012-nou), seisoen 5, op Netflix. My mening oor die reeks: Die sappige drama van realiteits-TV se veeleisende talentprogram, maak die marteling om ’n week tussen die nuwe episodes te wag die moeite werd. Die beste fopdoskoninginne van RuPaul’s Drag Race (2009-nou) van al die seisoene is in All Stars bymekaar om te spog hoe hulle hul optredes verfyn en verbeter het. Ek hou van hul humor en kuns, maar een van my gunstelinggoed van die All Stars is dat die koninginne van aansien met ontwerpers, soos Florence D’Lee en Patrick Isorena, saamwerk om asemrowende optredes en loopplankuitrustings te skep. So baie Instagram-rekeninge om te volg! My gunsteling-oomblik: Die vrees, genot en afwagting op die gesig…

Daar is nie net ’n stormloop na nuwe uitreikings op stroomplatforms nie, maar ook na programme soos dié tekenprente vir volwassenes wat jy in Julie kan kettingkyk. • Mr Pickles S1-3 komedie, 2014-2018, Showmax. Mr Pickles, ’n bose hond, verdedig sy geliefde eienaar. • South Park S19-23 komedie, 2015-2019, Showmax. ’n Vuilbek kindanargis maak amok. • Undone S1 sci-fi, 2019, Amazon Prime. ’n Vrou reis deur tyd in dié reeks wat die realiteit verdraai. • Banana Fish S1 aksie-anime, 2018, Amazon Prime. ’n Bendeleier beskerm ’n onskuldige joernalis. • Pets, Robots & Melons S1 2019, sci-fi, Amazon Prime. Robotte, spanspekke in die ruimte, verliefde skeerbekmuise en baie meer! • Bojack Horseman S1-6 dramedie, 2014-2010, Netflix. Geestesiektes word verken met behulp van mensagtige diere in Hollywood.…

H Weekdae FOX Life (*126) 21:55, 02:05, 06:50, 12:40 O Saterdae FOX Life 10:45, Sondae 21:00 VERLEDE KEER Lilian se plan om Gutiérrez in sy politieke veldtog te help, het aan die lig gekom en Graciela was nie beïndruk nie, César het Susan aangeraai om ’n verhouding van mishandeling te verlaat, en David en Graciela het gesoen. 15 – 17 JULIE Bobby se verdwyning en skielike verskyning wek talle vrae by almal, Graciela sukkel met haar gevoelens vir David, en ’n woedende Luciana kry Miguel voor stok wanneer sy uitvind hy het na Erika gaan soek. David erken aan Luciana hy voel sleg omdat hy Bobby afskeep, Graciela vertel haar ma David stel nie in haar belang nie, want hy het net oë vir Luciana, en Perla erken sy is…

H Weekdae SABC1 (*191) 08:30 O Saterdae SABC1 11:00 VERLEDE KEER Jack het tot ’n paar rampspoedige gevolgtrekkings gekom, Cosmo is weer by misdadige bedrywighede ingesleep deur sy oud-bendebaas Gadaffi, en Tau het homself in groot moeilikheid gekry. 15 – 17 JULIE Net toe Fikile dink haar probleme is iets van die verlede, kry sy die skok van haar lewe, ’n foonoproep dreig om Tshidi se sorgvuldig uitgewerkte planne te kelder, en die Moroka-gesin kry nóg ontstellende nuus. Mrekza sukkel om sy nuwe lewensomstandighede te aanvaar, maar hy het geen ander keuse nie, en ’n dronk vrou veroorsaak probleme vir Mpho. 20 – 24 JULIE Oom Kabisi probeer Tshidi uitoorlê, maar hy misluk klaaglik, en ’n pa is verpletter wanneer hy sy dogter groet. Jack is aan die ontvangkant van…

H Weekdae Mzansi Magic (*161) 09:30 & 12:30 O Sondae Mzansi Magic 10:00 VERLEDE KEER Die dorp Bhubesini het tot stilstand gekom toe Mbovu die troon oorgeneem het, Jabu en die swanger Ntwenhle het gaan wegkruip om hul baba te beskerm, en Fenyang was tussen twee vroue vasgevang. 15 – 17 JULIE Sbu konfronteer Sizakele oor Duma se doen en late, maar steek die waarheid vir hom weg, en Ntwenhle wys Lillian hoe om ’n marijuana-sigaret te rol. Dinge raak ongemaklik wanneer Phumelele ongenooid by Iris en Fenyang se ete-afspraak opdaag, Mabuyi kom in die vallei aan op soek na Duma, en Jabu en Ntwenhle verlaat hul wegkruipplek uit paniek wanneer hulle hoor Mbovu se manne het hulle opgespoor. Siza vee intussen haar spore dood. 20 – 24 JULIE Ntwenhle…

H Weekdae e.tv (*194) 11:30 VERLEDE KEER Puleng was in ’n tweestryd of sy haar nier aan haar pa, Hlompho, moet skenk, Zinhle het ná verwerping deur Keabetswe selfdood probeer pleeg, en Dikeledi en haar baba het by Mzi ingetrek. 15 – 17 JULIE Die Ngcobes sukkel om Zinhle se selfdoodpoging te verwerk, en Dikeledi word flou net toe Mzi haar uit sy woonstel wou skop. Jafta vra om verskoning dat hy verkleinerend met Blossom gepraat het, en Zinhle beloof om stil te bly dat haar pa, Khulekani, die Slaza-dwelm aan skoolkinders verkoop het. Mzi is verplig om Dikeledi langer in sy woonstel te laat bly, en Zinhle nooi Kea na haar huis, ondanks Khulekani se afkeur. 20 – 24 JULIE Cuba haal als uit om haar liefie te beïndruk,…

H Weekdae FOX Life (*126) 22:40, 02:50, 07:30, 13:25 O Saterdae FOX Life 14:35, Sondae 10:35 VERLEDE KEER Melibea was verras toe sy van Genaro se versteekte geld hoor, en Teresa het amper als verloor. Alfredo het Sofia vertel hy het haar nie meer lief nie, en vir Beatriz belowe hy sal met haar trou. 15 – 17 JULIE ’n Woedende Sofia steek Beatriz met ’n mes, speurder Ayala is verras om te hoor Felipe is vrygelaat, en Olegario se ware bedoeling om die Alar-cons se hotel oor te neem, word onthul. Ayala waarsku Teresa hy is verplig om Sofia in hegtenis te neem. Later vra hy Isabel se hulp om die gouemes-moordenaar te vang, en Isabel is sprakeloos wanneer sy hoor wie die moordenaar is. 20 – 24 JULIE…

H Weekdae Mzansi Magic (*161) 10:00 & 13:00 O Saterdae Mzansi Magic 11:00 VERLEDE KEER Mildred was verras om uit te vind haar skelmpie, Thato, gaan met haar dogter, Warona, uit, Shaka het die Khozas teen sy halfbroer, Kagiso, laat draai, en Brutus en Dingane se pa-seun-band is deur Dingane se leuens vernietig. 15 – 17 JULIE Harriet en Brutus is verplig om Kagiso se spore dood te vee wanneer hy en sy gesin hulle aan die verkeerde kant van die gereg bevind, en Mildred is omgekrap oor Thato se verwerping. Die Khozas is geïrriteerd omdat Kagiso hul naam deur die modder sleep, en Mildred se plan om Thato en Warona se romanse te vernietig, begin goed wanneer Warona hom los. Die polisie versamel bewyse teen Kagiso, en Jerry vat…

H Weekdae SABC2 (*192) 13:30 O Sondae SABC1 (*191) 12:00 VERLEDE KEER Fikile het voortgegaan om voor te gee sy is swanger, Lindiwe en Nkunzi het hul verskille opsygeskuif om van ’n gemeenskaplike vyand ontslae te raak, en Zekhethelo het haar romanse met Godfather bo haar gesin verkies. 15 – 17 JULIE Die spanning tussen die sustervroue Nonka en Siphilile verhoog en Nonka oorweeg dit om na haar familie terug te keer, en Sbu is salig onbewus van Fikile se leuens. Godfather en Thulani stel ’n strik vir Nkunzi, en Nomcebo kom op bewyse af wat haar seun, Khehla, se moordenaar ontmasker. Nonka trek terug huis toe, maar haar gesin dwing haar om na Sibonelo terug te gaan, en Fikile probeer alles in haar vermoë om ’n baba te verwek.…

Sy het uit vrees besluit (om aanvanklik by hom te bly) en dis hartseer, maar dis die werklikheid vir so baie vroue in die wêreld. – EUREKA JAGANATH-SWEPERSADH, FACEBOOK Die hele storielyn is irriterend en vergesog. 7de Laan kan netsowel ’n toneel met ruimtewesens skryf . . . Oubaas is skielik ’n gewoonteverkuller, André is uit die bloute ’n vrouemishandelaar. En kan iemand asb. vir Aggie onder haar agterent uit 7de Laan skop, want sy weet en is altyd beter as enigiemand anders. – GERALDINE KRUGER, FACEBOOK Verkeerde keuse, maar wat is aan die gebeur in ons gemeenskap waarin jy bang is vir ’n man, maar steeds by hom bly? – PAMELLA MAHLEZA, FACEBOOK…

Woensdag DOUBLE SHOT OF LOVE WITH DJ PAULY D AND VINNY NUWE SEISOEN!  Seisoen 2 MTV (*130) 21:30 (realiteit) 15 Julie Nadat Maria en Nikki in seisoen 1 se laaste episode verwerp is, het Jersey Shore (2009-2012) se Pauly D en Vinny hulle na Vegas teruggenooi. Dapper en ongemaklik! In dié seisoen word die liefde ter wille van vriendskap opsy geskuif. THE SINNER NUWE SEISOEN  Seisoen 3 M-Net (*101) 22:00 Episode 1 (aksie) 22 Julie Die manier waarop dié antologiereeks iets wat soos ’n gewone dronkbestuurongeluk lyk, in ’n misterie omskep, is boeiend. Jamie se optrede by die ongelukstoneel sal jou laat wonder wat hy en Nick alles op skool aangevang het. • Lees meer op ble. 5 en 55. Donderdag LIEFDE SONDER GRENSE NUWE SEISOEN!  Seisoen 2 kykNET (*144)…

By tvplus kyk ons ongelooflik baie televisie. En al hou ons dalk nie van alles nie, doen ons ons bes om elke program ’n regverdige kans te gee. Maar dis nie als werk nie. Ons raak diep verknog aan reekse. Stroomdienste laat ons toe om na hartelus te kettingkyk, en ons gunsteling-programme in te pas by al die regstreekse TV-kykery wat ons professioneel doen. Ons kan agteroor sit met ’n lekker opfrissertjie nadat ons intense dramas en rillers oor donker temas gekyk het. En soms kan ons afskakel en net ’n oomblik geniet wanneer ons kniediep in seisoen 4 van ’n reeks vol kinkels is met 40 verskillende sleutelkarakters. Hier is waarna tvplus kyk vir pret (benewens al die wonderlike Afrikaanse inhoud op kykNET en VIA) . . . TVPLUS…

H Weekdae e.tv (*194) 09:30 VERLEDE KEER Ciara het Salem verlaat, Hope het na die stad teruggekeer, en Justin het slegte nuus vir Deimos gehad. 15 – 17 JULIE Steve krap smerighede oor Adrienne se mededinger uit, die bevinding in Nicole se saak is bekend, en trouklokke lui in Salem. Gabi en Chad praat oor hul romanse, Claire verdwyn, en Steve loop ’n bekende uit sy verlede raak. 20 – 24 JULIE Lani is nie seker van haar saak met JJ nie, Jade is verplig om ’n bekentenis te maak, en Sonny reik uit na Paul. Dario wil hê Abigail moet ’n skeisaak begin, Nicole kry ontstellende nuus, en Tripp wen Kayla se vertroue. JJ en Lani betrap Chad en Gabi in die bed, en Paul oorreed Eli om iets…

H Weekdae Mzansi Magic (*161) 11:30, 13:30 O Sondae Mzansi Magic 15:00 VERLEDE KEER Gladys het aangebied om ’n leerder te help, Mam’Sonto is onverhoeds betrap deur ’n dapper verklaring van Thathi, en Gladys se familie was woedend omdat sy haar hulp vir ’n gehate verstoteling aangebied het. 15 – 17 JULIE Gladys se besluit bedreig haar verhouding met Ntokozo en maak haar baie ongewild in Alex. Dinge loop erg verkeerd en Mazet is in gevaar, die voorslepende stryd in die Dlamini-huis bereik kookpunt, en Thathi se planne loop vinnig skeef. Gladys bevind haarself alleen met ’n berugte boef en besef gou hy het sy oog op haar. Thathi moet van twee lyke ontslae raak. 20 – 24 JULIE ’n Gevangene ontsnap uit Mam’Sonto se bewaring, en Thathi en Mazet…

H Wo.-Vr. SABC2 (*192) 13:00 O Saterdae SABC2 11:00 VERLEDE KEER Nkosana het Senzo se glorie in die nuwe saketransaksie gesteel. Met die nuwe gas op besoek het Cebile vir Patricia aangesê om die slotte te verander, en dr. Mercury het gesterwe. 15 JULIE Moipone vra Thapelo om verskoning en probeer professioneel wees. Tselane se hart is gebroke en sy het nêrens om te gaan nie, terwyl Zano haar gebroke hart probeer heel deur ’n nuwe projek aan te pak. Cebile se pogings om in te pas het ’n prys, Moipone gee Pabi raad hoe om haar verhoudings met Nolo en Senzo te balanseer, en Thandeka en Likeledi ontmoet uiteindelik van aangesig tot aangesig. 20 – 22 JULIE Thandeka besluit om Nolo uit te los, en Zano wys Tselane haar…

H Weekdae FOX Life (*126) 00:20, 04:25, 09:10, 11:40 O Saterdae FOX Life 06:45, Sondae 14:30 VERLEDE KEER Amelia het teruggekeer en Javier en Luisa Fernanda het dit vir Pedro geheim gehou, en Luis en Amelia het ontmoet. Pedro, steeds verlief op Amelia, het Hermana Rosaura vertel hy sukkel, en Amelia het Luisa Fernanda om vergifnis gevra. 15 – 17 JULIE Luisa Fernanda vertel Mariana sy sal enigiets doen om te verseker Don Fernando vind nie uit sy is sy kleindogter nie. Luis hoor van Licenciado se planne en wil van hom ontslae raak. Blanca vertel Amelia Pedro wil Amelia nooit weer sien nie, Luis dreig Licenciado met die tronk vir die diefstal van sy kosbare dokumente, en Mariana vra Don Fernando om Luisa Fernanda weg te stuur. 20 –…

H Weekd. FOX Life (*126) 23:30, 03:40, 02:25, 14:15 O Saterdae FOX Life 20:10, Sondae 06:45 VERLEDE KEER Emanuel het uitgevind hy is Humberto se seun, Aldonza het haar man vertel sy is verkrag, en hy is vasberade om wraak te neem. 15 – 17 JULIE Vader Jerónimo en Adelina is sprakeloos wanneer hulle hoor Aldonza en Cristóbal is getroud. Abelardo neem ’n vuurwapen uit Severiano se kantoor, Cristóbal vind ’n bebloede Abelardo en pro-beer sy lewe red, maar Abelardo sterf in sy arms. Die polisie verbind spoedig die vuurwapen op die moordtoneel met Severiano, en Valeria vertel die prokureur-generaal Cristóbal het ’n motief om Abelardo te vermoor. Candela bel haar man en is geskok wanneer Simoneta die foon antwoord. 20 – 24 JULIE Cristóbal word gearresteer weens die moord…

H Weekdae 1Magic (*103) 23:30 & 10:30 O Saterdae 1Magic 17:00 O Sondae 1Magic 09:30 VERLEDE KEER Net toe Lindiwe gedink het sy’t haar teëstander en skoonfamilielid Emma uit haar huis geskop, het haar onbeheerbare stiefdogter, Nomonde, opgedaag om met haar af te reken. Kedibone het ’n geliefde van seerkry gered, en die Dikanas het fees gevier. 15 – 17 JULIE Nsizwa en Kedibone neem hul romanse na die volgende vlak, en Veronica oorweeg dit om kop uit te trek uit haar ooreenkoms met Nomonde. Die Dikanas is onbewus van ’n familielid se depressie, en Kedibone is smoorverlief op Nsizwa. Lindiwe en Zweli is sprakeloos wanneer nóg ’n tragedie hul gesin tref, en Dimpho is opgewonde om te sien haar tannie Kedibone is verlief op die man van haar drome.…

THE SINNER Seisoen 3 op M-Net (*101) vanaf Woensdag 22 Julie om 22:00 Episode 1 (aksie) Indien jy van Chris Messina as dr. Danny in The Mindy Project (2012-2017) gehou het, moet jy dalk nie na The Sinner (2017-nou) se bloederige ongelukstoneel kyk nie. In dié toneel sterf sy karakter, Nick, stadig terwyl hy halflyf deur die windskerm hang, en sy vriend Jamie (Matt Bomer, Neal in White Collar, 2009-2014) hulpeloos toekyk. Chris het die toneel onverwags uitdagend gevind. “Ons was in die motor met een regisseur, en dan om middernag of 01:00 in die oggend, besmeer met grimering terwyl ek uithang, het ’n nuwe regisseur gekom en ’n ander deel van die toneel, wat in ’n ander episode is, geregisseer. Ek het dit nog nooit ervaar nie, ons was…

HANNA AMAZON PRIME | 2019-NOU | AKSIE | SEISOEN 1-2 | KETTINGKYK VANAF VR. 3 JULIE Die geneties ontwerpte sluipmoordenaar Hanna (nuweling Esme Creed-Miles) wys Clara (Yasmin Monet Prince, Laura in Dark Heart, 2018), wat sy in seisoen 1 gered het, hoe om in die Roemeense woude te oorleef, maar Clara soek haar biologiese ma. Dié wat nie soos die twee kon ontsnap nie, word by ’n Engelse spogskool opgelei. FEAR CITY: NEW YORK vs THE MAFIA NETFLIX | 2020 | DOKKIEREEKS | SEISOEN 1 | KETTINGKYK VANAF WO. 22 JULIE Dié moetsien-dokkie vir aanhangers van die realiteitsreeks the Mob Wives (2011) fokus op hoe die FBI New York se vyf berugste misdaadfamilies – die Bonanno’s, Colombo’s, Gambino’s, die Genovese- en Lucchese-familie – gedurende die 1980’s vasgetrek het. CURSED NETFLIX…

M ors met hulle en jy beland ses voet onder die grond: Dié hoofdames van telenovelles is gewetenloos en maak nie verskoning daarvoor nie! DStv saai telenovelles uit met vreemde kinkels danksy ’n paar eiewyse vroue – van obsessiewe meisies tot monsterma’s – wat altyd hul supermagte vir die bose en nooit vir iets goeds nie gebruik. Hier is ons top-agt onderduimse divas. IRON ROSE (2016) Wanneer die bose entrepreneur Altagracia Sandoval (Aracely Arámbula) by die kamer instap in dié telenovelle wat oorspronklik La Doña getitel is, trek sy onmiddellik aandag en dwing respek af. Dit is nie net omdat sy asemrowend mooi is nie. Sy het ’n sekere soort selfvertroue. Altagracia, oftewel La Doña, soos haar sakevennote na haar verwys (want sy is die baas) het die handboek van…

Spoorloos: Heksejag Seisoen 2 Dinsdae kykNET (*144) 20:00 Die aktrise Lee Visagie sê die fisioterapeut Christa, wat sy in die tweede seisoen van Spoorloos: Heksejag vertolk, is saggeaard en passievol. “Christa het ’n deernis vir mense en veral mense wat in nood is. Sy is baie vrygewig, maar haar goedhartigheid is dikwels tot haar eie nadeel.” Hulle is baie eenders, sê Lee, maar Christa het een karaktertrek wat sy nie het nie. “Christa is gutsy. Sy bevind haarself ’n paar keer in situasies waarin sy uitgedaag word en dan staan sy haar man. Ek is glad nie so nie.” MAGIESE AANTREKKINGSKRAG Ons ontmoet Christa die eerste keer in Spoorloos: Heksejag as ’n student in fisioterapie in ’n Johannesburgse hospitaal. Wanneer ’n pasiënt, Adam Prinsloo (Andahr Cotton, Malan in Die Spreeus,…

Drama, trauma en liefdesteleurstelling is die oortjies van die seekoei wanneer dit kom by die storielyne wat Willem Spies (Markus Haywood) die afgelope vyf jaar in 7de Laan (2000-nou) gehad het. Boonop is Willem ’n moeilikheidmaker, rokjagter en ’n humeurige vent – g’n wonder die drama en trauma het hom soos ’n skaduwee gevolg nie. Maar ten spyte van alles is Willem ook net ’n mens wat ’n groot hunkering na familie en liefde het. “Al Willem se struggles is daarin gegrond,” sê die 29-jarige Markus. “Hy wou net aanvaar word, maar het konstant verwerping ervaar, en dit het hom soms donker gemaak.” Willem is egter nou op ’n veel beter plek: Einde Junie het hy Hillside sak en pak verlaat en Kaap toe verhuis om nader aan sy seun,…

• Y&R het verfilming gestaak weens die Covid-19-pandemie en saai ’n keur van episodes vol-gens temas uit totdat verfilming hervat. Bold het weer begin skiet, maar saai steeds die spesiale keur uit (*uitsaaidatums in die VSA). BOLD (LIEFDE OORWIN ALLES) Wyatt oorreed Hope om te trou terwyl hulle in 2014 in Monte Carlo is, en terselfdertyd stort Liam se wêreld in duie in Parys wanneer hy ’n foonoproep kry en hoor sy geliefde Hope gaan trou. Maya en Rick maak in 2015 TV-geskiedenis as die eerste transgender- en heterokarakter wat op dag-TV trou. Ridge en Caroline het in 2016 teen sy familie se wense in ’n blitstroue op die strand. En die beroemde skinder-blogger Perez Hilton is ’n gasspeler as ds. Murphy by Eric en Quin se troue in 2016.…

H Weekdae (begin 20 Julie) eExtra (DStv *195/ Openview *105) 12:30 O Sondae eExtra 15:25 VERLEDE KEER Süreyya het aan haar gevoelens toegegee en die ryk sakeman Faruk Boran se huweliksaanbod aanvaar, Fikret het homself as ’n goeie broer probeer bewys, en Esma het planne beraam om Süreyya uit haar huis te skop. 15 – 17 JULIE Esma skok Faruk met haar nuutste aankondiging, en Senem verlaat die dorp om ’n gesinslid wat moontlik in gevaar is, te verdedig. Die Borangesin verras Sahap met ’n besoek en vra sy seën voor Ipek en Fikret se troue, en Esma vervreem Süreyya om elke hoek en draai. Senem bereik haar bestemming, maar sy kan dalk te laat wees, en Süreyya sal nie toelaat dat haar aanstaande skoonma haar hennepartytjie bederf nie. 20…

Weekdae eExtra (DStv *195/Openview *105) 22:30 H Weekdae e.tv (*194) 12:30 O Saterdae e.tv 11:20 VERLEDE KEER Nirupa en haar familie moes ’n lyk by die lykshuis gaan uitken, en MaZulu het gedink dit was kaMadonsela wat hulle vervloek het. 15 – 17 JULIE Dis Pranav se begrafnis en Shria is woedend wanneer Ngcolosi opdaag, die spanning loop hoog tussen MaZulu en kaMadonsela, en Duduzile onthaal haar vriende by Phakade se huis. KaMadonsela word as ’n heks gebrandmerk en word van die Bhengu’s verban. Pranav se as word uitgestrooi en die 13 dae van rou begin, en Duduzile stem in om vir rehabilitasie te gaan. KaMadonsela word in ’n hoek gedryf, en Shria is kwaad vir Ngcolosi wanneer hy ’n lykwaak vir haar pa reël. 20 – 24 JULIE Shria…

H Weekdae SABC1 (*191) 09:00 H Weekdae SABC2 (*192) 14:30 VERLEDE KEER Tenda en Mpho is amper op heterdaad betrap deur Mpho se man, Azwindini, Kgosi het gesukkel om sy vriende se respek te herwin, en ’n jaloerse Mpho het Tenda se romantiese afspraak probeer bederf. 15 – 17 JULIE Mpfareni laat nie toe dat Tenda haar nefie langer boelie nie en neem standpunt in. Kgosi word op sy plek gesit weens sy onlangse gedrag, en Mathshidiso se planne om van Kgosi ’n sterker man te maak, het onverwagte gevolge. Mpfareni ignoreer die uitvoerende raad se bevele en beland in die moeilikheid, en Tenda word vir sy hulp aan Vhangani beloon. 20 – 24 JULIE Die ondersoek na ’n gesteelde rolstoel kry momentum wanneer die polisie voortgaan om bewyse bymekaar…

H Weekdae e.tv (*194) 12:00 H Weekd. eExtra (DStv *195/Openview *105) 13:15 O Saterdae e.tv 09:30 VERLEDE KEER Romeo het per ongeluk ’n sappige geheim gehoor wat nie vir sy ore bedoel was nie, Gloria kon nie langer haar vermoedens oor iemand ignoreer nie, en Boniswa het alles aan Xolile uitgelap. 15 – 17 JULIE Chumani het ’n aaklige week wanneer hy ’n paar skokkende ontdekkings oor sy verlede maak. ’n Vyand skuil in Phindile se huis, en Lerumo vind uit wat met Tebello gebeur het en hy is woedend. Dintle se opgewondenheid oor ’n nuwe onderneming wek nie veel geesdrif nie. 20 – 24 JULIE Romeo en Chumani voer albei iets in die mou en kan mekaar se planne dalk in die wiele ry, en Gloria word verplig om…

H Weekdae SABC1 (*191) 09:30 H Weekdae SABC2 (*192) 14:00 VERLEDE KEER Die polisie het ’n deurbraak in die saak oor die brand by die fabriek gemaak, Clement was vasberade om sy titel as klasverteenwoordiger te behou, en Mapitsi het ’n vermoede oor ’n affair gehad. 15 – 17 JULIE Kapt. Malebana se hoofbron van inligting oor die brand by die fabriek verdwyn, en die uitslag van die verkiesing van ’n klasverteenwoordiger word bekendgemaak. Kapt. Malebana kry hulp met die ondersoek, en Alfred sleep Clement by sy planne in, maar Sthoko sal dit nie duld nie. Mapitsi wil Kwaito en Glenda op heterdaad betrap. 20 – 24 JULIE Die Maputlas is geskok wanneer die polisie opdaag om Clement te ondervra, en Mokgadi het sapelose nagte oor die ondersoek. Glenda en…

H Weekdae e.tv (DStv *194/Openview *104) 13:30 O Sondae eExtra (DStv *195/Openview *105) 11:50 VERLEDE KEER Bernie se liefdeslewe het verbrokkel, en Jack en Angie het die familie vertel hulle is in ’n verhouding. 15 – 17 JULIE Die Tladi-gesin wag op ’n oproep van die ontvoerders, kapt. Rossouw maak ’n ontstellende ontdekking oor ’n gas by die lodge, en Bernie probeer vasstel of haar nuwe liefde eerlik en opreg is. Itumeleng vertel kapt. Rossouw die ontvoerder het nuwe eise. Karel, Jack en Angie sukkel met ’n familiekwessie, en Maxine uitoorlê die ontvoerder. Angie en Jack help Karel om ’n onlangse rusie met ’n vriend te verwerk. 20 – 24 JULIE Moeilikheid broei tussen Maxine en Itumeleng, kapt. Rossouw word gedreig, en Zintle probeer nader aan haar ma kom en…

O Sondae eExtra (DStv *195/Openview *105) 21:50 VERLEDE KEER Uit desperaatheid om die waarheid oor sy verlede uit te vind, het Mert hom tot Coskun gewend om meer antwoorde oor ’n geheimsinnige man te kry. Sarp het beswarende beeldmateriaal verskaf wat Celal uiteindelik vir sy misdade sou laat boet. 15 – 17 JULIE Uit weerwraak vir die onthulling oor Celal, word Sarp aan moord skuldig laat lyk. Mert kom ál nader aan die waarheid oor sy verlede, en Sarp is angstig om sy geliefdes te beskerm te midde van sy voortslepende stryd met Celal. Sarp word later deur Celal gekonfronteer en Celal sweer wraak oor Mestan se dood. Celal stem in om Sarp se ma en Eylem ongedeerd oor te lewer in ruil vir Melek. 20 – 24 JULIE Sarp…

15 – 21 JULIE 22 – 28 JULIE 15 Julie 16 Julie 17 Julie 18 Julie 19 Julie 20 Julie 21 Julie 22 Julie 23 Julie 24 Julie 25 Julie 26 Julie 27 Julie 28 Julie…

Dankie eExtra vir Bittersoet, Erfsondes, Die Vreemdeling, Vierspel Vuurspel, asook Engelse en Indiese reekse wat daagliks en oor naweke heruitsendings het. Met hierdie kykgenot is ek nou finaal genees van 7de Laan. – CATHLEEN, SMS Kan ons asb. ’n herhaling of omnibus van Vierspel Vuurspel kry. Dit bots saans met ander reekse. Dit lyk sover baie goed. Groot asb. – ANONIEM, SMS Ek is so bly iemand het vir Rickus in sy gesig gesê hy is pateties (in 7de Laan). Daar is nie ’n beter woord nie. – BERYL STANDERTON, SMS Mariaan Welman, as jy nie vir André laat opsluit en saam met Chris gaan nie, gaan ek persoonlik kom en jou klap. – ANONIEM, SMS Wat gaan aan met 7de Laan? Moet ons net na die tweeling kyk? Ag,…

Die doel met dié blad is om lesers ’n kans te gee om hul mening te lug. Dit weerspieël nie noodwendig tvplus se opinie nie. Verder probeer ons vrae wat per SMS, e-pos of ons sosiale mediaplatforms aan ons gerig word, regstreeks antwoord. Dus is hier nie vrae oor wanneer programme uitgesaai word, hoekom iets van die skedule af verdwyn het, ensovoorts, nie. Sover moontlik probeer ons SMS’e publiseer soos dit aan ons gestuur is, maar probeer konteks bysit, soos die program waarin die karakter verskyn, indien dit nie in die SMS is nie. Dit is een van my gunstelingbladsye. Asseblief, laat weet ons wat julle dink! Dis lekkerder wanneer ons almal saam TV kyk en dit bespreek!…