Innholdsfortegnelse for 12/4/2019 i TV Plus Afrikaans

Daar is nóg goeie nuus vir DStv-intekenare! Curiosity-Stream (*185), CBS Justice (*170) en Euronews (*414) is ook nou bygevoeg. Curiosity-Stream fokus op programme soos die oorsprong van bv. kossoorte. En daar is heerlike aksie-dramas op CBS Justice, soos Cold Justice, Fame Kills en Stalker. Indien jy dink jy het nuus nodig sodat jy nie heeltemal in ’n vermaakkolk verval nie, bring Euronews jou op die hoogte van wat in die wêreld aangaan. Boonop is Euronews in al die DStvpakkette beskikbaar. Dit voel soos ’n vroeë Kersgeskenk. Nie dat ek weet wanneer ek dié kanale se kykstof ingepas gaan kry nie – daar is reeds soveel opwindende nuwe reekse wat begin, asook gewildes, soos Die Byl, wat eersdaags terug is. Hou die tydskrif dop vir meer inligting oor Projek Dina wat…

RISE OF THE SUPERBOMBS S1 (dokkie) History (*186) So. 22 Des. 20:15 MURDOCH MYSTERIES XMAS (drama) ITV Choice (*123) Wo. 25 Des. 20:00 BEECHAM HOUSE S1 (drama) M-Net Sa. (*101) Do. 2 Jan. 22:00 THE UNICORN S1 (komedie) M-Net (*101) Sa. 4 Jan. 17:30 BORN TO KILL? S2 (dokkie) SABC2 (*192) So. 5 Jan. 21:00 15 SECONDS OF FAME S1 (realiteit) SABC1 (*191) Wo. 8 Jan. 18:00 2020 WINTER YOUTH OLYMPICS (sport) SABC2 (*192) begin Do. 9 Jan. 22:00 NEW AMSTERDAM S2 (drama) M-Net (*101) Ma. 13 Jan. 20:00 QUEEN SUGAR S4 (drama) e.tv (*194) Ma. 13 Jan. 22:00 POWER S3 (drama) e.tv (*194) Wo. 15 Jan. 22:00 IN SEARCH OF S2 (dokkie) History Channel (*186) Vr. 17 Jan. 19:20 THIS IS US S4 (drama) M-Net (*101) Vr. 17 Jan.…

Weekdae kykNET & kie (*145) 18:30 Weekdae M-Net-dek. 17:30 H Weekdae kykNET (*144) 23:00 H Weekdae kykNET & kie 14:00 VORIGE KEER Michelle se ma, Kate, het onverwags in Ruiterbosch opgedaag, Quinton het met ’n mondelingopdrag by die skool gesukkel, en Bianca het ’n terugslag met haar pilverslawing ervaar. 4 – 6 DESEMBER Bianca is op haar laagste ná nog ’n aand se gefuif, maar AB is salig onbewus daarvan. Kate sit haar voet dwars en die toekoms lyk selfs nóg meer onseker. Bianca erken sy het hulp nodig, en Bridgette voel eensaam en verwerp. Michelle is bekommerd oor wat haar ma beplan en Ty stamp steeds koppe met Zoe. Die spanning tussen Albertus en Kate raak ondraaglik, en Rhafiek blameer Siya vir Bianca se terugslag. 9 – 13 DESEMBER…

H Di.-Sa. kykNET (*144) 09:00 H Weekdae kykNET 22:30 VERLEDE KEER Renate moes krisisbeheer uitoefen toe die kleedrepetisie vir die Stryderkruis-staptog handuit ruk, Ryno en Thinus het koppe gestamp oor Lisa, en Johan het probleme met ’n boelie ervaar. 4 – 6 DESEMBER Fafa is in Brasilië, Bibi is ’n senuweewrak met Buys wat in die hospitaal aansterk, en Bart probeer uitvind wie die inligting aan SinBin uitgelek het. Fafa veg om Maryke uit die tronk te kry, Bart vind uit wie die inligting aan SinBin verskaf het, en Ryno ontdek nóg ’n geraamte in Thinus se kas. 9 – 13 DESEMBER Bart se vete met Liam bereik ’n krisispunt, Julia en Johan maak planne vir Blitz se verjaardag, en TJ kom kuier by Schalk vir die skoolvakansie. Schalk is…

Julia en Hugo is geskei en hul paadjies het in November weer gekruis toe Julia se nuwe man, Naas (nie op die skerm nie), weens ’n motorongeluk in die hospitaal beland het. Hugo het besef hy het nog onverwerkte gevoelens vir sy eksvrou en het ook dadelik aanklank by Julia en Naas se babaseuntjie, Sammy (die baba word deur ’n meisie, Elrieke Wolff, gespeel) gevind. Hugo het Julia teen Naas gewaarsku omdat Hugo meen Naas se ongeluk is weens dronkbestuur veroorsaak. Later het dit op die lappe gekom Naas is wel ’n alkoholis en is begin Desember na ’n rehabilitasiesentrum.…

H WeekdaeSABC1 (*191) 08:30 O Saterdae SABC1 11:00 VERLEDE KEER Sphe was teleurgesteld dat haar aand met Mazwi bederf is, Lerato het Johannesburg verlaat vir haar droom-internskap in Kaapstad, en Tau het Ayanda gesmeek om nie weer weg te gaan nie. 4 – 6 DESEMBER Smanga sien Bulelwa se sagter kant, en Joshua loop hom in sy verkragtingslagoffer, Ayanda, se dogter, Nontle, vas. Cosmo is bly om te sien sy suster, Lucy, is in ’n goeie bui ná haar sakevergadering met die belegger Ben, en Nontle ignoreer haar ma se waarskuwing en sluip uit na ’n geleentheid. Sphe beplan ’n wegbreek om die vonk in haar huwelik terug te sit, en Tau se voortdurende vrae irriteer Ayanda. 9 – 13 DESEMBER Crazy J en Lesedi is bekommerd oor hul baba…

H Weekdae e.tv (*194) 12:00 H Weekdae eExtra (DStv *195/Openview *105) 13:15 O Saterdae e.tv 09:30 VERLEDE KEER Tshepo het Chumani en Boniswa se betrokkenheid by Loyiso se dood ontbloot, en Amo het gekonkel om Dintle en Layla te saboteer. 4 – 6 DESEMBER Chumani ontdek ’n groot geheim wat ’n onlangse tragedie in ’n nóg slegter lig stel. Layla maak ’n belangrike aankondiging by die NFH-kantoor kort ná Dintle se jongste projek, en Kgosi word gewaarsku oor sy nuwe prysstelsel, maar hy wys hoe laag hy kan daal wanneer hy ’n vraag kry na ’n produk wat hy nie in voorraad het nie. 9 – 13 DESEMBER Chumani vertel Tshepo wat sy grootste vrese is ná Chumani se DNS-toets, en Boniswa manipuleer Chumani sodat hy Xolile in die duister…

BOLD Hope weier om by Thomas te slaap, maar stem in tot familietyd met hom en Douglas. Douglas verdwyn terwyl Hope en Thomas eet, en Hope stamp Thomas van die Forrester se balkon af en hy val in ’n balie waterstoffluoriedsuur. Ridge beskuldig Hope daarvan dat sy manipulerend is nadat sy onthul Thomas het vir haar toesig oor Douglas gegee, en Hope glo Thomas se lyk is deur die suur opgelos. Later het Liam en Steffy ’n mooi oomblik saam voordat hy aankondig hy gaan Forrester verlaat om na Spencer Publications terug te gaan. DAYS Lani los Eli voor die kansel wanneer Salem die gesamentlike troue van Adrienne en Justin en Jack en Jennifer vier. Ben het ’n nagmerrie oor hoe hy Jordan verwurg, en prinses Gina stamp Jennifer van…

H Weekdae SABC2 (*192) 12:30 H Weekdae SABC3 (*193) 10:30 O Sondae SABC2 08:30 VERLEDE KEER Marko en Emma het dit oorweeg om weer ’n paartjie te word. Die realiteitsprogram waarin Gabby en Khetiwe belanggestel het, het ’n hoogtepunt bereik, en Rickus het iemand passievol gesoen. 4 – 6 DESEMBER Marko en André gaan kuier by die nuwe intrekker in die Hillside-omgewing, Bonita het weer hoop en Vince verdedig Emma se eer. Khethiwe flankeer met die manne, die Meintjies-gesin is jolig oor Kersfees wat net om die draai is, en Willem bevind homself in die moeilikheid. 9 – 13 DESEMBER Die Oppiekoffie-kelner Kopano word onkant be-trap, Lesedi besluit om op die positiewe aspekte van die lewe te fokus, en Vanessa se pad kruis met dié van ’n ou kennis. Mariaan…

H Weekdae Mzansi Magic (*161) 10:30 & 13:30 H Sondae Mzansi Magic 14:30 VERLEDE KEER ’n Morele besluit het Kandy in ’n hoek gedryf, en Simi is met ’n gebroke hart agtergelaat. 4 – 6 DESEMBER Mbali is geskok en ontsteld wanneer sy die waarheid oor haar dosent-minnaar uitvind en hoe sy vir die gek gehou is. Khensani moet bewys sy is swanger, en Simi is nie seker oor Kagiso se veiligheid nie. Sne word gedwing om ’n besluit oor haar toekoms te neem, en Banzi stel sy span saam. 9 – 13 DESEMBER Banzi loop trompop in ’n probleem, en Sne het Mbali oortuig hulle moet hul dosent aankla vir sy buitemuurse aktiwiteite met die vrouestudente. Khensani voel sy word dopgehou, en Simi gaan uit haar pad uit om…

H Weekdae 1Magic (*103) 23:30 & 10:30 O Saterdae 1Magic 17:00 O Sondae 1Magic 09:30 VERLEDE KEER Itumeleng het dalk dié keer te ver gegaan en sy het berou getoon, die Dikana-gesin het sy woe-de op Zweli se suster, Dambisa, uitgehaal, en Zweli se hart is stukkend oor sy suster se bedrog. 4 – 6 DESEMBER Lindiwe se verbintenis met Itumeleng spook by haar, en Lindani kry ’n ontstellende verrassing van Kedibone. Lindiwe dink sy het ’n onfeilbare plan, maar sy het dalk meer afgebyt as wat sy kan kou, en Dambisa beplan ’n verrassing vir haar broer wat hom daaraan sal herinner dat sy in elke opsig sy meerdere is. 9 – 13 DESEMBER Itumeleng dink sy het dinge reggemaak met almal wat sy verraai en seergemaak het, en…

Theunis is ’n man van min woorde, maar soos hy in sy bekendstellingsvideo, wat in Mei vanjaar uitgesaai is, gesê het “is hy nie skaam om ’n hand vas te hou of ’n soentjie aan sy geliefde uit te deel nie”. En hopelik kan die 36-jarige tafeldruiweboer van De Doorns in die Wes-Kaap dit aanstons doen met die nooi van sy keuse. “Ek is opgewonde oor die moontlikheid van ’n verhouding wat uit die reeks kan spruit,” sê Theunis. “En tog is ek ook versigtig om nie te vinnig halsoorkop verlief te raak nie, want wat as die vrou wat ek kies, nie dieselfde oor my voel nie?” Dis ’n risiko wat Theunis goed verstaan, maar tog bereid is om te neem.…

Fiësta Seisoen 21 Maandae kykNET (*144) 20:30 Carla MacKenzie wou nog altyd deel wees van die leefstylprogram Fiësta (2001-nou). “Ek het met Fiësta grootgeword en dit was en is steeds een van my gunstelingprogramme. En dit is in my huistaal, Afrikaans,” sê die 29-jarige Jacaranda FM-aanbieder wat einde November by Fiësta aangesluit het. “Dié span is my nuwe familie. Hulle is ’n borrelende groep mense wat jou so gemaklik laat voel. Die glimlagte wat jy op TV sien, is eg.” Hoe het jy op Fiësta beland? Die vervaardigers het my in September gekontak om ’n kort video-oudisie op te neem en vir hulle te stuur. Ek het dit gedoen, maar gedink dit was nie goed nie, en het dadelik daarvan probeer vergeet. Groot was my verrassing toe hulle my in…

’n Mens kan nie jou hart voorskryf nie, dis jammer hy moes Bianca saamsleep. – BONITA, SMS Dis die lewe, Bianca moet daarmee vrede maak en aangaan met haar lewe. – HANA, SMS Hy was lafhartig en moes Bianca van die begin af die waarheid vertel het. – LLUWELLYN, SMS Daar is niks verkeerd aan om verlief te raak nie, maar hy moes van die begin af eerlik met Bianca gewees het. – ELEANORA, SMS Ek glo ’n mens moet jou hart volg, maar hy het baie kanse gehad om die waarheid te praat, maar hy het dit nie gedoen nie. – JANINE, SMS…

Wat gaan aan met SABC3 en Amazing Race? Ek kla nie oor die talle seisoene van Survivor nie, maar ons kan sekerlik ook ander realiteitsprogramme op Maandagaande kyk? – ROY, FACEBOOK Die voortdurende uitsendings van Survivor US (2000-nou) op Maandae gaan nog vir ’n ruk volgehou word, onthul SABC3 se publisiteitskoördineerder, Doulha Domingo. “Die huidige seisoen 33 van Survivor gaan in Januarie 2020 onmiddellik deur seisoen 34, genaamd Game Changers, gevolg word.” In dié seisoen, wat in 2017 in Amerika uitgesaai is, gaan 20 deelnemers terugkeer om nog ’n slag die groot prys te probeer wen nadat die aanbieder, Jeff Probst, hulle uitgesonder het as “van dié wat die meeste invloed gehad het tydens die program”. The Amazing Race word tans Sondae om 18:00 op M-Net uitgesaai, en dit lyk…

Weekdae op M-Net-dek. 16:30 H Weekdae kykNET (*144) 23:30 H Di.-Vr. kykNET 08:30 O Sa. M-Net-dek. 06:00 O Sa. kykNET 09:30 VERLEDE KEER Julia, Hugo se eksvrou, het beweer Hugo bekruip haar, Okkie en Ilse het ’n berader gespreek om hul huwelik te red, en Tracey is in die ongevalle-afdeling opgeneem. 4 – 6 DESEMBER Die polisie daag by Julia se huis op, René vra Quinton se hulp met Connie, en Quinton kalmeer Naomi oor die naderende groot dag. Trudie is onbewus van wat in die Ferreira-huis gebeur het, en René het raad vir Quinton oor Connie en sy afspraak, en Tracy plaas Hugo in ’n moeilike posisie. 9 – 13 DESEMBER Quinton praat oor sy bekommernisse oor Connie, Okkie wil voor die troue ’n familiebraai hou, en inligting oor…

Die uitgewersmagnaat Bill Spencer (Don Diamont) het meer mense wat hom wil dood hê as vriende. Die lys van moontlike moordenaars was dus eindeloos toe Bill begin Desember geskiet is. “Mense hou nie van Bill nie. Hy is ’n manipuleerder met ’n lys aaklige dade op sy kerfstok. Dis nie lank voor iemand hom wil vermoor nie,” sê Don. DIE FEITE Die misdaad vind in Bill se huis plaas tydens ’n donderstorm wat die pistoolskoot uitdoof. Bill geniet ’n drankie op die balkon en hoor nie iemand is in sy kantoor nie. ’n Hand in ’n swart handskoen neem Bill se goue pistool van sy lessenaar af, lê aan, trek die sneller, en los ’n bloeiende Bill op die vloer. DIE VERDAGTES 1 Ridge Forrester (Thorsten Kaye) was die laaste…

H Weekdae SABC1 (*191) 08:00/SABC3 (*193) 11:00 O Sondae SABC3 09:30 VERLEDE KEER Wendy se nuwe romanse met Simon is deur haar verlede bedreig, Anja het Obakeng afgesê, en Nina het gesukkel om haar miskraam te aanvaar. 4 – 6 DESEMBER Wendy weet nie of dit die moeite werd is om haar verhouding met Simon te probeer herstel nie, en Olivia vra Anja om verskoning. Cebisa is ontvanklik vir die idee om saam met haar kêrel, Sibiya, se vriende te kuier, en Simon smeek Wendy om ’n tweede kans. Anja gee Olivia die geleentheid om haar vriendskap te bewys, en Wendy se vriende is daar vir haar. Lincoln dink na oor sy gevoelens vir Claudette, die ma van sy kind, en nie almal is gelukkig met Anja en Olivia se…

H Weekdae SABC2 (*192) 13:30 O Sondae SABC1 (*191) 12:00 VERLEDE KEER Khehla het sy pa gevind, Fihliwe het aandete bedien terwyl sy met ’n wapen gedreig is, Sibonelo het probeer selfmoord pleeg, en Gabisile en Khehla het seks in Qhabanga se bed gehad. 4 – 6 DESEMBER MaMlambo en Mazaza se twis bereik nuwe slinksheidvlakke, en Gabi se skuldige gewete laat haar haar huwelikspligte versuim. Ma­Ngcobo ignoreer Khathaza, en MaMlambo het genoeg gehad van Nkunzi. Qhabanga en Gabi besef hul liefdesvlam is geblus, Sbu se opgewondenheid oor dobbel is gevaarlik, en Khathaza vermoor ’n lid van Nkunzi se familie. 9 – 13 DESEMBER Gabisile trek haar neus op vir Khehla se nuwe meisie en skop iemand uit die pastoor se huis uit. Khehla los sy nuwe liefde en is…

H Weekdae SABC1 (*191) 09:00 H Weekdae SABC2 (*192) 14:30 VERLEDE KEER James het verhoudingsprobleme gehad, en Vho-Masindi en Mukondeleli het gehelp om ’n man vir Rendani te kry. 4 – 6 DESEMBER KK het vir James ’n sakeaanbod wat te goed klink om waar te wees, Marang se romantiese naweek word deur ’n besoeker geruïneer, en hoofman Azwindini vergader met die stamhoofde. Vho-Masindi glo Mpho is die oorsaak van hul slegte geluk, en iemand hoor iets wat nie vir haar ore bedoel was nie. James is gereed om alles net te los, en Imani wil James help. 9 – 13 DESEMBER Die stamhoofde is bang weens abnormale gebeure in die koninklike huis, James se sakevennoot steek hom in die rug, en Mpho is onseker oor haar toekoms met Azwindini.…

Weekdae eExtra (DStv *195/Openview *105) 22:20 H Weekdae e.tv (*194) 12:30 O Saterdae e.tv 11:20 DESEMBER Shukela vertel Phunyuka toe Sanil beheer van die losprysgeld probeer neem, maar betaal spoedig die prys vir sy los tong. Sanil het ’n geharde lyfwag vir sy gevangene, Zithulele, en stuur vir die Bhengu’s ’n skokkende pakkie. Ngcolosi sukkel om die geld vir die losprys vir sy seun bymekaar te maak, en MaZulu wys vir Ngcolosi die medisyne wat MaNdlovu gebruik. Die diaken Bhekisisa (Bhekani Shabalala) doen voorhuwelikse berading met Khanyo en pastoor Ndamase, en die vroue in Umbumbulu kyk met leepoë na pastoor Ndamase se aantreklike broer, Sonwabiso (Mzingisi Ganyile). JANUARIE Die aflewering van die losprys loop skeef wanneer die verkeerde persoon die geld kry, en Zithulele is radeloos. MaZulu smeek Nirupa om…

O Saterdae & Sondae Telemundo (*118) 19:00 VERLEDE KEER Armando het ’n privaat speurder gehuur om Betty op te spoor, V&M is herstruktureer, en Daniel het probeer om van die bewyse van sy misdade ontslae te raak. 4 – 6 DESEMBER Hugo konfronteer Romina oor ’n gesteelde skildery, Roberto moedig Betty aan om terug te keer na V&M, en Fabio lieg vir Hugo oor die foto van Romina met die gesteelde skildery. Roberto sê vir Betty die direksie van V&M wil hê sy moet die maatskappy bestuur, en Betty dreig Daniel met ’n weerhoudingsbevel. 9 – 13 DESEMBER Betty stem in om die nuwe president van V&M te wees, maar met voorwaardes. Marcela is nie beïndruk deur veranderinge by die maatskappy nie en bedank, en Romina vertel vir Fabio iemand…

O Saterdae & Sondae Telemundo (*118) 00:50 VERLEDE KEER Aurelio het Dálvio aangesê om van Paloma ontslae te raak, Filemón het Leonardo gedreig, en Pastrana se groep het op Aurelio geskiet. 4 – 6 DESEMBER Aurelio vra Mónica om ’n boodskap aan Esperanza te gee, en die polisie daag by Aurelio se skuilplek op. Mónica wil met haar seun vlug, maar Mabel ontvoer hom, en Mabel neem ’n eed om Felina te vermoor. 9 – 13 DESEMBER Tony gee ’n vergiftigde spuit en ’n dolk aan Esperanza vir haar ontmoeting met Aurelio, en Omar is emosioneel wanneer hy Paloma groet. Felina en ’n bondgenoot reis na Colombia om Aurelio dood te maak, en Mónica vra Filemón se hulp om Mabel aan te val. Castillo is in ’n ernstige toestand in…

Die 29-jarige Willem is al vir jare ’n kranige Boer Soek ’n Vrou-kyker. “Die blootstelling wat jy in die reeks kry, verbyster my, want jy ‘saai’ eintlik jouself om liefde te vind. En ek het besluit om daardie uitdaging aan te gryp,” sê Willem wat by Clanwilliam met rooibostee boer. Willem se opvallende bloedrooi wange omdat hy so gereeld bloos, laat hom uitstaan. “Ag, wat kan ek sê? Daar gaan nog baie gebloos word, nie net ek nie maar ook die vroue op my plaas,” verklap hy. Hy sê voor sy finale keuse sal kykers sien hy raak eers rustig en dink mooi oor alles na. “Ek weeg dan al die feite teen mekaar op, en besluit met wie ek graag die lang pad sal wil stap. En dit is…

Die 51-jarige boer Hen-tie, ook van Clanwilliam in die Wes-Kaap, sê een van die redes waarom hy Boer Soek ’n Vrou as sy liefdesoek-platform gekies het, is “omdat dit groot trefkrag het vir moontlike sukses in die soektog na liefde”. Die rooibosteeprodusent met sy sagte stem en vriendelike oë sê hy sou graag meer as drie vroue na sy plaas wou nooi ná die blitsafspraakepisode in November. Hy het toe 10 vroue ontmoet wat vir hom briewe geskryf het. Tot dusver vind hy die ervaring “besonders”. “Ek was uit die veld geslaan toe ek sien hoe baie vroue vir my briewe geskryf het. Dit het my selfvertoue ’n hupstoot gegee, en my spesiaal laat voel.” Hentie sê die onsekerheid oor of hy die regte keuses gemaak het, het aanvanklik aan…

Woensdag 4 Desember Donderdag 5 Desember Vrydag 6 Desember Saterdag 7 Desember Sondag 8 Desember Maandag 9 Desember Dinsdag 10 Desember Woensdag 11 Desember Donderdag 12 Desember Vrydag 13 Desember Saterdag 14 Desember Sondag 15 Desember Maandag 16 Desember Dinsdag 17 Desember…

Die 31-jarige Jawaahier Petersen het vanjaar ’n groot loopbaanskuif gemaak toe sy ná 12 jaar haar werk as kliniese maatskaplike werker verruil het vir dié van ’n aktrise in Suidooster (2015-nou, lees meer op bl. 10). Haar rol as Kaashifa, ’n naïewe, koekerige Moslem-vrou met ’n groot liefde vir kosmaak, het sy blitsvinnig haar eie maak en gou ’n gunstelingkarakter onder die kykers geword. Tans toor Kaashifa met heerlike kolwyntjies en gebak as medesjef in die restaurant Oos-Wes en hou die inwoners van Ruiterbosch se mae gevul. Maar is daar TV-genot wat Jawaahier gelukkig maak? Sy vertel ons meer. Wat was die eerste TV-program wat jy kamma-kamma saam met jou vriende gespeel het? Die kinderprogram Kideo (1990-1991). Ek, my sibbe, nefies en niggies het almal inspirasie van Kideo geneem wanneer…

“Dit gaan ’n rukkie duur vir Maryke om die trauma te verwerk,” sê Marijke oor haar karakter wat eers in die Nuwejaar weer op die kassie gesien gaan word. “Nadat Maryke vrygelaat word, gaan sy eers na die Bahamas om haar seun by Sakkie te kry en te herstel. Wanneer sy in Januarie weer in Johannesburg is, vertel sy haar storie vir die skrywer Jana (Juanita de Villiers Velts) wat ’n artikel daaroor skryf en dit help Maryke met haar genesing.” Marijke was gedurende die op-name van die storielyn op kraamverlof ná die geboorte van haar en haar verloofde, die akteur Werner Coetser (Blitz), se babadogter, Layla, in Augustus vanjaar.…

H Di. – Do. kykNET & kie (*145) 11:00 O Sondae kykNET & kie 16:00 VERLEDE KEER Johnny was op die oorlogspad ná Gertie en Hazel se Projek Kobra, Kim het net oë vir Nathan gehad, en Chantel wou by Valdonia alles oor Waanie hoor. 4 DESEMBER Kim het die perfekte aand saam met Nathan, Janice kry ’n onverwagte besoeker, en Valdonia is bekommerd oor haar dogter, Chantel. 9 – 11 DESEMBER Daar is groot drama in Valdonia se huis wanneer Saartjie en ’n vriendin op Waanie se lyk afkom. Laetitia gee haar en Daniel se geheim amper weg by die skool se prysuitdeling, en in Clanwilliam loop Lionel lig vir sy ma, Muriel, wat ná twee jaar in die Midde-Ooste by hom en Janice ingetrek het. Hy vertel haar…

H Weekdae e.tv (*194) 09:30 VERLEDE KEER Clyde is in hegtenis geneem, Orpheus het bomme in Salem laat ontplof en JJ geskiet voordat hy selfmoord gepleeg het, en Andre het Hope se bekentenis gekry. 4 – 6 DESEMBER Chad voel gereed om weer na Thomas te kyk, en Dario sê vir Eduardo om met die Kiriakisfamilie sake te doen. Orpheus glip by die lykshuis uit, ontvoer Kayla en Marlena en sluit hulle in doodskiste toe. Andre hou ’n Halloweenpartytjie in Horton Town Square om aan die hele gemeenskap te onthul Hope het Stefano vermoor. 9 – 13 DESEMBER Roman neem Hope in hegtenis nadat sy erken sy het moord gepleeg. Orpheus steek die kiste aan die brand voordat John hom doodskiet, Shane en Kimberly waarsku Theresa haar eks, Mateo, soek…

Wil jy graag Bold op jou slimfoon, tablet of skootrekenaar kyk? Indien jy ’n Vodacom-intekenaar is, het jy ’n voorsprong en kan op twee maniere toegang tot Vodacom se video-opaanvraagdiens kry: Besoek www. videoplay.co.za of laai die app af van Vodacom se App-winkel of Google Play Store. Indien jy nie ’n Vodacomintekenaar is nie, is dit maklik: Koop ’n Vodacom-simkaart (kontrak of voorafbetaal) en kry toegang tot Video Play, soos hierbo uiteengesit. Al wat jy nou benodig, is data. Die netwerk het daaglikse, weeklikse of maandelikse video-subskripsies wat vir Video Play ontwerp is; óf jy kan jou bestaande Wifi-netwerk gebruik vir ononderbroke kettingkyk.*…

H Weekdae SABC1 (*191) 09:30 H Weekdae SABC2 (*192) 14:00 VERLEDE KEER Leeto het hom as prokureur van die vermeende ontvoerder Tumishang onttrek, Charles en Koko Mantsha het aangebied om Wallet se huis te help herstel, en Tbose se hond, Ginger, is dood. 4 – 6 DESEMBER Leshole is gefrustreerd omdat sy meisie, Nomasonto min tyd saam met hom deurbring, en Mokgadi se eise skep onenigheid in die huis. Koloi kruip in sy dop wanneer sy toekoms in Turfloop in die weegskaal is, en die Maputlas is verdeeld wanneer Leeto en Mokgadi vassit. 9 – 13 DESEMBER Tbose gaan Tumishang nie laat wegkom met die doodmaak van sy hond nie, en Nomasonto en haar bendevriend Mxolosi maak amok. Die polisie ondersoek ’n rooftog, en Mapitsi is ongemaklik met Tumishang wat…

H Weekdae e.tv (*194) 11:30 VERLEDE KEER Mzi en Reneilwe se verhouding is nou amptelik, Mampho het haar kêrel, Siya, se geheime ontdek, en die Genaro’s het nuwe vyande gemaak. 4 – 6 DESEMBER Khulekani hou nie daarvan dat sy sakevennoot, David, hom hiet en gebied nie, en Mzi is jaloers op sy eksmeisie, Pearl, wat met ander mense uitgaan. Siya steek steeds sy geheime weg, en Mzi haal sy frustrasie op Reneilwe uit. Mampho dwing die waarheid uit Siya, en David is verras toe sy planne om Khulekani te vernietig boemerang. Renei het genoeg gehad van Mzi se slegte houding en leuens. 9 – 13 DESEMBER David verander sy taktiek teenoor Khulekani en rig sy visier op sy vyand se seun, Theo, en Mzi is vasgevang tussen sy gevoelens…

H Weekdae e.tv (DStv *194/Openview *104) 13:30 O Sondae eExtra (DStv *195/Openview *105) 11:50 DESEMBER Mama Rose is verras wanneer ’n mediese diagnose nie presies is wat sy verwag het nie, en Tristan probeer vrede maak met almal rondom hom. Karel wil Modise oorreed om hom as burgemeester beskikbaar te stel, en Marang het raad vir Itumeleng. Lelo eis antwoorde van Itumeleng, en Jack en Tristan gaan ’n weddenskap aan. Itumeleng sien ’n bekende gesig in die koerante, en Marang se vriendelike, opgeruimde bui gaan nie ongesiens by die personeel verby nie, Bernie hou niks daarvan dat Itumeleng en Marang ’n verhouding het nie, en Mama Rose is bekommerd oor Lelo, wat nie ’n geestelike reiniging ná haar man se dood gekry het nie. JANUARIE Iets spook by Lelo en…

H Weekdae eExtra (DStv *195/Openview *105) 12:05 O Sondae eExtra 14:45 VERLEDE KEER Ozan het Candan se afskuwelike plan ontdek, Harun het Dilara ’n ultimatum gegee, en Hazal het steeds ’n dodelike speletjie met die vyand gespeel. 4 – 6 DESEMBER Dilara het haar aandele gebruik om vrede te maak met die briesende Ozan, en Dilara maak ’n belofte aan Cihan wat sy weet sy nie kan hou nie. Ozkan is in ’n hoek gedryf wanneer dit aan die lig kom hy het geld gesteel, en Rahmi probeer ’n plan beraam om te keer dat Ozan sy aandele verkoop. Hatice weier om weg te gaan, Hazal is woedend wanneer sy ontdek Cansu en Ozan besit aandele in die maatskappy, en Dilara en Harun raak versoen ná ’n voorval met Hazal.…

H Weekdae Mzansi Magic (*161) 10:00 & 13:00 O Saterdae Mzansi Magic 11:00 VERLEDE KEER Harriet het geweier dat Zodwa Mmabatho laat skuldig lyk, Schumacher wou hê sy geliefde Gracious moes sy verskoning aanvaar, en Skhumbuzo het besluit om Schumacher self ’n les te leer. 4 – 6 DESEMBER Zodwa se planne kan boemerang en meer skade aanrig as wat sy kan bekostig, Mmabatho is in die moeilikheid by die gereg en skok Zodwa met ’n verklaring. Schumacher soebat Gracious vir nog ’n kans, Zodwa is gereed om teen Mmabatho oorlog te verklaar om toegang tot baba Mzi te kry, en Schumacher is weer ongelukkig in die liefde. 9 – 13 DESEMBER Kea is bekommerd oor Kagiso wat vermis word, en Tshepo vrees hy het sy hand oorspeel met Gracious.…

Graham (26) was baie op sy senuwees tydens die blitsafsprake. Hy het selfs ’n vloekwoord laat glip toe hy met die kamera praat. “Dit het baie reaksie op die sosiale media gekry en ek lag nou nog vir myself wanneer ek daaraan dink,” sê Graham, wat ’n melkboer by Cradock in die Oos-Kaap is, maar ook ’n graad in siviele ingenieurswese het. “Ek het ná my studie ’n ruk lank by ’n ingenieursfirma op Stellenbosch gewerk, maar die plaas was nog altyd my eerste liefde. Toe die geleentheid om saam met my pa te boer oor my pad kom, het ek dit met al twee hande aangegryp.” Graham sê iets wat hom verras het, is die hoeveelheid beplanning wat elke kameraskoot vereis. “Ek het gedink hulle gaan my net om…

Hans Strydom speel sy rol as die moelike At Koster in Binnelanders so oortuigend. – ALIDA, SMS Die storielyn van Laetitia en Daniel in Arendsvlei is regtig iets moois. Ander sepies kan gerus by Arendsvlei kers opsteek, hy het boeiende storielyne. – BEA, FACEBOOK Ek is baie teleurgesteld in 7de Laan se storielyne. Dit is nie meer die moeite werd om die sepie te kyk nie. – ELSIE, SMS Hoe lank moet ons nog luister na Blitz en Johan in Getroud Met Rugby oor sy en Julia se private lewe? Johan is te groot vir sy skoene en Candice begin irriterend raak. Dit is ook tyd dat Bart van sy eie medisyne kry. – LOUW, SMS Een van die gratis kanale kan gerus The Bold And The Beautiful begin uitsaai.…