Innholdsfortegnelse for 11/6/2019 i TV Plus Afrikaans

Vandag onthou ek ek wou eintlik ’n dokter gewees het. Enige mediese drama of storie fassineer my dus steeds eindeloos. Maar die nuwe reeks The Act is selfs meer as ’n reeks met effense mediese wortels: Dis ’n indiepte kykie na ’n tragiese misdaad wat gepleeg is omdat ’n dogter nie haar ma se manipulering langer kon verduur nie. Die reeks het my geboei. En soms het ek simpatie met die dogter gehad, en soms het ek gedink sý is eintlik die groot manipuleerder. Kyk dit gerus, al is dit ontstellend en het dit ’n sterk seksuele ondertoon – dis geregverdig in dié geval. Maar daar is ook ander lekker, en nuwe, kykstof in dié uitgawe. Huis Lelieveld en Tydelik Terminaal het my aandag getrek. En lyk Anna-Mart nie nog…

Woensdag 6 November SPYSKAART NUWE SEISOEN!  Seisoen 2 SABC2 (*192) 19:00 Episode 1 (leefstyl) Die sjefs Lindé Watson en Yolani Abrahams is terug met heerlike kookdemonstrasies en in dié episode fokus hulle op byderwetse bestanddele. • Lees meer op bl. 32. Vrydag 8 November BAARD, BORD EN KOS NUWE SEISOEN!  Seisoen 2 VIA (*147) 17:30 Episode 1 (leefstyl) Die Baard-entoesias Meyer le Roux en sjef John Hall maak weer kos in die boendoes en in dié episode stoei John om ’n taai soetribbetjie gaar te maak. • Lees meer op bl. 47. Donderdag 7 November THE NEXT BRAND AMBASSADOR SEISOEN EINDIG!  Seisoen 1 SABC3 (*193) 19:30 Episode 13 (realiteit) Die laaste vyf deelnemers vind uit wat die beoordelaars van hul werk dink by die Live Better Talks-geleentheid voor die top-12…

H Weekdae SABC2 (*192) 12:30 H Weekdae SABC3 (*193) 10:30 O Sondae SABC2 08:30 VERLEDE KEER Jacob het Fikani om hulp gevra met ’n familiekwessie, Alexa moes ’n onverwagte prosedure op ’n pasiënt uitvoer, en die lobola-onderhandelinge vir Aggie het plaasgevind. 6 – 8 NOVEMBER Diederik aanvaar ’n nuwe uitdaging, Rickus sê vir Willem om die gemors wat hy gemaak het reg te stel, want so kan dinge nie aangaan nie, en Bonita ondersteun Xander se plan. Vanessa spreek haar kommer teenoor Diederik uit, Willem bevind homself in ’n penarie, en Rickus stem teësinnig in om iets te doen ter wille van sy ma, Mariaan. 11 – 15 NOVEMBER André sukkel om by sy nuwe verblyfsituasie aan te pas, Alexa en Fikani bespreek ’n pasiënt se kans op herstel, en…

Die Stryders-rugbyspan se kaptein, Liam (David Johnson), is in die sop. Hy het geldprobleme en is in die bose Bart (Pierre Breytenbach), die hoof- uitvoerende beampte van die Stryders, se visier. Bart wil hê Liam moet sy spioen in die Stryderspan wees om vir hom inligting bymekaar te maak oor die Stryders se hoof- en hulpafrigter, Schalk en Fafa (Johan Scholtz en Altus Theart). Bart sien hulle as sy vyande en wil hulle met Liam se hulp uitwerk. Bart se nuwe handlanger Denzel (Charlie Bougueron) help hom om Liam af te pers om hul luistervink te wees, maar dan vind ’n gru-ongeluk plaas wat die hele plan kan beduiwel. ’N HOUVAS Denzel het danksy Bart net die ammunisie om Liam af te pers, want hy het Liam vroeër vanjaar met…

Siya (Gantane Kusch) se liegstories is besig om op te hoop en dit gaan lelik in sy gesig ontplof. Ruiterbosch se eerbare en sjarmante dokter is dolverlief op Suidooster-Eiendomme se sekretaresse, Danni (Vasthi Prins), maar is tans nog in ’n verhouding met Bianca (Simone Biscombe) wat Oos-Wes bestuur. Danni en Siya het al ’n paar keer sedert Oktober die kat in die donker geknyp, en al groei die gemeenskap se agterdog oor hul vriendskap, hou hulle dit steeds stil. Maar alles gaan nou op die lappe kom en Bianca is die een wat die seerste van almal kry. DIE SKRIF IS AAN DIE MUUR Bianca se halfbroer, Rhafiek (Irshaad Ally), en sy vrou, Carmen (Desiré Gardner), kan hul oë nie glo wanneer hulle Siya en Danni in mekaar se arms…

Die Koster-huis is geruk deur At (Hans Strydom) se seun Conrad (Hykie Berg) wat einde Oktober ’n hartaanval gehad het. At is buite homself van kommer en het sommer skoon vergeet van sy planne om van sy nuutste vrou, dr. Annelize (Cindy Swanepoel) te skei. Hy wil haar met alle mag uit sy lewe kry nadat hy uitgevind het sy verneuk hom met Tertius (Reynardt Hugo). Op haar beurt is Annelize in twee geskeur. “Sy het ware gevoelens vir Tertius en kan ’n nuwe lewe saam met hom sien,” sê Cindy. “Maar tog voel Annelize sy moet At ondersteun terwyl Conrad om sy lewe veg.” HOU DIT IN DIE FAMILIE Conrad is bevrees sy dood lê om die draai, dus moedig hy sy pa aan om Annelize nóg ’n kans…

Stefano DiMera (Joseph Mascolo) se erfgenaam, Chad DiMera (Billy Flynn), wat pas sy vrou verloor het, wil homself distansieër van die familie se ondergrondse bedrywighede in Salem. Maar Chad se halfbroer, Andre (Thaao Penghlis), dink dis die familie se tyd om toe te slaan en hul ou mededingers te vernietig noudat die Kiriakis-familie in ’n krisis is. So kan die DiMeras weer die top-posisie in die misdaadwêreld terugkry. En as Chad dit nie insien, Andre se oortuiging deel en besef hoe droewig die DiMera Enterprises finansiële toekoms lyk nie, is ’n koeël dalk die enigste antwoord . . . BLOED OF BESIGHEID Chad is bekommerd is oor die botsing tussen etiek en die besigheid en Andre beleef ook sy eie innerlike botsing tussen sy lojaliteit teenoor sy familie en sy…

H Weekdae SABC1 (*191) 08:00/SABC3 (*193) 11:00 O Sondae SABC3 09:30 VERLEDE KEER Gatanga en sy nuwe meisie, Morongwa, moes ’n paar struikelblokke oorkom, Nina se familie het haar in haar kankerstryd ondersteun, en Wendy het saam met Simon uitgegaan. 6 – 8 NOVEMBER Sibiya kan nie bekostig om sy vrou langer in Horizon Deep te hou nie, en Gatanga probeer Nina oorreed om eerlik te wees oor haar situasie. Wendy ignoreer die gevaartekens wanneer sy met Simon uitgaan, en Sibiya sluip by sy huis uit om by die sjebien te kuier. Nina klou vas aan die idee om ’n ma te wees, Wendy gaan uit haar pad om Simon te beïndruk, en Nina en speurder Majola kry meer slegte nuus. 11 – 15 NOVEMBER Nina probeer vir haar sondes…

Chumani Langa (Ayanda Daweti) ly aan skok. Einde Oktober het sy ma, Boniswa (Lusanda Mbane), hom vertel Loyiso (Lloyd Rathebe), die hoof van Boniswa se skool en iemand wat Chumani sy hele lewe lank ken en vertrou, is betrap toe hy meisies in sy sorg gemolesteer het. ’n Dag later het Chumani Loyiso betrap toe hy Boniswa aanval. Tydens die worsteling, probeer Chumani sy ma red, en Loyiso val en sterf. Nou wag net afgryse vir Chumani wanneer hy en Boniswa hul betrokkenheid by Loyiso se dood probeer toesmeer. Dit gaan die ma en seun se verhouding meer as ooit versterk. SKULD EN VERWARRING “Daar is groot verwarring en vrees. Dit het nog nie heeltemal tot Chumani deurgedring dat hy so iets gedoen het nie,” onthul Ayanda. “Dis een ding…

H Weekdae SABC2 (*192) 13:30 O Sondae SABC1 (*191) 12:00 VERLEDE KEER Khathaza het MaNgcobo gedwing om sy broer se lyk op te grawe, Gabisile het MaMlambo gemartel, Sibonelo het uitgevind Nonka het ’n nuwe kêrel, en Sbu het besnydenis ontduik. 6 – 8 NOVEMBER Khathaza word verplig om ’n gevaarlike waarheid oor Steleka te erken, en Sbu het ’n bekentenis van sy eie. MaMlambo is in ’n verleentheid nadat sy probeer om Mazaza te verneder, en Nkunzi kry wat hy wou hê van mnr. Mbatha. Ondanks haar nuwe liefde erken Gabisile haar hart behoort aan Qhaganga, en tot sy vernedering vind Sbu uit niks is inderdaad gratis nie. 11 – 15 NOVEMBER MaMlambo besluit om vuil te speel om Nkunzi se aandag te trek. Nkunzi kom van aangesig tot…

O Saterdae & Sondae Telemundo (*118) 19:00 VERLEDE KEER Armando het gedink hy gaan Betty verloor en het haar in die openbaar gesoen om sy liefde te bewys voordat hy sy troue met Marcela afgestel het. 6 – 8 NOVEMBER Armando en Nicolás baklei in ’n klub en haal die koerantvoorblaaie, en Ricardo se plan om Daniel te verwoes hang af van die inligting wat Cindy hom kan gee. Armando is nie seker Betty is nog verlief op hom nie, en later verraai Betty haar base wanneer sy ’n akkurate finansiële verslag van V&M-boetiek se besigheidsituasie aan die aandeelhouers gee. 11 – 15 NOVEMBER Armando word deur V&M se beleggers afgedank vir wat hy aan die maatskappy gedoen het, en Betty weier om Armando te sien en vlug na Miami.…

H Weekdae eExtra (DStv *195/Openview *105) 12:05 O Sondae eExtra 14:45 VERLEDE KEER Deniz het meer gekry as wat hy verwag het toe hy Rahmi oor sy ma se moord voor stok kry, Cihan het nie besef hy word bekruip nie, en Mahide het gelieg om nader aan Dilara te kom sodat sy DNS van Dilara se baba kon steel. 6 – 8 NOVEMBER Candan se plan om Dilara te vermoor eindig in trane wanneer Harun sake probeer red, Cansu probeer vrede maak met Deniz, en Dilara sluip uit die huis om Harun te ontmoet. Cihan kan nie tussen die twee vroue in sy lewe – Ayse en Dilara – kies nie, en hy gaan nóg ’n probleem hê wanneer ’n sluipmoordenaar op sy spoor is. 11 – 15 NOVEMBER…

H Weekdae Mzansi Magic (*161) 09:30 & 12:30 O Sondae Mzansi Magic 10:00 VERLEDE KEER Qondi kon nie langer haar gevoelens vir Duma wegsteek nie, Jabu en Mabuyi het Qaphela se verraad ontdek, en Phumelele het uit Bhubesini gevlug nadat sy Mpiyakhe met Fenyang verkul het. 6 – 8 NOVEMBER Die Zungu’s is teleurgesteld omdat Phumelele by haar stiefseun, Jabu, ingetrek het pleks van haar huwelik te herstel, en Mandla het hulp nodig om ’n geleentheid te reël. Mpiyakhe kry bewyse teen iemand wat hom in die tronk wil hou, Phumelele worstel met haar emosies, en die Zungu-familie vier Mpiyakhe se vrylating uit die tronk. Die taxibestuurders skryf in vir Mandla se kompetisie. 11 – 15 NOVEMBER Siphokazi probeer Mpiyakhe oorreed om sy huwelik met Phumelele te herstel, en Duma…

H Weekdae SABC1 (*191) 09:00 H Weekdae SABC2 (*192) 14:30 VERLEDE KEER Tenda het Mulalo op sy plek gesit, KK het vir Kgosi ’n brief geskryf om hul pa-seun-verhouding te herstel, en hoofman Azwindini en Mpho het die ongelukstoneel besoek. 6 – 8 NOVEMBER Kgosi kry ’n verrassing wat sy situasie verander, en Imani doen iets immoreels. Dee krap Mpho om, Gizara neem beheer van sy lewe wanneer hy in Johannesburg aankom, en Tenda dink Dee steek iets vir hom weg. KK is bekommerd wanneer hy tuis kom en sien Kgosi se besittings is weg, en Gizara se roekelose leefstyl veroorsaak spanning. 11 – 15 NOVEMBER Die koninklikes beplan ’n groot viering vir Thathe, Imani soek wraak op Vuyo, en Dee kry geboortepyne. Gugu vaar uit teen Vuyo, Rendani se…

H Weekdae 1Magic (*103) 23:30 & 10:30 O Saterdae 1Magic 17:00 O Sondae 1Magic 09:30 VERLEDE KEER Die polisie was kort op Zolani se hakke vir sy misdadige transaksies, die Dikana-kinders het besluit om ’n geheim vir hul ouers weg te steek, en Cobra het probeer om sy huwelik met Paulina te herstel. 6 – 8 NOVEMBER Die tyd raak min vir Zolani om sy neefs Andile en Mbali van gevaar te red, en Lindani konfronteer sy suster Paulina omdat sy vir hom gelieg het. Thulani bied Cobra ’n uitweg uit sy persoonlike en professionele probleme, en Lindiwe gaan nie toekyk hoe haar kinders haar toekoms bederf nie. Cobra wis nie Thulani het planne om hom te vernietig nie, en daar is verpletterende nuus vir die Dikana-familie. Lindiwe trotseer die…

Wat het met Showtime At The Apollo gebeur? Dit was een Sondag op e.tv, en toe verdwyn dit sonder waarskuwing. Nie net e.tv doen dit nie. – RENIQUE, FACEBOOK Dis ’n algemene probleem met die loodsepisode van ’n nuwe reeks of terugkerende seisoene van programme soos America’s Got Talent (2006-nou) en Survivor (2000-nou). “Ons verwag ’n eerste episode van 50 minute nadat dit gesny is en met advertensies,” verduidelik die kanaal se publisiteitsagente, “maar opnames van 90 of 120 minute kom hier aan. Dít skep ’n groter probleem, want die span wat oor hul insluiting vir uitsending moet besin, moet vinnig besluit.” Sommige reekse, soos Survivor, het hul redigering so saamgestel, dat die kanaal dit op een aand (as ’n spesiale uitsending) of oor twee weke kan uitsaai. Dit is nie…

Baie karakters het gegroet, maar 'n paar keer ook terug – al is dit net vir ’n rukkie. Emma (Bertha le Roux-Wahl) het einde Oktober weer haar verskyning in Hillside gemaak. “Emma is reeds ’n jaar lank op parool vrygelaat en het by haar ma, Retha (Marelise Erwee), en seun, Thinus (Ian Roelofs), in Rustenburg gaan bly,” sê Bertha. In 2014 is Emma skuldig bevind aan die moord op haar eksman, Rick (Darren Kelfkens), en tronk toe gestuur. “Emma het swaargekry in die tronk, haar vertroue in mense het verbrokkel. Sy is kwaad vir haarself en dink ander mense sien net die sleg in haar raak. En haar vriende kan haar help om daardie persepsie te verander,” verduidelik Bertha van die redes hoekom Emma terug is – juis omdat Hillside…

H Di.-Sa. kykNET (*144) 09:00 H Weekdae kykNET 22:30 VERLEDE KEER Koekie en Magda het Festus by hul vertoning betrek, Reitz het besluit om na die Stryders terug te keer, Gideon is aan ’n hartaanval oorlede, en Bart het vir Liam die leviete voorgelees. 6 – 8 NOVEMBER Almal is bekommerd oor Liam se toestand, Koekie dring daarop aan om deel van die Stryderkruis-projek te word, en Buys het ’n verrassing vir Bibi. Julia en Blitz word in ’n ongemaklike posisie geplaas met Johan, Renate betrek Anna by die Stryderkruis-projek, en Kristien is agterdogtig oor Liam se ongeluk. Bibi vind iets skokkends uit oor Buys. 11 – 15 NOVEMBER Buys vertel Bibi die waarheid oor sy vrou, Bart het ’n nuwe opdrag vir Denzel, en Blitz is bekommerd hy is…

Weekdae kykNET & kie (*145) 18:30 Weekdae M-Net-dek. 17:30 H Weekdae kykNET (*144) 23:00 H Weekdae kykNET & kie 14:00 VERLEDE KEER Siya wou met Bianca uitmaak, maar toe daag sy ouers in Ruiterbosch op, Quinton het al hoe meer in sy dop gekruip, en Tim was op die oorlogspad. 6 – 8 NOVEMBER Ty en Lee-Ann se danslesse neem ’n wending, en Richard maak sake moeilik vir die Gerbers. Siya speel steeds met vuur, Wade beraam ’n plan om vrede tussen Ty en Lee-Ann te bewerkstellig, en Quinton se oom wys sy ware kleure. Michelle en Stefan is raadop met Quinton se gedrag, Rhafiek raak ál meer agterdogtig oor Danni en Siya, en Ty voel skuldig ondanks sy versoening met Lee-Ann. 11 – 15 NOVEMBER Iemand verdwyn en die…

Weekdae op M-Net-dek. 16:30 H Weekdae kykNET (*144) 23:30 H Di.-Vr. kykNET 08:30 O Sa. M-Net-dek 06:00 O Sa. kykNET 09:30 VERLEDE KEER Bernice het Tertius op die sosiale media sleggesê, Danny se gedrag het Chanel omgekrap, en Naomi se woorde het tot ’n emosionele uitbarsting gelei. 6 – 8 NOVEMBER Renate vra om vergifnis, en Okkie moet vinnig dink om Quinton se lewe te red. At besef Ingrid voel niks meer vir hom nie, Annelize verloor haar humeur met Hugo, en Tertius en Naomi moet elkeen ’n moeilike besluit neem. Okkie moet die wil vind om te oorleef, Tertius het nie ’n wag voor sy mond nie, en Naomi kry nie enige antwoorde oor Okkie en sy veiligheid nie. 11 – 15 NOVEMBER Danny se drange kry die oorhand,…

H Di. – Do. kykNET & kie (*145) 11:00 O Sondae kykNET & kie 16:00 VERLEDE KEER Daniel het gesukkel om op straat te oorleef, Wesley en Lee-Roy se verhouding het amper verongeluk weens Curtley, Wendy was bly Hamilton en Beatrice se verhouding is verby, en Nathan het die Cupido’s vertel hy is David se seun. 6 NOVEMBER Terwyl vreugde heers oor David se seun, is Beatrice agterdogtig hoekom hy so laat met die waarheid uitgekom het, en Saartjie vererg haar as Chantel haar oor haar pa uitvra. Wesley bedink ’n bose plan om van Curtley ontslae te raak, en Valdonia se probleme met Waanie raak erger. 11 – 13 NOVEMBER Gertie en Hazel beplan Projek Kobra om Johnny te ontmasker, Wesley reik ’n hand van vriendskap na Curtley uit,…

H Weekdae e.tv (*194) 09:30 VERLEDE KEER ’n Toets het gewys nie Philip óf Deimos is die pa van Chloe se baba nie, en die gevagenes het Claire en Joey ontvoer. 6 – 8 NOVEMBER Xander pas Joey en Claire op, en Claire onthou haar hangertjie het ’n opsporingstoestel in. Orpheus onderbreek Abe se perskonferensie om sy planne te onthul en sy vereistes bekend te maak, en Clyde skiet Abe per ongeluk. Aiden pers Hope af om Rafe te los en Chloe maak reg om uit Salem te vlug ondanks haar platekontrak en verhouding met Philip. 11 – 15 NOVEMBER Andre en Kate por Chad aan om toe te slaan terwyl die Kiriakis-span swak is – anders kan DiMera Enterprises binne ses maande bankrot wees. Rafe slaan Aiden in die…

Die prokureur Leeto Maputla (Eric Macheru) verteenwoordig die student Tumishang (Mothusi Magano) nadat hy vroeg in Oktober vir die ontvoering van die skoonheidskoningin Kelebogile (Mmathema Kgomo) in hegtenis geneem is. “Tumishang is ’n goeie ou en sal nie ’n vlieg skade aandoen nie. Leeto glo hy is onskuldig,” sê Eric, wie se karakter as ’n verraaier gebrandmerk word omdat hy aan die kant van die verdagte ontvoerder is, veral nadat die polisie ’n armband vind, soortgelyk aan die een wat Tumi “verloor” het. “Leeto glo dis sy plig om ’n onskuldige man te beskerm. Die bewyse is in elk geval nie genoeg om sy kliënt in die tronk te stop nie,” onthul Eric. Maar Leeto gaan gou jam-mer wees hy het die saak aanvaar wanneer Tumi erken hy weerhou bewyse.…

H Weekdae e.tv (*194) 12:00 H Weekdae eExtra (DStv *195/Openview *105) 13:15 O Saterdae e.tv 09:30 VERLEDE KEER Boniswa het Chumani vertel Loyiso is ’n pedofiel voor Loyiso in ’n worsteling gesterf het, en Layla en Wesley was smoorverlief. 6 – 8 NOVEMBER Boniswa speel toneel om te verseker niemand verbind haar met Loyiso se geheimsinnige dood nie. Dintle is finansieel in ’n hoek gedryf, en Stokkies is angstig tydens sy werkonderhoud. Phindi spreek Lindiwe saggies toe, en Zinzile konfronteer Neo oor wat hy met haar dogter doen. 11 – 15 NOVEMBER Xolile dink na oor hoe selfs goeie nuus deur die dood oorskadu word, Yvonne neem ’n besluit oor die Langa-familie se jongste sake, en Xolile het ’n belangrike aankondiging oor haar liefdeslewe. Chumani se minnares het iets belangriks…

Dit is traumaties om ou wonde oop te krap. Ayanda (Samela Tyelbooi) se terugkoms na Johannesburg herinner haar aan alles wat sy in Junie vanjaar verloor het toe haar kliënt Joshua (Sean Brebnor) haar by ’n geselligheid verkrag het. “Intense terugflitse van daardie nag spook by haar. Sy word steeds gefolter,” sê Samela. Hoewel Ayanda die voorval by die polisie aangemeld het, het sy die stad te midde van die ondersoek verlaat om haar kop skoon te kry. Sy het ook pro-beer om ongunstige openbare reaksie te vermy nadat Joshua aan die media vertel het die seks was met wedersydse instemming en Ayanda beweer nou dit was verkragting omdat sy skuldig voel oor sy haar kêrel, Tau (Rapulana Seiphemo), verneuk het. Wanneer Ayanda hoor die polisie is op die punt…

BOLD Flo skenk ’n nier om Katie se lewe te red, maar Brooke beskuldig Flo se ma, Shauna, dat sy die situasie gebruik om die Logans se guns te wen. Ridge vra Thomas om by die Cliff-huis in te trek en verdedig Shauna, en Wyatt bedank Flo omdat sy Katie gehelp het. Thomas het ’n vals verskoning vir Brooke wanneer hy hoor hoe sy en Ridge baklei oor Thomas se toekoms by Forrester Creations, en Shauna bieg by Ridge dat Thomas weet sy het Ridge gesoen terwyl hy bewusteloos was. Steffy en Hope baklei oor Beth en Liam, en Thomas loop vir Zoe raak. DAYS Lani smeek Gabi om Stefan se hart aan Julie te skenk nadat dr. Rolf erken Stefan kan nie gered word nie. Ben vra Victor se…

O Saterdae SABC2 (*192) 11:00 VERLEDE KEER Njakeni het verdwyn nadat hy die Mudaus vir miljoene probeer afpers het, Tiyiselani en Khensani het swanger geraak, en Julia het Gladys ontvoer en Richard gehelp om ’n moord te verdoesel. 6 NOVEMBER Khensani vertel Musa sy wil ’n aborsie hê, maar dan dra sy verrassende nuus aan Kokwani oor. Hlengani soebat Julia om die plaaswerkers te betaal voordat bloed vergiet word, en Vukosi, wat nou weet Richard het probeer om hom te laat vermoor, dreig om Julia en Khensani te vermoor tensy Richard ’n brief skryf en selfdood pleeg. 11 – 13 NOVEMBER Julia red Richard se lewe, maar daar’s ’n nuwe lyk om weg te steek. Almal is in die kroeg vasgekeer toe ’n hewige storm losbars, plaaswerkers kry Magwinya se…

H Weekdae Mzansi Magic (*161) 10:30 & 13:30 H Sondae Mzansi Magic 14:30 VERLEDE KEER Karlujah het Palesa probeer beskerm, Vivian se optrede het haar verhouding met Kero bederf, en Kandy het Sne se geheime aan die verkeerde mense oorvertel. 6 – 8 NOVEMBER Pastoor Absalom vererg hom omdat Banzi gedurig ongewenste aandag op die kerk vestig, en Karlujah gee voor hy is iemand anders om Palesa te help. Mbali is bekommerd wanneer sy niks van Patrick hoor nie, en Mme. Ethel oorreed haar familie om hul bedrog toe te smeer. Karlujah sê Palesa moet Cheez vermy, en Banzi lieg vir die kerk om geld uit sy gemeente te kry. Palesa voel Cheez gaan haar seermaak, en Patrick word deur sy woede verteer. Mbali neem ’n vriend in haar vertroue,…

H Weekdae e.tv (*194) 11:30 VERLEDE KEER Reneilwe het aangekondig sy is verloof aan haar nuwe musiekvervaardiger, Mark, Mapula het haar kêrel, Banele, met haar vroetelpappie, Gift, gekul, en Fats het ’n bokstoernooi gereël. 6 – 8 NOVEMBER Mark stem in om voort te gaan met die troue ondanks die feit dat hy koue voete kry, en Gift manipuleer Mapula steeds. Jafta betrap vir Hawk wat met sy meisie, Sis’Bee, flankeer, en Mark en Renei begin stry. Kea hoor die waarheid oor Mapula en Gift se verhouding, Jafta probeer Sis’Bee van Hawk terugwen, en daar duik ’n onverwagte probleem by die troue op. 11 – 15 NOVEMBER Renei dring daarop aan om haar nuwe liedjie bekend te stel al het Mark haar voor die troue in die steek gelaat, en…

H Weekdae e.tv (DStv *194/Openview *104) 13:30 O Sondae eExtra (DStv *195/Openview *105) 11:50 VERLEDE KEER Itumeleng het vermoed hy weet wie die ongeluk veroorsaak het, Modise het die koninklike raad aangeval, en Marang het ’n ontstellende ontdekking gemaak net toe Tristan vir Lelo slegte nuus gegee het. 6 – 8 NOVEMBER Jack jok vir Angie, en Itumeleng maak dit duidelik dat hy nie wil vrede maak nie, maak nie saak wie dit aanbied nie. ’n Interpolagent wat by die lodge en reservaat rondsnuffel, ontsenu mense, Blessing sukkel om Zintle te vertel hoe hy oor haar voel, en iemand uit Mama Rose se verlede daag op en sy is bekommerd oor die tydsberekening. 11 – 15 NOVEMBER Die kollig is op Itumeleng en hy is besig met ’n verdagte saketransaksie,…

Wolwedans In Die Skemer Seisoen 1 Woensdae SABC Encore (*156) 11:00 (begin 6 November) Die Hotel Njala in die Hazyviewvallei in Mpumalanga bied nie net herberg aan toeriste nie, maar het ook kamers vol donker geheime en raaisels. In Wolwedans In Die Skemer, wat die eerste keer in 1987 uitgesaai is, word al dié geheime laag vir laag weggeskil wanneer ’n ongenooide gas met geheueverlies op ’n stormagtige nag vir ’n kamer kom aanklop. “Dit is die begin van die einde vir die eienaars van die hotel wat al etlike jare met geraamtes in hul kaste saamleef,” vertel die 63-jarige aktrise Brümilda van Rensburg wat die rol van die feeks Adéle Joubert in die drama vertolk. Wolwedans In Die Skemer is gegrond op die rolprentresent en RSG-omroeper Leon van Nierop…

6 November 7 November 8 November 9 November 10 November 11 November 12 November 13 November 14 November 15 November 16 November 17 November 18 November 19 November…

Dit was puik, was dol daaroor, jammer om dit te sien gaan. – DAWN, FACEBOOK SABC eet die geld op en haal alles wat mooi is van die TV af. – JEROME, FACEBOOK Gaan regtig daardie program mis, dit was so fantasties en ons kon al die wonderlike dinge sien wat die wêreld aanbied, en ons gaan al daardie puik aanbieders mis. – TASHREEQAH, FACEBOOK SABC3 moet sluit. Die program met die hoogste kykertal is minder as 1 miljoen kykers. – HARRIET, FACEBOOK Die program was baie goed, dis jammer dit is gekanselleer. – LESEGO, FACEBOOK Ek gaan die aanbieder Jeannie D mis. Sy is so pragtig. – JEAN, FACEBOOK…

Elke week steel Craig Adriaanse kykers se hart as die oulike hoofseun Wesley Rossouw van die Hoërskool Arendsvlei met sy breë glimlag, opregtheid en mooi geaardheid. Aanvanklik het die 24-jarige krulkop van Macassar by Someset-Wes ’n oudisie vir die rol van Anton (wat Dean Richard Olivier nou speel) in Arendsvlei gedoen, maar is as Wesley gekies. “Om stories van ons mense op so ’n eerlike manier te vertel het my diep ontroer, en ek dink daar is ’n bietjie Wesley in my. Ek dink ons albei het nog ’n bietjie kind in ons.” Buiten toneelspeel is hy ook versot daarop om in die gim te sweet. “Dit hou my kop skoon,” is sy rede. Hy was hoeka in die gim toe sy agent bel om te sê hy het die…

Daar is liefde en romanse in die lug vir die saloneienares Bibi (Stephanie Baartman) en Buys (Roderick Jaftha). “Bibi en Buys het mekaar een aand (vroeër in Oktober) by ’n kuierplek in Johannesburg ontmoet en daar was dadelik ’n vonk tussen die twee,” sê Stephanie. Buys is ’n sakeman wat in Kaapstad woon en hy en Bibi het sedert hul ontmoeting oor en weer op Skype gesels en mekaar beter leer ken. Buys verhuis nou permanent na Johannesburg vir ’n werksgeleentheid wat beteken hul vriendskap raak ernstiger en kort voor lank is hulle ’n paartjie. Maar alles is nie maanskyn en rose vir die duifies nie – veral as dit aan die lig kom Buys steek iets weg. DIS HOOG TYD Stephanie sê dit is hoog tyd dat Bibi weer…

Die spanning loop hoog in die Ferreira-huis met die patriarg Okkie (Ben Kruger) wat gedurig koppe stamp met sy vrou, Ilse (Hannelie Warren), oor haar nuwe onafhanklikheid as werkende vrou. En boonop word die laaste reëlings getref vir Okkie se dogter Naomi (Je-ani Swiegelaar) se troue met haar verloofde Louis (Germandt Geldenhuys). “Dinge raak te veel vir Okkie,” sê Ben. “Daarom besluit hy om sy kop te gaan skoonmaak deur op sy motorfiets te klim en vir ’n paar dae te gaan kamp.” Naomi is ongelukkig oor haar pa se besluit om die pad te vat – al is dit net tydelik – met die troue om die draai, dus vra sy vir Louis om sy neef Quinton (Ramey Short) se arm te draai om saam met Okkie te gaan…

Ná die drama in Maart vanjaar waarin Bill (Don Diamont) by sy skoondogter Steffy Forrester (Jacqueline MacInnes Wood) geslaap en sy swanger geraak het, het die invloedryke modefamilie ’n bietjie vreugde nodig. En wat is beter as om ’n troue te hou? Brooke en Ridge (Katherine Kelly Lang en Thorsten Kaye) hoop hul neënde poging op huweliksgeluk is ook die laaste een. Tydens die drie dekades van Bold, het die twee 11 keer die tog na die kansel aangepak, maar net 8 keer getrou. “Daar was altyd iemand op die agtergrond, iemand wat ongenooid by die troue opdaag. Maar dié keer is hulle bedoel vir mekaar,” sê Katherine. “Hierdie keer gaan die vir ewig hou.” DIE GASTELYS Quinn (Rena Sofer) het die paartjie vertel die Forrester-huis is beskikbaar vir die…

Toe die kelnerin Wendy (Michelle Beling) onlangs ingestem het om saam met die Britse geoloog en seismoloog, Simon (Daniel Janks), uit te gaan, het sy nie geweet sy loop in moeilikheid in nie. Hy verras haar met blomme en dose sjokolade by die werk, maar dis met ’n doel: Hy stuur ’n boodskap aan almal in Horizon Deep dat sy nie beskikbaar is nie. “Simon is jaloers en besitlik,” sê Daniel. “Hy gee nie om om haar selfoon elke uur te bel en elke beweging van haar te monitor nie, want hy wil weet waar sy is en saam met wie.” Maar Wendy is so verward deur haar gevoelens vir Simon dat sy nie agterkom hy is ’n beheervraat en obsessief nie. “Simon is uiters manipulerend. Hy weet presies hoe…

H Weekdae SABC1 (*191) 09:30 H Weekdae SABC2 (*192) 14:00 VERLEDE KEER Tumishang is in hegtenis geneem omdat hy Kelebogile ontvoer het, en mnr. Manaka is uit sy onderwyspos afgedank. 6 – 8 NOVEMBER Mapitsi voel onveilig omdat sy weet waarvan haar kamermaat, Botshelo, se kêrel aangekla word, en mnr. Manaka probeer weer in Alfred se goeie boekies kom. Lehasa se oom Phomolo daag op om die sakeman met sy depressie te help, en Mapitsi wil hê Tbose moet oorslaap wanneer Tumishang vrygelaat word en die polisie sy ondersoek voortsit. 11 – 15 NOVEMBER Tumishang probeer sy onskuld bewys, en Phomolo is woedend wanneer hy hoor sy nefie se meisie, Lelo, is ’n misdadiger. Alfred smeek Thobakgale om nie mnr. Manaka se afdanking te heroorweeg nie. Tumishang probeer kalm bly…

Daar sal in die tweede week van November ’n nuwe (maar so bekende) gesig op die dorp wees, ’n man met ’n droom en ’n missie. “Khehla kom van die platteland met die droom om ’n kunstenaar te wees – en ’n akteur – maar sy ma het hom ook gestuur om na sy pa te soek,” onthul Thobani Nzuza (Lwandle in Isipho, 2019). “Hy’s ’n karakter op soek na sy identiteit, maar ook een wat vir sy beroep veg. En hy trotseer ook die uitdagings van ’n nuwe blyplek, soos die township KwaMashu. Dis ’n storie wat spreek tot mense wat van die platteland kom om hul drome te volg. Die township is ’n plek van hoop met gemeenskapsentrums en produksiehuise naby die township,” voeg hy by. PURE ZOELOE…

H Weekdae SABC1 (*191) 08:30 O Saterdae SABC1 11:00 VERLEDE KEER ’n Ongenooide gas het by Gadaffi se lewe en woonstel ingestorm, Crazy J het nee gesê vir ’n partytjie en tyd met sy pasgebore baba deurgebring, en Cosmo het vir Palesa opgekom. 6 – 8 NOVEMBER Crazy J verdedig homself toe sy oom Kabisi sy vaardigheid as ’n pa bevraagteken, en Jack word in ’n hoek gedryf nadat ’n sakeonderhandeling skeefloop. Ayanda is gereed om haar verkragter, Joshua, in die oë te kyk, en Lucy steek haar komplot weg van haar man, Mrekza. Lesedi is seker Crazy J, die pa van haar baba, sal nie sy roekelose lewe hervat nie, en Zondiwe stort ineen toe sy ’n belangrike besluit moet neem. Mpho raak verlief op sy eks, Lerato, en…

H Weekdae e.tv (*194) ná die 00:00-fliek VERLEDE KEER Hulya het nog geld van Bulent geëis vir ’n inkriminerende video, Cesur het ’n sak gevind met ’n video van sy aanstaande skoonpa, Tashin, wat sy ma, Salih, vermoor, en Suhan het slegte nuus oor haar pa, Tahsin, se toestand gekry. 6 – 8 NOVEMBER Mihriban is woedend oor Bulent se aanbod aan Banu. Die oudgevangene en huurmoordenaar, Riza, stuur vir Tahsin kriptiese boodskappe via sy vrou, Adalet. Cahide is verstom dat Tahsin ’n moordenaar is, en Suhan en Cesur besoek die dokter oor hul ongebore baba. Tahsin stuur ’n kil boodskap aan Cesur oor ’n verhouding met sy dogter Suhan, en Cesur skenk bloed om Tahsin te red ondanks hoe Tahsin hom behandel het. 11 – 15 NOVEMBER Tahsin het…

Weekdae eExtra (DStv *195/Openview *105) 22:20 H Weekdae e.tv (*194) 12:30 O Saterdae e.tv 11:20 VERLEDE KEER Nilesh het Maharaj se plan aanvaar om Maluju te vernietig, Zakithi het by Phakade ingetrek, en die Ndamases en Bhengu’s het oor Khanyo se lobola onderhandel. 6 – 8 NOVEMBER MaZulu belê ’n familievergadering nadat Ngcolosi Phakade gemoker het, en Zithulele wys sy nuwe woonstel aan MaZulu. Phunyuka en Ngcolosi konfronteer Zithulele oor die afrokkeling van hul kliënte, en Zithulele vermoed Ngcolosi sit agter die aanval op Nilesh. Zakithi snuffel in die kerk se begrafnisfondsboeke rond. 11 – 15 NOVEMBER Pranav waarsku Ngcolosi oor Maluju se kontantvloeikrisis, en Nkululeko word aangerand. Shukela kloon Zithu se foon, kliënte vlug wanneer Maluju weens bewerings van bedrog ondersoek word, en Khanyo en pastoor Ndamase verskil oor…

O Saterdae & Sondae Telemundo (*118) 00:50 VERLEDE KEER Leandro het ’n vergadering vir ’n nuwe dwelmtransaksie gereël, Mónica het Tony verraai, en Aurelio het Salazar met wrede metodes gemartel. 6 – 8 NOVEMBER Aurelio het vir talle dwelmbendes ’n probleem geword, en Paulina is bekommerd oor Tata se diagnose. Bernardo het ’n plan om Salazar te red, maar hulle moet gou speel, en Ismael eis antwoorde oor die ondersoek na Paulina en haar onwettige saketransaksies. Aurelio ontdek Salazar is gered, daarna gaan hy na Tata om vir haar raad oor die besigheid te vra. 11 – 15 NOVEMBER Rutila sê vir Carmen om te na aan Aurelio te kom, kan haar haar lewe kos, en Esperanza manipuleer Mónica. Paloma besef nie haar kwale is weens die gif in haar…

H Weekdae Mzansi Magic (*161) 10:00 & 13:00 O Saterdae Mzansi Magic 11:00 VERLEDE KEER Vuyiswa het Jerry oortuig om ’n pak en das na ’n geleentheid te dra, Shaka is dood gevind, en Harriet het haar dogter Kea beveel om haar dwelmkontakte by die lughawe te onthul. 6 – 8 NOVEMBER Goodness se gedrag stel haar familie se lewe in gevaar, en kapt. Radebe vra Dingane om vir ondervraging na die polisiekantoor te kom. Brutus is gereed om Mmabatho huis toe te bring, maar het Gracious se hulp nodig, en Goodness probeer ’n hawelose man help ondanks Vuyiswa se waarskuwings. Skhumbuzo verleen hulp aan Gracious, en die inwoners van Thembisa weier om die Khozas in nood by te staan. 11 – 15 NOVEMBER Die Khoza-familie word verras, en Goodness…

Naomi en Louis in Binnelanders moet nou tot trou kom. Dit is asof hulle poer-poer met die hele trouery. Nee man, wys ons die troue! – MAGGIE, SMS Sjoe! 7de Laan . . . wie sou nou dink dat Charmaine met so 'n storie uitgeskryf word? – BEA, SMS Die hele Vanessa- en Charmainestorie in 7de Laan is erg. Wie sou kon raai hulle is nie biologiese dogter en ma nie. – TIENKIE, SMS Het 7de Laan nuwe skrywers gekry? Die storielyne is deesdae so deurmekaar, ek dink nie dit kan dieselfde mense wees as in die begin van die sepie nie. – JUDY, SMS Daar is deesdae so baie byskrifte in 7de Laan wanneer ander tale gepraat word, my kop raak skoon dronk van probeer byhou met lees en…