Innholdsfortegnelse for 9/25/2019 i TV Plus Afrikaans

Daar is niks soos ’n sappige storielyn met hope kinkels om die TV-slaaf in ons gelukkig te hou nie. En ons plaaslike sepies het geen tekort daaraan nie. Daar is storielyne wat jou roer – dink maar net aan Michelle en Stefan in Suidooster wie se ouerskapdroom weer aan skerwe lê nadat Gloria besluit het sy soek haar kind terug (bl. 16) – die wat letterlik jou mond laat oophang, soos wanneer arme Azwindini in Muvhango deurloop onder ’n psigiater met ’n obsessie wat hom bekruip. Sy steel tot sy onderklere, skep ’n gedenkmuur oor hom, en ontvoer en hou hom gyselaar om haar siek fantasieë uit te leef (bl. 24)! En verbeel jou ’n dokter wat flou raak wanneer hy bloed sien? Dis Doc Martin in die gelyknamige Britse…

Verandering is nooit maklik nie, maar Theodore Jantjies, wat bekend is vir sy rol as die Hillside-prokureur Xander Meintjies in 7de Laan (2000-nou), skrik nie vir ’n uitdaging nie. “Jy kan nie toelaat dat vrees jou oorheers wanneer jy ’n belangrike besluit oor jou toekoms neem wat groot veranderinge kan meebring nie,” sê Theodore. En vreesloos was dié 36-ja-rige akteur beslis toe hy besluit het om Xander en die Laan en sy mense ná 14 jaar te groet. SPREI JOU VLERKE Sy skokbesluit kom nadat Hilda en die moederhen Charmaine (Vinette Ebrahim), ook albei ná 19 jaar op die stel, aangekondig het hulle roep Hillside vaarwel toe. Die Oppiekoffie-baas Charmaine, wat eens op ’n tyd Xander se skoonma was, se laaste toneel word op Donderdag 24 Oktober uitgesaai. Dit was…

H Di.-Sa. kykNET (*144) 09:00 H Weekdae kykNET 22:30 VERLEDE KEER Ryno en Thinus het ewige trou aan mekaar beloof, Anna het gevoel Reitz steek iets vir haar weg, en Kristien het besef speurder Breytenbach het sy mes in vir haar. 25 – 27 SEPTEMBER Mieke vuur die romanse tussen haar pa, Schalk, en Jana aan, Breytenbach kry ’n lasbrief om Bart se kantoor te deursoek, en Renate en Simon probeer vir oulaas om hul baba te red. Candice se eenvrou-vertoning is ’n reusesukses, Liam word deur twee ongure karakters besoek, en almal is opgewonde oor Ryno en Thinus se daknatmaakviering. 30 SEP. – 4 OKT. Lienkie en Blitz kom tot ’n vergelyk, Bart en Kristien kry nuwe inligting oor Mario se doen en late, en Simon probeer sy bes…

H Weekdae SABC1 (*191) 09:00 H Weekdae SABC2 (*192) 14:30 VERLEDE WEEK Imani en Gugu het oor Seretse baklei, Vhangani het van die koninklike familie weggestap, Tenda het gedink hy word agtervolg, en vreemde dinge het met die koninklikes begin gebeur. 25 – 27 SEPTEMBER Tenda is woedend wanneer iemand uit sy verlede na Thathe terugkeer, en Vho-Mukondeleli soek desperaat om hulp. Moliehi beplan ’n laaste aanval op haar eks, James, Mpho word gevra om ’n beoordelaar by ’n sangkompetisie te wees, en dr. Senamile se donker kant word onthul. 30 SEP. – 4 OKT. Vho-Mukondeleli betrap Mpho onverhoeds by die sangkompetisie om haar in die verleentheid te bring, en Azwindini weet nie van die gedenkmuur wat sy seun se psigiater van hom saamgestel het nie. Mpho voel onder druk…

O Saterdae & Sondae Telemundo (*118) 19:00 VERLEDE KEER Armando het sy afspraak met Betty gekanselleer en die aand saam met Marcela deurgebring, en Daniel het gedreig om die modemaatskappy te laat ouditeer. Betty se nuwe haarstyl was die onderwerp van die kantoor se skinderpraatjies, en Armando het met Betty probeer versoen. 25 – 27 SEPTEMBER Armando neem Betty uit vir ’n verjaardagete onbewus daarvan dat Marcela hulle agtervolg om uit te vind wie Armando se nuwe minnares is. Marcela en Patricia word gearresteer, Armando probeer by Betty aanlê, maar sy verwerp sy toenadering, en Sofia is woedend vir Efraín en Jenny. 30 SEP. – 4 OKT. Armando voel sleg omdat hy Betty ongemaklik laat voel het met sy vleiery, en Sofia trek Jenny ’n lelike streep deur kamfer in…

H Weekdae SABC1 (*191) 08:30 O Saterdae SABC1 11:00 VERLEDE KEER Cosmo het ’n dwelmhandelaar betrap wat sy dwelms in sy sjebien verkoop het, Crazy J het uitgevind sy eks, Lesedi, verwag sy kind, en Lucy en Mrekza se wittebrood was van korte duur. 25 – 27 SEPTEMBER Lucy en Mrekza is oorweldig deur hul onverwagte besoeker, en Smanga sê niks nie wanneer hy inligting kry wat in die toekoms nuttig kan wees. Lesedi is bekommerd wanneer sy intense pyn in haar buik ervaar, en oom Kabisi konkel om die Moroka-bankrekeninge te beskerm teen wat hy noem die “fortuinsoeker”-Diales. Bulelwa is in ’n verdagte posisie vasgevang, dr. Sphe se bevindinge skok die Morokas, en Boipelo toets Lucy se geduld. 30 SEP. – 4 OKT. Smanga gaan nie toelaat dat sy…

H Weekdae Mzansi Magic (*161) 10:30 & 13:30 O Sondae Mzansi Magic 15:00 VERLEDE KEER Oscar het alles in sy vermoë gedoen om Abednego se huwelik te vernietig, die aanval op Palesa het haar vriende nader aan mekaar gebring, en Lihle het ’n word-gou-ryk-skema begin. 25 – 27 SEPTEMBER Palesa se nuwe rol in die kantoor van die studenteraad besorg meer hoofbrekens as waarop sy gereken het, en Khensani se leuens haal haar in en veroorsaak onenigheid in haar huwelik. Kero is gereed vir ’n ernstiger verhouding met Vivian, Abednego sit sy voet dwars by die huis, en Tshepo verseker Kero hy neem die regte besluit. Tiro roer moeilikheid tussen sy vriende aan, en Khensani is in die verleentheid. Zoleka raak paniekerig nadat Nhlamulo se verklaring ’n skinderstorie word. 30…

H Weekdae 1Magic (*103) 23:30 & 10:30 O Saterdae 1Magic 17:00 O Sondae 1Magic 09:30 VERLEDE KEER Khabzela was woedend toe hy uitvind Kedibone is familie van die Mokoena-kinders, Flora het ’n buurman beskerm terwyl dié voor ’n woedende skare uit gevlug het, en Veronica het Lindiwe se gramskap ontduik. 25 – 27 SEPTEMBER Khabzela se begeerte om op Kedibone wraak te neem, laat hom duistere dade pleeg, en Cobra kan sy lewe verander met sy toevallige ontdekking by die myn. Kedibone voel soos ’n uitgeworpene in haar voormalige gemeenskap, en Andile se verrassing vir Njabulo loop skeef. Visioene van Khabzela wat probeer om haar vriendin Kedibone met sy kaal hande te vermoor, spook by Flora, en Andile vervies hom vir sy ma, Lindiwe, se oningeligte opmerkings. Cobra is in…

Ná die fiasko op SABC3 met die Wêreldbekerkrieket, waar geadverteer is die hele toernooi gaan uitgesaai word, maar omtrent niks is uitgesaai nie, gaan SABC2 die Wêreldbekerrugby uitsaai? – JONWIN, FACEBOOK Dis beslis “nee”, verduidelik SABC2 se reklame-agent Caroline Phalakatshela: “Die eenvoudigste antwoord is ons het nie die regte bekom om enige wedstryd van die 2019-Wêreldbekerrugby uit te saai nie, wat baie teleurstellend is.” SABC2 saai gewoonlik opgeneemde Springboktoetswedstryde uit ’n paar uur nadat dit regstreeks op SuperSport 1 uitgesaai is. Maar die Wêreldbeker, wat van Vrydag 20 September tot Saterdag 2 November in Japan plaasvind, is anders omdat dit ’n internasionale toernooi is, soos die Wêreldbekersokker en -krieket. Anders as die Wêreldbekersokker word die regte nie tussen die uitsaaiers gedeel nie – die sokker word op SABC1 uitgesaai en…

H Weekdae e.tv (*194) 09:30 VERLEDE KEER Rafe en Hope het van Andre se bom gevlug, Ciara het oor Chad gefantaseer, en Chloe het uitgevind sy is swanger. 25 – 27 SEPTEMBER Chloe sê vir Philip sy’s swanger, en Nicole vertel vir Chloe Deimos het die jawoord gevra. Gabi baklei teen ’n aanvaller wat Dario gehuur het om Eduardo soos ’n gevaar vir die familie te laat lyk, Andre dwing Aiden om as distriksprokureur te staan, en Justin kry die trekpas nadat hy met bewyse peuter. Jack die spook probeer Jennifer troos nadat Chad hoor Abby is in ’n vliegtuigongeluk dood. 30 SEP. – 4 OKT. Theo en Claire soen, Nicole sê vir Deimos sy kan nie kinders kry nie, en Philip sê hy sal voorgee hy’s die pa van…

Met die groot uittog uit die Laan heers daar ook opwinding oor nuwe gesigte wat een van die dae by die sepie aansluit. Twee nuwe karakters – die getroude paartjie Marvin (Duncan Johnson) en Ivy Peterson (Nazli George) – gaan op Kersdag vanjaar hul verskyning in die Laan maak! Duncan ken ons as Jan, die Strydersrugbyspan raadslid in Getroud Met Rugby: Die Sepie (2016-nou) en meer onlangs as Ian Jantjies, die eienaar van die hoekwinkel Ian En Ander in die komediereeks Lui, Maar Op Belinda (2019-nou). Nazli is bekend vir haar rolle as onder meer Dotty, een van die inwoners van die fiktiewe dorp Swart-water in die dramareeks Swartwater (2014-nou). “Marvin is ’n familieman wat daarop gefokus is om sekuriteit en ’n gemaklike lewe vir sy gesin te bied, maar…

H Di. – Do. kykNET & kie (*145) 11:00 O Sondae kykNET & kie 16:00 • Seisoen 2 begin Maandag 30 September. VERLEDE KEER Nicolene se ouers was geskok toe hulle hoor sy werk nie meer by die skool nie, Lee-Roy en Wesley het amok gemaak, Anton was bekommerd oor Nicolene nadat sy verdwyn het, en Beatrice is heraangestel as skoolhoof. 25 SEPTEMBER Beatrice besoek Christopher om finaal tot siens te sê, maar sy huis is leeg, Hazel het haar hande vol met Gertie, en Ilke het probleme by die kerk. 30 SEP. – 2 OKT. Wendy is woedend toe sy uitvind Emile is aangerand en konfronteer die tronkhoof. Die spanning loop hoog by die skool terwyl die matriekleerlinge wag om te hoor wie beurse kry. Claudia en Vernon is…

Weekdae kykNET & kie (*145) 18:30 Weekdae M-Net-dek. 17:30 H Weekdae kykNET (*144) 23:00 H Weekdae kykNET & kie 14:00 VERLEDE KEER Kaashifa het teruggekeer na Ruiterbosch ná haar kookdemonstrasie-avonture, Siya en Bianca het gevoelens vir mekaar ontwikkel, en Bennie het skurke in hul spore gestuit. 25 – 27 SEPTEMBER ’n Onverwagte ontwikkeling skok Michelle diep, Kaashifa sukkel om by te hou met Bridgette se vereistes, terwyl Carmen Bianca ’n gat in die kop praat. Bianca en Siya raak gemakliker met mekaar, Bennie kry ’n blink idee, en Michelle begin twyfel oor die hofsaak. Kaashifa is paniekbevange oor Bridgette se rok en vra Mymoena se hulp. Mrs J. moet haar voet dwars sit met Bennie, terwyl die spanning tussen die Gerbers en Gloria toeneem. 30 SEP. – 4 OKT. Dinge…

Weekdae op M-Net-dek. 16:30 H Weekdae kykNET (*144) 23:30 H Di.-Vr. kykNET 08:30 O Sa. M-Net-dek 06:00 O Sa. kykNET 09:30 VERLEDE KEER ’n Voorval op At se plaas het sy en Annelize se lewe onherroeplik verander, oom Wimpie het gedink tannie Breggie se gees wou vir hom ’n boodskap gee, en Danny was onrustig oor Steve. 25 – 27 SEPTEMBER Danny raai Elana aan om Steve in sy besluit te ondersteun, en Jessica ontsenu Louis en Naomi. Conrad soek antwoorde by Louis en Annelize, Tertius wil nie ’n vriendskap voortsit nie, en Conrad neem ’n standpunt in. Louis probeer tot At deurdring, Naomi se vrese word bewaarheid. Annelize is oorgehaal om die beste van die dag te maak, en At maak homself uit die voete. 30 SEP. – 4…

H Weekdae e.tv (*194) 11:30 VERLEDE KEER Bash het ’n video-opname gemaak van Khulekani wat Jamaica soen, Sindiswa het haar afperser uitoorlê, en Pearl het ’n belangrike sake-ooreenkoms verloor. 25 – 27 SEPTEMBER Mzi se gedrag by ’n geleentheid laat hom onbevoeg lyk, en Pearl kry ’n voorsprong op haar pa, David. Khulekani sê vir Bash hy gaan hom doodmaak as hy onthul Khulekani kul sy vrou, Nandi, met Jamaica. David voer sy oorlog met Pearl tot nuwe hoogtes, en Sabelo oorweeg om Sindiswa af te sê. Blossom is bekommerd Lefa het geen vriende nie, en David verraai Khulekani. 30 SEP. – 4 OKT. Die polisieondersoek speel in Khulekani se kaarte wanneer Bash se dood as selfdood bestempel word, en Pearl onthul haar sakeplanne aan die verkeerde mens. Jamaica soek…

H Weekdae SABC1 (*191) 08:00/SABC3 (*193) 11:00 O Sondae SABC3 09:30 VERLEDE KEER Sechaba en Claudette se plan om die inwoners van KwaNomzamo te beskerm, het in duie gestort, Olivia het haar seksualiteit onthul, en Morongwa het om Gatanga se hart geveg. 25 – 27 SEPTEMBER The Deep se inwoners kyk toe hoe stootskrapers op pad is om hul huise in KwaNomzamo af te breek, en Anja is bekommerd oor Olivia se besluite. Veronica en Morongwa veg ’n verlore stryd wanneer hul bure hulle by Lincoln se kwaadwillige plan skaar om die dorp te ruïneer. Nina se sjebien gaan dalk gesloop word, en Claudette is woedend vir haar gulsige eks en pa van haar kind, Lincoln. 30 SEP. – 4 OKT. Morongwa waag ’n kans met Gatanga, en ’n ramp…

Geen herhalings. VERLEDE KEER Cesur het ’n nuwe outopsie op sy pa geëis om te bewys hy is vermoor, Tahsin is in hegtenis geneem omdat hy Riza help ontsnap het, en Banu het Bulent vir ete genooi. Cahide was bekommerd haar vals swangerskap gaan uitlek, en die polisie het Cesur se ma toegesluit in ’n hok gekry. 25 – 27 SEPTEMBER Tahsin word uit die tronk vrygelaat, net om ontvoer te word deur Cesur, wat wraak soek omdat Tahsin sy pa laat vermoor het. Adalet beskuldig Suhan daarvan dat sy met Cesur saamspan, Tahsin word na die hospitaal gehaas nadat hy geskiet is, en Rifat word ’n verdagte. Korhan het slim raad vir Tahsin, Cahide neem Bulent in haar vertroue, en Cesur ontdek iets omtrent Rifat. 30 SEP. – 4…

O Saterdae SABC2 (*192) 11:00 VERLEDE KEER Mhani Tsakani het haar werk teruggekry, die nuwe bedrieër Njakeni het Magwinya onder haar duim gehad, en Tiyiselani het by die Baloyi’s ingetrek en die huishouding oorgeneem. 25 SEPTEMBER Mhani Dayina versprei die nuus dat Tiyiselani en Musa nie meer bymekaar is nie, en Tiyiselani soek troos by Mhani Dayina en beplan om Risinga te los. Njakeni ontdek hoeveel geld het die Mudaus werklik nadat sy Richard en Vukosi se intieme gesprek afgeluister het. 30 SEP. – 2 OKT. Njakeni hoor ’n inkriminerende gesprek nadat Collen onverwags opdaag het en sodoende ’n lewe red, en Ringani vertel vir Khensani hoekom sy agterdogtig is oor Njakeni. Kokwani is bekommerd oor Njakeni wanneer sy nie die aand huis toe kom nie, en Richard kry ’n…

O Saterdae & Sondae Telemundo (*118) 00:50 VERLEDE KEER Felina het Suta-Marchan gevra om ’n nuwe besendig dwelms vir Spanje gereed te kry, Aguasanta se dokter het slegte nuus vir haar gehad, en Aurelio het gehoor Nazareno is dood. 25 – 27 SEPTEMBER Mónica is ontsteld oor Victor se dood, Juan Carlos grawe vir inligting oor Rutila, en dit word bekend waar Esperanza haar bevind. Omar wil Rodrigo agter tralies sien en wil hê ’n lasbrief vir sy inhegtenisneming moet uitgereik word, en Mónica simpatiseer met Victor se familie, maar haar simpatie word verwerp. 30 SEP. – 4 OKT. Daar is ’n herrie by Victor se begrafnis weens ’n indringer, en Niña en Mónica maak rusie. Aurelio besluit om na Mexico terug te keer, en Mabel vertel die verkeerde mens…

H Weekdae Mzansi Magic (*161) 12:00 O Saterdae Mzansi Magic 13:30 VERLEDE KEER Lazarus was ernstig oor sy roeping as die nuwe messias, Odirile se troue met Sello het in trane geëindig toe sy eerste vrou, Tshego, ongenooid opdaag, en koningin Mosadi het gesukkel om haar dogter Kefilwe se dood te aanvaar. 25 – 26 SEPTEMBER Odirile is onder druk in haar nuwe poligame verhouding met Sello en Tshego, en die Ou Vroue is oortuig Lazarus is die ware messias en kan wonderwerke verrig. Tumelo en Matshidiso ondersoek Lazarus se “roeping”, en Tshego beplan om Odirile as hoof van die huis te vervang. 30 SEP. – 3 OKT. Matshidiso se optrede maak van ’n vriend ’n vyand, en Odirile het genoeg gehad van Tshego en is reg om vir Sello…

Liefde Sonder Grense Seisoen 1 Maandae kykNET (*144) 20:00 (begin 7 Oktober) Die bekende radio-omroeper, joernalis en TV-persoonlikheid Rian van Heerden is nie op sy mond geval nie. Hy sê ’n ding sonder om doekies om te draai, soos kykers gesien het in eefstylreeks Skelmpie (2018-019), waarvan hy die aanbieder was. Rian is nou terug in die aanbiederstoel van die nuwe splinterreeks Liefde Sonder Grense. In die 13 episodes gaan hy paartjies, wat die wenkbroue laat lig, die kans gee om húl storie te vertel, saam met ’n skeut van sy unieke humorsin aangevuur deur sy joernalistieke nuuskierigheid. “Een ding wat ek graag wil hê mense uit die nuwe reeks moet leer, is dat daar nie grense moet wees wanneer dit by liefde kom nie, en verhoudings kan werk, ten…

Ek mis dr. Conrad Bester in Binnelanders. Hy is so ’n aantreklike man – BELINDA, SMS Waar in die wêreld is Hykie Berg deesdae? Ek het sy rol in Binnelanders as dr. Conrad so baie geniet. – ANTHONY, SMS Kan Trudie van Binnelanders nie iets aan haar hare doen nie? Dit lyk baie slordig. – SUSAN, SMS Met die groot uittog uit 7de Laan, dink ek dit is tyd dat Matrone ook haar sakkies moet pak. Sy is al donkiejare daar, soms irriterend, maar dis tyd dat sy moet gaan. – ELISE, SMS 7de Laan se Olivia is a regte bedorwe brokkie! Sy het regtig ’n nare mens geword. – BEA, SMS SABC2 moet ophou om 7de Laan se herhaling so rond te skuif. Ek kan dit nie opneem nie.…

7de Laan kan maar toemaak, want al die beste akteurs groet. – VIVIAN, FACEBOOK Ons gaan jou baie mis, Theodore. Voorspoed vir die toekoms. – THERESA, FACEBOOK Oubaas, Hilda, Charmaine, en nou Xander. Ál my geliefde karakters gaan weg. – MORONGWA, FACEBOOK Hy was beslis een van my gunsteling-karakters. – CHANTÈL, FACEBOOK Ek het dit verwag. Xander het vir ’n lang tyd nie ’n ordentlike storielyn gehad nie. Ons gaan die karakter mis. – WARREN, FACE-BOOK Met hom wat weggaan, neem ek aan nuwe talent neem oor. Almal verdien ’n kans om sy talent ten toon te stel. – ROCHELLE, FACEBOOK…

Die koningin van selfdoen, SuzelleDIY oftewel Julia Anastasopoulos (36), weet hoe om ’n hamer en ’n boor op die gewone manier te gebruik, soos om spykers in ’n muur in te slaan. Maar die TV-ster gebruik kraggereedskap ook vir ongewone take, soos om eiers met ’n boor te klits. Dis deel van die bekoring van haar web-reeks SuzelleDIY, terwyl haar vermoë om vir haarself te lag daartoe bydra dat sy gevra is om die tuisvideo-reeks Most Ridiculous (2017-nou, Maandae om 21:30 op Comedy Central, DStv *122) aan te bied. Maar wat is Suzelle se geheime as dit by die kleinskerm kom? Wat was die eerste TV-reeks wat jy en jou vriende kamma-kamma gespeel het? Die animasiereeks Adventures Of The Gummi Bears (1985-1991). Dit was so oulik en ek is dol…

H Weekdae SABC2 (*192) 13:00 H Weekdae SABC3 (*193) 10:30 O Sondae SABC2 08:30 VERLEDE KEER Connie het Lesedi oor haar gedrag aangespreek, ’n gawe man het Hilda baie beïndruk, en Chris het familiebande probeer herstel. Alexa was keelvol vir haar ma se onsmaaklike houding. 25 – 27 SEPTEMBER Jacob en Charmaine maak planne om Matrone op te beur, Justin vind dit moeilik om sy vermoedens aan Lesedi oor te dra, en later vertrek Lesedi op ’n feitesending. Olivia se verlede haal haar in, Vanessa het haar hande vol met haar dogter, Karmen, en dit is tyd vir Olivia om haar beloftes na te kom. 30 SEP. – 4 OKT. Gabby maak die verkeerde afleiding, Aggie en Fikani maak planne vir ’n aandjie uit saam met hul geliefdes, en Bonita…

H Weekdae SABC2 (*192) 13:30 O Sondae SABC1 (*191) 12:00 VERLEDE KEER Gabisile en MaMlambo het hul troues beplan, Sibonelo het Nonka afgesê, en Fikile het Lilly se werk as salonbestuurder gesteel. 24 – 27 SEPTEMBER Nkunzi skiet MaMlambo se idee van ’n dubbele troue af – daar’s nie ’n manier waarop hy onder dieselfde dak as Qhabanga gaan trou nie. Njeza moet ’n romanse verdedig waarteen hy in die eerste plek gekant was, MaNgcobo het ’n nuwe bewonderaar wanneer Khathaza se neef, pas uit die tronk vrygelaat, by sy huis opdaag, en Fikile en Lilly moet hulself voorberei. 30 SEP. – 4 OKT. Die gemeenskap is in rep en roer nadat Nokwanda ontvoer en vermoor is, en Mondli is op sy hoede wanneer ’n tweede lyk gevind word. Nosipho…

H Weekdae SABC1 (*191) 09:30 H Weekdae SABC2 (*192) 14:00 VERLEDE KEER Tbose se familie het gesê hy moet wegbly van sy baba se ma, Mapitsi, en Charity het tekens geïgnoreer dat sy dalk ’n spirituele gawe het. 25 – 27 SEPTEMBER Lehasa herinner Lelo dat sy nooit ouerskapregte tot die kind sal hê wat sy vir hom en sy wyle vrou Zandile dra nie. Twee vyande begrawe die strydbyl, en Pretty en Katlego se vriendskap laat die wenkbroue lig. Lehasa se vyande vier sy tragedie, en Mokgadi se onderhoud word lelik onderbreek. 30 SEP. – 4 OKT. Ma’Ntuli se nuwe huurder bied aan om hand by te sit met takies, en Pretty nooi ’n klasmaat om haar familie te ontmoet. Lehasa probeer opmaak omdat hy iemand se lewe verwoes…

BOLD Ridge en Brooke vlieg mekaar in die hare nadat Brooke Thomas van ’n krans gestoot het omdat sy gemeen het hy wou Hope beseer, en speurder Sanchez ondervra Thomas oor sy “val” nadat hy sy bewussyn in die hospitaal herwin het. Wyatt en Sally soen en kom ooreen om hul verhouding nóg ’n kans te gee, en Shauna besoek Flo in die tronk. Ridge besoek haar ook en waarsku Flo sy gaan kry wat haar toekom. Brooke se susters kom loer in, en Bill besoek Thomas nadat Brooke gebieg het. DAYS Kate word HUB van DiMera Enterprises en trek by die herehuis in, en Tony word in hegtenis geneem, terwyl Will en Sonny Gabi en Stefan uit die wynkelder red. John en Marlena herdenk hul troudag, Chloe trek na…

H Weekdae eExtra (DStv 195/OpenView 105) 12:05 O Sondae eExtra 14:45 VERLEDE KEER Cihan het Dilara probeer waarsku om Harun nie te vertrou nie, en Gülseren het bedenkinge oor trou gehad. Cihan het reg in eie hande geneem, Dilara het verdwyn, en Hayal is vermoor. 25 – 27 SEPTEMBER Gülseren is woedend wanneer sy ontdek Dilara het ’n aborsie gehad en Cihan het vir die prosedure saam met haar na Londen gereis. Harun is jaloers op die verhouding tussen Cihan en Dilara en konkel om vir altyd van Cihan ontslae te raak. Hazal besef nie die polisie is op haar spoor nie. 30 SEP. – 1 OKT. Dilara ontmoet Harun van aangesig tot aangesig wanneer sy weens ’n noodgeval met haar ouma terugkeer huis toe, en Yildirim vrees die ergste…

Weekdae eExtra (DStv *195/Openview *105) 22:20 H Weekdae e.tv (*194) 12:30 O Saterdae e.tv 11:20 VERLEDE KEER Zithulele en Nilesh het hul nuwe maatskappy bekend gestel, Phakade het Futhi betrap wat by Maluju werk, en Phunyuka het Nkululeko se biologiese ma gevind. 25 – 27 SEPTEMBER Pranav en Shria stem in om Zakithi te ondersteun in ’n geheime mosie van wantroue teen Ngcolosi. Shria is verbaas wanneer Nilesh dinge skielik professioneel wil hou, en Nkululeko leer ken sy ma, Thokozile. Die vonnis in Nomalanga se saak word uitgespreek, Lindiwe plaas druk op Shukela om haar te vra om te trou, en Phakade kondig ’n nuwe predikant se koms na Umbumbulu aan. 30 SEP. – 4 OKT. Zakithi soek troos by MaZulu, Ngcolosi knoei om Zakithi te laat ly, en Nkululeko…

H Weekdae e.tv (*194) 12:00 H Weekdae eExtra (DStv *195/Openview *105) 13:15 O Saterdae e.tv 09:30 VERLEDE KEER Neo het Yvonne gyselaar gehou in ruil vir Sheila, Layla het Hlengiwe gedemoveer nadat sy as HUB van NFH aangestel is, Tshepo het teruggekeer, en die Ngemas het besluit om ’n huis te koop. 25 – 27 SEPTEMBER Tshepo kry ontstellende nuus, en Boniswa het dringende vrae oor Tshepo nadat sy uitgevind het hy is terug. Ndumiso waarsku Dintle sy kan nie by Chillax optree soos wat sy by Qs doen nie, en Layla sê vir Wesley sy soek iemand wat in voeling is met die jeugkultuur. Zinzile oorreed Mlungisi om van ’n drastiese besluit af te sien nadat Caiphus Mlungisi sê hy sien misdaad as ’n soort maatskaplike geregtigheid. 30 SEP.…

H Weekdae eExtra (*195/Openview *105) 13:30 O Sondae eExtra (*195/Openview *105) 11:55 VERLEDE KEER Itumeleng se mededingers het hom in ’n hoek gedryf, Tristan het gehoor ’n verdagte gas het by die lodge opgedaag, en Kate het Karel se liefde probeer terugwen. 25 – 27 SEPTEMBER Khumo en Marang se vete vererger weens nuwe gesinsdramas, en Zintle ignoreer Bernie se raad. Angie wys aan Isaac sy is bedrewe agter die stuur van ’n 4x4-voertuig wanneer sy met onwelkome manlike aandag te doen kry. Bernie word onkant betrap deur die nuus dat Isaac en Zintle uitgaan, Jack ontmoet Angie en is onmiddellik smoorverlief, en Zintle se hart word gebreek. 30 SEP. – 4 OKT. Lelo en Marang bereik ’n ooreenkoms en probeer gaaf wees teenoor mekaar, Diksie kies kant tussen Lelo…

25 September 26 September 27 September 28 September 29 September 30 September 1 Oktober 2 Oktober 3 Oktober 4 Oktober 5 Oktober 6 Oktober 7 Oktober 8 Oktober…