Innholdsfortegnelse for Tuis Opknap 2024 i Tuis

Toe ons hierdie spesiale uitgawe begin beplan het, was ek aan die stoei met die Stad Kaapstad om goedkeuring te kry vir ’n klein projekkie by my huis in Tamboerskloof; ons kreatiewe redakteur, Marian, was besig met ’n volledige huisopknap in Plettenbergbaai; Gill, die Engelse vertaler, was midde-in ’n badkameropknap en ons kosredakteur, Johané, pas klaar met ’n aanbouing by hul gesinshuis in Durbanville. Beatrice, ons artikelredakteur, het kort tevore húlle huis laat vernuwe, en dan weet ek mos Andrew, die ontwerpredakteur, is altyd aan die werskaf met ’n hamer of kwas. Want dis hoe ons rol. “Living the brand”, is die Engelse uitdrukking. Ek het nou die dag gespot en gesê dis dalk eerder ’n geval van “surviving the brand”, want hoe kan mens dan nou anders as jy…

WIE WOON HIER? Francoisnette van Hoogstraten en haar kinders, Henco (19) en Liané (15)WAAR Die Boord, StellenboschGROOTTE 379 m2 (huis sonder buitegeboue) BIBLIOTEEK “My man was baie lief vir lees en ek het die boekrak spesiaal laat bou vir al sy boeke,” vertel Francoisnette. “Die donker vlootblou mure en plafon verleen aan die vertrek ’n knus en dramatiese atmosfeer. Dit gee ook ’n warm gevoel op koue wintersdae.” STOEP Die kuierstoep met sy Indonesiese bank en stoele loop uit die sitkamer. Francoisnette het die kis, waarin ’n sonligstelsel verpak was, omskep in ’n koffietafel deur wiele onderaan te sit. SITKAMER Die bestaande sitkamer is vernuwe met grys vloere en ligte mure, asook ’n treffende antieke Indiese voordeur (oorkant). “Ek het die pragtige ou deur gekoop om aan die huis ’n…

HUIS WIE WOON HIER? Herman Lensing en Wilmer Müller en hul twee honde, Magda, ’n goue apporteerhond en Frans, ’n GoldendoodleWAAR Welgemoed, Kaapstad GROOTTE 271 m² KOMBUIS Nadat verskeie binnemure uitgebreek is, is die kombuis nou deel van die oopplanleefvertrek. Die hele huis is immers om die kombuis beplan – hoe dan nou anders met ’n sjef in die huis? Hoewel Herman nie lief is vir helder kleure aan sy lyf óf in sy dekor nie, voel hy heeltemal anders oor kleur as dit by kosmaak kom. “Alles wat met kos te doen het, moet kleurvol wees,” vertel hy. “As ek iets kook, dan kook ek dit in ’n rooi pot – of enige ander kleur, solank dit ’n helder kleur is.” Gevolglik is die kombuiskaste ook ’n fees vir…

WIE WOON HIER? Christelle en Piet van Wyk, hul kinders, Magreet (22), Willem (19) en Emma (18), asook Mango die Weimaraner en Frikkie die aanneemhond.WAAR Northcliff, JohannesburgGROOTTE 400 m² Toe Christelle en Piet in 2017 “sommer vir die pret” na ’n toegegroeide, onversorgde huis met turkoois fassies gaan kyk, het die modernistiese argitektuur subtiel met hulle kop begin smokkel. Dis immers hulle al twee se gunstelingstyl. Die huis is in 1966 deur die argitek E.W. Buchanan gebou – Christelle vermoed as sy eie woonhuis. Die skoon lyne van die ikoniese argitektuur, perfek noordelike oriëntasie en gehalte-afwerkings soos parketvloere het mettertyd al harder gepraat. Nietemin was hulle “effens paniekerig” toe hul aanbod aanvaar word. “Die twee slaapkamers wat ons drie kinders sou moes deel, was piepklein, maar gelukkig was hier genoeg…

DEKORATIEWE SEMENTAGTIGE BOLAAG Daar is ’n magdom produkte beskikbaar, in ’n verskeidenheid natuurlike kleure, waarmee ’n soliede betonbasis glad afgewerk kan word – onder meer dié van Cemcrete (hierdie foto), Technical Finishes, Paintsmiths, Coprox en Stucco Italiano. Die meeste vervaardigers beveel ’n goedgekeurde installeerder vir die taak aan. PRYS Tussen R215/m² en R700/m², afhangend van die vervaardiger en die dikte van die aanwending. In die meeste gevalle moet die oppervlak spesiaal voorberei word voordat die bolaag aangewend kan word. #1 SEMENT Sementvloere is nie net duursaam, higiënies en maklik om skoon te maak nie, dis ook prakties en vra die minimum onderhoud. HOEKOM SEMENT? Met soveel kleure en voorkomste beskikbaar, kan ’n sementvloer die apploustrekker in jou huis wees. Daar is deesdae talle opsies, en pryse wissel van spotgoedkoop tot…

Oop en toe Toe Arti Canaris, argitektoniese interieurkonsultant van Arti Canaris Design Solutions, haar huis in Simonstad opgeknap het, het sy ’n deel van die onderste verdieping in Airbnbverblyf omskep. Dié projek het ook ’n nuwe motorafdak met haar en suite-slaapkamer bo-op ingesluit. Die huis is buite-om beklee met gegolfde aluminiumplate, ’n materiaal waarmee Arti graag werk. “Dit pas mooi by die Suid-Afrikaanse Vloot se pakhuise in ons omgewing en gee die eiendom ’n geskiedkundige gevoel,” sê Arti. “Die donker kleur skakel ook so goed in by die omgewing dat ek nogal sukkel om my huis raak te sien wanneer ek op die strand loop en hiernatoe opkyk,” sê sy laggend. Aan die voorkant van die huis dra ’n lasergesnyde kantpaneel en hekke by tot die sterk argitektoniese karakter buite,…

HUIS WIE WOON HIER? Frané en Rossouw Labuschagne, hulle kinders, Joubert (amper 3) en Nina (9 maande), asook Zuzu die Labrador en Penny die skaaphondWAAR Wildernis, Suid-KaapGROOTTE 60 m² STRUKTUUR Wat ’n enkelmotorhuis sou wees, is nou die sjarmante klipkothuis waar die Labuschagnes en hul twee kinders woon. “Ek moes my droom van ’n dubbelmotorhuis laat vaar omdat ek dit nie oor my hart kon kry om ’n mooi ou inheemse boom aan die suidekant te fel nie,” sê Rossouw. Die hardepeerboom (Olinia ventosa) toring regs van en bo die huis uit. Frané se pa, Jan Els van Hout Carpentry, het die pragtige motorhuisdeure as geskenk vir die paartjie gemaak. As voordeur is dit nou Frané se gunsteling-deel van die huis, en “ ’n kunswerk wat al my verwagtinge oortref…

WIE WOON HIER? Justine en Richard Bosman en hul katte, Prince Harry, Pumba, Princess Fleah en dié se kleintjie, RockyWAAR Bo-Kaap, KaapstadGROOTTE 210 m² KOMBUIS Die ingang na die huis is verskuif na die kombuis, waar nuwe swart kaste inskakel by die monochroom voorkoms wat deur die hele ruimte heers. “Danksy al die werkspasie wat ons eiland bied, is kosmaak net ’n plesier,” sê Richard, en voeg met ’n knipoog by dat hy elke aand “op kort kennisgewing aangesê word” om te kook. Wanneer mens ’n heldergroen-enoranje gebou koop wat voorheen die kantoor van ’n Duitse grufilm-vervaardiger was, moet jy jou maar regmaak vir ’n angswekkende opknap. “Maar die uitsig oor die stad was onweerstaanbaar,” verduidelik Justine Bosman. Sy en haar man, Richard, het die dubbelverdiepinggebou in die geskiedkundige Bo-Kaap…

DIE EIENAAR Pieter HoffmanWAAR Carnarvon, Noord-Kaap-KarooGROOTTE 150 m2 met ’n stoep van 19 m2 STOEP Die ou sementstoep se vloer is met Duram Flexement opgeknap en met Woodoc 45 verseël. Vir Pieter is dit ’n wenresep wat hy by al sy eiendomme gebruik. SITKAMER Die turkoois verfkleur vir die mure is spesiaal vir Pieter gemeng nadat hy met Nadine Vosloo van Tjhoko Paint beraadslaag het. “Dit skep lewe en energie. Kyk net hoe tel dit die kleure in die Tretchikoffwerke op,” sê hy. Die ballampe en meubels is tweedehandse kopies by inwoners van Carnarvon. “Dit was oud, maar van die meubels was nooit gebruik nie,” vertel Pieter nostalgies. Pienk mat van Takealot In Carnarvon se mooiste straat parkeer ek en die fotograaf, Greg, voor nommer nege. Hier, in Kerkstraat, het…

WENKE WAT WERK 1 Daar’s ’n TV in so te sê elke leefvertrek. Maar terwyl dit nie aangeskakel is nie, vorm dit net ’n groot “swart gat” in jou dekor! Oorweeg dit om jou TV-stel te kamoefleer met slim dekortruuks: Ontwerp ’n galerymuur rondom die skerm; voeg ’n rak by waarop ornamente en plante die voorkoms kan versag, of installeer treffende plakpapier wat die aandag daarvan sal aftrek. 2 Sorg dat enige venster wat inkomende lig op die TV-skerm weerkaats, ’n gordyn of blinding het wat sodanige lig sal blokkeer – vernaamlik wanneer jy bedags voor die kassie sit. 3 Versteek daardie kabels wat die sein na jou TV bring as jy ’n tradisionele skottel gebruik. DStv bied deesdae ’n stromingsdiens; belê dus in ’n slim-TV indien jou begroting dit…

WIE WOON HIER? Karin Cronjé en haar drie Yorkshire-terriërsWAAR FranschhoekGROOTTE 247 m² INGANG Kaggelhout op die stoep verklap iets van die geselligheid en rustigheid wat anderkant die voordeur wag. Karin het die draadkas jare gelede op Riebeek-Kasteel gekoop en dit al verskeie kere gespuitverf en herbenut. Stoepteëls van CTM KOMBUIS Karin het ’n moderne oopplankombuis in die leefarea geskep deur van die kombuismure uit te breek. Nou laat nuwe aluminiumvoudeure en -vensters die lig in die huis instroom en word die agtertuin deel van die binnekant. Die stoele het Karin self gemaak van rame wat sy gekoop en met Hammerite gespuitverf het. Die houtsitplek en rugleuning is ook haar handewerk. Karin Cronjé erken sy is ’n gewoonte-opknapper. “Ek het in ’n huis grootgeword met ’n pa wat alles self gedoen…

WIE WOON HIER? Lefras UysWAAR Birdhaven, Johannesburg GROOTTE 123 m², met ’n stoep van 9 m² en tuin van 75 m² SONKAMER Dié ruimte is nou die lekkerste kuierplek in die winter. “Omdat die vertrekkie so klein is, het ek die mure en plafon dieselfde kleur geverf. Die muurkleur het begin as Duram se Luscious Lemon, verduidelik Lefras. “Maar dié verfkleur was te helder en ek het die amper vol blik verf teruggeneem na Build It in Craighall Park. Ek wou ’n mosterdkleur hê en hulle het die geel gemeng met Grecian Gold van Plascon. Dit kom toe groenerig uit. Maar nou is ek gek daarna.” Sy ma het altyd die uitdrukking “sodat jou siel net kan rus kry” gebruik, vertel Lefras Uys. En noudat sy woonstel klaar opgeknap is,…

DIE EIENAARS Maret en Hannes Mouton, en hulle seun, Johan (5)WAAR Porterville-omgewing, Wes-KaapGROOTTE 44 m2, met ’n dek van 72 m2 BADKAMER Die ruim badkamer is agter die vraghouerhuis aangebou en het uitstekende daglig danksy deursigtige dakplate. Die struktuur bestaan uit ’n houtraam wat op ’n betonblad rus, en het veselsementpanele as mure wat binne met pleisterbord afgewerk is. “My vrou is baie lief vir ’n mooi dog eenvoudige badkamer,” sê Hannes. “Ons wou hê mense moet hier bederf voel, en dat hulle een met die natuur is.” SLAAPKAMERS Deur die standaard-badkamer prys te gee wat normaalweg by die voltooide vraghouerhuis ingesluit is, kon die Moutons twee ewe groot slaapkamers kry wat elkeen ’n skuifdeur na die dek het. “Ek wil nie hê twee paartjies wat saam vakansie hou moet…