Innholdsfortegnelse for November 2024 i Tuis

As kind het ek graag ge-body surf – met my pa voor in die koor met hande lank voor hom uitgestrek. Hy het golf na golf gery, en soms het die bloed geloop soos die skulpe sy bors krap, maar sy glimlag was wyd en oop. As tjokkertjie was ek natuurlik kort op sy hakke, maar sekere vaardighede neem tyd, en soms het ’n brander my dubbel gevou. Bene doer, arms daar, met seewier in my hare en seesand tot in my onderbroek. Die afgelope week het ek weer so gevoel, maar die see was nie in sig nie. Dit was spertyddag en daar was voorleggings en videoprojekte en ’n belangrike prysuitdeling in die Boland en saam met dit als ’n toespraak in Johannesburg by ’n kongres, met lughawes en…

Die kleur van botter Ons hou baie van Concrete Corporation se nuwe muurgemonteerde Sophia-wasbak (R10 330, swewende stutarm ingesluit, concretecorp.co.za) in botterkleurige Tuscan Sun. Die elegante groefwerk en halfmaanvorm (500 mm L x 450 mm B x 150 mm H) met sy sjiek spatpaneel (330 mm B x 500 mm H x 27 mm T) maak dit ’n klassieke fokuspunt in enige badkamer. ONTHOU DIT! Die Napierse kunstenaar Alex Hamilton bied ’n driedelige kunsgeleentheid aan by The Gallery by Glen Carlou in Simondium. Dis van 24 November tot 2 Februarie 2025. Jy kan uitsien na sy solo-uitstalling, 30 Years of Arting Around (A Redo-spective), ’n groepuitstalling waarvan hy die kurator is, Dream Dream World: The Morpheus Mash-Up, en die bekendstelling van sy geïllustreerde outobiografie, Arting and the Subsequent Shenanigans of…

VERFRIS JOU STYL 25 praktiese en slim idees om jou verbeelding te prikkel wanneer jy jou eie gerieflike, stylvolle buite-onthaalplek beplan. 1 Verleidelike kurwes Ons is verlief op dié binne-buite-kuierplek in St. Francisbaai in die Oos-Kaap. DMV Architecture se ontwerp en die oprigting deur die eienaar-bouer kry volpunte. Kyk net die organiese vorms van die geronde betonafdak, die kurwe van die muur by die braai, silindriese skoorsteen en pizza-oond. Geronde vorms, wat tans baie gewild is, gee sagtheid aan die ontwerp. 2 Vloeibare beweging Skuifdeure wat netjies terugstoot in die muur gee ’n vry vloei tussen die binnebraai en die buitestoep. Anders as stapel- of voudeure neem hulle geen plek in beslag wanneer hulle oop is nie, dus is daar ’n gevoel van groter ruimte. Hulle kan ook net deels…

E-pos jou opknap na kenners@tuis.co.za. WIE WOON HIER? Christine Strutt, Jacques Theron en hulle kinders, Sophia (8) en Noah (4)WAAR? Welgemoed, KaapstadGROOTTE 450 m² BUITEKUIER Eie aan ’n huis wat in 1972 gebou is, is hier gehalte-afwerking soos handgemaakte staalrelings deur vakmanne en vollengte-vensters wat net die regte hoeveelheid noordelike son inlaat. Die argitek Chris de Hart het die staalwerk aan die buitekant soos ’n ingenieur benader: Dis hol sodat water van die dak na die tuin dreineer en geen besproeiing of watertenks nodig is nie. Die oorgroot dagbed is oor ’n ingeboude bedding gebou en word op mooi somersaande ’n kuierplek waar die hele gesin lê en sterre kyk. ’n Silo-struktuur (onder) langs die hoofslaapkamer versag die andersins reguit argitektoniese lyne. Hier is ’n trap ingebou wat die hoofslaapkamer…

Eenhap-tjoppies met boontjieslaai Onder R350 • Genoeg vir 4 • Voorbereiding: 30 minuteGaarmaaktyd: 15 minute • 8 klein lamstjoppies (lende of rib)• 15 ml olyfolie• 5 ml elk fyn koljander en komyn• 5 ml suurlemoensap SLAAI • 250 ml quinoa, afgespoel en gedreineer• 500 ml hoenderaftreksel• 1 blik (400 g) botterbone, gedreineer• 1 klein rooi ui, gekap• 100 g gemengde neute, sade en gedroogde bosbessies• 30 ml suurlemoensap• 60 ml gekapte pietersielie• 15ml gekapte vars dille• 200 g groenboontjies, gaar gestoom en kleiner gesny• 45 ml olyfolie• 100 g feta• 2 klein koppe Cos-blaarslaai, in blare gebreek en goed gewas 1 Sit die quinoa en aftreksel in ’n kastrol en bring tot kookpunt. Draai die hitte laer sodra dit kook en laat prut bedek tot al die water geabsorbeer en…

AGTERBLAD Soms verlang hy na Sielkunde, verklaar my jong vriend Jacques onlangs op een van ons vroegoggendse drafstapoefensessies hier in die buurt. Siélkunde, vra ek, verbaas. Hy’s nie die soort ou wat jy met kopdokters assosieer nie, met derms uitryg en ou-trane aftel nie. Hy’s van die rustige, uitgesorteerde soort. ’n Suksesvolle fiksheidsafrigter en suffelste dan-swartbelt-karate-sensei. En die pa van twee seuntjies van agt en tien. Ja, sê hy en rek sy sewemylstreë, hy verlang spesifiek na sy oorlede ma se Sielkunde. Dit was destyds haar slaanding se naam. Sielkunde. “Daardie tyd,” vertel hy, “was daar nog goed soos ’nee’ en ‘stop dit’ en ‘bly stil as ’n grootmens praat’. En as ons nie geluister het nie, het ons gevoel. As Ma en Sielkunde om die hoek kom, het ons…

’n Bed vir Anna Bet Lorette Slabber van die Paarl skryf Ons babadogter, Anna Bet, is op pad en natuurlik moet sy haar eie kamer hê. So besluit ek toe om ons TV-kamer oor te doen vir haar. Daar was ’n kaggel in die hoek wat ons geskuif het na ons nuwe TV-kamer. Die mure was swart geverf en dit het ’n hele paar lae wit verf gekos om te bedek! Die plafon het ons pienk geverf en die ligte se drade rooi gespuit. Die res van die meubels het ons alles net rooi geverf. Almal het ingespring en gehelp met al my idees – van my seuntjie wat help bokkoppe spuitverf het tot my man wat geboor het en my ma wat die kussings en gordyne gemaak het. Die…

VERSKAFFERS EN KONTAK Block & Chisel blockandchisel.co.za Coricraft coricraft.co.za Douglas & Douglas douglasanddouglas.co.za Fieldbar fieldbar.co.za Hertex Haus hertexhaus.co.za India Ink indiaink.co.za Mr Price Home mrphome.com Mungo mungo.co.za Patio Warehouse patiowarehouse.co.za Pedersen + Lennard pedersenlennard.co.za Skinny laMinx skinnylaminx.com Superbalist superbalist.com Woolworths woolworths.co.za Yuppiechef yuppiechef.com…

In 2019 het die Tuis | Home-span met die blink gedagte vorendag gekom om ’n platform te skep waar lesers met hul gunstelingruimtes in hul huise kan spog sodat ander dit ook kan geniet. Ons het dit die Rookie Stylist-kompetisie genoem en jaar ná jaar duisende inspirerende inskrywings ontvang. Nou is die kompetisie terug met ’n nuwe vennoot: Fired Earthverf. En ons kon geen beter pasmaat gevra het nie! Soos ons almal weet, is ’n mooi gestileerde ruimte een ding, maar die agtergrond kan dit maak of breek. ’n Leksel Fired Earth-verf kan die perfekte toon aangee vir ’n asemrowende vertrek. Welkom by die nuwe Fired Earth Rookie Stylist Challenge ! Fired Earth, eksklusief beskikbaar by Builders, bied ’n groot kleurverskeidenheid wat die sintuie sal behaag. Maak nie saak of…

’n Groen ‘vertrek’ Rhys en Meg Ralph se huis in Parkhurst, Johannesburg, is ’n wonderwêreld van ruimtes wat ineenvloei. Dié knus binnehof, wat oorloop van welige plantegroei, sluit aan by die TV-kamer, en word ook met ’n daktuin verbind deur ’n spiraalvormige trap. “My idee was om al die mure groen te maak,” sê Meg, ’n binne-ontwerper. Met dié doel het sy kruipvy (Ficus pumila) en Virginiese klimop (Parthenocissus quinquefolia) geplant. Die tafel staan sy plek só stewig vol dat dit lyk asof dit nog altyd hier was. “Die betontafel is van Builders Merchant en weeg meer as 600 kg, so hier gaan dit bly!” sê Meg met ’n lag. Genoeg werkplek Nadat hulle saam met hul dogter, Lily, hier ingetrek het, het die Ralphs begin veranderings maak – ’n…

LESERHUIS WIE WOON HIER? Adriaan du Plessis WAAR Waterkloof, PretoriaGROOTTE 700 m² Van die ou Toskaanse boustyl is daar niks oor na dié woning uit die negentigs behoorlik onder hande geneem is nie. Danksy ’n grootskaalse opknapprojek spog die ruim huis in die boomryke woonbuurt Waterkloof in Pretoria deesdae met ’n moderne baadjie – buite én binne. Adriaan, ’n prokureur, is immers al ’n gesoute regrukker – dit is die derde huis wat hy opknap en sy vorige projek het juis in 2021 in Tuis Opknap verskyn. Dié keer hoop hy wel om nie gou weer te trek nie. “My vorige huis is in dieselfde woonbuurt en ek hou van die area, want dit is veilig, stil en gevestig met groot ou bome, huise en tuine,” vertel Adriaan. “My doelwit…

E-pos jou vrae na kenners@tuis.co.za. Ontmoet die ontwerpers Erfenisontwerp in die kontemporêre huis Die dinamiese tweemanskap agter Pedersen + Lennard, James Lennard en Luke Pedersen, het mekaar in Kaapstad ontmoet as studente in industriële ontwerp. Eenvoudige lyne, ’n tydlose estetika en die land wat hulle trots hul tuiste noem, het die vriendskap gesement en in 2008 het hulle saam die besigheid begin. “Ons meubels en huisware word onder een dak in Kaapstad vervaardig en is wêreldwyd gesog,” vertel Luke. “Ons het die begrip ‘Afro-Scandi’ geskep om ons stukke ten beste te beskryf: skoon lyne, klassieke ontwerpe en helder spatsels kleur. “Baie van dit wat beskou word as Suid-Afrikaanse erfenis-ontwerp is beïnvloed deur ambagsmanne van oor die wêreld wat ’n draai hier gemaak of hulle hier gevestig het. Elk het ’n…

RAAD E-pos jou vrae na troeteldiere@tuis.co.za. WEN! Die eienaars van die diere op die foto’s wen elk ’n R500-geskenkbewys van Petshop Science (petshopscience.co.za). Kry alles wat jou troeteldier nodig het onder een dak by Petshop Science waar kundige winkelassistente jou sal help om die regte keuse te maak. Jou eerste keer as ouer van ’n troeteldier? Jy sal dus alles wat nodig is om jou nuwe hondjie of katjie gesond te hou moet aanskaf. Daarby moet jy ook ’n gerieflike ruimte skep waar hulle kan groei en gedy. Petshop Science is ’n eenstopwinkel waar jy al die basiese dinge in ’n japtrap kan kry: kos wat by hulle ouderdom pas, bedjies en komberse, speelgoed om hulle aktief en gestimuleerd te hou, en hulpmiddels om hulle te help aanpas by hul…

Gevulde eiers met tuisgemaakte spekmayonnaise Van retro-partytjiehappie tot moderne treffer – die geheim lê alles in die opdiening van dié gevulde eiers as deel van ’n BLT-slaai. Genoeg vir 24 happiesBereidingstyd: 35 minute • 12 hardgekookte eiers• 24 groen blaarbakkies (gebruik bros Cos-blare)• 1 groot ryp tamatie of ’n hand volkersietamaties, in skyfies gesny• 200 ml croutons, tuisgemaak of gekoop• 60 ml gerasperde parmesaankaas SPEKMAYONNAISE • 200 g spekstukkies• kanola-olie• 3 eiergele• 7,5 ml Dijon-mosterd• ’n halwe toontjie knoffel, fyngekap• ’n knippie sout en peper• 15 ml rooiwynasyn• ’n ruim skeut brandrissiesous 1 Braai die spek vir die mayonnaise in ’n skeutjie olie tot bros. Die idee is dat die vet lekker uitbraai. Dreineer die vet in ’n maatbekertjie en vul aan met canola-olie tot jy 180 ml het. Hou…

BEDERF-OASE De Tafel is ’n deftige uiteetplek (waar net aandete bedien word) by die Palm House Boutique Hotel and Spa in die boomryke Wynberg in Kaapstad. Sjef Gregory Henderson put sy inspirasie uit die inheemse flora en geure van die Kaap vir sy spyskaart (’n plantgebaseerde opsie word ook gebied). Besoek palmhouse.co.za vir besonderhede. GROOTTE TEL NIE Die Ziipa Piana Pizza Oven (op die foto in Terracotta; R8 999, bash.com) beloof die lekkerste pizzas! Die kompakte grootte maak dit perfek vir klein patio’s en omdat die pote kan opvou, is dit maklik om te bêre. Eksklusief by @home. DEK DIE DIERE Kyk net die merinoskaap, angorabok, Nguni-koei, volstruis en borderkollie bymekaar! Dis Kelly Jackson se A Karoo Farm-plekmatjies gemaak van melamien en kurk (R200 elk, kellyjackson.co.za) NUWE KOSBOEKE • Do…

GEÏNSPIREER DEUR DIE NATUUR Die Mystic Ocean Gloss Krystalporseleinteël (900 x 1 800 mm) uit Italtile se eksklusiewe reeks is ingevoer uit Italië. Die noukeurig saamgestelde reeks spog met ’n gewaagde nuwe aanslag op die tradisionele marmertema. Die XXL Mystic-reeks is geïnspireer deur lyne wat in die natuur te sien is – landskappe, seelandskappe en droomlandskappe – en is beskikbaar in vier herverbeelde kleurskemas. Kry joune vanaf R1 350/m², eksklusief by Italtile. STYLVOLLE MURE Gee jou leefruimte nuwe lewe met die Funky Tiles Look in ’n liggrys mat afwerking (50 x 500 mm). Hierdie ultragladde, superdun keramiekteël is perfek om jou huis se binnemure stylvol te versier. Dit is eksklusief beskikbaar by Stiles in ses asemrowende kleure en kos R890/m². Dit is die allerbeste kombinasie van nuwerwetse flair en tydlose…